مايؤرقني // هل هي مراهقة أم بداية إنحراف ؟!

[مايؤرقنا]

صبـاحكم , مسـائكم
جنّـــة bp039 !



\



أعــزائي أعضاء وعضــوات أســرتنا ,


( مــايؤرقــنا )


تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,


mayoaregona@hotmail.com



- المشكلة -


كنت دايم اشوف الشكوى برا نطاق البيت شي سلبي و يعتبر اول خطوات فقد السيطره المنزليه
لكني تعبت فوق ما تحمله هالكلمة وصلت لمرحلة عرفت فيها أن المشكلة مو بكبرها و صغرها
المشكلة باستيعابنا لها وطريقة تعاملنا الواعية مع المشكلات الي تواجهنا بحياتنا
عمري الحين 25 سنة الاخت الكبرى على 4 حنا 3 بنات و ولد
مرة قريبين من بعض و حياتنا مستقرة بشكل كبير أم و أب متفهمين كثير ولله الحمد
اخوي كان مرة قريب مننا وين مانروح يروح معنا حتى ملابسه نختارها له مع بعض ما يشتري شي الا وهو معنا
ولا يحب يطلع الا معنا ......لما دخل ثالث متوسط بدا يبعد عننا بشكل تدريجي شوي شوي ما صرت اشوفه خير شر اربع وعشرين ساعة ......مقابل اللاب توب ولا نايم قلنا ماعلينا الولد كبر ولا نبي نضغط عليه يكون قريب مننا بشكل يضايقه.....سافرنا برا بالصيف ...... حق 3 متوسط والي انتقل فيه لأول ثانوي...... شهرين كان حريص ما يجلس معنا بالمرة ويستقل بنفسه.....سجل بمعهد وصار يطلع مع قروبات ويتنقل من مكان لمكان ولا يرجع للفندق الا وقت النوم .........وباليوم الي نعمل فيه رحلة جماعية يكون طول الوقت حاط السماعات بإذنه و منفصل تماماااا عن الاجواء الي تصير حوله ........نضحك و ناكل وننبسط وهو بعالم ثاني مع اغانيه يا يغير اغنية او يحوس بالجوال .......رجعنا للسعودية و حاولت اقرب منه صرت كل ما لقيت فرصة اقوله عبد العزيز شرايك نطلع نتعشى سوا .....بالبداية يسألني مين بيروح معنا ؟ اقوله كلنا و يرفض يروح ولو كانت الطلعة مقتصرة علي انا وياه وافق ولا خالف...... مهوب شرط انا لكن اهم شيء ما يطلع مع اكثر من شخصين لانه حسب قوله ما يحب يطلع مع كذا شخص يحس بقلق حتى لو كانو اهله.....بدت الدراسة وراح اول ثانوي وقتها فعلا حسيت ان اخوي بدا يبعد عني صرت ما اشوفه الا لما يجيني يقول ابي الشي الفلاني او ينشدني عن احد...كان قريب من امي و ابوي لكن بعيد عن اخوانه و هم كانو يدلعونه بحكم انه الولد الوحيد بين 3 بنات كل ما بغى شي جاه مهما كان او كلف ومع هذا ماكان عاجبه الوضع دايم يحس انه يبي و يبي ويبي وان الكل موب فاهمه ولا مقدره ولا عامله حساب
لين بغا شي انبسط و قرب مننا ولما ياخذ الشي ماعاد نشوفه إلا ويييين
كل هالامور قلت يمكن جديده علينا واحتمال لانه ولد له عالمه الخاص شوي بعيد عن جو البنات و رتم حياتهم
قبل ست شهور طلب من الوالد سيارة وقاله ابيك تشتريلي سيارة
رفض ابوي بشده وقاله توك بدري متى ما صرت رجال شريت لك سياره عصب اخوي من هالكلمة وصار ما يكلمنا ابد عاد كنه قبل كان يكلمنا .......المهم صار يشب الزقارة و يرميها بالحوش عشان ابوي يشوفها
يحسب ان ابوي اذا درى انه يدخن بيعرف انه صار رجال يعتمد عليه ويشترى له سياره ....... تعب ابوي من بجاحته مسك الزقاير وقاله وشو هذولي ؟ قال انا ادخن فيه شي ؟ تركه ابوي دخل ولا كلمه وهو كلمته امي و قالها انه ما يدخن بس بيقهر ابوي والدليل ان الزقاير المرميه كلها جديدة
مشت الايام وتعدينا هالسالفة لين جا يوم واختلف مع امي شوي وقالها ترا بطلع من البيت قالت اطلع وفعلا طلع ولا رجع راح من الظهر لحد الليل ماندري عنه تدق عليه هي ولا يرد عليها وانا لما ادق عليه يعطيني مشغول ولا يرد علي ولا يفتح الخط و يسكت امي مرة ضاقت بها الدنيا و خافت تعلم ابوي و يزعل وتصير سالفة .. راحت اتصلت على واحد قريبنا ابن حلال و يحبه اخوي ويسمع كلمته دقت امي على الرجال وقالت له السالفة عقبها دق على عبد العزيز ورد عليه وقاله وينهو فيه وراح له الرجال
عقبها رجع اخوي متسنع للبيت حب راس امي واعتذر منها و من هالكلام ووعدها انه ما يكرر هالتصرف مرة ثانيه وامي انبسطت ذاك اليوم ورجعت المياه لمجاريها لمده اسبوع يمكن ........ابوي كان يعطيه السياره بالويك اند يدور فيها بالحاره و يتمشى مع العيال ربعه واحيان يودينا مشوار قريب و ابوي يكون جنبه و قبل شهر درى ابوي ان على سيارته مخالفه و السياره ماشيه ميتين بسبة اخوي الي كنا نحسبه يدور بالحاره وبس المهم قاله الوالد مافيه سياره لين تتخرج من الثانوي و تضبط نفسك و تصرفاتك جا عاد قبل امس دخل على ابوي قاله ابي السياره شوي طرده ابوي و رفض طلبه
عقبها اختفى اخوي ندوره ماندري وينهو لا بالبيت ولا بالحديقه ولا حتى بالشارع و جواله مسكر
امي مرة تعبت و احتاست بشكل موب طبيعي وهي خلقه ما تستحمل هالشقى و خافت عليه حيل
قالت وحده من خواتي انها شافته وهو داخل حمام الملحق رحت انا للحمام وانتم بكرامة قلت عبد العزيز وينك ؟
قال انا هنا بالتواليت قلت وش تسوي ؟ مارد علي و تخيلو جالس اكثر من 3 ساعات وش يسوي ؟ ماندري ! مافيه صوت مويا ولا شيء جالس وساكت بدون اي صوووووت يدل على حركه
طلع وراح اندعس بفراشه و ماسك جواله معه كل مادخلنا غمض عيونه ولما نطلع نسمع صوت الاغاني عنده
محتاسين معه ماندري هو وش يبي بالضبط ولا ليه يسوي كذا
يحسب الكل ما يحبه ولا احد مهتم فيه و ابوي وامي خلاص ما عادهم يستحملون زي اول
صار أدنى الدون يزعجهم و يتعبهم وهو ولدهم الوحيد و ماكان عشمهم يغربلهم كذا
قولو لي شلون اقدر ارجع الفرح و الراحة للبيت انا مرة متضايقة واخاف اوصل لمرحلة افقد فيها ثقتي باخوي
لدرجة اني ما تأمن نفسي معه

