ودي اشتري عدسه

[قحشة حلاو]

وانا بالشرقيه كان ودي اصور الطيور بس للاسف عدستس ماكانت تسمح
وبرضو ودي اجرب تصوير السائل بس برضو عدستي ماتسمح

من خلال لقافتي وتفرجي على بعض المواضيع هنا عرفت ان احسن عدسه canon 100mm
بس من وين اجيبها وكم سعرها وهل احتاج شي غيرها
لاتقولنلي ترايبود تراني شاريه ومخلصه:D


وشكرا

[ساحر الكلمه 11]

بالنسبة للسعر راح يختلف من مكان لمكان بس ما راح يكون اختلاف كبير

لكن اتوقع افضل عدسات لتصوير الطيور والحيوانات
هي Vr سواء 70ـ300
او 80ـ400

اهمي شي تكون Vr

[MOHAMMED N.D]

افضل سعر لها في الرياض عند سليمان الحارثي
تقريبا 1900 او 2000

[قحشة حلاو]

شاكره لكم تواجدكم
بس اخوي ساحر الحين مثلا لو شريت احد العدستين الي نصحتين فيهم هل تغنيني عن عدسه 100mm
يعني اقدر اجرب تصوير السوائل فيها
مو العدسه الي تصلح لسوائل تصلح للطيور لان كلهم كائن متحرك ويبون زوم عالي خاصه اذا كان الطير بالسماء
شكرا اخوس سيلفر عالملعومه بس سليمان الحارثي ذا وينه فيه اسمع به ولا عمري شفته :D
وبرضو عندي سؤال<<ياكثرتس :D
شالفرق بين عدسات الكانون وعدسات السيقما
اعرف ان السيقما ارخص بس هل جودتها كويسه ولا كانون افضل بكثير<<لاحد يدقق علميه وتتفلسفpb027

وشكرا لكم

[MOHAMMED N.D]

الحارثي في البطحاء اذا صملتي جبت لك الكروكي
الفرق بين السيجما والكانون الماكرو حسب علمي ان الفوكس اذا حطيتي اوتو في الكانون هادي واسرع
مع اني اصلا ما استعمل فوكس اوتو في الماكرو المانول افضل
سعر السيجما 1350 تقريبا
بس بشكل عام لو الميزانيه تسمح الكانون افضل

[ساحر الكلمه 11]

بالنسبة تغنيك او لا

ايه تغنيك وعشان تعرفين كيف تغنيك عدسه عن عدسه

شوفي من وين تبدا

مثلا انتي تقولين العدسه اللي حاطع عينك عليها 100
وانا اللي اقولك عنها 70 ـ 300
او 80ـ 400
شوفي من وين تبدأ وحده من 70 والثانيه من 80

يعني اقل من 100 واذا هي اقد تكون تغنيك

وتنفعك لتصوير السوائل

وقصدي Vr يعني فيها مانع اهتزاز

[ABDUL-AZIZ]

معليش بس ودي ادخل في الموضوع لأني قاعد اشوف لخبطة


ساحر الكلمة
الان قحشة حلاو عندها كاميرا كانون .. وتبي نصيحة لعدسة مناسبة لها.
وانت قاعد تنصحها بعدسات خاصة بالنيكون يعني ما تركب على كاميرتها!!
.
.
قحشة
تصوير الطيور يحتاج الى عدسة لايقل بعدها البؤري عن ال 300 ملم... واقل سعر لعدسة ممتازة توصل لهالبعد تقريبا 4000 ريال.

بالنسبة للسوائل .. اذا كنتي تقصدين القطرات وما شابه فال 100 ملم ماكرو مناسبة.

