استفسار مدري وين احطه :s

[الرابط العجيب]

مرحبا مغتربيين ..



اول شي انا متخرجه من 2006 "ثانويه عامه " نسبتي كانت 90% "أدبي"
الحين ادرس هنا بالرياض اداره ماليه في جامعه خاصه على حسابي ..
و مسكت معاي ابغا اكون مبتعثه " في اي مكان ماتفرق" pb036

من وين اقدم على بعثه ؟ ( صدع راسي من كثر مايقولون ملحقيه . بعث الملك عبدالله .. ديوان )< وش قصتهمpb036

وكم تاخذ وقت من يوم مااقدم عليها لين تجيني :P ؟ وايش شروطهم غير المحرم ؟

* ولو بدرس على حسابي كم تكلفني مصاريف السكن والجامعه و غيرها .. وهل بيضموني للبعثه بعدين ؟ وكم تاخذ وقت برضو ..




ويعطكم العافيه جميعا pb189:D

[القليصاء]

شوفي يا طويلة العمر من كلامك فهمت انك درستي سمسترين و سنة تحضيرية

راسلي جامعه معينة و شوفي كيف تعادل الشهادة

فيه جامعات ما تعادل إلا الشهادات المنتهية بدرجة علمية

يعني زي البكالوريوس و الماجستير و في جامعات تعادل سيمسترات

عشان السنة اللي درستيها ما تروح عليكي

بعدين اذا مستواك بالانقليش اوكي تكملين سنة ثانية عندهم

و اذا مستوى الانقليزي يمشي حاله يمكن يجيك قبول مشروط

يعني اذا عديتي الليفيل المطلوب بالانقليش تخشين الجامعه

المهم اذا قدمتي على هالجامعه الفلانية و جاكي قبول أو قبول مشروط

روحي و قدمي على البعثة اللي تبينها و اعذريني ما ادري كيف و وين ...

[.CK.]

روحي و قدمي على البعثة اللي تبينها و اعذريني ما ادري كيف و وين ...

اشوف هذي اهم نقطه في الموضوع وين تروح تقدم :

وزاره التعليم العالي
برنامج الملك عبدالله للابتعاث

[القليصاء]

8
8
8

ادري انها وزارة التعليم العالي - برنامج الملك عبدالله للابتعاث

ما في احد ما يعرف هالشي هي تسأل وين تروح تقدم اوراقها و اشياءها

اللي اعرفه تقدمين بالنت و اذا جا قبول مبدئي تكملين اوراقك بس وين تقدمين هالاوراق مدري :)

[الرابط العجيب]

مفوته اول سنه .. يعني لسه تحضيري pb192

طيب والجمعات كيف اعرف ايش احسن شي :P
يعني على كيفي انا اختار اي جامعه بأي مكان واقدم عليها ..بعدين اعطيهم خبر :P ؟

وزاره التعليم العالي
برنامج الملك عبدالله للابتعاث

الحين التقديم مقفل بالموقع حقهم :s
وماراح يفتحونه لين يتخرجون حقين السنه هذي :s
يعني بيقدمونهم على الي تاريخ تخرجهم اقدم ؟

طيب سؤال بايخ pb095 مافيه برامج غير برنامج الملك عبدالله ؟

[القليصاء]

لا موب على كيفك تختارين فيه جامعات معترفة من وزارة التعليم العالي و في جامعات لأ

لازم تكون الجامعة معترف فيها من قبل الوزارة

و من هنا تعرفين الجامعات المعترف فيها

http://www2.mohe.gov.sa/education/Index.aspx

و فيه بعثات واجدة سمعنا عنها منها :

برنامج ابتعاث أرامكو (cpc)
برنامج ابتعاث سابك
بعثة الفندقة
بعثة الخطوط
بعثة الهيئة الملكية بالجبيل

[نمله سيلانيه]

تقدرين تسافرين على حسابكـ وتدرسين وتلتحقين بالبعثه وتصيرين مبتعثه

بالنسبه للبعثات بيفتحون باب القبول بعد مايتخرجون خريجيين الثانويه والغالبيه علمي

نادر مايبتعثون ادبي للبنات الا لدراسات عليا اللي هو تخصص تربيه خاصهـ

[.CK.]

مرحبا مغتربيين ..





من وين اقدم على بعثه ؟ ( صدع راسي من كثر مايقولون ملحقيه . بعث الملك عبدالله .. ديوان )< وش قصتهمpb036 8
8
8

ادري انها وزارة التعليم العالي - برنامج الملك عبدالله للابتعاث

ما في احد ما يعرف هالشي هي تسأل وين تروح تقدم اوراقها و اشياءها

كنت اتمنى تكون ردودك اقل حده وبعيده عن التشنج في الاسلوب، اعتقد سؤال الاخت واضح وانا اقتبست لك استفسارها عشان توضح لك الامور بشكل افضل هي تسأل اروح الديوان او الملحقيه او برنامج الملك عبدالله ، وجاوبتها حسب علمي برنامج الملك عبدالله للابعاث - وزاره التعليم العالي .