شوي نقاط يمكن توضح بعض العلوم
* اخوي حنون وطيب كثير و يهتم فيها لو بكينا ولا مرضنا لكن وقت الفرح ما نشوفه ولا نحس ان لنا اخ
* ما يحترم امي وقت الخلاف و يكلمها كنه يكلم اصغر عياله ما يقدر ولا يعمل حساب ويحسب الكل يكرهه ولا يحبه وكل ما قلنا شي قال بطلع من البيت مليت من بيتكم !!!!!!!!!!!!!!!
* ماله هدف ولا هوايه كل يوم طالع لنا بشي غريب يبي يسويه و مرة قالنا واحد اخصائي اجتماعي قريب منه بالمدرسه
..........اخوكم مخه فاضي يا يتعبى صح ولا يعبيه الشارع غلط ............
* اخوي يبي صدمه تفوقه من الي هو فيه بس كيف وليه ووشلون ما ادري
* مدرسته من احسن مدارس الرياض وكل الي فيها عيال ناس و كان مصادق احسن العيال الي فيها تربيه و اخلاق عقب قلب على ربعه وصار مايبيهم يقول انهم بزران
* من قريب اكتشفنا انه طايح له مع واحد الكل يشكي منه ولا يدانونه لانه راعي بنات وتفحيط وخرابيط مراهقين وحتى المدرسين ما يبونه
*كان يطلع من العشر الاوائل كل سنة و الحين على حاااااافة الممتاز ويحس انه انجز لما يجيبها...... مايبي يدرس ويروح الاختبارات على البركه كل ما قلنا له درست يا عزوز قال ايه مخلص ولا عندي شيء ونسكت



دلوني وش اسوي معه !!!!!!!!!!
الي يمر فيه مراهقة ولا بدايه انحراف ولا وشو !!!!!!!!
تعبنا تعبنا ولا عارفين نتصرف معها المشكلة انه ما يدري وش يبي ماله مطالب متخبط و مطنقر على طول على غير سنع
ويتصرف تصرفات غريبه يختفي بالحديقة بدون سبب عقب يختفي بدورة المياه وانتم بكرامه وش يزين مدري
معلقه أمل كبير فيكم و بشوركم




/

بأنتظاركم !!


..


( F )

[! يزن !]

*****


كٌلنا نعلم مدى مشاكل المراهقه .. وهي من أخطر المراحل ضمن اطواره المختلفه.. وماتؤدي الى توحـد وتصرفات غير عقلانيه !
يوم نجدهُ رايق البال .. ويوم متعصب .. ويوم لانعلم ماذا يريد ..


وهُنا مشكله اخيك .. في الصراع الداخلي ..

حيث يعاني المراهق من جود عدة صراعات داخلية..

ومنها: صراع بين الاستقلال عن الأسرة والاعتماد عليها ..

وصراع بين مخلفات الطفولة ومتطلبات الرجولة ..

وصراع بين طموحات المراهق الزائدة وبين تقصيره الواضح في التزاماته..

وصراع بين غرائزه الداخلية وبين التقاليد الاجتماعية ..

فالمراهق يشكو من أن والديه لا يفهمانه..

ولذلك يحاول الانسلاخ عن مواقف وثوابت ورغبات الوالدين كوسيلة لتأكيد وإثبات تفرده وتمايزه..

وهذا يستلزم معارضة سلطة الأهل.. لأنه يعد أي سلطة فوقية أو أي توجيه إنما هو استخفاف لا يطاق بقدراته العقلية !

فالتدليل الزائد والقسوة الزائدة يؤديان إلى شعور المراهق بالاعتماد على الآخرين في حل مشكلاته ..( كأتصالكم بالقريب ! )

لكن طبيعة المرحلة تتطلب منه أن يستقل عن الأسرة ويعتمد على نفسه.. فتزداد حدة الصراع لديه..

ويلجأ إلى الانسحاب من العالم الاجتماعي والانطواء والخجل!


والذي يسببه رغبة المراهق في تحقيق مقاصده الخاصة دون اعتبار للمصلحة العامة، وبالتالي قد يصرخ، يشتم،

يسرق، يركل الصغار ويتصارع مع الكبار، يتلف الممتلكات، يجادل في أمور تافهة، يتورط في المشاكل، يخرق حق

الاستئذان، ولا يهتم بمشاعر غيره!

فالمراهق يتصرف من خلال عصبيته وعناده، يريد أن يحقق مطالبه بالقوة والعنف الزائد، ويكون متوتراً بشكل يسبب إزعاجاً كبيراً للمحيطين به!

* حلول عملية:
المشكلة الأولى:
وجود حالة السباحة ضد تيار الأهل بين المراهق وأسرته، وشعور الأهل والمراهق بأن كل واحد منهما لا يفهم الآخر.

لا تكون إلا بإحلال الحوار الحقيقي بدل التنافر والصراع والاغتراب المتبادل، ولا بد من تفهم وجهة نظر الأبناء فعلاً

لا شكلاً بحيث يشعر المراهق أنه مأخوذ على محمل الجد ومعترف به وبتفرده - حتى لو لم يكن الأهل موافقين

على كل آرائه ومواقفه - وأن له حقاً مشروعاً في أن يصرح بهذه الآراء. الأهم من ذلك أن يجد المراهق لدى

الأهل آذاناً صاغية وقلوباً متفتحة من الأعماق، لا مجرد مجاملة، كما ينبغي أن نفسح له المجال ليشق طريقه

بنفسه حتى لو أخطأ، فالأخطاء طريق للتعلم،


وليختر الأهل الوقت المناسب لبدء الحوار مع المراهق، بحيث يكونا غير مشغولين، وأن يتحدثا جالسين،

جلسة صديقين متآلفين، يبتعدا فيها عن التكلف والتجمل، وليحذرا نبرة التوبيخ، والنهر، والتسفيه..

حاولا الابتعاد عن الأسئلة التي تكون إجاباتها "بنعم" أو "لا"، أو الأسئلة غير الواضحة وغير المباشرة، وافسحا له

مجالاً للتعبير عن نفسه، ولا تستخدما ألفاظاً قد تكون جارحة دون قصد، مثل: "كان هذا خطأ" أو "ألم أنبهك لهذا الأمر

المشكلة الثانية:
المراهق والانطواء، الأمر الذي يعيقه عن تحقيق تفاعله الاجتماعي، وتظهر عليه


- الحل المقترح:
إن أسباب الانطواء عند المراهق متعددة، وأهمها: عجزه عن مواجهة مشكلات المرحلة،

وأسلوب التنشئة الاجتماعية الذي ينشأ عليه، فالتدليل الزائد والقسوة الزائدة يؤديان إلى شعوره بالاعتماد على

الآخرين في حل مشكلاته، لكن طبيعة المرحلة تتطلب منه أن يستقل عن الأسرة ويعتمد على نفسه، فيحدث صراع

لديه، ويلجأ إلى الانسحاب من العالم الاجتماعي، والانطواء.

