أخوكم يريد مشورتكم .. لمن ذهب الى كنــدا ,, سؤال صغير جدا [الارشيف]

عرض كامل الموضوع : أخوكم يريد مشورتكم .. لمن ذهب الى كنــدا ,, سؤال صغير جدا

utaibisg

12-04-2008, 17:21

السلام عليكم ورحمة الله وبركاتة

أنوي بأذن الله وتوفيقه وإرادتة أن أذهب الى كندا لدراسة اللغة الأنجليزية

لا ارريد تكاليف السكن او الدراسه

ولكن اريد من ذوي الخبره الآتي

1- هل مجموع 1500 ريال تقريباً كافيه لمصاريف معيشه ؟ معيشــه ومصروف جيب فقط

2- مستواي الأنجليزي متدني جداً ... هل يكفيني عام دراسي كامل في كندا لأجادة اللغـة ؟؟

ولكم مني جزيل الشكر سلفاً

تغطوا يابنات

12-04-2008, 17:59

هلا اخوي
عن المصاريف انا ماعرف
بس اعتقد 1000 دولار شهريا يكفي ؟؟؟؟؟
على العموم بالنسبه للغله
انت وشطارتك وفهمك
والله اعرف ناس خلصوها بـ3 شهور
وناس 6
بس عمر اللغه الانجليزيه للكثير
هو مابين 6 شهور الى 9 شهور

utaibisg

12-04-2008, 18:10

مشكور اخوي الفاضل

وبيض الله وجهك

على سرعة تجاوبك

بصـراحة انا املك دخل شهري مابين 1500 ريال الى 1800 ريال

مصاريف المعهد والسكن مدفوعه مسبقاً مع الوجبات

لهذا أسئل أخي الفاضل

هل يكفيني هذا المبلـغ مع التوفيـر ؟ ام يعتبر ضئيل جدا

علماً بأني لست من المهتمين بالسهر او السياحه او التسوق

تغطوا يابنات

13-04-2008, 04:05

والله مادري ماقدر اجاوبك لان انا الى الان مارحت

بس قريبا بكون هناك

آبو 99 فلقه

13-04-2008, 05:16

الله يوفقك اخوي لو عندي معلومات او قد سافرت

كان علمتك بسس من عرفت الدنيا وانت منثبر بالنسيم

موفق يارب

تهاني الخليج

13-04-2008, 06:06

1500 ريال !!

يعني حول 400 دولار ..

طيب مدري انت تقصد بالمعيشة
السكن بعد و لا لاء ..؟

بالنسبة للغة .. اذا انت مجتهد ..
تقدر تتعلمها بسرعة يعني ممكن 3 او 4
شهور تكون كافية ..

و سنة طبعا أفضل عشان تضمن الممارسة
اهم شي للغة الممارسة ..

و الله يوفقك يارب ..

نايف ماغيره

13-04-2008, 10:16

وعليكم السلام ورحمة الله وبركاته ،

أهلاً وسهلاً أخي العزيز ،

أول شيء أهنّيك على طموحك في تعلم اللغة والتغرب لمدة عام عشان السبب هذا. ثاني شيء ، إذا كنت ما تحب السهر ولا السياحة ولا التسوق ، أجل وين بتصرف الـ 400 $ شهرياً؟ :D

بالنسبة للسؤال الأول
: يعتمد وين المدينه اللي بتروح لها ، العيش في مدينة فانكوفر مثلاً غير عن العيش في قرية كندية صغيرة من ناحية الصرفيات. لكن بشكل عام ، إذا ماتتسوق ولاتسهر ولاتسافر يمين يسار ماراح تصرف كثير وخصوصاً إنك دافع للوجبات من قبل. أنت ماوضحت هل راح تسكن قريب من المعهد (يعني ماتحتاج باص) ، لكن حتى ولو أتوقع ماراح تصرف كثير و 400$ راح تكون كافيه. خلني اعطيك مثال لـ المصروف الشهري عشان توضح عندك الصوره: لوقلنا بتستخدم الباص يومياً ذهاب وإياب للمعهد ، وسعر التذكرة 1.5 $ ، نجي نحسبها :
تذكرة ذهاب وإياب : 3 $
عدد أيام الدراسة شهرياً : 22
22x3 = $66