[قحشة حلاو]

شكرا اخ عبد العزيز على الافاده
واسفه اني ماذكرت وشي كمرتي خبري مسويه اعلان اول ماشريتها:D وعلى بالي الكل عارف وش كمرتي ونسيت اذكركم بها<<<يعني قلت وحده قاعده تسال عن الكميرات سنه لحد ماشرت محدن ناسي وش كمرتها :D
بالنسبة للسوائل .. اذا كنتي تقصدين القطرات وما شابه فال 100 ملم ماكرو مناسبة.
اي اقصد القطرات وزي خرابيط vip<<اجل تبي تصويرين زي تصوير vip :وجه يضحك بسخريه لاذعه: :D

والله يا اخ عبد العزيز شكلي باكل تراب واشتري 100 ملم
انا مو كل مره اروح الشرقيه وبعدين عندنا مافي الا عصافير مزعجه ولاتموت ماصورتها<<مسببتلها ازعاج :(
وشكرا لكم على تعوانكم وان شاء الله بس اصلح اجهزتي المفروسه واشتري العدسه الـ100 بتطفشون من صوري :D

[ساحر الكلمه 11]

شكرا اخي عبد العزيز

انا ما ذكرت يالغالي الشركه انا اتكلم عن مانع الاهتزاز وعن البعد وهذي موجوده في كل الشركات ما حددت شركه بعينها انا طال عمرك

وان شاء الله اذا سمحت لي بنزل جميع النواع العدسات اللي تنفع لتصوير الطيور والحيوانات من جميع الشركات ومصدري مواقع الشركات


والقطرات مو شرط عدسه مايكرو على حسب ظني

والمعذره على الاطالة

[ABDUL-AZIZ]

بعد اذنتس يا قحشة بنطق حنك انا وساحر الكلمة في الموضوع
.
.
اخوي ساحر الكلمة
في ردك الاول ذكرت عدستين .. وشددت على كونهم vr

طبعا صاحبة السؤال لما تروح تسأل عنهم وتدور في عدسات كانون او سيقما الي تركب على كانون مل راح تحصل اي عدسة مكتوب عليها vr لأن الرمز هذا خاص فقط بعدسات النيكون.
عدسات الكانون تستخدم الرمز is

ثانيا السؤال كان خاص بالكانون لأن الاخت قشحة تطلب نصيحة لها شخصيا في شراء عدسة مناسبة لكاميرتها وانت ذكرت عدسة ال 80-400 وهي عدسة ما حصلتها صراحة الا عند نيكون.

في حالة ذكر عدسة معينة والتوصية بها لازم نتأكد من شغلتين:
الاولى: مواصفات العدسة من ناحية ملائمتها للكاميرا والميزات الموجودة فيها مثل مانع الاهتزاز وجودة الصناعة .. الخ
الثانية : معرفة اداء العدسة(حدة والوان وتباين) سواء من خلال تجربتها او من خلال قراءة الريفيوز الخاصة بها والمطروحة من قبل ناس محترفين ومواقع موثوق فيها.



بالنسبة لموضوع العدسات الخاصة بتصوير الطيور والحيوانات والي ناوي تنزله ... خذ راحتك وحنا نرحب بمثل هالمواضيع.

الله يعطيك العافية

[ساحر الكلمه 11]

هلا اخوي شكرا

عشان ما اضيع الموضوع

اقول باختصار انا اتمنى اخدم وما اتوقع فيه اوثق من المواقع الخاصه بالشركات نفسها

اما التجربه للعدسات من حده وغيره ما تكلمت الا من تجربه طويله طال عمرك

وعلى فكرة قبل ارد اتصلت على متخصص ببيع الكميرات والعدسات واستفسرت منه شخصيا

[حيّو]

قلبي قحشه ,,
خوذي لتس عدسه زووم..
من 18 الى 200 مم
مررره ممتازه
ومو ضروري تكون كانون,,
جربي السيجما سعرها معقول وممتازه




ملاحظه..
بخصوص تصوير الطيور,, انا جربت اصور طيور بالسما بس قريبه وكانت جيده
بس بخصوص الابعد وكذا,, ما ادري
ننتظر احد يفيدنا اكثر بالموضوعpb189

[قحشة حلاو]

^
^
تشكرات اخت حيو يعني تنصحيني بالسيقما
يقولون الكانون افضل

[Down.load]

خذي الماكرو canon 100mm وماراح تندمين ابداً .. وان ندمتي مستعد
اشتريها منج بدبل سعرها ! .. بس أبعدي عن السيقما 105 فوكسها مزعج
ودايم كانون افضل وأحسن وأبخص بالعدسات ..