{ شلل نصفي يا يبه القرار جداً صعب !!

[مايؤرقنا]

صبـاحكم , مسـائكم
جنّـــة bp039 !



\



أعــزائي أعضاء وعضــوات أســرتنا ,


( مــايؤرقــنا )


تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,


mayoaregona@hotmail.com


مشكلتي :


2001 april
بهالسنه صرت خاله لاحلى بنت اخت عرفتها
تعلق قلبي بها بشكل جنوني
كاانت فرحه ما تتكرر مرتين
الشعور بانه اصير خاله لاول مره شعور
اقدر اوصفه لكم بـ احساس مجنون
وبس ,,

april 2004
من هنا ابدأ معكم
ابدأ معاناه ممكن انه تنعاد فصولها مره ثاانيه
،
يومها كنا جالسين اختي و اهلي مجتمعين كلنا
لكن اختفت عنا للحظة بنت اختي
قمنا ندور عليها
كل(ن) راح من جهه رحت انا و ابوي
من قدام البيت مع ابوي انا افتش عنها بالخيمه
و ابوي طلع للشارع ..
بعد طلعه ابوي بثواني سمعت صوت سياره (تفحط)
عقبها صرخه ابوي ينادي على بنت اختي
الحمدلله ما صار فيها شي - الحمدلله
بس من صدمه الموقف طحت و لا عاد وقفت الى يومكم هذا بروحي
جتني جلطه برجلي اليمين - سببها هالصدمه و السكري لانه عندي من ولادتي
بعدها باقل من 12 سااعه سووا لي عمليه كاانت مصيريه
كاانت ما بين انه بتر لانه توقف الدم عن رجلي لساعاات
او انه تغيير الشريان اللي جت فيه الجلطه
بتوفيق من الله
قدر الدكتور يغير الشريان لكنه اضر باعصاب رجلي
و صارت اقرب ما تكون بالوصف الى الشلل
،
الدكتور سوا اللي يقدر عليه بظرف ساعات
فما اقدر اظلمه و احط الخطأ عليه
يعني لولا الله ثم هو ما كان انا حالي كذا
،
بعدها صرت مقعده على كرسي لمده سنتين
بعدين قدرت اني اوقف - امشي عليها
لكن مع عكااز - عصا
كله ذا بعد التأهيل و العلااج الطبيعي و بتوفيق من الله
و انا هالحين امشي على عكااز
و فيه احتمال انه ارجع امشي لو استمر مع العلاج و التأهيل
بعد فتره مو محدده بنسبه 9 %
انا متمسكه بهالـ 9 %
احياان اضغط على نفسي و امشي خطوتين - ثلاث خطوات
بدون عكااز لاجل استرجع احساس قديم
لكن بعدها اتألم للاياام
انا راضيه بهالحال - بهالالم
لكن ابوي الله يهديه
فيه امل لي انه ارجع امشي بعد عمليه لو اسويها
لكن نسبه نجاح العمليه 25%
و 75% ممكن انه ما تنجح
اذا نجحت العمليه فهذا من توفيق ربي و استجاابه للدعوات
و راح اقدر امشي بعد ما يلتئم الجرح
اما اذا ما نجحت
فراح ارجع ابدأ من جديد
من مكان ما بدينا - من على الكرسي
بعضكم بيقول لا - سوي العمليه
يعني حتى لو ما نجحت على الاقل ترتاحين من قوله لو ..لو
اذا ما نجحت العمليه راح يكون من اسوأ الاحتمالات شلل نصفي سفلي
لاجل تفهمون ليش انا رافضه اسوي العمليه ابسوي معكم زي ما قلت لصديقتي
قلت فكري بوضعي هالحين شوفي كيف كنت بالاول وكيف انا هالحين
حطي نفسك مكااني بنفس المكاان و الوقت و كل شي حولي
تخيلي الاشياء اللي سويتيها بالفتره ما بين 16 الى 20 من عمرك
تخيلي انك ما سويتها - تخيلي انك انحرمتي من احلى طلعااتك -هبالك - رقصك -نحشاتك بالمدرسه
اي شي حلو سوويتوه بهالفتره تخيلوا انكم بوضعي - شوفوا بتقدرون تسوونه والا لا
فكروا فيها زين
حسوا بالالم اللي عشته وقتها - بالاحساس اللي كان يجيني ايامها
،
صديقتي بعدها جتني وقالت توي عرفت معنى النظره -تعابير وجهك - اذا سوينا شي قدامك
،
ايام التأهيل مرت بي اياام ما عرف بألمها الا انا و ربكم
خلال هااذي الايام كانوا يعطوني مهدئات
استمريت عليها لمده 3 اشهر و عليها
بعدها بكل بسااطه قالوا انتي جسمك بدأ يتعود عليها - كاانت بدايه ادماان
طبعا الالم من بعدها شي لا يوصف - النفسيه محد منكم ممكن يتخيل اللي وصلت به
،
لكنها اوصلت به انه اسولف مع ثنتين من صديقااتي
الا وحده تقول تعبتينا معااك يا سوسو
قلت لهم شوفوا عندي لكم حل يخلينا نرتاح انا و انتوا
كنت ابيهم يساعدوني يخلوني اخلص من هالوضع - حيااتي
عقبها ما وعيت الا على كف
،
انا ما ابّي ارجع امر بنفس الظروف اللي مريت بها
يكفي الم - احساس - نظرات الناس
يكفي اللي ضااع من عمري - من شباابي
اجمل سنين شباابي - مراهقتي ضااعت و انا احاول امشي
ما ابي ارجع اضيع اللي بقى من عمري
في محاوله ثاانيه نسبه نجاحها 25%
اللي راح و اللي شفته كفااني عمر
و انا بس مجرد التفكير انه ارجع لهذاك الالم و هذيك الايام يخليني اتمنى الموت بجد
،
مره كنت اتناقش مع ابوي بذا الموضوع
قال ودي اشوفك تمشين - تركضين قدامي
و قبل لا اتكلم - اخذ العكااز و رماها بعيّد عني
قال ابي اشوفك بدونها
في محاوله مني لاجل اخلي ابوي يفهم ليش انا رافضه العمليه
قلت يبه انا انحرمت من شباابي مره فلا تحرمني منه مره ثاانيه
،
انا مساافره بعد اسبوعين المانيا اسوي فحوصاات و خلال الفحوصات راح يشوفون
استجاابه رجلي - اذا كانت استجاابه قويه فيكون العلااج و التأهيل افضل لحالتي
اما اذا كانت ضعيفه فـ راح تكون العمليه
،
ماودي انه اساافر هالحين خصوصاً هالايام
لانه عمي توه متوفى من فتره - و ابوي بحاله نفسيه صعبه شوي
اخواني و خواتي ما يوقفون مع ابوي زي ما اكون معااه انا و اخوي اللي اصغر مني
ماوقفوا مع ابوي في ظروف مرت عليه اسوأ من اللي يمر بها هالحين
ما قلت لابوي عن هالشي - ما اتوقع انه بعد بقول له
لانه خلااص قد تحدد كل شي
،
ما اخفيكم اني ادعيّ انه يقولون التأهيل افضل لك و نتائجه افضل
عشت لحظة مع شخص اقدر اسميه " وجه الخير "


