Romania .. The Tricolours

[:: T3b Glbi ::]

السلاام عليكم ، pb189

http://img79.imageshack.us/img79/9950/galleryhousepeoplebuchacn4.jpg

[ رومانيا ] .. دولة في شرق اوروبا .. أحد دول البلقان .. يحدها من الشمال اوكرانيا ،
و من الشرق .. البحر الاسود .. و من الجنوب ، بلغاريا .. و من الغرب صربيا و بلغاريا .. !
طبعاً اللغة الرسمية فـ رومانيا .. الرومانية ، عدد سكانها [ 22.355.55 مليون ] ،
و مساحتها [ 238.391 كم ] .. و عاصمتها [ بوخارست ] ..

رومانيا فيها [ 89 % رومانين ] و الباقي من ( روسيا .. اوكرانيا .. و غيرها ) .. !
العملة فـ رومانيا هي الـ [ lua ] .. و تقريباً [ 86,8 من السكان مسيحين ] .. و الباقي
( كاثوليكين .. خمسينين .. مسلمين ) .. !

طبعاً .. في كل دولة فـ العالم .. فيه أشخاص بارزين فـ الدولة .. على مدار تاريخها ..
في كل المجالاات .. [ سياسية .. رياضية .. فنية ] ، رومانيا .. فيها شخصيتين غير عن كل
الشخصيات الباقية .. شخصيتين مميزه .. شخصيتين اشتهروا فيها الرومانين .. ؟!

http://img140.imageshack.us/img140/5327/180pxvladtepesoa9.jpg

كان يا مكان في قديم الزمان .. كان في ضيعه فـ رومانيا .. تسمى [ والاشيا ] ،
حاكمها .. يدعى فلااد ، فلااد هذا .. واحد من اعلاام رومانيا القديمة ، حكم رومانيا في القرن
الخامس عشر .. و كان حاكم مخيف لـ درجة كبيرة .. !

طبعاً ابو شنب .. كان أقوى حاكم في رومانيا ، ابو الشباب - انت يا فلااد - اخترع عقوبة ،
جديدة .. محد سبقه لها ، قانون العقوبات الجديد .. في البلد .. ملخص في سطر ،
[ العقوبة الوحيده في رومانيا .. هي الخازوق ] .. !!
قام واحد من اللي عنده قال خير يابو الشباب .. وش اللي خازوق .. ؟ العالم بذاك الوقت
ما بعد اكتشفوا الخازوق .. كانوا على الشغل القدين جلد و صلب و الحركات القديمة .. !

قاله فلااد سهلة .. جيبوا لنا وتد من خشب ، و يكون مسنن من فوق .. جابوا له الوتد ،
و البثر اللي اعترض قال .. الحين فهمت الوتد لـ للفلقة صح .. ؟ فلااد قاله ما حزرت ..
يا واطي .. :D ، طبعاً تعرفون وين حطوا الخازوق .. لكن الاصالة بـ التنفيذ كانت عند فلااد ،
انه يقعده على الخازوق و هو حي لين ما يموت .. من بعدها و الناس صارت تحترم نفسها ..
طبعاً من زود القوة .. فلااد جاب كاس ذهب .. و حطه في السبيل .. اللي بوسط المدينة ،
ولا خلى ولا حارس عليه .. و ابن امه اللي يسرق الكاس .. طبعاً محد تجرأ يشرب من السبيل ،

طبعاً فلاد الاولااشي ، ما وقف عند سن القوانين بس ، لا كان عنده حلول اقتصادية ..
و من اهم الحلول .. حل مشكلة الفقر .. جاب الفقارى كلهم .. و جمعهم [ 2000 تقريبا ] ،
قالهم اللي مب محتاج يمشي .. محد مشى كلهم محتاجين ، قالهم أكيد .. ؟
قالوا اكيد طال عمرك .. اخذهم و خوزقهم .. وصارت الدولة بدون فقارى .. ذكي صح .. ؟ :D

المهم ان ابو الشباب صار مخيف وله هيبته .. ومع امتداد المد التركي هذاك الوقت ،
و كان جيهم جاامد .. و فلااد ما عنده الا كم واحد ينشد فيهم الظهر .. راح و هجم على سريه
تركية كانت طالعة لـ الاستطلاع ، و خوزقهم على اسوار المدينة .. !؟ جيش الاتراك
يوم وصل .. و شاف المنظر المخيف ، قال يـ الله السلاامة بس .. !؟

المهم ان في رومانيا الحين ، فلااد عندهم علم من اعلاام الدولة .. و كانوا يسمونه ،
[ دراكيولا ] .. ايه مصاص الدماء ، لكن دراكيولا بـ لغتهم تعني ابن الشيطان .. ؟!
طبعاً درات الايام بـ رومانيا .. و بطلهم الاسطوري واحد ما فيه غيره .. الين ما جاء يوم
كان من أهم الايام في تاريخ رومانيا .. ؟!

http://img139.imageshack.us/img139/8968/22336newsrv9.jpg

في عام 1965 .. تحديدا في فبراير ، حاكم جديد لـ رومانيا ولد في ذاك اليوم ،
سموه اهله جورجي ، ما دروا انه راح يغطي على فلاد الوحشي ، كبر الولد و دخل نادي
فارول كونستانتا .. تدرج الولد الى ان صار كبير و وصل لـ الفريق الاول ..
اول موسم لعب 18 مباراة .. سجل فيها 7 اهداف ، و هو لاعب وسط .. ؟!

هـ الكلاام في موسم [ 82 - 83 ] .. باخر الموسم لعب اول مباراة دولية .. و كانت
ضد النرويج ، و لعب بعدها فـ يورو 84 .. الموسم اللي بعده انتقل لـ نادي أكبر حبتين ،
سبورتال ستيودنتسك .. لعب معاهم 107 مباراة .. سجل فيها 58 هدف ، بعد كذا راح
لـ سيتوا بوخارست .. حامل لقب ابطال اوروبا وقتها .. و بدع معاهم لعب 97 مباراة ،
سجل فيها 76 هدف .. !! و جاب السوبر الاوروبي و الدوري ثلاث مرات و الكاس مرتين ،

بعدها لعب في كاس العالم 90 .. و قدم مستوى خيالي في البطولة ، لكن المنتخب ماكان
يواجه ، و كان كابتنهم في ذيك البطولة ، انتقل بعدها لـ الريال .. و لعب 63 مباراة .. سجل
فيها 15 هدف ، يمكن اللعب في دوري كبير .. ما ساعده على التأقلم بسرعة .. !؟
بعدها انتقل لـ بريشيا .. موسمين ، ولا قدم شي خيالي .. بس كان نجم الفريق .. صعد معهم
فـ الموسم الاول لـ الدرجة الاولى .. و نزل معهم الموس الثاني .. ؟!

