افضل طريقة للاتصال با اهلك [الارشيف] - منتديات شبكة الاقلاع ®

حبر و ورق

01-04-2008, 07:11

السلام عليكم يا اخواني واخواتي المغتربين bp039

كل واحد يقول لنا ايش البطاقة او الطريقة الي دايم يتوصل فيها مع اهلة في السعودية

با النسبة لي انا بعض الاوقات اشتري بطاقات من سمارت فون
https://www.ppoutlet.com/
هذا افضل موقع عندي لبطاقات الاتصال للسعودية والصوت فيه واضح قليل ما يصير مشاكل فيه ولي سنتين معاهم والحمد الله ما صار معاي اي مشكله ويعتبر من افضل المواقع لبيع بطاقات الاتصال

انا سمعت عن شركة اسمها زين او فرح ما اذكر والله ويمدحونها الي قد جربها يا ليت يقول لنا عنها

وانا بعد استخدم طريقة ثانية وحلوه مره واكيد كثير منكم سمع عنها

الي هو جهاز فانج هذا الجهاز من جد خيالي انواع الفلة تكلم اربعة وعشرين ساعة ببلاش :sm3:
http://www.vonage.com/

هو عبارة عن جهاز صغير تشتريه اذ اشتركت مع هل الشركة وترسلة لاهلك في السعودية ولازم يكون عندهم دي اس ال ويشبكونه في الدي اس ال وطريقة شبكة سهلة مره اي واحد يقدر يشبكة وبعدها يكلمون منه لاي رقم في امريكا وكندا ببلاش بس تدفع 25 دولار با الشهر ويكون له رقم من امريكا يعني تقدر تكلم اهلك ويكلمونك
انا لي اربع شهور مشترك معاهم والصوت واضح مره و ولا قد وجهتني اي مشكلة معاهم الي حد الان

يا ليت كل واحد يقول لنا الطريقة الي يكلم فيها اهلة bp039

الـكـابرس

01-04-2008, 08:10

وعليكم السلام bp039
وانا بعد استخدم طريقة ثانية وحلوه مره واكيد كثير منكم سمع عنها

الي هو جهاز فانج هذا الجهاز من جد خيالي انواع الفلة تكلم اربعة وعشرين ساعة ببلاش
http://www.vonage.com/

هو عبارة عن جهاز صغير تشتريه اذ اشتركت مع هل الشركة وترسلة لاهلك في السعودية ولازم يكون عندهم دي اس ال ويشبكونه في الدي اس ال وطريقة شبكة سهلة مره اي واحد يقدر يشبكة وبعدها يكلمون منه لاي رقم في امريكا وكندا ببلاش بس تدفع 25 دولار با الشهر ويكون له رقم من امريكا يعني تقدر تكلم اهلك ويكلمونك
انا لي اربع شهور مشترك معاهم والصوت واضح مره و ولا قد وجهتني اي مشكلة معاهم الي حد الان

والله الجهاز هذا سمعت فيه وناس يمدحونه .. بس كم سعر الجهاز اللي تشتريه بعد ما تشترك ؟

والله الصراحه انا استخدم هذا الموقع www.phonecardpin.com
طريقة الموقع انك انت تختار البلد اللي بتتصل منه .. والبلد اللي بتتصل عليه وتختار سعر البطاقه
وهو يسوي لك سيرش ويطلع لك كل بطاقه وكم دقيقه تكلم .. طبعا بعضها الصوت واضح وبعضها يوشوش شوي
انا استخدم بطاقة عندهم اسمها focus وماشيه معاي زي الفل

والطريقه الثانيه اكلمهم عن طريق برنامج skype (غني عن التعريف) .. والله البرنامج ما عليه كلام .. الصوت واااضح جدا ولا تدفع ولا قرش .. وبعد اذا عندك كام يمديهم يشوفونك صوت صوره .. بس طبعا عيبه انك ما تحصل اهلك متى ما بغيتهم لازم تكونون متواجدين بنفس الوقت على البرنامج

ومتابع للموضوع لعلي القى طرق افضل للأتصال :rolleyes:

شكرا لك bp039

حبر و ورق

01-04-2008, 08:26

وعليكم السلام bp039

والله الجهاز هذا سمعت فيه وناس يمدحونه .. بس كم سعر الجهاز اللي تشتريه بعد ما تشترك ؟
bp039
فانج اول ما تشترك تدفع من 30 دولار الي 70 دولار ما اذكر با الضبط كم لان كل يوم يغيرون اسعارهم وتجيهم عروض جديدة

شف العرض هذا
https://subscribe.vonage.com/select_device
انا اخذت جهاز اصغر من هذا وارخص بس دورته في موقهم ما حصلته بس هذا يعتبر ببلاش لانك بتدفع
79 دولار و بعد كم شهر راح يرجعون لك 70 دولار يعني الجهاز راح يطلع عليك با 9 دولار غير انهم راح يعطونك شهر مجاني

حبر و ورق

01-04-2008, 08:30

من سمع عن هل البرنامج ؟؟؟
http://www.oovoo.com/
يا ليت الي عنده خبر او قد جربه يقول لنا

بنوتة قصيمية

01-04-2008, 08:38

مرحبا pb189

<< فيس يقول ويني عن هالمنتدى من زمان :D

امممم ..بالنسبة لطريقة الإتصال غالبا من شركة حياة ( Washington DC ) pb189 مررررة
حلو التعامل معهم ...;)
اكلمهم ويعبون لي رصيد عالجوال ..الدقيقة عالتلفون الثابت تقريبا 7- 10 سنت ..:rolleyes:

وووطبعا اكيد الشحن عن طرق الفيزا او الماستر كارد ..pb058

وووومرات هم يتصلون علي من جهاز من امريكا .. { Majic Jack } pb189pb189

هو زي وصلة البلوتوث تتشبك باي كمبيوتر ويدقون علي ..;)
مرررة واضح الصوت كانهم جنبي ..:D

طريقته ..تطلبه من موقعهم عالنت اظن 24$ للجهاز ..وبعدها تدفع بس 19$ سنويا pb034
<<ام نوت شور اباوت ذا برايسس pb036

