مايؤرقنا // ورقةأخـرى من المؤرقين " تحتاجكم "

[مايؤرقنا]

http://up.eqla3.com/up/get-11-2007-e7ehg609.gif


مساكم ~ صباحكم " خيــر "



\



أعــزائي أعضاء وعضــوات أســرتنا ,


( مــايؤرقــنا )


تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,


mayoaregona@hotmail.com





{ المشكلـة ~



السلام عليكم ياهل الاسره
عندي مشكلة لإنسانه مسكينه وحابة آخذ رايكم فيها
الانسانه هاذي من كان عمرها 3 او اربع سنوات اصيبت بمرض الصرع واستمر معها الى اليوم
والبنت في بداية حياتها قبل المرحله الثانويه كانت متفوقه في اللغات وكانت لها هوايات كثيره
طبعا البنت هاذي كان لها صديقات بالمرحلة الثانوية وتزوجو اغلب صديقتها في هاذي الفترة حتى الي اصغر منها تزوجو
البنت طبعا ماتحملت هاذي الصدمة او الصدمات المتتاليه وجاها مرض نفسي بالاضافه الى الصرع
واصبحت مشكلتها مزدوجه
أهلها ماخلو طبيب في السعودية أو خارجها الا استشاروه في حالتها لكن ماصار اي تقدم ملحوظ
والبنت فشلت في دراستها الجامعيه وماقدرت تكمل مع ازدياد اعراض المرض النفسي ( فصام)
بعدها جابو لها مشايخ يقرون عليها وصارت تمر بحالات غريبه فوقفو عنها القراءه واصبحت تاخذ العلاجات الطبية
وكل مامر الوقت البنت حالتها من سيء الى اسوء
وهاجسها ليل نهار انها تبي تتزوج وهي عمرها على ماعتقد 32 سنه
من تصحى الى تنوم وهي تسأل امها وأخواتها وأخوانها متى يجي حظي ونصيبي ومتى انشفي
وحالتهم حاله معها مايدرون ويش يسوون مالهم الا يدعون ربي
البنت الان وصلت لمرحله انها زي الطفله يعني مثلا
في اللبس والاكل وغيره لازم احد يوجهها انها تسوي كيذا ولاماتسويه من نفسها
الصلاه مثلا والصوم ممكن تصلي وتصوم لكن ساعات تصلي وهي ساكته وممكن تصلي ركعه وتقضى طبعا في حالتها يعتبرون انه مرفوع عنها القلم لانها ماتتحمل ضغوط وسبق جاها حاله وسواس قهري الي تصلي وتتوضى طول اليوم وكل يوم تقول لاهلها ان ربي بيحطني في النار
لما تتكلم ماتتكلم جمله وحده مفيده او واقعيه يعني مثلا مجموعة كلمات متقاطعه مابينها اي ترابط
لكن احيانا تعرف تعبر عن الالم او عن احساس معين
تفهم اذا احد قالها سوي كيذا وحطي كيذا
وساعات تحس ان الي تفهم هالاوامر شلون تقول مثل هالكلام الخرابيط
وصلت لمرحله انها تقول لاهلها ادعولي اصير من اهل الجنه ادعو لي ربي يجيب لي الف زوج
تسال اهلها تقول كلمتو ربي يشفيني ويرسلي خطاب ليش تتكلمون فيني عند ربي اخاف ربي يحسبني متزوجه وانا ماتزوجت
ومرات تقولهم قلو لربي يخلي عيوني زرق واصير زي صفات اهل الجنة
اذا سمعت صوت عالي او تلفزيون تجيها زي حاله الجنون الي تحس ان احد جالس يشتمها ويجلدها
وتسمع اصوات غير حقيقيه يعني تجي تقول لامها ليش تسبيني وتقولين فيني هالكلمة؟
بشكل عام هاجسها ليل ونهار الزواج
أهلها جدا محتارين قلبهم يتقطع على البنت ويقولون ودنا تتزوج اليوم قبل بكرا
وفي نفس الوقت من يرضى ياخذها خصوصا ان حالتها مزدوجه صرع وفصام وان في بنات مافيهم الا العافيه مانجحو بزواجهم
وفكرو انها لو تزوجت وحملت خطر عليها لانها لايمكن توقف علاج الصرع او العلاج النفسي ومايجتمع هالعلاج مع حمل
وفرضو انها لو جابت اطفال من بيربيهم وهي مو قادره تتحمل مسؤولية نفسها
بصراحه اقترحت اقتراح قلت ليه طيب ماتسألون عن أحد يكون عقيم مثلا ومريض بالصرع ممكن ينفع مو شرط تكون هي زوجه اولى على الاقل زوجه ثانيه ثالثه مادري بس يعني يمكن سبحان الله لو تزوجت ربي يعافيها

انتم وش رايكم في الموضوع تحسون ممكن احد يقبل فيها وين ممكن نلقا حاله مثلها او متبرع يقبل بهذا الوضع؟
تشاركوني رايي ولا تشاركون اهلها رايهم ؟
ولا وأخيرا الاهل مسلمين أمرهم لله
ومؤمنين ان كل شي بيد الله
أعذروني اني كتبت الموضوع استشيركم مهوب شرط القى حل بس على الاقل ودي احس اني قدمت شي لهالبنت الضعيفه او سعيت في استشاره ان ماكسبت منها شي ماراح اخسر
وودي اسأل سؤال هل عندنا مركز تأهيل لمثل حالتها يعني ممكن يأهلونها انها تكتب ترسم تتابع تلفزيون تقرا لأن كل هالاشياء ماعندها اي قدره انها تسويها

والله يعطيكم الف عافيه





تم نقل المشكلة بواسطة الأخت : طنط فتكات bp039
. . . منتدى الأسرة . . .