بعدها لعب كاس العالم 94 .. و كلنا نذكر هدفه في كولمبيا (http://youtube.com/watch?v=oLlzi59iO4M) ، ميزة هاجي .. انه يتحكم في
الكورة و هي في الهوا ، طبعاً غير المسطرة اللي كانت الناس تحب تشوفه يستخدمها .. قبل ما
يشوت .. بعد هـ الهدف ، سجل في سويسرا ، هدف يعتبر عادي في قاموس هااجي ..
بعد كذا .. لعب مباراة من أفضل المباريات في تاريخ هااجي .. ضد الارجنتين .. سجل هدف من
مرتده تشكي ، و عطى اسيست لـ التاريخ ، ضحك فيه على دفاع التانجو .. ( استمتعوااا (http:///youtube.com/watch?v=OnNliThxA7c&feature=related) ) !
بعدها .. طلعت رومانيا من كاس العالم .. بعد ما انهزمت من السويد .. ؟!

نقلب صفحة المنتخب بهـ البورتريه .. ( شي موو صاااحي (http://youtube.com/watch?v=mzqUUu9NjrM&feature=related) ) !!

http://img229.imageshack.us/img229/6456/1144508hagiceleb300ym0.jpg

نرجع لـ الاندية ، بعد كاس العالم و مستواه المجنون ، انتقل لـ البارسا ، برضوا ما تأقلم ،
خاصة مع الدريم تيم اللي كان وقتها فـ البارسا ، لعب معهم 35 مباراة .. سجل فيها 7 اهداف ،
في موسمين .. انتقل بعدها لـ تركيا .. و هنا مربط الفرس .. فلااد صاحبنا الاول انحب ،
لانه قدر على الاتراك ، هااجي قدر بـ طريقته .. pb189 ، من موسم [ 96 الى 2001 ] .. !
سجل 59 هدف في 132 مبارااة ، حقق معهم .. ( الدوري 4 مرات ، الكاس مرتين ،
كاس السوبر مره ، كاس الاتحاد الاوربي مره قدام ارسنال ، و كانت اول بطولة اوروبية
لـ تركيا .. و جاب كاس السوبر بعدها ) ..

المهم ان هاجي ، كان نقلة نوعية في الكرة التركية .. ما بقى ولد ما حلم يصير مثل جورجي ،
ما بقى مراهق ماحط صورة هاجي فـ غرفته ، الاهداف اللي يسجلها .. تشوفها تحسها سهله
على الحراس ، لكن البلا باللي ما يعرف هاجي .. اغلب اهدافه الحارس يطالع الكورة ،
بدون حركة .. لان تفكيره في الثواني القليلة .. اللي يشوف فيها الكورة .. يمر بمرحلتين ..
الاولى .. يتوقع الكورة بتطلع برا قياساً على مسارها ، الثانيه .. يشوف الكورة تغير مسارها ،
و ما يمديه يتحرك ، ( نوو كووومنت (http://youtube.com/watch?v=fS0jtm8cScg) ) !!

مدري هو برود أعصاب .. ؟ ولا وقاحه .. ؟ لكن هاجي ، ما يحب يسجل اي انفراده ،
الا اذا حطها من فوق الحارس .. ياقوتك ياا هاااجي .. ( انااظر و ااصفق (http://youtube.com/watch?v=rUD_0zNax4Q) ) !!
طبعاً .. الاسطورة ، اعتزل فـ 2001 ، و اختير أفضل لاعب في تاريخ رومانيا .. و اختاره
بيليه من ضمن أفضل 125 لاعب .. ما زالوا على قيد الحيااة .. !؟

http://img504.imageshack.us/img504/9237/61788815jc5.jpg

مثل ما قلت .. في رومانيا ، اسطورتين .. الاول حااكم .. و الثاني امبراطور .. !

[:: T3b Glbi ::]

http://img74.imageshack.us/img74/6779/27892380wf4.jpg

طبعاً رومانيا كروياً ، من أقدم الدول .. تأسس الاتحاد الروماني لـ كرة القدم في [ 1909 ] ،
و انضم لـ الاتحاد الدولي في [ 1923 ] .. و لـ الاتحاد الاوروبي في [ 1954 ] ..
و من الاشياء اللي تحسب لـ رومانيا كروياً انها وحده من 4 دول شاركت في اول كاس عالم ،
فـ البرازيل .. مع [ البرازيل .. فرنسا .. بلجيكا ] .. رئيس الاتحاد الحالي هو [ ميريسا ساندو ]

طبعاً غير هـ المشاركة .. كان لـ رومانيا 4 مشاركات [ 70 ، 90 ، 94 ، 98 ] .. وكان
ابرزها أكيد كاس العالم 94 .. احتلت رومانيا اعلى تصنيف لها [ الثالث ] عام 97 .. و الاسواء
كان [ 35 ] عام .. 2004 .. التصنيف الحالي لهم .. فـ المركز الـ [ 12 ] .. !

.. [ المشاركات السابقة ] ..

http://vb.eqla3.com/attachment.php?attachmentid=555223&stc=1&d=1211235097

في تصفيات اليورو 84 .. كانت رومانيا مع بطل العالم ايطاليا .. و ثالث اليورو 80
تشيكسلوفاكيا ..و السويد .. و قبرص .. طبعاً ما يتاهل من المجموعة الا منتخب واحد ..
كل العالم بدت تقول اكيد ايطاليا ..و اللي يقول ياشيخ أكيد التشيك ما يبيلها ..

المهم رومانيا عطتهم جوهم .. و كعادتها تحب تشتغل في صمت .. pb189 ،بدت التصفيات بفوز
على قبرص[ 3 - 1 ] ..و بعدها على السويد [ 2 - 0 ] .. و تعادلت بعدها مع ايطالياصفرين ،
و بعدها بـ 4 شهور هزمتها[ 1-0 ] .. بعدها بشهر .. انهزمت من التشيك بـ هدف ..

