{ .. مـايؤرقني \ مشكلتي مع أخـوي المتحجّـروأنقلاب حالتي 180 درجة !

[مايؤرقنا]

صبـاحكم , مسـائكم
جنّـــة bp039 !



\



أعــزائي أعضاء وعضــوات أســرتنا ,


( مــايؤرقــنا )


تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,


mayoaregona@hotmail.com



- المشكلة -




كنت دايم أكره موقف الضعف فيني ,,
عشان كذا اللي يشوفني مايقول عني مكسوره من داخل كسر صعب تجبيره,,
لما أي شخص يتعرض لمشكله او موقف صعب كنت قدها للكل ,,
وكانت حلولي دوم منطقيه ومثاليه بس عجزت الاقي حل لي والله على كثر ماحاولت
بس كل ماحاولاتي هروب من واقع مو حلول,,
وصعب جدا استشير غيري لان شخصيتي للاسف سيئه
مهما كنت مضايقه مابين مهما كنت مجروحه برضو ساكته مهما كنت مضطهده برضو اكتم على حالي
لاني متسلطه واحب افرض هيبتي على اللي حولي ومابين لهم نقاط ضعفي او اني محتاجه لاحد
وهذا اللي خلى مشكلتي تكبر معي لحد ماعجزت من نفسي
بس لما شفت الرود في المشكله اللي انطرحت وحلولكم العقلانيه عطيتوني امل وحمستوني احكي لناس ماتعرفهم بس قلوبهم على بعضهم
ابدى في مصيبتي الي قهرتني مع الايام كثير ,,



انا عمري 24 سنه جميله جداااااااااا وهذي بدايه المشكله
دخلت الجامعه وعمري 18 سنه وياليتني ماخشيتها
اقسم بجلال الله
إني اعض اصابع الندم الى هاللحظه
كانت عباتي على راسي واقولها وكلي اسى إن العبايه على الراس كانت بالنسبه لي عاده وليست عباده
يعني لو كان الوازع الديني قوي عندي كان ماصار اللي صار
على إني كنت محافظه على صلاتي وعلى الوتر والنوافل وكنت اتصدق كثير وباره في اهلي بس برضو كان القصور فيني
ماكنت اعرف التلفون السوا كان معي تلفوني العام بس
تعرفت على قروب سيء جدااا
كانو يدخنو وياجرو سياره تطلعهم من الجامعه من دون علم اهليهم وكانو يتمشو الصبح بكل مطعم وكل شارع
جابولي سوا وشتريت جهاز لي من دون علم اهلي
وصرت اطلع معاهم برضو من دون علم اهلي وكنت انا الطعم لشباب لهم همّا
كنت مغتره كثير في نفسي وفي جمالي
كنت اكشف بكل مكان من دون علم اهلي
كنت اتلذذ لما اشوف الكل يتغزل فيني
كانت متعتي اعلق الناس فيني واتركهم يذقون الموت بعدي
وطحت بالمكالمات بس لاني كنت اول مره اجرب التلفون مع شخص غريب
ربي رحمني بانسان راقي ومحترم وحس إني عالبركه
تعاطف معي وسئلني اذا لي تجارب قبل
حكيتله لا
بعدها قالي شوفي يابنت الناس انا صحيح ابيك
وماهمني اي بنت تلعب,, بس انا ماقدر اخربك ماقدر يكون انحرافك على يدي
كان دايم يتصل يقولي لاتطلعين مع صحباتك
لاتردين عليهم لما يتصلو
لاتكشفين وجهك
طبعا ماكن غيره علي ,, لاطبعا ,, بس كان خوف
لما شافني كل هالاشياء اسويها من وراه
طلع رجال طلع ولد ناس ,, ماكان يتحمل يشوف انحراف بنت اول مالجأت ألجأت له
ارسل بنت (لااخوي) وهذي نص المشكله
دخل علي الصبح وانا بطلع للجامعه ضربني لحد مانزف الدم تكفير لي
اخذ مني جوالاتي
حرمني من الطلعات
حرمني من التلفزيون
حرمني من كل شي
بس كنت عايشه اتنفس
كان نفسي بأنين ,, كنت ابكي مو لانه ضربني ابكي لاني خذلت اهلي
لاني بعدت عن ربي كثيييييييير
مابكيت من جرح او غدر ,, بكيت من قهر والم
تمنيته بس عطاني فرصه فرصه وحييييييييده
تمنيت انه دمح لي زلتي لصغ سني
تمنيت انه ماحرمني الجامعه وانا كنت اختبر اخر اختبار نهائي
من بعد هالموقف
صار يشوفني حشره ,, والحشره بنظره اكرم مني
انا مالومه اخته تكشف وتكلم واحد من وراه
بس اقسم بجلال الله اني عمري ماقابلته غير اول مره شفته فيها في شارع وعطاني رقمه
تخيلو جلست بالبيت3 سنين ماعرف فيها حتى شكل الشوارع
والله إني ماابالغ
حتى لما كنت اتعب كانت امي تطلعني للمستشفى بقرار منه
ماانكر انه ماكان وحشي لهالدرجه كان يسمح لي بأخذ ابره للالم
مو خوف علي بس كان خوف على والدتي وهي تبكي على حالي
بعدها زارتني وحده من صحبات الجامعه
وماعرف ايش اللي خلاها تذكرني
بس يمكن لاني ماكنت اقصر معاها وكانت مديونه لي بالشي الكثير
عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي
والله كنت اموووووووووت الفين مره
بعد ماكلمته صرت ارتاح له كثير
لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني
تماديت اكثر واكثر
دخلت النت بغرفة نومي
ودخلت الرسيفر برضو بغرفتي
وهذا كله بعلم اهلي كلهم الا هو مع العلم ان اخوي مو شقيقي بس من ابوي
لانه لو يعرف بهالاشياء يذبحني
كل هالاشياء سببه هو تماديت لانه حرمني دراستي حرمني الثقه في نفسي
كنت اتظاهر للكل بهيبتي وانا من جواتي مكسوووووووووره
انسان حجري جداااا على انه مافي دوله بالعالم مالفها بس كل سفره يرجع منها
يزيد كبته وتحجره علينا
عمره ماحضني على صدره عجز لاينسى الموقف
صحيح تحسن من ناحية انه يبتسم بس في وجهي
بس مايسئلني عنه حالي
دايم لما يخش بس يعطيني ملاحظاته علي بقسوه
سواء بلبسي او طلعاتي لبيت عمي
ولا مره سئلني عن احتياجي
مانكر إنه يمشيلي مصروف 2000 بالشهر
ومانكر انه عطاني رقم
بس حرمني من اشياء اعظم
من دراستي
من صديقاتي ايام الثانوي
من اي سوق من اي طلعه الا لبيت اقاربي
دخول المطعم او الكافيه عاااااااااااااار عنده
ومع ذالك اطلع من وراه بعلم اهلي الا هو
لكل مكان ابيه
مو حبا مني لطلعه
بس تمرد على ذاتي
انا شخصيه عنيده ,, احب اللي يقنعني اللي يسايرني اللي يدمح زلتي
ماحب اللي يعاندني
ابي حل مع اخوي تعبت من حياتي
لما يطق الباب ارجف
لما يرن التلفون اخاااااف
اقسم بالله في رعب
ياويلي لو يخش مايحصلني بالبيت
على اني حتى لما اطلع بعلم اهلي لازم ارجع قبل 9
محرم علي لبس عباية الكتف
محرم علي السفر
على اني زوجته وعياله لكل دوله ومكان
مابي اموري بالخفيه
ابي كل شي بالنور




اجي لنصف الاخير من المشكله
انا وصل عمري 24 سنه وماجلس احد ماتقدم لي من دون مبالغه شي ملفت لنظر
وكان رفضي لسبب اني ماحسيت بالرغبه في الزواج
لحد ماتعبت مرررررره وكل تحاليلي سليمه
قالو اعمامي لبوي يعرضني على مشايخ
وعرضني
وكانت الطامه الكبرى
بنتك مسحوره
انا وقتها كان احساسي تبلد وماكنت مهتمه
عرضوني على الثالث وبرضو نفس الحكي
وقتها قررت اعالج بالقران
بس تعبت
كنت احس بضيقه
كنت لما اقرا القران والصور المطلوب قرايته اعجزت اكملها ونام
كنت ابكي كثيييييييييير
حسيت بشعور عمري ماحسيته
وبطلت اتعالج
انا للاسف ماعندي اراده اذا ماشفت النتيجه او بداية النتيجه اتحطم
اهلي شافو حالي وتعبي خلوني براحتي
طبعا كل الشي صار من دون علم اخوي
بس اللي بالبيت وثنين من اعمامي
كان الموضوع حساس بالنسبه لي وطلبت الكتمان فيه
انا مؤمنه بالنصيب
وخيره كل شي يصير لي
وماني محبطه من هالمشكله لان الارزاق بيد رب العالمين
بس تكفون ان الفرااااااااااااااغ ذبحني دمرني
ابي اكمل دراستي
ابي ثقة اخوي ترجع
انا مستعده اكون قدها ,, بس يعطيني فرصه وحيده
والله لو احكيلكم من هنا لبكره عن الامور اللي يسويها فيني يرحمني الكافر عليها
تخيلو مره طالعه مع بنت عمتي متزوجه في رمضان لتميمي وكنت اشتري كتاب من المكتبه اللي جوا شافني ورمى الكتاب وسحبني وركبني عه بالسياره ورجعني للبيت
وقالي لو اشوفك مره ثانيه طالعه لهنا وطيتك بالسياره ودفنتك حيه
اقسم بجلال الله ماازل بكل كلمه وكل حرف بيشد علي يوم القيامه
ابي منكم حل والله تعباااااااااااااانه حيل من وضعي كم سنه جلست وصبرت اقول بكره ربي يفرجها وعمره مالاح لي الامل للاسف
ابي ارجع البنت البريئه البنت اللي كان يحسب لرايها الف حساب
البنت اللي اخوها يثق فيها ويقدر وجودها
وربي انه لما يخش بالبيت يجرحني بكلامه اللي يسم البدن متى تتزوجين
احس اني عار عليه احس انه يشوفني تكفير ذنب له
والله إحساس يذبح والله قلبي مفطور من البكى
ادري جنيت على حالي بس وربي لحظتها ماكنت في عقلي كان عندي الفضول وولاسف خسرت كل شي من فضولي



اشياء مهمه ممكن تخدمكم ف الحل //
إحنا خمس بنات فقط
ثنتين اكبر مني متزوجات
وثنتين اصغر مني
اللي اصغر مني صعب اتناقش معاهم لانهم اصغار
واللي اكبر مني مابيدهم شي ومتعاطفين معاي
امي ماتقدر تحكي لاخوي شي
لانها طيبه كثير
ومالها راي
ابوي انسان عملي ودايم برا البيت وطيب جدااااااااا وبرضو مايعرف اي شي
وانا صعب احكيله لاني اخاف عليه لو يعرف ببداية المشكله
وضعي المادي ممتاز جدا
علاقاتي مع اقاربي اكثر من رائعه
صديقاتي للاسف مالي غير بنات عمي وبس



{ .. اتمنى منكم الحل عسى الله يفرج عنكم كربه من كرب الدنيا
واتمنى من كل شخص مجرد دعالي او طرح حل لي بان ربي يستر عليه وينوله اللي في باله يااارب,










/

بأنتظاركم !
وبـ أنتظار حلولكم المُجديّة : )

..


( F )

[في صمتي جروح]

لاحوول ولا قوه الا بالله هاذي اخره صديقات السوء حسبي الله عليهم فسدوا بناتنا pb093 pb093 pb093 :mad:

اول شي انتي غلطانه المفروض ماسويتي هالامور ولا مشيتي مع صديقات السوء انا دايم اقول للبنات اللي يقربون لي اياني وايااااكم تمشون مع بنات فاسداااات قسم احش رجولكم :mad:


وشي شين انك طحتي من عين اخوك لانه صعبه ترجع لها بسرعه هذا في حالة انك رجعتي لازم تسوين اشياء كثيره عشان ترجع الثقه والعلاقه لاول وتصيرون حبايب

نصيحتي لك كثري من صلواتك والدعاء والاستغفار عل الله يغفر لك ذنوبك وارجعي لنفس نظامك الأول وخليك بنت عاقله ومؤدبه عشان ترجع علاقتك بأخوك بمثل أول واحسن


خليك مع سجادتك ودايم تصلين وكل مادخل اخوك ولا احد من اهلك ويلقاك بهالحال صدقيني بيرأف حاله وانا اقول هالكلام من تجربه

لاتفاارقين سجادتك وجلااااااااااااااااااااااااااالك ابد خليك معها دايم pb189

الله يكون بعونك :(

[عـطـر الـذكـريـات]

:
:



عورتي قلبي والله :(

ماراح أقولك أن الي سويتيه غلط من البداية
لأنه خلاص شي صار وانتهى ولازم تتعلمي من أخطائك :(


لازم تكملي فترة العلاج لأنه شي مهم انك ترضي قناعاتك وترجعي ثقتك بنفسك
طول مانتي حاطه فبالك انك مسحوره تتوهمي بالغلقة وضيقة الصدر

ارجعي لربك ادعي دايم انه يفرج لك همك
انتي بفترة صعبة حاولي انك ماتغيبي ولا لحظة بدعائك
مايغير الاقدار غير الدعاء pb189

الله يفرج لك همك pb189
:

:

[إنكسار آنثى]

الحل بيدك انتي
كملي العلاج لان ممكن يكون
سبب تعبك مع اخوك من السحر كمان
مامنعك بس من الزواج يمكن منعك من إحساسك بالحياة
بعد صلاة العشاء صلي ركعه واحده الوتر
وبعدها اقرائي سورة الواقعه
وبعدها او اخرر الليل اقرائي سورة البقره
تحكين مع اخوك مااظن حل لان شكله ماراح يقبل
منك اي كلام
وتشتكين للوالد بعد صعبه
صدقيني حلك بيدك بس محتاجه تشجيع
ادعي وانتي ساجده
اللهم الف بين قلبي و(قلب اخوي) كما الفت بين قلوب عبادك .. اللهم سخره لي كما سخرت البحر لموسى

والله يكون بعونك وعون الجميع

[غير النــــــاس]

:(


أول شي إنتي لمتي نفسك بما فيه الكفاية ..
غلطتي وغلطتي غلطة كبيرة ودفعتي الثمن ..!
طيب وبعدين ؟
لمتى بتلومين نفسك ؟؟؟
خلاص والله ماتسوى تعيشين بعقدة هالذنب باقي عمرك ..
ربك سبحانه يغفر الذنوب وذنوب أفظع بكثير من ذنبك !!
احنـا بشر معرضين لكل الأخطاء والذنوب ..
وفي أخطاء الحمد لله تتكفر ومافات فوتها ،

أول شي وقبل مشكلتك مع أخوك مشكلتك مع نفسك ..
خلاص تصالحي مع نفسك
شخصيتك مهزوزة جدا حتى لو ظاهرها الثقة بالنفس !
والدليل إنك تبين كل النـاس ترضى عنك .. وهالشي من سابع المستحيلات ..
حتى أخوك هالمتحجر متحسفة على إنك طحتي من عينه ؟؟ ..
أخوك كتغير ماراح يتغير إلا إذا الله راد ..

لكن الحل هو إنك إنتي تتغيرين ..
لاعاد تحسبين له حساااب " معنوي " أقصد ..
طيب حتى لو جرحك بالكلام ، حتى لو احتقرك لو وش ماقال وفعل ..
إذا حطيتي في بالك إنك خلاص تبتي وكفرتي عن ذنبك وإنك نقية الآن ..
وهو اللي ماسامح ، العلة هنا فيه مو فيك !!
انتي لا تتعبين عمرك ولا تلومين نفسك خلاص ..
خليك اذن من طين وإذن من عجــين ..
حاولي تتقبلين كلامه وتكونين أكبر من كل أفعاله معاك ...
عامليـه زي أي جاهل ، ارأفي بحاله !
هو شخص مبرمج خلاص من رواسب مجتمعه على إنك عااار عليه ..
ذنبك أكبر من رابطة الدم بينكم في نظره ..

أفهم إنك ودك ترجعين الإنسـانة البيرفكت في نظر الكل ..
بس هالشي أصلا مستحيل ..
البنت في مجتمعنا متهمة مالم تثبت براءتها ..
حتى لو إنتي ماغلطتي ولا شي فـ إنتي بنظر أخوك بنت وشرفك زي عود الكبريت .. bp039ه
الإنسـان والأخ الحقيقي هو اللي يعاقب ويأنب عند الغلط ماختلفنا ..
بس العقاب له فترة وينتهي ،
وتستمر الرقابة والحرص طبعا لكن مو بالأذية والحبس والإهانة ..
الرقابة تكون بالكلمة الطيبة وفتح القلوب والإهتمام ودراسة اسباب الخطا من البداية ..
آدمية إنتي مو مجرمة ..

زي ماقلت لك خلاص أخوك مابيدك حل لتعامله معاك
لكن إنتي مع نفسك تغيري ،
خلاص اطوي صفحة الماضي وكفاية ألم وتأنيب ضمير ..


بالنسبة لرفضك للزواج ،
يمكن تكونت عندك عقدة معينة من الرجال
ويمكن إنه فعلا سحــر ..
زوري اخصائي نفسي حاول تعالجين نفسك نفسيا وروحـيا ..
وإنشالله لو فيك أي خلل نفسي تعالجينه حتى لو احتجتي أدوية ..


الفراغ والوحدة وعدم اكمال دراستك ..
انا مستغربة أبوك مايعرف بمشكلتك ؟ طيب كيف سمح لك ماتكملين جامعتك ؟
ماهو عايش معاكم في البيت ولا كيف ؟؟
حاولي تكلمين ابوك تكملين دراستك ، ادرسي اي شي حتى لو بمعهد لو بجامعة أهلية ..
أهم شي تبنين لك مستقبل علمي ومهني ...
إذا ماانتي مستعدة نفسيا ولا معنويا للزواج ، لاتغلطين وتتزوجين بهدف الهروب من واقعك
صلحي حياتك بيدك ..
دخلي أبوك ولا عمانك في الصورة عشان تدرسين ،
حتى لو اضطر أخوك يعين لك حرس الشكوى لله وافقي ..
24 سنة مافاتك شي .. وتقدرين ترسمين مستقبل جديد .. pb189
انسي النــاس ، لايكونون هاجس لك
كل خطوة تحسبين فيها حساب الناس ليش ؟؟
فكري بنفسك بس وكأنه هالعالم مافيه أحد غيرك ..
صعب شوي هالموضوع لأننا محنا آلالات نتحكم في انفعالاتنا ..
بس حاولي ودائما رددي في نفسك إنه طول ماإنتي راضية عن نفسك هذا أهم شي ..
ومو مشكلتك ولا ذنبك إنه غيرك شايفك بزاوية خاطئة وحاكم عليك بالخطيئة ..
ربنا سبحانه هو االلي شايف الظاهر والباطن وهو اللي يحكم علينـا ،
ولا يحكم علينـا غير بعد مايخلص عمرنا ..
ومعطينا فرص للتوبة والمغفرة إلى آخر لحظة في عمرنـا ..
إذا مشكلة الناس الجهل عامي قلوبهم ومسود عقولهم ،
مو لازم نزعل ونضيق صدورنا عشان نكون بيرفكت على طول في نظرهم وخطأنا لايغتفر ..

[غير النــــــاس]

أخوك وش خسر من حياته ؟؟
نقصتي له رجل ولا يد ولا قتلتي له قتيل عشان مايسامحك ؟؟؟
سيح دمك وضربك وفش غله ..
حبسك وراقبك وحرمك من دراستك ..
وش يستنى بعد ؟؟
وحدة من ثنتين ..
ياإما تموتين ولا يجي رجل غريب يتحمل مسؤوليتك وياخذك بخيرك وشرك .. :(
بالله شخص ينظر لك بهالطريقة تشترين خاطره لمتى ؟؟


اللي حمقني في السالفة إن عندي صديقة بالضبط نفس مشكلتك ..
بس اللهم هي مظلومة أكثر منك .. لأن أبوها وأخوها شاكين شك ومامسكوها بالجرم المشهود ..
حابسينها ومهينينها ويعاملونها بالضبط زي كأنها عااار ولولا أهل الخير تدخلو
كان انحرمت من الدراسة واحنا على وشك تخرج ..
ماتطلع معانا .. ماعندها جوال .. كل تحركاتها لازم أمها معاها ..
تدعي على أبوها وأخوها بكل الدعوات اللي تعور القلب ..
والله مافي قلبها شوية مشاعر لهم غير مشاعر الكره والحقد ..
عالأقل إنتي من كلامك لسه شارية خاطر أخوك وهذا شي طيب ..