[حلا اهلي]

سبحان الله .. فعلا الدنيا ابتلاء

الي حزّ بخاطري انها كانت بالقمه ووصلت لمرحله ضيقت صدري ....

طيب ماعليه على التساؤل بس وين اهلها لما كانت ماتشكي الا من الصرع ...!!! ليتهم وقتها فكروا بحلّ تزوجيها من شخص يعاني من نفس مرضها

لا حول ولا قوة الا بالله .. الي صار صار ولا ابي الوم الاهل الان

لكن الي محيرني هل بيلقون متبرع لمثل حالتها ..!!

او حتى ممكن تشفى بعد ما تتزوج ..!!


يمكن الاهل نظرتهم واقعيه يا طنـط .... :( ,,,, والاكيد انو فيه مراكز تأهيل لمثل حالتهـا

احاول اسأل لكـ ناس متخصصه بهالشئ .. والله ودي اساعدهـا :(


الله يهوّن على اهلها ويشفيها قادر ياكريم :( pb189

يعطيكم العافيهـ يالاسرهـ .... bp039 ويعطيك العافيه يا طنط pb189 bp039

[بنت شارع عسير]

بختصار لكثير من تساؤلاتك
وضع البنت لن يصلحه رد أحد من الأعضاء
يعني
تحتاج ودون تفكير لطبيب نفسي
وتحتاج لعلاج مكثف
الأمر صعب جدا
ومثل هذه الأمور صعب ياأختي
نعطيك رأي فيه
الله يرفع عنها مابلاها وشكر لحرصك
على طرح هذه المشلكةbp039

[لافندر]

: ( حاجة تبكي والله

ألله يلطف بحالها . .

شوي أفكر إنه لو يودونها لطبيب نفسي وممكن تتحوّل لمصحّة
شوي أفكر إنها ما وصلت لدرجة إنها تروح مصحّات !

ما أعتقد إنه الزواج حلّ وممكن تتعب أكثر لأنه مين بيقبل وحدة كذا حالتها !

الله يكون بعونها ويريّحها من الي هي فيه : (

[خـــيشة نـــوم]

للأسف اي مرض نفسي في بداياته يمكن علاجه .. لكن الاخت هذي وصلت حالتها للانفصام و الانفصام ماله علاج ! يمكن انها تصير اكثر توازن لكن علاج تام ما اعتقد ..

انتم وش رايكم في الموضوع تحسون ممكن احد يقبل فيها وين ممكن نلقا حاله مثلها او متبرع يقبل بهذا الوضع؟

وشو متبرع ؟ الدعوا مهب دم او كبد ..

مافيه رجال عاقل يقبل بوحده تصلي ركعه وحده و تصارخ و معها انفصام بالشخصيه ..

الله يشفيها و يعافيها و يرفع عنها ..

[في صمتي جروح]

سبق رديت على المشكله

بس حبيت اهنيكم على فكرة يوزر مايؤرقنا

[dbdooob]

:(

أختي البنت اللي تتكلمين عنها اعراضها مرض الفصام وهو من أسوأ الامراض العقلية (الله يكافينا الشر :( )
المرض هذا ثمانية انواع على ما اذكر وصاحبها عادة يجيه هلاوس سمعية او بصرية مثلا يقول الملائكة امرتني اسوي كذا او الشيطان اي شئ ممكن يخطر على بالك
تكلفة علاجات المرض هذا تصل الى 100 ألف ريال سنوياً
زيادة الى ذلك مرض الصرع اللي عندها :(


الغاية من كلامي اني اوضح لك حالة البنت مو السالفة زواج هي عندها مشكلة ومستحيل تتحمل بيت والاهم من كذا انها تنجب في وضعها الحالي

مافيه حل سوى العلاج الدوائي والنفسي والقراية زينه بعد ويتثقفون اهلها اكثر عن مرضها
وصدقيني مافيه شئ بيفيدها غير هالاشياء

الله يشفيها يارب :(

[نايم]

المشكلة في هذي البنت انه لم يتم معالجتها علاج صحيح
والعلاج في مثل ها الحلات المتأخره ينقسم ل شقين

1- علاج با الادويه الطبية وخلافه ل حل مشكلة الصرع ومعرفه الاسباب المؤديه ل ذلك

2- السبب الثاني علاج نفسي ومعنوي وتأهيل لها لكي تواكب المجتمع والناس

وهذا هو اهم علاج لها من حديثك ل القصه
وتتم فيه مراحل
اول شئ يرحون للدكتور وياخذون تفاصيل ملافها الطبي ويقلون للدكتور المعالج انه بيعرضونه على دكتور نفسي
وبعدها يروح شخص من العائله للدكتور نفسي يكون على خبره
طبعا في هالمرحلة مايقلون للبنت
ويقلون للدكتور وضعها الصحي والنفسي اللي صاير بالبيت
وبعد مايدرس الطبيب النفسي وضعها الصحي والنفسي يطلبها تجيه بالعياده النفسيه
طبعا الطبيب يقول لكم قول للبنت انكم عرضتوا الملف او انه اول مره يشوف حالتها

وبعد مايشوف الحاله بنفسه راح يوصف لها علاجات وراح يعطيها كلام واشياءتقوم سلوكها وتعدله ان شاء الله
وطبعا يفضل واحد من العائله يكون على اتصال مع الدكتور ولا تكون البنت داريه من وجه نظري الشخصيه اشوفه افضل عشان ممكن يطلب منكم اشياء ومعامله خاصه تعاملون للبنت في مرحله العلاج النفسي
المشكلة في المجتمعات العربيه كلنا نخاف من الدكتور النفسي والعياده النفسيه وفي الواقع كل انسان محتاج لها ومو الشخص اللي يروح عياده انه مريض نفسي او فيه خلل بالعكس هالشخص حس انه محتاج يتكلم ل شخص خبيروحب يستشيره

عشان كذا وانا اخوك احرصوا على البنت لا تضيع من بين يدينكم
والله يرفعها بالعافيه وعقبال ما تتزوج ويصير عندها كومت عيال

ولي رجعه للموضوعpb189

[! يزن !]