>> تدرين كل ما فكرت انه ممكن يقولون لي انه وضعك هالحين افضل من انك تسوين العمليه افرح - حتى اني احياان اضحك لا شعورياً
لحظة حلوة تكون <<

،
رغم هذا كله جبرت اهلي - ربعي - كل الناس
انه ما يقولون حق بنت اختي انه لاجلها صار فيني
من اول ما دخلت المستشفى الى اليوم هذا
كل ماسألتني ليش انتي كذا زي العجوز
اقول طحت و صاار فيني كذا
ما ابيها تعرف انه هي اللي ورا ذا كله
يكفي انا تعذبت - ماابيها تتعذب بعدين لاجلي
،
آه العنا بي طالِ !

-


القرار جداً صعب ,
ساعدوهـا بليز بأرائكم ودعواتكم !

( F )

[رجول حرفي]

الله يشفيك يارب واتكلي على ربي
والله يسهل عليك كل امر يارب

[أمل الحياه]

الله يشفيك يارب ويسهل عليك ..
إذا التأهيل قادر ينهي معاناتك .. فالأفضل انك تشيلين العمليه من راسك
ادعي ربك ان الإستجابه تكون قويه
وماتخاطرين بـ عمليه نسبة فشلها تفوق نجاحها
الله يسهل عليك

[Mَsْhَaْ3ِRْ]

أول شي الله يشفيك ..


ثانيا هل قصدك إنك الآن متمسكة ببصيص أمل ( اللي هي محاولاتك ) وهذي مقنعتك ..(( هل ممكن هالمحاولات تتطور ويكون فيها نتيجة )) ؟

طيب برضو سؤال ..

