ما يؤرقهم : 1- كيف أقوي علاقتي بأخوي؟! // 2- حياتي الزوجيّة في خطر ؟! [الارشيف]

مايؤرقنا

04-04-2008, 09:53

صبـاحكم , مسـائكم
جنّـــة bp039 !

\

أعــزائي أعضاء وعضــوات أســرتنا ,

( مــايؤرقــنا )

تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,

mayoaregona@hotmail.com

- المشكلة ( 1 ) -

يمكن تكون هذي ما هي بالمشكلة الكبيرة، ويمكن تكون متكررة عند كثير من العوائل، لكن إذا كان لها ظروفها، وأنا كثير يهمني أسمع نصائح من الذكور والإناث في هالموضوع علشان يمكن أحد يفيدني.
أنا مشكلتي مع أخوي!،
أخوي هذا أكبر مني بثلاث سنوات، وأنا ويا هذا الأخ أعمارنا أكثر شي متقاربة بين اخواني كلهم،
لأنه من بعدي تماماً بدت الأعمار تزيد وصار اللي بيني وبين اللي بعدي 5 سنوات واللي بعدي واللي بعده أكثر بعد.
لذلك تقريباً أنا وياه أكثر اثنين عاشوا طفولتهم تماماً بكل ما فيها مع بعض
كنا نسوي مشاكل مع بعض، نتهاوش مع بعض، نلعب مع بعض، نروح ونجي مع بعض، مره كنا قراب،
لكن من لما دخل هو مرحلة الثانوي وأنا دخلت المتوسط كل واحد انشغل بحاله، وهذا أمر طبيعي بحكم المرحلة.
شوي هو كبر وأنا كبرت، وبديت أحس بقيمة إن عندي أخو وودي علاقتي معه تصير قوية حيل،
خاصة لما أشوف صديقاتي وهم يحكون عن أخوانهم وعلاقتهم معهم، وأبي علاقتي مع أخوي تصير كذا
لما تخرج من الثانوي (لأنه عاد ثالث علشان النسبة ) اشتريت له هدية وحطيتها له مفاجأة بغرفته،
ولا لقيت منه أي رد فعل ولا حتى علق عليها : (،
لما تخرج من معهد الإدارة وأخذ الدبلوم سويت نفس الشي ونفس عدم رد الفعل جاني
مره عطتني صديقتي بوك جوتشي هدية، ووقتها كان خاطري أصلاً أشتري بوك جديد وجا بوقته،
حطيته على تسريحتي وقعدت أرتب سريري، شوي ودخل هو وشافه على تسريحتي قال هذي أصلي؟ قلت إيه .. قال من وين لك؟ قلت جاني هدية، قال من زمان وأنا عاجبني وودي أشتري بس أنتظر أتوظف
(هذا الكلام قبل يتخرج من المعهد) وربي ما هان علي أنام هذيك الليلة وهو خاطره فيه : (
رحت غرفته بالليل وحطيته على تسريحته وطلعت.
ومره كنت داخله معه لمحل آبل سنتر أبي أشتري اكسسوارات للآيبود حقي، وكنا مسافرين وكل شوي ياخذ الآيبود حقي وأنا أساساً مو مره متعلقة فيه يعني عادي لو أخذه مني وطول معه، فماهان علي بعد يصير ماعنده
قمت اشتريت له واحد حتى أكبر سعة.
ولما الحمدلله توظفت وأنا أدرس بالجامعة أول راتب استلمته قلت بهديه شي، بعدين خفت ما يعجبه قلت أجل أعطيه هو يتصرف أحسن له وفعلاً عطيته من راتبي مبلغ محترم..
ودائماً ردة فعله نفس الشي .. باردة جداً
لما أكون راكبة معه بالسيارة أحاول أشاوره بمواضيع علشان أحسسه بأهميته عندي وإني أحب أستشيره لكنه مو مره يتفاعل معاي.
وبالبيت مرات يسافر ولا أدري عنه غير بالصدفة ولما يرجع ما يسلم علي غير مصافحة : ( ولا كأنه أخوي،
حتى لما توظف هو الحمدلله صحيح جاب لي هدية بس أعتقد سواها لأنه جاب لأخوي الصغير هدية جوال لأن جوال أخوي اللي قبلها كان جديد وانسرق، وجاب لأمي وأبوي هدية وهذا شي طبيعي،
لأني كنت جالسة بالصالة مع اللاب توب حقي وجاني وهو ساكت ومد لي الكيسة وقفى، يوم فتحته لقيته عقد حلو ذهب، ولا عرفت وش سببه غير من أمي ولما رحت شكرته وأنا فرحانه وأبين له إنه مره عجبني ببرود كذا ومن دون ما يطالعني شكر
أخوي أحس مشاعر الأخوة هذي مو مره مهتم فيها هو، يعني تهمه أموري بحكم إني اخته، يحبني ويخاف علي على إني اخته بس ما يهتم إن العلاقة بيننا تكبر يعتقد إن هذا الحد كافي
أنا ماأبي نصير أنا وياه كذا، ماأبي نوصل للحد اللي تصير علاقتنا ببعض تضعف زيادة ..
فيه أحد ممكن يدلني كيف ممكن أقوي علاقتي بأخوي : (؟

/

- المشكلة ( 2 ) -

السلام عليكم ورحمة الله وبركاته

اهلا بالاسره واهلها عندي مشكله وياليت تساعدوني في حلها فكرت مالقيت غيركم بعد الله
عندي صديقه غاليه علي متزوجه من تقريبا عشرين سنه ماكانت مبسوطه مع زوجها وعندها مشاكل في ظل ضروفها السيئه تعرفت على شاب كان قمة في الاخلاق معاها اعطته كل شيء وقتها وقلبها اخلصت له صار بينهم مكالمات وزيارات داخل بيتها وتقريبا صار بيعرف كل شيء عنها وعن عيالها وبيتها وزوجها وحياتها بشكل عام استمرت علاقتهم اكثر من عشر سنوات طول السنين اللي راحت كانت مبسوطه معه ومافكرت بشيء السنتين الاخيره حست بالندم وفكرت تقطع علاقتها فيه وتتفرغ لبيتها واولادها وطلبت الشيء هذا منولكن الولدرفض وصار يطلب منها اشياء ويجي عند باب البيت حقها ويهددها انو لما حكيت معاه بيفضحها عند زوجها واولادها خصوصا انو عندو ارقام موبايلاتهم اخذها من الموبايل حقها ومو كذا وبس صار حتى بمشاويرها يمشي وراها ويطلبها بمكان عملها وانو لو ماحكيت معاه بالجوال راح يتصل على ثابت العمل حقها ويطلبها يعني سبب لها ازعاج بحياتها وقلق فضيع فهي الان مو عارفه كيف تتخلص منو وتقطع علاقتها فيه ياترى تصارح اولادها وهي خايفه تطيح من عينهم بعد ماكانت الام اللي بيتضرب فيها المثل وطلبت منو يسيبها بحالها ومو راضي ماعندها احد تلجا لو غير رب العالمين هي طلبت مني اطرح مشكلتها عليكم يمكن تلاقوا لها حل او فكره تطلعها من اللي هي فيه وتخلصها من الشبح هذا اللي صار يطاردها بكل مكان
وشكرا لكل شخص بيساعدها بمشكلتها سواء بفكره او دعوه الله يبعد عنكم كل شر ----

بأنتظاركم !!

..

( F )

نايم

04-04-2008, 10:27

- المشكلة ( 1 ) -

هذا المشكله دائما عند الاخوانpb094
واسببها كثيرهpb036
أول شئ تعتمد على المصارحة وبعدها قوم بفعل ها الاشياءpb189

1- ان الولد يحس بالغرور عشان كذا مايعطي اخته وجه:rolleyes:
طبعا مهوب الكل بس بعضهم

2- اسلوبك حلو في كسر غروره وكسر الحاجز عشان كذا واصلي ولاتيأسينpb036

3- يكون ترسبات في قلبه عليك:rolleyes:

4- حاولي تكون لبقه معه اكثر من اللزوم يعني اذا جلس يتكلم حتي لو ماكان الكلام موجه لك حاولي انك تسمعين له
وحاولي تنقشينه وحسسيه انك مهتمه فيهpb189pb189

5- اذا طلب من شئ او من غيرك قديمه انتي بأبتسامه وارتياح
ومع الوقت راح يتغيرpb189

المشكلة 2
بسم الله الرحمن الرحيم

اول شئ تستعين بالله وتخلصي في اعمالك ودعائك لله بأن يفكك من شر هذا الجبان

انا درست الموضوع من كل النواحي
هالشخص مايفيد معه النصح عشان كذا ماراح يجي غير بالقوة:rolleyes:
ومسأله انك تصارحيني عيالك شينه وماراح يغفرون لك هالذنب طول حياتهم

عشان كذا اقترح عليك انك تصارحين مدير مركز هيئه عشانه بيكون
كبير بالسن ومتعلم ويكون فاهم وعلى اطلاع ولا تكلمين غير مدير المركز وصاريحه باللي عندك وقولي له انك تبتي وانك تبين الستر وصدقيني راح يتعاملون معك بالسريه تجاهك وعشان ترتاحين اكثر قولي لــ حق المركز قبل لا تصرحين عن اسمك او عن اي شئ قوليله وش بتسوي وناقشيه بالحلول عشان تقولينه وانتي مرتاحه :)
وان ما ارتحتي للحلول ولا كن شئ صار قفلي الخط وقولي مع السلامه:)

وراح يستدعونه ويتفاهمون معه وبيهددونه عند اللزوم :)

هذا حل
الحل الثاني
انك تصارحين اخوك او ابوك بس انا ضد انك تصارحين عيالك:rolleyes:
شوفي منهو القريب منك ابوك او اخوك شخص تحسينه بيغفر لك هالذنب:)

ان اصبت فمن عندالله وان اخطأت فمن نفسي والشيطانbp039

NawaL

04-04-2008, 11:49

- 2 -

قمة في الاخلاق معاها

مفارقته الأخلاق ، يخون مع متزوجه وعشر سنوات

صراحه المووضوع كبير ، كويس انها ندمت pb093
اهم شي تستغفر لربها هذي وحده خانت بيتها ، وعرض زوجها واولادها ورعيتها pb093
اثمها عظيم اللي سوته كبير pb093

سمعت انه فيه مباحث او هيئه تدق عليهم وتبلغ عن اي شاب يلاحقها
خصوصا بعد الفضايح اللي انتشرت في الفتره الأخيره