اولاً
شكراً على اتاحت الفرصه لنا كـ إعضاء في تناول قضايا .. لكي نكون يداً واحده .. وقلباً واحداً .. وعقلاً مفكراً واحداً

في مشكله الفتاه .. نعم نعلم ان ليس لها حل الا الدعاء لها ..
لكن مشاركه احبائنا في مايؤرقهم فعلاً عمل انساني ..
يؤخذ بطيبه القلب ..

انتم وش رايكم في الموضوع تحسون ممكن احد يقبل فيها وين ممكن نلقا حاله مثلها او متبرع يقبل بهذا الوضع؟

قال تعالى : ( ولاتقنطوا من رحمه الله )
مهما كان عظيم مرضها .. فلن يجليه الا خالقها .. ومالنا الا العمل بالأسباب ..
الدعاء لها .. الأخذ بيدها ..

بصراحه اقترحت اقتراح قلت ليه طيب ماتسألون عن أحد يكون عقيم مثلا ومريض بالصرع

عزيزي .. المسئله ليست مواجهه( اذا واجهت نار بنار اخرى كيف تبي تطفي النار)
صعبه نحملها مسئوليه .. اذا اهلها لايضمنون لها ذالك ..
وإن اتاها زوج فيه صرع ..!
لاينفع ان يكون إثنان ..
انما الحل بيد الله سبحانـه
واللهم اشفها مما ابتليتها .. وعافها وارفع عنها البلاء
----

[مقلعة ولكن]

قصة مؤلمة ...الله يشفيها ...

البنت حالتها صعبة جدا أعتقد تحتاج مراكز تأهيل وعلاج مستمر حتى هي ترتاح ...

ومسألة الزواج ..صعبة جدا لها لوهي على الصرع ممكن في أمل , لاكن الأنفصام ماأعتتقد حياتها بتمشي وممكن فشل زواجها يفاقم المشكلة أكثر...


الله يشفيها يارب ...

[حلـم بنـت]

الله يلطف بها وبالجميع يارب
لازم لها علاج صحيح / واهتمام نفسي اكثر من اهلها
الزواج ابدآ مو حل ! ولا نهايه مشكلتها : (

الله يشفيها ويشفي جميع مرضى المسلمين
ويجزاك خير ياطنط pb189



الاسره
........... عوافي pb189

[ابن عز]

الله يشفيها .. من جد حالتها صعبة وتضيق الصدر ..

بس وانا اخوك هذي الحل الملح الحين هو " العلاج " ولا شي غير العلاج .. أي شي ممكن يجي بعده .. ما اشوف ان الزواج مع حالتها هذي حل نافع ..

وللمعلومية ترى كل يوم يمر عليها بدون علاج جذري بتسوء حالتها أكثر وأكثر .. ولا راح يصلح لها انها تتزوج في أبسط حالاته ..

عموما ً إذا أهلها عندهم استعداد إنها تتعالج خارج المملكة .. في دكتور مصري شهير جدا ً .. اسمه الدكتور / أحمد عكاشة ..

هالدكتور أستاذ الطب النفسي بكلية طب عين شمس وأمين عام الجمعية العالمية للطب النفسي .. يعني شي له وزنه .. وشخصيا ً أعرف ناس كثير يتعالجون عنده .. ويكون له يد بالعلاج بعد الله تعالى ..

يا ليت أعرف منك الرد .. وربي يقدرني بحاول أساعدهم باللي أقدر عليه ..

وان شا ءالله ربي بيعافيها ..

مأجورة إن شاء الله على حسك الإنساني الراقي bp039

[طنط فتكات]

الله يجزاكم الف خير اخواني الي ردو في الموضوع السابق والي ردو الآن وتسلم يايوزر مايؤرقنا انا من زمان والله عن المنتدى فمادريت اني لازم ارسل لكم وتسلمون bp039



الي قالو المفروض تعالج عند طبيب نفسي

وماخلو اهلها طبيب نفسي في الرياض الا ودها له وهي الان تروح وتاخذ علاجات وكل الاطباء الي تروح لهم البنت مثل الي يقولون حالتها ميؤوس منها فصام واضح مالها الا العلاج




والي يقولون ان الزواج مهوب حل

انا ماقلت زواج مثل اي زواج عادي يعني البنت في بداية حياتها وقبل تسوء حالتها اكثر اهلها ردو عنها خطاب عشان حالتها ومايبون يغشون احد ولاكان زوجها من البدايه وبالطقاق تجرب وبس يعني البنت وش بتخسر اكثر من الي خسرته محرومه من حقها كبنت وانها تعيش حياه زي اي بنت لازم يصير عندها احتياجات يعني البنت الطبيعيه بتفهم وتصبر وتحتسب وبتعرف انها انسانه طبيعيه والله بيزوجها في اي وقت لكن البنت عارفه انها مريضه وفاقده الامل نهائي انها تتزوج يعني فيه فرق الي تنتظر نصيبها وهي عارفه ان مافيها اي عيب وفرق عن الي تنتظر الفرج وهي عارفه ان كلها امراض وغير هذا انا ماقلت انها ياتتزوج ولا خلاص انا بس اطرح فكره واشوف يعني اهلها ماحجزو قاعه وينتظرون يخلص الفستان الله يهديكم انا مجرد اني اخليكم تشاركوني وبس