وتذكر أخي العزيز إنك بتجلس سنه كامله ، يعني مهما كنت ماتحب التسوق والسهر والسياحة ، لازم يجي الوقت اللي تطفش فيه وتحب تغير جو. :) وتذكر إنك راح تكون علاقات ويصير عندك إصدقاء جدد ، فـ المطاعم والسينما والطلعات الخفيفه لابد منها ;)

مطعم كل نهاية إسبوع : وجبة بسعر 15$
15x4= $60

سينما مرتين شهرياً : 8$
8x2= $16

وبرضوا في البيت لازم يكون عندك قراميش وحاجات تمزمز عليها pb027 مثل تشبس وحلويات واللزي منهو pb030

خل نقول شهرياً 40 $

نجي نحسبهم مع بعض ، وتذكر إن الأسعار اللي حطيت هنا تقريبية ، لإن المدن تختلف ، لكن تقريباً هذا الوسط.

66+60+16+40 = 182 $ pb036:D

بالنسبة للسؤال الثاني:
يعتمد عليك! ;) إذا كنت فعلاً مصرّ على تعلم اللغة راح تتعلمها بسرعة. أهم شيء حاول تبعد عن العرب شوي عشان ماتتكلم عربي واجد. وحاول تتكلم إنجليزي طول الوقت حتى ولو كانت لغتك مكسّره ولاتخجل منها ،شيء طبيعي ترى ، حنا مانضحك إذا شفنا هندي يكسر اللغة العربية في السعودية ، نفس الشيء هناك! :D طوال فترة دراستك طالع قد ماتقدر من المسلسلات والأفلام على التلفزيون لإنها تعطيك كلمات كثيره وتعلمك طريقة النطق الصحيحة وتدخلك جو اللغة.
نعم إعتقد سنه وحده كافيه إنك تتعلم اللغة ، لكن درجة تعلمك تعتمد على هدفك من تعلم اللغة. إذا كنت في مجال يعتمد على الإنجليزي تماماً وبمفردات خاصه (طبيه،إداريه،هندسيه،إلخ..) فـ هذا شيء ثاني ويمكن تحتاج زيادة وقت. لكن إذا كان هدفك إنك تكتب وتقرأ وتتخاطب بالإنجليزي ، فـ بإذن الله راح تقدر خلال سنه. أهم شي العزيمه :)

وأتمنى إني أفدتك ولو بشكل بسيط. وإذا عندك أي أسئله زياده أنا حاضر ، والله يوفقك في دراستك bp039

السكران911

13-04-2008, 16:08

بس على حسب المدينه زي ما قال نايف
بعدين العائله توفر لك الاكل وتتشرط زي ما تبي ما احد يقول لك شي
انا في كندا الحين بس واشوف اسعار في مندينتي اغلى من الاسعار الي حاطها نايف للسنما وللباص

saudi girl

13-04-2008, 18:35

راجعة لك بإذن الله....

utaibisg

13-04-2008, 19:55

اخوي تغطوا يا بنات

بارك الله فيك وطول الله عمرك .

------------

أخووي آبو 99 فلقه

شكراً لك ..

-----------------------

الأخت تهاني الخليج

نعم اقصد فيها مصروف جيب فقط

السكن مدفوع والمعهد كذلك .
بارك الله فيـك وجزاك الله خيـر على مشاركتك.

------------------

أخوي نايف ماغيره

بصراحه ماقصرت .. كانت مشاركتك وافيـه .. ولكن لاحظت انك تسأل عن المدينــة ... انا لم اتوقع فرق كبير بالأٍسعار بين المدن الكنديـة .. ولكن هي مدينــة فانكوفر ... تم التنسيق بيني وبين احد المكاتب بالخبر .. بدفع مبلغ يتكفل بعده المكتب بدفع السكن + المعهد .. ماعدا تذكرة الطيران والفيزا

بالنسبة للمبلغ الذي ذكرتـه انا .. هو المستطاع وأسال الله ان يعوض صبري وغربتي خيـر .. فرص وظيفيه كثيره لم أوفق بها بسبب اللغة الأنجليزيـة وهذا مادفعني للسفر .. وأسال الله لي ولكم جميعاً التوفيق ..

معلومات قد تفيدك أخي بالنسبة لي شخصياً

المستوى الأنجليزي لدي : صفر تقريباً

العمر 29 عام ..