هل لو لا قدر الله ومانجحت العملية ورجعتي للكرسي هل بعدها ممكن ترجعين للعكاز ولوضعك الطبيعي الآن ( وكم مدة التأهيل 4 سنوات ) ؟

عموما الله يشفيك ويعينك وبكل الأحوال تفائلي خيرر وإن شاء الله ربي بيكتب لك الخير

وللأمانة ماقدر احط نفسي مكانك ، ومايحس بالنار الا واطيها

انتي ادرى بنفسك ولكن الدنيا بكل الأحوال جهاد ، وأنتِ الآن بعز شبابك

وأولاُ وأخيراً أنتِ أدرى بنفسك وبظروفك وبنفسيتك

عموما انا ماقدر اعطيك خيار ، اللهم دعوات لك بالتوفيق والشفاء العاجل

[شمس الاصيل]

دعواتي لك بالشفاء العاجل

[حـــلاوهـ]

.





والله وضعك محير :(
لكن بس بنصحك بحااجتين

أولا : الإستخااره مو بس تصلينهاا مره وحده صليهاا كثييييير pb030pb189

ثاانيا : صلاة الليل والدعاااء فيهاا وربي وربي وربي مفعولها عجيب
واسألي مجرب pb030pb189


والله يكتب لك الشفاااء عاجلاا غير أجل pb189
ويكتب لك اللي فيه الخير pb189





.

[cupcake]

حياتي والله مرره ضاق صدري .. الله يعوضك يارب ان شاءالله من عنده

شوفي ياقلبي ابسط شي تسوينه انك تستخيرين بنيه ومن قلب .. ومو من مره واثنين وثلاثه كرريها كثير والله يكتب لك اللي فيه الخير يارب

[Eva]

بيجي يوم بكره
لا كبرتي
وماعاد جسمك يحمل العكاز
وتولين ليتني سويتها يمكن كانت تفيدني

انتي بكل بساطه جيبي ورقه وقلم
وحطي جدول سلبيات العمليه وايجابياتها
وبرض السلبيات اللي بدون العمليه وايجابياتها
وعدي كم سلبي هنا
وكم ايجابي هنا
ورجحي الكفه

عمرها ماتكذب هالحركه : )

ابي اقولك انه نسبة 25% جدا جيده وانتي شباب
طيب وش الضرر ؟؟ اي عمليه لها مخاطرها
بس طالعي بهال25% وش ممكن يعطونك
بيرجعون لك عمرك اللي راح مع العكاز صح او لا
ماودك تفرحين ابوك ؟
يمك انتي تعودتي
او يمكن التشائم اخذ منك مايكفي
لكن فكري بغيرك قبل نفسك
ابوك يبي يفرح بشوفتك ساعديه انتي
حتى لو تحاولين
وش فيها لا سمح الله فشلت العمليه
ترجعين تبنين شي بنيتيه انيت بقوتك بالبدايه
مافيها شي مجرد تضحيه بسيطه بسبيل تحقيق راحتك

انتي فكري واسرقي فرصة شبابك قبل مايفوت الاوان : )

حبيبتي طمنينا عنك

[غير النــــــاس]

..

الله يكون بعونك :(
صعب جدا الواحد يقول رايه بمشاكل زي كذا !
ماأملك لك غير دعوات صاااااادقة من قلبي ان الله يرفع عنك ويشفيك pb189
و أهنيك على قوتك وصبرك وتحملك للمعاناة وقطعك لهالشوط الطويل
والمؤلم خلال التأهيل ، أقوى سلاح ضد المرض هو القوة والإرادة pb189

شوفي برأيي لازم تفهمين بالضبط عن هالعملية ..
ومن مصدرها الطبي اللي حيسويلك هي ، غير نسبة نجاحها
اسألي لو فيه حالات تسوت لهم العملية قبل كذا ؟
وكيف كانت الحالات زيك ولا أسوأ ولا أحسن ، وكيف كانت النتائج ؟
ولو قدرتي توصلين للحالات بنفسك وتشوفين حالهم يكون افضل ..
حاولي تفهميين كل جوانب حالتك بالتفصييييل من ناحية طبية
شوفي هل نسبة 25 في حالتك نسبة مقبولة طبيا ولا لا ؟
تناقشي مضبوط مع الدكاترة عن وضعك واسألي انتي لاتكونين مجرد متلقية لكلامهم
وخذي أكثر من رأي طبي .. لاتاخذين بأراء ناس مالهم خبرة ولاعلم ..
وبعدها فكري تبعا لكلام الأطباء ،
وبما إنك مسافرة المانيا خير وبركة سافري ولاتضيعين وقت في التردد والحيرة ..