زي ماقلت لك خلاص سامحي نفسك ولاتنتظرين أحد يسامحك ..
ناظري لبعييييد .. ناظري لمستقبلك ولحياتك
فكري في دراسة ، طموح ، زواج ، أسرة ، أطفال
اللي صار لك درس تتعلمين منه مو عقوبة تدمرحياتك ..
لاتفكرين كثير في الأشياء السطحية
طلعات ، صحبات ، جوال ، نت ، الناس ، .. إلخ ..
هالأشياء ماتدوم ..
سواء الناس حبوك ولا كرهوك ضحكولك ولا كشرو فيك ،
طلعتي وتمشيتي ، اشتريتي جوال وكلمتي ودخلتي نت ولعبتي وضحكتي ورحتي وجيتي ..
كلها اشياء تروح بوقتها وسواء كانت حلوة أو لا .. بتعدي بلا أي أثر ايجابي او سلبي
وبتبقى ذكريات فقط ..
لاتخلينها هي مفهوم الحياة بالنسبة لك .. خاصة انك ماانتي محرومة منها تماما ..
تسوينها بالسر او بالعلن .. مالها تأثير ترى ..
أهم شي { الدراسة ، الأهداف ، العمل }
هالأشياء هي اللي اذا راح وقتها بتخسرين كثير ..
حاولي حتى وانتي بعز جرحك وألمك تدوسين على جرحك وتناضلين عشان مستقبلك ..
عشان لايمشي العمر وانتي تبكين على أطلال حريتك المسلوبة
واللي سُلب منك في الحقيقة { مستقبلك } وهو أهم من حريتك ..
المساجين وهم مساجين مايضيعون وقت ..
بعضهم يطلع من السجن زي مادخل !!!
وبعضهم يطلع بصنعة ولا إنجاز عظيم كان ممكن الحرية ماتخليه يوصل لهالإنجاز ..

فكري وحاولي ماتعيشين دور الضحية ولا المذنبة أكثر من اللازم ..
عدو واحد لاتخلينه يكسرك ويكرهك نفسك ..
طول مااستمريتي بدور الضعيفة المنهزمة أخوك بيستمر بدور الراعي السجان ..
لازم تثبتين له إنك خلاص نسيتي الماضي .. وإذا هو مانسيه أبد مو مشكلتك
شاف اسفك وندمك واعتذارك بمافيه الكفاية ..
لازم تبدين تفكرين بالإنتاج والإنجاز وخدمة المجتمع ، وتبنين لك عالم مفيد منتج ..
يعوض عنك العالم الـ " الخاوي " الي مسلوب منك ،
مافي أجمل من الحرية .. بس إذا كان ثمن هالحرية أغلى من إمكانياتنا خلاص نموت ..
لأ .. لازم ندور عالتعويض ، على أي متنفس مشروع يكون بوابة لحصولنا عالحرية الأكبر ..
دوري على هالمتنفس ، سواء دراسة ، زواج ، عمل .. إلخ ..


لايضيع عمرك وإنتي مستسلمة لجهل المجتمع ..
ولأوهام السحر والعين والظلم ويعدي العمر وإنتي ضيعتيه في الحزن والحسرة ..
وإنتي بيدك تصلحين من نفسك ..
الحمد لله عند أب وأم ومابيسمحون لأحد يدمر حياتك ..
شوية إصرار وعزيمة منك وتقدرين توقفين على رجولك وقفات ثابته ..

بكرة انشالله بتكبرين وتتزوجين ويصير عندك بنات وعيال بعمرك الحين ..
وأخوك بينشغل بحياته وخلاص مابتعنين له هذا الهاجس بعد ماتتزوجين ..
فكري بذاك الوقت كيف بتذكرين وضعك الحالي .؟
هل بتذكرينه على إنه خسااارة وصفحة مؤلمة وعمر ضايع تحسبوه ازاي عليا ؟
ولا بتذكرينه كدرس أليم اجتزتي عثراته وقاومتيه وكنتي أقوى منه وأنجزتي فيه
اللي ماتوقعتي انك تنجزين ربعه !
الكورة في ملعبك .. مهما كان ضيق
حاولي تسددين أهداف وتتحدين ظروفك ..
فيك خلل تعالجي وقاومي .. أهم شي تكونين سليمة وراضيه عن نفسك
وتنجزين أهداف سامية في حياتك تكسرين بها عين كل من يبغالك الشر ..
وترضين فيها كل من يتمنالك الخير حتى لو ماعطاك خير

الله يكون بعونك pb189

ههههه طول ردي يمزح :(

[بنت شارع عسير]

اسأل الله بعزة وجلالة وعظيم سلطانه
أن يمنحك رضاه
ويعطيك من راحة البال
مايجعلك تستعيدي كل شي جميل
حولكbp039
كلنا خطائون وخيرنا من يتوب ويستغفر ويعود لله
ربما من الخطاء والمعصية تتغير حياتنا باأكملها
لاتثريب على مافات وعفا الله عنا جميعا
من منا لم تجرفه الأيام؟ ومن منا من ُولد ومات
وهو لم يعصي الله؟!
أول الخطوات التي يجب أن تفعليها وأهمها
أن تسجدي لله شكر على أنك لأتزالين
أنسانة عاقلة
تعلمت من الخطاء ماقد يساعدها على فهم الحياة مستقبلاُ
من يستغفر الله في اليوم 100 مره غُفرت ذنوبه
ولو كانت مثل زبد البحر
لاتيأسي من رحمة الله ولاتيأسي من حنيتك أخوك
لايزال أخوك تحت تأثير الصدمة وحقيقة لايلام
فكل أنسان يغار على محارمة
وهذا أمر طبيعي
ولكن الغير طبيعي هو مايفعله البعض
تجاه أخواتهم!!
أجزم أنك أخذتي نصيبك من العقاب بما يكفيك
ولكن عليك بالتودد لاأخيك أكثر والأقتراب منه أكثر
وترك مايراه غير مناسب لك
أكسبي ثقة أخيك مره أخرى حاولي التودد له أكثر
أقتربي منه وكلمية وأخبريه بإنك
أصبحتي تسيرين باأتجاه يرضي الله
ثم يرضي أخوانك وأهلك
أقطعي على نفسك العهد أمامه وأبلغية
أنك تحتاجين لفرصه حتى تثبتي له
بإنك قد تغيرتي للأفضل وأطلبي منه أن يمنحك
هذه الفرصه وأن يساعدك عليها
وصدقيني وأن كان قلب بعض الأخوان مثل الحجر
فلابد من أن يلين مع سماع ومشاهدة مايراه مناسب
له ولك
أتركي كل مايثير غضبة
وأعملي جاهدة على مايجلب له السعادة
والله ستشاهدين أخيك سيتغير بصورة إيجابية
دون أن يشعر هو بنفسه
فقط تحتاجين أنتي وأخيك الوقت
حتى يعود كل شي كما كان
وأنا أثق بالله أن الأيام القادمة ستكون
لك وله من أجمل الأيام
توكلي على الله وأعملي بما كتبته لك
ولن تندمي
وصدقيني أن راء الله منك
صدق العمل وفقك لنجاحة
الله يسهل لك جميع أمورك ويبعد عن حياتك
مايكدرها
أتمنى أن يكون رأي مناسب لك
ووفقك الله لكل الخيرbp039

[يُحكى أنَّ..]

امي ماتقدر تحكي لاخوي شي
لانها طيبه كثير
ومالها راي
ابوي انسان عملي ودايم برا البيت وطيب جدااااااااا وبرضو مايعرف اي شي
وانا صعب احكيله لاني اخاف عليه لو يعرف ببداية المشكله
هنا الغلط. الطيبة والخوف إللي سببه ضعف الشخصية وصلّك لهذي المرحلة .
المسؤولية أو السلطة لما تتحول للأبناء على أخوانهم مصيبة.

لو أفكر بطريقة سريعة ممكن أقولك إن الحل يكمن في تولي أبوك أو أمك زمام الأمور ولا يكون لأخوك سلطة عليك,
أو زواجك إللي تقولين مالك رغبة حالية فيه .

انحرافك كان نتيجة متوقعة نتيجة للضغط إللي مورس عليك,
لكن حاولي تجلسين معك و ترتبينك من الفوضى الداخلية .

غير الناس/ الله يسعدك .

[red's]

معليش بس انتي الي تخربين نفسك !
و ما اكتفيتي بالمره الاولى سويتيها ثانيه !
و بيطقك و بتسوينها ثالثه و و و و و و!
الله رزقك بولد الحلال الي نصحك و اعتقد انه شي حلو سواه لما علم اخوك !
حتى بعد ما درى اخوك ما تبتي !
مدري متى بتحسين ان الي تسوينه غلط ؟!
ما اتوقع ان فيه احد غصبك انك تماشين خوياتك ذوليك ، ولا فيه اخد غصبك انك تكشفين وجهك لأن بس انا ودي اكشف وجهي و اطلع و اروح مطعم !
و مدري متى بنخلص من سالفة انا حلوه الي مخربه الاقلاع هاليومين هي و مشاكل حواء خخخ !

[TR~tr]

الله يسخرلك اخوك يارب
ويريح بالك من الهم والغم
ممكن ترجعين ثقتك اخوك فيك من غير ماتتكلمين معه وتناقشينه اولاً:افعلي الاعمال الي تحببه فيك
اذكر سالفة وحده بنفس سالفتك امسكوها اهلها واخوها الكبير يهينها ولايعطيها وجه لكن البنت بتصرفاتها رجعت ثقة اهلها فيها البست عبايه ع الراس ودسوس من ذاتها والقرأن اختمته وجلست بالبيت.. امها وكلتها اعمال البيت عقب ماطلعتها من الجامعة الاهلية وخسرت ماستقبلها بس مع هذا كله صبرت ولاتتكلم لانه هي عارفه ان الخطأ منها
يوووه طولت عليك ونسيت اقولك بعد جلست على هالحال سنتين شوفي الحين البنت عايشه حياتها ومبسوطه ودرست
لاتجلسين لوحدك ابدن عشان ماتحسين بالوحده بالعكس دايم اجلسي مع اهلك وامك اذا دخل اخوك وشافك جالسه معهم بتبعد عنك الشبهات ونصيحه صديقات السوء ابعدي عنهم الجوال اكسريه مو عشان اخوك عشان ربك ولاتنسين الصلاة اخر الليل سهام الليل لاتخطئ ادعي ربك يفرج همك ويسخر لك اخوك واستغفري لو علمتي عن مفعول الاستغفار كان استغفرتي 500 مره باليوم بدل الميه
الله يريح بالك

[OO RED LINE OO]

ليه تنتظرينه يسامحك !!
انتي سبق واخطأتي لكنه ماله أي حق يعاملك معامله سيئه
يعني هو بنظره تصرفه سليم مو كان المفروض يحتويك
بعدين 5 سنين ومو راضي ينسى
كنت اتوقع انه مسئول عنك ( قلت في نفسي وضع متكرر ) لكن والدك مازال حي وهو المسئول عنك



يمكن لانك ضعيفه وترضخي له يتمرد !!
جربي انتي تتمردي عليه
اذا دخل قومي من المكان
واذا رمى كلمه اعطيه نظره
بيني له انك مو خايفه منه
انه مايهمك

[Chili's]

من قال لا أعلم فقد افتى
( بصراحة السالفة مشربكة )
بصراحة كنت اتمنى لو على الأقل اقدر افكر ايش المشكلة او احددها او زي كذا بس للأٍسف اني ماعرفت : (
كان بودي اضيف اي شي اقدر اساعدك فيه بس عجزت ..
والموضوع يبي له تفكير

لفت نظري هالرد

يمكن لانك ضعيفه وترضخي له يتمرد !!
جربي انتي تتمردي عليه

فعلا انتي ليش ضعيفة ؟
محد يدري عن ظروفكم بس هل الضعف عادي يعني معليش اللي فهمت انه أخ ومو شقيق ؟
لكن اتمنى لك التوفيق

لو حسيت اني بقدر اضيف شي برجع ان شاء الله ..
بس عندي بعض الاسئلة لو امكن .
أمك وش موقفها لو عرفت ان اخوك يضربك ؟
ابوك وش راح يكون موقفه ؟
كيف علاقتك مع ابوك ؟
انتي بالظبط تبين ترجعين لنفسك ؟ أو تبين ترجعين علاقتك بأخوك ؟


وضعي المادي ممتاز جدا

أجل كم مستعدة تدفعين للحلول ؟ pb094


***
بعد التعديل ..


ابوي انسان عملي ودايم برا البيت وطيب جدااااااااا وبرضو مايعرف اي شي
وانا صعب احكيله لاني اخاف عليه لو يعرف ببداية المشكله

طيب ابوك يعني يشوفك ماتدرسين وعادي ؟ أو كيف يعني ؟

[.0البرد0.]

من جد الواحد بمشكلتك هذي مايدري من وين يبداء ،
حسيت بتشتت بمشكلتك ، مو مخليه ايا ثغره او مدخل الواحد يفكر فيه

مرات استعطف معك ، ومرات أقول هذا خطاك وتتحملينه، بس خطاك مايكون بهذا الجرم الي تتعذبي علشانه كذا
ما أشوف ان فيه احد وقف معك من اهلك ، حتى أمك تستطعفك من غير ايا شيء
وبرضوا مشكلتك ترجعي وتكلمي ،

حسيت انك انسانه بالفعل ضايقه الدنيا فيك ، وبنفسك الدنيا ترجعك لوراء شوي علشان تصلحي أخطائك

مشكلتك اخوك ،
روحي وقولي لها ابي اطلع معك ، ايا مشوار ،
وخشي بعينه وقولي له أنت وش تريد مني بالضبط وأنا اعمله لك ،
قولي له انا غلطت وما انكر غلطتي لكني تعال وساعدني
مو ترميني بين اربع جدران وتبيني اتعدل لو فيني خير كان تعدلت من حالي من اول
بس انا محتاجه لك توقف معي وتعلمني خطاي ،

حاولي معه ، مره ومرتين وثلاثه لحد مايحس انك لزقتي فيه بقوه ،كل يوم قولي له هالكلام حتى لو رفض يسمعك ويمد يده عليك ،

من جد تنرحمين يابنت ، الله يفرج ضيقك ، ويسمح دروبك
وسلامتك!

[خفوق]

شلون تقولين ابي اخوي يعطيني فرصه ثانيه استرجع فيها ثقته فيني

وانتي تكلمين واحد بمساعدة صديقتك و تطلعين من وراه و تسوين اشياء كثيره من وراه؟؟

بعدين تقولين انه رجع يبتسم في وجهي

و ترجعين تقولين كل ما دخل البيت جلس يقول لي كلام يسم البدن ويقول متى تزوجين و متى و متى؟


شوفي ابقول لك

حلي واحد

انتي جربتي تسكتين

جربتي تغبين

جربتي تلفين و تدورين


بقي شي واحد ماجربتيه


انك تجلسين معه و تكلمينه بصراحه


قولي له كل الي في قلبك

و اختصري

الرجال مايحب كثر الكلام بشكل عام

و اذا صار عصبي يطلع بزود


يعني انتي اتصلي عليه

وقولي ابيك بكلمة راس

شف يوم تكون فيه فاضي ابي اجلس معك لحالنا


خذيه في مجلس الرجال


و قولي انا متضايقه منك ولازم تسمعني


1- انا غلطت لكن مو معناته كل عمري تعاقبني على غلط

و انت تدري اني وقتها كنت صغيره و مغرر بي


غلطت وقتها و عاقبتني

بكذا يكون الموضوع انتهى


كون انك تجلس كل العمر تعاقبني انت تكون بها الشكل جالس تعذب فيني و تظلمني لاني اخذت حقي من العقاب


ذكريه ان عنده بنات و ان بناته ممكن يزلون مهما حرص عليهم

لانهم بشر و هذا شي اكيد

لكن الي اكيد اكثر؟؟

انه ماراح يتعامل معهم بها الشكل بالمره


2- لازم لازم تقولين له عن سالفة روحتك للمشايخه

لازم يعرف عنها

مو عشان يرحمك لا

عشان يستوعب ان السبب مهوب منك

لانه يظن انك انتي ترفضين العرسان لانك مو بنت(عذارء)

و هالشي مقلقه و مخليه يشوفك ساقطه و واطيه في نظره

و ان المسئله مسئلة وقت اليما تفضحينهم قدام العالم


عشان كذا اشدد على انك لازم تقولين له هالشي و تقولين له يسأل اذا ما كان مصدقك


3- انتي كلميه في سالفة ان الوضع الي انتي فيه غلط

فراغ + تسلط

بداية مشكلتك الاساسيه كان سببها التسلط

لانك زي ماقلتي انك تلبسين العباة عاده مو عباده

ولان فيه فراغ في حياتك ؟

ساعد هالشي انك تعبين هالمساحه الفاضيه بالتفاهات و بافكار هالبنات


انتي قولي له اني رجعت لها النقطه مره ثانيه

انا عندي فراغ الان و هذا شي غلط و خطير

و انت تتسلط علي و طبيعة البشر التمرد

تمردو على الي خالقهم شلون مايتمردون على الي مثلهم


لازم هو يساعدك بانه يخفف الضغط عليك

يتركك تكملين دراستك

و اكدي عليه ان الدرس انتي تعلمتيه زين و استوعبتيه

وان الي صار زلة مراهقه

وانك الان كبيره و انضج و اكثر استيعاب

وان عندك الان في تحسين كل شي

تحسين علاقتك معه

تحسين حياتك

و تطوير نفسك

عشان ماترجعين و تدخلين في مشكله ثانيه لنفس الاسباب



اذا حسيتي انك ماتقدرين تتكلمين معه بطريقه مباشره ؟؟


اطبعي له الموضوع و عطيه اياه


قولي اقرا الي في الاوراق و اذا خلصت تناقشنا

هو اول مايقرا الموضوع بيشده لانه يعرف من صاحبة القصه

وبيكمل قرايه و اول ما تطيح عينه على شي مايعجبه بيرفع راسه وبيقول لك


هذا وشو

انتي قولي بنت عمي كتبت مشكلتي في المنتدى و هذي حلولهم

وانا ابي اناقشك في المكتوب


من هنا يكون لك نقطه تنطلقين منها و تفتحين معه باب الحوار


عطيه نسخه و هو في البيت

حطي نسخه في سيارته

لو تضطرين انك تعطينه اياها كل ما تشوفينه

بس في النهايه تلزمينه انه يقرا


يمكن هو يحس انه ظالمك عشان كذا بعض الاحيان يبتسم في وجهك و يرحمك


لكن لازم هالشي ينحسم


و الله يعينك ويهديك

[al_7ekaya]

أخوك وش خسر من حياته ؟؟
نقصتي له رجل ولا يد ولا قتلتي له قتيل عشان مايسامحك ؟؟؟
سيح دمك وضربك وفش غله ..
حبسك وراقبك وحرمك من دراستك ..
وش يستنى بعد ؟؟
وحدة من ثنتين ..
ياإما تموتين ولا يجي رجل غريب يتحمل مسؤوليتك وياخذك بخيرك وشرك .. :(
بالله شخص ينظر لك بهالطريقة تشترين خاطره لمتى ؟؟


اللي حمقني في السالفة إن عندي صديقة بالضبط نفس مشكلتك ..
بس اللهم هي مظلومة أكثر منك .. لأن أبوها وأخوها شاكين شك ومامسكوها بالجرم المشهود ..
حابسينها ومهينينها ويعاملونها بالضبط زي كأنها عااار ولولا أهل الخير تدخلو
كان انحرمت من الدراسة واحنا على وشك تخرج ..
ماتطلع معانا .. ماعندها جوال .. كل تحركاتها لازم أمها معاها ..
تدعي على أبوها وأخوها بكل الدعوات اللي تعور القلب ..
والله مافي قلبها شوية مشاعر لهم غير مشاعر الكره والحقد ..
عالأقل إنتي من كلامك لسه شارية خاطر أخوك وهذا شي طيب ..