ولعلاج هذه المشكلة ينصح بـ: توجيه المراهق بصورة دائمة وغير مباشرة، وإعطاء مساحة كبيرة للنقاش

والحوار معه، والتسامح معه في بعض المواقف الاجتماعية، وتشجيعه على التحدث والحوار بطلاقة مع الآخرين،

وتعزيز ثقته بنفسه.

وتبقى مجرد فتره مراهقه لا أنحراف وستذهب .. وتبقى فتره عصيبه .. والقرار اول العلاج


***

أسف على الاطاله .. bp039

[نايم]

خلينا نتعرف على المراهقه من ناحيه علمية:)

المراهقه من وجه نظري من أخطر المراحل التي يمر بها الإنسان
حيث يبد الطفل بتدرج نحو الرشد:)


المراهقه في علم النفس:)

الاقتراب من النضج الجسمي والعقلي والنفسي والاجتماعي"، ولكنه ليس النضج نفسه؛ لأن الفرد في هذه المرحلة يبدأ بالنضج العقلي والجسمي والنفسي والاجتماعي، ولكنه لا يصل إلى اكتمال النضج إلا بعد سنوات عديدة قد تصل إلى 10 سنوات.


الحين نجي للعلاج المراهقه انا بعطيك اهم الاشياء:)



1- حاولوا ترحبون بأصدقائه طبعا المحترمين بس وحالوا انه تبينون له عن اصدقائه اللي عليهم دائرة استفهام بس بدون ما احد يحس يعني لا تكلمونه قدام البيت كلهم

2- لا تحاسبونه قدام احد وخلي ابوك او امك تحاسبه لحاله عشان مايحس انه طفل:)

3- حاولوا تحاسبونه على قدر الخطاء اللي سوه
يعني مو عشانكم حاقدين عليه لو سوا شئ صغير قومتوا الدنيا فوق تحت

4- حاولا تحسسونه انه رجال وكلفوه بشئ رجوليه:)

5- حاولي الاب يحاسبه والام تكون في موقف محايد عشان الولد مايروح للشارع
والعكس الام تحاسب والاب يوقف وقفت محايد:)

6- تنوع اسلوب العقاب

7 حاولوا تستشيرونه في امور البيت مثل السفر او اي سالفه تخص البيت

8- لا تحرجونه قدام اصدقائه مهما صار عشان مايعاند زياده

9- فتشوا اعراضه من وقت لوقت

10- لا تعطونه فلوس واجد ولا تقعطون عليه<<<<< ;)

واللله يهيده ان شاء الله ياربbp039

[* ROSi *]

اللي فيه أخوك مراهقه أغلب الاولاد مروا فيها ومروا بأشياء أكبر

لاتشوفين نفسك وخواتك لأن مراهقه البنات مو زي الاولاد

الولد يطلع يروح ويجي مااحد يدري عنه

وخصوصا بهالفتره اي مراهق يحس ان أهله مايحبونه :(

وأخوك لاقي له واحد يمشيه على الغلط < خويه راعي البنات :(

وأتوقع كمان سبب ثاني ان أخوك ماعنده أخ ذكر ثاني عشان كذا هو بعيد عنكم :(

[! ملاكـ/ـك !]

يسعد الله مسآكم

مثل مآ قلتي ..
آخوك هالفتره إلي هو فيهآ مرحلة مرآهقه ..
وإذآ مآ تعآملتوآ معآه بآسلوب خآص ممكن تؤدي إلى إنحرآف
كل خطوه وكل كلمه معه .. لآزم تحسبون لهآ
آممم .. كثرة سمآع الآغآني , حركة السجآير ,
طلعته من البيت , مقآبل الآب توب 24 سآعه .. حتى قعدته
بدورة الميآه آكثر من 3 سآعآت
دليل إن آخوك فيه شي ,.. مو مرآهقه وبس

أول مآ قريت كلآمك .. توقعت إن أمك وابوك
كآنوآ مدلعينه جداً وكل طلبآته مجآبه ..
بس حسيت من موقف أبوك وأمك إن مآهم مدلعينه
ممكن يكون دلعوه في أول عمره وبعدين شآفوآ
التغيرآت إلي طرأت عليه وتركوآ الدلع ..

المهم ..
فكرتي تجلسين معآه لحآلكم
يفتحلك قلبه تسألينه .. وش يبي من هالدنيآ
وش طموحه .. وش يحب وش يكره ..
مين آصدقآئه .. جربي تجلسين معه

إنتِ وأخوأتك تقربوله أكثر تقولين مآ يجلس معكم
طيب أنتوآ آجلسوآ معه شآركوه الآشيآء إلي يحبهآ
إلعبوآ معه بلآي ستيشن , شوفوآ موفي معآه
ىقعدوآ عنده بالغرفه , إذآ جيتوآ تآكلون تشآركوآ معآه
آممم ممكن تخلونه يوديكم لمكآن قريب بالسيآره
سوبر مآركت قريب , مطعم .. أي شي
حتى لو تجلس يتآبع مبآرآة آجلسوآ معآه
تفآعلوآ معه , ممكن تتشآركون بلعبة أونو :D
مونابولي :D كل هالآمور تقربكم له
إذا جلستي معه قوليله انه هو الولد والوحيد
وكل شي زين يسويه ترآه يرفع رآس أمه وأبوه
وإنه هو الشحص إلي أبوك يقدر يعتمد عليه
وووو

النت والله شي مخيف خآصه للمرآهقينه : (
آلنت مليآن مصآيب وبلآوي
حتى لو تقولون لآ مستحيل وآثقين منه
لآ تستبعدين .. المشكله المصآيب إلي بالنت
مو الشخص يبحث عنهآ ممكن يطيح عليهآ فجآه
ودمنهآ بدون مآ يدري ..
اليوتيوب .. < هذآ لحآله بلوى ..
تكونين قآعده تتفرجين على فيديو لفلم أو مقطع مضحك
وفجآه يطلعلك على جنب فيديوز مخل ..
ومجرد ضغطة زر .. يشوف كل شي
وبدون مآ الشخص يدري يصير يده تتحرك للبجث عن
فيديوآت كذآ .. : (

آنآ مآ آقول رآقبي آخوك .. والمرآقبه مآ فيهآ شي
كل حمآيه لآولآدنآ .. إنتِ شوفي المحفوظآت والموآقع
إلي يدخلهآ .. ولآ يآنبك ضميرك .. إنتِ تبين تتآكدين
وتبين تحآفظين على آخوك .. ومآ فيهآ شي
آطلبي جهآزه على آسآس محتآجته إنتِ
وإذآ مآ لآحظتي شي الحمد لله

آصدقآئه شوفي من هم
خلي آبوك يشوف من آصدقآءه
والآصدقآء شي مهم الوآحد يتآثر فيهم
بشكل كبير .. وخآصه المرآهقين
خليه يعزمهم يوم .. وأبوك يقعد معهم شوي
يشوفهم ويتعرف عليهم ..

المشآوير المفروض مآ يطلع مع ربعه ولآ يطلع لمكآن
إلا بشور آمك وأبوك ..



والله يهديه إن شآء الله : )



مـ ..

