اسعار الكانون [الارشيف] - منتديات شبكة الاقلاع ®

زنــانه

22-04-2008, 08:34

السلام عليكم...

ناويه انشالله اشتري كانون الجديده ٤٥٠ دي....بس رحت من يومين اكسترا قالي ما عندهم، سألته عن سعرها قال ٥٠٠٠ او ٦٠٠٠ :confused: مادخل مزاجي كلامه

سؤالي....كم اسعار ٤٥٠ دي في السوق؟ و ايش افضل محل اشتري منه الكاميرا؟
برضو حابه اعرف سعر كانون ٤٠دي؟ و العدسه الي تجي معاها كم طولها؟ << مدري المسمى صح

و ايش تنصحوني بعدسه لل ٤٥٠....حابه اصور ماكرو و بورتريه...و لا هنتم اسعارها....

ادري الموضوع كله عن الاسعار...بس حابه احدد ميزانيه....

شكرا bp039

R I A N

22-04-2008, 09:03

حياك الله اختي

بالنسبه للاسعار مقدر اعطيك شي محدد لكن رنج معين يزيد او ينقص شي بسيط

بالنسبه لسعر 450D وين خمس الاف ولا سته الاف خير ؟ لا سعرها ارخص بكثير تقريبا 3600 - 3800 ريال بالكثير ( مدري بالضبط لكن بالنسبه لفئتها المفروض ماتتعدى هالسعر ) أكينو توها مشتريتها ليتها تفيدنا عن السعر .
اما الـ 40D سعرها عند الكترو اذكر 6 الاف الا شوي لكن سعرها عند سليمان الحارثي بالبطحاء يتراوح بين 4700 - 4900 ريال مدري اذا بودي بس ولا مع العدسة الاساسيه اللي هي 18 - 55 طبعا الاصدار الجديد من العدسه اللي فيه مانع اهتزاز .
دامك تحبين تصورين ماكرو انصحك بعدسة Canon EF 100 mm Macro بعدها البؤري ممتاز للبورتريه وتعطيك ماكرو رائع وفتحة العدسه فيها واسعه 2.8 جدا رائعه هالعدسه سعرها بحدود 1700 - 1900 ريال لكن بعدها البؤري ثابت يعني مافيها زووم
بالنسبه للمحل اللي تشترين منه شوفي افضل سعر ممكن تحصلين عليه واعتقد ان سليمان الحارثي بالبطحاء يعطي افضل سعر ...

بالتوفيق

sarO

22-04-2008, 09:23

سليمان الحارثي بالبطحاء يتراوح بين 4700 - 4900 ريال
انا شاريتها من سليمان الحارثي مع عدستها بـ 6 وميتين :d

اذا انتي مبتدئه انصحك لا تشترين الـ 40

ساحر الكلمه 11

22-04-2008, 10:38

انا مع اختي ساره

اذا انتي مبتدئه انصحك لا تشترين الـ 40
او اي كميرة احترافيه

وانصحك بالنايكونs700
12 ميقابكسل
فيها مانع اهتزاز وتصور لك المايكرو ومواصفاتها جدا رائعه معاها ذاكره 2 قيقا وهذي عند عبدالواحد مسوين عرض عليها مدري خلص او لا سعرها 1449ريال

أما العدسات بعد ما تشترين الكميرة تقدرين تحددين اللي يناسب

MOHAMMED N.D

22-04-2008, 11:11

الاسعار ارخص مكان في الرياض واتوقع السعوديه سليمان الحارثي
انا ماخذ 40d ب 4500 بودي بس الوكاله يبيعونه 6100
طبعا عليها ضمان سنه
والعدسات انتي وميولك بس لو معزمه على 450 زيديها وخذي 40 تراها اسهل من 450 حتى في الخيارات الوصول لها اسهل بس حجمها اكبر اذا مايهمك الحجم ولا الوزن اخذيها

زنــانه

27-04-2008, 12:52

R I A N

اشكرك اخوي ردك افادني كثير bp039

سارة & ساحر الكلمة
ماني مبتدئة في التصوير، عندي قبلها كميرا dslr ....
اشكركم bp039

silver sniper
مايهمني الوزن، اهم شي النتيجة pb030
اشكرك bp039