زي ماقلت لك خلاص سامحي نفسك ولاتنتظرين أحد يسامحك ..
ناظري لبعييييد .. ناظري لمستقبلك ولحياتك
فكري في دراسة ، طموح ، زواج ، أسرة ، أطفال
اللي صار لك درس تتعلمين منه مو عقوبة تدمرحياتك ..
لاتفكرين كثير في الأشياء السطحية
طلعات ، صحبات ، جوال ، نت ، الناس ، .. إلخ ..
هالأشياء ماتدوم ..
سواء الناس حبوك ولا كرهوك ضحكولك ولا كشرو فيك ،
طلعتي وتمشيتي ، اشتريتي جوال وكلمتي ودخلتي نت ولعبتي وضحكتي ورحتي وجيتي ..
كلها اشياء تروح بوقتها وسواء كانت حلوة أو لا .. بتعدي بلا أي أثر ايجابي او سلبي
وبتبقى ذكريات فقط ..
لاتخلينها هي مفهوم الحياة بالنسبة لك .. خاصة انك ماانتي محرومة منها تماما ..
تسوينها بالسر او بالعلن .. مالها تأثير ترى ..
أهم شي { الدراسة ، الأهداف ، العمل }
هالأشياء هي اللي اذا راح وقتها بتخسرين كثير ..
حاولي حتى وانتي بعز جرحك وألمك تدوسين على جرحك وتناضلين عشان مستقبلك ..
عشان لايمشي العمر وانتي تبكين على أطلال حريتك المسلوبة
واللي سُلب منك في الحقيقة { مستقبلك } وهو أهم من حريتك ..
المساجين وهم مساجين مايضيعون وقت ..
بعضهم يطلع من السجن زي مادخل !!!
وبعضهم يطلع بصنعة ولا إنجاز عظيم كان ممكن الحرية ماتخليه يوصل لهالإنجاز ..

فكري وحاولي ماتعيشين دور الضحية ولا المذنبة أكثر من اللازم ..
عدو واحد لاتخلينه يكسرك ويكرهك نفسك ..
طول مااستمريتي بدور الضعيفة المنهزمة أخوك بيستمر بدور الراعي السجان ..
لازم تثبتين له إنك خلاص نسيتي الماضي .. وإذا هو مانسيه أبد مو مشكلتك
شاف اسفك وندمك واعتذارك بمافيه الكفاية ..
لازم تبدين تفكرين بالإنتاج والإنجاز وخدمة المجتمع ، وتبنين لك عالم مفيد منتج ..
يعوض عنك العالم الـ " الخاوي " الي مسلوب منك ،
مافي أجمل من الحرية .. بس إذا كان ثمن هالحرية أغلى من إمكانياتنا خلاص نموت ..
لأ .. لازم ندور عالتعويض ، على أي متنفس مشروع يكون بوابة لحصولنا عالحرية الأكبر ..
دوري على هالمتنفس ، سواء دراسة ، زواج ، عمل .. إلخ ..


لايضيع عمرك وإنتي مستسلمة لجهل المجتمع ..
ولأوهام السحر والعين والظلم ويعدي العمر وإنتي ضيعتيه في الحزن والحسرة ..
وإنتي بيدك تصلحين من نفسك ..
الحمد لله عند أب وأم ومابيسمحون لأحد يدمر حياتك ..
شوية إصرار وعزيمة منك وتقدرين توقفين على رجولك وقفات ثابته ..

بكرة انشالله بتكبرين وتتزوجين ويصير عندك بنات وعيال بعمرك الحين ..
وأخوك بينشغل بحياته وخلاص مابتعنين له هذا الهاجس بعد ماتتزوجين ..
فكري بذاك الوقت كيف بتذكرين وضعك الحالي .؟
هل بتذكرينه على إنه خسااارة وصفحة مؤلمة وعمر ضايع تحسبوه ازاي عليا ؟
ولا بتذكرينه كدرس أليم اجتزتي عثراته وقاومتيه وكنتي أقوى منه وأنجزتي فيه
اللي ماتوقعتي انك تنجزين ربعه !
الكورة في ملعبك .. مهما كان ضيق
حاولي تسددين أهداف وتتحدين ظروفك ..
فيك خلل تعالجي وقاومي .. أهم شي تكونين سليمة وراضيه عن نفسك
وتنجزين أهداف سامية في حياتك تكسرين بها عين كل من يبغالك الشر ..
وترضين فيها كل من يتمنالك الخير حتى لو ماعطاك خير

الله يكون بعونك pb189

ههههه طول ردي يمزح :(
bp039

يسلم فمك يا شيخة bp039

عين العقل .. الله يحفظج ويوفقج bp039

لصاحبة المشكلة : ما ازيد على الي قالته( غير الناس) غير حاولي تدرسين طالما عندج نت اذا ما قدرتي تروحين للجامعة ومنعج منها ممكن دراسة انتساب او اونلاين وعندج بالسعودية في جامعات تدرس بهالنظام ..الوقت ما تاخر عشان ترجعين تدرسين ..انتي لسه صغيرة

[springroses]

بعدها زارتني وحده من صحبات الجامعه
وماعرف ايش اللي خلاها تذكرني
بس يمكن لاني ماكنت اقصر معاها وكانت مديونه لي بالشي الكثير
عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي
والله كنت اموووووووووت الفين مره
بعد ماكلمته صرت ارتاح له كثير
لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني




انا بعرف الشخص هذا للحين انتي تكلمينه ولا بس بس في بدايه مشكلتك كلمتيه لانك تبين تفضفضين ...
اذا للحين اتمنى انك تقطعين علاقتك فيه ..
تدرين مشكلتك كلها فيك انتي مو في اللي حولك .. انتي اللي صنعتي هالمشكله وانتي اللي بيدك تنهينها

اول شئ واضح من شخصيتك انك انسانه اجتماعيه و تحبين الناس يكونون حولك و ما تحبين تخسرين احد منهم حتى لو كان ما يستاهل ( زي اخوك طبعا )
يعني انتي عموما بحاجه الناس وهنا المشكله .. لا زم تقوين شخصيتك اكثر و تعتمدين على نفسك اكثر و اذا انتي بحاجه اشخاص تشكين لهم و ترمين همومك عليهم
اشتكي لربك وبس .. ادعي مرة وثنتين و عشر الحي في الدعاء خلي الصلاة هي المتنفس لمشاكلك وهمومك
استغني عن الخلق بالخالق

و بعدين يا حبيبتي انتي الحين حياتك طبيعيه تقريبا يعني عندك نت وتلفزيون وتروحين لاعمامك و علاقتك بباقي اهلك امك و ابوك و اخواتك طبيعيه جدا
يعني جات على اخوك خلاص انسي ما عليك منه .. اذا انتي تبتي لربك و ربك رضى عنك ما يهم ان اخوك يقبل ذي التوبه او لا ؟؟
و اذا على الدراسه ... صح انتي نفسك تكملين بس و الله يا قلبي ماتدرين وين الخير .. يعني فرضنا كملتي و طحتي على شله نفس الشله الخربانه اللي اول .. ما تدرين لو تطحين في اغلاط اكبر من غلطاتك اللي راحت

طيب وش رايك تدخلين دار تحفيظ القران ؟؟
و مو لازم يدري اخوك يكفي امك و ابوك يدرون .. وحتى لو درى وش بيقول لا تحفظ قران

بصراحه انا اتمنى لك شئ واحد ... ان الله يرزقك بالزوج الصالح الحنون
انتي بحاجه لاستقرار عاطفي و بحاجه لعائله تشغلك و في نفس الوقت تقويك





بس حرمني من اشياء اعظم
من دراستي
من صديقاتي ايام الثانوي
من اي سوق من اي طلعه الا لبيت اقاربي
دخول المطعم او الكافيه عاااااااااااااار عنده
ومع ذالك اطلع من وراه بعلم اهلي الا هو
لكل مكان ابيه
مو حبا مني لطلعه
بس تمرد على ذاتي
انا شخصيه عنيده ,, احب اللي يقنعني اللي يسايرني اللي يدمح زلتي



يعني انتي الحين تطلعين لكل محل تبينه بعلم اهلك كلهم ... طيب خلاص وين المشكله .. جات على اخوك
يا بنتي دوري رضى ربك وبس .. ما عليك من البشر
قربي من كل شئ يرضي ربك و ابعدي عن كل شئ يغضب ربك
صدقيني بتعشين في سلام وراحه وطمانينه ما بعدها

وتذكري زي ما انتي اللي صنعتي هالمشكله انتي اللي بيدك تحلينها .. انتي وبس
الله يسعدك و يوفقك و يدلك على الخير و الطاعه ..

[بريتني بنت دحيم]

الله يعينك..فعلآ مشكلتك ميب هينه:(

بس اللي اقدر اقوله لك..

اقتربي أكثر من ربك..سجادتك دايم خليها ملازمه لك..

وقت ماحسيتي بضيقه بنكد بملل..افرشي سجادتك وادعي ربك من كل قلبك..

اجتهدي في دعائك..ونزلي دموعك رجاء لربك..

وربك ماراح يترك عبده :)

كمآن اقرأي قرآن واسمعيه كثير..وانتي تشتغلين بأي مكان او تتصفحين النت حاولي انك تسمعينه :)

بتحسين برآحه مو طبيعيهpb189

فيه نقطه ثانيه بعد..اللي هي عن اخوك وعلاقتك معه..

انا برأيي تطنشيه وتتركيه في حاله..هو يمكن تمادى وصار يحسسك انك عار وان خطيئتك كبيره وكذا..لأنه يشوفك انتي تحاولين تبعدين هالمفهوم من راسه وانك انتي مقتنعه باللي يفكره فيك اخوكpb036..

اما اذا شافك انتي ألغيتي هالشي من راسك انتي وان في بالك انك خلاص اخطأتي وتبتي ومعدتي تفكرين باللي مضى..اتوقع باذن الله انه راح يتناسى اللي حصل ويصير ماضي بالنسبه له هو بعد..

بعد حاولي تمارسين اشياء تحبينها تشغلين فيها وقتك وفراغك اللي ذابحك..

اي شي تحبينه..مثل رسم خياطه اشغال فنيه كتابة قصص..اي شي انتي تحبينه حاولي تبدعين فيه pb189

بكذا راح تشغلين وقتك وتطلعين من اللي انتي فيه :)


وبس هذا اللي عندي للحين:)

الله يفرج همك وييسر امورك ويكتب لك الخير bp039

[لاتخلونن لحالي]

اصعب شي لما نغلط بشي ومتعمدين بهالغلط ولما نتعاقب نحس اننا مظلومين ومعذبين ،،!
انا من الي قريته احسك خايفه من اخوك وتركتي المكالمات و و وو عشان اخوك درا عنك ،، موب من نفسك يعني ،،
الدليل لما صاحبتك هربت لك جوال ورقم


طيب عندي تعليق بسيط ،،

بس يمكن لاني ماكنت اقصر معاها وكانت مديونه لي بالشي الكثير
عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي
والله كنت اموووووووووت الفين مره
بعد ماكلمته صرت ارتاح له كثير
لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني

ليه مافكرتي تدقين على رقم صاحبتك هذي ...؟!
ليه الا لازم تشكين لرجال ؟ ،، لو ماعندك صديقات اقول ممكن ماقدرتي تكونين صداقات ومحرومه من كل شي ،،!
بس صاحبتك جت لحد عندك ،، ليه ما اكتفيتي الا انك تشكين لها هي وبس ،،!
ليه ماجربتي تشكين لأي وحده من صديقاتك ؟!
ليه لازم شخص غريب ،،؟!
زود على انك ماتعلمتي من الي صار لك قبل لما درا اخوك ،، شي حرام !
مفروض تكرهين الجوال بكبره وتكرهين تطيحين بهالغلط مره ثانيه ،،!

وعلى كلامك ماتبين منه اي شي الا رفع معنويات ،، وش حاجه الصديقات ..؟!
صديقتك عالأقل هي الي بتحس فيك وبتقدرك وبتفهمك ،،
موب شخص غريب مجرد مايقفل منك ينساك حتى ..!
عجزت افهم هالنقطه أنـا ،،


واذا على اخوك الحمدلله جت على كذا ،، هذاك الحين كل شي عندك ،، دش،،نت ،، جوال ،، تطلعين تروحين تجين،،تشوفين ناس ..!
ظنك السعاده والحريه بعباه الكتف مثلا ً ..؟! انه محرم عليك عباه الكتف..؟! طيب هي اصلاً حرام ،، لاتلومينه يحرم عليك اشياء اصلا ً حرام ،،
احس اخوك تصرفه بالمرره عادي ومتوقع من اي اخ سعودي جاه خبر ان "اختك مخاويه لها شله فاسده وتطلع معاهم لاماكن وتفتش فيها ومطلعه رقم بدون تدرون وشاريه جوال بدون علمكم بعد وهايته هي وخوياتها وانواع الدشاره "
اتحدى اخو اي وحده سواء هنا بأحد هالردود ،، او بالناس الي تعرفينهم انتي ويقربون لك ،، يوصله هالكلام ،،موب مسوي هالي سواه اخوك فيك ..؟!
شي طبيعي اصلا ً ،، لاتفكرين ان فيه اخو بيجيك ويجلس معاك جلسه صراحه "اختي انتي صدق عندك رقم غريب ومخاويه لك شله فاسده وتطلعين معاهم وتفتشين ..؟! " وبييك انتي تبدين تقولين له "نعم ياأخي " ..؟!

غير كذا ،، انتي تبررين لنفسك انك اول مره ،، وانك صغيره بالعمر وانجرفتي،،وانك من الظروف والتسلط اخترتي هالطريق ،، اخوك وش دراه انك كذا ..؟!
شدراه انها اول مره لك ..؟! ،، الرجال مايآخذون الامور بكذا ،، ولا يحللون المواقف ،، تلقينه يقول " الي طلعت رقم بدون علمنا ،، " تقدر تسوي شي اكبر واكبر واكبر ..!!
وحتى قراراته بمنعك من الجوال،،والدراسه ،، اشوف فيها كثير من الصحه ..!!

ماقدر اقول لايهمك اخوك ،، لاني والله اشوفه ونعم الاخ ..
انا لو اني سويت غلط وتماديت فيه مره ومرتين ولا تبت لربي ، لا تركته غصب عني عشان اخوي بس وان درى،،بستاهل كل شي ،، لو يذبحني اصلا ً ،، مادام اهلك بهالمحافظه ،، ليه تمشين بطريق عارفه وش بيصير لك لو احد درى منهم ..؟! ما ابي اعاتبك ،، ولا اكثر عليك ولا ازيدك من اللوم ،، بس انتي لاتحطين نفسك انك ضحيه ،، ولاتحطين نفسك انك المظلومه بالقصه ،، خطأ ارتبكتيه ،، ان كانك نادمه عليه الحين واستغفرتي ربك ،، هو الي يهم ،، تتوبين لله ،، تتركين الشي لله،، موب لاخوك ولا لامك ولا لآبوك ،،.!

تقولين كيف تقدرين ترجعين ثقه اخوك فيك،،! فكري بثقه نفسك وكيف خنتيها ..!
انتي نفسك احسك موب قادره ترجعين ثقتك بنفسك بشكل سهل ،، فما بالك بأخوك ..؟!


واحترام اخوك لك,, او عالاقل رحمته ورأفته لك تقدرين ترجعينه ،، اذا انتي ودك صدق ترجعينه ، بترجعينه .. لو حطيتي ببالك هالشي بترجعينه ،، ان سويتي قدامه دور المهتوك حقها ،، والمسكينه ،، والله بيزيد احتقاره لك ،، وبيقول يعني غلطانه وماتبي حتى تتعاقب ,,! ارجعي لله ،، اولا ً واخيرا ً الله ،،
فكري بالزواج ،، حتى لو موب قادره ترتبطين بأي شخص ،، وتحسين انك توك ،، بالعكس ،، اجلسي مع نفسك فكري بوضعك ،، فكري بعيشتك ،، فكري انه يمكن ويارب يرزقك بالزوج الي يعوضك وينسيك ويخيلك تكملين دراستك ،، الي بوضعك بالعكس ممكن تتمنى الزواج متى يجيها بس ،،!

على كلام السحر ،، دام مافيه شي ظاهر ومن الي قلتيه ما احس فيه شي يستدعي ان فيه شي اسمه سحر بالسالفه كلها ،،!
بس احتياط وحتى عشان تريحين نفسك اولا ً واخيرا ً ،، امشي عالعلاج ،، بكل الحالات القرآن بيطمنك ان شاء الله ،،
كلها فتره لحد ما يبدا اخوك ينسى السالفه ،، بس يمكن ماينساها بسرعه وانتي نفسك نفسك ،، بغرفتك ،بنفس البيت ،، نفس النظرات والكلام كل مره ،،
بس ان شاء الله بعد ماتتزوجين اكيد اكيد بينسى ،،


كثرت كلام ،، اتمنى ردي مايكون ثقيل عليك ،، ويارب ييسر امرك وينولك مرادك bp039

[@غلا@]

الحل بيدك

ابتدي بنفسك اقتنعي أن اللي تسوينه حرام قبل لايكون ممنوع من الاهل والمجتمع
الغلطه اذا كانت مره تتسامح بس اذا عدتيها معناته تعنينها
تلفونك الثاني كسريه انسي الطريق هذا ترى والله ماوراه الا غضب الله
أرضي ربك علشان ترضين على نفسك وبعدها اخوك بيرضى عليك
واهلك ناس طيبه وحاولو مايحسسوك بالوحده لا تقسي على نفسك وعلى اهلك
خلي بداخلك ميزان يوزن لك دايم بين الخير والشر واحسبي الخطوه قبل لاتسويها شنو بيجيك منها
ان كان خير توكلي الله وإن كان شر أتركيها لله (من ترك شيئا لله عوضه الله بخير منه )
واللي يدلك على الشر ترى مو صاحبك ولو فرضنا انحطيتي بموقف يكون اللي حولك خربانين
خافي ربك ووازني عقلك أرحمي انتي حالك وبلاش تعيدي غلطاتك محد من اللي كنتي معه
فكر بحالك لا بنت ولا ولد انتي اذا ماهتميتي بنفسك محد بيهتم فيك
اللي صار صار واخوك مهما كان قاسي لو حس بصدق ان انتي تبتي بأقتناع بيخف عنك
واهم شي اقتناع ترى يبان الانسان اللي يسوي الشغله بس علشان يرضي شخص وداخله مو مقتنع
والانسان اللي يكون مقتنع تصالحي مع نفسك وانهيها عن الحرام
الله يرضى عليك ويسعدك ويرزقك الزوج الصالح

[مستهبله بكيفي]

،،،
ياصاحبة المشكله اسمح لي اكون صريحه معاج
للاسف اللي حسيته من كلامج انج من الاخر تبين تردين نفس ماكنتي ما تبين دراسة
او انج ندمتي لانه واضح من كلامج انج ملتي من العزلة للي مفروضة عليج هذي الحقيقة للي تحاولين تخفينهاااا والدليل خوي رفيجتج اللي تكلمينه بعد كل اللي صار :rolleyes:
يعني اللي اشوفه من رادج ان الموضوع مو توبه وخوف من الله وندم حقيقي
كثر ماهو ملل من العزل( ولو اني ماشوفج في عزله حقيقيه مثل ماتدعين) + محاولة ارجاع علاقتج باخوج او كرامتج وات اييييييييييفر .
كل اللي باقولة لج اذا صج تبين تردين ثقة اخوج وعلاقتكم .. فلازم تبدين من نفسج
وتتركييييين عنج الاعذار الواهيه اللي تخلقينها عشان تبررين لروحج مكالمة فلان وعلنتان
لازم فعلا تشيلين كل هالسوالف من مخج .
بعدها عاد اقعدي مع اخوج صارحيه بكل اللي في خاطرج وفهميه انج غلطت وتبتي وعرفتي غلطج
وقول لي انج تعاقبتي بمافيه الكفايه وصار لازم يجي الوقت اللي فيه هو يسامح وينسى
ومثل ماقالوا اللي قبلي فاهمينه ان الله يتوب ع عباده ويغفر لهم .. فااشلون عاد انت يالعبد:)

برايفت *
اذا هو ماياخذ منج او تحسين روحج ماتقدرين .. اخلي احد يمون عليه وله كلمه عنده يقول هالكلام نيابه عنج.
والله يفرج عليج ويكتب لج مافيه الخير ان شاءاللهbp039

[.Evil_Girl.]

عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي

لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني
تماديت اكثر واكثر
دخلت النت بغرفة نومي
ودخلت الرسيفر برضو بغرفتي

ياللللله يالللله
ليه انتي كذا ؟
ابي افهم ليه
تدرين ليه انتي كذا مريضه ؟
لانك يوم تركتي المغازل ..ماتركتيها عشان ربي ..تركتيها عشان اخوك جلدك ..عشانك خايفه من غير ربي
والطامه الثانيه انك مسويه نفسك مظلومه

مظلومه وتدخلين رسيفر بغرفتك !!
مظلومه وتطلعين جوالات من ورا اهلك واخوانك !!
مظلومه واهلك يعطونك 2000 وهم يدرون انك تغازلين وراعيه طلعات وكشف !!

يعني مالقيتي الا رجل غريب تبينه يسمع لك ويرفع معنوياتك ؟
اشكي لاي بنت بالعالم
اشكي للبنات اللي بالنت اذا كنتي تبين احد ماتعرفينه
الا بالغصب تبين رجل تشكين له !!؟

ياقلبوووو برضو مظلومه

والله المظلوم اهلك قسم بالله

المشكله انه يوم صارت لك فرصه تغازلين ..رحتي غازلتي وتكررين الغلط
ممكن اول مره نقول ضحكوا عليها بنات الحرام وجرّوها
ممكن اول مره ماكانت تدري انها تسوي غلط كبير
ممكن اول مره انها كانت مسكينه

بس عقب مادروا اهلك انك وطيتي راسهم
تقولين مظلومه !!!!!

المشكله عقب كل ذا ..تقولين ما ابي العرس ..ايه هين

الله يعين اهلك على ما ابتلاهم ويهديك

[أمووون]

,






طبعاا ماراح أقول إنك غلطتي لأنك عاارفه هالشي وكمان تكابرين ! :rolleyes:

بس من خلال كلامك ماحسيت إنك من جد ندماانه !
اللي مصدوومه منه إنك بعد هذا كله رجعتي للمكالمات :(

يعني مو ندماانه !
يعني اللي سويتيه تعتبريه مو غلط ! :(

لازم تصلحين نفسك في الأول
لازم من الدآخل تكونين مقتنعه إنو اللي سويتيه غلط
ومو غلط بسيط :(

فكري في إنو اللي تسويه حرآآآآآآم ولا يرضي الله

في كل شي تسويه حطي الله قدآم عينك

من جد حرآم عليك :(


وبالنسبة لأخووك :

شوفي ماالك إلا أخووك
أجلسي معه وكل واحد يقول اللي بخاطره
ممكن أول مره مابيسمع منك بس حااولي مره وثنتين وثلااثه
وبصرآحه ما ألومه في اللي سوآه :rolleyes:


الله يهديك ويصلحك bp039









,

[نايم]

مشكلتك محتاجه تعب وجهد منك لحالها:)

أول شئ حلو انك عرفتي ان الأفعال اللي سويتها سابقا غلطpb093

ثاني شئ لا تلموين اخوك عشانه رجال والرجال صعبه يغفر هالذنب بسهوله:rolleyes:

عشان كذا يبيلك تصبرين عليه وتبيني له انك تغيرتي وانك نادمه
ونقظه مهمه حاولي المقربين له من امك واخواتك واي شخص يعرف السالفه يردد عليه كلامة فلانه تغيرت ومع والوقت يتأثرpb189
بس اهم اهم اهم شئ لا تستعجلين التغير :sm4:
الشئ الثالث وهو اهم شئ ويجي بالمرتبه الاول
أنك تصدقين مع خالقك سبحانه وتعالي
بالعمل الصالح وبفعل الطعات واجتناب النواهي

وبدعأء الله سبحانه والتضرع والالحاح في الدعاء بأن يصلح امركpb189

رابع شئ مشكلة الزواجpb189
العمر يمشي وانا اخوك:confused:

لا تقولين انا جميلة وتنغرين بجاملك
مألومك ولكن انتي عرفتي وش العله
اذا كانت سحر ابدي بـاالعلاج بالقران
مهوب بأخر الليل تقرأن قران وفي النهار اغاني وتبين ربي يشفيك:rolleyes:


أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

[proonzya]

,,

حاولي تجلسين مع اخوك وتطلعين كل اللي بخاطرك

وتبينين له انك ندماااااانه وان اللي سويتيه غلط

واني مازعلت منك لما ضربتني لأنك ماضربتني

الا على خطأ ونبهتني عن صديقات السوء

وبيني انك مو ميته عالدراسه ولاهمتني

اهم شي ترجع لي ثقتك

وانشالله اني قدهاااا وقدوووود

ومافيه انسان معصوم عن الخطأ

كلنا نخطي ونتعلم من خطانا

وغلط اللي تسويه فيني خلاااص جاني اللي كفاني

وتعلمت درس ومستحيل اكرره

وانتي انشالله تكونين قد كلامك

ولاااتحملين امك هم اكثر من كذا

بيني لها انك بخير وبعافيه

وتقربي لربك بالصلاه والدعاء والاستغفااااااااار

...

الله يكون بعونك ويفرج همك ..

والله يحفظنا من صديقات السوء ..

bp039
,,,

["D&G"]

السلام عليكم ..

الله يتوب عنك ويهديك ويصلح بالك يارب ..

انتي غلطانه من البداية ..

الغلط مو دخولك للجامعه ، الغلط لصحبتك اللي ماجابت لك الا الشر .

ربي رحمني بانسان راقي ومحترم وحس إني عالبركه

الحمدلله ربك ستر وصار الولد ابن حلاال وطيب ..

طيب من البداية ليه ماتقبتلي نصاايحه وحسيتي بغلطك قبل لا يرسل البنت لاخوك وتكبر

المشكله .. :"(

,, كنت ابكي مو لانه ضربني ابكي لاني خذلت اهلي
لاني بعدت عن ربي كثيييييييير


الله يصبرك .. الحمدلله مادامك حسيتي بتأنيب ضمير وانك بعدتي عن الله ولطفه

يعني انتي بإمكانك ترجعين مو مثل اول ايام الجامعه !

لا ايام الثانوي والبرائة والصديقات الطيبات (مو صديقات جامعه ) ..

وتقدرين بنفسك تكلمين اخوك وماتخلين حواجز بينك وبين اخوك ..

اذا دخل عشان يشوفك موجوده ولا لأ .. اقعدي كلميه وترجييه

وفهميه ليه سويتي كذا من البداية ..

عشانه "أخـوك pb189" وعشانك " اخــتـهpb189" بيتقبل كل شي منك ..

واللي يسويه هو الحين من القهر .. ولانه فقد ثقته بأخته ..

مابكيت من جرح او غدر ,, بكيت من قهر والم
تمنيته بس عطاني فرصه فرصه وحييييييييده

بيعطيك فرصه اذا تفاهمتي معه وكلمتيه .. ورجعتوا من بداية الموضوع قبل كم سنه

.. وجلسي كلميه بهداوه .. وقولي له "صرييح" عطني فرصة اثبت اني قد المسؤؤلية

واني انا الحين كبرت وماكنت البنت الطايشه بعمر الـ 18 .. pb093

اللي تجري ورا اي ملهي .. وورا اي صاحباات .. وورا الونااسه والطلعات والمغاامراات ..

(اللي بدون علم الاهل ) !!

بعدها زارتني وحده من صحبات الجامعه
وماعرف ايش اللي خلاها تذكرني
بس يمكن لاني ماكنت اقصر معاها وكانت مديونه لي بالشي الكثير
عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي
والله كنت اموووووووووت الفين مره
بعد ماكلمته صرت ارتاح له كثير
لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني

معليه !
المفروض ماتستقبلين بنات كذا ..

بنت تكلم شبااب وش ترجين منها ! ؟ ماراح تسااعدك وتنصحك ..

لانه اساساً هي على غلط ..


كل هالاشياء سببه هو تماديت لانه حرمني دراستي حرمني الثقه في نفسي
لا حبيبتي .. سببه "أنتِ" .. انتي اللي من البداية حرمتيه .. وسويتِ اشياء .. شرعاً محرمه ..

فما بالك بأخو يغار على اخته من نسمة الهوا .. كيف تبينه يتقبل كل اللي سويتيه دفعة وحده !

(ماارااح اقسى عليك زياده) ..

اتمنى تراجعين نفسك ..

ولا تقولين ابي ارجع مثل اول !

حاولي تكونين احسن من أول ..

واتي تقدرين .. pb189

ياااارب يشفيييك .. ويسعدك ان شااء الله ..

انتي كملي علاجك وهذا ان شاء الله بدااية خييير لك .. pb189

اتمنى لك كل خييير

الله يعينك ويسهل عليك ويرزقك بالرجال الصالح االي يقدرك ويعزك ياااارب ..

[مهوب أنا]

السلام عليكم ..

اخوك ما راح ترجع ثقته فيك الا اذا شاف ان توبتك طالعة من قلب ..

و بالنسبة للسحر .. لازم تتعبين شوي يا قلبي .. لأنه هذا شي موب سهل ..

حافظي على القراءة و الاذكار و ابعدي عن أي شي يبعدك عن ربك ..

ارجعي زي أول .. خليك ذيك البنت البريئة اللي كانت محافظة على صلاتها و قريبة من ربها ..

و يمكن هذا تكفير لذنبك اللي سويتيه ..

و لا تلومين اخوك .. لأن ما فيه احد عاقل و عنده غيرة على محارمه بيدري ان اخته تكلم و تطلع و يجلس يتفرج عليها ..

بالعكس المفروض تحمدين ربك و تشكرينه ان اخوك درى عن السالفة قبل تتمادين بالخطأ أكثر و أكثر ..

الله ييسر أمرك و يفرج همك ياارب ..

[أتعبني غروري]

..

هلا بك أختي ,

أول ماقريت مشكلتك هزيتي شئ داخلي !
حبيت اساعدك بأي شئ ممكن يفيدك ..


لكن بعد رد غيـر الناس \ ينتهي الحكي ,
pb189pb189


كوني بخير ..
والله يفرج همك دنيـا وآخـرى ,

( F )

[كرانيشو]

اذا هو كان كذا معك من قبل ماتكلمين فااقولك تمردي عليه

اما اذا صار كذا بعد ماكتشف انك تكلمين
اجلسي معاه لحالك وقوليه رب العباد يسامح ويغفر لنا وانا ربي ان شاء الله يغفر لي وانا نفسيتي تعبانه عاملني عالاقل معامله انسانيه وكل بني آدم يخطئ واعترفي انك غلطانه وندمانه عذراً لكن انا ماحسك ندمانه واتوقع انك بترجعين لمثل هالشي المره الاولى ندمتي وبكيتي لأنك خنتي ثقه اهلك فيك ورجعتي تكلمين واختلقتي لنفسك عذر وهو انك محتاجه احد يسمعك والي بيسمعك مافي يده يسوي لك شي مو اخواتك وامك كانو متعاطفين معك واكيد مستعدين يسمعونك وهم مافي يدهم يسو شي
كلمي ابوك وقولي له انك تبغين تكملين دراسه
او كملي دراستك عن طريق النت انا سمعت مو متأكده في جامعه الملك عبدالعزيز دراسه عن طريق النت
لازم تقنعين امك واخواتك الكبار يكلموه لازم تقنعينهم حاولي مو خسرانه شي ولا هم خسرانين شي لو كلموه

[9 o O o 9 i]

مـآ أملك الآ الدعـآء
سأدعي لكِ فـي آخـر سـآعة من عصر يوم الجمعـة

حـآفظي على عفـآفك فهو سلآحـك الوحيد

تقبلي ودي ( F )

[راعية الاكورد]

عورتي قلبي والله :(

شوفي عزيزتي ..

انتي الى الآن ندمك على اللي سويتيه مو سببه خوفك من الله .. ماابي اظلمك لان الله اعلم بالقلوب لكن حسيت كذا من كلامك ومن عنوان مشكلتك .. انتِ همك اخوك ترجع ثقته فيك ويرجع يخليك تعيشين حيـاتك طبيعيه .. واسمحي لي وقتها بترجعين تكلمين وتتعرفين .. لانك وانتِ بعز مشكلتك لجأتي لغير الله وكلمتي واحد بحجه انك بتشكين له .. مع انه كان ممكن تدروين وحدهـ من صديقاتك المقربـات جدا وتشكين لهـا ..

عزيزتي ( ان الله لا يُغير مابي قوم حتى يُغيروا ما بأنفسهم ) ..
اخوك الله سبحانه هو الوحيد القـادر على تغير مافي قلبه عليك والتأليف بين قلوبكم مرهـ ثانيه .. لكن هالشئ متى بيصير .. !! اذا اخلصتي النيه لله سبحانه وتبتي توبه نصوحه ..

(حسبي الله لا اله الا هو عليه توكلت وهو رب العرش العظيم ) << بهذا الدعـاء توكلين امورك كلها لله سبحانه ..

اللهم اني اسألك بأن لك الحمد لا اله الا انت المنـان بديع السموات والارض ، ياذا الجلال والاكرام ، أسألك سبحانك ان تُريح قلبهـا وتُفرج همها وتُحنن قلب اخيهـا عليها ، وتُشفيها وتُعافيها وتُصلح امورهـا كلها كما تشـاء ياارحم الراحمين ..

[دلـ خ ـهـ]

الله يعينك والله
كل الاعضاء ماقصروا معك
بس بقولك شئ وآحد مستحيل ترجعين الي راح
مستحيل اخوك يرجع مثل قبل ، مستحيل ترجعين من عمرك 5 سنين
لذلك عيشي لبكره عدلي نفسك اقتلي فراغك تقربي من الي حوولك
حاولي تحبي حياتك هذي بكل مافيها
ومعليش دام ابوك عايش خلي اخوك يولي وروحي لبوك قولي له انك تبين تدرسين
لو انتسااااااااااب لازم ابوك يدخل لاتخلينهم يدمرك نفسيا زيااده
والله يكون بعوونك

[مبااري السااس]

هلا اختي
يعطيك العافية
انا ارى ان يتم اذابة الجبل الجليدي في العلاقة
بان تجلسين معه وتقولين له انك اخطيتي
وانك تبين تسوين اي شيء يعيد الثقة فيك
لانك ما تتحملين الوضع الحالي

وكل انسان يستحق فرصة اخرى

[حنووووون؟]

كل شخص يخطئ


لكن المهم التوبة الصادقة وصدق النيه مع الله مهما كان الخطأ وإحمدي ربك ما جت أكبر كذا

والله يحل كل مشاكلك

[حلـم بنـت]

صباح الخير




اذا نيتك صافيه ورجعتي لربك
وصلحتي اللي يتصلح بصفاء نيه
باذن الله تنحل / ويرجع اخوك احسن من قبل
ياما ناس قلنا مستحيل يتغيروا
وبمشيئه الله بالدعاء والقرب منه تغيروا للافضل !


ماازيد ع كلام غير الناس pb189
ماشاء الله عليها كفت ووفت


الباقي عليك bp039 !





الله يوفقك ويسعدك
ويكتب لك الخير والصحبه الصالحه



http://up.eqla3.com/up/get-5-2008-zoa50d6n.gif

[لحبيبي اكون]

استغرب كيف تقولين ندمانه وانتي رجعتي تكلمين واحد ثاني تفضفضين له
يعني للحين تسوين الغلط نفسه
وتبين احد يتعاطف معك

الله يهديك بس ..!

[قلم]

السلام عليكم

صباح الخير اختي

.
انا كنت اول ماقريت المشكلة تعاطفت معك وحسّيت
بـ ندمك و جلدك لـ ذاتك
لكن ..
بعد ما قريت هالجزء ..
بعدها زارتني وحده من صحبات الجامعه
وماعرف ايش اللي خلاها تذكرني
بس يمكن لاني ماكنت اقصر معاها وكانت مديونه لي بالشي الكثير
عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي
والله كنت اموووووووووت الفين مره
بعد ماكلمته صرت ارتاح له كثير
لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني
تماديت اكثر واكثر
دخلت النت بغرفة نومي
ودخلت الرسيفر برضو بغرفتي
وهذا كله بعلم اهلي كلهم الا هو مع العلم ان اخوي مو شقيقي بس من ابوي
لانه لو يعرف بهالاشياء يذبحني

تغيـّر رأيي
يقول الله تعالى : "إن الله لا يغيـّر ما بقوم ٍ حتى يغيّروا ما بأنفسهم .."

لن يتغيـّر اخوك و أنت ِ على نفس الطريق ترجعين ..

انت ِ أخطيت ِ خطا كبير جدا جدا ً ..
و كان بينك و بين الزنا .. خطوة وحدة بس
و لو انا منك أشكر ربي طول العمر ان الله ساق لي ولد الحلال ذاك
الي منعك عما هو أسوأ ..

حتى طريقته .. أعجبتني ..
حاول معك باللين والأسلوب الجميل
لكن للأسف انساقت نفسك خلف شهواتها
وخلف تطبيل صاحباتك ..
والصاحب ساحب ..

هذي ضريبة لذّة وقتيـّـة ..
.

راجعي .. كلام بنت شارع عسير
و كلام خفوق ..

واترك ِ عنك الردود العاطفية .. !
ماراح تفيدك بشي

.
اولا ً اصدقي مع نفسك و الجئي إلى ربك سبحانه
وادعي انه يفتحها بوجهك ..

و تذكري المثل الروسي : الغريب متهم حتى تثبت براءته ..
اثبتي لاخوك قوّتك وهي تستمدّ من احساس ذاتك بالنقاء
بعد ما كدّره العبث القديم و العبث الثاني ..

و بعدها ان أحسست ِ بالقوّة ..
فحينها .. نقول جاء وقت المواجهة ..

.
عموماً ... الخطأ كبير ..
مو سالفة ترقيم و الا مسنجر وايميلات
السالفة كنت ِ راضيه لـ نفسك ..
انك تعيشين في مستنقع عفن ..

و ماتدرين لعلها دعوة زوجة .. اغويتي زوجها ورقم صاحباتك
وكانت تدعي عليكم
او زوجة والدة في اخر الليل


الاحساس بالذنب وحده ما يكفي ..
لكن الأهم انك تعرفين ان تصرفك الاول غلط والثاني غلط
و اخوك له اسبابه المقنعة
لكن .. كيف تثبتين له الحين انك تغيرتي


.
اصلح الله حالنا وحالك .. و كان الله في عونك ..
و رزقك الله الزوج الصالح ..

.
على فكرة ..
الي اعرفه ان المسحور او من فيه عين
ما ينصح انه يقرا على نفسه
لأن اصلا النتايج غير مجدية .. ما راح يتحمل نتائج قراءته على نفسه والألم والصداع الفظيع

انصحك تستمرين على اذكار الصباح والمساء
و تدورون لكم شيخ معروف بقوّته في القراءة

اسأل الله العظيم رب العرش العظيم أن يشفيك ..

[ميادة]

مساء الخير ..

الحين انت وش هدفك بالضبط .. اقصد وش تدورين عليه ؟
الثقة ورضاهم عنك ؟
أو الحياة الطبيعية ؟
إذا الأولى فماأظن أنها مطلب ممكن في مجتمع مثل مجتمعنا .. مهما لبسنا أقنعة المثالية ..
ومهما لبسوا لك تصرفاتهم بأسباب يخاف عليك ... يحرسك وماادري ايش ..
ليه نكذب على انفسنا ؟
هم خايفين على سمعتهم وعلى صيتهم و شكلهم هم في المجتمع والأخت أو القريبة الي مثلك الي يهدمون لها حياتها و يكسرون نفسها ماهمتهم في شيء وأحب على قلوبهم لو انها ميته او مانخلقت من أصله !!
مجتمع كذاب في أغلبه ..
كلهم يمثلون شيء ويتصرفون في الخفاء بشي ثاني ..
توقفين حياتك على رضاهم وثقتهم ليييه ؟!!!
سألتي نفسك في يوم أن كانوا هم أصلاً أهل لثقتك انتِ ؟
وش هم بالله ؟
غير ممثلين في أكبر مسرح للممثلين الي يخفون شي و يظهرون غيره .. !
يابنتي لو لك قيمة حقيقية في نظرهم ما أنحرمتِ بكل بساطة من حقوقك المشروعة في الدراسة والحياة بكل تفاصيلها .. لكن أنت في مجتمع ينظر لك على أنك أنسان ناقص الأهلية و لا لك قدرة ولا عقل تصرفين أمورك ولا حياتك ... لذلك لا تطمعين أبداً في استرداد ثقة أصحابها أساساً ماهم أهل للثقة !
خلاص راحت بمعناها الحقيقي ..