تبلغ عنه ، وتتخلص منه

+

اذا هي فعلا تبي تتخلص منه تعرف شلون تتخلص منه
تزهقه منها لاصارت حاطه هدف في بالها بتعرف توصل له
لا صارت تبيه يكلمها وحابه قربه بتعطيه وجهه

لكن اذا تبي فرقاه تطفشه منها ، تصير نكديه
وعله وغثا لين يزهق منها هوو

بسهوله بتتخلص منه اذا هي تبي :D

EMILY

04-04-2008, 11:53

مساء الخير لأسرتنا : )

المشكله الأولى

بدون حكي زايد ولاتفلسف
واجهي أخوك كلميه مباشره ..كل الكلام اللي قلتيه لنا قوليه له فيس تو فيس
بترتبكين ..بيحاول يصرّفك بكلام ( علاقتنا مافيها شئ..خليك عاقله ..الخ )
استمري اتكلمي لاتخجلين
هذا أخوك و قطعه من قلبك ..لاتضيعين دقيقه وانتي تفكرين بجفاه

اواذا اخوك من النوع اللي مرّه جاف وممكن يقوم ويتركك
مازال فيه حل وناجع
الماسنجر ..
ماتقدرين
عندك مسجات الجوال
اكتبي عتبك برساله من القلب
وأأكد لك انها بتوصل لأعمااق قلبه

ترا أخوانا ما ألين منهم...بجواتهم ويتمنون ان علاقتنا فيهم أعمق من اللي تعودنا عليه ..لكن هم يستثقلون البدايه من عندهم وهذا أكيد من ترسبات الماضي والحاضر لمجتمعنا الفذّ,الجهبّذ!

بشرينا خيتو : )

المشكله الثانيه
ماعندي لك رأي وأعتذر منك لأن الأمر كبير كبير
بأفكر أكثر ثم أرجع لك, طبعا اذا حصلت رأي مفيد لك : )

االقائمين على أسرتنا
لكم جميعا شكر و امتنان قدّ جهودكم : )

سلـطانه

04-04-2008, 12:21

-1-

مالك الا انك تواجهينه وتقولين له اللي بخاطرك وتقولين له انك تبين تقربين منها اكثر !

-2-

مشكله مرره كبيره .. والمشكله بعد انها مده طويله وعمر معاه !
ماعندي شي اقدر اساعدك فيه !
بس حبيت اقول لك انك ماتقولين لاولادك ابد !
لانهم بيحسون بشعور بايخ جدا ماله داعي يحسون فيه ابد !

بنت شارع عسير

04-04-2008, 13:09

المشكلة الأولى
أفضل وأسرع طريقة للوصل لأهتمام أخيك فيك
هو فتح باب الحوار بينكم
كلمية وقولي له
أعرف أنك تحبني كثير وتخاف علي كثير
وأعرف أني غالية عليك جدا
بس ياليت تخليني أشعر بهذا الشي أكثر
وبالكلام الحلو المعسول صدقيني بيحاول يتغير
بالتدريج بس أعطيه فرصه بعد كلامك
ربما هو من طبيعة الناس اللي التعبير عنده بالمواقف
الكبيره يظهر
يعني أخوك وأكيد يحبك بس دورك أنتي ياحلوه أهم
بتحريك هذا الركود من ناحيتة
وفقك الله وأسعدك وأشكر لك هذا الحرص
للتقرب من أخيكbp039bp039
أما المشكلة الثانية
بداية أقول الله يعافيك من هذه البلوى
وبجد كلي أسف أن أمرأة متزوجة يحدث منها مثل هذا التصرف:rolleyes:
وللأسف بكل جرأة وكأنك تتحدين الله ثم زوجك وأولادك
عذرا على كلامي
لاأرى أي مبرر لاأمرأة تخاف الله ومتزوجة ولديها أبناء
أن تفعل مافعلتية؟!! والعكس صحيح
نعود للحل أن كان تراه مناسب لها
برأي أنها تكلم أحد المشايخ وتخبره بالقصة كاملة
وتعطية رقم هذا ....pb093...؟ حتى يكلمة
ربما أستطاع هذا الشيخ أن يهديه
ويغير ماينوي فعله
وأما مسألة أخبارك لاأولادك فأراه من أسوا الأشياء
التي سوف تجنين بها على أولادك
طالما الله ستر عليك فاأكملي هذا الستر أمام أبنائك
التجأي إلى الله وأدعية في سجودك وأبكي وتباكي
لعل الله يجعل لك مخرجا من حيث لأتحتسبي
الله يعفو عنك
اسأل الله بعزه وجلاله وعظيم سلطانه
أن يفرج همك ويبعد عنك مايؤذيك ويجعل
توبتك هذه
بداية لحياة جديدة مع الله ومع أهل بيتك اللهم آمين

لولو الامورة

04-04-2008, 13:36

المشكلة رقم 2

اذا صارحتي ابنائك هذي جريمه ثانيه ارتكبتيها
راح يفقدو كل ذره امان واحترام تجاهك

من رحمة الله انهم ماعرفو طول هالسنين

الف مليون

04-04-2008, 14:08

صاحبـه المشكلـه الاولي عـادي عـادي تـرى :D
تـرى اغلـب الشبـاب كذى علاقتـه باحتـه مش بارده بس مايحـب يتميلـح على اختـه وكذى :D
يعنـي مثلا انا لاحظـت بعض الشبـاب لو تخرجـت خويتـه مثلا طقلهـا ساعـه ولا جـوال
واختـه لو تجـيب الدكتـوراه ماجابلهـا خبـر :D

تصـدقيـن امس ابوي مـودي اخواتـي لمهرجـان اسمـه الزهـور عندنـا بالشرقيـه واجي لغرفتـي
والقـاهم حاطيـن لـي ورده صغيـره :D
انا تحمـدت ربـي ع نعمـة العقـل وقلـت بهـا والله الظاهـر زوجتـي اوووب اختـي ع الحركـات هذي :D

انتوا تهتمـون فينـا يالرجـال بوقـت الفـرح وكذى بس احنـا خلـي بس شـي يحزنكـ او نحسكـ
بضيقـه تلقينـا نتركـ اللـي بيدنـا ونجـي نفـزع ماديـا ومعنويـا << اووخص يافزعـه :D pb189

يعنـي مثلا انا عنـدي خوات علاقتـي معهم عاديـه بس من تزوجوا صـرت احس فيهـم اكثـر
اقولكـ سر ؟ pb036
الحيـن لاقالـت اختـي لزوجهـا ودنـي وعيـا ماودي انهـا تعيدهـا عليـه .. تـدق علـي بس
واجيـهـا مابيهـا تطلـب غريـب << لعنبوكـ زوجهـا هذا :D
بينمـا اللي عنـدي بالبيـت اذا مالـي خلـق اودي والله لو مااودي حتـى لو يقولـون بنعبـي السيـاره
بنزيـن اقوول مافيـه وبنجيبلكـ عشـا معنـا اقـول مافيـه (خبركـ ايام الاغراء بالبنزين والعشا انتهت مـن ايام الكليـه :D )

فـ وسعـي صدركـ pb071

السالفـه الثانيـه :D
أنا استغـرب كيـف الحمـل الوديـع يتحـول فجأه لذئـب جائـع ينحـش بدون سبـب ؟؟
احنـا مشكلتنـا في مجتمعنـا ماهـو التفسـخ الاخلاقـي لا والله مشكلتنـا ماعـاد نعـرف ربنـا !!!
ولا لو الواحـد او الوحـده حط الله قبالـه بأي تصـرف لايمكـن يسوي ربـع الاشيـاء الـي نسويهـا :(
استغفـر الله بس كيـف تصلـي العشـاء وتقول يارب وفقنـي وارزقنـي وارفـه الاسهـم وانـت بتزنـي بساعتيـن بعـدهـا pb036 طبعـا مو الكلام لكـ الكلام لكـ ولـي ولنـا كلنـا والله ...

لـي متـى واحنـا بالدجـه هذي ولا صـار لنـا مشكلـه قمنـا ننـوح ونصيـح :(

تبيـن نصيحـه من واحـد مثلـي ؟ لـي متى وانتـي بتعيشيـن بقلـق ووسوسـه وتدعيـن ان الله يفككـ منـه ؟؟ طيـب لو الله ماستجـاب دعاكـ واستمريتـي على هذي الحالـه لي متـى ؟؟
شـوفـي لو خضعتـي مـره لـه اعرفـي انـه يبيكـ تخضعيـن كل مـره ولو قابلتيـه الحيـن هو يقولكـ بفضحكـ وكذى بس المـره الجايـه يدور يمسكـ شي اكبـر واكبـر لأن خلاص عرف ان اشكالكـ مايجـون إلا بالتهديـد .. اكـون صريـح اكثر معكـ عند اغلـب الدشيـر مثل يقـول الكلـب يتـوب واللعابـه ماتتـوب
(طبعـا هـو الكلمـه مش اللعابـه بس انا نقيـت الكلمـه مراعـاه للوضـع العـام :D)
فهـو حاط ببالـه انكـ ماعقلتـي وهالشـي هو مقتنـع منـه فيقـول بجيبهـا غصـب عنهـا او بنكـد عليهـا كل الميزات اللي كانـت عندهـا وتخليهـا تطلـع مع شبابا وكذى .. يعنـي هو مو منقهـر انكـ عقلتـي
بالعكـس الله يوفقكـ لو عقلتـي وماشـاف منكـ إلا كل خيـر بس هو مايحـب احد يسحـب عليـه عشـان غيـره pb036 ( طبعـا هذا تفكيـره هـو )

زبدة كلامـي اقطـع عرق وسيـح دم من اولهـا ولايقعـد يذلكـ ابن الحـرام ويسـوي فيهـا قوي عليكـ
لأن لو هـو فعلا بيسـوي شي فاعـرفي انـه بيسويـه الحيـن او بعـديـن ولاتستغربـي بكـره اذا قال
خلاص مليـت منكـ جيبي اختكـ او خويتكـ او هاتـي فلـوس لان خلاص الحـب راااح الحيـن صيغـة الامـر اللـي صار تمشـي بينكـم فليش امشـي الطريـق هذا من الحيـن اشوف اللي بيسويـه سواء الحيـن وبعديـن

وانتـي خلاص لاتعطينـه فرصـه يكمـل تهديد خلاص اقطعـي خلاص قولـي نــو مــور إنــف
يالله سـوي معـي بيدينكـ كذى خلاااااص << تحمـس :D

