وش الفرق بين Canon 450D , Canon 40D

[C L I C K]

السلام عليكم ورحمة الله وبركاته

نويت اشتري كاميرا احترافيه لاني تعبت من التعديل على الصور بعد ما اصورها pb093

الكاميرا إلي عندي الحين /

SONY
Super Steady Shot
DSC-T100

ادري انها مو احترافيه .. وراح يكون فيه فرق كبير

بس ابي كاميرا تريحني يعني انسى شي اسمه فوتوشوب إلا اذا بغيت اشيل عنصر في الصوره
لكن الالوان والاضاءه وغيرها ابي كلها من الكاميرا

ما ادري هل الكاميرا تسوي كل هذا وتفكني من الفوتوشوب وإلا لازم فوتوشوب :( ؟

قررت بـ Canon وتوقفت قدام نوعين / Canon 450D , Canon 40D

حاب اعرف ايش الفرق بينهم وايش الافضل :rolleyes:

انا احب اصور الطبيعه و المباني و الاطفال فما ادري بأي العدسات تنصحوني
وهل عدستها الاصليه تؤدي بالغرض :D < يقول ياليت لانه ماله خلق شغلة العدسات

واكون شاكر ومقدر لكم bp039pb189

[ضـــحكه]

:
:
عندي احساس كبير ان قصدك الفرق بين 400D و 450D
لأن الـ40D أكثر احترافية من السابقات فمافي مقارنة

ان صدق احساسي هنا الفرق
http://vb.eqla3.com/showthread.php?t=321145 (http://vb.eqla3.com/showthread.php?t=321145)



اما بالنسبة لسؤالك مااعتقد ان لك غناة عن المعالجة "وجه وحدة شهادتها مجروحة بالفوتوشوب"


الكاميرا كلما كانت احترافية اكثر فهي بتقوى دقتها .. الايزو .. تقنيات التصوير .. امكانياتها بشكل عام

اما الالوان .. تقدر بكاميرا بـ300 ريال تعدل الوان وتسوي W&B وتخلي لك صور قديمة وتعزل لك الالوان في الوقت الي اقوى الكاميرات ماتسويها وتعتبرة شغل تجاري مو بروفيشنال


الاكيد ان صورك بتكون أفضل من الكاميرا الي عندك لكن عن استغنائك عن المعالجة .. مااعتقد


أتمنى اكون افدتك بمعلوماتي المحدودة والاخوان مايقصرون ان شاءالله

[ALZ3EEM]

ماقصرت ضحكه

مافيه مقارنه بين Canon 40D و Canon 450D

الـ EOS 40D بروفشنال اكثر

واذا تبي كاميرا تستمر معك لفتره طويله وماتحتاج
تغير انصحك بـ EOS 40D
وبالنسبه للعدسات العدسه الاصليه مستحيل تعطيك
نتائج مرضيه
تحتاج لعدستين معاها ..
عدسة زوم .. وعدسة ماكرو

وموفق ،،

[VIP]

بس ابي كاميرا تريحني يعني انسى شي اسمه فوتوشوب إلا اذا بغيت اشيل عنصر في الصوره
لكن الالوان والاضاءه وغيرها ابي كلها من الكاميرا

ما ادري هل الكاميرا تسوي كل هذا وتفكني من الفوتوشوب وإلا لازم فوتوشوب ؟

اتفق مع ضحكه
الكاميره لحالها ماراح تفيدك



قررت بـ Canon وتوقفت قدام نوعين / Canon 450D , Canon 40D

حاب اعرف ايش الفرق بينهم وايش الافضل

Canon 40D هي الأفضب بالطبع

واللي يميز Canon 40D عن اختها

* مدى الايزو من 100 الى 3200 وفي الاخرى الى 1600
* اعلى سرعة للشتر 1\8000 وفي الاخرى 1\4000
* تصوير 6 اطارات في الثانيه والاخرى 3.5 اطار في الثانية
* وجود ميزة التصوير بإمتداد RAW بالإضافة الى sRAW وفي الاخرى RAW فقط
* وجود ازرار وتحكمات للوصول السريع للمطلوب

هذا اللي يحظرني في الوقت الحالي
وان شاء الله الاعضاء يفيدونك اكثر


انا احب اصور الطبيعه و المباني و الاطفال فما ادري بأي العدسات تنصحوني
وهل عدستها الاصليه تؤدي بالغرض < يقول ياليت لانه ماله خلق شغلة العدسات

نعم تؤدي الغرض
لكن اذا تبي تصور بورتريه ويعطيك عزل جبار انصحك بهالعدستين
Canon EF 100mm f/2.8 Macro USM
او
Canon 70-200mm f/4L USM

كلهم ينفعون للبورتريه
الاولى بالاضافة للبورتريه تقدر تصور فيها ماكرو سعرها تقريبا 1900 ريال
الثانية بالاضافة للبورتريه تقدر تصور فيها الاجسام البعيده سعرها تقريبا 2500 ريال

ماني متأكد من الاسعار !

موفق bp039

[C L I C K]

ضحكه

Alz3eem

Vip

تسلم يمناكم وماقصرتو والله bp039pb189

[HANOo]

.
.
.

يعطي العآفيه كآتب الموضوع اللي وفر علينا البحث عن الفرق بينهم http://vb.eqla3.com/attachment.php?attachmentid=482545&stc=1&thumb=1&d=1186564307

ويعطي العآفيه من وضح لنا الفرق http://vb.eqla3.com/attachment.php?attachmentid=482545&stc=1&thumb=1&d=1186564307

[Down.load]

ماقصروا الاخوان وعطوك وبيون لك الفرق الشاسع بين العدستين
بس نصيحه ان كنت توك بتبدي بالاحتراف خلك ع canon 400D
or new canon450D
طبعا سعر 450 في الامارات 3500 ضمان سنه - 4000 ضمان سنتين ..
بالنسبه للعدسات
المباني انصحك بالوايد انقل
كانون 10- 22
سعرها تقريبا 2500
سيقما 10-20
سعرها 1500

بالنسبه للبورتريه - الاطفال - وتصوير الناس عموماً
الاخوان نصحوك بالماكرو 100 mm وسعرها تقريبا 2500 أو اقل بشوي ..
بس ان كنت بتصور اطفال أو اشخاص لازم تكون كلوز أب .. فانصحك بعدسه
فضييييعه ونتايجها جباره وبرخص التراب
50mm 1.8 سعرها مايتعدى 500 درهم ..
وفي عندها خوات 2 بس هي الارخص بينهن وتقدر تدور في قوقل عن نتايجها..
وفي عدسات ثانيه منها الزوم + ألماكرو+ والفش آي
بس قبل لاتاخذ اي عدسه اتعلم ع الكيمرا والعدسه اللي تيجي معاها
وبعدين حدد ميولكـ وش تبغي بالضبط تصور طبيعه ولا ماكرو ولا الطيور أو رياضي أو دعائي بعدين خذ لك عدسه منها للتوفير ومنها لعدم الندم ..
وان كنت تبغي عدسه شامله أنصحك بالـ 24-105 سعرها يكسر الظهر
بس السعر فيها ..

[Najla]

مشكور C L I C K ع السؤال اللي أفادني كثير ..

وشكراً للأعضاء على معلوماتهم bp039 ..

ماقصرتوا :)