بشتري كاميرا جديده وماعندي اي معلومه عن هالمجال (حاط الواصفات الي ابيها )

[casino]

السلام عليكم ورحمة الله وبركاته

كيف حالكم جميعا ان شاء بخير وبصحه وعافيه

ياغالين قررت اني هالاسبوع اشتري كاميرا بس ماعندي اي خبره نهائيا فقلت مالي الا الله ثم الاخوان في ساحة الاقلاع
الشروط الي ابغاها بالكاميرا مايلي /

1_ حدودي الماليه الى 2000 ريال
2_ تصور فيديو وصورة
3_ الزوم
4_ جودة الصورة يعني بعد مااصور تطلع الصورة صافيه وواضحه
5_ لما اكون مثلا بالسيارة واصور منظر تطلع الصورة واضحه قدر الامكان .
6_ الحجم يفضل يكون صغير,, الكبير بيكون مزعج وشيلته قلق

يعني هذه اهم المزايا

ولاتبخلون علينا بارائكم الي عنده اقتراح محل رائع للكاميرات بالرياض

ننتظر ارائكم
والف شكر لكم جميعا

[ساحر الكلمه 11]

هلا والله اخوي

يالغالي الكرات الحلوة كثير والناس اذواق

طبعا ما راح اتكلم عن الاحترافيه لانك تبي شي صغير وخفيف

انا من تجربتي

جربت كميره نايكون s700

هذي طال عمرك 12 ميقابكسل يعني تعطيك وضوح ودقه عاليه جدا

فيها فيديو وصور

خفيفه

سعرها مناسب جداا 1449 ريال الوكيل مسوي عرض معاها 2 قيقا الذاكره وكيلها عبدالواحد

وكلامي ( من تجربه مع الكميره هذي)

اتمنى اني افدتك

[casino]

يعطيك العافيه حبيبي

بس عبدالواحد وين مكانه في الرياض ؟؟

[ساحر الكلمه 11]

طال عمرك يالغالي

عبد الواحد كذا فرع بالرياض

انا اخذتها من فرعهم اللي في خريص بلازا

[زفروت الشفا]

يالغالي فيه كاميرا كانون S5

السعر حدود 1600 عند الحارثي ما أدري جديده ولا مستعمله ناسي والله .. لكن بجيب لك العلم الأكيد اليوم الظهر أو العصر

الزوم خيالي X12

8 ميقا بيكسل

التصوير رائع وخاصه المكرو

وفيها تصوير فيديو جميل


للأمانه الكاميرا عرضها علي راعي المحل وجربتها عنده وأعجبتني مواصفاتها لكن ماشريتها لاني ناوي اشتري كانون 400d لانها مخصصه لـ الصور الأحترافيه




وهذا رابط فيه جميع المعلومات عن الكاميرا ( بالأنجليزي )

http://www.dpreview.com/news/0705/07050703canons5is.asp


وهذي صورة التقطتها هذي الكاميرا

http://www.canon.com/camera-museum/camera/dcc/data/2007-/2007_ps_s5is.html?lang=us&categ=srs&page=pss&p=3


أختر على الصورة وانتظر حتى تكتمل .. حجمها 5 ميقا




الله يختار لك الصالح

[زفروت الشفا]

كلمت المحل وقال سعر الكاميرا جديده بـ 1600 ريال مع ميموري وشنطه .


أتمنى اني افتدك