الله يوسـع صدوركـم بناتنـا ويزيـل الهمـوم عنكـم وتـرى دايـم تمورو انوذير داي

بس شرايكـم باللي يكتـب الانجليـزي بحروف عربيـه قروي متطـور قاعـد يتفلسـف على جماعتـه :D

برايفـت المشرفيـن : عـاد انتوا تقولـون امنتدى يقراه جميـع الاعمـار وانا ردي لفئـه عمريـه اللي تقـرى المـوضـوع هذا فمـااظن اقـل من 18 سنـه بيقـرى هالمـوضـوع pb036

وبـس تعبـت :Dpb189

Da''

04-04-2008, 14:16

اول مره اجرب ارد بهالموضوع pb189

بالنسبه للمشكله الاولى

مثل ماقلتي حبيبتي هالمشكله كثير نشوفها

مو شرط يكون اخوك غير مهتم انه يقرب منك اكثر بالعكس يمكن هو من النوع اللي يستحي وينحرج يقرب منك

كثير اعرف بنات اخوانهم كذا يخافون يقون علاقتهم بخواتهم لانهم مايعرفون يتصرفون معهم كصديقه اكثر من اخت

انا من رأيي تعزمينه على مطعم وتجلسين معه تقولين له ياليت كل مره نطلع كذا انا وانت

حاولي تتقربين منه بكل الطرق

وحلو لما تهدينه هديه خليك بوجهه قولي شرايك خليه يتكلم يطلع اللي بقلبه :D

واذا ماتكلم دقيه بالكلام قولي شكلها ماعجبتك خليه غصب يتكلم pb027

اطلبي منه يهديك شي خشي بعينه pb027

صدقيني هو يستحي مايعرف يبين مشاعره مو سالفه انه مايهتم pb189

المشكله - 2 -

انا من رأيي تصارحين اخوانك بالموضوع افضل لك ولحياتك الزوجيه

وتشوفين كيف راح يتصرفون

ونصيحه نصيحه نصيحه اولادك لايدرون باللي صار

والله يستر عليك يارب ويهديك :(

ملك بدون مملكة

04-04-2008, 14:21

.
.

المشكلة الاولى
للاسف هالوضع طبيعي مع معظم الشباب
الشباب مع التعبير عن المشاعر = X
بس ترا مو لانه ما يحبك ، انما هذا طبعه !
صعب تغيرينه لكن استمري على علاقتك الطيبة معاه ..

المشكلة الثانية
الزواج مدته عشرين سنة والخيانة لها عشر سنين
المشكلة شكلها كبيرة لكن حلها بسيط
تقول للغريب هذا يافلان انا تبت والله يستر عليك
وتقطع بعدها كل وسائل الاتصال فيه مره وحده
والله يتقبل توبتها ان كانت صادقة

Los BLancos

04-04-2008, 14:43

المشكلة الاولى :

مثل ماقالوا الاخوان والاخوات , خصوصاً رد حلا بالكريمه .. هالرد بالصميم وبالفعل هذا اللي اعانيه واتوقع اللي يعانونه باقي الشباب , حاولي تكسرين حاجز الخجل اللي في اخوك بواسطة طرق حلا بالكريمه :(

ونقول يارب ينكسر اللي فيني !

ميادة

04-04-2008, 14:47

المشكلة الأولى
عادي يابنتي ماهي مشكلة .. الناس يختلفون .. كل شخص له شخصية مختلفة .. وكثير من الأولاد مايعرفون يعبرون عن انفسهم خصوصا مع اخواتهم .. بس هذا مايعني أبداً انهم ماهم ممتنين للأشياء الصغيرة الي تقدمينها لهم !
بالعكس تماماً .. عاد أنا أحب هذا النوع من الأشخاص pb036
الي مايتكلمون كثير و يتصنعون الثقل أو مايعرفون يعبرون بالأصح لكن تجي مواقف يفاجؤنك فيها على قد ماهم يحبونك وعلى قد ماأنت شخص مهم و مؤثر في حياتهم pb189
أحيانا يكون عندهم مبدأ ان الكلام مو ضروري نقوله ..
أو مايفرق و لايزود ولا ينقص شيء .. اختي و احبها و هذا شي طبيعي و ماله أي معنى اني اقول لها اني احبها او اعبر لها عن حبي !!
ترى تفكير الشباب الصغار في أغلبه كذا !
خليني اقول لك هذي الحكاية عن أخ وأخته اعرفهم ..
الولد أصغر منها و كان التعامل معه صعب في فترة المراهقة و لاأحد عارف يقرب منه و يفهم مشاكله .. علاقته باخته كانت حلوة لكن في نفس الوقت زي الأخ الي فوق هذا مايتكلم ولا عنده أي تعبيرات من أي نوع !
أخته موظفه و كانت تعطيه باستمرار فلوس مصروف او اشياء ثانية ..هو الي يطلب غالباً
و مايعرف يقول حتى شكراً :confused:
احيانا كانت تحس انه تعود وماصار يقدر ولا يحس ان هذي الفلوس تجي بتعب .. أو كأنها كانت فرض عليها له !
لكن لما كبر يعني صار في الجامعة تفاجأت أنه مدون كل ريال أخذه منها بالتاريخ واليوم في مذكرة عندهpb189
يعني ماكان مثل ماهو مبين ... ماهو حاس بقيمة شي ولا مقدر شي , كان ممتن و يحس انه مديون معنويا و ماديا و ملزوم يرد الدين حتى لو ما كان مطلوب منه يرده ولا كان متوقع منه يرد شي !
بس مايعرفون يتكلمون الله لا يحرمنا منهم pb189

المهم انك ماا تفكرين أن أي شيء تقدمينه لأخوك ضايع فيه أو مايقدره .., أو أنه مايحس بك ..,
لكن اكيد انه مايعرف أنك تتضايقين من بروده او من أسلوبه ..
زي ماقالت ايمي لو متضايقة منه مره أكتبي له رساله ولا تخلين في خاطرك شي ..
بس ااخاف يقراها ولا يعلق برضوه :D
بعضهم حالتهم مستعصية ... ماعندي فكرة ثانية .. لكن أبغاك تتذكرين ان أخوك شخص مختلف عن أخ أي وحدة من صديقاتك او أي شخص تشوفينه و تقولين ليه اخوي مايصير مثله ؟!
أنت غير و هو غير.... مثل أي أثنين في الدنيا مافيه اثنين ثانيين يشبهونهم و نسخة عنهم في شكل علاقتهم ولا في طبيعتها !
والله يخلي لك اخوك و يخليك انت له هذا البارد الي مايعرف يعبر :Dpb189

تايد مع مبيض

04-04-2008, 14:49

المشكلة الأولى:
هذا شيء عادي جداً بين الأخوان .. والأخوات
انتي متضايقه من بروده .. بس اذا عرفتي ان طريقة التعبير عند العيال تجاه أخواتهم تعتبر عائق عند كثير من العيال احتمال ما تتضايقين .
بالنسبة لي واخواتي بصراحة اقدرهم وافرح اذا شفت شيء منهم .. وكل اللي اقدر اقوله الله يعافيك ما قصرتي ليه كلفتي على عمرك .. من عرفت عمري وانا ما اقول الا ذا الكلام .. حركات الأوفر رياكشن ما نعترف فيها أنحن يا العيال.
بس اذا تبين ترتاحين .. لا تواجهينه .. اكتبي له كل اللي في بالك من طقطق لسلام عليكم .. وارسليها له امم امم اس (ارخص لك) او ارسليها كرسالة ورقية.
وان شاء الله بيتفهم وضعك .. بس صدقيني بيصير يستحي منك اكثر .

المشكلة الثانية:
مافيك حيلة.
وضعك صعب جداً ،، حركات توصلين الموضوع إلى أخوانك .. رجلك .. عيالك... الخ
راح تزيدين الطين بلّه
حطي في بالك ان حنا مجتمع شرقي ومهما وصل بنا الأمر من ادعاء الحرية وانفتاح الفكر .. تضل الأمور هذي محد يخوض فيها أو يحاول انه يطبقها. خل نقول إن الواحد ما يضمن ردة الفعل.
بالنسبة لوضعك .. الجأي لربك .. هو اللي بيكفيك شره وبيستر عليك .. لا فلان ولا علتان بينفعك .. هو كان كويس وصار شرس .. وشراسته هذي ما طلعت الا في ضعف منك .
وصدقيني مثل ما الوحدة تخاف على سمعتها برضوا الواحد يخاف على سمعته الا ان كانه من النوع اللي يطبق مبدأ هي خاربه خاربه .. ما يمنع انك تطبقين نفس مبدأه .. وتغدي به قبل ما يتعشى بك.

قشامه محترقه

04-04-2008, 18:37

مسا الخير ...

المشكله الأولى ..

تدرين صح ان مشكلتك مضيقه صدرك بس صدقيني عادي ... يختي خنقتني العبره على مشكلتك وتاثرت فيها اكثر من المشكله الثانيه هههههه:D

شوفي وانا اختك ... انا علاقتي باخواني الكبار واحد اكبر وواحد اصغر كنت لاس لمت عليهم بس مصافح استحي << مالت :p

زين عقب تغيرو 180 درجه الاكبر عقب ما اعرس ... والثاني عقب ما سافر اللي انا وياه كنت مهنا زود مانحكي الا ملاقط ..

والله عند ادناه شي يتأثرون .. يراعونك اكثر من انفسهم ... بس بعضهم مدري هو حيا مدري وشو ... اللي سافر الحين صار يسلم عادي زي الناس يتحابون .. صار يحب راسي ههههه وش عقب هذي حبه الراس وربي صرت احب راسه لاحب راسي بس تغير ... فيه شي غيره الايام تغيرهم .. معاملتك انت انتي معهم سولفي حتى لو ماعطاك وجه ... مايخالف سولفي ... لا تحطين ببالك انه ما يحبني او انه انا عادي عنده ابد اخته وقطعه من قلبه لو بتحتاحين اي شي وبليله ظلما بيركض ركض ....

الله يخليه لكم يارب .. يازين الاخوان وربي لاهداهم ربي

المشكله الثانيه ...

اول شي الله يهديك .. والحمد لله اللي ربي هداك وفتح على قلبك ..

اللي بيقول انه مشكلتك عاديه لا والله مهيب عاديه ... يعني زوج وعيال وبديتي عليهم وش اقول ما اعتبره واسفه على هالكلمه واحد من الشارع ومدخلته بقعر بيتك وش يسمى هذا ... كله بفعل يديك .. ما احد قال انه مجبوره او كذا ...