[DAG]

اللي يمر فيها اخوك مرحله مراهقه ولازم تكون الأسره قريبه منه بأي شكل
إذا شد الحبل ارخوه وإذا ارخاه شدوا
وأهم شئ الصحبه الصالحه
حاولوا بأي طريقه أنه يتعرف على ناس طيبين

[خـلـيـجـي]

* كلموا احد من عيال جماعتكم .. - يعني ابوكم يكلمه - او قريب لكم .. ثقون فيه في نفس عمره او اكبر .. وقولوا له يمشي مع اخوكم .. يعني يتقرب له ويمشي معه .. بـ يصير المجتمع اللي حوله برا البيت .. واللي يمشي معه .. معروف عند ابو الولد ومضمون ان شاء الله .. طبعا بدون مايدري الولد انكم دازين احد عشان يمشي معه !

* لا يتدخلنّ خواته في كل شغله له .. يحس انه بزر ولا له رأي ! .. اهم شي ان ابوه يكون قريّب منه يجلس معه بالمجلس ولا بالمزرعه مثلا يجي معه مره بالاسبوع .. \\ او حتى خال قريب او عم .. او ولد عم .. يكون كبير ويحترمه ويقدره .. يجلس معه لو مرات قليله بالاسبوع .. بـ مجلس ولا بمزرعه .. ويشوف وش يبي مع السوالف والكلام باسلوبه بدون مايحسسه بانه جاي يوجهه .. يمكن يلقى له هوايه تشغله .. اي شي يبي يسويه ..

والله يهدي الجميع

\\

[محيط]

اختي لا تقلقين اخوي كان يسوي اشياء اعظم من اخوك والحمدلله الحين من اصلح الشباب فترة مراهقه وتعدي بس اهم شي حاولوا تحتونهbp039

[S A D]

مرحبا bp039

اخوك مره ذكرني بأخوي
ونفس الشي هو الولد الوحيد بين بنات
فيه شغلات كثيره اخوي سواها لما كان بعمر اخوك
انا توقعت انها مراهقه وتعدي :( بس اخوي اللحين بالجامعه وفيه كثير تصرفات لسى يسويها :(
مثل الهيد فون طول الوقت بأذنه
انو يطلع اغلب اليوم
احيانا يجلس برى يوم ونص يومين
واذا جلس يكون بعالم آخــر
جربت احكي معه احاول اعرف السبب
قالي وش اجلس اسوي بالبيت لو لي اخو جلست ( قصده انو احنا البنات سوا مع امي سوالفنا واحده ونفهم ع بعض )
فـ هو يحس محد ممكن يفهم عليه بالبيت

احس الموضوع مو مراهقه او انحراف
الموضوع مافيه شخص بالبيت يحس انو ممكن يسولف معه بسوالف تناسب تفكيره كـولد
وطريقة تفكيره مختلفه عن الوالد بحكم الفرق بالسن

انا هذا تحليلي لـ اخوك واخوي :( pb189
الله يهديهم pb189

[اغنية الجوع]

مرحبا

انت قلتي بالبدايه

انه كان وقته كله يقضيه معاكم

يأكل
يسافر
يتمشى معاكم

وانتم تختاروله ملابسه وأشياءه



اخوك يبي يبني شخصيه مستقله تماما عنكم

لانه اكتشف فجاءه (او ممكن احد فتح عيونه على هالشي) انه انتم تديرو حياته
وانه يعيش وسط دائره مافيها الا انتم ورضاكم

فصار يحتقر نفسه ولا يبي يكون معكم زي اول

(والدليل يشارككم احزانكم دون افراحكم)

لانه يحس نفسه رجال يوقف معكم بالمحن



اقترح عليكم تزورو أخصائي نفسي


يساعده ويساعدكم على استعادة توازنه النفسي


صدقيني اخوك

تايه

وماهولاقي نفسه ولا هو عارف الحقيقه



تقبلي مروري

[Super RoOoNy]

شي طبيعي جدااااااااا

انتم مدلعينه لدرجة انه ماصار يهاب من ابوك ولا يخافه و يرمي السيجاره متعمد عشان يرفع ضغطه

تصرف خاطئ طبعا

يبله حزم و صرامه اكثر لكن بإعتدال

واهم شي الصحبه ...

احرصوا على معرفة زين من يماشي لان الاصدقاء لهم دور كبييييييييييييييييييييييير في هالشي
يا يأثرون عليه ايجابي او سلبي

[رجة ونص]

مساء الخير

لا اكون انا في حالة من اللاوعي كتبت هالرسالة :D

كأنك تحكين عن اخوي نفس التصرفات نفس الاستهتار نفس الدلع والانانية وانه انا ومن بعدي

الطوفان pb093

الفرق انه اخوي ما جاته هالمرحلة الا على اخر ثاني ثانوي بداية التوجيهي يعني تخيلي

انه كان الكل يضرب المثل فيه وفي اخلاقه بس سبحان الله الحين ما يحترم احد

واسم الله على قلبه معدله فوق 96% الحين اكلم مدرسينه يقولون طول الوقت نايم بالحصة

او ما يحضر الحصص

والي مخربه زيادة انه مافيه رجل يشد عليه علاقته حلوة فينا اذا خليتيه على راحته يطلع ويروح ويرجع

البيت متى ما يبي واذا كل ما طلبك فلوس عطيتيه يا سلام ملاك مجرد ما تقولين ماعندي او ليش

تاخرت تعالي شوفي الاتتيود السيءpb093

المصيبة مثل ما قلتي اسلوبه السيء في الرد على ماما تقولين اصغر عياله ودي اسطره بس طحش

كبري pb131

ماما تقول الحين هو ماهو في ايديني في ايدين الشياطين pb036

بالنسبة لنا وصلنا لقناعة انه نخليه على راحته الى ما يخلص هالتوجيهي همن بيروح يدرس عند

اخوي وان شاء الله انه الغربة تربيه ;)

[ابن عز]

يا هلا bp039

أخوكم يحس بالفراغ + عدم احساس بالأهمية ..
فراغه وتخبطه مخليه عنده احساس بعدم الاهمية وبالتالي انكم تكرهونه ..
عاملوه كرجال .. لأنه هو يبغى كذا .. ;)

وبالتوازي مع المعاملة هذي .. افتحوا معه حوار .. بشكل هادي وحللوا معه كل رغباته وحدة وحدة .. بس احرصوا انه يكون اقرب شخص له هو اللي يتحاور معه عشان يجيب نتيجة .. ولا يكون هالحوار بوسط مجموعه ..

وحاولوا ان اللي يحاوره يبين له انه راح يصبح أكثر قيمة إذا سوى كذا وكذا .. ويبدأ يمرر له طلبات ايجابية يسويها عشان يوصله رسالة " انه هالوصفه هي اللي بتوصلك للي براسك " بس بأسلوب معين وكأنه يخاطب شخص كبير عشان الولد ما يحس وكأنه ساذج ..

اللي قاعدة تشوفينه من اللجوء للاب توب او كثرة النوم هي طريقة منه لمحاولة " الهروب من الواقع " ..
الاختفاء في الحديقة او الحمام .. أعتقد انها محاولة لا إرادية منه للفت النظر ..