و الوضع ما كان يطمن .. بس مع رومانيا مش حتئدر تغمض عينيك .. :sm5:
فازت على السويد بـ واحد .. و بعدها تعادلت مع التشيك [ 1-1 ] .. و تاهلت لـ اليورو ..
و اعلنت اكبر مفاجاة فـ التصفيات .. !!

طبعاً يورو 84 .. ما كان فيه الا 8 منتخبات .. فرنسا المستضيفه ..و 7 منتخبات ابطال
مجموعات .. تقسمت الفرق على مجموعتين .. و رومانيا الضعيفه كـ العادة حظها مدري وش
يبي .. جت في مجموعة مب صاحيه كان معها .. [ اسبانيا .. المانيا الغربية .. البرتغال ] ..
بالله وش تبونهم يسوون يعني .. ؟ طبعاً كان شي طبيعي ان رومانيا تطلع .. بدت البطولة

بتعادل مع اسبانيا .. عطاها أمل شوي .. بس ما درت ان اللي بعد اسبانيا المانيا ..
وفيه مخلوق اسمه فولير .. عطاهم هدفين خلتهم يعروفن ان الله حق .. و كملتها البرتغال و
فازت بـ هدف .. طبعاً تاهل من هـ المجموعة اسبانيا و البرتغال .. و كان النهائي بين فرنسا
و اسبانيا و كانت بطولة بلاتيني .. في كل شي .. هداف البطولة .. أسرع هدف في البطولة ..

http://img293.imageshack.us/img293/3240/euro96dp5.jpg

بتصفيات اليورو 96 ،، ضمنت مجموعه رومانيا ( بولندا ، أذربيجان ، إسرائيل ، فرنسا ، سلوفاكيا ) ،
وأول مباراهـ كانت بالتصفيات ضد بولندا .. وفزنا عليهم [ 2- 1 ] .. وبعدها رحنا طقطقنا على الزلايب أذريبجان ،
وفزنا عليهم 4_1 .. بعدين المباراة الثالثة لعبنا مع إسرائيل وفزنا عليهم [ 2-1 ] يعني 3 مباريات كلها فوز ..
والمباراة الرابعة اللي كانت مع فرنسا فازو علينا[ 3-1 ] .. والمباراة الاخيرة من مرحله الذهاب كانت قدام سلوفاكيا ..
العيال ماقصرو وعطوهم [ 2 - 0 ] .. في مرحلة الاياب .. لعبنا معه بولندا بأرضهم اول مبارهـ
وتعادلنـا معهم صفرين ، المباراة الثانيه لعبنا مع أذربيجان بأرضنا ولزخناهم [ 3 - 0 ] ..

بعدين لعبنا مع إسرائيل على ارضهـم وتعادلنا [ 1 - 1 ]والمباراة الرابعة لعبنا معه فرنسا وعلى ارضهـم،
الاغلب توقع فوز فرنسا بس تعادلنا معهم تعادل بصفرين .. اما المباراة الاخيرة من الاياب لعبنا معه سلوفاكيا ،
بأرضنا وفزنا عليهـم [ 3 - 2 ] .. وبكذا صار رومانيا الاول بفارق نقطه عن فرنسا و 7 نقاط عن سلوفاكيا ،،

طبعا العيال فرحانين تأهلو والاول بعد .. لكن طحنا بمجموعه قويه ضمت [ فرنسا .. بلغاريا .. اسبانيا ] ،
لعبنـا اول شي مع فرنسا وخسرنا بواحد .. بعدين لعبنا مع بلغاريا وخسرنا مره ثانيه بواحد ..
والمباراة الاخيرة لعبنا مع اسبانيا وخسرنا بـ 2_1 ، :( وبكـذا نكون احتلينا المركز الاخير ..
بدون أي فوز ..

http://vb.eqla3.com/attachment.php?attachmentid=555222&stc=1&d=1211235097

بتصفيات يورو 2000 .. ضمت مجموعة رومانيا [ البرتغال .. سلوفاكيا .. المجر .. اذربيجان
ليشتنشتاين ] .. اول مباراة فـ التصفيات كانت ضد ليشتنشتاين ، فزنا 7 صفر .. !
بعد كذا لعبنا ضد البرتغال .. في البرتغال ، و فزنا بـ واحد .. بعدها ضد المجر و انتهت
بـ التعادل ، [ 1 - 1 ] ، المباراة اللي بعدها كانت ضد سلوفاكيا ، و انتهت بهدف لكل فريق ،

رومانيا ، كانت محتاجه لـ فوز .. و هـ الفوز جاء قدام اذربيجان ، بـ هدف واحد .. بعدها ،
استمر مسلسل الفوز بهدفين في المجر ، و 4 في اذربيجان ، و 5 في سلوفاكيا .. قبل ما
تتعادل مع البرتغال .. بهدف لكل فريق .. و تفوز على الزلايب ليشتنشتاين بـ 3 اهداف ..

و بكذا تتأهل لـ اليورو ، كـ اول المجموعة .. بـ فارق نقطه عن البرتغال .. طبعاً كـ العاده ،
القرعة تكون ضد رومانيا .. بس هـ المره بزيادة .. [ انجلترا .. البرتغال .. المانيا ] .. !؟
اول مباراة كانت ضد المانيا .. انتهت تعادل بهدف لهدف .. بعد كذا لعبوا ضد البرتغال و عطوهم
جوهم و انهزموا بـ هدف ، قبل ما يتفلتون على الانجليز و يفوزون [ 3 - 2 ] .. و يتاهلون
كـ ثاني ورا البرتغال .. ؟! فـ دور الـ 16 قابلوا ايطاليا .. و بكذا تودع رومانيا البطولة ،
بعد ما خسرت .. [ 3 - 0 ] ..

