أفضل خطوط طيران إلى فانكوفر + سكن

[حتى أجدك ,]

السلام عليكم ورحمة الله وبركاته

مبروك افتتاح هالقسم والله يوفق كل ابنائنا في الخارج .. bp039

حاليا ابحث عن أفضل خطوط طيران إلى فانكوفر من ناحية السعر والراحة لنا كعائلة .
سمعت عن الخطوط الالمانية بس حسيت سعرها غالي جدا يوم دخلت موقعهم طلعت لي التذكرة بحدود 19 الف :confused: وفيه ناس تقول لا انها بحدود الـ 8000 , احد عنده خبر ؟
وسمعت عن الخطوط البريطانية من لندن إلى فانكوفر ومن الرياض إلى لندن بأي خطوط بس ما ادري كم تكلفني ؟

أحد عنده رأي ثاني بالنسبة للخطوط ؟


وبرضو ابحث عن سكن مناسب للعوائل سواء شقه او بيت بـ 3 غرف أقل شي لمدة شهرين بين جولاي واوقست ويكون بمنطقة آمنه ونظيف وعليه حراسة وأفضّل انه يكون بالداون تاون بهالمنطقة

http://wikimapia.org/#lat=49.28263&lon=-123.12084&z=16&l=0&m=a&v=2

لأن المعاهد اللي اخترتها مبدئيا كلها بالداون تاون .. احد يقدر يساعدني ؟

علما بأني بحثت ولقيت الاسعار جدا مبالغ فيها لقيت شقه بـ 15 الف دولار شهريا لكنها جدااا فخمة

ابي السعر المعقول

الف شكر للجميع مقدما ويعطيكم الف عافية bp039

p.s: ما ادري مكان الموضوع هنا ولا لا بس شفتكم نقلتوا موضوع البحث عن معهد وحطيت هذا هنا اذا مو مناسب انقلوه زي ما تشوفون , شكرا bp039

[النجلا]

مرحبااااا

انا رحت مرتين لفانكوفر اول مره كانت على klm وكانت كويسه موب سيئه وسعرها الحين بحدود 10000 وقفنا طبعا في امستردام

ثاني مره الصيف اللي فات رحنا على الفت هانزه كانت كويسه بس رحنا بالعكس عن طريق هونج كونج لاننا كنا نبي نقعد فيها ومررره انبسطنا

بالنسبة للسكن اول مره سكنا في اوتيل اسمه ساتون بلس هوتيل عندهم زي شقق بس مخدومه مررره حلو وفخم بالداون تاون موقعا يجنن عند احلى شارع عندهم اسمه روبسون
وسعرها من 3 سنين كانت تقريبا الليله ب 1000 ريال غرفتين نوم وصاله ومطبخ صغير

السنه اللي راحت سكنا في شقه برضو بالداون تاون بس موب مخدومه مرتبه بس ماتقارن بالاوتيل وبرضو مره قريبه من ربسون
سعرها 5000 دولار بالشهر غرفتين نوم

انشاالله اكون افدتك
لو تبين اي معلومات ثانية انا جاهزه


:)

[حتى أجدك ,]

النجلا .. ألف شكر على ردك

بالنسبة لخطوط اللوفتهانزا ماتدرين كم سعرها تقريبا ؟

وبالنسبة للسكن انا ادور على شقه او بيت الاوتيل صعبه جدا لاني بسكن شهرين بيكون مره مكلف

ممكن عنوان الشقه اللي سكنتوا فيها ؟

يعطيك العافية

[شوكا بوكا لا لا]

سمعت عن الخطوط الالمانية بس حسيت سعرها غالي جدا يوم دخلت موقعهم طلعت لي التذكرة بحدود 19 الف وفيه ناس تقول لا انها بحدود الـ 8000 , احد عنده خبر ؟

موقع Lufthansa مرة شييين يعطيك اسعار مو طبيعية أبد
احسن شئ تزورين مكتبهم و تسألين عن الأسعار
مكتبهم في الرياض : Al-Deghaither Commercial Centre,Suite 203-204,Tahalia Street
رقم مجاني :8001245550

في جدة : City Centre Building,4th Floor, Tower B,Medina Road Kilo 4
8001245550

الخبر : Airline Centre,King Abdulaziz Street


وسمعت عن الخطوط البريطانية من لندن إلى فانكوفر ومن الرياض إلى لندن بأي خطوط بس ما ادري كم تكلفني ؟

ممكن bmi من الرياض إلى لندن ,,, ومن لندن إلى فانكوفر على الخطوط الكندية ... لأن بينهم كود مشترك

[رادار]

زي ما قال شوكا ,, الحجز من نفس اللوفتانزا مكلف جداً

خذى لك حجز من الوكلاء

بالتوفيق

[حتى أجدك ,]

شوكا بوكا لا لا
رادار

ألف شكر ... بسأل مكتبهم و مكتب السفريات اللي اتعامل معه ونشوف الاسعار ..