هل من هو بمسواي المتدني هذا قادرين على الأٍتفاده من مده دراسيـة 6 أشهر بدل السنــه ؟؟
------------------------
اخوي اخوي تغطوا يا بنات

بارك الله فيك وطول الله عمرك .

------------

أخووي آبو 99 فلقه

شكراً لك ..

-----------------------

الأخت تهاني الخليج

نعم اقصد فيها مصروف جيب فقط

السكن مدفوع والمعهد كذلك .
بارك الله فيـك وجزاك الله خيـر على مشاركتك.

------------------

أخوي نايف ماغيره

بصراحه ماقصرت .. كانت مشاركتك وافيـه .. ولكن لاحظت انك تسأل عن المدينــة ... انا لم اتوقع فرق كبير بالأٍسعار بين المدن الكنديـة .. ولكن هي مدينــة فانكوفر ... تم التنسيق بيني وبين احد المكاتب بالخبر .. بدفع مبلغ يتكفل بعده المكتب بدفع السكن + المعهد .. ماعدا تذكرة الطيران والفيزا

بالنسبة للمبلغ الذي ذكرتـه انا .. هو المستطاع وأسال الله ان يعوض صبري وغربتي خيـر .. فرص وظيفيه كثيره لم أوفق بها بسبب اللغة الأنجليزيـة وهذا مادفعني للسفر .. وأسال الله لي ولكم جميعاً التوفيق ..

معلومات قد تفيدك أخي بالنسبة لي شخصياً

المستوى الأنجليزي لدي : صفر تقريباً

العمر 29 عام ..

هل من هو بمسواي المتدني هذا قادرين على الأٍستفاده من مده دراسيـة 6 أشهر بدل السنــه ؟؟

--------------------------

utaibisg

13-04-2008, 19:59

اخوي السكران911

المدينه فانكوفر .. هل لك رأي في أسعارها وهل تختلف كثرا عن غيرها ؟

شاكر ومقدر لك مشاركتك

----------------

اختي Saudi girl

الله يحييك .... وأنا في أنتظارك

بطني مصدع

14-04-2008, 10:18

مساء الخير اخوي الله يوفقك وتروح وترجع بالسلامه

حبيت بس اقولك ان فانكوفر من اغلى مدن كندا تقريبا لانها بلد سياحي pb189 اخاف تروح هناك وتقدم على هجره وماعاد ترجع من جد روعه مدينه ولا احلى

واعتقد ان 1800 مصروف جيب اذا ماكنت من النوع اللي يسافر ويروح ويجي وتعرف وين تحط فلوسك والوجبات مدفوعه مقدما ان شاء الله انها بتكفي

نايف ماغيره

14-04-2008, 17:21

أخي العزيز ، ماذكرت إذا بتستخدم الصب وي أو الباص ، وإلا بتمشي للمعهد ؟ بس كذا وإلا كذا ماراح تفرق كثير ، يعني ما أتوقع تصرف على المواصلات اكثر من ١٠٠$ شهرياً ، يعني ميزانيتك راح تغطي إن شاء الله.

وفالك البيرق .. :)

saudi girl

14-04-2008, 18:34

الأخ نايف ما غير ما قصر الله يجزاه خير...

لكن إذا السكن و الدراسة مدفوعة لك مسبقا...معناته إنك تعرف على أي مدينة رايح ؟

لأن فانكوفر و تورنتو و مونتريال مرررة غاليين....لكن مثلا أوتاوا و إدمنتون و هاملتون أرخص منهم و أصغر...مو معناته إنهم قرى...لأ...مدن صغيرة...بالنسبة للباص...الحين صاروا يعطون كرت للباص لترم كامل ( 4 شهور) للطلاب فقط ب 90$...يعني توفير كبير....هال 90$...توديك وين ما تبي...

بس زي ما قال نايف...سنة كاملة ما راح تروح أي مكان و لا راح تتسوق ؟ على فكرة...إذا إنت جاي بفيزا طالب تقدر تشتغل في أي مكان...منها تزيد دخلك و الشيء الثاني تمارس الانجليزي...