حالة البنت
يعني يمكن البعض ياخذها على انها حاله مريضه ومرضها يخلي اي احد يتعاطف معه مهيب على هذا وبس البنت من خلقها ربي الى اليوم سبحان الله ماعمرها أذت احد بسخريه بكلام حتى يوم كانت طبيعيه كانت بنت على نياتها في المدرسه كانو البنات يضحكون عليها تعرفون حركات بعض البنات الي في المدارس تجي فيهم لعانه يصفونها انها غبيه بلها ممكن يجلسون يتمسخرون عليها اذا جت تتكلم وياليتها على معاناتها مع البنات وبس كانو بعض المدرسات نفس الشي لدرجه وحده منهم ضربتها كف وقالت ليه ماتنتبهين للدرس من نجاستها وربي راحم البنيه وقتها انها ماقد انصرعت في المدرسه وقدام احد وفي نفس الوقت ماكانو اهلها يبون يذيعون الخبر تعرفون مجتمعنا وكلامهم عقبها يقضى على مستقبل البنت وخصوصا قبل فتره النت والانفتاح كانو الناس ولازالو يعتبرون المصروع انسان فيه جني فتخيلو لو درو البنت وش بيصير موقفهم من البنت باختصارالي اقولكم قصتها أطهر من طفل مابعد اخطى يمكن الطفل يجي فيه لعانه وعناد هي لا .. ملاك بحياتها مااسائت لأحد كانت البنت مليانه احلام







أخوي ابن عز
تصدق بالله اني امس ابحث في النت وقريت عن نفس الدكتور وارجع للردود واشوفك كاتب أهلها ودهم يودونها للصين مهوب مصر وبس فاذا الله يعافيك تقدر تعطيني معلومات عن الدكتور وشلون يتصلون فيه ومكانه زي كيذا يعني فالله يجزاك الف خير ويوفقك ويسعدك يارب يمكن سبحان الله ربي ينفع به ويمكن ربي خلاني بعد هالسنين اكتب هالموضوع عشان تقولي على اسم الدكتور أنتظر ردك الله يرضى عليك bp039







أخوي بعيد الدرب
والله صدقت هالموضوع فكرت فيه بهالشكل وللمعلوميه البنت لها اخت مرافقه ومسؤوله عنها وعن علاجاتها وعن كل شي خوانها وخواتها متعاونين مره ودايم يطمنونها يعطونها الامل باي طريقه ويدعون قدامها بصوت عالي اما من ناحية زواج المسيار مدري الزاوج سواء كان مسيار او عادي بس شلون وين نلقى شخص يقبل بهالحاله عشان كيذا انا فكرت دايم نشوف مثل الصم والبكم يتزوجون من بعض وكيذا فقلت ليه مايصير مريض وبنفس الوقت عقيم مدري كلها افكار افكر فيها وحبيت اشاركم وعلى قولك هي تجربه وماراح يخسرون شي البنت ماراح تخسر اكثر من الي خسرته امين وياك يارب العالمينbp039







لانكوم
تسلمين ياختي على مشاعرك حسستيني انك معاشره البنت وشايفه حالتها وفاهمتها مثلي بالنسبه لبيبي هي مادخل في اهتماماتها ابد هي تبي تتزوج وخلاص زيها زي غيرها وفعلا ماحد يقدر يغير رايها يعني انتي منتي جالسه تقنعين انسانه طبيعيه تقولين لها وش تبين بالزواج حياتك كيذا افضل مهيب وحده مطلقه وطالعه من تجربه فاشله وتبي احد يواسيها وماقول الا امين يارب العالمين وينولك مرادك ياكريم جعل ربي يجزاك الجنه ياختي bp039








كرتونة غلا
طبعا ياختي زي ماقلت في الاول لو يعتبرونها انهم يخضعونها لتجربه وخلاص زوجها قبل يزيد مرضها وتصير هاذي حالتها واهلها يحاولون قدر الامكان مساعدتها لكن الاستجابه صفر يعطيك العافيه على المعلومات وباوصلها لاهلها يشوفون ويجزاك الله الف خير ويوفقكbp039






لوحه فنيه
يمكن مالقو الشيخ الي يرقي صح لكن نقولهم وعسى ربي ينفع به امين ويرزقك الذريه الصالحه







جهنون
هلا ياختي هدي اعصابك الله يعافيك الي يشوفك يقول اهلها مفصلين فستان العرس ومولمين البنت عند الباب بس وش جلسات ريكي الي تقولين؟ ممكن تعطيني معلومات اكثر ؟ والبنت بالرياض وتسلمين ياختي على تعاطفك وتفاعلك والله يجزاك الف خير ويوفقك يارب bp039






نجمة الشرق
اختي الله يعافيك منهو الشيخ الهاشمي وينه ساكن وشلون الواحد يوصله وبالنسبه للعلاج الي في المانيا هي عالجت علاج نفسي حسب كلامك ممكن اسم المكان ومعلومات عنه اذا عندك والله يعطيك الف عافيه بس عطيني الاهم وهو الشيخ الهاشمي شلون يوصلون له؟ والله يجزاك الجنهbp039






في صمتي جروح
هلافيك اخوي تسلم والله على تفاعلك مع المشكله تصدق بالله ياخي هي كانت تتكلم انقليزي اكثر من الامريكان ونطقها احسن منهم كانت متعلمه من نفسها كان عندها قدرات كثيره وكانت تبي تتعلم كمبيوتر وكانت طموحه بشكل وسباقه بشكل يعني الشي اول مايطلع هي تلقها سوته واذا جا عقب سنه تلقى الناس توهم يسوونه درست فرنسي بعد الحين لو تجي تسألها تقول لها وش معنى ووتر؟ تقولك ماعرف وتحس كأنك تسأل وحده عمرها ماعرفت شي عن الانقليزي حتى ممكن انها ترد عليك بعصبيه لو سألتها اي شي بالانقليزي اما الكمبيوتر والله هم ودهم اهلها بس المشكله البنت ماهي قادره يعني اول كانت مجنونه افلام تتابع وحريصه الحين يحطونها قدام التلفزيون يبونها تتابع وترجع زي شخصيتها الي قبل تجلس تناظر في الارض ولا تناظر في احد من اخواتها وتعلق النظرات عليهم يعني مافيه امل تتابع شي في التلفزيون اول كانت تقرا كتب انقليزيه الحين تجيب لها مجله ممكن تجلس في الصفحه الاولى وهي ماتناظر فيها وترمي المجله يعني مره رافضه واذا احد اجبرها انها تنسجم مع مجله ولا تلفزيون ولا كتاب تتنرفز وينقلب مزاجها قوه وماقول الا مثلك اللهم امين وجعلك تسلم ياخوي bp039