وانت تفظلتي وجاوبتي عن الاخت ولا اتحتي لها المجال حتى تفسر سؤالها وفسرتيه نيابه عنها و بشكل خطأ وكل رد يناقض الثاني .
على العموم اتمنى الاخت استفاده من الردود ، وشكرا .

[أشعار]

..

هلا اختي bp039

يعني تبي تتركي الدراسة في الجامعة الخاصة اللي انتي فيها و تسافري بعثة دراسة بكالوريوس ؟ والا ايش الشهادة
اللي حابة تحصلي عليها بالضبط . يعني كورس لغة , دبلوم . والاّ بكالوريوس ؟
الاسئلة هذه تحدد مقدار التكلفة المبدئية اللي تحتاجيها للدراسة على حسابك الخاص . و مبدئياً لا تقل على 30 ألف ريال في حال حبيتي دراسة كورس لغة فبريطانيا مثلاً .

بالنسبة لطريقة التقديم مضى على شهادتك التوجيهي سنتين . يعني ان شالله أمامك فرصة للتقديم من هنا لسنة تقريباً. ما تروحي مكان عزيزتي . التسجيل و كل المعلومات تجديها على موقع الوزارة هنا :

http://kas.mohe.gov.sa/kas3/Index.aspx

هذا البرنامج السابق اللي انتهى التقديم فيه حالياً . بالنسبة لبعثات الوزارة ترجع تفتح قريب ان شالله . ما عندي حالياً خبر عن التاريخ بالضبط بس راح اسأل و اجيبه لكم فأقرب فرصة .

انتي شوفي الرابط عشان تعرفي المعلومات . و لما يفتح التقديم راح يكون عندهم رابط تعبئة الطلب و كل شي . ما فيها توهان المسألة bp039 . بس تحتاجي تتابعي معاملتك أو تقديمك أول بأول . تتصلي تسأليهم أول بأول لو لقيتي أي خطوة واعدين فيها تم تأخرها . الأمور مو دايماً تمشي نظامية .. الواسطات لها دور فالواحد يهتم و يسألهم دايماً عشان لا يهملوه لما يشوفوا ما عنده سند .


قبل كل هذا لازم تدخلي على الرابط اللي وضعه الأخ القليصاء عن الجامعات المعترف فيها و تختاري الأنسب لتخصصك و طلبك . تراسليهم على إيميلهم المرفق فكل موقع و تشوفي لو عندهم قبول أو لا . لما تقدمي في الوزارة لازم تكوني ضمنتِ وجود قبول أو شاغر فإحدى الجامعات المعترف فيها .
القبول مو يعني اختبارات و غيره . هذيك مرحلة ثانية . قبول الأوّلي هنا أقصد انك تشوفي عندهم مكان و متاح التسجيل في الوقت اللي تبغيه و بمواصفاتك الدراسية من معدل و نسبة و شروط والا لا .

ـ

أتمنى أكون أفدتك . بالتوفيق bp039

.

[القليصاء]

مرحبا مغتربيين ..





من وين اقدم على بعثه ؟ ( صدع راسي من كثر مايقولون ملحقيه . بعث الملك عبدالله .. ديوان )< وش قصتهمpb036 [QUOTE=




كنت اتمنى تكون ردودك اقل حده وبعيده عن التشنج في الاسلوب، اعتقد سؤال الاخت واضح وانا اقتبست لك استفسارها عشان توضح لك الامور بشكل افضل هي تسأل اروح الديوان او الملحقيه او برنامج الملك عبدالله ، وجاوبتها حسب علمي برنامج الملك عبدالله للابعاث - وزاره التعليم العالي .

وانت تفظلتي وجاوبتي عن الاخت ولا اتحتي لها المجال حتى تفسر سؤالها وفسرتيه نيابه عنها و بشكل خطأ وكل رد يناقض الثاني .
على العموم اتمنى الاخت استفاده من الردود ، وشكرا .

إعذرني يا أخوي تراي رديت قبل مباراة الهلال و الحين فاز الهلال و ارتحت

بعدين تراي ذكر منيب أنثى الله يهديك :sm5:

دوك bp039

[الرابط العجيب]

يعني تبي تتركي الدراسة في الجامعة الخاصة اللي انتي فيها و تسافري بعثة دراسة بكالوريوس ؟ والا ايش الشهادة
اللي حابة تحصلي عليها بالضبط . يعني كورس لغة , دبلوم . والاّ بكالوريوس ؟

بكالوريوس :)



.ck. القليصاء . أشعار ..
الله يعطيكم العافيه :)

[.CK.]

[QUOTE=]

إعذرني يا أخوي تراي رديت قبل مباراة الهلال و الحين فاز الهلال و ارتحت

دوك bp039

حصل خير، ومبروك البطوله وان شاء الله دائما تكون مرتاح ورايق مثل كذا ، تقديري واحترامي لك و للجميع .