يابلاش :D

موقعهم ..http://www.magicjack.com/1/index.asp pb189

مررررة ثانكس على هيك موضوع ..bp039bp039

البحريني الهائم

01-04-2008, 09:07

في البحرين عندنا بطاقات شركات خاصة وهي كثيرة ، بعض هذه البطاقات تعطيك حوالي 50 دقيقة لامريكا وكندا أو 35 دقيقة بالنسبة لبعض الدول الاوربية بسعر دينار واحد وللخليج حوالي 15 دقيقة بنفس السعر

رعشة دفا

01-04-2008, 17:26

طبعن انا مو مغتربه
بس اخواني مغتربين
فـ بعطيكم طريقه جربتها
:Dpb189

Phoneserve Internet Telephone
www.phoneserve.com (http://www.phoneserve.com)
بطاقات تنباع حول العالم كله
وأسعارها تافهه وتعطي دقايق كثيرهـ
وحتى هنا في الرياض عندنا في محلات حراج الكمبيوتر
pb030:D

C L I C K

02-04-2008, 05:44

طبشورة

02-04-2008, 21:11

مرحبا

موضوع حلو

...

عموما ..
عن طريق النت ..
بعد الماسنجر
والسكايب
في برنامج اسمه بريمي
وهذا رابطه بس تسجل فيه وتضيف احد من اهلك عليه مثل السكايب تقريبا

http://www.peerme.com/en/index.php

جربته مره وعجبني وحلو وشكله بس للاتصال

وبالنسبه للجوال والبطاقات جربت طريقتين

فيه بطاقات تشتريها بقيمة 5$ دولار

اسمها paowre << مو متاكده من السبلنغ بس شكلها تجي زرقا كذا..:D

وهذي الكل يشتريها من اي ماركت او حتى من المحطات ..
هذي حلوه وتتصل على الثابت بالسعوديه ويعطيك 2ساعتين .. كامله تكلم وتاخذ راحتك فيها

بس الاحلى منها صراحه هي بطاقات تشترك في موقع عن طريق النت وتدفع لهم 20 $ او 25$ دولار

اسمها pingo

تعطيك اتصال من جوالك على ثابت بالسعوديه مدة 7 ساعات ...:sm5:

وفي حال انك عطيت شخص هالخدمه او دليته عليها يدخل تحت اسمك ويدخل البرنامج برصيدك 5$ دولار كهدية

وهذا رابطها
http://www.pingo.com/

مره عاجبتني وهي اللي انا ثابته عليها بس لاتدقون من جوال على جوال جربتها وطارت البطاقه كلها بنص ساعهpb094

وسلملمbp039

bp039

MOHAMMED

03-04-2008, 06:59

أختـــي بنوتــة/

الجهاز الي قلتي عنه, لازم يكون عند الطرفين؟ لازم يكون الأتصال عن طريق تلفون البيت أو الجوال؟
عطينا معلومات أكثر عنه لو سمحتي,
الف شكرآ
انا أستخدم Bingo

بنوتة قصيمية

04-04-2008, 05:50

السلام عليكم ..

لا الجهاز يكون عندهم هم بس ..pb071 ويتصلون عليك عالجوال او البيت :sm5: ..
لما يدقون عليك يطلع لك رقم امريكي ..pb036 pb058

و اذا بغيت اي معلومات ثانية انا حاضرة ..

MOHAMMED

04-04-2008, 06:44

أمممم
بنوتة شكرآ, انا فكرت أن الجهاز يتركب بأمريكا...
شكلي بشتري واحد أجربه, طيب وش تتوقعين أفضل هو ولا فونج؟

شكرآ مرة ثانية....bp039

عاشق الشكشوكه

04-04-2008, 08:03

أهلا أهلا

عموما أنا بصراحه قليل أستخدمه بطاقات

وافضل موقع اشوفه NOBLECOM.com

مادري احس انها الشركه الوحيده اللي ماتسرقني في امريكا

على العموم اللي راعي مزاج ويبي مكالمات free في اي مكان في العالم انشاء الله من الصين لـ كوستاريكا

فيه طريقه تزبط على جوالات اللي فيها اوبشن اتصال انترنت و وايرلس ويشترط انوه يكون المتصل والمستقبل في شابكين على النت من خلال وايرلس او كيبل

اي استفسار عن الطريقه انا بـ الخدمه .. لان شرحها يبي له جلسه طويله

بنوتة قصيمية

05-04-2008, 02:26

أمممم
بنوتة شكرآ, انا فكرت أن الجهاز يتركب بأمريكا...
شكلي بشتري واحد أجربه, طيب وش تتوقعين أفضل هو ولا فونج؟

شكرآ مرة ثانية....bp039

العفو ..ماسويت شي ..

امممم..بتستفيد منه كثييير اذا اهلك يدقون عليك كثير pb058 ..ببلاش بصراحة ..:D ..
اما اذا كنت انت اللي تدق ..ماراح تفرق :rolleyes: ..

ووومااعرف ..فونج !! :confused: ماقد سمعت فيها بصراحة pb036 ..

:sm12:

اللحين جا دوري ..مغتربين ومغتربات امريكا اللي مشتركين بــ T Mobil ..pb058

ترسلون مسجات للسعودية :confused: ..؟؟!!

انا لايرسل ولا يستقبل لا من امريكا ولا من السعودية :mad:

ماادري المشكلة منهم والا من جهازي pb036 ..!!

احد قد صار له كذا ؟؟

افيدونا يارعاكم الله ..:D

سلام ..bp039

حبر و ورق

05-04-2008, 02:38

بنوتة قصيمية
اللحين جا دوري ..مغتربين ومغتربات امريكا اللي مشتركين بــ T Mobil ..pb058

[COLOR=#f4a460]ترسلون مسجات للسعودية :confused: ..؟؟!!

انا لايرسل ولا يستقبل لا من امريكا ولا من السعودية :mad /COLOR]

[COLOR=#f4a460]ماادري المشكلة منهم والا من جهازي pb036 ..!!

احد قد صار له كذا ؟؟

افيدونا يارعاكم الله ..

سلام ..bp039
هلا والله انا مع t-mobile وكنت قبل اقدر ارسل للسعودية بس الحين مدري ليه ما اقدر ؟
وكل يوم اقول ابكلمهم اسالهم بس للاسف انسي
ممكن احد من الاعضاء عنده معلومات bp039

MOHAMMED

05-04-2008, 02:56

العفو ..ماسويت شي ..