في كلتا الحالتين .. يستحسن ان شخص قريب منه مرة يعرف ويستخلص منه اهتماماته او ميوله .. ويشاركها معه وحاولوا تنموها له و توجهونها بشكل صحيح .. لاجل تملا هالفراغ الواضح اللي بحياته ..
وليكن هالشخص هو " قريبكم " لان من سياق حكيك شكله يأثر في أخوك بدرجة مذهلة ..

لو افترضنا ان هوايته يكلم بنات .. الرفض هنا بيخليه يعند .. ومحاولات النصح انه مذنب ما راح تفيده ..
لكن يحاول قريبكم ذا انه يبين له ان فكرته اللي يبغى يوصلها يهدمها هالتصرف .. وانه واثق برجولته لأنه يملك من التعقل والتمييز ما يجعله يدرك هالشي ..

مصاحبته لشخص صاحب تصرفات سيئة هو اكبر دليل على الفراغ اللي يعانيه اخوكم .. ومحتاج لأحد يوضح له نفسه وش تبي بالظبط .. بس أكرر بأسلوب هادئ وبسيط حتى لو عن طريق قريبكم اللي يرتاح له اخوك ..

في خلال حكي من يرتاح له .. حاولوا ان كلامه ما يكون موجه بشكل مباشر ..
مثلا يقوله : انا شاف منظر استنقص فيه رجولة أحدهم أمس .. بيسأله وش هو ؟
يقوله انه شاف واحد في السوق مثلا كلم امه بشكل سيئ والناس صارت تناظر له بطريقة معينة وكلهم قالوا " مو رجال " ..

مثلا يعني .. بس يكون هالتنبيه والقصه من خلال حكي عام .. او سوالف من هنا وهناك عشان ما يحس انها مقصودة ..

اخوكم محتاج لشخص يتوافق معاه .. يحتويه .. بس كصديق يعامله معاملة الكبار .. ويحترم عقله ..

وبالتوازي .. خلوكم ماشيين بالبيت على طريق معاملته كرجال .. عشان هو يتشجع انه يعطي وينفذ الرسائل الإجابية اللي يقولها له الشخص المقرب ..

الله يهديه ويهدي جميع شباب المسلمين يارب bp039

[في صمتي جروح]

مرحبا

انت قلتي بالبدايه

انه كان وقته كله يقضيه معاكم

يأكل
يسافر
يتمشى معاكم

وانتم تختاروله ملابسه وأشياءه



اخوك يبي يبني شخصيه مستقله تماما عنكم

لانه اكتشف فجاءه (او ممكن احد فتح عيونه على هالشي) انه انتم تديرو حياته
وانه يعيش وسط دائره مافيها الا انتم ورضاكم

فصار يحتقر نفسه ولا يبي يكون معكم زي اول

(والدليل يشارككم احزانكم دون افراحكم)

لانه يحس نفسه رجال يوقف معكم بالمحن



اقترح عليكم تزورو أخصائي نفسي


يساعده ويساعدكم على استعادة توازنه النفسي


صدقيني اخوك

تايه

وماهولاقي نفسه ولا هو عارف الحقيقه



تقبلي مروري

اختصرت الكلام اللي ابي اقوله bp039

[مزآجـﮯ غير.!]

اخوك تصرفه جدا عادي لأن قبل كان صغير وكلمته بيدكم
بس الحين كبر وحس نفسه انه رجااااااااااال ويبي يصير مستقل برايه ويكون عندهـ سيارهـ ويبي كلمته هي اللي تمشي ..
وبما انكم مدلعينه واي طلب يجيه فلما طلب السيارهـ ورفض ابوك هالتصرف اللي قاعد يتصرفه هذا اسلوب يتبعه يبي ابوك وامك ينفذون طلباته لانه متعوووود على الدلع فيتعتبر اللي جاهـ صدمه ..
واسلوبه اللي يتبعه فقط ضغطـ ويبي يوصل اللي هو يبيه ..
مراهقه وان شاءالله يعقل ..
بس شوفي اسلوب الشدهـ بقوووهـ من بعد الدلع بقووووهـ مايصييير ابد..!!
لأن بتكون ردهـ فعله جدااا قويه ..
يمكن يضيع عمرهـ ويعاند خاصه اذا كان راسه يابس ويبي كل شئ .!!
ابوك لازم يجلس معه لحالهم ويتكلم معه رجل لرجل وابوك يقوله كل اللي يبي واخوك بعد يقول اللي يبيه
بحيث يوصلون لحل .!
انت تبي سيارهـ .؟
لازم تشد حيلك بالدراسه لازم احس انك رجال ويعتمد عليك بكل شئ ..لازم يكون فيه شروط واذا تبي السيارهـ ماعليه اجيبها لك بس على الاقل لين توصل ثالث ثانوي واحس انك تستاهلها ..
بكيذا كل واحد يقوم من الجلسه وهو عارف وش يبي ووصلوا لحل يريح الطرفين

ان شاءالله تنصلح الاحوال ويرد اخوك اللي قبل واحسن ويرفع رووسكم ياربbp039

[رافع الراس..]