نجمة الشرق
هلا ياختي مره ثانيه زي ماقلت او اكرر انا يوم قلت زواج مابي تفهموني انه زواج عادي يمكن زي ماقل اخوي بعيد الدرب زواج مسيار يعني الشخص مهوب مكلوف فيها لكن يشبع عندها هالرغبه وتحس انها زي الباقين يمكن ساعتها ترجع طبيعيه زي اول يعني ساعات اهلها يحسون بالذنب يقولون يمكن فعلا هالشي يعالجها ونكون سبب في حرمانها منه تجيهم حالات زي كيذا من الي يشوفونه في حالتها وتسلمين عزيزتي زي ماقلتي اختبار






أخوي نايم
تصدق ياخوي ان الي قلته سووه اهلها وفوق هذا جابو دكتور نفسي في البيت ومع ذلك سبحان الله ماربي كتب انها تتعافى مادري هل هي من العلاجات غلط مع انها مابقى استشاري الا راحت له ولا الدكاتره مافهمو الحاله والشي العجيب انهم عطوها ادويه نفسيه بس ماتستجيب لها وفيه ادويه نفسيه سبحان الله لو خذتها سببت لها تشنجات وهي عندها صرع فسحبو منها الادويه الي تسوي لها تشنجات لان هي معها صرع وآمين يارب العالمين والله يوفقك ويسعدك








حلا اهلي pb189أأأأمين البنت يوم جاها مرض نفسي كانت في ثالث ثانوي يعني كانت صغيره على الزواج قبل ومكتوب سبحان الله يعني نقول لو ما لو لان كان وقتها حسب علمي يجونها ناس طبيعيين والاهل يردونهم مايبون يغشون عيال الناس وعلى امل ان مرضها يطيب وربي يعافيها ماحطو بالحسبان المرض النفسي والله وتسلمين ياختي عالفزعه لو ماجا الا كلامك الحلو يكفي والله يوفقك ويسعد يارب ويجزاك الجنه bp039







بنت شارع عسير
كلامك واقعي وانا يوم جيت استشير في الاقلاع ماني متوقعه اني بلقى الحل السحري مجرد مشاركه ويمكن تطرى فكره يعني بدال مايتشارك 2 الافكار الاحسن انه يتشارك مع 10 اكيد بيطع شي جديد واقتراح افضل والله يجزاك خير اختي bp039







لافندر
تسلمين اختي على شعورك وعلى مشاركت لمجرد التفكير الله يجزاك الف خير ويسعدك bp039






كان
أمين يارب اختها ردت علي بنفس كلامك يوم اقترحت هالاقتراح يعني البنت عندها ناس كلهم عقل مهيب بين ناس مايدرون وين ربي حاطهم ووالمين لأي كله توديهم وتجيبهم وهاذي الحمدلله اعتبرها نعمه ويعطيك العافيه ياخوي ويجزاك ربي كل خير bp039







Leap of Faith
هي اول مابداها المرض قالت انا مريم ام النبي عيسى زي كيذا وفعلا علاجتها غاليه زي ماتفضلت من يومها صغيره ام 3 سنوات الى اليوم وهي 32 سنه! الله يعطيك العافيه ويكفي المشلركه الله يجزاك خير bp039






خيشة نوم ومقلعه ولكن وحلم بنت
الله يسعدكم ويجزاكم كل خير ماقصرتو برأيكم bp039bp039bp039





أي احد طمرته مهوب عن قصد bp039

[funky girl]

بعدها جابو لها مشايخ يقرون عليها وصارت تمر بحالات غريبه

عزيزتي استوقفتني هالجمله

القرآن ينفع مايضر ولو كان مرضها نفسي القرآن ماراح يضرها بالعكس ينزل السكينه على قلبها والهدوء

لكن الوضع غريب ومن وجهة نظري تعرضونها على شيخ من القراء المتمكنين لعلاجها

قد يكون مس او سحر ولا تستهينون بهالأمور


الله يشفيها آمين

[ابن عز]

هلا طنط فتكات ..

تم ارسال اللازم على الخاص ..

راجعيه يعطيك العافية .. bp039

[بنت الاماكن]

عزيزتي طنط لانملك الا الدعاء الصادق من القلب لها بالصحه والعافيه

اتوقع البنت مو مرضها ناتج عن عدم زواجها

المرض نتج عن اهمال علاجها من البدايه ومن ثم استفحل فيها وصارت له مضاعفات

للحظه حسيت انها اصيبت بعين من كلامك عنها وعن مواهبها وطموحها ماشاء الله
الزواج بالتاكد ماهو حل ولا راح يكون حل لمثل حالتها
الحل هو العلاج عند دكتور مختص بهالحاله ومتابعتها

وقبل كل شيء بمساعدة اهلها بطريقة تعاملهم معاها ومايحسسونها ابدا انها تعاني من شيء عشان لاتزيد حساسيتها من هالموضوع ,,وممكن كمان ينمون
مواهب عندها عشان تشغل وقتها
فيها وتوجه اهتماماتها لاشياء ثانيه ممكن تفيدها وتحسسها بأهمية وجودها ,,,