امممم..بتستفيد منه كثييير اذا اهلك يدقون عليك كثير ..ببلاش بصراحة .. ..
اما اذا كنت انت اللي تدق ..ماراح تفرق ..

ووومااعرف ..فونج !! ماقد سمعت فيها بصراحة ..

هلا والله بنوتةbp039
فونج أتوقع انو نفس الوصلة الي قلتي عنها بس هو تيلفون(فهمتي:D)

اللحين جا دوري ..مغتربين ومغتربات امريكا اللي مشتركين بــ T Mobil ..

ترسلون مسجات للسعودية ..؟؟!!

انا لايرسل ولا يستقبل لا من امريكا ولا من السعودية

ماادري المشكلة منهم والا من جهازي ..!!

احد قد صار له كذا ؟؟

افيدونا يارعاكم الله ..

سلام ..

أنا أستخدم T-mobile , قد صادفتني هالمشكلة من فترة,
شوفي وشيكي على الـMessage centre من جهازك هذا رقمه 12063130004+ (مدري اذا يختلف من ولاية لـ ولاية)
اذا ماضبط معك أحسن حل أنك تكلمينهم...
بقولك نصيحة حلوة اذا انت راعية مسجات مثلي:D
شوفي أنا تقريبآ مجموع مسجاتي المرسلة والمستقبلة بالشهر حدود ال800 مسجpb093
المهم كنت أدفع شهريآ حدود ال 190 الي 250 دولار فواتير...
كلمتهم وقلت لهم شوفوا لي حل أنا عميل عندكم من 2004 وعندي أكثر من رقم, وقلت لهم اذا ماشفتوا لي حل بلغي الأرقام كلها, قالوا عندنا (بكج) 400 مسج محلي ب 5 دولار تقريبآ وبنحسبها لك من ضمن مسجاتك الي تستقبلها من السعودية(قيمة المسج المستلم الواحد من برى أمريكا =10 سنت).. قلت أوكي أجربها ونشوف اذا بتفيدني..والله الفواتير قلت كثير من بعد هالبكج تقريبآ بـ 50 الي 70 دولار شهريآ...
اذا ودك تضيفين االعرض تقدرين تسوينه عن طريق موقعهم الي هو www.tmobile.com

أدري طولت لكن أتمنى أني قدمت فائدة لك ولغيرك...bp039

تاج الاقلاع

05-04-2008, 08:44

انا اتواصل مع اهلي يمكن اختلف عندكم :D
عن طريق الماسنجر او الاسكايبي كاميرا وصوت
في ايام الويكند السبت والاحد ادخل معهم
ولا احلى ;) كأني جالس معهم pb027
وباقي الايام بالجوال :D
والشركه إلي اتعامل معها للجوال هي T-Mobile

bp039pb189

زيك بالظبط بس اللهم اني اشتري بطاقاتي من سمارت فون وبالويكند يا ماسنجر او سكايبي بس والله يا عليهم توقيت غبي خخخخخخخخخخخخخخخخخخخخخخخخخخ:D

بنوتة قصيمية

05-04-2008, 10:35

هلا والله بنوتةbp039

أنا أستخدم T-mobile , قد صادفتني هالمشكلة من فترة,
شوفي وشيكي على الـMessage centre من جهازك هذا رقمه 12063130004+ (مدري اذا يختلف من ولاية لـ ولاية)
اذا ماضبط معك أحسن حل أنك تكلمينهم...
بقولك نصيحة حلوة اذا انت راعية مسجات مثلي:D
شوفي أنا تقريبآ مجموع مسجاتي المرسلة والمستقبلة بالشهر حدود ال800 مسجpb093
المهم كنت أدفع شهريآ حدود ال 190 الي 250 دولار فواتير...
كلمتهم وقلت لهم شوفوا لي حل أنا عميل عندكم من 2004 وعندي أكثر من رقم, وقلت لهم اذا ماشفتوا لي حل بلغي الأرقام كلها, قالوا عندنا (بكج) 400 مسج محلي ب 5 دولار تقريبآ وبنحسبها لك من ضمن مسجاتك الي تستقبلها من السعودية(قيمة المسج المستلم الواحد من برى أمريكا =10 سنت).. قلت أوكي أجربها ونشوف اذا بتفيدني..والله الفواتير قلت كثير من بعد هالبكج تقريبآ بـ 50 الي 70 دولار شهريآ...
اذا ودك تضيفين االعرض تقدرين تسوينه عن طريق موقعهم الي هو www.tmobile.com (http://www.tmobile.com)

أدري طولت لكن أتمنى أني قدمت فائدة لك ولغيرك...bp039

مرحبا اخوي ..
ماقصرت بصراحة على هيك معلومات ..

بس للأسف :( رقم مركز الرسائل نفسه بالضبط ..pb131 ..الظاهر انه المشكلة من عندهم pb093

وبالنسبة للمسجات ..الا اكيد راعية مسجات مايبيلها سؤال ..pb036 << سعودية :D..!!

بجرب اكلمهم ..واذا مانفع معهم باخذ البكج هذا ..pb058 ..

thanx

:sm12: الإتصالات السعودية في قلوبنا pb189pb189

ثلج بارد

05-04-2008, 10:47

.

الله يعافيكم ولا يحرمنا منكم pb189

معلومات رااائعه pb189

أشعار

06-04-2008, 03:57

..

أنا ما أحتاج كثير للبطاقات هنا لأنها رغم تواجد شركات رائعة فعروضها مثل O2 اللي سبق و قلت اني جربتها و للآن أجربها لما أحتاج للاتصال عبر البطايق إلا إني عندي ظروف تمنعني أستمر على طريقة الاتصال عبر الموبايل.

أحياناً أستخدم الكباين لما أكون محتاجة مكالمة طويلة شوي مع الأهل و أحياناً عبر السكايب أكلمهم . و أحياناً عبر
رقمي السعودي العادي خصوصاً لما المسألة تكون مسجات :)

عموما شكله مافي أحد هنا مبتعث فبريطانيا زيي ؟ حاسة إني مغتربة بين المغتربين هنا ! لأن كلكم فأمريكا و انا بس
اللي ببريطانيا pb094

مع هذا عشان خاطر انه في زوار يتابعونا و يمكن أحد من بريطانيا يحتاج نصيحة , أوصّي ببطاقات شركة O2
و أورانج مرة ثانية .

bp039

.