تقولين قمه في الاخلاق هو والله اللي ماهو لم الاخلاق اللي يرضى على نفسه اللي سواه ولو ما لقى وجه ما تمادى يعني الغلط منك ومنه ...

ادعي ربي انه يريحك منه .. ومثل ماقالوا الاعضاء قبلي ... ممكن تحاكين ناس مهتمه بالشؤون العائليه .. احد فاهم ممكن يحل مشكلتك بسكات ...

ممكن اذا واحد من اهلك فاهم ... وقبل هذا حكيم .. لا تتوقعين طبطبه ويواسيك لا بيلومك ... لانه غلط وغلط كبير .. لكن بيساعدك اذا كان حكيم ...

الحين الحل بيدك .. انتي اللي تعرفين اللي حولك .. كيف ممكن تحلينه .. والله يستر علينا وعليك ويهدي بالك يارب ..

الليدي مزنه

04-04-2008, 19:54

بخصوص المشكله الاولى...تذكرت سالفة وحده من البنات مع اخوها
اخوها هذا اصغر منها بسنتين يمكن وهي تحبه مره وهو بارد تقريبا زي اخو البنت اللي بالموضوع ..
المهم ذاك اليوم راحو للسوق..وراحت تتمشى لحالها وغازلها واحد بالسوق وشافها اخوها وهزأها مع انها ماسوت شي ..ويوم راحو للبيت تهاوشو وقام ابوهم هاوشهم كلهم ..
من عقبها ماصارو يتكلمون مع بعض..يمكن لاكثر من ست شهور ..قامت وحده من صديقاتها نصحتها نصيحه ماش :D ..قالت لها روحي ارسلي له مسج رضاوه واعزميه بمطعم وتسامحو وانسو الموضوع ..هو بيشوفك سويتي له كذا بيسامحكpb093 طبعا ارسلت له مسج وعزمته ولافاد تيتي تيتي رحتي زي ماجيتي pb093 ...لان الولد شايف نفسه انه ماسوا شي غلط ابدا ومتاكد ان اللي سواه هو الصح..ويمكن جا بباله انها سوت كذا لانها حست بالذنب pb093..
عاد انا قلت لها روحي له بغرفته وقولي له تعال هنا قلي وش عندك.. وتناقشو مره ثانيه بس خلي له مجال يوضح لك وجهة نظره ووضحي له وجهة نظرك.. ثمن قولي له ترا احنا اخوان واذا هذا اول موقف بيننا كذا وصار كل هاللي صار اجل وش بيصير لما بنكبر وتصير مواقف اكبر..
مهما صار بين الاخوان مفروض مايزعلون من بعض ويكبرون قلوبهم على بعض..
وصراحه جابت فايده نصيحتي :)
الاخ مايبي حركات رومانسيه من اخته...لا يبي موقف ..يبي ظهر ...يبي اخت تنحط عالجرح تبرى ...
مايهمه حركات الهدايا وغيرها ...بيكفيه اخت يثق فيها تكون بجنبه ..اذا احتاجها ماتقصر معاه ..

اما المشكله الثانيه..مانقول الا الله يستر علينا وعلى المسلمين ولاحول ولاقوة الا بالله pb093

وسامحونا على كثر البربره :D
وخوذي هالـ bp039 ولاتعطينها اخوك :D

بريحكـ مني

04-04-2008, 22:38

المشكله الاولى ..

الله يعطيك على قيد نيتك .. واستمري معاه يالغلا

كثر الدق يفك اللحام ..

بس نصيحه .. واجهيه .. ناقشيه .. شوفي وش في خاطره

وحتى لو صدمك بكلام او لا مبالاة .. مصيره يحس فيك

مهما كان هو بشر .. واي فعل منك بياثر عليه

المشكله الثانيه .. لاتعليق :)

^^تهاويل^^

05-04-2008, 03:16

[1 ]

عادي ترى اغلب اخوانا كذا قليلين حكي يعني تلقينه وده يشكرك وده يسولف معك
بس في شي يمنعه بس ثقي تماما انه داخل قلبه يحمل مشاعر عميقه لك
بس ينقصه اظهار المشاعر يمكن هالشي مو بس في الشباب انا احمل نفس صفة اخوك
احب اخواني وخواتي ويسون معي معروف كثير بس اخجل عن التعبير عن مشاعري ما ادري ليه
انا داخلي ممتنه لهم كثير واحبهم كثير بس ما اظهر مشاعري لهم مدري يمكن هم يفكرون مثلك اللحين
عادي اضحك معهم واسولف واستهبل بس في لحظات التعبير عن المشاعر فاشله جدا
مو بس مع اخواني حتى مع خواتي
اللحين بتسالين نفسك وش فيها ذي ابي منها حل قصتلي قصة حياتها
بس انا الهدف من اللي ذكرته اني متاكده ان يحمل لك مشاعر حب بس من الناس اللي مايعبرون
خلاص انتي لاتنتظرين منه شكر اوشي سوي كل الاشياء اللي معتاده انك تسوينها وحطي في بالك
انه يشكرك بقلبه

[ 2 ]

في حل مذكور اللي هو الهيئه سمعت انهم يفيدون بس مثل ماذكروا مسؤل ولاتقولين له معلوماتك
اول شي اسردي الحكايه على انها ماتخصك شوفي وش ردة فعله يمكن فيدك
اما انك تكلمين اولادك صعبه جدا حتى اخوانك او ابوك احس الموقف صعب جدا ان الانسان يقوله لقريب
ولاتنسين الدعاء سهام الليل قادره انها تكفيك شره
الله يفرج همك ياكريم

شيلة أمي

05-04-2008, 04:07

صاحبة المشكلة الثانيه
اول شيء الحمدالله ان ربي فتح على قلبك
وعرفتي الصح من الخطأ ماراح الومك ولا راح اتعبك نفسيا ً ...
لكن شوفي ..
نصيحه نصيحه نصيحه
اذا انتي فعلا ندمانه وجاده في قطع علاقتك معاه الجئي الى الله اولا ً ...
ثانيا ً : كلميه آخر مكالمه وخليك جاده جدا في كلامك معاه
كلميه بحزم وبثقه قولي يافلان انا تعبت من ذا الطريق
ونويت لله نيه اني اصلح حياتي ونيتي والتفت لبيتي وزوجي وعيالي
انا ماعاد بكلمك وبقطع علاقتي فيك نهائيا لاني ابي ارتاح
وابي ربي يوفقني بحياتي
وطرااااااااااااااااااخ بـ السماعه
مهما حاول يستفزك او يهددك لا تسمعين له
قفلي جوالك ولا تردين على اتصالاته والجئي الى الله
مهما اتصل مهما لاحق سيارتكم قوي قلبك ولا تضعفين او تخافين
كل ما شافك خايفه او ضعيفه كل ما نفخ صدره عليك واستقوى ..
لا تعلمين لا اولادك ولا اخوانك ولا أحد ...
لانه صعبه تطيحين من عينهم بعد ذا العمر كله
يمكن سبحان الله يبعد عنك لما يشوفك صادقه في التوبه
بليييييييز
لا تردين عليه / لا تضعفين / لا تخافين / لا توصلين له احساس انك خايفه منه
لانه راح يتمادى معاك أكثر و أكثر ...
الله يكفيك شره يارب ويبعده عنك وعن حياتك ..

/

صاحبة المشكله الاولى pb192
أما عاد ..!!
اجل لو تشوفين علاقتي مع اخواني pb094
تشويت / سب / مهاوشات / عناد / تكفيخ pb192
عادي يا بنت الناس لا تصيرين حساسه مره pb036
احلى مافي الاخوه انه مهما تهاوشنا ومهما عاندنا ومهما كفخنا بعض
نرجع نتراضا ونتصالح في اقل من يوم ونموت ضحك على بعض :D

حلـم بنـت

05-04-2008, 04:31

الأخوة والأخوات لابد أن تكون علاقتهم متقلبة عموما
والغالبيه يستحي او مايعرف يعبرّ عن مشاعره !
الحوار اقرب حل لك .. تكلمي بمواضيع يحبها هوايته شاركيه فيها .. رياضه / اكلته المفضله
والصراحه حلوه !

اخوي تجيه اوقات يصير فيها بعيد وهو قريب
اشاركه اي شي يحبه / واحكي له عن يومي
ومع الوقت لقيته يحكي لي شو عمل ومع مين كان
واسبقه بحكي حلو يبسطه واحسسه انه اخوي اللي مالي غيره ~

الله يخليكم لبعض ويسعدكم الهي pb189

أبعـاد

05-04-2008, 12:59

المشكله الاولى:
القصه كلها طبع ! يعني هذا طبع اخوك ماتقدرين تغيرينه وهذا تعبيره واسلوبه عن علاقته فيك مافيه أكثر من كذا
بالعكس انا اشوف ان الوضع طبيعي مو قصة انه مايهتم أو شي , عموماً الرجال يحاولون بقدر الامكان مايظهرون العاطفه يظنون انه انتقاص من الرجوله بالمقابل تلقينهم أحن الناس عليك.
ـــــــــــــ
المشكلة الثانيه:
اذا انتي فعلاً ندمانه ومفكره تتخلصين من اللي انتي فيه راح تقدرين , ذكائك اللي ساعدك مدة 10 سنوات وخلاك تقدرين تخبين سر كبير مثل هذا عن زوجك وعيالك يخليك تلقين حل وبسهوله وتتخلصين منه.
انا مو من رايي تستنجدين بأي احد مثل أبوك أو أخوك انا برايي تحلين المسأله بنفسك انتي شخصياً بدون مساعدة احد وتقطعين علاقتك نهائياً من جميع النواحي حتى لو تطلب الأمر منك (الرحيل عن البيت والحي , تغيير أرقام الهواتف , الانتقال الى مقر عمل آخر) .
لاتقولين صعبه , الصعبه هي خيانتك لزوجك وعيالك طول هالمده وكذبك عليهم , حاولي التمسك بآخر حبل بينك وبين زوجك لو على سبيل أمور مهمه ثانيه (لكن مو اهم من حياتك الزوجيه) ربي معك .

،‘ إنتقائيه..!

05-04-2008, 14:19

صاحبة المشكلة الثانيه ..

ماراح أضغط عليك بالحكي ..

مابدي لومك ..

أنتي راح تحاسبين نفسك ..

حكاية أنوتستنجدي في شخص أنسيها !

الله يستر عليك ..

دخلت بس أبدعي لك بالستر وأنو ترجعي لطريق الصواب ..

