وضعية المينول

[قحشة حلاو]

ادري بتقولون غاتنا بمواضيعتس هالايام ولا تعرفين تصورين بالمينول:D
بس مايخالف لكل انسان هفواته:D
مشكلتي اني اذا اجيت اصور بوضع الm تطلعلي الصوره سودا مافيها ملامح
انا اصور الحين بوضع الP بس من خلال قرايتي لمواضيع التصوير قريت انه افضل شي انك تصور على الm
وعندي سؤال الحين شالفرق بين M وP يعني مو كلهم نقدر نظبط الايزو وفتحة العدسه بانفسنا ولا
وكيف اقدر اصور صوره بالوضعm من دون ماتطلع الصوره تكرونيه:D

وشكرا لكمbp039

[Night4]

لكي تكون الصورة فاتحه

اشغلي الفلاش او زيدي حساسية التصوير Iso أو زودي فتحه العدسة

وضع P سرعه الغالق تكون كبيرة

[Criminal Mind]

فيه فرق بين الـ M و الـ P ..

الـ P : إذا حركتي الفرار اللي عند زر الشتر تتغير فتحة وسرعة الشتر بنفس الوقت ..

أما الـ M : كل واحد لحاله .. إذا حركتي الفرار لحاله يغير لك سرعة الشتر بس ..

أما إذا غيرتي الفرار وضغطتي بنفس الوقت على زر ( Av+- ) يغير لك فتحة العدسة ..

فايدة الوضع الأول P إنه يعطيك تعريض مناسب لا هو زايد ولا ناقص ..

أما فايدة الوضع الثاني M إنك تقدرين تتحكمين بتعريض الصورة سواء كان مناسب التعريض وإلا ناقص التعريض أو زايد التعريض ..


عشان ما تطلع الصورة مظلمة ..

أوزني سرعة الشتر وفتحة العدسة وخلي المؤشر اللي على الشاشة قريب من الصفر ..

كل ما كان المؤشر ( اللي لونه أحمر بالرسم في المرفقات ) قريب من الصفر كل ما كان أفضل ..

أما إذا كان المؤشر رايح لجهة الـ + راح تكون الصورة ساطعة وإذا راح المؤشر لجهة الـ - صارت مظلمة ..

[R I A N]

حياك الله قحشه

ماشاء الله الاخوان ماقصروا لكن احب اضيف ان وضعيه الـ M ماراح تفيدك كثير اذا كانت الاضاءه تتغير باستمرار يعني تصورين اخر العصر وتبين اضاءه موزونه الـ M راح تضطرين تغيرين بأعداداتها كل شوي لكن لو كنتي باستديو او داخل البيت والاضاءه عندك مضبوطه ماراح تتغير تقدرين تضبطين اعداداتك على كيفك .

لذلك عندك وضع Av هذا تقدرين من خلاله تحكمين بفتحة العدسه والايزو والكام نفسه يختار لك سرعة شتر مناسبه وهو مفيد جدا بصراحه عشان تكون عندك الاضاءه موزونه خصوصا بالتصوير بالنهار وحتى لو تغيرت الاضاءه الكام تغير سرعة الشتر من نفسها .

اما وضع Tv نفس الوضع الي قبل لكن هنا انتي تحكمين بسرعة الشتر والكام يختارلك فتحة العدسه .

موفقه

[قحشة حلاو]

مشكورين جميعا
night4
اعترفلك
rian
كل الي قلتوه ماكنت اعرفه
الحين فهمت وبجرب اسوي الي قلت اخ اعترفلك واشوف

شكرا