و ترى تكلم انجليزي و لخبط و لا عليك من أحد...أصلا اول ما تجي و تشوف هالصينيين اللي يشتغلون و هم ما يعرفون إلا يس و نو تبي تحس نفس واااااااو بالانجليزي عندهم + الشعب الكندي متعود على الناس اللي تجي تتعلم انجليزي عندهم و على المهاجرين....يعني لا تستغرب بعد شهرين يجي يقول لك واحد ما شاء الله الانجليزي حقك مرررة خيال ! جد و الله أحكي.....

بالنسبة لي كم الفترة اللي تكفيك...سنة أتوقع هي المطلوبة...شغل 3 شهور مرررة شوي...9 شهور - سنة...مررة كويس خاصة إن مستواك مبتدئ على كلامك...

و موفق يا رب

saudi girl

14-04-2008, 18:37

توني أشوف ردك الأخير...

طيب إذا هل تقدر تغير المدينة مع المكتب و إلا لأ؟ لأن فانكوفر غالية...

و عندك مدن زي...هاملتون - إدمنتون - أوتاوا...مدن متوسطة و رخيصة نسبيا....

و بشرنا عنك...

utaibisg

16-04-2008, 14:32

الله يعطيكم العافيـه يارب

واعتذر عن التأخر بالرد

وشكر خاص للأخت Saudi girl

وأبشركم الأمور الآت تساهيل ورب العالمين فرجها من عنده

ولكن تم الأتفاق على كل شيىء ماعدا السكن مع العائلة

هل يفضل الدفع شهري او اسبوعي ؟

لأني خايف ما ارتاح مع العائله واغير السكن

لو دفعته مره وحده قبل اروح هل يحق لي تغيير العائله مع العلم اني دفعت قيمة السكن لـ 6 شهور ؟؟

saudi girl

16-04-2008, 17:16

تغطوا يابنات

16-04-2008, 17:46

على ماعتقد بالنسبه لدفع

في ناس يعطون المعهد مقدما مبلغ 3 شهور للعائله
والمكتب بدوره يعطيه العائله كل شهر
اذا ماعجبتك العائله تغير
اهم شي المكتب لازم يعطيك ورقه تعبي فيها طلباتك بخصوص العائله
اكتب الاشياء اللي تبيها
..
ولاتنسى الاكل خصوصا لحم الخنزير
اما بالنسبه للذبح الحلال
بصراحه صعبه
اهم شي قولهم ماتبي لحم خنزير ولا مشتقاته

utaibisg

16-04-2008, 18:06

أخوي إنت دفعت عن طريق مكتب و إلا مباشرة للمعهد ؟

بعتبر إنك دفعت مباشرة للمعهد...و الجواب هو نعم....تقدر تغير العائلة لو ما ارتحت...ما فيه مشاكل...

بالنسبة للدفع...يتوقف على اتفاقك مع المعهد....لكن بالعادة الدفع يكون شهري...

و الله يوفقنا وياك...

والله يا غالية انا بعطيهم فلوس المعهد .. اليوم كنت عندهم قلت له انا ماني معطيكم فلوس السكن قال بكيفك . عشان لو تبي تغير السكن غير .. وبعد كذا فكرت اني اعطيهم من هنا مره وحده ورتاح .. بغيت اسئل المكتب لو عطيتهم مره وحده ابقدر اغير بعدين؟ فقلت اسئلكم انتم افضل بحكم تجربـه

للمعلومية اختي : المعهد أسمه ( انلجوا فانكوفر). يمدحونه لي ونا مدري

utaibisg

16-04-2008, 18:08

المصلحه العامه

17-04-2008, 20:31

هلا اخوي بجاوبك عجل وبرجع رد مطول بادن الله

وجهة نظر لاتدفع الا شهر واحد للمعهد والعائله بعدها انت بتعرف المدن في كندا والمعاهد ,والعوائل وبتفاضل بينهم . ويكون المبلغ معاك فيزا او ماستر او في حسابك في البنك .

ماما فرحان

17-04-2008, 23:42

الله يوفقك يااارب ..

ونعم الاختيار بصراحه فانكوفر رائعة .. بس فيها انها غاالية

بصراحه يعني من جد كيسه وحده من البقاله فيها خفايف..ماتقل عن 100 ريال ..

الله يعينا ان شاء الله ..

وابد والله ياعالم هنا لغتهم صفر وماشاء الله بدوا يدهرون ..

ماعليك ان شاء الله ربي يبي يوفقك ..

والله يطمن بالك ان شاء الله ..