[:: T3b Glbi ::]

.. [ The Road To Euro 2008 ] ..

http://img141.imageshack.us/img141/1785/kjgxq6.jpg

طبعاً .. رومانيا أبدعت فـ التصفيات كـ العادة .. و تأهلت عن المجموعة كـ اول ،
بـ أكثر فوز .. و أكثر عدد أهداف ، طبعاً المباريات التفصيلية .. كانت الاولى ضد بلغاريا ،
و تعادلوا فـ الفارول بـ [ 2 - 2 (http://www.youtube.com/watch?v=v--5festYas)] .. بعدها لعبوا ضد البانيا في البانيا .. و انتهت
لـ رومانيا بـ هدفين ، المباراة الثالثة كانت ضد بيلاروسيا .. على ملعب الستيوا .. وانتهت
بـ 3 لـ رومانيا .. بعدها كانت ضد هولند في قمة المجموعة .. وانتهت صفرين ،

المباراة اللي بعدها كانت قدام لوكسمبورق .. و فازوا بـ 3 (http://www.youtube.com/watch?v=hDuKivqvG3o) ، و اللي بعدها لعبوا ضد
سلوفينيا في الارينا بيترول ، و انتهت لـ رومانيا [ 2 - 1 (http://www.youtube.com/watch?v=WnY97f9J0QE) ] .. بعدها بـ خمس ايام ضد نفس
المنتخب . سلوفينيا .. فازوا رومانيا بـ هدفين (http://www.youtube.com/watch?v=Sy3Qvi5DGrs) ، بعد كذا كانت اللي بعدها ضد اخويا هليب ،
و انتهت بـ 3 لـ رومانيا (http://www.youtube.com/watch?v=HK8WZDzhjdo) .. بعد كذا قمة المجموعة مره ثانية لكن هـ المره فـ الفارول ،
و بهدف فـ الدقيقة الـ 72 (http://www.youtube.com/watch?v=-A_jt-9cTCs) ، قويان يفوز رومانيا على هولندا ..

بعدها لعبوا مع لوكسمبوق و فازوا بـ هدفين (http://www.youtube.com/watch?v=z6xdDNFzEEU) ، و بعيدن لعبوا ضد بلغاريا و انهزموا هزيمتهم
الوحيده بـ هدف ديمتروف .. و فـ اخر مباراة ختموها بـ شكل مجنون ضد البانيا .. و في
رومانيا .. فازوا بـ 6 (http://www.youtube.com/watch?v=H9qgU5bCDzQ) .. في مباراة مجنونة .. كان فيها كرتين حمر لـ البانيا .. ؟!

.. [ Group C ] ..

http://img178.imageshack.us/img178/6836/aqabv5.jpg

كـ العادة ، رومانيا حظها فـ المجموعات باايخ .. طاحت في مجموعة الموت .. مع منتخبات ،
مب صااحية .. تتكلم عن مين ولا مين .. ؟ ابطال العالم .. ؟ ولا الوصيف .. ؟ ولا مدرسة من
أهم و امتع المدارس فـ العالم .. ؟

http://img160.imageshack.us/img160/7885/4268769791tv6.jpg

الآتزوري .. ابطاال العالم ، يكفي انك تقول هـ الكلمة عشان تعرف مستواهم .. هدفه يجمع ،
بين كاس العالم .. و اليورو ، مع مدرب جديد .. راح ليبي .. جاء دونادوني .. يبي يثبت نفسه
غير كذا .. يورو 2008 ، راح يكون نهاية جيل لـ الآتزوري .. و أكثر من لاعب راح تكون ..
أخر مشاركة لهم فـ اليورو .. في نفس الوقت 14 من اللي كانوا موجودين في كاس العالم ،

راح يكونون في تشكيلة دونادوني .. استبعد [ اودو .. ياكوينتا ] لـ الاصابة .. و [ انزاقي راح
يكون مكانه بوريليو ] .. طبعاً .. في الاعلان الاخير عن التشكيلة دونادوني استبعد المبدع ،
مونتليفيو .. [ ايطاليا × رومانيا ] راح تكون فـ يوم [ 13 يونيو فـ زيورخ ] .. !

http://img409.imageshack.us/img409/1369/xinsrc58206030821156563cv4.jpg

فرنسا .. وصيف العالم ، فريق ما يحتاج تعريف .. يطمح انه يرجع لـ الواجهه من جديد .. و
يفوز بـ لقب كبير مثل اليورو ، فريق يجمع بين الخبرة و الشباب .. عناصره مجنونة .. يتميز
بـ الاستقرار .. دومينيك معهم من زماان ، و يعرف الفريق زين .. و اللي يميزهم بعد .. انهم
جامعين بين الخبرة و الشباب .. يعني طموح جيل انه ينهي مسيرته بـ لقب مثل اليورو ..

و فـ نفس الوقت .. طموح جيل جديد .. انه يبدا طريقه الدولي بـ بطولة مثل اليورو .. دومينيك
استبعد فـ التشكيلة النهائية .. [ فلاميني .. سيسيه ] و حط مكانه مهاجم سانت اتيان .. قوميز
[ فرنسا × رومانيا ] راح تكون فـ [ 9 يونيو فـ زيورخ ] ..

http://img156.imageshack.us/img156/3359/hollandsquadql8.jpg

هولندا .. فريق ممتع ، غير محظوظ .. مر عليه اجيال عناصرياً أفضل بـ كثيير من الموجودين
الحين ، اللي يميز هـ المجموعة ان ما فيها سوبر ستار ، كل الفريق يلعب مجموعة وحده ..
فيه البديل الجاهز .. راح يخسرون بـ غياب سيدورف ، و اللي يحتاجه الفريق بقوة ،

و من اللي يميز هولندا .. ان الفريق مزيج بين الشباب و الخبره .. مثل فرنسا ، يعني فيه اسماء
تبي تثبت وجودها قبل ما تنهي مشوارها ، و نفس الشي مع العناصر الجديده ، فان باستين
استبعد .. [ بولحروز .. ديني لاندزات ] [ هولندا × رومانيا ] راح تكون فـ [ 17 يونيو في بيرن ]

[:: T3b Glbi ::]

.. [ Coach profile ] ..

http://img177.imageshack.us/img177/1323/coachromzq3.jpg

فيكتور بيتروكا ، 52 سنة .. تميز كـ لاعب مع ستيوا بوخارست ، و كان من الهدافين وقتها ،
سجل معهم فـ 6 مواسم ، 138 هدف .. فـ 175 مباراة .. و بد بعدها بـ موسمين التدريب ..
مع نفس الفريق ستيوا بوخارست .. و جلس معهم موسمين .. و بعدها راح يدرب فريق اسمه
يونيفيرسيستا كرايوفا .. و جلس معهم موسم واحد .. قبل ما يبدا مع المنتخب و بالتحديد مع

المنتخب تحت الـ 21 ، جلس معهم موسمين ، و مسك بعدها المنتخب الاول .. و وصلهم لـ
اليورو 2000 ، قبل ما يقال .. بعد ما كن عنده مشاكل مع كم لاعب .. و يرجع بعدها لـ الاندية
بالتحديد ستيوا بوخارست ، ودربهم موسمين و جلس موسمين بدون ما يدرب .. و رجع بعدها
لهم و دربهم موسمين ، قبل ما يرجع لـ المنتخب و يدربهم من 2004 الى الحين .. ؟!

