عدسة او عدة استديو

[عمر ولد عزوز]

السلام عليكم



صبحكم الله بالخير


طبعا اليوم الجمعة والكل نايم بسريرة متغطي بالبطانية من البرد(وجة يناظر مراقب الوردية)




ندخل بالموضوع على طوول

انا في الحقيقة صار لي فترة وانا محتاس بالحيل
مرة اقول خذ عدسة
ومرة اقول خذ لك استديو اريح


العدسة اللي بالعين 17-55 واحيانا تطرلي 70-200.

اما الاستديو
فا مادري هل اخذ دي ليت او فيزتك 200 و400 عدةكاملة

ابي منكم الشور ؟؟ واذا تقترحون علي با أشياء نقبل منكم
يا هـلـي .
pb189
يعافيكم ربي

[P e r s o n]

وعليكم السلام ورحمة الله وبركاته
::
هلا بك ، عمر
::
يعتمد كثير عليك .. انت ما قارنت بين عدستين ، أو إضاءتين ، أو فلاشين .. أنت قارنت بين عدسة وإضاءة ولكل وحدة استخداماتها الخاصة .. ( مثل اللي يقول محتار بين سيارة أو شقة ) ...
::
برؤية العدة الموجودة عندك من عدسات ... وطبيعة الصور اللي تصورها في الغالب .. يمكن الأعضاء تسهل عليهم مساعدتك ..
بالإضافة للميزانية المقترحة ( لخطوة الشراء القادمة )
::
الله يوفقك

[عمر ولد عزوز]

شاكر لك اخوي بيرسون على المبادرة

يعتمد كثير عليك .. انت ما قارنت بين عدستين ، أو إضاءتين ، أو فلاشين .. أنت قارنت بين عدسة وإضاءة ولكل وحدة استخداماتها الخاصة .. ( مثل اللي يقول محتار بين سيارة أو شقة ) ...


انا معك انوفيه فرق شاسع , والميزانية بقيمه 70-200

يعني الى السبعة .
شاكر للطفك وتعاونك معي

[P e r s o n]

هلا بك عمر ..
عرفنا الميزانية ،
بحدود السبعة آلاف ، ممكن تحصل على عدسة وممكن تحصل على مجموعة عدسات ، وممكن تحصل على عدسة وعدة ومصغرة كـ أستوديو
::
وش تفكر فيه في الخطوة القادمة لك من التصوير ،
ناوي تدخل مجال الوايلد لايف ، أو التصوير الرياضي ، أو تصوير in studio ، بتحديدك أكثر ان شاء الله تحصل على خيارت أكثر دقة
::

[عمر ولد عزوز]

هلا بك عمر ..

وش تفكر فيه في الخطوة القادمة لك من التصوير ،
ناوي تدخل مجال الوايلد لايف ، أو التصوير الرياضي ، أو تصوير in studio ، بتحديدك أكثر ان شاء الله تحصل على خيارت أكثر دقة
::

الله يعطيك العافية بيرسون

مجال الستيل لايف اكثر شي وبعدها البورتريهات .

[أكينو]

ممكن اقلط؟ pb094
مرة اقول خذ عدسة
ومرة اقول خذ لك استديو اريح
العدسه واعرفها .. بس وشلون استديوpb036

[R I A N]

الاستديو يا أكينو

طقم اضاءه يعني سوفت بوكسز وامبريلا وغيرها مع خلفيات وكذا يعني :d

[P e r s o n]

عمر ،
من مجالك واهتمامك اللي ذكرت


مجال الستيل لايف اكثر شي وبعدها البورتريهات .


عدة الاستوديو افضل لك

[أكينو]

اهلن ريآن
يسلموو ع الردpb189
ايه فاهمه وشو الاستديو
بس استغربت مقارنته بالعدسه
يعني اللي اتصوره انو الصوره بتفرق من عدسه لعدسه
مو من استديو لعدسه .. صح؟ pb036

طبعآ هالفلسفه على حد معرفتي المتواضعه بالتصوير .. وماادري اذا صح او لا:$

[عمر ولد عزوز]

اكينو

ريان


ليتكم من زمان قالطين pb192


اما بيرسون صار راعي بيت
الله يعطيكم العافية

.......
طيب اخوي بيرسون

ماركات الاستديو كثيره بس اللي اعرف عندنا
فيزتك
والدي لايت
والمالتي بليز
سؤالي هنا ايهم الاجود مع العلم ان الفيزتك كان سويسري ان ماخانني الذاكرة والحين يجي صيني.