مرحبا :/
فكرة جميلة خاصة انها تفتح فرصة للتكلم في مشاكل واقعية وكثيرة دمتم متميزين ..
بالنسبة لصاحبة المشكلة فانا اقولها ..
لاتتضايقين .. اخوك بالضبط نفس تصرفات اخوي بس الفرق انه اخوي عايش بين سبع شباب اربعة اكبر منه
يعني المفروض انه يندمج معاهم بحكم انهم شباب بس لا حاط لنفسة حاجزنفس اللي صار لاخوك وكان الحاجز يجي تدريجي ..
وشفتي حركة انه حاجر نفسة بالتواليت
ثلاث ساعات اخوي مرة جلس بالصالة 9 ساعات حاط السماعات باذنة وكل من يمر يكلمة ماحد يرد .!
كذا متكي ويناظر الجدار وساكت .. وحاط الجوال بالشاحن وهالاغاني تدهر باذنة ..!
عمره نفس عمر اخوك كان من ثالث متوسط لأول ثانوي
وزعل مرة وطلع يومين من البيت وتعبنا وحنا ندورة ..
مثل ماقالت وحدة من البنات اغلب الشباب يمرون بذي المرحلة واتوقع انها مرحلة اثبات نفس بس ماهو عارف كيف يثبت نفسة الا بهالحركات الطائشة
شوفي اخوي خاف الفترة هذي مرة وحاس انا انه بدا يدخل معانا ماني عارف وش السبب.!
بس امي واوبوي بدوا يسايرونة الى ابعد حد لدرجة اني كنت اتضايق اقولهم مايصالح كذا يزاعق ويطلع المفروض تحطون له حد قالوا لا ماينشره عليه واذا هاوشناه راح يطلع ولا يرجع ويضفة اي واحد من عيال الحرام .. نتحمل زعاقة كم سنة ولا نتحمل فراقة العمر كلة ..
استاجر له ابوي شقة صغيرة حط له فيها كل المونسات المختلفة بنظهرهم.. يقول ابوي عشان افهمة اني انا معطية راحته وبنفس الوقت ادخل عليها متى مابغيت واشوفهم وش يسوون وش يحطون مابي يروح لشقة ثانية ماني عارف وش يسوي فيها ..
وصحيح تحمس اخوي وبدا يأثث الشقة ويعزم ربعة فيها
وحاس انه بدا يدخل فينا مو مثل الفترة اللي راحت .!
وعادي ترا مسألة اختفائة ترا والله مارواها سنع بس مسوي يخوفكم..
حنا بدا لابدا يجلس بالصالة متنح
ولا بغرفته اليوم كلة نمر ولا كأنة مسوي شيء ولا كانه بالبيت احد لانه ترا بالحالة هذي حاب يلفت نظر لااكثرولا اقل ..
قبل فترة قبل لايدخل الثانوي ..اخوي هذا مرة قالي عطني سيارتك قلت له لا قال ليش قلت لانه المرة اللي راحت عطيتك اياها وحست ابو امة طبعا زعل مني شهرين ماعبرته قلت يرضى من حالة وصدق من بعد هالشهرين ماكانة سوا شيء يمكنه نسى انه زعل مني :D
انا تكلمت بصيغة تجربة ماتكلمت بصيغة خبرة لاني حاس اخوك نفس حركات اخوي وتصرفاته وطريةق تفكيره (لايصير صديقة بس وكل واحد يخرب الثاني) وخاصة انه حتى نفس سنة ..
فانتم لاتكبرون اي سالفة واذا عصب حاولوا تمسكون انفسكم وتسايرونة العصبية والهواش ابدا تراها ماتجي على المراهق بالعكس المساير وانكم تعامولنة زي الطفل الصغير لاعصب طب طبوا عليه وقولوا له طيب واسفهوه واتوقع لو ابوك يسوي له شيء يلهي نفسة فيه حلو لانه مثل ماقال الدكتور النفسي مخهم فاضي ويبيلهم تعبئة ..
وشيء ثاني مثل مقالوا الاعضاء حاولوا انكم تحسسونة انه هو رجل البيت والكبير مو اخوكم الصغير اللي يلعب معكم وحتى ابوك لازم يكرر انت كبرت ولازم تكبر على هالحركات من عندي غيرك ترا هالكلمتين تلوي روسهم
ومثل مالقوا لاالاعضاء هو حاب يكون له شخصية وللحين تايه انتم امسكوا بايدينه بدون مايدري ودلوه
وخلوه يعتقد انه هو كون له شخصية مو انتم اللي ساعدتوه..
دمتي ..
.
.

[خـــيشة نـــوم]

عادي جدا ..

الولد لما يدخل بالـ 14 او الـ 15 يبدى يحس نفسه انه رجال و لازم يسوي كل الي يسوونه الرجال الكبار ..

و انتي و اهلك تعاملونه كأنه طفل صغير كل شوي داخله عليه وحده عزوز حبيبي وش فيك .. عزوز انت صغير ما تصلح تسوق سياره و من هالكلام الي يقهره زياده .. عزوز طلع من البيت و تسوون حاله استنفار و تتصلون عليه .. هو شي طبيعي ماراح يرد لانه حس نفسه انتصر عليكم و رضختوا للي يبيه ..

الحل هو انكم تحسسونه انه رجال فاهم و تعطونه بعض الامور بالبيت يسويها و ينجزها لحاله مثلا يروح يشتري اغراض البيت لحاله .. مثلا يروح يجيب عمال للبيت اذا بغيتوا تصلحون حاجه معينه و يجلس عندهم و يتفاهم معهم .. مثلا عندك او عند احد خواتك مشكله تقولين له وش اسوي و تخلينه قد ما تقدرين انه هو الي يحل المشكله .. صدقيني بيحس نفسه انه انجز حاجه و انه رجال فعلا قول و فعل بدون زقاير و هياط ..

انا عندي اخوي الصغير بالثانوي اشغلنا مع انه فيه 4 رجال فوقه و لكن مشكلته انه زي اخوك تربى مع البنات .. و اشغلنا طلعات اخر الليل مع عيال الحاره و زقاير الين مره سرق سياره اخوي الظهر و ضربه ضرب الين اغمي عليه .. بعدها صرت اخذه معي و نطلع مع بعض و يروح معي عند اخوياي و نتابع مباريات مع بعض و نروح نشتري اغراض البيت و اخليه يسوق السياره و اسولف معه كأني اسولف مع رجال عاقل فاهم و اشاوره في كل كبيره و صغيره بعدها تغير 180 درجه .. تغير مفهوم الرجوله عنده من زقاير و سرقه سيارات الى شي اكبر بكثير ..

بالتوفيق اختي و ان شاء الله الانحراف بعيد عن اخوك و أشكال اخوك اصلا باين انه مسالم و طيب و يحتاج الرعايه بس ..

[بتي فور]

الاعضاء ماقصروا

المرحله اللي يمر فيها اخوك مرحلة ( اثبات الوجود )
طفل مدلل كل شي يبيه يوصله مباشره وباسلوب طفولي نوعا ما ( تفضل حبيبي ، ابشر ياقلبي ) ومن هالكلام
والحين صار بمرحله يبي يثبت انه رجال مثله مثل غيره من زملائه

وافضل طريقة عشان تشبعون فيه هالرغبه انكم تعتمدون عليه بأموركم وتشاورنه ،، لاتاخذون بشوره ابد لانه طبيعي ماعنده بعد نظر ،، لكن لازم يوصله هالاحساس انه رجال وانكم تثقون برأيه وبكلامه
مثلا لاطلعتم السوق تقولون له حنا مانطلع من دونك نخاف على نفسنا وانت رجال تحمينا

المراهقين كل اللي يبونه كلمات ولو كانت ( كذبه ) فقط يحتاج انه يحس بالرجوله ويترك مرحلة الطفوله اللي عاشها بالفتره الماضيه

وافضل اسلوب هو المسايره ولاتضغطون عليه ولا ترخون الحبل ،، سايروه وبتشوفون كيف يتغير ان شاء الله

الله يصلحه ويهديه

[فـوق الحـــلا شامه]

   


حاالتك اخــوك مثل اخـوي واخس لاا زعل طربق الدنيـاا فوق راسناا ,
ولا حط نقره من نقر اخـوي اللي اصغر منه بسنتين فيه حشنه غضب ولا هـو عاارف يتصررف وفي النهاايه ترجع على امـي وابوي يحتاسون في الحـل يرجعون كلهم الاثنين يتهـااوشون طبعاَ الاولى هو الغلطاان والثـاني ماله ذنــب يرجع يقول هه شفتو انكم تقـاارنون بيننـاا وماتحبوني ومدري وشو ترا شي طبيعي ,
واهم شـي انكم تعرفـون مع من يمشــي ومنهم اصحـاابه ترا الاصحااب لهم تـاثير كبير في تغيريه ,
بس با الكـلام الزيــن ودامه انه الوحيـد ياخذه ابـوتس معه بطلعاات وجياات والعزااااايـم يغير جـوه ,
وتشجعونه انه هو رجال البيت وهو اللي يجيب طلبااتكم فتره المراهقه هي اصعب شي واحس ضرررها على الاب والا ام يتعبوون اكثــر واهم يرضـون اعيالهم ,
ياحبــذا انتس تتكلمين مع ابوتس انه هـو اللي يشجعه ويعطيه الثقه في نفسه يبي يتقبلهـاا ويسمع كلاامه ,
من جد بعض الاخـوان مراهقته مـرض والله يصلــح شــاَنه ويصخره لـكم ,