الجزء الأهم والواقعي هو كيف تعيشين حياتك الجاية بشكل طبيعي مثل كل الناس ..
يقولون لك اطلبي رضاه وصالحيه واوعديه تكونين اهل للثقة العظيمة .. اوكي سوي كذا انت مضطرة اصلاً ..
خليك مؤمنة أولاً ان مطلبك هو حريتك وحياتك لأنك أنسان كامل وجدير بالحرية
اسلكي كل الطرق كل الطرق علشان تعيشين حياة كامله ..
انت باقي صغيرة مره .. 24 يعني باقي في اول شبابك وقدامك عمر طويل بأذن الله تعوضين فيه كل الي فاتك وتبنين روحك ونفسك من جديد ..
ابعدي عن الطرق المبتذلة الي سببت لك المهانة من قبل .. عزي نفسك .. عزيها وحبيها أكثر من أي احد أو اي شيء ..
الزواج والسحر .. ماادري يابنتي هذا احنا كل ما انكسر كوب قلنا عين وسحر ..
شيلي هذي الفكرة من بالك .. انت الي شفتيه الفترة الماضية مو قليل .. واكيد كسر نفسك من جوا و أثر كثير على صحتك النفسية ..
حددي هدفك .. ترممين نفسك من داخل ..
تستعيدين ولو ظاهرياً الثقة الي هي طريقك الوحيد علشان ترجعين تمارسين حياة طبيعية ..
و ارفعي نفسك فوووق عن الطرق الرخيصة الي ودتك لهنا من البداية ..
أما كيف تستعيدين الثقة هذا شغلك انت .. مااحد يعرف ظروفك ولا شكل حياتك غيرك ..
مو يقولون الحاجة ام الاختراع ..
خلي أيمانك بالله وبنفسك كبير و أخترعي المخرج للنور مثل ماانت تظهرين لهم قوية من برا كوني قوية من داخلك!

والله معك ينور لك دربك و ييسر لك كل خطواتك يااااااااارب .
pb189

[مش ولا بد]

عزيزتي الحلو بالموضوع انك عارفه غلطك
في ناس تغلط عيني عينك وتكابر :| بس انيت عارفه وندمانه
اشين شي لما تغلط وتعترف ومحد يهتم لك
تحسين انهم يستنون الذله عليك عشان تقوم قيامتهم
اني وي انتي غلطانه ولمتي نفسك كثير مافي احد مايغلط كلنا نغلط
السالفه طاف عليها اكثر من اربع سنوات تقريبن ..
اول خطوه انتي تنسين السالفه
وتحكين مع اخوك وحاولي تستضعفين قلبه
وتقنعينه انك غلطتي ومارح تتكرر ابد
حل المشكله المواجهه قولي انا مابي شي غير ترد ثقتك فيني بس
لازم تكلمينه ولا كذا راح تطولين ع نفس المواللين تعرسين
الشغله الثانيه خلي اي احد من اهلك يدخل برضو
واذا علاقت زوجته معكم مرا كويسه خلوها تكلمه ( اذا كانت تدري بالي حصل )
وبخصوص السحر موب شرط مسحورا ياكثر كلهميقلون كذا
وقلنا لاقرينا ولا شربنا عزايم نخثر ويجنا نوم وتجينا كتمه ونختنق
انا ماقولك موب سحر بس موب شرط كبري راسك عن هلامور
وحاولي تخلين اي احد يوضح له بخصوص رفضك لزواج لايكون ماخذ فكره سيئه عنك :(( اسفbp039)
وعيشي حياتك حبي نفسك !!
بردك قريت كذا كلمه فيها غرور والخ بس ماشفت هشي فيك
يعني انتي ماخذه فكره عن نفسك غلط اظاهر انتي ماتعرفين نفسك زين :|
اتمنى ان الله يحنن قلب اخوك عليك ويسعدك ويحفظك من كل شر bp039


( اقري رد غير الناس مرا بيفيدك )

[ويبقى أمل]

مساء الخيرأختي
مشكلتك:(الله يعينك
ارجعي الى الله وتوبي توبه صادقة وعليك با الدعاء الله يفرج همك يارب
حـاولي تنسين الماضي وافتحي صفحه جديدهbp039

[+ DoDo +]

مرحبا ,,
اولا أشد ع يدك و حاسة بألمك ,
اللي سار سار الحين الحل مو بنظرة اخوك لك ,, الحل بأنك انتِ ترجعين ثقتك بنفسك و بعدها ما راح يفرق رأي احد . و اذا يعني ما يحترمك ,, انتِ ليه تحترمينه و الا تطقين له خبر وهو ما ترك دولة ما سافر لها ؟
أهم شي انتِ ,, حاولي تكملي دراستك بالانترنت عن بعد ,, كملي علاجك بالقرآن ,, و أعملي هالشي لك أنتي مو عشان ترضين غيرك أو تكسبين رضى غيرك ,, لا يهمك بهالدنيا الا رضى ربك ,, أخوك اللي ما وقف معك لا توقفين حياتك و مزاجك على كلمة تسمعينها منه .
حاولي أولا و أخيرا تتعايشين بسلام مع ذاتك .

[NawaL]

تبينها من الآخر انت محتاجه تعرفين نفسك اول
حكاية اكلم احد افضفض له اذا انت مو عارفه تفضفضين لحالك ما احد بيساعدك
اذا انت مو عارفه انت وش تبين مااحد بيساعدك

ان الله لايغير مابقوم حتى يغيروا ما بانفسهم



كنت دايم أكره موقف الضعف فيني ,,
عشان كذا اللي يشوفني مايقول عني مكسوره من داخل كسر صعب تجبيره,,
لما أي شخص يتعرض لمشكله او موقف صعب كنت قدها للكل ,,
وكانت حلولي دوم منطقيه ومثاليه بس عجزت الاقي حل لي والله على كثر ماحاولت
بس كل ماحاولاتي هروب من واقع مو حلول,,
وصعب جدا استشير غيري لان شخصيتي للاسف سيئه
مهما كنت مضايقه مابين مهما كنت مجروحه برضو ساكته مهما كنت مضطهده برضو اكتم على حالي
لاني متسلطه واحب افرض هيبتي على اللي حولي ومابين لهم نقاط ضعفي او اني محتاجه لاحد
وهذا اللي خلى مشكلتي تكبر معي لحد ماعجزت من نفسي

جميله جداااااااااا


بقولك شي انت مشكلتك متعاليه على نفسك
مو قادره تصيرين صريحه مع حالك
مو قادره تنبشين شخصيتك وتعرفين وين الخلل

شايفه حالك البرفكت اللي كل شي فيك تمام

وقت ماتكونين صريحه مع حالك
بتحلين مشكلتك وتعيشين حياتك

،،

مكالمات الشباب ليت تتركينها نهائي : )
وخليك صريحه مع حالك وش تبين منهم ؟؟
من جد يعني ؟؟
عاجبك حالك منبوذه من الكل وجالسه مع جوالك مع فلان وعلان
ناسيه حياتك وعايشه في وهم المكالمات
افضفض له وارتاح له

ايه طيب ارتحتي

وبتروحين تعيشين وين الحياه اللي تبين تعيشينها ؟؟؟


::::::::::


حكاية اللي يقول خليك صريحه مع اخوك

شوفي الكلام ما يوكل عيش
الكلام مايكفي

تصرفاتك واعتدال سلوكك
هي اللي بتقول لاخوك انك تغيرتي

فالي اقوله لك

تغيري لتفسك انت وقت ماتتغيرين لنفسك
وتصيرين في حال انت راضيه عنه
وبالأصح تغيرين مفهوم الرضا عن النفس عندك
يصير الرضا عن النفس انسانه ملتزمه بالدين وماتكلم شباب
وتزيد محصولها الثقافي وتستغل وقتها بالمفيد
وتصير معاملتها كويسه مع اهلها وعلاقاتها معهم جيده

وقت وصلتي لرضا مع نفسك وتصالحتي معها
بينعكيس هذا كله وبيكون له مفعول السحر

وبيصدقك اخوك واهللك

المشكله داخلك انت : )

[حارقتهم]

بس يمكن لاني ماكنت اقصر معاها وكانت مديونه لي بالشي الكثير
عطني جهاز ورقم
صرت اكلم صاحبها بس لاني محتاجه لحد يسمعني
ماكان احد مستعد يقدر احتياجي
والله كنت اموووووووووت الفين مره
بعد ماكلمته صرت ارتاح له كثير
لانه ماكان يطلب اي شي مني لا ماديا ولا معنويا لاني وقتها انا اللي محتاجه لمعنويات مو اهو
كان بس يحكي معي بالتلفون ويقفل وعمره حتى ماشافني


شي طبيعي هاللي سويتيه
كل هالاضطهاد والارهاب النفسي اللي مارسه عليك!!
والله ان تدورين على جدار عشان يكلمك
وشلون ادمي ويحس فيك..

ماعرف ليش يلومونك هنا على هالشي
انتي مثل اللي حرموه من الاكل ويقولون له لاتسرق عشان تاكل



تماديت اكثر واكثر
دخلت النت بغرفة نومي
ودخلت الرسيفر برضو بغرفتي
وهذا كله بعلم اهلي كلهم الا هو مع العلم ان اخوي مو شقيقي بس من ابوي
لانه لو يعرف بهالاشياء يذبحني
كل هالاشياء سببه هو تماديت لانه حرمني دراستي حرمني الثقه في نفسي


تماديتي!
تصدقين يوم قريتها حسبتك بتقولي تماديت ودخنت
تماديت وصرت اكلم بدل الواحد عشره
اخرتها رسيفر ونت؟!
ليش حاسه بالذنب لهالدرجه ترى اللي سويتيه حق مشروع لك
انك تدخلين نت وتشوفين التلفزيون :sm12:
وشلون وانتي بسجن غوانتنامو هذا و مانه على نفسك بهالتنفيس


حبيبتي انتي عندك مفاهيم كثير غلط عن الحياه الطبيعيه
مو ترى مفروض تكونين 24 على سجادتك؟

ومع ذالك اطلع من وراه بعلم اهلي الا هو
لكل مكان ابيه


هذا المفروض شيلي اخوك من بالك وعيشي حياتك
ولاتحرمين نفسك من شي ..
لاتردين له خبر اهم شي اهلك يدرون ..
اصلا ابوك موجود الراي يعود له انتي ليش من الاساس
حطيتيله راي..



انا شخصيه عنيده ,, احب اللي يقنعني اللي يسايرني اللي يدمح زلتي
ماحب اللي يعاندني
ابي حل مع اخوي تعبت من حياتي

ماحسييتك ابد عنيده ولا متمرده لا تكذبين على نفسك
اي تمرد تكفين pb093
الا فيك قوة تحمل عجيبه :sm17: ماشالله


3 سنوات وانتي مو قادره توقفينه عند حده وتدورين رضاه؟

ابوك موجود وامك موجوده هو المريض وش تبين فيه؟!!
خلاص بقريح لايرضى عليك ..حتى لو رضى انتي بترضين؟
تراك ماجرمتي الجرم اللي يخليه يكفر فيك كذا
لو وحده من بناته مسويه هالشي من ثاني اسبوع وهو محتويها
وراجع يداري خاطرها..
ياطيب قلبك ..واحد حارمني من حياتي والله مايصفاله قلبي ابد..

الغيه من حياتك..اذا شافك وماسلم زين رديها له وسلمي عليه من غير نفس..
راتبه هاللي يعطيك .. رديه له قولي انا ماني بحاجتك!
عن جد احكي لاتخلين له اي دور بحياتك
خليه يحس انك تحسين pb036

تمردي اكثر وروحي سجلي بكليه او اي مكان وهو مايدري
امك وخواتك خليهم يوقفون بصفك لازم احد يتدخل وش هالتبلد فيكم ياربي..
التمرد اللي تحكين عنه هذا وقته ان صابت ولا موب صاير لك
اردى من اللي انتي فيه..


bp039

[co5co]

شوفي مااردى من اخوك الا اللي تكلمينه
يعني اخوك بالله الطاهر ماكلم ؟؟ اشوى انه لافن الديار كلها
انا ماقولك ان المكلمه اوكي ابدا ولكن ترى اللي معك أردى تفكير ومثل اخوك ويمارس على خواته مثل الي يمارسه اخوك عليك فخليهم يولون كلهم
وسجلي بجامعه واصفطيه وخلي شورك بامر ابوك واخوك معطيته اكبر من حجمه ترى
هو لقاها حجه عشان يتمرد عليك لو اخو صح احتواك مهوب فضحك فيك
انتي خايفه ترجعين للجامعه ويقول لابوك , فخلاص بطلي مكالمات واصقلي نفسك صح وقولي لابوك ابي اكمل دراستي وان قال اخوك يقول كذا وكذا قولي كذااب
ونظرات اخوك بادري انتي بتجاهله وش ترجين من واحد كذا معاملته لك , من زين ابتسامته الله الغني بس
حارمك من دراستك ويعاملك شين وتدورين رضااه؟
دراستك +صحتك النفسيه والجسديه + رضى امك وابوك وبسسسسس
والباقي صاحبات + اخوك ذا+ اللي تكلمينهم قريحن يشيلهم
واوصيك بردود ( مياده+ غيرالناس + نوال + حارقتهم ) ولايهونون الباقي

[ميرندا برتقال]

صديقات السوء دايما هم السبب مايرتاحون الا اذا فسدوا اللي معاهم عشان العقوبه تخف عنهم لو أحد درى عن حركاتهم..

أنتي غلطتي ,, وبداية التصحيح انك تعترفين ان اللي تسوينه غلط,,ومكالماتك للشباب أكبر غلط,,
موعذر انك تفضفضين لهم ,عندك أمك خواتك بنات عمك,,أي أحد تاخذين وتعطين معه.

اذا تبين ترجعين للدراسه لازم تكونين مقتنعه انك أغلطتي,وماتصادقين أي بنت سيئة الأخلاق..
واستغفري ربك وادعيه انه يتوب عليك ويهديك للطريق الصح..

والله يشفيك يارب ,,يمكن ما أعرف أعطي حل لمشكلتك,, بس دعواتي لك بالشفاء العاجل والهدايه ,,

[الضمير المستريح]

انسان حجري جداااا

قريت اول الردود ولقيت رد وحده تأيد كلام البنت بأن اخوها حجري !

تخيلوا رجل يدافع عن عرضة يصفونه بالحجري !


سبحان الله تبين اخوك ديوث !
تبينه يسمح لك تروحين مع فلان ومع علنتان

والله ان اخوك رجال ويسوى له قبيلة


اما انتي ما تعلمتي من اخطائك وتبين راينا بعد!
ما اقدر اقول الا الله يستر عليك , الظاهر انك بتتمادين الين ما يكفشك اخوك مره ثانية ويزوجك شايب !
وخلي عباطتك تنفعك ذيك الساعة

فيه ردود يتميلحون عليك ويميلون على الامور النفسية عشان يلخمونك انتبهي لا تطيرين في العجة

الله يكفينا شر ذا الزمن , اللي يدافع عن عرضه يطلع رجل حجري

قبلة على راس اخوك الرجل

[الضمير المستريح]

شوفي مااردى من اخوك الا اللي تكلمينه

اللي تكلمه ساتر عليها وله كل الدعوات بالتوفيق والستر !!

تحمد ربها انها ما طاحت على ورع حقير ونذل !!

[شفافهـ]

مثل ماقالوا الاخوان والاخوات الحلو في الموضوع انك معترفه بخطأك
ومن فينا مايخطيء لذلك لاتعذبين نفسك كثير...واحمدي ربك مليون مره ان موضوعك انتهى على كذا
بنات غيرك انتهت قصصهم بفضائح في الهيئه وهذا مدري وشسمه الي يجمعون فيه البنات اعوذبالله وهم حوامل
وووو مشاكل احمدي ربك ياشيخه على ستره والعافيه بس..
لكن وصفك لاخوك بالحجري ... من كلامك مااشوفه متحجر

ورده فعله طبيعيه جدا ...

صحيح تحسن من ناحية انه يبتسم بس في وجهي
طيب شي حلو انه يتبسم في وجهك .. معناه انه نسى او تناسى الزله

عمره ماحضني على صدره عجز لاينسى الموقف

ياختي انا وقسم بالله عاقله وماقد سويت شي واخوي ماعمره حضني على صدره الا يوم وفاه اخوي الثاني
اصلا لو يحضني بعطيه كفpb027:D
قصدي وسعي صدرك هذي ان شاء الله مهيب مشكله!

مانكر إنه يمشيلي مصروف 2000 بالشهر
ومانكر انه عطاني رقم
يااختي والله العظيم اخوك رااائع بس انتي تقربي منه وصححي اخطائك بقتناع منك مو لانك خايفه منه
وتلقين منه الثقه لو كان متحجر على وصفك كان مااعطاك رقم بعد خطأك ومصروف شهري
اعتبره انا مصروف كثير و مبالغ فيه بعد ...>> طفرانه واحسب الناس مثلي:D

بس حرمني من اشياء اعظم
من دراستي
من صديقاتي ايام الثانوي
من اي سوق من اي طلعه الا لبيت اقاربي
دخول المطعم او الكافيه عاااااااااااااار عنده
ومع ذالك اطلع من وراه بعلم اهلي الا هو
لكل مكان ابيه
مو حبا مني لطلعه
بس تمرد على ذاتي
انا شخصيه عنيده ,, احب اللي يقنعني اللي يسايرني اللي يدمح زلتي
الحين بدون طلعة الكافيه ولصديقات الثانوي يصير الواحد محروم !!
يمكن انا معك في موضوع الدراسه .. وموضوع السوق لحاجتنا لمثل هالاشياء

اما المطاعم والكافيه والصديقات .. يااختي لاتحرصين عليها واجد والله مافيه خير
لاتخلينها اكبر همك ... او انها شي اساسي ومن الاولويات

شخصيا مااشوف عندك اي مشكله مع اخوك ابد ابد بالعكس اوضاعك حلوه وامورك الى الان اوكي صار في حياتك غلطه
واخذتي منها رده فعل طبيعيه من اخ لأخته...
لكن اذا كان فيه مشكله هو مشكلتك مع نفسك وعودتك لاخطاء سابقه!!
اولا اعترافك ماراح يفيد اذا مادعمتيه بتغيير تصرفاتك .. يعني وش الفايده انا اعترف بخطئي وارجع واستمر فيه!!
لا يااختي صيري قويه على رغباتك اذا ودك تتغير حياتك .. وقفي سالفه العناد لان ماراح احد يخسر الا انتي..
ثانيا : وهو الاهم اقربي من ربك اكثر ارجع مثل ماكنتي اول محافظه على صلاتك وعلى الوتر والنوافل والصدقه وبر الوالدين ..
ثالثا : قصه السحر هذي الي مافهمتها بس ليش تستبعدينها وليش بطلتي تتعالجين؟؟
استمري يااختي القرأن مفيد ... و صارحي اخوك بمشكلتك هذي واذا ماتقدرين يقوله واحد من عمامك
يعني لازم يعرف عشان مايجرحك بسالفه الزواج ...وعشان يعذرك بطلعاتك ...
بعدين اذا تقدملك احد اصبري واعطي الموضوع حقه من التفكير
لاتستعجلين بحجه مالي رغبه ترا العمر يروح ياشيخه يمكن يجي الي يحضنتس ويفكتس من اخوتس:D

ابوي انسان عملي ودايم برا البيت وطيب جدااااااااا وبرضو مايعرف اي شي
وانا صعب احكيله لاني اخاف عليه لو يعرف ببداية المشكله
خلاص يااختي مادام ربي ساتر عليك لاتفضحين نفسك وتصدمين ابوك الله يخليه لك
وضعي المادي ممتاز جدا
علاقاتي مع اقاربي اكثر من رائعه
صديقاتي للاسف مالي غير بنات عمي وبس

ماشاء الله والله يديم عليك ..علاقاتك الحلوه واوضاعك الماديه حلوه وش تبغين اكثر من كذا
للمره الثانيه اقولك يااختي لاتحطين سالفه الصديقات شي اساسي وبنات عمك ان شاء الله فيهم الخير والبركه
ويعوضونك عن الصديقات ...