مصفقة النمل

06-04-2008, 09:58

انا بالغربه
لاكن صياحه :)

واكلم الشعب السعودي عالماسن
<-- 24 ساعه عالمسن :)

saudi girl

07-04-2008, 01:10

للي في كندا فيه شركة اسمها G3 Telecom

تشحن تليفونك الثابت أو الجوال و صراحة اسعارهم للثابت روعة...

يعني أكلم أهلي ساعة ياخذ مني دولار و نص كندي !

تهاني الخليج

10-04-2008, 04:33

هذا الموقع خطيرررر

http://www.zaptel.com/

تقدر فيه تختار الجهة اللي راح تطلبها
و بعدين تحدد سعر الدقيقة ..

لأنه عندهم مجموعة بطايق ..
و تتنوع اسعارها من رخيص جدا جدا جدا
و طالع ..

بس انا شفتها مرة عمليه و كويسة..
و تشحن البطاقة بالمبلغ اللي تبغاه ..

و دق من جوالك اي وقت ..

من خلال الشركة اللي اشتريت منها الكرت ..

و سلامتكم ..

انا أكلم اهلي دايم من سكايب او المسن ..

بس مرات يصير مشكلة في الجهاز عندهم
او في الشبكة فـ اتصل عليهم كرت ..

مرة اسعارهم اوكي ..

جربوها ..

:)

قرم

15-04-2008, 02:35

الله يعطيك الف عافية .. احس انك فكيت ازمة :d

الضب القطبي

15-04-2008, 11:40

للي في كندا فيه شركة اسمها G3 Telecom

تشحن تليفونك الثابت أو الجوال و صراحة اسعارهم للثابت روعة...

يعني أكلم أهلي ساعة ياخذ مني دولار و نص كندي !

من جد هالشركة رائعة... واذا صرت عميل رسمي ابشر بالتخفضيات الخيالية

الان سبيك - الماسنجر - السكايبي
تفك ازمة احيانا

الان سبيك حليو ولا يشوش ولا يقطع انا جربته فترة وكان ماشي معي

تحياتي للجميع

~~ باب الليل ~~

16-04-2008, 12:19

خرطوش فردك انا

16-04-2008, 13:01

صح اني مب مغترب خخخ بس ودي أعلمكم بـ برنامج رهيب مرررررررره ,, خويي مغترب ودايم أكلمه فيه ,, صوت وفيديو واااضح مررررره

هذا موقعهم
http://www.oovoo.com/

TR7AL

26-04-2008, 08:06

صباح الخير

يعطيكم العافيه يا أخوان مشرفين وأعضاء ومشاركين
بالنسبه للي مغتربين في دول مكلفه الإتصالات فيها بإمكانهم إستخدام الـSkype مثل ماذكرو الشباب قبلي
البرنامج صوته صافي ومعه صوره ومجاني ولا يحتاج من الطرفين سوى أجهزة لاب توب وإنترنت والبرنامج نفسه

أما بخصوص الإتصال عن طريق البطاقات
فيه موقع SAcards عندهم بطاقات إتصال تشتريها منهم ويعطونك PIN Number ورقم مجاني
تتصل بالرقم المجاني وتدخل الـPIN Number وبعدها تتصل بالسعوديه بسعر لا باس به

ويقدم الموقع خدمة الإيزي كول EasyCall للي معاهم أرقام موبايل أمريكي
تسجل الرقم في الموقع وتتصل بالرقم المجاني وبعدها تتصل على السعوديه مباشره

ولكن الأفضل والأضمن هي البطايق تقدر تستخدمها من تلفون ثابت من جوال وحتى العمله

وهذا الموقع <= وفيه موضحه أنواع البطاقات والأسعار وغيرها
تختار من الخانه كولنق فروم " البلد إللي إنت موجود فيه " وفي الخانه الثانيه : كولنق تو " البلد إللي بتتصل عليه "

http://www.sacards.com/rates.aspx

أي شخص محتاج توضيح أو مساعده لإستخدام الخدمات المقدمه من الشركه
بإمكانه الإتصال بهم من خانة كونكت أس ويوضحون لك كل شي

وفيه ملاحظه مهمه ومجربه من كثيرين : أفضل السبل للإتصال هي إنك تشترك مع شركه يربطون خدماتهم بجوالك مباشره
بدون بطاقات أو غيره

الله يسعدكم ويوفقكم جميعًا يارب

TR7AL

26-04-2008, 08:16

من سمع عن هل البرنامج ؟؟؟
http://www.oovoo.com/
يا ليت الي عنده خبر او قد جربه يقول لنا

هذا موضوع عن البرنامج من الأخ قرم pb189

http://vb.eqla3.com/showthread.php?t=329654

وهذا شرح للبرنامج من الأخت رقازا

http://vb.eqla3.com/showthread.php?t=283132

موفقين

FrEaKy

26-04-2008, 10:09

يمدحون skybe ... اخوي في دبلن 24 ساعه اقرق معه على السكاي بي
أصفى من التلفون و ببلاش .. الله يخلي اللي مسويه والله انه كفو :D

عاشق القهوة

27-04-2008, 05:22

السلام عليكم

عادة ما أستخدم الياهوو مسنجر أو الإسكايبي..
بس قبل يومين إشتركت بخدمة vonage اللي هي عبارة عن خط تلفون أمريكي ويجي مع الخدمة
وصلة تركب فيه جهاز هاتف عادي أو بإمكانك تطلب وصلة يو إس بي فيه برنامج على شكل
هاتف متكامل..
http://www.vonage.com/
طبعا يفيد إذا كان لك أقارب كثيرين في أمريكا أو إذا كان أهلك من النوع إللي كل يوم لازم يكلموك
ساعتين وإنت منت فاضي تفتح النت..

رسوم الإشتراك 24 دولار شهريا unlimited calls
أو 15 دولار وتكلم لمدة 500 دقيقة..
الجهاز بيوصل أهلي بعد أسبوعين إن شاء الله لذلك ما أقدر أحكم عليه
لكن أحد أصحابي مجربه ويقوولي ممتاز ..

