استفسار عن المبتعثات اسلعوديات في أمريكا ..

[عاليـة]

مرحبا : )
لو سمحتوا ، أنا عندي استفسار .. ومش عارفة وين احطه! .. مالقيت موضوع خاص بالاستفسارات العامة الخاصة بالمبتعثين!

عاد لو كان الموضوع مخالف .. المشرفين ينقلونه للمكان المناسب وياليت يعطوني خبر وين راح : )

سؤالي هو ..
لو معيدة بيبعثونها الجامعة لأمريكا ... و بدون مرافق .. هي موافقة إنها تروح بدون مرافق والجامعة برضو موافقين .. هل ممكن الملحقية السعودية في أمريكا يعارضون؟ ... ولا تقولون لي يروح أحد معها مؤقت يوصلها ويرجع لأنها ماعندها أحد متفرغ يروح يوصلها!

هل تعرفون طالبات سعوديات هناك بدون مرافق؟

ياليت تفيدوني ولكم جزيل الشكر :)bp039

[نديم]

عاليه ربي يسعدك ويوفقك
من ضمن اشتراطات الابتعاث وجود المحرم
وهذا اخر تعاميم الملحقية الثقافيه بامريكا للطالبات
ناء على تعليمات وزارة التعليم العالي المبنية على أنظمة ولوائح الابتعاث والتي تقضي بضرورة مرافقة محرم شرعي للمبتعثة طيلة مدة ابتعاثها .



وحيث لوحظ عدم بقاء بعض المحارم المرافقين للمبتعثات ولأهمية بقاء المرافق فان الملحقية تود أن تؤكد على كافة الطالبات المبتعثات بضرورة تزويد الملحقية بصورة من جواز سفر المرافق مع بطاقة (I-94) حديثة تبين تواجد المرافق معها في مقر الدراسة وارسالها على الفاكس رقم (202) 298-2765 وذلك في مدة أقصاها ( خمسة أيام ) مع توضيح اسم المبتعثة ورقمها الطلابي ،



علماً بأنه سيتم ايقاف مخصصات المبتعثة ومرافقها بعد هذه المدة

[عاليـة]

:(
ياربي وش دخلهم هم !
أنا راضية و أهلي راضين و الجهة اللي بتبعثني راضية!

[عاليـة]

أخوي نديم لو سمحت ...
أول شي مشكور على الرد ..
ثانياً ..
من وين أقدر أحصل على الصفحة اللي جبت منها الكلام هذا؟
موجودة في موقع الملحقية أو موقع وزارة التعليم العالي؟
لأني ودي أطبع الصفحة الأصلية اللي فيها هالكلام و أوريه الجهة بتاعتي ونوشف لنا حل!

[صَدّام حُسين]

هذا الموقع ان شاءالله يفيدك (http://www.mohe.gov.sa/Arabic/Scholarship/ScholarshipList/Pages/default.aspx)

وبالتوفيق ان شاءالله

[ZORBA]

أخت عالية


انتي معيدة ... يعني موظفة حكومية وتبتعثين على انك موظفة مو على انك طالبة ... يعني تفرق نوعا ما في الاجراءات والقوانين. اهم جهة انتي راح تتعاملين معها في الابتعاث هي الجامعة الي انتي متوظفة فيها .. هي الي راح تفيدك في هالشي وهي الي غالبا تقرر قبول الابتعاث او رفضه.

أنصحك تراجعين الجامعة نفسها او مكتب الابتعاث في جامعتك هي الي راح تفيدك ... في احتمال انك كموظفة او معيدة تكون لك حالة خاصة او اجراءات معينة تسمح لك انك تسافرين لوحدك بدون محرم ... لا تعتمدين على قوانين ابتعاث الطالبات ... لان هالشي يفرق معك

[أشعار]

يسعد صباحك اختي bp039

حسب معلوماتي و هي مو من مصدر رسمي بل مِن إحدى المبتعثات سابقاً لأمريكا و متزوجة .. سافرَت لتحضير
الدكتوراه بمفردها و كان معها أيام تحضير الماستر زوجها . بس اتغير وضعهم العملي بعد العودة للسعودية و بعدها بعدة سنوات احتاجَت تقدم على الدكتوراه و جهة عملها وافقَت و اعطتها التفرغ وما أجبروها على المرافق . و في الوزارة تم تقديم خطاب موافقة من زوجها على سفرها بمفردها و مشيَت أمورها .

ما عندي علم لو المسألة رسمياً لها بند يسمح بالسفر دون مرافق فحال كانت المبتعثة متزوجة و وفرَت وثائق معينة
مثل خطاب الزوج و توقيعه و بصمته أو إن المسألة واسطة . بس عموماً لو مافي أي فرصة إنه يسافر أحد معِك فمالك إلا تسافري على حسابِك الخاص . و يروح معك مرافق في البداية يضبط امورك و يرجع .

ـ

بالتوفيق bp039

[عاليـة]

مشكورين كثير عل الردود والتفاعل : )
الله يعطيكم العافية ..

[نبيطة]

اهلين اختي..

انا انصحك بطريقة جربتها احد الاخوات ومشت معها

اللي هي طلعت اوراق المرافق وكل شي كان على اساس انها بتروح مع مرافق..

لما استلمت اوراق الابتعاث...ثم سافرت لحالها ومامعها احد..ومشى الحال!

او شوفي مثل ماقلتي انتي في موضوعك واللي انا انصحك فيها وبقوة...

شوفي لك احد يسافر معك يجلس معك شهر ثم يرجع...وانصحك حاولي تدبرين احد بالغصب

الغربة صعبة ع الرجال...وخصوصاً في بداية الوقت تحتاج وقت لما تتأقلم....فـ مابالك في بنت لحالها!

والله يوفقك يارب bp039

[عاليـة]

مشكور أخوي نبيطة على الرد ..
والله عجبتني الفكرة إني أطلّع أوراق مرافق و أمشي أموري لين تطلع لي ورقة الابتعاث بعدين أسافر :D

بالنسبة إني أدبر مرافق يروح معاي عشان الغربة صعبة ..
والله أنا بحاول أدبر مرافق بس عشان أهلي يكونون اكثر اطمئنان .... أما بالنسبة لي .. قوية و اتحمل ماعليك ... اليوم كان أبوي يتكلم و يقول لأمي إن عالية هي أكثر وحدة من عيالي تتحمل الضغوط و تقدر تنتج تحت الضغط pb094