انا مؤمنه بالنصيب
وخيره كل شي يصير لي
وماني محبطه من هالمشكله لان الارزاق بيد رب العالمين
بس تكفون ان الفرااااااااااااااغ ذبحني دمرني
ابي اكمل دراستي

طيب دام تقولين يمكن خيره ومؤمنه بالنصيب ... طيب يمكن تركك لدراسه خيره وانتي ماتدرين !!
والفراااغ له حلوووول كثيره..بدون الدراسه
سجلي في منتدى مثلا وفليها.. منها وناسه ومنها ثقافه!!;)
تعلمي اشياء وانتي في البيت برامج تصاميم خرابيط:D اقري كتب .. اجتمعي مع بنات عمك شجعي النصر مثلا :D يعني فيه خيارات كثيره...
طيب دامك حريصه جدا على الدراسه ومقتدره ماديا ليه ماتقنعينه بالدراسه عن بعد مثلا!!
بحيث ماتروحين للجامعه الا في وقت الامتحان فقط ...
محرم علي لبس عباية الكتف
عاد هاذي يابنتي حكمها من الله مو من عنده يعني المفروض
تسوين هالشيء عن قناعه ورضى وماتزعلين!

هذا كل الي عندي والي اقدر اقوله بس الي ودي تفهمينه ان الصداقات والطلعات شيء ثانوي في الحياه
وانا ضد الي يقولون تمردي على اخوك بالعكس ترا الواحد والوحده ماله في النهايه الا اخوه واهله
بالعكس اكسبي اخوك في صفك ترضين ربك واهلك وتتيسر امورك.. اسئل الله ان يفرج همك
وهم المسلمين ويعينك ويوفقك ..bp039

[co5co]

اللي تكلمه ساتر عليها وله كل الدعوات بالتوفيق والستر
سبحان الله تبين اخوك ديوث !
تبينه يسمح لك تروحين مع فلان ومع
وش هالتناقض؟

[اوكو]

ياربي الله يقلع صديقاات اللي زي كذا لا تلومين اخووووووووك اكيد شي طبيعي ردة فعله:mad:

اهلنا عطونا جوال او نت لازم نكوون قد الثقه لانه يبي يجي يوم عيالنا يطلبون منا لو عرفنا انهم سوا شي غلط اكيد نبي نزعل :sm1:


بس شووفي اول شي تسووووووووينه انك تستغفرين ترجعين لربك تصفين نيتك

اهم شي تعترفين ان الي سوتيه غلط :(

ثاني شي تتركين صديقاتك الشيناااااااااااااات pb131

تقطعين العلاقه بالمرررررررره


ثالث و اهم شي تصارحين اخوووووووووووك احلى شي في الحياة الصراحهpb189

تقولين كل اللي في قلبك له اكيد هو راح يفهم الوضع
توعدينه انك ماراح ترجعين لللغلط



صدقيني راح يسمعك يفهمك بعد

بس افتحي قلبك لـــه pb189

:
:
لا تكدرين روحك الحياة حلوه مايستاهل نزعل لابد يبي يجي يوم الوضع يتعدل

:
:
اسال اله ان يفرج همك في ذا الساعه يسترعلى بنات المسلمين اجمعين

:
:

[ملكة بلا عرش]

أول كلامك يدل انك تبتي لكن يوم قلتي انك جبتي جوال مره ثانيه وكلمتي واحد ثاني من جد من جد وسامحيني
قلت بعذر اخوك فيك ماينلام000
معليش انا قاسية لكن احس هالقسوة بمكانه علشان
تفوقين وتحسين بغلطك بجد مو بس كلام00


باختصار:
اصلحي مابينك وبين الله , يصلح الله بينك وبين الناس
وهذا الشي معروف 00
اول شي اصلحي نفسك ارجعي انسانة نظيفة تخاف الله
وتحافظ على سمعته وسمعة اهله وترفع راس ابوه
واخوانه , ولاتخلين هدفك من هالاصلاح رضى اخوك
وغيره خلي هدفك هو رضى الله اولا واخرا00
واذا ما نفذتي هالنقطة بالذات وبحثتي عن حلول اخرى
بترجعين لنقطة الصفر وبيتم حالك على ماهو عليه00

وبعد هالمرحلة :
تقربي من اخوك شوي شوي لانه مستحيل بيسامحك على
طول انتي جرحتيه وهذا اصعب جرح بالنسبة للرجل
ان اخته توطي راسه , بعدين لاحسيتي انه بدا يتقبلك
شوي اكتبي له رساله صريحه اظهري فيها ندمك
واعتذري واطلبي منه فرصه اخيره تثبتين فيها انك
تبتي00واحرصك على الكتابه لانه توصل اللي تبينه
بهدوء واسلوب قد تفتقدينه بالمواجهه المباشرة00
وممكن اساعدك بالكتابه00

وخذي نصيحة من اخت تحبك وتبيلك الخير:
ارجعي لله وتوبي وربي ان تذوقين لذة الحياة
تحسين بالامان والراحة 00بلااااه جايزلك وضعك
اللحين عايشه بخوف وهم وحزن انتي وحدك
اعلم فيه00
وجاوبي على هالسؤال00؟
كيف كانت حياتك قبل ما تمشين بطريق الخطأ00؟
وكيف صارت من بعده00؟
قارني وبتدركين انا ليه سألت هالسؤال00

حافظي على فروضك وعليك بالدعاء والاستغفار والحوقله
وكرري دائما:لا اله الا انت سبحانك اني كنت من الظالمين , وتوكلي على الله وصدقيني مابيخيب رجاك (أمن يجيب المضطر اذا دعاه ويكشف السوء)
وربي اني مايوم صرت بكرب او هم الا ولجأت لله
وتنفرج فرج عظيم يارب لك الحمد00


الله يهديك ويصلح مابينك وبين اخوك ويجعل السعادة
فالك يااااااااااااارب00

[ملكة بلا عرش]

مع احترامي:

بعض الردود أرى كأنه تصب الزيت على النار 00ردود
تزيد المشكلة00

ونصيحة لصاحبة المشكلة:
قبل تتخذين قرار لابد تكلمين مصلح اجتماعي علشان
يعطيك الرأي السديد بدل الاجتهادات 00
وانصحك بالدكتور خالد المنيف الكاتب بجريدة الجزيرة
ابحثي بقوقل وبتحصلين ايميله00

[المطمئنه]

السلام عليكم ورحمة الله وبركاته

سوري انا ماراح ارد عالموضوع لان الي ردو ماشاء الله ماتركوا شي وكفو ووفو

لكن هنا ابي من كل رجال يدخل ويقرا ويشوف ردة فعل اخوها
يعني ضنكم الضرب و الحبس والمنع هو الحل؟؟
بدل ماتروح لاختك وتحكي معاها وتعرف السبب
تناقشها تشوف وش ناقصها ومن ايش محرومه

والله ياما بننات يتمنون يحضنون امهاتهم مايقدرون
يحكون من ابائهم واخوانهم ويفضفضون مايقدرون

يعني وش تبيها تسوي في ضعفها اذا تسهل لها كل شي خطا وقوا عليها الشيطان

احتوو اخواتكم اجلسوا معاهم دللوهم
عطوهم وجه

مو ماتشوفكم الا كم ساعه في الاسبوع هذا اذا شافتكم

طلعوهم اطلعوا معاهم السوق مطعم قهوه

روحو الشرقيه كم يوم
مكه

يعني تقربوا منهم

وترا انتم بعد ملومين لو غلطوا اخواتكم لا تحسبون اللوم كله عليهم

الله يحفضنا ويستر علينا دنيا واخره

[توريني]

السلام عليكم
انا اقول ان الحل الوحيد انها تكمل علاجها ..
لان كل هذي المشاكل من اولها من ورا هذا السحر والله اعلم..
ولاننسا رفيقات السوء ..

[مصرقعه ومبرقعه]

الدنيا جنه الكافر وسجن المسلم>>>شدخل


انتي الحين لولا ضعف الايمان بينك وبين ربك صدقيني ما صار هل شي

كانت عباتي على راسي واقولها وكلي اسى إن العبايه على الراس كانت بالنسبه لي عاده وليست عباده
يعني لو كان الوازع الديني قوي عندي كان ماصار اللي صار

الحين تسوين هل اعمال ومستحقره عبايه الراس ترا مافي فرق بين عبايه راس
والكتف الا قطعه قماشه زياده ومن هل قطعه سارت ام الـ لويه
فنا اقولك مافي فرق ..وبعدين المفروض تفرحين مو تتضايقين
وبعدين
قلتيها بعظمه لسانك لو كان الوازع الديني عندي قوي
الحين عقب الي صار لك ماشوفك الصراحه تبتي
توبه صـــادقه لربك بتقولين مسحوره
صلي واقيمي اليل وادعي ربك يشفيك
مما ابتلاك (السحر)


كنت محافظه على صلاتي وعلى الوتر والنوافل وكنت اتصدق كثير وباره في اهلي

الحين هاذي الاعمال ما قوت الايمان
فيك:confused:





كنت اكشف بكل مكان من دون علم اهلي

طيب ماخفتي من ربك اهلك ما يشفونك بس ربك
انا للحين مستغربه الاعمال الي تسوينهاماقوت الايمان فيك
:confused:

شوفي اختي اذا بعلق ماراح اخلص
زبده الكلام
اخوك مع الوقت بيرضى عليك وصدقيني اخوك يحبك
لوما يحبك كان ماسوى هل شي انتي اخته وعرضك
من عرضه ماخاف عليك الا لمصلحتك ولانه بيدري
بيجي يوم وتندمين على هل اشايء بس متى مدري الي الحين
ابيه منك
توبي لربك توبه صادقه صادقه من اعماق قلبك
وذا جاك خطاب مايعيبهم شي وافقي ومن البدايه
صوني بيتك ولا تكررين هل غلطه اكسبي ثقه زوجك
مع مرور الوقت اخوك بيشوف تغييريك وبيسر غصب يحترمك
لانك بتكونين ام>>عاشت السالفه
اهم من رضى اخوك عليك رضى ربك ارجعي الى الله فما احد بدنيا
بينفعك كثر ربك اشكريه على نعمه واصبري على مابتلاك به
اخوك ما ذبحك انتي عادك حيه لوذبحك كان بيمديك تتوبيد لربك
تتوبين لانك بديتي بنت صالحه بعدين فسقتي>>pb036
ارجعي لربك ماحد بينفعك الا ربك واحمدي ربك
لانواضح انا ضقت اخوك ترجع يمكن انتي اوب
ملاحظتها بسمن كلامك يوضح


bp039
انتظر خبر توبتك
ورجوعك الى ربك
وخطبتك من الرجل الطيب
ورجوع ثقت اخوك فيك بس لاتخيبين
ظنه
ادعو لربي ان يشفيك من مرضك
وان يهديك الى السراط المستقيم
وان ييسر دربك
ويزوجك الرجل الصالح
ويرجع ثقت كلبو اهلك لك
آآآآآآآآآآآآآآآآمين
اختك
مصرقعه
دوك
bp039

[مردوفيتش]

أختي صاحبة المشكلة

في البدايه شيلي من تفكيرك إنك مسحورة..واتركيك من خرابيط بعض الناس ...وراح تخسرين وقتك ووجهدك في شئ ماله أول ولا تالي

ثانيا السالفة كلها حلها في إيديك

طبعا أنا لاأضع اللوم على صديقاتك اللي خربوك أو أخوك على الوضع اللي انتي عايشة فيه

بل أضع اللوم عليك انتي فقط

ويتضح من السالفه كلها طريقة تعاملك مع الأشياء بشكل مغلوط

وكلمتك يوم تقولي

إنك تحبي اللي يمدحلك زلاتك

الجملة هذه تدل على أشياء كثير في جوانب شخصيتك

وحتى ترجع الثقه بأخوك فيك هذا يعتمد برضوا عليك وعلى ماتفعلين من أمور بعد المشكلة اللي صارت زي ماوضحوا الأخوان

اللي أبغى أقوله في الأخير صدقيني الحل جدا سهل ويعتمد عليك
وأهم شئ ماتحطين وتعلقين أخطاؤك على غيرك
وأقنعي نفسك دوما إنك أنتي اللي تسببتي في كل شئ وعليك أنتي بنفسك حل هذه المشكلة

ومتى ماأنتظرتي غير لحل المشكلة .. سوف تظلين على ماأنتي عليه

الله يوفقك

[UNiQUe]

غير النــــاس bp039

[saja]

لحياه مو عباه كتف ومكالمه شاباب وعزايم صديقات وطلعه مطاعم مع الشله :rolleyes:

انتي شكلك تبين تعشينين زي فلانه وعلانه مانتي مقتنعه بحياتك ,,

كون اهلك متشدديين وراعين عبايه راس وممنوع صديقاتك شفيها عادي !!!


في بنات كثثثير ممنوع عبايات الكتف وممنوع السوق الا مع امها ولا اخوها وهم ماسوو شي بس هذي طبايع اهلهم وعايشين ومبسوطين وياشيخه احمدي ربك لابسه عباه راس وساتره عمرك ويمشيلك مصروفك وعندك رقم ولك اقارب ومبسوطه معهم وش تبين بعد pb036

وذا على الصديقات وطلعاتهم انتي شفتي وش صار فيك من ورا هالصديقات pb093


ودراستك عادي تقدرين ترجعين وتكملين هذا شي من حقكك بس انتي اقطعي المكالمات وخليك جاده مع نفسك ان الكليه للدراسه مو للتسليه وصدقيني محد بنافعك غير دراستك الطلعات والتمشيات اذا ماكانت برضا الاهل وطالعه مرتاحه ومبسوطه وش الفايده منها :confused:

اجل اطلع وعيوني تلاقط لاحد يشوفني من اهلي ومتوتره اربعه وعشرين ساعه مالله حادك pb036


وااخوك رده فعله طبيعيه جدن جدن جدن ,,

انصدم باخته تكلم من وراه وش تبينه يسوي :confused:

هو مايكرهك مافي اخ يكره اخته بس خااايف عليك لانه معد يضمنك !!

وبعدين شو الي نت وريسفر ودخلتهم من وراه pb036

ليش معيشه عمرك برعب حبوبه ؟؟ هذا شي عادي التلفززيون والنت لاتصيرين تسوين اي شي من وراه حتى لو هو عادي ولا تخلين الخوف منه يسيططر عليك خاافي منه بس بشي يسواا مو بنت وريسفر ..

واحمدي ربك في بنااات حالتهم سيئئه جدن لااا نت ولا تلفزيون ولا مصروف ولا جوال ولا اهل مقابلين جدارن البيت ويكرفون بهالبيت :(

انتي الفراغ خلاك تحسين انك بمشكله اشغلي وقتك ارجعي لدراستك او شو فيلك شغله تشغلك عن هالهواجيس وان شالله ربي يفرج لك ويشرح صدرك قريب bp039

[دنيا العجايب]

الماضي غلطتك وتحملتيها انتهينا منها
والان لك حلين
الاول تنسين رضا اخوك ولاتهتمين فيه وترجعين ولربك
ونفسك تصلحين حالك
والثاني تشغلين وقت فراغك بدراسه تكملين وتدرسين في معهد او اي شي ولا تنسين هذه فرصتك في ثقتهم فيك

والله يصلح حالك

[S A D]

قريت اول الردود ولقيت رد وحده تأيد كلام البنت بأن اخوها حجري !

تخيلوا رجل يدافع عن عرضة يصفونه بالحجري !


سبحان الله تبين اخوك ديوث !
تبينه يسمح لك تروحين مع فلان ومع علنتان

والله ان اخوك رجال ويسوى له قبيلة


اما انتي ما تعلمتي من اخطائك وتبين راينا بعد!
ما اقدر اقول الا الله يستر عليك , الظاهر انك بتتمادين الين ما يكفشك اخوك مره ثانية ويزوجك شايب !
وخلي عباطتك تنفعك ذيك الساعة

فيه ردود يتميلحون عليك ويميلون على الامور النفسية عشان يلخمونك انتبهي لا تطيرين في العجة

الله يكفينا شر ذا الزمن , اللي يدافع عن عرضه يطلع رجل حجري

قبلة على راس اخوك الرجل




فيه طرق كثيره للدفاع
مو بالحبس والمنع والتحقير والذل والضرب
اسلوبه مايحل المشكله بالعكس يزيدها سوء
3 سوات ماشافت الشارع pb036 مستوعب؟
انت جرب ماتطلع من البيت لمدة 3 ايام من البيت وشف وش راح تحس فيه .. ولو تسوي كذا بيكون بإختيارك ع الأقل مو احد مانعك بالقوه
حرمها من أبسط حقوقها اللي هو حقها انها تعيش
الله مايرضى باللي سواه






انا مستغربه من شغله
ليه ماتخلين ابوك يتدخل؟
ليش امك ماتدخل؟
ليش السلبيه :( يشوفونك ميته وانتي حيه وساكتين؟
معقول اخوك محد يقدر يحاكيه ويوقفه عند حده؟

[* ROSi *]

حسبي الله ونعم الوكيل على صديقات السوء 00

حاولي تكملين علاجك بالقران

واكثري من الاستغفار وادعي الله انه يفتح على قلبك ويرزقك السعاده والرضا :(

اخوك المشكله فيه مو فيك

الكل يغلط وكثير بنات يسوون اشياء افضع من اللي سويتيها واهلهم ينسون لهم ! حاولي تتجاهلين اخوك لاتفكرين فيه 00

وبعدين معليش يعني اخوك مو شقيقك بأي حق يمنعك من الدراسه !

حتى لو شقيقي مافيه اي شي بالدنيا يعطيه حق انه يمنعني من حق من حقوقي!

وانتي تتحسرين على نفسك وانك ماتطلعين لمطاعم ولا كوفي ولا تسافرين 00 طيب كثير من حالتك مايطلعون ولا شي وهم اساسا حتى ماسوووا شي ولا غلطوا !

يعني لاتضيقين صدرك عشان طلعه لمطعم ولا سوق

الله يوفقك ويستر عليك وعلينا ويبعد عنا بنات الحرام00

[MelOdy]

.. ..