الله يسعدك على مشاعرك الطيبه والصادقه ,,

bp039

[M.by.F]

صرع و فُصام .. رحمتك يارب :(
الفُصام من أكثر الأمراض النفسية تدميرا ً للذات و العقل ...
يرى فيها المريض صور و أشباح مخلوقات عدة
و يستمع إلى أصوات متباينة في الحدّة و الوقع ..
يُخيّل له بأنه يُأمر ويجد نفسه مضطر للموافقة ..
هذا المرض موجع موجع موجع ..
قلبي معها و مع أهلها pb189:(
حاولوا قدر المستطاع إحتواءها ..
عالجوها دوائيا ً / نفسيا ً ..
ولا تهملوا القرآن أبدا ً ..
فـ القرآن يبعث للنفس طمأنينة بالغة ..
إقرأوا أنتم عليها القرآن ...
لا داعي ببعثها الى شيخ لـ يقرأ عليها ..!
أشعر بـ العجز إتجاهها ..
ولكن دعواتي لها بـ الشفاء العاجل ..bp039

[يـااويـليـهـ]

لاحول ولآقوة آلا بالله
الله يشفيها إن شاالله وجميع المسلمينpb189


وودي اسأل سؤال هل عندنا مركز تأهيل لمثل حالتها يعني ممكن يأهلونها انها تكتب ترسم تتابع تلفزيون تقرا لأن كل هالاشياء ماعندها اي قدره انها تسويها



الي اعرفه انو مافيه لان مره صاحبتي اخوها فيه مرض نفسي تقول انا ارسلناه للاردن
فيه مركز تأهيل هناك .. وإن الرياض مافيها الامستشفى الامل ولايستقبلونه الافتره ويطلعونه

بالـنسبه للزواج ..هي قبل لاتتعب كان تفكيرها بالزواج وتطور تعبها لحد ماوصل للانفصام
فطبيعي إنها بتستمر على هالطاري
طبعآ ماقلت هالكلام الا لاني اعرف وحده كذا بس مرضها مو انفصام صراحه ماادري وشو
وكان كل تفكيرها وهي مريضه انها تتزوج وتحقد على اخواتها مرات ومرات على اقاربها
وتتخيل انهم هم السبب انها ماتزوجت
لما جاها نصيبها اهلها فرحو توقعو بتطيب بس سبحان الله ماصار شي ..اساسا ماجلست معه
تهاوشه وتقول لاتلمسني وكذا المهم الرجال طلقها لانها رفضت تجلس معه

بالنسبه للعلاج بعض الناس الله يهديهم اذا جربو علاج ولاجاب نتيجه خلال كم شهر غيروه
هذي البنت الي تكلمت عنها مازاد مرضها الا عشان كل فتره يودونها دكتور جتها انتكاسات من كثر مايغيرون العلاج الله اعلم بس اتوقع كذا:(

بس مالنا الا الدعآء لها وللمرضى هذا الي بيدنا وبيد اهلهم بعدpb189
وماعلى الله شي بعيد بس الحو في الدعآء وتوكلو على الله ..:sm1:
هذا ابتلاء من رب العالمين ..

[Elite]

الله يشفيها .. ويصبر اهلها وبالذات والدينها

[مايؤرقنا]

..

--------------------------------------------------------------------------------

السلام عليكم

عندي بنت خاله عمرها 24 سنه ... غابت عن اهلها لدراسه في الخارج تقول انها لما رجعت للسعوديه علاقتها بخواتها بالذات تغيرت صار فيه فجوه .. تعودو على انها مسافره وبعيده عنهم ... صارت لما تجلس معهم تحس بغربه ... وبدت تعصب وهم يتحاشونها ... وصارت تطلع مع صاحباتها او معنا بنات خالاتها وبالمقابل خواتها ماصاروا يفكرون يطلعون معها ...بنات خالتي كويسات .. وهي كويسه ... انا ابي اعرف وش المشكله وش الحل ماعرفت ولا حبيت اتدخل ... يضايقني الي تحس فيه .. يضايقنا كلنا ... ازعل لما تقول لي اكره الوقت الي يخلص فيه الدوام عشاني بضطر ارجع للبيت ... انا متاكده انه الي كان بينهم شي صغير جدا ومع الايام كبر وكبر .... شعور تعيس انه الواحد ما يلاقي الراحه ببيته ... وش الحل انه العلاقة ترجع مثل اول ؟



نقلت المشكلة بواسطة: معاكم,
bp039

[بنت الاماكن]

طبيعي اختي اللي قاعد يصير اي شخص
يبعد عن اهله او اصحابه لفتره لابد تحدث فجوه في العلاقه لانهم خلاص تعودو على بعدها وعدم وجودها بينهم
صارت احداث بغيابها اكيد وهم تعودو انهم يتعايشونها بدونها يعني
اللي قاعد يصير طبيعي مافيه اي مشكله حاصله او تغير مجرد السنين اللي عاشتها بعيده عنهم هي السبب في بعدوبرود المشاعرالحاصل
هي فتره وصدقيني كل شي راح يرجع
مثل اول بس المسأله يبي لها وقت
وهي كمان لابد تتقرب منهم اكثر
تشاركهم مشاكلهم واهتماماتهم برضوا تحاول تعرض عليهم مشاكلها
او اي شيء يشغل بالها سواء بعملها او خارج عملها تعطيهم مساحه
يتشاركون بعض بأي شيء
مجرد المشاركه راح تعطيها فرصه للتقرب معاهم لاتحبس نفسها بعيد عنهم لابد تطلع معاهم تجلس معاهم
عشان تعودهم على وجودها بينهم ,,
كل مافي الامر يحتاج وقت وقت وبس,,

bp039

[. rOro .]