عقبال ما يسوو زيه نسخة سعووودية و يصير عندي خط سعودي بأمريكا pb192

متنحةة

04-05-2008, 11:08

انا ما استفيد منه كـ مكالمات لانه ما يسمح لي اتصل من امريكا
للسعوديه pb189 بس مشكلته انه مجاني الى 1 مايو ماادري
بعدها كيف بيصير نظامهم pb036

bp039

من اللي يقول 1 مايو ..! :D
بالبداية قالوا إلى 1 ابريل ولا تغير شي pb036

والحين دخلنا مايو ولا اختلف شي الله لايغير عليـهم :(
بصراحة هالموقع فك أزمـه

.
.

عطونا العلم الأكيد .. و اذا في برامج مثل اوفو ياليت تزودونا bp039

cookiez

09-05-2008, 08:18

من سمع عن هل البرنامج ؟؟؟
http://www.oovoo.com/
يا ليت الي عنده خبر او قد جربه يقول لنا

هلا فيك
انا عندي البرنااامج
وبصراااحه اكثر من راائع
وفيه خدمة اني اكلم على اي رقم بامريكا فقط بس انا ماجربت اكلم
وجربت الكاميرا مره مره وااااضحه
يعني احسن من الهوتميل لان الصوت والصوره يكون واضح مره

شتات النفس

21-05-2008, 12:50

الله يجزاكم خير على هالموضوع الرائع ..

وكل من أفاد ..

بس عندي سؤال اللحين برنامج سكايب دائما يطلب مني تعبئة رصيد ومو عارفة شلون ؟؟

بالله عطونا الطريقة ؟؟

والله يعطيكم ألف عافية ..

Melissa

22-05-2008, 05:56

.
.

الـسلام عليكم ..’ bp039

بالنسبه للبطاقات كنت استعمل كريزي ابدا مي كويسه
أحيانا يقطع والصوت مايكون واضح ويالله يشبك بعد , او يسمعوني ولا أسمعهم او العكس
وأحيانا ولا أوضح منهـا .. فشي غريب !

حملت برنامج اوفو مره حلو والصوت مره واضح بس فتره كان تجريبي
والحين أعتقـد صار برسـوم !

كمـان جربنا فونج مره مره واضح .. ميزته انو ينشبك عا مودم الدي اس ال حتى لو كان طافي الكمبيوتر .. بخلاف الـ Magic Jack لازم يكون شغال ..!
سعر الجهـاز تقريبا 80 دولار ..
والرسوم اذا تبي عدد معين مثلا 500 دقيقه بـ $15 مع التاكس بـ $20 واذا مفتوح $25 مع التاكس بـ 30 $ تقريبا
وعـ حسب بعض الولايات مايكون فيها تاكس ..

بنوتة قصيمية

بالنسبة لـ T-mobile قد صادفتني مشكله معاهـم بس مشكلتي تختلف شوي ..
كنت اقدر أرسـل بس مسجاتهم ماتوصلني .!
فكل يوم اقول حتصل عليهم وأنسـى .. فـايش اللي صار خلص شحن جوالي وتقفل
فلما شحنته وفتحته جتني كلها دفعه مره وحده .. مارتعت ابد pb036
والحمدلله انحلت المشكله .. يلا عقبال عندك : )

الا كنت بسألك حبوبة عن برنامج Magic Jack
تقدرين تتصلين علي أهلك ..!

bp039

.
.

بنوتة قصيمية

23-05-2008, 01:42

.
.

الـسلام عليكم ..’ bp039

بنوتة قصيمية

بالنسبة لـ T-mobile قد صادفتني مشكله معاهـم بس مشكلتي تختلف شوي ..
كنت اقدر أرسـل بس مسجاتهم ماتوصلني .!
فكل يوم اقول حتصل عليهم وأنسـى .. فـايش اللي صار خلص شحن جوالي وتقفل
فلما شحنته وفتحته جتني كلها دفعه مره وحده .. مارتعت ابد pb036
والحمدلله انحلت المشكله .. يلا عقبال عندك : )

الا كنت بسألك حبوبة عن برنامج Magic Jack
تقدرين تتصلين علي أهلك ..!

bp039

.
.

ياهلا والله وغلا .. pb189

كيف حالك ..؟!!

لا حبوبة مااقدر اكلمهم انا ..:(

اصلا هو فكرته انو تكلمين اي احد في امريكا او كندا .. pb036 بس اهلي شابكين برقم امريكي لناس

قرايبنا pb189pb189 ويكلموني ع أساس رقم امريكي ... لرقم امريكي pb034

<< احس اني دوخت راسك :sm5:

سوري بس اذا ما فهمتي علي علميني pb094

bp039bp039

جداااوي

23-05-2008, 17:29

هل في طريقه للاتصال من السعوديه للدول العربيه

Melissa

23-05-2008, 18:33

.
.

بنوتة قصيمية

أهـلن فيكي pb189
أنـا بخير .. وانتي كيفك ..! bp039
اها اجل كذا .! خسـاره والله :(
لافهمانه عليك ياقلبي ومشكورة والله bp039

.
.

raed

06-06-2008, 13:46

للمعلومية ترى برنامج سكاي بي برنامج صاحب فكرته دنماركي وتعتبر شركه دنماركيه
هذا الكلام من احد الاشخاص الدنماركيين الذين صادفتهم في بريطانيا والله اعلم

للعلم فقط

للكل احب اقولهم ان موفقين والله يعطيكم اللي في بالكم

الا رسول الله صلى الله عليه وسلم
سبحان الله وبحمده سبحان الله العظيم

Candle

08-06-2008, 16:41

السلام عليكم

الف شكر عالموضوع مع اني ماستفدت لان ماحد ببريطانيا ؟!!
بالنسبه لنا انا غالبا اشحن واكلم من الجوال :( طريقة تفلس بس ماعندنا خيارات مثلكم
عندنا بطاقة اسمها I phone card تقدر تكلم عن طريق الجوال تعطيك حوالي 270 دقيقه بكل 5 باوند :) هذا اللي اعرفه
تسلم ياراعي الموضوع bp039

private
اختي اشعار كم لك ببريطانيا مادري ليه حاسه اني اعرفك pb094

أشعار

17-06-2008, 08:01

كاندل ,

والله جد آسفة إن توي أشوف ردك : (
أنا لي ببريطانيا ثلاث سنين و نص . أو ممكن أقول و أربعة لأنها ثلاث و تسعة شهور
أدرس فليدز , حالياً إجازة متواجدة بالسعودية . ما أعرف سعوديات هناك بس راح أفرح كثير لو
طلعتِ تعرفيني bp039
ترى طريقة الاتصال أنا ذاكرة الأشياء اللي ارتحت لها في الصفحة الأولى , بس غالباً كنت اعتمد على السكايب مع الصديقات من السعودية أما الأهل لأن معظمهم ما يستخدموا إنترنت فكنت ألجأ لأورانج أو جوالي و الشكوى لله . العيب مو في عدم وجود شركات مريحة . بس الأسعار هي المتعبة .

