من يفزع لي ويرجع جنودي

[الدباب]

تجسست على واحد اغريقي ولقيت ماعنده جنود ، هاجمته هجوم كامل بـ 27 جندي + بطل

أسرهم كلهم pb094

المشكلة ان ذي كل قواتي ، وارسلت له رسالة اقول له رجعهم واعطيك هدية :d

اللي هاجمته بدون حلف ، في السيرفر الرابع ، عدد سكانه 66 فقط ، وماعنده أي قوات ولاجواسيس

قريته : ابن العين

احداثياته : (9|-79)

اللي وده يفزع لي ويهاجمه عشان يرجعون لي جنودي يسوي معروف pb189

[mORe sUGer]

هذا امرة بسيط طور جنود وسو علية هجوم كامل وهم يفزعون لجنودك انا جيت ابرسل جنود له بس المسافة بعيدة

حوالي 20ساعة واخاف اطول عليك وانشاء الله يكون احد قريب منك ويفزع لك

bp039

[VIP]

افضل تجسس على الاغريق هو على القوات والتحصين
لأن اكثر ماينخاف منه هالمصايد

الشئ الاخر لاتهجم هجوم كامل
هجوم النهب افضل بالنسبة للموارد


وافضل حل انك تراسله وتقنعه بأسلوبك ;)
يعني مثلا قله فك الاسرى وراح ارسل جيشي مسانده لك لمدة 5 ايام
واذا فكهم اسحب عليه pb192


< مايسويها ابد pb094

[cheery]

لك حلين

الأول انك تبني جنود بسرعه لو 3 جنود وتخليهم هجوم كامل بس لاحظ يمكن تكون عنده فخاخ زياده ويأسر جنودك انا قد سويتها وهجمت على واحد 4 مرات إلين امتلت أفخاخه وطلعت جنودي :D

والحل الثاني انك تعقد معه فديه انك ترسل له موارد مقابل انه يطلق اسراك،،
وهذى بعد دايم اسويها ع اللى يجهم علي اخيره مابين إنه يقتلهم او إنه يرسل لي فديه

[mαjeD]

الدباب نزل موضوعك بموضوع حلف سيرفر 4 ممكن يفزعون

[الدباب]

ينطيكم العافية كل ابوكم ...

دربت لي 9 جنود الحين وابحتري موارد واكملهم 15 واشوف وش يصير

[ابوعيون جريئه]

الا والله تكارنتك سحبوا عليك يابو عبدالله :)

[مقدور]

هههههههههههههه ابو العبدي

وفي رواية طوني ردينا على 27 جندي و700 دبابه :D

اخاف انهم لقو النعمه عند هالاغريقي وديارك مهنا الى عج وكتاد :D

[الدباب]

ابوعيون ومقدور .. الا والله ياشين الشيبان اذا تقابلوا في المشراق ماعندهم شغل وقاموا يتشمتون بالرايحو الجاي ههههههههههههه

ابشركم ارسلت له 9 جنود وفكيت اسراي ورجعوا كلهم سالمين غانمين ، والحين ابرجع اكر عليه مرة ثانية عن هالحوسة اللي حاسني ههههههه

[O_o !!]

بيني وبينه 17 ساعه !! ليلك طووويل

عطني اسمك خلني ارسل لك موارد تطلع جيش

[الدباب]

تسلم حبيب البي خلاص انحلت المشكلة .. ومشكوور :)

النكتة اني لقيته راد على رسالتي قبل شوي يقول : اوكي طرش الهدية وانا بخلي جنودك


قلت له لا اطرش ولاتطرش الله يقرفك خلاص رح سامحتك :d

[VIP]

هههههههههههههههههههههههههه
ياكثر ابو شكيم في اللعبه :p

[K H A L E D]

الدباب ماتخلي حركاتك هههههههههه


طيب ياشباب انا عندي 30 جندي في سيرفر 4 في قريه ثانيه لي ومبتلش فيهم ماخذهم طقطقه كل مادخلت السيرفر اشوف اذا فكو الحظر عن قريتي الأساسيه ادخل ادرب كم واحد لين تجمعو عندي

احد يبيني ارسلهم تعزيز له ؟ بس لازم يكون عندك 30 قمح مستغني عنهم بشكل يومي اكل لهم

[mαjeD]

^
ان كان ودك ترسل لي لو بعض منهم فبيض الله وجهك <= خايف من الاسد الحر خخخخخخخخخ

[K H A L E D]

8
8
كم انتاجك للقمح في الساعه ؟

[mαjeD]

34 قمحه:d

[الدباب]

انا انتاجي 90 قمح في الساعة ، بس يستاهلها ماجد

خالد ... اللي ضحكني انه ارسل لي الرسالة عقب مافكيت جنودي ..شكله سبهه رحمته ههههه

[K H A L E D]

طيب عطني اسم قريتك يا ماجد ... وانت يالدباب بصنع لك جنود غيرهم وارسلهم لك تعزيز


للمعلوميه الجنود اللي يجونك تعزيز ماتقدر تهجم بهم ولا تسوي بهم اي شيء ... فقط يتواجدون للدفاع عن القريه في حال هجم عليك احد ويستهلكون من القمح اللي عندك كل جندي بقمحه

[mαjeD]

:القرى
الاسم السكان إحداثيات
القريةهيش بيش (عاصمة) 93 (-199|44)

خالد لاهنت ويعطيك مليون عافيه
بس ارسل لي 15 وللدباب 15
وان دربت حد ومو شرط فارسل مادربت 15 مع 10 عندي كفايه ولاهنت

[MOHAMMED]

خخخخخ, الدباب pb189 والله يا انك رهيب ليتك جاري بس
هاردلك الهزيمة:sm1:, وان شاء الله العوض قدام الشباب..