مساكم رضى pb189


اولاً : الله يطمن بالك ويهدي سرك
وجهة نظري ماهي بصفك وأعتذر منك لو شفتي فيها قسوة لأنه بجد تأكدي مايهمني ازعجك
لكن الحقيقة توجع ،.. عذري مقدم bp039


بالبداية لازم تعرفين وحدك مسؤولة عن كل اللي صار ،.. كوني شجاعة واعترفي بهذا الشي
لاالجامعة ولاصحباتك ولا اخوك ولا اهلك هم سبب مشكلتك
للأسف المشكلة هي بشخصك

دخلت الجامعه وعمري 18 سنه وياليتني ماخشيتها
اقسم بجلال الله
إني اعض اصابع الندم الى هاللحظه
كانت عباتي على راسي واقولها وكلي اسى إن العبايه على الراس كانت بالنسبه لي عاده وليست عباده
يعني لو كان الوازع الديني قوي عندي كان ماصار اللي صار
على إني كنت محافظه على صلاتي وعلى الوتر والنوافل وكنت اتصدق كثير وباره في اهلي بس برضو كان القصور فيني
ماكنت اعرف التلفون السوا كان معي تلفوني العام بس
تعرفت على قروب سيء جدااا
كانو يدخنو وياجرو سياره تطلعهم من الجامعه من دون علم اهليهم وكانو يتمشو الصبح بكل مطعم وكل شارع
جابولي سوا وشتريت جهاز لي من دون علم اهلي


اولاً ماهو عذر انه سبب انحرافك دخولك الجامعة ،.. الجامعة مكان مثل اي مكان اخر فيه الصالح والفاسد
والطيور على اشكالها تقع :rolleyes:
ثانياً الجامعة في بلدنا ماهي مختلطة وانظمتها جداً شديدة وماتناسب بنات يفترض انهم راشدات وعاقلات وواعيات لتصرفاتهم
فكيف طيب لو كنتي في بعثة لجامعة بالخارج من غير انظمة وفي بلد منفتح ؟
يعني بتصيرين اي شي يسوونه تسوينه :confused:
لازم تفهمين انه لا الأماكن ولا الاشخاص قادرين يأثرون علينا لو كان عندنا ايمان بمبادئنا واحترام حقيقي لأنفسنا ولأهلنا
شخصياً اول مادخلت الجامعة كنت اجتمع مع شلة بنات وتقريباً بشكل يومي ولمدة ساعه وتوصل الى ساعتين ومع انه اسلوب حياتي اكثر انفتاح من الاخرين الا انه بعد سنتين وبالتلميح فهمت من اقرب صحباتي انه اكثر من بنت بالشله لهم علاقات وانا الوحيدة اللي ماتدري لأنه مايتجرؤون يحكون قدامي بهالشيء
وش معنى وحدي اللي ماتجرؤوا عليها ؟ !
لأنه البنات ذكيات جداً وفهموا من كلامي ومواقفي الجدية من هالمواضيع انه مايناسبني اسمع عن علاقتهم ولاهم قادرين يأثرون فيني وعارفين كيف بتكون نظرتي لهم


فشوفي انه صاحباتك انتِ اللي سمحتي لهم وبرغبتك وحطي تحت رغبتك عشرة خطوط انهم ياخذونك عالمهم
فالأن بلاش ترمين اللوم عليهم ولومي نفسك لأنها غلطتك لحالك


ثانياً : حكيتي كيف كان التزامك بعباية الراس وبالعبادات وطبعاً انكشف من اول مطب واجهك بحياتك انه التزامك الداخلي صفر :rolleyes:
وعموماً المفروض الانسان مايتكل على اي شي يقوم فيه ولايشوف بنفسه انه فوق الشبهات لأنه محافظ من وجهة نظره او وجهة نظر المجتمع اللي يعيشه
لازم الواحد يكون اتكاله على الله وحده انه يحفظه ويحميه من الفتن والاخطاء وكل ما أعجبه من نفسه شي من اخلاق او دين مايغتر فيه ويدعي:
ربي لاتكلني الى نفسي طرفة عين وأصلح لي شأني كله
ربي لاتكلني لنفسي فأعجز ولا الى الناس فأضيع
ربي ابرأ من حولي وقوتي والجأ الى حولك وقوتك
ربي احفظني بحفظك وقني مصارع السوء واسترني بسترك الجميل الذي سترت به نفسك فلا تراك الأعين


كنت مغتره كثير في نفسي وفي جمالي
كانت متعتي اعلق الناس فيني واتركهم يذقون الموت بعدي

بصراحة انتِ مضخمة ذاتك وبالعامي سوري لو ضايقك ( ماخذة مقلب بنفسك )
يمكن لأنه مالقيتي الاهتمام بذاتك في عيلتك ومجتمعك او يمكن تحسين انه انتِ تستحقين اهتمام اكثر لأنه من وجهة نظرك انك اجمل من الشي اللي يشوفونه فيك
لذلك الاهتمام لقيتيه عند العالم الضايعه وشي طبيعي بتلاقيه مو شرط لجمالك لأنه هناك كل شي يمشي وينتسلى فيه
وصدقيني انه اوهام وتخيلات انه العالم تتعلق فيك وعلى قولتك تذوق الموت بعدك
ترى المفروض الان انك نضحتي وعرفتي انها احلام مراهقة وبالأخير ماحد اكلها غيرك والعالم مشت بحياتها ماجابوا خبرك :rolleyes:
ولاحظت كثير تركزين على سالفة جمالك ونصيحتي لك لاتخلين الجمال هو المعيار لشخصك اولاً لأنه مو شرط الاخرين يشوفونه فيك بالدرجة اللي تشوفينها بنفسك
وثانياً المفروض يكون تقييمك لشخصك وتقييم الاخرين له يكون بأشياء اعمق من مجرد شكل لأنه انتِ انسانة لها كيان ماأنتِ دمية :sm4:


كنت اكشف بكل مكان من دون علم اهلي
كنت اتلذذ لما اشوف الكل يتغزل فيني

شفتي كيف بان هنا ان فيه خلل بسلوكك وتقييمك لذاتك
بذمتك فيه بنت محترمة تحكي انها تتلذذ الكل يتغزل فيها ؟!!!!
ويكون بعلمك ترى ماكان سبب التغزل فيك انك ماتغطين او بسبب جمالك
كان سلوكك والعالم اللي تمشين معاها وسلوكهم هو اللي خلى اللي يسوى واللي مايسوى يتجرأ عليكم
ولا بنات كثير محجبات من غير غطاء وماينقصهم جمال بما انه تهمك هالنقطه الا انه حتى اللي مايحترم حاله يجبرونه يحترمهم بسلوكهم المستقيم :rolleyes:


اخذ مني جوالاتي
حرمني من الطلعات
حرمني من التلفزيون
حرمني من كل شي
بس كنت عايشه اتنفس

ردة فعل طبيعة ،.. طبعاً من غير الضرب اللي شخصياً انا ضده اي كانت المشكلة
لكن الحرمان والمقاطعة من حقهم وكان المفروض تعرفين انك تعيشين بوسط عايلة انتِ مجبرة تمشين على نظامهم وتحترمين قواعدهم والا من حقهم يحرمونك من اي شي هم موفرينه لك

تمنيته بس عطاني فرصه فرصه وحييييييييده
تمنيت انه دمح لي زلتي لصغر سني

اكيدة ربي عطاك فرص كثير بس ماتبتي
سبحانه مايكشف عبده من اول مره
وبعدين شوفي كيف انك من صار لك فرصة انك تنحرفين ماترددتي كثير
وبعد كل ماصار لك ولافيه اي خوف انك تنكشفين مره ثانية
يعني واضح مره انك خلال هالثلاث سنين راجعتي نفسك وفكرتي بغلطتك وانكشفت لك اوهامك ونضجتي
بجد انا نفسي افهم انتِ وش تفكرين فيه :confused:


كل هالاشياء سببه هو تماديت لانه حرمني دراستي حرمني الثقه في نفسي
كنت اتظاهر للكل بهيبتي وانا من جواتي مكسوووووووووره
انسان حجري جداااا على انه مافي دوله بالعالم مالفها بس كل سفره يرجع منها
يزيد كبته وتحجره علينا

اخوك ماعليه لوم
اللوم كله كله كله عليك انتِ وبس
وبعدين ليه مايسافر ؟ .. برأيك يعاقب نفسه معاك ؟ ... ولا واجبه يجلس يراقبك :confused:
وبرضو واضح انه الكبت من كلامك موجه لشخصك بس مو للعائلة كلها وفهمك كفاية ليه انتِ بس مقصوده
وصراحه اخوك جنتل مان ( من غير مايمد يده عليه ) ،. مازال هو بشخصه يوفر لك مصروف شهري وموبايل خاص فيك وهالاشياء ماعدتي تستحقينها لأنه بتصرفاتك خيبتي امله فيك

لكن شخصياً اشوف افضل لو انه حرمك هالاشياء الى ماتوفرينه لك بنفسك،.. واهتم بدراستك اللي من خلالها تقدرين تثبتين له التزامك من اجتهادك فيها ويتطمن عليك انه صار بحياتك شي تنجزينه


ماتعبت مرررررره وكل تحاليلي سليمه
قالو اعمامي لبوي يعرضني على مشايخ
وعرضني
وكانت الطامه الكبرى
بنتك مسحوره
انا وقتها كان احساسي تبلد وماكنت مهتمه
عرضوني على الثالث وبرضو نفس الحكي
وقتها قررت اعالج بالقران
بس تعبت
كنت احس بضيقه
كنت لما اقرا القران والصور المطلوب قرايته اعجزت اكملها ونام
كنت ابكي كثيييييييييير

شي طبيعي انه الواحد اذا مر وقت وهو ماعنده شي او عمل ينجزه والعالم تمشي وهو واقف مكانه وغير كذا عنده مشاكل أخلاقية انه ينهار ويتوهم المرض وفعلاً يحس أنه يتألم
الحاله النفسية تأثر كثير على الصحه وبس الواحد يبدا يصدق ويستسلم الى انه فيه عين او سحر يكون صعب يطلع من هالدوامة اللي حط نفسه فيها
اعرفي انه مافيك الا انه نفسيتك متأثرة من ظروفك ومتى ماتعدلت هالظروف بتتغيرين وترجعين احسن من اول


الأن حطي لك اهداف منطقية ورتبيها بالأولوية واسعي لها
لاتشتتين نفسك وتفكرين بأشياء ثانوية يحبطك ويغضبك انك محرومة منها ،.. العالم تسافر وانا ماسافر ، البنات لهم صاحبات وانا مالي صاحبات ، عباية راس ولا عباية كتف
ركزي الأن على حرمانك من الهدف الرئيسي وهو دراستك واستذبحي حتى تحققينه وتحصلين عليه
تكلمي مع اهلك عن رغبتك بالدراسة ، اعرضي الانتساب والجامعة المفتوحة كخيار ، دوري دراسة عن طريق النت او المراسلة ، احكي بهالموضوع بكل وقت حتى يتأكدون انها رغبة ملحة عندك
ارفضي الطلعات والظهور لو جاكم احد ووفري لك كتب وسيديات تعليمية وخلي كل وقتك عليها وفهميهم انك ماترضين تشوفين العالم تكبر وتمشي بحياتها وانتِ مكانك واذا هم قادرين يحرمونك التعليم ماحد يقدر يوقف بوجهك انك تطورين من ذاتك
مو انتِ عنيدة ؟
هنا استخدمي عنادك pb058




الهدف الثاني انه اخوك يتغير موقفه تجاهك
مو شرط تكسبينه بس المهم مايكون ضدك :sm4:
وهنا غباء تعاندينه او تنتظرين منه لين جانب لك
اعترفي أنه الغلط غلطك وانتِ قد انك تتحملين نتائج هالغلط ومنها رضاك بتقييد اخوك لتصرفاتك
ومن غير ماتناقشينه او تتذمرين من أي امر منه اي شي يقوله ردي : سم وأبشر
وكل ماتشوفينه سلمي على راسه وأسألي عن احواله بشكل يحسسه انك مسامحته وانك ماتحقدين عليه او همك تعاندينه
وهو موجود حطي على نفسك واجلسي معاه الى مايروح ، استحدثي حاجات وكلميه اطلبي منه يساعدك فيها ،.. بما انه يرفض سفرك اي مكان اعرضي عليه ياخذك للعمرة انتِ وهو لوحدكم
وهذي التصرفات خليك مثابرة عليها ولايضايقك اول ردات فعل منه او تستفزك بحيث تفقدين اعصابك وتتكلمين او تتصرفين بشكل متهور مايخدمك ومثل ماقلنا الان المهم هو مصلحتك




خلاص الان عرفتي انه كل طرقك السابقة للتأقلم مع الوضع المفروض عليك اثبتت بعد سنوات ان مالها جدوى
لازم تغيرين طريقتك وتواجهين اهلك واخوك بدل تحاشيك لهم وبشكل يحقق اهدافك
وطبعاً ماتنسين القرب من الله والاستغفار والدعاء وسبحانه قال : ( إن بعد العسر يسرا )bp039



.. ..

[الضمير المستريح]

اللي زرعته بكف يدك جنيته
درب الشقى آخرته اللي لقيته
وشلون يرضى وانت بتهد بيته
العرض ما هو شي للبيع والسوم




ما كان وده يجرحك لكن الحال
خلاه يقسى معك في بعض الاحوال
سلمت نفسك ليه للقيل والقال
لا لا تظيلم ما انت والله مظلوم




هذا وهو زعلان يعطيك مصروف
ابوك حي, واخوك ما هوب مكلوف
يا طيب عينه لو دخل قلبه الخوف
( قال المثل فالناس معطى ومحروم )




بعض الردود تقول لك لا تجرّد
وانا معاهم قبل لا لا تشرّد
طنش نصايح من يقولّك تمرّد
هذا اخوك اللي يعزك من اللوم




في خاطري تبدا حياة جديده
وتروح لمه اللحين وتبوس ايده
حتى ولو كانت ظروفة شديده
مفروض تبدا اليوم اليوم اليوم



حاول تكفر عن ذنوبك فالايام
تقدر تصدق للفقارى والايتام
قم انفض غبار الوساوس والاوهام
ليتك تقضي بعض الاوقات بالصوم


انا اعتذر لا كان خاطرك زعلان
واقرّ بأني يوم رديت غلطان
الهرج بالماضي يقولون نقصان
في وقت ردي كنت من البعض مكلوم



يوم اني اقسى كنت والله مقهور
يومك خذلت اللي جعل دنيتك نور
على بنات الخلق مانيب مجبور
لكنّ حال اخوك فزاع للنوم

[،‘ إنتقائيه..!]

شوفي يا حبيبي
.. ماراح أجاملك وأطبطب عليك أنا أحكي معاك بعقل ..

أول شيء .. ياليت تخافين من الله لاتخافين من خلق الله ..
يعني تقوي علاقتك بالله .. الصلاه .. الإستغفار .. قراءة القرآن..


يمكن تعاطفت معاك شوي ببعض الأشياء ..!
بس بجد أنتي مو راحمة نفسك من أفعالك ..
طيب ليش متساهله أنك تحكي مع شاب ..؟
ليش شايفته عادي وأنو أفضفض ..
يعني بالبدايه أنكويتي وتقولي شلة فاسدة وماني عارفه مين ..
هالحين وحدة بس عطتك رقم وأنتي يلا طرتي بالعجه مافيه مشكله ..
أخوك من حقه يدافع عنك إذا كنتي أنتي عملتي كل هالأشياء اللي ذكرتيها ..
معليش من حقه يحاسبك .. عرضه .. شرفه ..
تقولين ندمانه ..!
ماأشوف ولا لمست منك ندم والدليل أنك أول فرصه مافوتيها لجأتي
ورجعتي للمكالمات ..
مدري ليش حسيتك من النوع اللي يعلق الغلط اللي يعمله بغيره ..
يعني أول قلتي شله بنات فسقانات .. إلخ
والمرة الثانيه تبين أحد يسمع لك وأنو البنت عطتك الرقم ..
طيب بعد هالحكي كله ..
وشلون تبين أخوك يثق فيك أنتي فكري من نفسك لنفسك ..؟
شوفي لحالك حل ..
وبعدين أخوك أتوقع مو وحش كاسر عادي يعني أعزميه بمكان وأحكي له أنو
تبين تكملين دراستك .. تبين تعيشين .. تبين ثقته .. تبينه صديق وأخ لك ..
فضفضي لأخوك .. مو لغيره ..!
لاتعملين الغلط وتقولين مظلومه أنتي ظالمه بحق نفسك قبل ماتكونين ظالمه بحق غيرك
ماراح أجاملك وأطبطب عليك أنا أحكي معاك بعقل ..

بالأخير .. الله يهديك ويسعدك ..

[أبو فاعل خير]

معليش سامحيني على الصراحه بس بقولك اللي في قلبي pb093
انتي انسانه منحرفه بطبعك وانحرافك ليس ردة فعل وعندك حرية غير طبيعيه وقسما بالله ماتوفرت لي ربع حريتك هذي الا وأنا في رابع جامعه مع اني رجال !!!
تخرجين للمطاعم والمقاهي وعندك رسيفر ونت في غرفتك وتسمين نفسك مكبوته اجل وش خليتي لاهل الحريه

عالعموم انتي من النوع اللي منحرف ونصاب تبي تسوين نفسك ودك تتوبين ونا في داخلي صراع مع ضميري مع انك لاتملكين الضمير والدليل انك على طول ماعندك ممانعه تكلمين صاحب صديقتك من اول لقاء لك معها بعد ضرب اخوك لك

عالعموم
انتي من النوع اللي ماله حل ومن النوع اللي يشعر بنقص الجمال ويفتش ويقول انا جميله وماني عارف وشهو واللي خطبوني اكثر من طابور المقصف والخزعبلات هذي دايمن اسمعها من اللي نفس طبيعتك pb071

[Elite]

أتفق مع كلام ميلودي
هي الوحيده اللي قالت اللي بخاطري,

عزيزتي,
لازم تفهمين ان اخوك ردة فعله طبيعية جدا لتصرفك الـ لامسئول ,
يعني انتي انبسطتي كنتي تستمتعين بخيانة اهلك وتتلذذين بعرض نفسك كسلعة "رخيصة" وتتحرين الفرص للـ القيام باقبح مافي الوجود واللي لايقبله دين ولا عرف ولا منطق..
وتبين هالشي يمر بدون عقاب؟ بدون ماتدفعين الثمن ؟
these are the rules !
دخلنا جامعه , عرفنا انواع من البشر
تهيأت لنا فرص كثيرة للخراب لكن هنا يجي مكان العقل, مكان الوازع, مكان الاخلاق, مكان الاهم وهو الخوف من رب فوقنا جميعا عقابه امرّ مليون مره من عقاب اخوك "الشكلي"

ابيك تسألين نفسك هـ السؤال بصدق؟
لو تتهيألك الفرصة وتكونين على كيفك وبكامل "حريتك" زي ماتقولين بـ أمانه؟ مارح ترجعين لنفس الطريق؟

أحيان نحتاج الى الآخرين عشان يحموننا من شرور انفسنا اذا ماعدنا نقدر نسيطر عليها
الله يهديك وييسر لك مافيه الخير

[سحر المعاني]

أهـلا أختي ..
أولا اسأل الله العظيم رب العرش الكريم أن يفرّج ما فيك من الهم و الغم و أن يردك إليه ردا جميلا ..
أنتِ أخطأتِ في حق الله تعالى بخروجك مع رفيقات السوء لنزهات مشبوهة و هذا ذنب حدث و كلنا نذنب و ما فات فات و المهم ما هو آت .. عليك بالتوبة و الاستغفار و الإنابة إلى الحليم الرحيم و عليك أن تتوبي إليه توبة نصوح لأن هذه التوبة هي الحل الأول لجميع مشاكلك ..
كنتُ دائما أؤمن بأن أفضل طريقة للخروج من المتاعب هي باللجوء إلى الله سبحانه و تعالى فعليك بهذا الأمر فهو الله الوحيد القادر على تفريج ما بك من الضيق و الكرب ..
بالنسبة لمسألة " السحر " فلا أدري حقيقة صحتها من عدمها .. لكن نصيحة من أخوك المسلم لا تستسلمي لهذه النتيجة و عيشي دنياك و كأنك ( لستِ ) مسحورة العلاج النفسي هنا مهم جدا .. يكفيك قراءة سورة البقرة كل يوم و قراءة الأذكار الشرعية و البعد عن المحرمات و مواصلة حياتك بشكل طبيعي و بإذن الله ستجدين نفسك أبعد ما يكون عن السحر ..
بالنسبة لأخآك فأنا في الحقيقة لا أعلم أيّ أخٍ هذا .. لا أحرّضك عليه لكنه أغاظني و كأنه يرى القسوة و الحرمان هي الحل الوحيد ..
إن علاج هذه المشكلة يكون بالنظر إلى سبب المشكلة .. أخوك يخشى عليك عودتك إلى مهاتفة الشباب و رفقة السيئآت .. و لهذا السبب لا يريد منك الخروج من المنزل أبدا أبدا .. و الحل أراه هنا يكون بالتدريج .. مثلا أن تطلبي من أخاك أن تذهبي إلى دار تحفيظ قرآن و أن يقوم هو بإيصالك بنفسه حتى لا يسيء الظن و بإذن الله سوف يوافق إن أبديت النيّة الحسنة في حفظ القرآن الكريم .. بعد ذلك بمدة و عندما يكتسب أخاك منك بعض الثقة استعطفيه و استدرجيه بالأحاديث شيئا فشيئا حتى يلين لك .. و هو أيضا إن رأى أن إيمانك العظيم قد بدا ساطعا في وجنتيك فسوف يغيّر من معاملته بكل تأكيد ..
أيضا .. و بكل تأكيد .. أخوك يملك في المحيط العائلي أناس يستمع إليهم و يطيع ( شورهم ) .. حدّثي أحدهم في أن يساعدك في تخفيف معاملة أخوك الجافة تجاهك شيئا فشيئا
أتمنى لك كل سعادة في القريب العاجل و تذكري أن هذه الدنيا و إن عشنا بها تعساء فلنا موعد في دار بقاء في جنة عرضها كعرض الأرض و السماء

[الشيهانه*]

.. ..