الله يستر عليك ..

funky girl

05-04-2008, 15:02

المشكله الأولى

اشوف اخوك مغرور شوي وشايف نفسه ومتأثر كثير بالبيئه الصحراويه من مبدا انت رجال وخلك جاف مع الحرمه حتى لو اختك

الحل عندك انتي واجهيه وتكلمي معه بصراحه وان اللي يسويه مايعجبك وصدقيني هو بيصير يفكر فيك قبل اي تصرف يسويه ويحط كلامك في باله ومع الأيام راح يلين ويتغير

--------------

المشكله الثانيه

والله اختي مشكلتك كبيره مره وانتي بيدك الحل مثل مادخلتيه حياتك طلعيه منها

بس هذا الأقدر اقوله

بارق الشوق

05-04-2008, 15:36

المشكلة رقم (1)

أصلاً مافيه مشكلة . . ممكن يكون طبع أخوكـ كذه مايعرف يعبر لك عن اللي في قلبه . . يمكن يكون حياوي في الأمور ذي يستحي يرد عليك . .بس أذا أنتي تبينه يحسك فيك أكثر . . صارحية في الموضوع . . قولي له يابو أنت أسلوبك بايخ لك عليه حس فيني تعال خلنا نتناقش في مواضيعنا الآسرية .. والا تدرين كملي اللي بديتية . . ( تصدقين أخوك يحسد على اللي فيه ) بس المهم أسلوبك لا يختلف معاه خليك مثل ماأنتي الين مايحس في النعمه ذي ..

المشكلة (2) :

والله مشكلتك عويصه . . بس هذا ماجنته يداك .. عشرين سنه متزوجه يعني أنتي حرمه كبيرة عندك عقل تفكرين فيه ماعرفتي الصح من الخطاء من بدري . . مافكرتي في عيالك .. مافكرتي في عواقب الأمور . . والله بالنسبة لي ماعندي حل لك . . بس أعتقد أن الحل المناسب حل أبعاد اللي خلاك تستخدمين عقلك 10 سنينن خليك يفكر الحين ويجيب لك حل . . وأهم شي لاتحاولين أنك تكلمين أحد لا أبوك ولا أخوك ولا أولادك . . فعلتك لاتغتفر .

دمــوع الفجـــر

05-04-2008, 16:04

بعلق على صاحبة المشكله الثانية ..bp039
بتعامل مع الموقف بمرونه شوي..
الحمد لله أختي اللي ربي هداك..pb189
ومشكله الولد إذا أنتي متعامله معه بالأحسان .. ومافاد.. أنتي سويتي اللي عليك..لكن الشكليه هذي ماينفع ألا الحزم معه..
قبل فتره سمعت عن واحد تقريبا نفس حكايه الشاب اللي تقصدين..صاحب علاقه مع متزوجه والبنت حاولت فيه يتركها ماقدرت عليه أبد.. وكان معها عشره غيرها...
البنت مالقت ألا الهيئه بس طلبت منه بعض الأجراءت وساعدتها بالموضوع كثير .. والحمد لله أنمسك متلبس .. واللحين مسجون له أكثر من 6 شهور...حاولي تدرسين الموضوع من كافه جوانبه.. وإياك أحد من أهلك يعرف :eek:.. خلي الموضوع ينتهي بسكات
ربي يفرج همك عزيزتي..bp039

فـوق الحـــلا شامه

05-04-2008, 16:30

إلمشكله الاولى تصير ووتبي تنحل مع الــوقـت وكل الشبـاااب كذا جاافين مع خواتهم .

المشكله الثـااني هي الصعبــه وحسااسه مـره وفيهاا شــرف سبحان الله 10 سنين مع بعض ,
10 سنين مخاويته وتوهـاا تفكر في بيتها واعيالهـاا هي افتحت على نفسهـاا ابواب كثيرهـ ,
واذا خويهـاا يبي يهددهااا ويستقعد لهـاا على ركبه ونص وكذا العيال يبون ينصدمون في امهم والزووج وتبي تصير فضيحتهاا بجلاجـل ,
اول تبعد عنه الهيئه ماايفضحهـاا غير الهيئه ذي علاقتهـاا 10 سنين وخلوه غير شرعيه بينهم وهي انسـاانه متزوجه محصنه واضحه العقووبه في الشــرع ,
طول هـ المده يعني تبي تصير في سين وجيـم وتبي تطيح فوق راسهــاا الهيئه تحل المشـااكل البسيطه ,,
حدهم مكالماات وتسجيل صــوت ويههدهاا انه يطلعهـاا ماابعد وقع شي فيه فــرق كبير بينــهم ,

برائـي اناا وان شــاءالله يكون صــواب واذا الاعضـااء يئيــدوني فيـه ’.؟!!!!!!
ودام العـلااقه بينهم قـويه انهـاا تواعدهـ في كـوفي شووب ,
وتخلي اقرب شخــص لهـاا كاان وهم طـاالعين من الكــووفي يراقب ذا الشـخص ,
لين مايوقف عند بااب بيته وبكذا هي وحسب شطـاارتهاا تسحب الحبل حبه حبه لين تعرف عنه كـل شي من طقطق لـ سلام عليــكم .
وبماا انه علاقتهم خنفشااريه اذا فتح لهـاا سيره تقوله اذا انت نااوي تفضحني انـاا ابي افضحك عند اهلــك دام السمعه رايحه رايحه ,
وعـااد اذا صاار بينهم شي يعني يعني يعني ....ششششش انه واحد من العيالي ولدك ولازم تثبت نسبه.َ!
اذا هـو يهددها هي تهدد انها تروح لـ اهله وتعلمهم في ولدهم وتفضحه عندهـم وعند جمااعته ,
بكذا اعتقد انه يبي يبلع العافيه لانه امسكت عليــه نقطه ضعــفه يمكن يتركهاا في حـاالهــاا .,
ومن ذا الكـلاااام وتهلس عليه ويااربي انه يتركهـاا في حـاالهاا من جد مصيبـه .....,

Juhaina

05-04-2008, 16:57

^
^
^

وعـااد اذا صاار بينهم شي يعني يعني يعني ....ششششش انه واحد من العيالي ولدك ولازم تثبت نسبه.َ!
إنتبهي إنتبهي ثم إنتبهي تعملي كذه...
هذي راح تفجر الدنيا بزيادة...

النصيحة الوحيدة اللي ممكن أنصحها هي أولادك إنتبهي يعرفوا أو يشموا خبر عن هالقصة...
تبيهم يكرهوكي للأبد و تعقديهم نفسياً و تجننينهم و تخربي حياتهم و علاقتهم مع الجنس الآخر؟؟؟

***

ما عندي أي حل لك للأسف...
الله يستر عليك و يفتحها بوجهك...

بس بيني و بينك 10 سنين فترة طويلة واحد يقضيها مع واحدة متزوجة...
يعني ممكن سنة أو سنتين...
يمكن العلاقة بينك و بينه علاقة عاطفية مريضة...
يعني يعتبرك مثل أمه...

تبي تلعبيها صح؟؟؟
قولي إنه طالع لك سرطان بصدرك و وصلتي سن اليأس...
و حتضطري تستقيلي من شغلك...
و عاد إحنا الحين بأبريل صح؟؟؟

حاولي تطلعي تسافري و تغيبي عن كل الأنظار أبو 6 شهور...
و لا تغيري جوالك و إحبكيها كويس...
و صيري إتصلي عليه بأوقات زفت...
و إكئبيه إكئبيه قولي له بطلت مرة صرت عجوزة و بأموت...
على بلاطة خليه يكره الساعة اللي قابل فيها وجهك...

في واحدة أعرفها لما كانت تطلع أو تقابل أي شاب و يطلع مقرف أو تخاف منه...
تعمل حالها تشوف جن و تحكي معهم...
و تجنن الشاب و تصير فجأة تجلس على الأرض تحكي...
و هو يحكي معها و يناظر عيونها تصير تناظر و تتنح بمحلين أو أكثر...
و تصير تقول له إنت كذه حيصير فيك هم قاعدين يقولوا كذه مع كم هزة راس مجنونة...
الزبدة مع حركاتها مافي شاب يطول معها أكثر من نص ساعة و يكون مرعوب...

مثل ما قال رد قبلي...
إنتي كنتي ذكية كفاية 10 سنين معاه...
أكيد ذكائك إن شا الله ما حيخونك طالما عن جد نيتك كويسة و قلبك متوجه لربي تعالى...

الله يستر عليكي و يا رب يا رب يفتحها يوجهك...
و الله يحمي زوجك و عيالك يا رب...

Juhaina

05-04-2008, 17:20

حل ثاني مجنون شوي...

قولي له إنك خلاص ما عاد طايقة العيشة مع زوجك...
و إنه حتخلعيه و تعطيه كل فلوسك...
عشان تتزوجيه و تعيشي معه للأبد و تخلفي صبيان و بنات...
و إنه زوجك موافق على هالشي...

و بصراحة هو مستعد يتزوجك؟؟؟
ما أتوقع فحيخاف و إنتي ساعتها إلعبي دور الحبيبة المجنونة...
و لو هو مستعد يتزوجك فتزوجيه؟؟؟

أعطيتك 3 سينياريوهات و حاسة حالي من جد بمسلسل مكسيكي :confused:...

ملك بدون مملكة

05-04-2008, 20:42

^
^

جهينه صدق انك مجنونة و Extreme هههههههه
دايم احب اقرا ردودك D:

بس ليه ظنك كل الحلول لازم يكون فيها الاعيب ؟
الحقيقة ابسط من الكذب المتعب بالطريقة هذي
يافلان انا تبت والله يستر عليك وتقفل كل وسائل الاتصال وخلصنا

ومعروف ان التهديد حيلة العاجز

Super RoOoNy

05-04-2008, 20:54

"
"

أنا اشوف انه طبيعي والخجل بطريقة التعبير عن مشاعر بين الاخوان..

بك بيت تصير ..

انا الان كيذا مع اخوي االي اصغر مني بسنتين..

اخوي كتوم وخجول ومايعرف ابدا يعبر عن مشاعره

بس بالمواقف الي احتاجها فيه انصدم مره

يتغير اسلوبه 180 درجه

وانا من رايي

التعامل معاه يكون حوار ..بسيط عن اي موضوع يهمه او يلفت نظره...

انا مو مع الجو العاطفي الدلوعي

ماحب ادلع الكبار

يعني اخوي هذا اقوله كلمتين حلوه بالاخير اما طول الوقت اناقشه بشكل جدي على مزح شوي عشان ياخذ علي ويموون شوي :d

اما التدليع هو بيسحتي ..