:::::

حبيت اذا تسمح اضيف نقطة اذا عنك او عند احد خلفية
...1...
عندي غرفة خام مررة بصيغة Raw pb027

تقريبا مساحتها 6*4.5
اللي ابي اعرفه.
الارضية سراميك ,وكذا اضطراني احط عليها موكيت عشان الانعكاسات
صحيح اعتقادي ؟

...2...
الجداران
البوية المناسبة للغرفة تكون مطفيه ولا مسطعة ؟

واي لون غامق او فاتح برضو.

الله يعطيك العافية بيرسون :)

[Faisal .O]

هلا والله عمر

الصراحه من مستخدمي الدي لايت ومرتاح له بالحيل

لكن المالتي بليز لا يعلى عليه يعني اذا الميزانيه مضبوطه لا تبعد عنه
---------------
بالنسبه لغرفتك Raw :D

بقولك رأيي ... واحد متعقد من جدران بيتهم :(


خذ لك لون مطفي ... وغامق ... واعتمد على العواكس بحيث توزعها وتحطها بأي مكان تبي


اتمنى اكون افدتك

اخوك فيصل : )

[P e r s o n]

هلا بك ،
كلام فيصل سليم
::
الجدارن المطفيه أفضل بكثيــر من الجدران ذات لمعة
::
وبالنسبة للأرضية ، فما أعتقد انها ذات أهمية كبيرة ،
::
للأسف ماركات الإضاءات مالي خبرة فيها ،

[شط الكحل]

مرحبا
ممكن اقلط؟
اذا كانت الارضيه لامعه .... فمعناته احتمال الانعكاسات بتكون كثير ه
لذلك الافضل تكون مفروشه او بارضيه مطفيه
الجدران .... هذا يعتمد على حجم الغرفه ... وارتفاع السقف ....
دائما اللون الاغمق ... افضل من الفاتح ... بس خلي بالك من النوافذ ... لذلك اذا فيه نوافذ كثير
يبي لك تحط هالشي في الحسبان ( مع انك اساسا راح تغطيها وقت التصوير )
وبالنسبه للاضاءه .... انا افضل الفيزتك ... مقارنة بالملتيبلتز .... نتائجه افضل ( رأي شخصي )
....
بالتوفيق

[R I A N]

أكينو

الاضاءه تفرق كثير بالصور لكن عمر محتار بين انه يشتري عدسة قيمتها بقيمة استديو في الحاله هذي مثل ماقال بيرسون يرجع لميول الشخص نفسه اذا كانت العدسة يحتاجها بشده ياخذها واذا كان اغلب تصويره داخل الاستديو ياخذ عده استيدو افضل


عمر

بالنسبه لبوية الجدران غالبا ينصحون باللون الرصاصي او الرمادي بدرجه معقوله مايكون غامق مره ولا فاتح مره ويكون مطفي موب لامع

بالتوفيق

[أكينو]

ومنكم نستفيد:$
يعطيك العافيه ريآن ع التوضيحpb189

[عمر ولد عزوز]

هلا والله عمر

الصراحه من مستخدمي الدي لايت ومرتاح له بالحيل

لكن المالتي بليز لا يعلى عليه يعني اذا الميزانيه مضبوطه لا تبعد عنه
---------------
بالنسبه لغرفتك Raw :D

بقولك رأيي ... واحد متعقد من جدران بيتهم :(


خذ لك لون مطفي ... وغامق ... واعتمد على العواكس بحيث توزعها وتحطها بأي مكان تبي


اتمنى اكون افدتك

اخوك فيصل : )

هلا بك اخوي فصفص <<يمون
المالتي بليز والدي لايت طيب لها قطع غيار عندنا

بقولك رأيي ... واحد متعقد من جدران بيتهم :(

أجل عندنا وعندك خير:D ,وش نسوي بذواق ابهتنا الله يخليهم لنا


اللون الغامق :rolleyes:

يعافيك ربي فيصل


::::::::::::::::::::::::::::::::::::::::::::


هلا بك ،
كلام فيصل سليم
::
الجدارن المطفيه أفضل بكثيــر من الجدران ذات لمعة
::
وبالنسبة للأرضية ، فما أعتقد انها ذات أهمية كبيرة ،
::
للأسف ماركات الإضاءات مالي خبرة فيها ،

بيرسون
يخليك ربي مقدما


وبالنسبة للأرضية ، فما أعتقد انها ذات أهمية كبيرة ،

طيب, اذا صورت بورترية لواحد واقف اكيد يبي يأثر خاصة اذا الارضيه بها لمعة .

بس اعتقدك احترمة كثير
شكرا لك على وقفتك معي

:::::::::::::::::::::::::::::

مرحبا
ممكن اقلط؟
اذا كانت الارضيه لامعه .... فمعناته احتمال الانعكاسات بتكون كثير ه
لذلك الافضل تكون مفروشه او بارضيه مطفيه
الجدران .... هذا يعتمد على حجم الغرفه ... وارتفاع السقف ....
دائما اللون الاغمق ... افضل من الفاتح ... بس خلي بالك من النوافذ ... لذلك اذا فيه نوافذ كثير
يبي لك تحط هالشي في الحسبان ( مع انك اساسا راح تغطيها وقت التصوير )
وبالنسبه للاضاءه .... انا افضل الفيزتك ... مقارنة بالملتيبلتز .... نتائجه افضل ( رأي شخصي )
....
بالتوفيق

هلا شط
الموضوع وانا اخوك مفتوح للجميع الاستفادة لي وولك والجميع

الدرايش!!!

مو مهمة اذا كنت اصور في الليل ,
وحتى وان صورت النهار نغطية بأي شي بستارة أو بجلال صلاة حق الوالدة:D

وبالنسبه للاضاءه .... انا افضل الفيزتك ... مقارنة بالملتيبلتز .... نتائجه افضل ( رأي شخصي )
طيب ماجربتها


أكينو

الاضاءه تفرق كثير بالصور لكن عمر محتار بين انه يشتري عدسة قيمتها بقيمة استديو في الحاله هذي مثل ماقال بيرسون يرجع لميول الشخص نفسه اذا كانت العدسة يحتاجها بشده ياخذها واذا كان اغلب تصويره داخل الاستديو ياخذ عده استيدو افضل


عمر

بالنسبه لبوية الجدران غالبا ينصحون باللون الرصاصي او الرمادي بدرجه معقوله مايكون غامق مره ولا فاتح مره ويكون مطفي موب لامع

بالتوفيق


ريان

يعطيك العافية , وشاكرا لك على النصيحة ونثر ماعندك من معلومات



ومنكم نستفيد:$
يعطيك العافيه ريآن ع التوضيحpb189






شكرا اكينو على المداخلة

[P e r s o n]

طيب, اذا صورت بورترية لواحد واقف اكيد يبي يأثر خاصة اذا الارضيه بها لمعة .

بس اعتقدك احترمة كثير
شكرا لك على وقفتك معي


كلامك سليم ، وهنا بيكون فيه تأثير
ما جاء في بالي وقت كلامي ، الا تصوير ستيل لايف وانك بتكون أرضية صناعية للعمل فما لها داعي وقتها اهتمامك بأرضية الغرفة
بس من رد شط ، وردك ... وضحت لي الأمور أكثر

[Faisal .O]

اخوي عمر تقدر تروح لم النهدي بعماير بن سلمان بالبطحاء

اتوقع اسمه النهدي اذا انا منب مخطي

وشف فيه قطع غيار اول لا

مع انا ماتوقع انك تحتاج قطع غيار إلا الفيوز اذا احترق وتغيره انت بدقيقتن

على كلام واحد من الشباب انه له ثلاث سنوات عنده بدون اي مشاكل تذكر ( المالتي بليز)