.. [ Romania Squad ] ..


Goalkeepers: Bogdan Lobont (Dinamo Bucharest), Eduard Stanciou (CFR
1907 Cluj), Marius Popa (FCU Politehnica Timisoara)

Defenders: Cosmin Contra (Getafe), Gabriel Tamas (Auxerre), Stefan Radu (Lazio),
Razvan Rat (Shakhtar Donetsk), Cristian Chivu (Inter Milan),
Cristian Sapunaru (Rapid Bucharest), Dorin Goian, Sorin Ghionea,
Mirel Radoi (all Steaua Bucharest), Cosmin Moti (Dinamo Bucharest)

Midfielders: Florentin Petre (CSKA Sofia), Paul Codrea (Siena),
Razvan Cocis (Lokomotiv Moscow), Banel Nicolita (Steaua Bucharest),
Adrian Cristea (Dinamo Bucharest)
Forwards: Nicolae Dica (Steaua Bucharest), Adrian Mutu (Fiorentina),
Ciprian Marica (Stuttgart), Daniel Niculae (Auxerre), Marius Niculae (Inverness)



.. [ The Best Players ] ..

http://img383.imageshack.us/img383/4571/39989545chivupa200x245xq4.jpg

كرستيان تشيفو ، كابتن رومانيا .. 27 سنة ، 58 مباراة مع المنتخب أولها في 99 ، يلعب في
الانتر ، و هذي سنته الخامسة في ايطاليا .. 4 مع روما ، و هذي الاولى مع الانتر .. بعد ما
جا لـ روما من اياكس .. ميزة تشيفو .. انه جوكر .. يعطيك في أكثر من مركز .. و هـ الشي
راح يفيد رومانيا .. و راح يريح بيتروكا كثير ..

http://img513.imageshack.us/img513/9862/muturomaniaos7.jpg

ادريان موتو ، المجنون .. لاعب تتوقع منه أي شي في الملعب .. خبرة فـ الكالتشيو .. له
6 مواسم فـ الكالتشيو .. و موسمين مع البلوز .. انتهت بـ الكوكاين ، رجع لـ اليوفي .. ما
كان في مستوى موتو بارما .. سجل 7 اهداف بس من 31 مباراة .. بعدها راح لـ الفيولا ،

و بدت الحكاية .. ابدااع من نوع ثاني ، رجع لـ مستواه و رجّع الفيولا لـ الواجهه .. لعب
معهم الى الحين .. 59 مباراة سجل فيها .. 32 هدف ، جماهير فلورنسا .. سمته باتي الجديد ..
و تأمل عليه انه يرجع الفريق لـ وقت باتي و طيب الذكر روي كوستا .. موتو له 60 مباراة
دولية .. سجل فيها 27 ، و كانت اولها في عاام 2000 .. !

http://img146.imageshack.us/img146/2430/contranationalafp2.jpg



كونترا ، لاعب الخبره .. يعطيك على الطرف اليمين ، هجومياً .. دفاعياً بطل ، مع المنتخب من
12 سنة .. له تقريباً 62 مباراة و هدفين .. مسيرته طويلة .. بداها فـ 92 ، و خذاه بعدها
دينمو بوخارست ، و استمر معهم 3 مواسم .. و انتقل بعدها لـ الافيس ، و وصل معهم
لـ نهائي الويفا كاب فـ 2001 .. و خذاه بعدها ميلاان .. و استمر معهم موسم واحد .. رجع
بعدها لـ الليغا .. و تحديداً اتليتكو ، و جلس معهم 3 مواسم .. بعدها موسمين ركود له ..

ما قدم فيها شي مميز .. مع ويست برومتش ، و مع ناديه الاول .. بولتنيكا تيميسورا .. رجع
بعدها لـ خيتافي .. و اكتشف نفسه من جديد .. و وصل مع الفريق هـ الموسم لـ نهائي
الكاس .. و وابدعوا فـ الويفا كاب .. قبل ما يطلعهم توني .. و كلنا نتذكر هدفه فـ الاليانز
ارينا على كاان ..

pb189 bp039

ان شاء الله يكون الموضوع أعجبكم .. و نكون قدمنا معلومات جديدة عن منتخب ممتع ،
تقبلوا تحيات .. [ احب الهلال .. صاحي لهم .. Eleven .. الرود ] .. pb189

[مستهبله بكيفي]

،،،
واااااااو .. وااااااو.. وااااااو
هذا لا قالوا تقديم باسلوب مغايييييييييييير
ومن ينسى هاجييييييي وانجاز وكاس العالم 94
احب الهلال ,صاحي لهم,الرود,الفين يعطيكم الف الف الف عافيه

[عيمو]

قناة يورو 2000 , بلنتي فيل نيفيل , واخوة التراب ( على طاري الخازوق :D ) ..


شطفت هالذكريات وانا في موضوعكم pb189 ..

مجهود بطل

احب الهلال pb189 .. صاحي لهم bp039 .. pb189Eleven .. الرود bp039

[مخيبر ولد سماعيل]

http://img229.imageshack.us/img229/6456/1144508hagiceleb300ym0.jpg

ياهو مجنوون:sm5:.!
ياهي أهدافpb189.،

التفسير الوحيد لـ حالة الفهاوة المؤقتة لـ الحراس ضد تسديداته..أن الكورة تختفي قدامهم..ومايلقونها الا بـ الشباك:sm5:..عليه اختيار زوايا بـ التسديد..تقول يحط الكورة في الباب بـ يده:D.!

عن نفسي مااتوقع رح يسوون شي..مع حظهم المخيس في المجموعة الحديدية.!
المفاجأة بـ تكون خروج أحد الفرق[فرنسا/ايطاليا/هولـندا]..لكن رومانيا.؟مااتوقـع.،


[ احب الهلال .. صاحي لهم .. Eleven .. الرود ] .. pb189

يعطيكم ألف ألف ألف عافية..جهد جبّار..تشكرون عليهbp039

[سام006]

شغل مرتب الحقيقه pb189 .