نايم

05-04-2008, 21:10

Juhaina

حلولك حلوه وخوصا حق الفلم ان فيها جني
قسم بالله مت من الضحك
بس تخيلي يصير يتابع الموضوع واذا سوت معه كذا قال اقول قومي هالحركات ماتسوينها معيpb095
افكار Juhaina ماتمشي معيpb027
جد والله يعني ماتتوقعون احد يعرض مشكلته هنا ويشوفها احد من اطراف المشكلة:rolleyes:

رجول حرفي

06-04-2008, 00:57

الف مليييييييييييييييييون انت فله صراحه:D
شوفي مشكلتك الثانيه مااقول الا الله لايبلاني معرسه وعند عيال وش تبين بعد:mad: وش تبين شي ولا صار لك
وش خليتي للي مااعرسو اجل :sm1:
يمه حووووووووووووووووووووووووادث اسال الله السلامه pb036
اللهم لا شماته بس والله شي يقهر
اللهم اغنني بحلالك عن حرامك وبطاعتك عن معصيتك وبفضلك عمن سواك

بس 1000 مليون كفى ووفى pb036

بتي فور

06-04-2008, 01:03

1

ربي رزقنا بأخت وحده
وانا اقرب الناس لها بالعمر ،، بيننا سنه واربع اشهر بس ،، يعني كل مراحل عمرنا مع بعض خاصة بالطفولة والحين لما كبرنا

علاقات الأخوان تختلف فلا تفكرين بغيرك وكيف يتصرفون مع اخوانهم
عن نفسي اظن مافيه انسان يتعامل مع اخته بهالطريقه ،، دائما او نقول غالبا كل الاخوان بينهم خطوط حمراء وحواجز بالكلام لكن حنا مابينا هالشي ابدا ،، يعني كأني اسولف مع ولد مهب بنت:d ،، اللي بخاطري اقوله والعكس صحيح بالنسبه لها
مايطلع معها بالسوق غيري والمطاعم ...الخ
لكن تحصلين شخص ثاني يحسن لأخته بطريقه ثانيه مثلا يعطيها قروش ولايقولها لا ابدلو بغيت منه قروش ويسولف معها بس مهب فاضي لاسواق وغيره
وكلن وطريقته بتعامله مع اخته

فـ قبل كل شي لاتحكمين على علاقة غيرك مع اخوانهم ،، كثير من الشباب مايعرف يعبر عن مشاعره ونتيجة هالشي تصير العلاقه شبه رسميه لكن بعضهم يتعمد هالشي وضروري تعرفين اخوك ايهم؟؟

هو يبي علاقه رسميه معك او لانه مايعرف يعبر عن مشاعره او انه خجول هذي حالته معك؟

ومثل ماقالت وحده من العضوات نسيت اسمها:d ،، الاخ مايحتاج ورده ولا عزيمة عشاء ،، الرومنسيه عند اكثرنا معدومه ،، اللي يحتاجه جلسة مصارحه وسواليف وضروري ماتكون ( جلسة تحقيق انت وانت وانت )
صلحي كوفي واجلسي معه وخليها جلسة سواليف وسعة صدر

2

عشر سنوات مهب شوي ،، عمر طويل ،، والمشكله اكيد ماتنحل بيوم ولا ليله

قريت حلول كثيره من الاعضاء واشوف اكثرهم يقولون الهيئة؟؟

الهيئة مهب دايم حل لمثل هالمشاكل ،، هالمشكله تختلف لانها متزوجه وعقوبتها معروفه ،، ولان العلاقه عشر سنوات فـ يعرف كل صغيره وكبيره عنها

عندها اكثر من اسلوب

التهديد

هذا ماشوفه ينفع لانه دائما التهديد سلاح الرجال مهب البنت ،، لان مجتمعنا يقول الرجال معصوم ،،
تهدده بوشو مثلا ؟

ماتقدر تهدده الا بحالة وحده إذا كان متزوج وهي تعرف زوجته وتقدر تخرب بيته
وتعرف ان هالشي يأثر عليه يعني هو يهتم بالبيت والزوجه مهب اصلا يكون ماطق لهم خبر

غير كذا بإيش تهدده تعلم ابوه وامه ولا اخته؟؟
الرجال مايعيبه شي عند المجتمع
الله يهديه كان طفل ويلعب وقضينا واللي تاكلها البنت

المصارحه

تقولين ماستجاب له
طيب هل هو من الاشخاص اللي ممكن يسمع لك إذا قلتي له انا تركت هالعلاقات وابي التفت لعيالي وبيتي ولا مثل ماقال الف مليون
يفكر انك تتعرفين على غيره؟

إذا هو من النوع اللي ممكن يستجيب لك إذا صارحتيه بالتوبه صارحيه ولا انسي هالحل مره
لان وقتها يكون تفكيره مثل ماقال الف مليون ( تعرفت على غيري )

الكذب

اشوف حل جهينه معقول
وانا عن نفسي مستحيل اكذب واصلا لو بغيت اكذب ماعرف لاني انسى كثير وبعد دقيقه اناقض نفسي

هل ممكن تختفين عن الانظار فتره ؟
او ممكن تنقلين من بيتكم؟

المشكله كبيره ولازم تشوفين حل ،، إذا تقدرين تنقلين من البيت وتغيرين كل جوالاتك وارقامك فذا حل اشوفه مناسب
وتقولين له انا بسافر برا للعلاج وتألفين له قصة ،، وطبعا لازم تفكرين بالكذبه زين
نفترض اخذتي بكذبتي يعني لازم مايطلع جوال بأسمك لانه ممكن يبحث عنه بالدليل او يعرف احد بالهاتف

المقصود إذا هالحل ممكن يجيب نتيجه لازم تألفين قصة وتحبكينها زين

عموما ربي يكون بعونك
واهم شي لايدري عنها احد لاخ ولا اب ولاهيئة

نايم

06-04-2008, 02:24

بعض الاشخاص يقلون الهئيه اذا شكت لهم بيقمون عليها الحد:rolleyes:
وهالشئ غلط هي جايه وتايبه:)

بتي فور

06-04-2008, 03:30

بعض الاشخاص يقلون الهئيه اذا شكت لهم بيقمون عليها الحد
وهالشئ غلط هي جايه وتايبه

الصحابي اللي زنى وراح للرسول صلى الله عليه وسلم ورده ثلاث مرات
وبالاخير رجمه ماكان تائب؟؟

ما ادري عن نظام الهيئة لكن الشرع هذا حكمه ،، إذا تاب وسكت الله يتوب عليه
لكن يعترف او يمسكونه لازم يطبق عليه الحد

اندومي بالجبنة

06-04-2008, 08:23

بسم الله نبدا
المشكلة الاولى :
وقسسسسسسسسم بالله رحمتك :(

لكن اذا تبين تاخذين بنصيحتي انا احس لو بتتجاهلين اخوك بالمــــــرة
وما تعطينه وجة ابـــد واذا جاء تقومين
بيني له انك ماخذة بخاطرك منة وانك حاسة انك شخص غير مرغوب فية عندة :sm4:
( انا عارفة انة اخوك واكيد يحبك بس انتي حسسية انك شخص غير مرغوب عندة )

وهو اكيــد من نفسة راح يحس ويكون احس :D

المشكلة الثانية :

اسمحي لي البنت هذي اللي هي صديقتك شلون قدرت تخون زوجها 10 سنين pb036
اعتذر عن نصحها
واذا بتخلي حياتها سودا تصارح اولادها pb093

نديم

06-04-2008, 10:08

المشكلة الاولى هذي بلوى فينا وتربينا عليها الجفاف في علاقتنا باخواتنا
قبل كم يوم وحده تسئل اذا اخوي يقول لي كلام حلو يعتبر عيب ولا لا فرديت عليها ان كلام الاخ لاخته نوع من الالفه بينهم ولابد من كسر حواجز البعد لانهم الاقرب من غيرهم

***********************
المشكلة الثانيه اشوف حلول فوق الحلا شامه وجهينه الاقرب:D
هالنوعيه من الناس السيئة ماتنفع معهم الا الحيله
لو تحاول تضغط عليه دامه حاطها تحت التهديد فتصير تطلب منه وتضغط عليه وتزعجه لحدما يصير هو يبي السلامه

pb192

المطمئنه

06-04-2008, 14:03

المشكله الاولى

عيوني انتي لك يد في مشكلتك اجل تحطين الهديه في الغرفه وتنتظرين منه رد
والله لو وشو ماجا قالك شي وهو من البدايه رسمي جدا معاك
انشبي في حلقه
اذا تبين منه شي روحي له شخصيا بلاش مسجات
بلاش تتوزين وتقولين ياربي ليش ردة فعله بارده
لما تكونوا جالسين سولفي سوالف عاديه مو شرط يكون فيها نقاش
اذا مر كم يوم ماشفتيه اتصلي عليه
خلي امك تنتبه للوضع هذا وتحاول تقربكم من بعض
يكون يوم لازم تجتمعون فيه كلكم يعني اهل البيت كله

اذا حالكم كذا وانتم جوا البيت اجل كيف لا ابعدتوا؟؟

المهســتره

06-04-2008, 21:43

المشكله الأولـى

ياحظ أخوك فيك كيف يكون بارد مع أخت مثلك ومثل تضحيتك وكرمك .. بصراحه مو حاس بالنعمة اللي هو فيها .. أتوقع أخوك كذا طبيعته فلازم تتقبلين الموضوع يمكن يكون فرحان من جوا بس مسكين مو قادر يعبر عن مشاعره في ناس كذا مثل نوعية أخوك حتى لو تعطينهم كنوز الأرض مايقدرون يعبرون عن مشاعرهم ويكونون فرحانين فأنا أقول أعذريه وأتوقع يحبــــك ويعــزك بس مشكلته يخونه التعبير عن الفرحه والدليل على حبه لك يوم يشتريلك هديه لك غير كذا مو عارف كيف يعطي الناس الهدايا بذوق وأتيكيت << متعوب عليها .. وبالنسبة أنه يسلم عليك مصافحه غريبه بصراحه يمكن يكون من النوع اللي ينحرج أو مثل ماقلت سابقا مايعرف يعبر ..