قبل ما أدخل على موضوعك كنت مسوي هجمة على واحد عدد سكانه حدود 27 بالسيرفر الرابع, مرسله 12 جندي انا ووجهي..المهم تو أستلمت تقرير أنه أسر 9 وثلاثة ماتو مني ومن عندهــ
أرسلت له مسج, أقوله رجع التنك الي عندك وادحر الشيطان وانا جارك:D, والي صار زلة لسان:D
الرجال لين الحين مافتح المسجpb093..
المشكلة الحين ماعندي أحد, فالي ودهـ يرسل جنوده ويطلع جنودي يعلمني:)

[الدباب]

تسلم والله يابوخلود ..

ابعطيك اسم قرية جديدة تحت الإنشاء وابلشني واحد مهاجمني بـ 67 هراوة ، الغريبة ان عدد سكانه 90 لعن ابوحيه كلهم جنود وانا ماعندي الا 6 ههههههههه

اسم القرية : fordcrown

(130|-191)

وجعلك تسلم يابوخلود :)



محمد ، عدد سكانه 27 مهوب شي ، نزل احداثياته خلنا نشوف وش وضعه

[MOHAMMED]

سم...
(-210|82)
اللاعب:جنتل مزيون

[الدباب]

جنتل مزيون ؟

هذا مايبيله جيش ، ذا طال عمرك ارسل له رسالة بيوزر بنت وبيعطيك باسورد قريته :d

[MOHAMMED]

خخخخخخخ
الدباب ياخي والله أحبكpb189
المشكلة أنه جاري وانا الي طاب عليه
تكفون فكوا أسرانا pb094

[الدباب]

تسلم ياجدي احرجتني :)

شوف يامحمد ، انت شكلك بعيد عني مرة ، الجنتل المملوح يبعد عني 48 ساعة يعني يومين روحة ويومين رجعة ، اتوقع انك في شمال غرب لأني انا في جنوب شرق

لو تلقا احد حولك أحسن يمديهم يرجعون لك جنودك أسرع مني

كان ودي افزع لك ياجدي بس كذا بطول عليك وبتقعد تصرف عليهم نفقة يومين كاملات بدون فايدة ، وقريتك بتقعد بدون جنود

[MOHAMMED]

انا ارسلت له مسج أول ما مسكهم لكن لي الحين ما فتحه هالمزيون, ولا ودي أقتلهم توهم ماطلعوا راس مالهم..
بنتظر كود ربي يهديه ويفكهم..ما قصرت والله

[K H A L E D]

تم ارسال تعزيز 15 لهيش بيش .. وشكلك بعيد


الدباب خويك ذا مهوب صاحي ابو 95 هراوه واللي عندي حاليا 9 مايمديهم صراحه يسوون شيء .. افضل حل مع اللي مثله تطور المخباء علشان كل ماهجم يشوف قدامه اصفار .. ولاعاد يرجع لك ... لكن ان اخذ شيء عزالله قريتك بتصير مرتع خصب لهجماته .

محمد تم الهجوم على المزيون جارك وبيوصلون بعد 17 ساعه .. وبعدين تسمع انت بالمثل خلك بعيد حبك يزيد !!
والله شف لك حل ركب قريتك على سطحه وشف لك ارض فضاء في شمال غرب اكشتو فيها انت وسكانك .. يمدحون الربيع هناك

[MOHAMMED]

خالد والله ياجاري راح غلطة:D

جلسنا على طاولة المفاوضات واكتشفت انه دلخ:D
قلت له رجع جنودي قال بس ابيك تدفع لي دية عن ال2 الي ماتوا, قلت له تم بس مو الحين..
المهم من الفهاوة أبو الشباب فك جنودي وارسل معهم عدد 2كتيبة:D

شكلي بسحب عليه, أنا لاقي آكل عشان أعطيه
خالد وراك حاقد على قريتيpb093

[الدباب]

خالد من ناحية مهوب صاحي فهو كذلك ، ارسلت له رسالة قلت له :

ورا ماتركد وتخلينا حبايب أحسن ؟ :)

عنوان الرسالة : عسى ماتكلفت ( لأنه مرسل كحشة جنود ، وانا مصرف جنودي واستهلكت مواردي ، وما اخذ الا 20 حطبة وحبة قمح :d )

المهم رد يقول :

انت تهدد ولا تطلب ؟؟؟؟ <-- علامات استفهام واجد

رجعت رديت : افهمها زي ماتفهمها ، تبيها بالطيب ولا بالقشارة ( ماهنا اكثر من ذا طيب اللي يهاجمني واقوم ارسل له رسالة مؤدبة بس شكله مهايطي :d )

المهم رد علي يقول : يصير خير

أتعب على الثقل انا .. خوفني صراحة :d

المهم اني ارسلت لقريتي ذي من كل قراي الثانية ، جنود وابطال وجواسيس ماتركت شي ما ارسلته .. و لو عندي حكيم كان ارسلته له يلعب عليه ويخليه يسلمني قريته

[mαjeD]

^
قبل ماارقد عندي 8 جنود ودك بهم تعزيز الا بكره الليل هههههههه
واحد ارسل لي قوات وخالد مرسل لي 15

[الدباب]

تسلم لي ياماجد ماتقصر ، لا ان شالله الموجودين الحين فيهم الخير والبركة للدفاع ، لين اصلح جيش مضبوط في قريتي الكبيرة واروح ادبغه :)