[Chili's]

والله انا بقول رايي من وجهة نظري
وإن كنت اشوف بعض الردود وحسب رأيي المتواضيع انها مو قريبة للصواب
الغلط والمشكلة والخطأ منكم كـ أهل
يعني ايش مراهق ؟ يعني مايفهم مايدري ؟ مايعي ؟
مجرد انكم قلتوا هالفكرة ومقتنعين بهالشي فـ هي بتصير فيه


..........اخوكم مخه فاضي يا يتعبى صح ولا يعبيه الشارع غلط ............
* اخوي يبي صدمه تفوقه من الي هو فيه بس كيف وليه ووشلون ما ادري

هذا أخصائي .. يقول مدري !
خوش أخصائي ..
عموما مجرد محاولة مكالمة أخصائي بهالأمور شي مفيد بس أخصائي أخصائي مو حيّ الله




1- حاولوا ترحبون بأصدقائه طبعا المحترمين بس وحالوا انه تبينون له عن اصدقائه اللي عليهم دائرة استفهام بس بدون ما احد يحس يعني لا تكلمونه قدام البيت كلهم

حاولوا ترحبون بجميع أصدقائه ..


3- حاولوا تحاسبونه على قدر الخطاء اللي سوه
يعني مو عشانكم حاقدين عليه لو سوا شئ صغير قومتوا الدنيا فوق تحت

محاسبة على قدر الغلط < كلام تقليدي بحت

5- حاولي الاب يحاسبه والام تكون في موقف محايد عشان الولد مايروح للشارع

والعكس الام تحاسب والاب يوقف وقفت محايد

ماصار بيت صار شركة حسابات

6- تنوع اسلوب العقاب

وذولي ماعندهم شغل الا يعاقبون .. يارربي وش انا مسوي




9- فتشوا اعراضه من وقت لوقت


سلامات !! لا مو من حق احد يفتش اغراض احد ..

10- لا تعطونه فلوس واجد ولا تقعطون عليه<<<<<


كلام تقليدي بحت ،،
وسوري اني حاولت احط نفسي مكان هالمراهق على قولتك وارد بهالطريقة بس اتوقع المشكلة من قبلكم وترى مافي شي بالقوة .. وبالنسبة للقسيمة اللي اخذ عليها ميتين هذي غريبة ! لأن لو ماشي ميتين بينحجز هو والسيارة ( بالرياض ) بس خوفي انها سواليف شيّاب وبعذره

[بارق الشوق]

مراحب ، ، ، والله مشكله المراهقه . . مشكله عويصة حبتين بس ماهي مشكله كبيرة مثل ماتتصورين يبي لها مسايس وسياسة في التعامل بس المهم أنكم ماتخلونه يتمادى بالشي اللي يسويه يمعنى حاول تغيرون طريقة التعامل معاه . . لاتحسسونه أن كل طلباته مجابة وابشر بعزك ومن هذا الكلام حاولو تعاملونه أنه رجال وانكم تعتمدون عليه في اشياء كثيرة . . بس لا تلبوون له كل شي . . عشان كذه راح يسطى أكثر وأكثر ولاراح يهمه شي وراح يتمادى ويسوي أي شي لأنه يعرف انكم راح تلبون طلباته . . وهذا شي راح ينعكس بشكل سلبي عليه . . حاولو تفهمون ايش يبي من ذي الحياه واللي عنده شي منكم نصيحه يبي يقولها له حاولو بقدر الامكان انكم تخلونها بشكل انفرادي يعني مو شرط البيت كله يدري . . على العموم مشكلته أخوك ماهي مشكلة وحده هذي مشكلة مجتمع كامل وحلها في يدكم حاولو تعرفون وش يبي بالضبط بس بحدود المعقول !!!

[قــهــر]

اخوك على شفا حفره .. لاهو الي بيراهق ولا هو الي بينحرف .. :D

بما اني قريب منه بالسن والى هالحين يمكن اعاني من بعض الاعراض الي يعاني منها اخوك :D .. اقول :

- بالنسبه لسالفة الانطواء والانعزال شئ طبيعي جدا جدا جدا .. مريت بهالمرحله انا ولا زلت امر فيها واخواني قبلي اتذكر مروا فيها .. والى هالحين ما احب اجلس مع اهلي كثير .. احط سمااااعات واجلس على النت ولا اطلع اجلس برا لحااالي ! حتى اخوياي قليلين وما احب اجلس معهم كثير .. نفس الشئ يصير لأخوك حتى المناسبات اتوقع ما يحب يحضرها ,!

- سالفة السياره من ابسط حقوقه .. معليش يعني انا عارف انه المفروض الواحد ما يشتري سياره الا بعد ما يخلص ثانوي ,! لكن بهالوقت حتى الي بالمتوسط تلقينه مقلق ابوه اربعه وعشرين ساعه يبي كامري خخخخخخـ pb027 ,,! فمن الطبيعي انه يدرس بمدرسه اهليه ومع عيال ويشوفهم راكبين سيارات فأكيد يبي سياره مثله مثلهم ..

- اخوك يمر بمرحلة مراهقه .. مرحله انتقاليه من تصرفات طفل الى تصرفات رجل .. لكن الواحد ببداية هالمرحله الي هو في نفس سن اخوك يميل الى التصرفات الطفوليه اكثر من ميله لتصرفات الرجل ..! لكن بنفس الوقت يحاول يقنع نفسه ويقنعكم انه رجل كبير .. عشان كذا انتم حسسوه انه رجال كبير ,, مهب تعاملونه على انه صغير .. حتى بكلامكم معه لا تخلونه كله يا حبيبي ويا بابا ويا مدري وشو لأنه كذا بيحس ان توه بزر :D بالتالي راح يطلع من البيت ويصارخ ويهااايط على شان يحاول يثبت لكم انه رجل وانه مهب صغير ..!!

الكلام الي قلته فوق شئ طبيعي .. الاغلب مر فيه .. حالات تصير بمرحلة المراهقه .. وما اشوف انها تستاهل منكم هالقلق بقدر ما تستاهل منكم شوية تفكير وانكم تحسسون اخوكم بأنه رجل ويعتمد عليه .. لكن الشئ الي المفروض يخلوكم تقلقون ممشاه مع راعي هالتفحيط الله يخزيه :D ..