المشــكلة الثـــــــانيـة

حسيت أني مسلسل ماني مستوعبه السالفه والله للأسف السالفه قووووية ومثل ماقالوا الأعضاء روحي للهيئة يقولوون أنها تفك أزمة من الناحية هذي الله يوفقهم ويخليهم ذخــر لنا ياااارب مالك الا الله ثم الهيــئة
الله يعيــــنك على بلوااااك وترا السبب الأول والأخير أنـتــي اللي جبتي عوار الراس لك غير كذا هذي خيااااااانه بحق زوجك وعيالك .. والمفروض ماتثقين بأي رجال بالعاااااالم ماتسمعين قصص التهديد والكلام الفاضي اللي عندنا .. الرجال مايصدق وحدة تثق فيه يروح يهددها يااااخي خل البنت بحاااااااالها البنت ماتبغاك ليش التهديد والله ناس عقليتهم متخلفه ومنحطة وش تستفيد من تخريب أسرة عايشين بحالهم !!!!!أتـركــهــــم افففففففف << عصصصصبت

بارق الشوق

07-04-2008, 13:53

الصحابي اللي زنى وراح للرسول صلى الله عليه وسلم ورده ثلاث مرات
وبالاخير رجمه ماكان تائب؟؟

ما ادري عن نظام الهيئة لكن الشرع هذا حكمه ،، إذا تاب وسكت الله يتوب عليه
لكن يعترف او يمسكونه لازم يطبق عليه الحد

بتي فور . .
الظاهر أنه حصل عندك لبس . . .
ماقصدته عن الصحابي . . غير صحيح
وأعتقد ماكنت ترغب في قوله .. هو قصه الغامدية الشهيره وهو ماجاء في صحيح مسلم : ( فجاءت الغامدية فقالت يا رسول الله إني قد زنيت فطهرني وأنه ردها فلما كان من الغد قالت يا رسول الله لم تردني لعلك أن تردني كما رددت ماعزا ؟ فوالله إني لحبلى قال إما لا فاذهبي حتى تلدي " فلما ولدت أتته بالصبي في خرقة قالت هذا قد ولدته قال " اذهبي فأرضعيه حتى تفطميه " فلما فطمته أتته بالصبي في يده كسرة خبز فقالت هذا يا نبي الله قد فطمته وقد أكل الطعام فدفع الصبي إلى رجل من المسلمين ثم أمر بها فحفر لها إلى صدرها وأمر الناس فرجموها فأقبل خالد بن الوليد بحجر فرمى رأسها فانتضح الدم على وجهه فسبها فقال رسول الله صلى الله عليه وسلم " مهلا يا خالد فوالذي نفسي بيده لقد تابت توبة لو تابها صاحب منكم لغفر له " ثم أمر بها فصلى عليها ودفنت )

خفوق

07-04-2008, 14:41

-1-

استمري على التقرب منه و بيطلع لك منه نتيجه

غالباً الرجال لا يجيدون التعبير عن عواطفهم

-2-

بدري توك تكتشفين ان لك حياة زوجيه؟؟

يوم شبعتي و مليتي قلتي ماابي و توني احس بالذنب؟

عجيبه والله

يعني لو يرجع يدلعك و يغريك وووو

بترجعين له و تقولين لحياتك الزوجيه طز؟؟

20 سنه زواج ؟

وتقولين في خطر؟

ماعندي للي مثلك حل

Juhaina

07-04-2008, 14:47

^
^
^

خفوق نحنا الأساس بهالموضوع إنه نقدم حلولات بدون ما نحكم على الشخص...
أتوقع الناس اللي يعرضوا لنا مشاكلهم ما عملوا كذه لوما إنهم حاسين بمشاكلهم و ضميرهم يوجعهم و حيرانين و يحتاجوا مشورة...

و الرسول صلى الله عليه و سلم قال بما معناه إنه الواحد لازم يقول خير أو يسكت...

بتي فور

07-04-2008, 21:48

بارق الشوق

اقرأ هالحديث كامل
---------------

وحدثنا محمد بن العلاء الهمداني حدثنا يحيى بن يعلى وهو بن الحارث المحاربي عن غيلان وهو بن جامع المحاربي عن علقمة بن مرثد عن سليمان بن بريدة عن أبيه قال جاء ماعز بن مالك إلى النبي صلى الله عليه وسلم فقال : (يا رسول الله طهرني فقال ويحك ارجع فاستغفر الله وتب إليه قال فرجع غير بعيد ثم جاء فقال يا رسول الله طهرني فقال رسول الله صلى الله عليه وسلم ويحك ارجع فاستغفر الله وتب إليه قال فرجع غير بعيد ثم جاء فقال يا رسول الله طهرني فقال النبي صلى الله عليه وسلم مثل ذلك حتى إذا كانت الرابعة قال له رسول الله صلى الله عليه وسلم فيما أطهرك فقال من الزنى فسأل رسول الله صلى الله عليه وسلم أبه جنون فأخبر أنه ليس بمجنون فقال أشرب خمرا فقام رجل فاستنكهه فلم يجد منه ريح خمر قال فقال رسول الله صلى الله عليه وسلم أزنيت فقال نعم فأمر به فرجم فكان الناس فيه فرقتين قائل يقول لقد هلك لقد أحاطت به خطيئته وقائل يقول ما توبة أفضل من توبة ماعز أنه جاء إلى النبي صلى الله عليه وسلم فوضع يده في يده ثم قال اقتلني بالحجارة قال فلبثوا بذلك يومين أو ثلاثة ثم جاء رسول الله صلى الله عليه وسلم وهم جلوس فسلم ثم جلس فقال استغفروا لماعز بن مالك قال فقالوا غفر الله لماعز بن مالك قال فقال رسول الله صلى الله عليه وسلم لقد تاب توبة لو قسمت بين أمة لوسعتهم قال ثم جاءته امرأة من غامد من الأزد فقالت يا رسول الله طهرني فقال ويحك ارجعي فاستغفري الله وتوبي إليه فقالت أراك تريد أن ترددني كما رددت ماعز بن مالك قال وما ذاك قالت إنها حبلى من الزنى فقال آنت قالت نعم فقال لها حتى تضعي ما في بطنك قال فكفلها رجل من الأنصار حتى وضعت قال فأتى النبي صلى الله عليه وسلم فقال قد وضعت الغامدية فقال إذا لا نرجمها وندع ولدها صغيرا ليس له من يرضعه فقام رجل من الأنصار فقال إلي رضاعه يا نبي الله قال فرجمها).

طنط فتكات

08-04-2008, 06:17

السلام عليكم ورحمة الله وبركاته

بالنسبة للمشكله الأولى

تصرف أخوك عادي جدا بس انتي حساسه بزياده وانصحك ماتحاولين تغيرينه لأن بيجيك زوج عديم الاحساس :D فتعودي من الحين احسن انتي على الاقل اخوك لكن البلى اذا صار زوجك pb093

المشكلة الثانية

الله يستر عليك ياختي ولا أقول الا اللهم استر عورتنا وآمن روعاتنا

ماودي أبد ان الأعضاء نصحو نصائح لأن أخاف يأثمون على هالنصيحه خصوصا الي فيها تحايل لأني اشوف النصيحة الوحيدة الي ممكن تنصح فيها الأخت التقرب إلى الله وطلب الفرج منه

ماأفتي ولكن أخاف الي نصحها بالتحايل يصير شريك معها في جريمة خداع الزوج :(

بالنسبه لي ماقدرت أحط نفسي مكان الزوجه ولكن أحط نفسي في موقف الزوج

الخيانة شعور قاتل كخنجر في الظهر ولو قدر الله وعشت زوجة مخدوعه كما في هذا الموقف وعلمت بما فعل زوجي صدفة من غير أن يخبرني سأطلب الطلاق فورا حفظا لكرامتي

ولو كان زوجي يخدعني وتاب لاأريد أن يستمر في خداعي وإن تاب عليه أن يخبرني فإن علمت بكل ماحصل فقرار البقاء والانفصال يدعه لي وانا اختار واقرر واعرف ان كنت سأسامح أم لا

إن كان زوجك من الطيبين الذين قال عنهم الله الطيبين للطيبات فهو واقع في ابتلاء وأجر بإذن الله والله يخلف له خير من هالمصيبه وهذا يكون إما

بأن يصلحك الله أن كنت صادقة فعلا ونادمة

أو يبدله خيرا منك فتدبير الله هو الذي سيقع في النهايه وليس مشورة فلان أو فلانه .

طلب ورجاء

ودي من الأخت تراسل الشيخ سلمان العوده على موقعه وتستشيره لأني أثق برجاحة عقله وعلمه والموضوع أبدا مو سهل أو أي شيخ مشهود له بالعلم والعقل وعلى كل حال هذا رابط موقع الشيخ العوده

http://islamtoday.net/

الله يصلح المسلمين والمسلمات آمين

. rOro .

08-04-2008, 20:54

المشكله الاولى اعتقد الاعضاء ككفوا ووفوا.

:

الثانيه..

الله يهديك ويتوب عليك ان شاالله ..أمهلك ربي تراجعين نفسك وتتوبين توبه نصوحا وهذي اكبر فرصه واكبر حظ ربي عطاك اياه في حياتك .. احمدي الله صبح وليل انك ما متي وحطوك في قبرك قبل ما يصحى ضميرك...
انا ابي اشارك بوجه نظري عشان اساعدك على التوبه والاقلاع عن هالعمل الفاضح الله يستر علينا وعليك .. مو قصدي اساعدك على شر:rolleyes:

من رئيي..

الهيئه استبعديها

فوق الحلا شامه احس الموقف صعب مره .. والاهل دايم في صف اولادهم كيف لا وهو الرجل اللي شايل عيبه بجيبه... اخر شي ماحد ماكل تبن غيرها مع احترامي.

سيناريوهات جهينه حلوه ...bp039
اشوف افضلها انك تتظاهرين بالمرض وياليت مرض معدي ...ايدز ..كبد وبائي في مراحل متقدمه .. احبكي التمثيليه كويس .. اول شي اقطعي اللقاءات مهما كان الثمن...وحاولي تصبرينه وتشغلينه الله يشغله بنفسه...لاتغيرين جوالك ولاشي عادي استمري مثل اول عشان مايحس .. بس احكي انك حاسه باعراض شنيعه ومنفّره (قيء - نزيف) ومطنشه الوضع .. وانك خايفه تكشفين ويطلع فيك شي .. وتدرجي الين مايجي هذاك اليووم وتقولين له انك فحصتي وطلع فيك مرض :( ابكي وصيحي وقولي انت وقفت معي وانا في صحتي ابيك تكون معي وانا مريضه والا تخاف اعديك بعد كل هالعمر؟:( لازم توقف معي اكثر والعدوى ماتجي بالساهل< روعيه خوفييييه خليه يكلم نفسه من وسواس المرض ..مثلي انك مو عارفه هل هالمرض منه والا من زوجك وانك متوهقه ..وناويه تصارحين زوجك وخايفه ...اذا تعرفين وحده بمستشفى حاولي تدبرين نتايج تحليل فيها مرض او اي شي ممكن يكون دليل لك لو حس انك كذابه .... لو كذبك لاتنفعلين عشان مايحس بشي..ابكي وقولي ياليتني كذابه عموما مابي هالشي يأثر على علاقتنا بليز واعتبرني ماقلت لك شي ودايم تظاهري بالتعب...اذا صد حاولي تدورينه وتبثرينه وتقرفينه بسالفة مريضه واعديك والعدوى وتعديني وهالسوالف ..