محد عنده خبره بالسكن ؟

[قاهر المعادلات]

هلا والله حياك الله ،

انا بالنسبة لي جربت الخطوط الكندية والبريطانية واللفتانزا كل ذولا

طبعا انا مادري عن الصيف انا رحت على اخر الصيف
وكلفتني من الرياض الى فانكوفر

خط سير واحد بدون رجعه 4500 ريال فقط
Bmi الى لندن ومن لندن الى فانكوفر على الكندية

بس موقع اللفتانزا قد حاولت احجز منه
بس تطلع لي تذكرتها بحدود 18 الف واقول معصي لو اروح سباحه خير ان شاء الله هبال الدعوى خط سير واحد كذا

بالنسبة للفتانزا تكون نفس السعر او يمكن تكون ارخص بعد لانك بتاخذينها على نفس الخطوط بس لو تكلمينهم يكون احسن ..

بالنسبة للسكن مادري تبين شقق
او فنادق وكم نجمه لو كنتي تبين فندق

[حتى أجدك ,]

قاهر المعادلات

ألف شكر اخوي , الله يعطيك العافيه
الكل تقريبا ينصح باللفتانزا والـ bmi بشوف اسعارهم كلهم من المكاتب والله ييسر ان شاءالله

بالنسبه للسكن انا ابحث عن شقه او بيت بـ 3 غرف نوم مثل ماذكرت ببداية الموضوع ويكون بالداون تاون او منطقة الييل تاون يقولون انها افضل من صجة الداون تاون ؟ ويهمني الامان فيه

أفضل الشقق اللي تكون ببنايات لها سيكورتي

[عتريس باشا]

أنا رايح إن شاءالله في مايو .. بعد شهر من الحين
أرخص تيكت عالسعوديه إلى لندن .. وعالإير كندا إلى فانكوفر ..!
الكاثي باسفيك غاليه على غير العاده توقف في هونغ كونغ
وبالنسبه للرحلات إلى فانكوفر دائماً السعوديه أرخص من الليفتانزا ..!

طبعاً من شهر جون تقريبا إلى نص سبتمبر ..! يعتبر موسم طبخ الأسعار:D
وتوصل أرخص التذاكر في هذاك الوقت تقريبا إلى 8000 ..! ذهاب وعوده ..!


انا سمعت عن الKLM وال gulf يبي لي أشيك عليهم
اذا صارو رخيصات بأعطيكم خبر ..!

بالنسبه للسكن انا ابحث عن شقه او بيت بـ 3 غرف نوم مثل ماذكرت ببداية الموضوع ويكون بالداون تاون او منطقة الييل تاون يقولون انها افضل من صجة الداون تاون ؟ ويهمني الامان فيه

حتى أجدك .. أول شي الداون تاون البيوت فيه قليله
ثانياً على افتراض إنك لقيتي بيت إيجار بيكون غالي جداً أكيد
لأن الداون تاون أغلب فنادقه 4 او 5 ستارز ..!


إنك بتجلس فتره بسيطه في فانكوفر .. بدل ماتسكن في الداون تاون وتمشي 6 او 7 بلوكات للمعهد
وتوصل بسرعه .. فتسكن برى الداون تاون ويصير مشوارك للمعهد نص ساعه بالقطار أو بالباص تتمشى فيها
شوي وتتفرج عالعالم..صدقيني تستاهل .. ترى الداون تاون موب كل شي .. كون إنك تسكن برى أهدى وأرخص وبعيد عن صخب الداون تاون أفضل .. وأجمل لك كتمشي رايح جاي وأوسع صدر ..!

خلينا نقول سكنتي بعيد عن الداون تاون .. 45 دقيقه بالقطار .. ولاشي بالعكس بتشوفين أكثر وأكثر ..!

[حتى أجدك ,]

عتريس باشا .. مشكور اخوي ..



بالنسبة للفيزا انت اخذت فيزا زائر ؟ اذا زائر وش الطلبات غير كشف الحساب وخطاب من جهة العمل ؟


بالنسبة للسكن انا ودي داخل الداون تاون اقرب لكل شي بدل رايح جاي بقطار ولاغيره

لو اسبوع اسبوعين استخدمهم يمكن تصير سعة صدر بس طول الفتره بتطفش وتشيل هم المشوار
غير كذا ودي بكل شي حولي مطاعم محلات سوبر ماركت .. لانه ماراح يكون معنا سياره فودنا بشي قريب على الرجلين يعني ..

انا حصلت شقق كثير مو ماحصلت بس يا غاليه جداا يا صغيره علينا ..

ومازلت ادور وان شاءالله احصل المطلوب

اذا مافيها لقافه ..
انت رايح على اي خطوط وكم كلفتك التذكرة ؟
وانت رايح لغه ؟ اذا لغه بأي معهد ؟

الف شكر