.

عاشق الشكشوكه

22-06-2008, 03:16

العفو ..ماسويت شي ..

امممم..بتستفيد منه كثييير اذا اهلك يدقون عليك كثير pb058 ..ببلاش بصراحة ..:D ..
اما اذا كنت انت اللي تدق ..ماراح تفرق :rolleyes: ..

ووومااعرف ..فونج !! :confused: ماقد سمعت فيها بصراحة pb036 ..

:sm12:

اللحين جا دوري ..مغتربين ومغتربات امريكا اللي مشتركين بــ T Mobil ..pb058

ترسلون مسجات للسعودية :confused: ..؟؟!!

انا لايرسل ولا يستقبل لا من امريكا ولا من السعودية :mad:

ماادري المشكلة منهم والا من جهازي pb036 ..!!

احد قد صار له كذا ؟؟

افيدونا يارعاكم الله ..:D

سلام ..bp039

اهلين وسهلين

عزيزتي انا كانت ولازالت المشكله جربت كل شركات الجوال في امريكا افضل شركه تستقبلين رسايل من السعوديه T-Mobile لن ما تجيك مقطعه اما على المشكله انا كلمتهم وقالولي المشكله من الجهاز السعودي لنه ما يلقط البرج تمام !!!
ف الحل كل فتره تطفين وتشغلين الجوال لن سوينا تست اربع مسجات ما يوصل الا ثلاثه اما طفيتيه وشغلتيه تجي كلها. + اذا في مسج ارسلتيه ولا وصل تقدرين تسحبينه من الفاتوره

بس المشكله انو الشركه ما توفر للرسايل الدوليه اما AT&T عندهم بكج للرسايل و الاتصال الدولي هو اغلا شوي من البطايق بشوي بس مره مره رايق لا تدق ولا قرف اضن الدقيقه للرياض ثابت 30 سنت والاكيد ما يتعدا 40 سنت والجوال زيده على الثابت 19 سنت

بس المشكله رسايلهم تجيك مجزأه كل 52 حرف في رساله pb131 يعني يرفع الضغط ولا بعد يحسبونها على الرساله الطويله الي تجي من السعوديه خلونا نقول 5 اجزاء = 5 رسايل

وبسسسسس

بنوتة قصيمية

24-06-2008, 02:54

شكرا عاشق الشكشوكة .. ماقصرت ..

اممم .. اللحين صار يوصلني مسجات من السعودية pb058 بس مو من اي احد pb036

يعني بس رقمين ثلاثة :(

شكلي مالي غنى عن T Mobil :D ..<< حبيبة الشعب السعودي :D
بس برضو بحاول اوديه لهم ويشوفون له حل :(

يعطيك العافية اخوي ..

.o روح طفله o.

17-08-2008, 22:39

اهلين ..
الله يعطيكم العافيه .. موضوع رائع ومفيد ..

بس استغربت من الجدول اللي في المواقع اللي تفضلتوا وحطيتوها الجدول حق الدقايق والأسعار وسعر الدقيقه اذا كان لـ جده \ الرياض \ جوال .. غريبه ما فيه خانه لأهل الدمام ..مثلا موقع
www.phoneserve.com (http://www.phoneserve.com) وبأغلب المواقع ما فيه لأهل الدمام خانه ؟ او يعتبرونها مثل الرياض بحكم انها مو بعيده مره ؟ او معنى هذا انهم مضطرين يحكوا بالموبايل ؟!!

thanks : )

العشق الهلالي

21-08-2008, 06:17

الى في امريكا غلطان مايستعمل الفونج

الفونج تلفون يشتغل على الدي اس ال
يرسلون لك مودم وارسله لاهلك و15 دولار شهريا ومفتوح اربع وعشرين ساعه تكلم بيدينك ورجلينك :d

سعودية وافتخر

27-08-2008, 14:06

مرحباااا

أشعار وكاندل انا ببريطانيا معاكم شوفو هذا رقم شركة خطوطها مخفضة مرره ممتازة

طبعا هذا الرقم اذا بتدقين على موبايل

08719991010

وهذا موقع ممتاز دخلي الدولة (السعودية ) وتطلع لك أرقام للثابت والموبايل

وكلها بأسعاار مخفضة pb030

http://www.yourcallworld.com/default.aspx

بالتوفيق للجميع pb189pb189

فشفوشة طفشونة

29-08-2008, 13:54

oovoo
هذااا ابطل شي بالدنيآ ..
انا استخدمه.. اكلم اخوي فيه
مرره حلو زي الماسنجر بس انه اوضضضضح
واحلى مافيه انك تكلم اللي بأمريكا وكندا على جوالاتهم :D
مرره يفك ازمه :D

ويعطيييك ألف عآفيه ع الموضوع .. bp039 ..