والله يجعل لك من كل امر مخرج ومن كل ضيق فرج ويستر عليك ..

شكرا ما يؤرقناbp039

Fiorella

10-04-2008, 21:42

الاولى :
احسك ماخذة الموضوع بحساسيةpb036
بس من جد مدري من قال , ليش تحطينها وتروحين , عطيه اياه وجها لوجه pb036

الثانية :
الله يستر عليك
واعتقد مالك الا الهيئة , بس اصحي تقولين لأحد خصوصا زوجك او اولادك او احد يقربلك متهور
احس مستحيل يغفرونلك !!

* ROSi *

10-04-2008, 22:23

المشكله الاولى :sm1:

مثل اخو صديقتي

اول ماكان كذا بس تغير ! pb093

تقولي حتى لما اضغط على نفسي واسولف معاه احسه مايعطيني وجه :( وتعقدت صرت وانا معاه تقولين بكماء pb036 pb027

ودها تتكلم معاه بخصوص هالموضوع بس ماتقدر تقول موستحيل ! pb094

علاقتهم مره رسميه مع بعض مع انه اذا غلطت يهزأها ويخاااف عليها مره < على قولتها ههه :d

انا قلت لك سالفتها عشان ماتحسين انك لوحدك كذا :)

اكثر علاقات الاخوان كذا مع بعض pb094

بالنسبه للمشكله الثانيه pb093

بصراحه شي يعور القلب :sm1: ويضيق الصدر !

ماعندي حلول بصراحه الا انك تحتالين عليه وتسوين نفسك تحبينه وماتبين تتركينه < لان الشباب مايحبون البنت هي اللي تسحب عليهم pb036 وبعدين اذا هو كبير وعنده عيال وكذا اتوقع بيكون خواف يعني يهدد بس لأنه
عارف انك خوافه وبتخضعين لأوامره القذره :rolleyes: الله يفتح على قلبك وعلى اللي ماشين بطريقك :mad:

ماادري وش اقول بصراحه الله يفكك من شره والله يخلص مجتمعنا من النماذج المريضه اللي ماتخاف من الله

الله يستر عليك وعلى الجميع pb093

نملة فسفورية

25-05-2008, 01:53

المشكلة الأولى :
أنا من رايي صارحي اخوك وقولي له باللي تحسين فيه مافيها شي هذا اخوك مو واحد غريب pb189 وواضح انه يحبك ويحمل لك مشاعر الأخوة مو زي ماانتي قلتي بس اتوقع انه مو عارف يعبر .. أحلى شي الصراحة pb189:) صارحيه بترتاحين وهو بعد بيحس بقيمته عندك pb189
موفقة bp039

المشكلة الثانية :
أنا ماادري كيف صديقتك هذي رضت انها تبني علاقة غير شرعية وهي متزوجة :( ماادري كيف طاوعها قلبها ولا بعد عندها عيال :sm1: ياربي وتدخله بيتها بعد :sm1: وتعطيه ارقامهم كلها :sm1: وين عقلها وقتها :eek: pb093 حتى لو كان زوجها فيه ومافيه مو معناته تعوض هالنقص بالحرام مو حل أصلاً هذا :sm4: .. الحل من وجهة نظري راجع لها هي .. مااعتقد ان من المفروض تستعين بأحد :sm4: تحمد ربها ان للحين ربي ساتر عليها تروح تقول لابوها ولا لاخوانها ولا لعيالها :eek::eek: يويلي وش هالمصيبة :eek: بالله تخيلي ام تقول لعيالها انا سويت وسويت ياسلااااام :mad: تبي عيالها يتعقدون :confused: اذا امهم اللي جابتهم سوت كذا كيف يقدرون يثقون بالناس بعدين؟ كيف يتزوجون مثلاً :confused: والله من نظري تكون مجنونة لو قالت لعيالها أكيد هالشي بيعكس عليهم ويأثر بحياتهم :sm1: مثل مادخلت نفسها بهالشي تطلع نفسها منه مثل مادخلت هالانسان بحياتها تطلعه منها هي اللي حطت نفسها بهالموقف وهي المفروض تتحمل مسؤولية تصرفها ..

أمل الحياه

25-05-2008, 17:05

المشكله الأولى /
أغلب الشباب كذا .. زي ماقالوا لك التعبير عندهم X
فـ لاتشيلين هم هو يحبك أكيد ولو احتجتيه بتلاقينه أول واحد يوقف معك

المشكله الثانيه

اتوقع ان المشكله فيك آنتِ .. واضح انك متردده تبين تقطعين العلاقه وماتبين
لأنك لو جاده فعلا كنتِ كلمتي واحد من اخوانك
انه حصل كيت وكيت .. وخلاص هالحين صحيت من عفلتي وابي الخلاص والفكه منه
وأكيد اخوانك بيوقفون معك
بس الأعظم من غلطتك لو صارحت ِ أولادك .. لأنها بتثبت براسهم
أمهم كانت في يوم كذا .. ولو غلطوا مستقبلا وعاتبتيهم على أخطائهم
يقولك كنت ِ في يوم من الأيام كذا وتبتِ ماضرك .. الخ
انتِ أم حاولي تكون صورتك حسنه قدام أولادك مهما كان
ومهما حصل لاتشوهينها بعيونهم

الله يستر عليك يارب

أمل الحياه

25-05-2008, 17:21

Juhaina
حلولك خراافيه ..
نايم / الهيئه مشكله
هي متزوجه وتقيم علاقه مع شاب من 10 سنوات أكيد صار بينهم اشياء كثيره
اقل شي ممكن تسويه الهيئه تحلل لأولادها علشان يتأكدون هم من زوجها ولا من عشيقها
المسأله ماهي هينه الهيئه صعبه جدا
بس لو تكلم أحد من اخوانها اظن بيقدر يحل المشكله لها

صديقتي متزوجه من سنتين .. تعرفت على شاب
كان ساكن في الشقه اللي تحتهم مباشرة .. كانت تتراسل معاه بلوتوث
بعدين ارسلها الرقم كلمته واستمرت علاقتهم اسبوعين
تندمت على طول قالت لي وش اسوي ابي الفكه منه .. خصوصا انه ساكن
معنا بالعماره ،، اخاف يدري رجلي والله انه يطلقني ومن هالحكي
قلت لها كلمي واحد من اخوانك
كلمت اخوها وقالت له السالفه كذا واعطته الرقم
كلمه اخوها وتفاهم معه ومن بعدها والرجال ماعاد يحاكيها
اختفى تماما من حياتها
هي اقنعت زوجها ينقلون لعماره ثانيه بس علشان ترتاح من هالكابوس اللي اقلقها
ونقلوا للحين تقولي ماادري وين كان عقلي لما كلمته
ولاآدري وشلون كنت افكر .

غير معروفة

26-05-2008, 11:27

المشكلة الثانية
بصراحة مارح ألومك أكثر لأن بعض الأخوان والاخوات لاموك بما فيه الكفاية...والبعض آخر عطوك حلول تعتبر رائعة منها( انك تتفاهمين مع أحد رجال الهيئة لاني كثير سمعت قصص حريم متزوجات متورطات مثلك واردى بعد ..بس عولجت مشاكلهم من بعض رجال الهيئة المخلصين الذين ستروا عليهن وساعدوهن)ومنها أيضا ً(حلول جهينة ماشاء اللهbp039 وايضا من كانت حلولهم على شاكلتها )

مارح اطول عليك...
المهم
لا تنسي أن تزيدي جبال اتصالك مع الخالق فهو الملتجأ والمفر سبحانه وتعالى........
صدق من قال .bp039. :
أتهزأ بالدعاء وتزدريـــه ...... ولاتدري بما فعل الدعاء
سهام الليل لاتخطـأ ولكن...... لها أمد وللأمد انقضـــاء

وكان الله في عونك وفرج كرتك

ام اللوش

29-05-2008, 05:47

بالنسبة للمشكلة الاولى
عادي واذا بس انتي ماخذتها بحساسية انا مثلا اكرة اهدي اخواني الواحد منهم اذا هديته يحمر وجهه ويتمنى الارض تنشق وتبلعة علشان كذا ماخذتها من قصيرها وماعاد اهديتهم مع العلم انهم اذا بغوو فلوس او اي شي جاوو وطلبوني
بالنسبة لك احس لو صارحتي اخوك بيزيد جفافة وتخجلينه احسن شئ لا عاد تهدينه واذا بغى شي منك عادي هزئية وقولي له والله ماكد عليك <<يعني عاملية معاملة صبيانية بذي الطريقة بيتجراء عليك ترى العيال يحبون المحارش انتي بس اقهرية في كم شغلة بتلقينة داقة ميونة على طوووول
هويبي يحس انك اخته مو امة اوزوجته.........ومفهوم الاخت عندنا يالشعب السعودي :هي الشخص الفتان الغثيث اللذي وين مارحت في البيت تلقاها في خشتك

المشكلة الثانية
اكبر غلطة ممكن انها تسويها هي انها تقول لاهلها والله ان ماتدري الا السيارة فوقها
انا من رايي انها تدور لها على واحد من المطاوعة اللي يحلون المشاكل ذي وتخلية يتدخل
وصدقوني هاذا احسن حل لها على الاقل بذي الطريقة ماراح تخسر اهلها
يعني تخيلو تدخل اخوها في السالفة والله ان يكرهها اخوها .....المسكينة ماراح يكون لها وجهه تقابلة بعد مايدري
وهو نفس الشئ كل مرة بيشوفها فيها بيذكر اللي هي سوته ويمكن يتعقد ويكون شكاك ويصير يشك في زوجته وبناته و...و....
والله يستر عليها دنيا واخرة