احب الهلال pb189 .. صاحي لهم bp039 .. Eleven .. الرود bp039


معلومات تاريخيه روعه وسرد تاريخي اكثر من بطل لهاجي وربعه , لاحظت منها ان حظهم بايخ :D , بدور المجموعات , ودايم يطيح يا بأذربيجان ولا البرتغال , ( اتوقع مدنبشين القرعه >> رد زالق من المحليه:D )


موضوع بطل الصراحه ما قصرتو الله يعطيكم الف عافيه pb189

[Sanchez]

اهنيكم صراحه اهنيكم pb189 .. شغل متعوب عليه وحلو وكافي :sm5:

بس ارحمونا عاد وشذا :D .. الموضوع مرعب :D

http://img229.imageshack.us/img229/6456/1144508hagiceleb300ym0.jpg

ماكنت اعرف كثير عنه .. ماكنت متوقعه كذا pb030 ..
نفس شغل بيركامب .. مايعرف يسجل هدف بايخ ,,


رومانيا احس الي بيخيلها تبدع اهو ذي المجموعه
احس انها بتتصدر وبتنرقع ترقيعه محترمه في ربع النهائي :D

[سعوديه مدريديه2]

اقل عدد لتقديم منتخب بس واحد من اجمل التقديمات يعطيكم العافيه قروب رومانيا تستحقون شكر وتقدير اكثر من اي احد لقلة عددكم وروعه الموضوع

راح اكذب لو قلت متابعه رومانيا اول باول واعرفهم زين مازين

انا معلومات عنها سطحيه ودائما اذا جت مباريات التصفيات يورو ولا كاس عالم فيها رومانيا ابدل ماتستهويني مبارياتهم

ماعرف فيهم الا موتو وشيفو

في عامل واحد بيساعدهم انهم بعيدين عن الظعط والمنتخبات الي قدامهم بتكون داخله المواجهه معهم على انها ضامنه الفوز والثلاث نقاط

ليش لا يمكن يفاجئون رومانيا

مافي شي مستبعد بكره القدم

خصوصا ان ايطاليا اعمار لاعبينها كبير .. وفرنسا مدربهم في تخبطات دائمه .. هولندا دفاعهم ضعيف

بينما رومانيا فريق متجانس والخطوط كلها تقريبا على نفس المستوى والاهم الروح العاليه الي يلعبون فيها

[وش عندكم هنا]

اقول رومانيا اكلتها بذا المجموعه وبس :)


الله يعافيكم يا ابطال على
ذا المجهود المتميز
احلى تحيه لكم :)

[أبو حمـــود]

..
..

pb189 ..[ احب الهلال .. صاحي لهم .. Eleven .. الرود ] .. pb189

ابداع بمعنى الكلمه :sm5: .. الف شكر pb189bp039 ..

..
..

رومانيا ماظنتي تسوي .. المجموعه اللي معها ماتساعد صراحه , وغير كذا هم ماش pb094 ..

..

بس والله ياجلست اضحك يوم جمع الفقراء pb027
خخخخخخخخخخخخخخخخخخخخخخخخخخخخخـ
مهبول :sm5:pb192 ..

..
..

عوافي مره ثانيه pb189 ..
..

[صدى الامس]

احب الهلال .. صاحي لهم .. Eleven .. الرود

pb189

ابدعتوا بالموضوع بكل صراحة .. خصوصاً سالفة الخازوق :D والفقراء :D
وحاجي ورجله اليسار اللي ماتخطي الباب ..
رومانيا يمكن تسوي المفاجئة .. بحكم ان الغالبية حاطها خارج الحسابات بمجموعة الموت ؟؟!!
يمكن تستغل تصافق الكبار فيما بينهم وتخطف لها بطاقة تأهل ..
ولو انه شي صعب لكن مافيه شي اسمه مستحيل ..

[صاحي لهمـ]

مستهبله بكيفي .. مخيبر ولد سماعيل .. Sanchez .. أبو حمـــود .. سام006 .. عيمو .. وش عندكم هنا .. صدى الامس .. سعوديه مدريديه2

مشكوورين ع المرور و ان شاء الله اعجبكمـ bp039

عن نفسي مااتوقع رح يسوون شي..مع حظهم المخيس في المجموعة الحديدية.!
المفاجأة بـ تكون خروج أحد الفرق[فرنسا/ايطاليا/هولـندا]..لكن رومانيا.؟مااتوقـع.،

الحظ موب اول مرهـ يوقف ضدنا :(

ولنا باليورو 2000 عبرهـ

لاحظت منها ان حظهم بايخ , بدور المجموعات

انت لاحظ انهـ اربع مرات تأهل وكلهـ مجموعهـ اقوى من الثانيهـ

رومانيا احس الي بيخيلها تبدع اهو ذي المجموعه
احس انها بتتصدر وبتنرقع ترقيعه محترمه في ربع النهائي

:d

انا حاس انها بتوصل النهائي ان شاء الله ,,

في عامل واحد بيساعدهم انهم بعيدين عن الظعط والمنتخبات الي قدامهم بتكون داخله المواجهه معهم على انها ضامنه الفوز والثلاث نقاط

ليش لا يمكن يفاجئون رومانيا

مافي شي مستبعد بكره القدم

خصوصا ان ايطاليا اعمار لاعبينها كبير .. وفرنسا مدربهم في تخبطات دائمه .. هولندا دفاعهم ضعيف

بينما رومانيا فريق متجانس والخطوط كلها تقريبا على نفس المستوى والاهم الروح العاليه الي يلعبون فيها

صحيح عامل الضغط بيكون من صالحهمـ

الي يخلينا نتفائل انهـ كل منتخبات المجموعهـ مدربيينهم كديش :d

اقول رومانيا اكلتها بذا المجموعه وبس

موب مع تشيفو pb189 و اخوياهـ :d

رومانيا ماظنتي تسوي .. المجموعه اللي معها ماتساعد صراحه , وغير كذا هم ماش ..

..

بس والله ياجلست اضحك يوم جمع الفقراء
خخخخخخخخخخخخخخخخخخخخخخخخخخخخخـ
مهبول ..

مثل ما قلت قبل الي يخيلنا نتفائل مدربين منتخبات ايطاليا و هولندا و ايطاليا

دوم الضحكهـ pb189

رومانيا يمكن تسوي المفاجئة .. بحكم ان الغالبية حاطها خارج الحسابات بمجموعة الموت ؟؟!!
يمكن تستغل تصافق الكبار فيما بينهم وتخطف لها بطاقة تأهل ..
ولو انه شي صعب لكن مافيه شي اسمه مستحيل ..