الثالولة

07-09-2008, 04:16

من سمع عن هل البرنامج ؟؟؟
http://www.oovoo.com/
يا ليت الي عنده خبر او قد جربه يقول لنا

هلااا اخوي " حبر و ورق " pb189

الله يعطيك العافيه على هالموضع يفك ازمه :D

البرنامج هذا بطل الصوره فيه بنت كلب و الصوت واضح جدا ً
دلنا عليه واحد من الشباب pb189

البرنامج يعطي مكالمات لـ امريكا و كندا مجانا ً
من اي دوله في العالم و الصوت و لا اروع :sm5:
لنا شهر طايحين فيه و الشباب يكلموني على تليفون الشقه كل يوم
تعرف شباب سعودي و مطفرين :D

انا ما استفيد منه كـ مكالمات لانه ما يسمح لي اتصل من امريكا
للسعوديه pb189 بس مشكلته انه مجاني الى 1 مايو ماادري
بعدها كيف بيصير نظامهم pb036

بس اذا تبي تقابل اهلك كام و سواليف تراه بطل الصوره فيه واضحه
جدا ً و الصوت تقل انك قاعد معهم ;) :D

الى الحين مبتلش ما طلعت جوال و ماعندي الا تليفون الشقه
و البطاقات الى هالحين ما رسيت لي على نوع pb036

:

bp039

هو ازين مافيه خلفيتهم رسم pb024

سودا هههههه

بس المشكلة فيه انا اذا اتصلت
دقايق ويقطع

يعني كل شوي ارجع اتصل

مع العلم ان استخدامي له محدود
يعني كم مرة بس

اتوقع يحتاج اتصال عالي السرعة

بس والله حلو

تتصل على امريكا ووكندا على جوال مجانا ً

بس يبيلك تحمل برنامجهم

هو مثل الماسنجر والسكايب

،، اهم شي يصير في اتصالات مجانية للي عندهم اهل وحبايب هناك pb030
يعني 24 ساعة على الخط pb189bp039

مشكورين bp039

iiigSLiii_

07-09-2008, 04:44

ماسنجر .. و عيش يومك !

متنحةة

08-09-2008, 03:15

هو ازين مافيه خلفيتهم رسم pb024

سودا هههههه

بس المشكلة فيه انا اذا اتصلت
دقايق ويقطع

يعني كل شوي ارجع اتصل

مع العلم ان استخدامي له محدود
يعني كم مرة بس

اتوقع يحتاج اتصال عالي السرعة

بس والله حلو

تتصل على امريكا ووكندا على جوال مجانا ً

بس يبيلك تحمل برنامجهم

هو مثل الماسنجر والسكايب

،، اهم شي يصير في اتصالات مجانية للي عندهم اهل وحبايب هناك pb030
يعني 24 ساعة على الخط pb189bp039

مشكورين bp039

برنامج oovoo مافيه الا 15 دقيقة بس وتنتهي ..!!
ولازم ادفع عشان يعطوني دقايق : (
انتوا كذا ولا انا بس .. حاولت احذفه واحمله من جديد الرصيد زيرو : |

اللي عارف له شلون تزيد الدقايق ..!! .. ياليت يفيدنا pb189bp039

نانسي الدوسري

09-09-2008, 05:24

برنامج Oovoo مافيه الا 15 دقيقة بس وتنتهي ..!!
ولازم ادفع عشان يعطوني دقايق : (
انتوا كذا ولا انا بس .. حاولت احذفه واحمله من جديد الرصيد زيرو : |

اللي عارف له شلون تزيد الدقايق ..!! .. ياليت يفيدنا

للاسف انتهى وصار الحين بفلوس

المشكلة انو البرنامج قديم وانا اذكره قبل تقريبا ست شهور

لكن فيه ميزة حلوه انو تكلمي اهلك عن طريك البرنامج بس لازم يكون عند اهلك البرنامج تضيفينهم عندك وتكلميهم مايك وكام وواضح جداً بس لازم يكون الاتصال سريع

قبلةالخلق

12-09-2008, 09:36

للاسف انتهى وصار الحين بفلوس
قبل شوي كنا ندردش مع الاهل في السعودية ..صوت وصورة
ميزته الصوت والصورة ما يعلق ولا يوشوش ..ومااارة صافي..

الي حكو عن سكايبي ممتاز جدا..بس مو من اللاب توب..
مدري اذا فيه احد زيي..
اشترينا جهاز تلفون سكايبي لنا ولأهلي ولاهل زوجي من موقع الامازون..يعني 3
وصرنا نسولف 24ساعة على 24ساعة(^_^)
وميزته تقدر تكلم فيه من اي مكان ..وانت بسيارتك,,بعملك,بمطعم..يعني حطه في جيبك ..متى ماطرا عليك كلم الي تبي,,مايربطك بجلسة بيت والا بتشغيل لاب
الاهم من هذا كله انه مجـاني

K E M O

12-09-2008, 14:24

Skype

وبــس

sar000na

28-09-2008, 13:56

الا استخدموا فونج

وش احسن عرض لان عندهم عروض

ويجي معاهم تلفون لا سلكي..

عشان امي ابوي ..

بالله ردوا علي

حبر و ورق

29-09-2008, 08:47

افضل عروض فانج اول شهر مجاني هذا الي انا خذته

Aquilani_8

29-09-2008, 13:38

السلام عليكم ورحمة الله

يعطيك العافية عزيزي..

صار لي استخدم الجهاز فوق 8 شهور وماشاء الله 100%

اكلم اهلي متى ماابي و90 % منها ببلاش يعني على الـ30 دولار الي ادفعها الريدي شهريا

وطبعا ميزته يكلم على اي رقم يعني على الجوال فعشان كذا حلو لما الواحد يطلع واهله قلقانين عليه فيكلمون عالجوال..

وهذا الي يصير معي حاليا..

انصح بكل من ماشتراه يلحق عليه..

يفكـ من أزماتـ كثيرة جدا

شكرا اخوي

العشق الهلالي

29-09-2008, 20:55

الا استخدموا فونج

وش احسن عرض لان عندهم عروض

ويجي معاهم تلفون لا سلكي..

عشان امي ابوي ..

بالله ردوا علي

لا مايجي معه تلفون يجي مودم وانت تشبكه على اى تلفون

وانا لي تسع شهور استخدمه ولا احلى متى مابغيت دقيت على اهلي ولا دقوا هم

يعتمد على وضع الدي اس ال عند اهلك اذا كويس ومافيه تقطيع ولا لا!

واحلى عرض شف لك واحد من اخوياك عنده فونج اذا جيت تشترك وقلهم جيت عن طريق زميلي وياخذون رقمه
كذا تكسب انت شهرين مجاني وصديقك يكسب شهرين مجاني وتصير افدت واستفدت :D

مره كلمت الشركه وقال تقتدر تكلم الـUK وايرلندا مجانا بس ماقد جربت pb094

كل عام وانتم بخير bp039

.o روح طفله o.