مساكم رضى pb189


اولاً : الله يطمن بالك ويهدي سرك
وجهة نظري ماهي بصفك وأعتذر منك لو شفتي فيها قسوة لأنه بجد تأكدي مايهمني ازعجك
لكن الحقيقة توجع ،.. عذري مقدم bp039


بالبداية لازم تعرفين وحدك مسؤولة عن كل اللي صار ،.. كوني شجاعة واعترفي بهذا الشي
لاالجامعة ولاصحباتك ولا اخوك ولا اهلك هم سبب مشكلتك
للأسف المشكلة هي بشخصك




اولاً ماهو عذر انه سبب انحرافك دخولك الجامعة ،.. الجامعة مكان مثل اي مكان اخر فيه الصالح والفاسد
والطيور على اشكالها تقع :rolleyes:
ثانياً الجامعة في بلدنا ماهي مختلطة وانظمتها جداً شديدة وماتناسب بنات يفترض انهم راشدات وعاقلات وواعيات لتصرفاتهم
فكيف طيب لو كنتي في بعثة لجامعة بالخارج من غير انظمة وفي بلد منفتح ؟
يعني بتصيرين اي شي يسوونه تسوينه :confused:
لازم تفهمين انه لا الأماكن ولا الاشخاص قادرين يأثرون علينا لو كان عندنا ايمان بمبادئنا واحترام حقيقي لأنفسنا ولأهلنا
شخصياً اول مادخلت الجامعة كنت اجتمع مع شلة بنات وتقريباً بشكل يومي ولمدة ساعه وتوصل الى ساعتين ومع انه اسلوب حياتي اكثر انفتاح من الاخرين الا انه بعد سنتين وبالتلميح فهمت من اقرب صحباتي انه اكثر من بنت بالشله لهم علاقات وانا الوحيدة اللي ماتدري لأنه مايتجرؤون يحكون قدامي بهالشيء
وش معنى وحدي اللي ماتجرؤوا عليها ؟ !
لأنه البنات ذكيات جداً وفهموا من كلامي ومواقفي الجدية من هالمواضيع انه مايناسبني اسمع عن علاقتهم ولاهم قادرين يأثرون فيني وعارفين كيف بتكون نظرتي لهم


فشوفي انه صاحباتك انتِ اللي سمحتي لهم وبرغبتك وحطي تحت رغبتك عشرة خطوط انهم ياخذونك عالمهم
فالأن بلاش ترمين اللوم عليهم ولومي نفسك لأنها غلطتك لحالك


ثانياً : حكيتي كيف كان التزامك بعباية الراس وبالعبادات وطبعاً انكشف من اول مطب واجهك بحياتك انه التزامك الداخلي صفر :rolleyes:
وعموماً المفروض الانسان مايتكل على اي شي يقوم فيه ولايشوف بنفسه انه فوق الشبهات لأنه محافظ من وجهة نظره او وجهة نظر المجتمع اللي يعيشه
لازم الواحد يكون اتكاله على الله وحده انه يحفظه ويحميه من الفتن والاخطاء وكل ما أعجبه من نفسه شي من اخلاق او دين مايغتر فيه ويدعي:
ربي لاتكلني الى نفسي طرفة عين وأصلح لي شأني كله
ربي لاتكلني لنفسي فأعجز ولا الى الناس فأضيع
ربي ابرأ من حولي وقوتي والجأ الى حولك وقوتك
ربي احفظني بحفظك وقني مصارع السوء واسترني بسترك الجميل الذي سترت به نفسك فلا تراك الأعين




بصراحة انتِ مضخمة ذاتك وبالعامي سوري لو ضايقك ( ماخذة مقلب بنفسك )
يمكن لأنه مالقيتي الاهتمام بذاتك في عيلتك ومجتمعك او يمكن تحسين انه انتِ تستحقين اهتمام اكثر لأنه من وجهة نظرك انك اجمل من الشي اللي يشوفونه فيك
لذلك الاهتمام لقيتيه عند العالم الضايعه وشي طبيعي بتلاقيه مو شرط لجمالك لأنه هناك كل شي يمشي وينتسلى فيه
وصدقيني انه اوهام وتخيلات انه العالم تتعلق فيك وعلى قولتك تذوق الموت بعدك
ترى المفروض الان انك نضحتي وعرفتي انها احلام مراهقة وبالأخير ماحد اكلها غيرك والعالم مشت بحياتها ماجابوا خبرك :rolleyes:
ولاحظت كثير تركزين على سالفة جمالك ونصيحتي لك لاتخلين الجمال هو المعيار لشخصك اولاً لأنه مو شرط الاخرين يشوفونه فيك بالدرجة اللي تشوفينها بنفسك
وثانياً المفروض يكون تقييمك لشخصك وتقييم الاخرين له يكون بأشياء اعمق من مجرد شكل لأنه انتِ انسانة لها كيان ماأنتِ دمية :sm4:




شفتي كيف بان هنا ان فيه خلل بسلوكك وتقييمك لذاتك
بذمتك فيه بنت محترمة تحكي انها تتلذذ الكل يتغزل فيها ؟!!!!
ويكون بعلمك ترى ماكان سبب التغزل فيك انك ماتغطين او بسبب جمالك
كان سلوكك والعالم اللي تمشين معاها وسلوكهم هو اللي خلى اللي يسوى واللي مايسوى يتجرأ عليكم
ولا بنات كثير محجبات من غير غطاء وماينقصهم جمال بما انه تهمك هالنقطه الا انه حتى اللي مايحترم حاله يجبرونه يحترمهم بسلوكهم المستقيم :rolleyes:




ردة فعل طبيعة ،.. طبعاً من غير الضرب اللي شخصياً انا ضده اي كانت المشكلة
لكن الحرمان والمقاطعة من حقهم وكان المفروض تعرفين انك تعيشين بوسط عايلة انتِ مجبرة تمشين على نظامهم وتحترمين قواعدهم والا من حقهم يحرمونك من اي شي هم موفرينه لك



اكيدة ربي عطاك فرص كثير بس ماتبتي
سبحانه مايكشف عبده من اول مره
وبعدين شوفي كيف انك من صار لك فرصة انك تنحرفين ماترددتي كثير
وبعد كل ماصار لك ولافيه اي خوف انك تنكشفين مره ثانية
يعني واضح مره انك خلال هالثلاث سنين راجعتي نفسك وفكرتي بغلطتك وانكشفت لك اوهامك ونضجتي
بجد انا نفسي افهم انتِ وش تفكرين فيه :confused:




اخوك ماعليه لوم
اللوم كله كله كله عليك انتِ وبس
وبعدين ليه مايسافر ؟ .. برأيك يعاقب نفسه معاك ؟ ... ولا واجبه يجلس يراقبك :confused:
وبرضو واضح انه الكبت من كلامك موجه لشخصك بس مو للعائلة كلها وفهمك كفاية ليه انتِ بس مقصوده
وصراحه اخوك جنتل مان ( من غير مايمد يده عليه ) ،. مازال هو بشخصه يوفر لك مصروف شهري وموبايل خاص فيك وهالاشياء ماعدتي تستحقينها لأنه بتصرفاتك خيبتي امله فيك

لكن شخصياً اشوف افضل لو انه حرمك هالاشياء الى ماتوفرينه لك بنفسك،.. واهتم بدراستك اللي من خلالها تقدرين تثبتين له التزامك من اجتهادك فيها ويتطمن عليك انه صار بحياتك شي تنجزينه




شي طبيعي انه الواحد اذا مر وقت وهو ماعنده شي او عمل ينجزه والعالم تمشي وهو واقف مكانه وغير كذا عنده مشاكل أخلاقية انه ينهار ويتوهم المرض وفعلاً يحس أنه يتألم
الحاله النفسية تأثر كثير على الصحه وبس الواحد يبدا يصدق ويستسلم الى انه فيه عين او سحر يكون صعب يطلع من هالدوامة اللي حط نفسه فيها
اعرفي انه مافيك الا انه نفسيتك متأثرة من ظروفك ومتى ماتعدلت هالظروف بتتغيرين وترجعين احسن من اول


الأن حطي لك اهداف منطقية ورتبيها بالأولوية واسعي لها
لاتشتتين نفسك وتفكرين بأشياء ثانوية يحبطك ويغضبك انك محرومة منها ،.. العالم تسافر وانا ماسافر ، البنات لهم صاحبات وانا مالي صاحبات ، عباية راس ولا عباية كتف
ركزي الأن على حرمانك من الهدف الرئيسي وهو دراستك واستذبحي حتى تحققينه وتحصلين عليه
تكلمي مع اهلك عن رغبتك بالدراسة ، اعرضي الانتساب والجامعة المفتوحة كخيار ، دوري دراسة عن طريق النت او المراسلة ، احكي بهالموضوع بكل وقت حتى يتأكدون انها رغبة ملحة عندك
ارفضي الطلعات والظهور لو جاكم احد ووفري لك كتب وسيديات تعليمية وخلي كل وقتك عليها وفهميهم انك ماترضين تشوفين العالم تكبر وتمشي بحياتها وانتِ مكانك واذا هم قادرين يحرمونك التعليم ماحد يقدر يوقف بوجهك انك تطورين من ذاتك
مو انتِ عنيدة ؟
هنا استخدمي عنادك pb058




الهدف الثاني انه اخوك يتغير موقفه تجاهك
مو شرط تكسبينه بس المهم مايكون ضدك :sm4:
وهنا غباء تعاندينه او تنتظرين منه لين جانب لك
اعترفي أنه الغلط غلطك وانتِ قد انك تتحملين نتائج هالغلط ومنها رضاك بتقييد اخوك لتصرفاتك
ومن غير ماتناقشينه او تتذمرين من أي امر منه اي شي يقوله ردي : سم وأبشر
وكل ماتشوفينه سلمي على راسه وأسألي عن احواله بشكل يحسسه انك مسامحته وانك ماتحقدين عليه او همك تعاندينه
وهو موجود حطي على نفسك واجلسي معاه الى مايروح ، استحدثي حاجات وكلميه اطلبي منه يساعدك فيها ،.. بما انه يرفض سفرك اي مكان اعرضي عليه ياخذك للعمرة انتِ وهو لوحدكم
وهذي التصرفات خليك مثابرة عليها ولايضايقك اول ردات فعل منه او تستفزك بحيث تفقدين اعصابك وتتكلمين او تتصرفين بشكل متهور مايخدمك ومثل ماقلنا الان المهم هو مصلحتك




خلاص الان عرفتي انه كل طرقك السابقة للتأقلم مع الوضع المفروض عليك اثبتت بعد سنوات ان مالها جدوى
لازم تغيرين طريقتك وتواجهين اهلك واخوك بدل تحاشيك لهم وبشكل يحقق اهدافك
وطبعاً ماتنسين القرب من الله والاستغفار والدعاء وسبحانه قال : ( إن بعد العسر يسرا )bp039



.. ..

نفس رأيي bp039
اول عالجي نفسك ... ومالوم اخوك ابدا pb093
انا الومك انتي ... يكفي اول مالقيتي فرصه رجعتي لطريقك الاول
يعني وكأنك تقولين مافهمت الدرس الاول ... :confused: تبين درس ثاني مثلا
انتي عندك مساحه من الحريه تقدرين تجمعين قوتك مثل السابق ... بس مشكلتك تنظرين الى توافهه الامور وتقولين ماعندي مثل فلانه وعلانه ولو فكرتي شوي فلانه اللي تقصدينها مامسكوها اهلها بالجرم
واحمدي ربك ان الله يسر لك ولد الحلال ولا كان جيتي او يمكن ماشفناك هنا اصلا
الله يهديك bp039

[نجمة شرق]

اختي اشكرك لثقتك في اخوانك واخواتك واحمدي ربك
انك ماوصلتي لدرجة انك تفقدي اشرف شي على البنت
اختي حلك في البداية وعشان الله يسخر لك اخوك
توبي توبة نصوح وتقربي لله والتحقي بمراكز تحفيظ
قران وان لم تستطيعي خلي ابوك يااتي بمدرسة قران
بالبيت ربي بيسخر لك اخوك والله بيفتح لك ابواب
رزق واستغفري الله مئة مره لاتكبري الموضوع
انصحي اخوتك الصغار لتكوني عبرة لهم وتوكلي
على الله ا ختي وتزوجي وصوني نفسك واستري على نفسك وادفني الماضي الله غفور رحيم بكرة ان شاء
الله تجيدين الزوج الصالح والاطفال وستكونين اروع
واجمل ام لانك مريتي بالتجربة اشغلي نفسك اختي
مع امك اخوك عامليه بكل لطف ولا تطلبي منه السماح
تناسي الموضوع جاء عندكم وجبيه وجبي زوجته
وعيالها اشتري لهم وتقربي لزوجته هي مفتاح اخوك
كلميها اهديها هذا الكلام الي عندي والله يستر عليك
ويوفقك يارب

[نملة فسفورية]

:eek::eek::eek::eek::eek::eek:

ياعمري الله يكون بعونك ويهون عليك مصيبتك ويحنن قلب اخوك عليك :sm1:
بس انتي كان المفروض تحسبي حساب ان احتمال اخوك يقفطك يعني وش تتوقعين من اخو قفط اخته تسوي كل هذا من وراه :eek: والله مهما كان طيب ومهما كان حنون ومهما ومهما اكيد بيسوي كيذا pb036 اخوي وش حليله معاي طيب لدرجة ماتتخيلينها بس والله لو كنت مكانك وشاف علي كل هالبلاوي بيسوي زي ماسوا اخوك واردى بعد pb093 ترى مافيه ولد يتحمل يشوف اخته كيذا حتى لو مر علاموضوع 3 سنوات انتي يمكن تكونين نسيتي بس هو استحاااااله يثق فيك ويخليك زي قبل :(
طبعاً أنا ماادافع عنه ابداً لا تفهميني غلط :sm4: بس ردة فعله متوقعة مو غريبة :(
وماادري كيف تبينه يعطيك فرصة ثانية وانتي للحين ماتبتي :eek: لسا تكلمين من وراه :eek: وجوال بعد ورقم من وراه :eek: ياربيييييه انتي تناقضين نفسك بصراحة تقولين تبت وبرجع زي ماكنت وبكون قد ثقته طيب شوفي انتي وش تسوين الحين من وراه :eek: pb093 وبعدين لاتقولين أنا بحاجة لأحد يسمعني وتبررين موقفك :sm4: يختي خلي وحده من بنات عمك تسمع لك صديقتك هذي اللي اعطتك الجوال خليها تسمع لك احكي لها pb036 اخواتك اي احد بهالدنيا خليه يسمع لك pb036 بس مو عن طريق المكالمات والعيال وماادري ايش ترى هالطريق ماوراه الا عوار الراس يعني لازم ولد اللي يسمع لك :rolleyes: لا تطيحين بهالفخ مرا ثانية افرضي اخوك قفطك مره ثانيه :eek: اتوقع هالمره حتى المستشفى مارح يخليك تروحين لها pb093
نصيحتي لك ياعزيزتي ادعي ربك ليل نهار وصومي وقومي الليل ترى ماخاب من رجاه pb189 واتركي عنك المكالمات وارمي الجوال اللي عندك وتخلصي من الشريحة .. اشكي لربك محد بهالدنيا عالم بحالك إلا هو سبحانه ..

الله ينور دربك ويحنن قلب اخوك عليك :sm1:

[* Lυŋα *]

السلآم .,
من رايي اشوف ان ردة فعل اخوك مبااااااااالغ فيها .. مادري يمكن انه من النوع الي غيرته شديده او عصبي .. لكن مو لدرجة انه حتى من بعد 3 سنوات ما نسى القصه ..! كل انسانه يغلط في حياته ومافيه انسان معصوم حتى الرسول عليه الصلاة والسلام اخطا .. لكن خطا عن خطا يفرق أكيـد

بس كمان انتي غلطانه .. تبين وظعك يتعدل ويرجع مثل اول .. وجالسه تكلمين واحد ومن ورا اهلك مره ثانيه !!




يعني ...

الخطأ من اخوك فاسلوبه وتعامله معك وطريقة معالجته للموظوع وللاسف اتوقع انه يشوف نفسه صح ..؟! لذلك مارجع وحاكاك او رجع علاقتكم فبعظ زي ماكانت ,
\
\
برظو انتي على خطأ فاللي جالسه تسوينه .. المفروظ تبتي وبطلتي حركات المراهقات والبنات الطايشين .. وفكرتي كيف ترجعين ثقة اخوك فيك وتحاولين تكسبينه ..

عمومن الله يهديك .

نصيحه اخيره .. حافظي على صلاتك , حافظي على صلاتك , حافظي على صلاتك

والسلام عليكم .,

[مايؤرقنا]

*


تعقيب من صاحبه المشكلة على ردودكم :

-


الله يفرج عن كل شخص سواء رد على موضوعي او دعالي بظهر الغيب
إن رب يفرج همه ويسخر له عبيده ..
اللي يقولي انتي ماصلحتي من نفسك وماعطيتي اخوك الثقه
اقوله حرام عليك وربي .. وش المطلوب مني عايشه 5سنين مو راضي ينسى الموقف
وثلاثه سنين بين اربع جداران ماابالغ ان قلتلكم ماكنت اشوف الشارع
لدرجة انه لما يبي يتاكد اني بالبيت مو طالعه
يتأفف مني وهو داخل علي بالغرفه ويطلع بدون مايسئلني عن حاجتي
بس كان يسلم ويسئلني عن حالي ويطلع
انتو مو حاسين بالحرقه اللي انا فيها
لاتقولون انتي ماتبتي عشان ربك توبتك كان لجل اخوك
لاتحطون شي بالذمه
بس انا بشر احتاج احد يسمعني انا ماشوف بنات غير بنات عمي
مستحيل احكيلهم الاقارب عمرهم مايرحمون
واذا على الصحبات انا مالي صحبات قطعهم عني كلهم ومتحلف فيني
لو اقرب لبنت برا العيله
البنت اللي مرتني مرتني عشان تعطيني تلفون لانها تخاف من اخوي
بعد ماتحلف فيهم انه يدمر لهم حياتهم
قالت لي الى هنا ومهمتي انتهت
انا انساااااااااااااااااااانه افهموني محتاجه احكي محتاجه ابكي محتاجه اصرخ
ادري اني بنعمه لاني اشوف وامشي واشرب وفي عافيه
بس الحياة تقهرررررررر دموع الحزن مرررررررره
وربي دموعي حاره من الحرقه اللي فيني
لاتقولون كلميه
هو ماهو راضي يطالع فيني اصلا
يخش يسلم ويبتسم بوجهي وبعدها مايلتفت لي
كل شي بنظره عيب ,, اتمنى يجي يقولي هذا حرام هذا حلال
كلامه كله عن عادات وتقاليد

انا ولله الحمد قريبه من ربي ,, بس انتم قاسين علي بردودكم
تستخفون بمشاعر غيركم !!
يعني انا ماحتاج شخص يسمعني ليش وصلني لهالمرحله
وربي اجلس بالايام ماحكي ماينطق لساني
الا لما اطلع مع بنات عمي
ياناس ياعالم خمس سنين ماهي كافيه يقدر وجودي يحترم كياني
يرجع ثقته لي
انا بحاجته والله بحاجة اخوي
لو مو بحاجته والله ماشكيت الحال
مو مشكله مابي اكمل دراستي مابي اطلع من البيت
بس والله ابيه هو كثييييييييير احتاج له جمبي
لاتقولون الوالد وينه
الوالد موجود بس وضعه الصحي مايسمح احكيله يالله شغله يقوم فيه
مابي اجني عليه باللي صارلي
مرت اخوي جداا طيبه بس صعب جدا احكيلها لانها بنت عمي
انا يالله نظرة اخوي قدرت اتعايش معها
مابي ادخل اطراف كثيره بالمشكله
محد راح يرحمني
والله ادري غلطت,, ادري اني جنيت على نفسي