بتسويها بإذن الله


بالتوفيق لتشيفو و اخوياهـ pb189

v.NISTELROOY .. احب الهلال .. Eleven

ما قصرتوا كلكم pb189

[وحيد^^الجزيرة]

يعطيكم العافية على الموضوع والتقديم الخرافي
رومانيا احد اول المنتخبات اللي شجعتهم بحياتي

والسبب اكيد جورجي هاجي هدفه على كولومبيا يشكي

احسن ما بهم انهم يعطون الانجليز على وجههم مرتين الاولى 98 والثانية 2000

هاجي - مولدوفان - ايلي محد ينساهم ومن وراهم يوردانيسكو اذكر له خطأ بسيط ( اما بسيط ) قدام سويسرا بكاس العالم 94 كانت النتيجة 1-0 سويسرا وفتح اللعب وجابت سويسرا اربعة :)

[T-Bag&]

يعطيكم العافيةbp039 مجهود خرافي:sm5:
هم بس لو يرجعون لإيام الانضباط عام 98<<وجه تذكر يوم يصبغون شعوورهم أصفرpb030

[سكاسيكو]

يعطيكم العافية على المجهود الكبير pb189

اذا ذكرت رومانيا ذكرنا مونديال 94 و ابداع هاجي و هدفه الرائع في كولومبيا و ما ننسى الجنرال

يوردانيسكو المدرب وقتها

حظوظ رومانيا ضعيفة في 2008 كونها طاحت في مجموعة الموت لكن من يدري ممكن تطلع واحد

من المنتخبات الكبيرة زي ما سوت مع الانجليز في 2000

[Il Capitano]

احب الهلال .. صاحي لهم .. Eleven .. الرود
يعطيكم العـاافيـه ع التقدم !

رومـاانيـا صرااحه طااح في مجموعـه نـااريـه !
وهـي حـااليـا ماعندها الا اسمين [ تشيفو و موتو ] امـاا البقيـه فـ متوااضعين فنيـاا !
رومـاانيـا يمكن تكون نتـاايجه سيئـه والسبب انهـا بـ تقـاابل منتخبـاات مكتملة الصفوف !
وصعب تجاريهم !

طبعاً فلاد الاولااشي ، ما وقف عند سن القوانين بس ، لا كان عنده حلول اقتصادية ..
و من اهم الحلول .. حل مشكلة الفقر .. جاب الفقارى كلهم .. و جمعهم [ 2000 تقريبا ] ،
قالهم اللي مب محتاج يمشي .. محد مشى كلهم محتاجين ، قالهم أكيد .. ؟
قالوا اكيد طال عمرك .. اخذهم و خوزقهم .. وصارت الدولة بدون فقارى .. ذكي صح .. ؟ :D
:D وش هـ المخ اجل حطهم في خـاازوق هههههههههه
بـس والله يااهي ماا تعوق معـه ابد !!:D

http://img229.imageshack.us/img229/6456/1144508hagiceleb300ym0.jpg

آهـ ياا حـااجي ! : (
والله ياا عليـه رجـل [ سم ] !
وش دقتـه وش قوتـه ! من اي موقع يشووت !
رومـاانيـا صعب تلقى مثيل لذا الااعب !

[مرجوجه بس عاقله]

احب الهلال .. مو منك من كوزميـــــن

يعطيك الف عافيه معلومات قيمه ولي عوده لاني ماقريت الموضوع

[ELEVEN]

السلام عليكم
.,.

احب الهلال pb189 , صاحي لهم pb189, v.NISTELROOY pb189
.,.

رومانيا على موعد مع الخازوق
يا انها بتخلي الخازوق لاثنين من المنتخبات الثلاثة الكبار
او ان الخازوق بيصير لها من المنتخبات الثلاثة :D
.,.
المنتخب ماهو غريب عنهم , لعب مع هولندا في التصفيات
افضل لاعبين عندهم يلعبون في ايطاليا
وفرنسا ما يحتاج بيفوزون عليهم بسهولة :D
.,.

اتوقع ان وضع الفريق بينبني على المباراة الاولى ضد فرنسا
جابوا نتيجة ايجابية , دعم معنوي وهووبا الفريق يفكر يدخل في معمعة
التاهل, ويمكن يستلعن على ايطاليا وهولندا ( اللي فاز عليها بالتصفيات )

.,.

http://upload.wikimedia.org/wikipedia/ro/thumb/6/69/Victor_Pi%C5%A3urc%C4%83.jpg/180px-Victor_Pi%C5%A3urc%C4%83.jpg (http://ro.wikipedia.org/wiki/Imagine:Victor_Pi%C5%A3urc%C4%83.jpg)

مدرب رومانيا وهو شايل كاس التشامب

http://cache.daylife.com/imageserve/0dwZ6LAdjW8C4/610x.jpg

وهو شايل كاس اليورو بعد القرعة :D
والله يا النفسية دمااااار

[جهراوي حلو]

فلاد :eek: وخازوق pb027pb027 وهاجي pb030
http://img504.imageshack.us/img504/9237/61788815jc5.jpg

ناقصهم نيكولاي تشاوتشيسكو
http://upload.wikimedia.org/wikipedia/commons/6/66/Nicolae_Ceausescu.png

علشان تكمل الحفله http://vb.eqla3.com/images/icons/0251.gif
----------
هلا بمحبي هاجي ومنتخبه اللى حاقد عليهم من ال USA World Cup 94
علشان طلعوا الأرجنتين pb189
<<< حقد بعير pb095
لا من جد مرت على فترة كرهت رومانيا وما أطيق طاريها أيام المراهقه ( سقى الله ذيك الأيام :sm1:) خف هالكره فتره من الزمن ...
وتجدد الكره باليورو 2000 بعد تعادل المانشافت معاهم لكن الحين واقف على الحياد ..

* أممم هالسنه صعبه إن خذت نقطة واحدة من هالثلاثي المرعب ( الآتزوري و الديكه والطواحين ) فهو إنجاز بحد ذاته ..
المهم عسى أحفاد هاجي يجددون كرهى لهم pb095 ( قصدي تألق جيل التسعينيات هيّن:rolleyes: )

احب الهلال pb189 .. صاحي لهم bp039 .. pb189Eleven .. الرود

العوافي يا حلوين على هالتوبيك الروماني الخازوقي الرهيب
تسلم إدينكم وموفقين باليورو ..