17-10-2008, 00:44

يا ناس يا عالم .. انا في فرنسا ليه لما ارسل مسجات من جوالي السعودي ما توصل للناس ولا توصلني مسجاتهم الا رقمين او 3

طلعت شريحة فرنسيه sfr وارسل مسجات للسعوديه .. وفجأه اكتشفت ان المسجات ما توصلهم ؟
وش السبب ؟ ووش الحل ؟

تتوقعون لو اشتري شريحة ( اروانج ) تصير المسجات توصل ؟ احد جرب هذي الشركة ؟
حرام انا أقدر المسجات و من جد تبهذلت ..

مشكورين مقدما

~ Lavender

17-10-2008, 01:02

خدمة vonage ،،
كيف!
يعني اقدر استخدمها وانا بـ كندا لاهلي ..pb189

وجولاتكم ايش تسون فيها الاتصالات السعوديهpb036pb093

Ra3y AmReeKa

17-10-2008, 19:18

يا ناس يا عالم .. انا في فرنسا ليه لما ارسل مسجات من جوالي السعودي ما توصل للناس ولا توصلني مسجاتهم الا رقمين او 3 مشكورين مقدما

انا بعد نفس الشيء من بريطانيا !!

ما توصلني مشجات الأهل !!

Ra3y AmReeKa

17-10-2008, 19:20

أحد جرب خدمة lycamobile للاتصال الدولي ؟!!

هذا موقعهم

http://www.lycamobile.co.uk/

و هي عبارة عن بطاقة SIM

و هذي أسعارهم

عمان = 15 بنس للدقيقة

الإمارات = 13

قطر = 14

البحرين = 9

السعودية = 10

الكويت = 10

باكستان = 7 :D

فـ اللي جرب ياليت يخبرنا و يفيدنا

عشان احنا بعد نتوكل على الله و ناخذ لنا وحدة

بدل بهدلة البطايق و حوسة الأرقام !!

موكا

17-10-2008, 20:35

8
8

والله شوف هالشرايح اشوفها بادية تنتشر كثير هنا في بريطانيا .. واشوف ناس كثير يمدحونها .. عندك زي lebara mobile و عندك Talk mobile .. هذي كويسة للناس اللي تكلم ع برا .. بس سعرها جوا الديرة غالي مقارنة باسعار الشبكات الثانية ..

انا عندي خويي معاه Talk mobile يمدحها .. لكن الشبكة اللي انت تقول عنها ما عندي خبر عنها هل هي جيدة او لا .. بس العلم انهم منتشرين وبكثرة ونفس النظام ..

في صمتي جروح

17-10-2008, 23:24

يعطيك العافيه حبر وورق بتنفع الكثيرين pb189

مشتااااقه لأمي

18-10-2008, 14:44

:sm1:السلام عليكم جميعا
كيفكم والغربه الله يسهل على الجميع
حابه تساعدوني
انا من استراليا ياليت اي احد يعرف خدمه زي اللي عرضتوا يفيدني
مثل البطايق هذي بس اهم شي اقدر استخدمها من جوال بدون ثابت لان ماعندي ثابت
اكون شاكره وداعيه لكم
انتظركم على احرمن الجمر
ابغى اكلم كل الناس على رواقه:sm1:
مشكوريين مقدما

الـنـادر

18-10-2008, 19:28

السلام عليكم

بما اني معكم في الغربه

حبيت اشاركم و ادلكم على شركه مررره كوويسه و نظامها ما فيه احلى منه

اسم الشركه او الموقع Nobel Talk

هذي الموقع للي في امريكا

و النظام اللي عندها اللي تبي

تبي نظام فواتير موجود Postpaid

تبي نظام بطاقات موجود Prepaid

انا عن نفسي استخدم نظام الفواتير

يا طويلين العمر و السلامه

تدخل موقعهم

http://www.nobeltalk.com/

و تسجل معلوماتك عندهم

عاد هم بعدين يكلمونك و يتأكدون من معلوماتك

قبل ما يسكرون الخط

بيعطونك رقم تدق عليه و على طوول تدق الرقم اللي تبيه في السعوديه من دون رقم سري و ذي الخرابيط

تسعيرتهم للسعوديه خط جوال 20 سنت بس

اذا تبي تشبك مع خط بيت في الرياض بـ4 سنت و جده بـ6 سنت

ميزتها اللي انا ارتحت لها

- تسعيرتهم

- عندك رقم دق عليه متى ما بغيت على السعوديه بدون رقم سري او رقم بطاقه

- ما فيه تأخير في الصوت

بنسبه للعيوب

انا اشوف فيها عيب واحد بس

انه يقطع معك الخط اول ما تشبك الخط بس هذا العيب قليل حدووثه

هذا كل شي عندي عن هذا الموقع و اللي يبي اي معلومه زياده عنه انا تحت الخدمه

سلامـbp039

Miss Seven

19-10-2008, 14:20

سلام
حبيت استفسر
ماعندي فكرة عن البطايق اللي اقدر اشتريها واتصل البحرين ( بريطانيا)
لأن لو اشحن عادي واتصل
10 باوند ماتمدي حته 7 دقايق !
فمادري اذا تنصحوني ؟
ويعطيكم العافية

موكا

19-10-2008, 17:36

8
8

خوينا البحريني يمدح لنا Talk Mobile واجد .. يستخدمها للبحرين ..

طبعا هذي شريحة جوال Top-up جربيها وان شاء الله تستانسين عليها ..

اسعارهم

Calls from UK to Bahrain Landline 9 p/min
Calls from UK to Bahrain Mobile 9 p/min

هذا موقعهم في النت

اضغطي هنا (http://www.talkmobile.co.uk/)

مشتااااقه لأمي

22-10-2008, 09:38

السلام عليكم جميعا
كيفكم والغربه الله يسهل على الجميع
حابه تساعدوني
انا من استراليا ياليت اي احد يعرف خدمه زي اللي عرضتوا يفيدني
مثل البطايق هذي بس اهم شي اقدر استخدمها من جوال بدون ثابت لان ماعندي ثابت
اكون شاكره وداعيه لكم
انتظركم على احرمن الجمر
ابغى اكلم كل الناس على رواقه
مشكوريين مقدما

القى جواب منكم عن استراليا
وتاخذون اجري واجر امي

Miss Seven

22-10-2008, 19:02