الله يشفي البنت ويهديهم لعلاجها بالطريقه النافعه يارب

:

وبالنسبة للمشلكة الثانية ..

المواجهه

ولاشي غيرها..

تجلس جلسة حلوه مع اخواتها وتطلع لهم اللي بقلبها كله بهدوء وتسمع وش بيقولون ويتناقشون,,

العتب صابون القلوب

يمكن شايفين شي عليها هي مو منتبهه له ومنفرهم منها مثلا....و بنفس الوقت مو متجرئين او مافكروا انهم يحكون معها...
يمكن تفاصيل حياتها وروتينها تغير بعد مادرست برا وصاروا يشوفونها مختلفه عنهم في اسلوب حياتها او طريقة تفكيرها! او تعاملها!!!

فيه سبب قوي..

خليها تبحث عنه داخلهم .

:

مايؤراقنا .... "يعطيكم العافيه"

[خفوق]

الصرع مهوب دائم

الصرع نوبات

لكن الي فيها نفسيه

هذي تاخذونها للمستشفيات

و تمرون بها على الحريم الي لهم سنين

فيهم شلل او علل بدنيه

فاقدين سمع

فاقدين قدرة على الكلام

فاقدين رجل - يد - عين

و تجلسونها مع ناس يعانون من مصايب بمعنى كلمة مصايب

عشان اذا شافت كل هذولا تعرف ان الي هي فيه مجرد شي تافه

الحمدلله معافاة في بدنها

وربي معطيها اسره تراعيها و تبي سعادتها

غيرها طايحه كل عمرها في الفراش

غيرها كل عمرها شقيانه من مرر الدنيا

لازم تعرف ان فيه من اهو اشد منها ظروف عشان تفتح و تعقل


معقوله عشان زواج كل هذا تسويه ؟

انا بصراحه مااصدق

[طنط فتكات]

فنكي قيرل
الاخوان والاخوات دلوني ويارب يكتب لها الشفاء قريبا تسلمين يالغاليه وصدقتي في كلامك




ابن عز
bp039






بنت الاماكن
تسلمين ياقلبي والله على كلامك يمكن في البدايه ماكان علاجها صح بس مو من غلطه الاهل لانهم يجتهدون وتعرفين من 10 سنوات مثلا الطب غير بقوه عن الحين وفيه علاج ممكن انه يعدل حالتها شوي لكن قال الدكتور يزيد عدد الكريات الدم البيضا





ام باي اف
باذن الله رسالتك بتوصل وتسلمين يارب على مشاعرك الطيبة والله يتقبل دعائك و يوفقك ويسعدك bp039





ياوليه
وصلت رسالتك لهم وقالو اذا تغير علاج من علاجاتها فهو لانها ماتستجيب مع العلاج فقطعه اصرف وتسلمين يارب من كل شر bp039






اليت
امين والله انهم يحترقون لكن الشكوى لله صدقتي ربي يجزاك كل خيرbp039




ريم
امين الله يتقبل ويجزاك ربي كل خير bp039




خفوق
الله يعافيك اتوقع انك قريتي طرف الموضوع البنت فقدت القدره على التعرف على اي شي لو تحطين جنبها مويه نار تشربها لو تحطين لها مكان معجونها مزيل شعر بتفرش فيه اسنانها
معها فصام مهوب صرع وبس وهذا اخطر واخطر ياليته صرع وبس كان اهون بكثير البنت اول ماجاها المرض النفسي نزلت لاهلها قالت انا مريم ام عيسى تتوقعين وحده في حالتها بتستوعب الحل الي قلتيه؟ يوم قلت زواج قلت يمكن يصير لها كنوع من الصدمه ويرجع عقلها الي زاغ لكن من الردود حسيت انه لا والي متأكده منه لو بتتزوج اي احد ويدخل عليها ممكن تطرده بس احسن شي وقفه اهل الاقلاع مع البنت واهلها والله العظيم انقل لهم كل شي ينكتب يدعون لهم وحسو بنوع من الامل خصوصا من بعض الاخوات والاخوان الله يسعدهم ويجزاهم الف خير ويوفقهم يارب وينولهم مرادهم يوم دلوني على اطبا ومشايخ هاذي جددت الامل عندهم انها ممكن تتصلح حالها ماتتخيلين المعاناة الي عايشتها البنت وعايشينها اهلها معها البنت تسمع اصوات تجننها تقول علموني هذا وهم ولا حقيقه وتبكي لدرجه لو احد يتكلم عندها تجلس تقول هذا الكلام وهم ولا حقيقي وعلى فكره اول اهلها كانو يتعاملون معها زي ماقلتي يحسبونها انسانه تستوعب مير وانتكست حالتها اكثر يعني البنت مريضه بجد
والبلاوي الي قلتي والله العظيم ياخفوق انها تهون عن حالة البنت الي شفتها الي عددتيهم هم لو شافو حالة البنت بيتصبرون اكثر وبيقولون الحمدلله على نعمة العقل اذا زاغ العقل شي هين ويتساوى مع فقدان اعضاء؟ الحمدلله الشكر على كل شي والله يعافي مرضى المسلمين ويشفيهم ويلطف بهالبنيه ويشفيها ويسعد اهلها يارب
تسلمين ياختي

[خفوق]