مشكلى المالتي بليز الي انا شوفها وحده بس يعني الإضافات شوي غاليه

يعني انت شريت راسين فلاش نقول قيمة الفلاش تختلف بينهم وبين الدي لايت لأن تصنيعهم يختلف ... لكن تبي تشري سوفت بوكس علشان تركبه على راس الفلاش ... المالتي بليز اذكر انه بـ 800 و والدي لايت بـ 400 مع اني ماشوف بينهم فرق ... نفس المقاس والحجم ومن جوا زي القصدير والوجه فيه زي القماش الأبيض .. لكن دبل السعر الي يفرق بينهم السنه الي تركب على راس الفلاش

خالص تحياتي لك

[عمر ولد عزوز]

اخوي عمر تقدر تروح لم النهدي بعماير بن سلمان بالبطحاء

اتوقع اسمه النهدي اذا انا منب مخطي

وشف فيه قطع غيار اول لا

مع انا ماتوقع انك تحتاج قطع غيار إلا الفيوز اذا احترق وتغيره انت بدقيقتن

على كلام واحد من الشباب انه له ثلاث سنوات عنده بدون اي مشاكل تذكر ( المالتي بليز)

مشكلى المالتي بليز الي انا شوفها وحده بس يعني الإضافات شوي غاليه

يعني انت شريت راسين فلاش نقول قيمة الفلاش تختلف بينهم وبين الدي لايت لأن تصنيعهم يختلف ... لكن تبي تشري سوفت بوكس علشان تركبه على راس الفلاش ... المالتي بليز اذكر انه بـ 800 و والدي لايت بـ 400 مع اني ماشوف بينهم فرق ... نفس المقاس والحجم ومن جوا زي القصدير والوجه فيه زي القماش الأبيض .. لكن دبل السعر الي يفرق بينهم السنه الي تركب على راس الفلاش

خالص تحياتي لك



فيصل ابوي الله يعطيك العافية و المحل اعرفة

رحت البارحة لمة حصلتة مسكر قلت خليني امر على خالد اللي يشتغل بمحل نيكون بنفس المركزوجبت معي تسعيرة الفلاشات

وحصلت عندهم نوعين
نوع صيني من دون ماركة بس على ضمان عبدالواحد
ويجي نوعين 200 واط واربعمية

الميتين واط سعرة 1750
راسين امبريلا وشنظة وحوامل

الغريبه انو ماتقرد تحكم بقوة بالاضاءة يعني بس يضرب

والاربعمية وااط
2250

نفس العدة بس ميزة تحكم بقوة الضوء ....
::::::::::::::::::::::::::::::::::::::
:::::::::::::::::::::::::::::::::
::::::::::::::::::::::::::

الفيزيتك سويسري طبعا

مسوين عليه عرض طبعا وميزة حلوة
انو بالسابق كان سعرة بحدود الستة ويجي 3 رووس بس ..


والحين راسين وشماسة وحامل وشنطة وضمان سنة 4200 ريال


العواكس سعرها 175 ثلاث الاوان
ابيض فضي اسود

والدي 300 بدي صارت بــ6999


القطع الغيار متوفر عندهم لكل الماركتين

سؤالي هنا للي جرب الفيزيتك
عطوني استشارتكم فية ولا بالصيني

[شط الكحل]

مرحبا عمر
اولا انا اختك مو اخوك :)
ثانيا ... النوافذ تأثر سواء في الليل او النهار ولا زم تتغطى بشي مو عاكس للاضاءه
يعني ممكن جلال الوالده يكون مصدر ثالث للاضاءه pb095
وانا مجربة الاثنين الفيزيتك والمالتيبلتز
الفزيتك ... قويه ...
بس المالتيبلتز .... تشكيلتها اوسع وعندك خيارات كثيره
بس هذا اللي حبيت افيدك به
ولا تستعجل .... حاول تجرب اكبر عدد ممكن من الاضاءه
لاني اسمع ان هالايام .... فيه شركات جديده في السوق السعودي
بس بصراحه ما جربتها
....
الفيزيتك ... قويه ... وصيانتها متوفره .... بس مافي تشكيله كثيره منها
اما سوفت بوكس او امبريلا ... والقوه وحده
شكرا على طولة البال