[صاحي لهمـ]

مكرر :sm18:

[صاحي لهمـ]

http://euro2008.onlinesport.ro/uploads/modules/news/183/vlad3667.jpg

أرقام لاعبين رومانيا pb189

حراسة المرمى

1-لوبونت

12-ماريوس بوبا

23-ستانشيو

الدفاع

2- كونطرا كوسمين

4-تاماس جابريل

22-رادو ستيفان

3- رازفان رات

13- كريستيان سابونارو

15- دورين غويان

14- سورين جيونيا

17- كوسمين موتي

الوسط

7- فلورنتين بيتر

8- بول كودريا

11- رازفان كوسيس

5 -كريستيان تشيفو pb189

6- ميرل رادوا

20-نيكولا ديكا

16- نيكوليتا بانيل

19-ادريان كريستيا

الهجوم

10-ادريان موتو pb189

9- سيبريان ماريكا

21-دانييل نيكولاي

18-ماريوس نيكولاي



http://euro2008.onlinesport.ro/uploads/modules/news/182/zenga.jpg

زينغا يقول المنتخب الروماني بيكون لهـ كلمهـ بالطولهـ و الكورة الرومانيهـ تطورت بسرعهـ و المنتخب الروماني ماهو منتخب تشيفو و موتو بس و يقول انا احترم هذا المنتخب pb189 .

المصدر (http://euro2008.onlinesport.ro/stiri/stiri-euro-romania/182/zenga-romania-e-o-echipa-de-luptatori.htm)

http://storage0.dms.mpinteractiv.ro/media/401/581/7952/2674468/1/goian.jpg?width=320

اصابة غويان ماهي خطيرهـ

المصدر (http://www.prosport.ro/fotbal-intern/nationala-eu-romania/alarma-falsa-goian-e-ok-2674468)

http://storage0.dms.mpinteractiv.ro/media/401/581/7952/2675024/2/del.jpg?width=320

يقول دلبيرو المنتخب الروماني قوي و ما يعرف غير تشيفو و موتو :d

المصدر (http://www.prosport.ro/fotbal-intern/nationala-eu-romania/del-piero-din-pacate-pentru-noi-romania-are-o-echipa-buna-2675024/galerie/#foto)

http://fr.euro2008.uefa.com/MultimediaFiles/Photo/competitions/EURO/70/07/63/700763_w2.jpg

الحارس الأحتياطي لرومانيا كومان اصيب و راح يغيب عن اليورو

المصدر (http://fr.euro2008.uefa.com/news/kind=1/newsid=700849.html)

http://www.aljazeerasport.net/NR/rdonlyres/1F2016B5-6339-4C97-B1E9-A3FD5F62E3B5/101919/piturca1_B.jpg

مدربنا يقول ما اعجبني مستوى الفريق ضد مونتنيغرو مع اننا فزنا اربعهـ بس يقول اعطيناهم كم هجمهـ لو كنا قدام فرنسا كان جابوها .

بس ننتظر رجوع دورين جويان .

و يقول تشيفو عن مستواهم بسبب الخوف من جو البطولة الي صارلهم 8 سنوات مالعبوها :d .

المصدر (http://www.aljazeerasport.net/NR/exeres/1F2016B5-6339-4C97-B1E9-A3FD5F62E3B5.htm)

http://www.aljazeerasport.net/NR/rdonlyres/BC5EDD29-0128-44ED-B4F6-9C1CB974F24E/102036/Mircea_Sandu_B.jpg

رئيس الأتحاد الروماني يقول اتوقع اقل شي بنطلع بأربع نقاط .

المصدر (http://www.aljazeerasport.net/NR/exeres/BC5EDD29-0128-44ED-B4F6-9C1CB974F24E.htm)


http://fr.euro2008.uefa.com/MultimediaFiles/Photo/competitions/EURO/69/31/40/693140_w2.jpg

تشيفو pb189 متحمس للعب مع المنتخب الروماني باليورو بعد غياب 8 سنوات .

المصدر (http://fr.euro2008.uefa.com/news/kind=1/newsid=704904.html#chivu+enthousiaste+apres+huit+d absence)

http://storage0.dms.mpinteractiv.ro/media/401/581/7952/2680051/2/1.jpg?width=320

المنتخب الروماني وصل لسويسرا .

المصدر (http://www.prosport.ro/fotbal-intern/nationala-eu-romania/nationala-intampinata-de-ambasadorul-romaniei-in-elvetia-2680051)

[v.NISTELROOY]

يعطيكم الف عافيه كل اللي ردو على الموضوع .. وان شاء الله عجبكم الخازوق http://vb.eqla3.com/images/smilies/grins.gif http://vb.eqla3.com/images/smilies/004.gif
اعضاء القروب ماقصرتو كلكم وخصوصا احب الهلال اللي لو لـ الله ثم هو ماجاء لا الخازوق ولا ابوهـ :D

صاحي لهم ماقصرت على المعلومات والمصادر والارقام وكلش :D

تشيفو متحمس للعب مع المنتخب الروماني باليورو بعد غياب 8 سنوات .


جعلك تصقع فرنسا وايطاليا وتطقطق على هولندا ،، http://vb.eqla3.com/images/smilies/004.gif

مره ثانيه مشكورين لكل الي واصلو وردو على الموضوع .. http://vb.eqla3.com/images/smilies/rose.gif

[றžάģeч_άnά]

http://image.kooora.com/i.aspx?i=albums%2fteams%2f172%2fvictorpiturca.jpg

http://image.kooora.com/i.aspx?i=albums%2fteams%2f172%2f2008-04-01-AI_4754217_RomaniaFans_005.jpg
:(:(

[مستشار القلوب]

http://img229.imageshack.us/img229/6456/1144508hagiceleb300ym0.jpg

ذا الآدمي مب طبيعي ..
تصنفه من الاساطير..

انا اتوقع انه رومانيا حدها الدور الاول..

احب الهلال .. صاحي لهم .. Eleven .. الرودbp039bp039

الله يعطيكم العافيه

[M ! L @ N]

جــورجي حــاجي pb189 .. اللي يشوف لمساته بالمباراة الودية اللي مع فيجو يــقول ليش يعتزل ذا

آآآدمــي اذا شــات الكــورهـ محلوف على الكورهـ ماتطلع من الثلاث خشبات...تروح فوق بس تتذكر انه حاجي وتنزل :D

ولا فلآلآلآد :D ودي فــيه بالزمن ذا ويخزوق بالشـعب .. اجل فــقارى :D

رومـpb189ـانيا لــو مايجي منك الا ذا الاثنين