خفوق
الله يعافيك اتوقع انك قريتي طرف الموضوع البنت فقدت القدره على التعرف على اي شي لو تحطين جنبها مويه نار تشربها لو تحطين لها مكان معجونها مزيل شعر بتفرش فيه اسنانها
معها فصام مهوب صرع وبس وهذا اخطر واخطر ياليته صرع وبس كان اهون بكثير البنت اول ماجاها المرض النفسي نزلت لاهلها قالت انا مريم ام عيسى تتوقعين وحده في حالتها بتستوعب الحل الي قلتيه؟ يوم قلت زواج قلت يمكن يصير لها كنوع من الصدمه ويرجع عقلها الي زاغ لكن من الردود حسيت انه لا والي متأكده منه لو بتتزوج اي احد ويدخل عليها ممكن تطرده بس احسن شي وقفه اهل الاقلاع مع البنت واهلها والله العظيم انقل لهم كل شي ينكتب يدعون لهم وحسو بنوع من الامل خصوصا من بعض الاخوات والاخوان الله يسعدهم ويجزاهم الف خير ويوفقهم يارب وينولهم مرادهم يوم دلوني على اطبا ومشايخ هاذي جددت الامل عندهم انها ممكن تتصلح حالها ماتتخيلين المعاناة الي عايشتها البنت وعايشينها اهلها معها البنت تسمع اصوات تجننها تقول علموني هذا وهم ولا حقيقه وتبكي لدرجه لو احد يتكلم عندها تجلس تقول هذا الكلام وهم ولا حقيقي وعلى فكره اول اهلها كانو يتعاملون معها زي ماقلتي يحسبونها انسانه تستوعب مير وانتكست حالتها اكثر يعني البنت مريضه بجد
والبلاوي الي قلتي والله العظيم ياخفوق انها تهون عن حالة البنت الي شفتها الي عددتيهم هم لو شافو حالة البنت بيتصبرون اكثر وبيقولون الحمدلله على نعمة العقل اذا زاغ العقل شي هين ويتساوى مع فقدان اعضاء؟ الحمدلله الشكر على كل شي والله يعافي مرضى المسلمين ويشفيهم ويلطف بهالبنيه ويشفيها ويسعد اهلها يارب
تسلمين ياختي

الله يشفيها و يرفع عنها

[اغنية الجوع]

بالنسبه للمشكله الثانيه



انا اشوف انه فيه غيره واضحه

يعني اخواتها يغيرون منها


الحل
انها تحاول تتقرب منهم بحذر


وما تجيب سيرة شغلها او دراستها برا علشان ما يحسو انها تتفشخر عليهم


والله الله يعينها

أسواء شي انها تحس بالغربه مع اقرب الاشخاص لها

[الـواقع]

سلام عليكم

بالنسبه للحاله الاولى

غلط عليهم اهلها من الاساس ربي يسامحهم ليه مادور لها عريس مافيها شي ابداً
والي اعرفه ودرسته مرض الفصام يبدا من الصغر يبان موب الين وصلت هذا العمر يمكن اهلها ما انتبهو لهذا الشي

والدليل جاها الصرع

والله العالم الي عندها فصام عقلي موب نفسي وهذا اخطر الانواع:(
لاحول ولاقوة الابالله..وبا اختصار تقريبا هو خلل يقشره المخ الاشارات العصبيه

يعني انسان بدون عقل عايش بعالمه ولا يقدر الامور

خلي اتكالهم ع الله كبير اولاً ولايمنع من الرقيه الشرعيه ويكون احد من اهلها امها او ابوها يرقونها ويبعدونها عن الجو الي هي فيه ويبدون علاج نفسي ويتابعون حتى النهايه موب كل شهر عند طبيب
وعليهم بالصدق ع الضعفاء

وربي يفرج لها ولكل مسلم

المشكله الثانيه
الحمدلله ع رجعتها وتفوقها وربي يوفقها والي تعيشه امر طبيعي للي يبعد عن اسرته وبالاساس مافيه تفاهم بينهم
جلسه مصارحه بينهم وتقريب وينحل الامر ..الانسان لما يتعور يقول اخ قبل كل شي
وربي يصلح بينهم

فكره اليوز جداً رائعه ربي يجزاكم خير ع الفكره
bp039

[Claire]

طبعا تحتاج لطبيب نفسي ومراكز تأهيل ..
وجلســــات للتحسين ..

وربك قادر على كل شئ ..
عسى الله يشفيها ويفرج كربها ..

[سلطان العدل]

عزيزتي استوقفتني هالجمله

القرآن ينفع مايضر ولو كان مرضها نفسي القرآن ماراح يضرها بالعكس ينزل السكينه على قلبها والهدوء

لكن الوضع غريب ومن وجهة نظري تعرضونها على شيخ من القراء المتمكنين لعلاجها

قد يكون مس او سحر ولا تستهينون بهالأمور


الله يشفيها آمين



نفس الملاحظة



خصوصا وانكم ماخليتو دكتور نفسي


والظاهر انه عين

[TR~tr]

بالنسبه للمشكله الاولى :(
الله يكون بعون اهلها
الله يشفيها ومرضى المسلمين يارب العالمين
اعرف وحدها فيها صرع تزوجت واحد طبيعي لافيه مرض ولااي شي وعاشت معه وجابت عيال
بس تجيها ازمة الصرع بين فتره وفتره ماتشافت دليل ان اهل زوجها يراعونها ماتطبخ الا اذا صارو موجودين ,,يعني في الي يرضى بحاله مثل الصرع .. ممكن اتزوج لو تلاحقوها من اول قبل مايطور الى مرض نفسي وصارحو الي خطبوها اشوف مافيها شي
الألحاح بالدعاء والصدقه يدفع البلا
اسأل الله العظيم رب العرش العظيم ان يشفيها يارب

المشكله الثانيه
طبيعي اذا بتبعد عنهم وماتختلط معهم وماتشيل فكرة انهم مايبونها بتجفا العلاقه للأردى
خليها تدخل معهم تجلس بمجلسهم اذا محتاجين شغله تخدمهم لانهم اخواتها وصعبه العلاقه بينهم اذا هي ماتقربت لهم شوي شوي.. واذا مشكله بينهم معينه يتصارحون ويتناقشون لين يطيح الحطب
الله يسهل امرها