بصراحه يعني اغلب الي يفحطون .. ليش يفحطون ..؟؟ يا تلقينه مزاااجه عالي والرجال مشفّر .. او تلقينه يبي يبدأ علاقه مع شخص وسيم ويحاول يجذب انتباهه عن طريق التفحيط .. او يكون سبهه ويفحط كذا ويضيع وقت فراغه pb027

والخوف ان هالبلوه الي يفحط يكون ناوي لأخوك نيه شينه .. وحاول يجذبه عن طريق التفحيط .. وكلام من نمونة انت رجال وخذ هذي سجاره .. نبي نطلع نفحط الحين وابيك تعزز لي يا الشنب .. ومن هالكلام الي يطير اخوك بالعجه ويحس ان رونالدينهو :D , بجد هالادمي هو الي ممكن يخلي اخوك مقبل على هاوية الانحراف واللاعوده للحياه الطبيعيه .. بشكل او باخر حاولوا تبعدونه عنه ,! حطوا بسيارة الي يفحط مخدرات وبلغوا عنه هههههههـ pb027 ,,! يعني حاولوا تنصحون اخوكم منه او شفوا لكم واحد يقرب لكم ويفهم طبع اخوك يفهم اخوك وينصحه ويوعيه .. وقسم هالبلوه راعي التفحيط ناغز قلبي جعله المرض .. مهما كان ومهما صار لا تخلين اخوك يمشي مع ذا المخزي راعي التفحيط .. :D

ومثل ما قلت باقي الامور عاااديه جدا .. ولا زلت انا الى هالحين امر فيها ,, وما اكذب عليكم اذا قلت اني ما استمتع كثير اذا جلست لحااااااااالي .. قسما بالله احس اني مبسوط مره وودي اطير ..!! واكيد هالشئ يحس فيه اخوك .. وبنفس الوقت ما توصل لدرجة اني اكره اهلي او ما احبهم .. بالعكس على عيني ورأسي لكن عندي قناعه ان وجودي معهم ما بيضيف شئ او ان وجودي زي عدمه مع بقاء حبي لهم ! حتى لو كان عدم حبي للجلسه مع اهلي وانطباعي ان وجودي معهم ما بيضيف شئ او بيغير شئ غلط لكن هذا الشئ الي ودي اسويه اجلس لحالي واستمتع pb030 .. وهالشئ بالضبط هو الي يحس فيه اخوك

يعطيني العافيه :Dpb189

[TR~tr]

مرحلة مراهقه متعبه بالنسبه للاهل
على ابوك يتقرب لاخوك يسولف معه يعرف من يمشي معه ويجي (الصحبه تأثر بهالمرحله) والمطلوب من الاهل الاهتمام الزائد يعني يسأل عنه وين رحت وين جيت ويكون السؤال من الوالد اكثر لان بيقلل من قيمتكم كبنات مايبي كلمتكم تمشي عليه .. حسسوه بأسلوبكم انه كبير ويعتمد عليه اخوااني ثلاثه واحد منهم بس الي شفت بوادر المراهقه ماحد كان فاهمه صح غير ابوي ماشالله عليه مسايره ومخليه على راحته عصبي ومسوي مشاكل على ادنى شي واحنا مالنا غير نسفه ومن يتكلم سكتنا حتى اخواني يتحاشونه
الله يهدي اخوك ويهدي اخواني

[¤ V i B r A n T ¤]

المراهقين عجيبين صراحه مدري وش جايهم..احس حنا مرت فترة مراهقتنا عاادي جدا ماسوينا اللي سووهpb093
الاولاد عنيدين مرره..لكن احسن شي انكم تحسسونه برجولته..وان ابوه واهله معتمدين عليه..ومن هالاشياء..علشان يحسب حساب لافعاله..
:
:
اعرف واحد مهبل باهله زي اخوك بالضبط وعجزو فيه اهله...
بس يوم حملت امه وجابت لهم صغير بالبيت تغير 180 درجه:D
صار يحب جلسة البيت واغلب وقته مع النونو:D

مدري قولي لامك تحمل يمكن يصير حل :D

الله يهدي اخوك bp039

[نجمة شرق]

شوف حبيبتي انا معاك تخافي على اخوك ولكن
اخوك اصبح رجل والا تبينه يمشي وراك من وين
ماتروحين ؟هذا سن الشباب ماتقري تعملين شي
الا التوجيه والمراقبه عن بعد وهذا خليها على ابوك
واذا فيه شباب من اهلكم وتعرفونهم وذي اخلاق
ممكن تحاولون تدمجونه معم هذا احسن واهم شي
الدعاء انتي يااختي وامه دعاءالوالدين ترى الابناء
فتنه وكل ماخرج اخوك استغفري وعلمي امك
صدقيني يرجع وثقي بالله قبل اي شي والله يحفظ
علينا وعليكم يارب

[RAUL]

والله الجيل الجديد مشكله التعامل معه ..
خصوصا اذا صار وحيد اهله.. التعامل معه صعب
حتى هو نفسه بيحس بهالشي.. ويمكن يستغله

عمـوما الولد يبيله جلـسه مع واحد كبيـر وفاهم
يعلمه الصح من الخطـأ ويعلمه كيف تكون المرجله
وان المرجله افعال واقوال مهيب زقاير وسيارات

لازم يتعلم احترام الاب والام .. ويعرف انهم ماراح يدومون له .. وبأي وقت يمكن يموتون ويخلونه ..
ولازم يعرف ان كل اناء بما فيه ينضح ..
فأذا تصـرف تصرفات خاطئه وشينه .. ماراح تعود العواقب عليه لحاله .. بل على اهله كلهم ...

هو الزمن كفيل بهالشي لكن مو كويس انكم تهملونه لين يضيع الولد ويمكن يرجع او لا ..

انا اشـوف اذا عنده عيال عم او عيال خال خاله كويسين .. يروح معهم ويجي معهم .. بشكل غير مباشر موجه منكم .. لين يتخطى مرحله المراهقه .. ويتعدى مرحله الخطر ..

انا بشكل عام مابدى يصير عندي شله اطلع واجي معهم .. الا بالجامعه ..
اما قبل كنت مقتصر على عيال الجيران وعيال عمي وخالتي ..

[حنووووون؟]

هذي من أكثر المشاكل اللي تتعب الواحد وخاصة العيال من يوصل 15 سنة يحس أنه فاهم الدنيا واللي أكبر منه ما يفهمون شيء...

وعندنا وعندكم خير

والمشكلة الاعظم أنه ينفر دائماً من أي شخص ينصحه

وما لكم إلا الدعاء له وإعطائه النصايح بالتقسيط عشان ما يطفش

والشيء الثاني متابعته وعدم إعطائه الحريه الكاملة

لأنه لازم يطلطخ من الدنيا ويبدأ يتعلم وين الصح وين الغلط

هذا وجهة نظري الشخصية

[نملة فسفورية]

أنا من رايي تكلمي معاه انتي تفاهمي معاه بالهداوه :(
فهميه ان امك تتعب اذا مااحترمها وفهميه ان ابوكم ماعاد يتحمل حنني قلبه عليهم لانه اذا حن عليهم بيحترمهم ويخاف يزعلهم وفهميه انه مو حل اذا مااخذ الشي اللي يبيه يروح وينطوي على نفسه والأغاني ومو كل شي يبيه الواحد يصير pb036
قولي له انكم محتاجينه كلكم ومحتاجين يرجع زي قبل وانكم تبونه وقت الفرح ووقت الضيق حسسوه بقيمته بينكم وانكم تفقدونه كثير :(

والمراهقة فتره وتعدي ياشينها والله عانيت فيها كنت احس ان الكل مايحبني ولا يفهمني مثل اخوك بالضبط :sm1:
خلوكم حوالينه حسسوه بااهتمامكم فيه

الله يصلح حالكم يارب bp039