بعد ماتتفهمين جوانب حالتك والعملية ..
اسألي نفسك هل عندك استعداااد تغامرين وتحددين أملك بالضبط ؟
ولو لاقدر الله العملية ماتكللت بالنجااح
هل فكرة انك ترجعين لوضعك السابق شي ممكن تتقبلينه
والواضح إنه لا ؟ :(
يقولون الغريق يتعلق بقشة ..
شوفي هل انتي غريقة ولا وضعك الحالي بالنسبة لك أحلى الأمرين ؟

في ناس تقول مستعدة أدفع عمري بس أمشي ،
وفي ناس تقول لا مابي أخسر 4 سنين من عمري على شي مو مضمون ،
في الحالتين القرار واضح وعن قناعة أهم شي ..

صعب جدا نعطيك قرار لأننا من أجهل مايكون بحالتك
سواء الطبية أو النفسيــة ، ومايحس بالنار إلا واطيها ..
بس كل اللي نقدر ننصحك فيه إنه حاولي تتحررين من حيرتك
فكري في أسوأ الأحواال وأفضل الأحوال للقرارين
وبعدها اتخذي قرارك " بقنــاعة " وقوة قلب أهم شي ..
ولاتفكرين في أحد غير نفسك ، ولاتضغطين على نفسك بكلام اي احد
سوي اللي تقدرين تتعايشين معاه وتتقبلينه ..
لو كانت نفسيتك اضعف من نتائج العملية لاتسوينها ،
لأنه حالة المريض النفسية لها دور مهم في نجاح العملية من فشلها !!



الله يشفيك يارب ويسهل عليك bp039pb189

[خفوق]

الله يرفع عنك و يشفيك و يعافيك و يلهمك الايمان و القوه و الصبر

[سَـما]

.
.
العملية ونجاحها يعتمد ع الله والأيمان بمشيئته أولاً ، وإرادتكِ ثانياً
أما الحلول التي بين يديك الآن - مرحلة صنع القرار - هي الأستخارة والدعاء ( فما خاب من أستخار ، وسهام الليل لا تُخطئ )
رددي أستخارتكِ في كل وقت وفي كل مكان ، وتتبعي ميل قلبك لأي خطوة
bp039


أما مسألة المُخاطرة ، فالعملية ليست بالسهلة وبالمقابل أن تتم حياتك معلقة بهذا الوضع صعب جداً
فانظـري للجزء الممتلئ ، وغضي البصـر عن الفارغ وأبذري الأمــل لـ تحصدي الشفاء

طهوراً بإذن الله .
bp039

[أطياب]

أنا ما أحس أني أقدر أساعدج بالخيارين اللي أنتي محتارة فيهم لأني لو كنت بمكانج بكون مثلج تماماً محتارة وأفكر بمليون ((لو ولو ولو)) :sm5:

بس كل اللي أقدر أسويه أني أدعي إن الله يسهل عليج ويشافيج ويعطيج على قد نيتج وإن شاءلله تفرحين أهلج واهما يشوفوج تمشين وتركضين وتتنططين : )

قلبي معاج pb189bp039

[كارميل ماكياتو]

الواحد لما يشوف مصايب غيره تهون عليه مصايبه :(

الحمد لله على النعمه يارب pb189

الله يشفييك ويقومك بالسلامه pb189

استخيري قبل لاتدخلين العمليه ,,

[أم عبدالرحمن]

إحســاس مــؤلـم ..

عشتـه معك لحــظة بلحــظة ..

بس لما حطيت " نفسي " " مكانك "..

قلت : بين ( أكون ) أو ( لا أكون ) وجــع مؤلم !!!

بالإستخــارة و الدعـــاء لن يخـذلني ( رب رحيـــم .. كريــم .. قريــــب .. ) !

لن يخذلني من إذا دعوتـه ( أجــاب ) ..

وأنا على ( يقيـــن ) من ذلك ..


عزيزتي ،،
ثقــي ( بالله ) ..
وكوني على ( يقين ) بأنه لن يخذلك ..
و ( لا خاب ) من ( استخــار ) ..

برايفت لك ::
أنت مشروع كاتبة قصصية مبــدعة ..

[محيط]

الله يعافيك اختي
لا تنسين الاستخارة والدعاء اخر الليل
قلبي معكpb189

[الافــــلاجــــي]

في البدايه احب اقول
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك

يالغاليه ياليت ما تيأسين من رحمة الله وثقي ثقه عمياء ان الي حاصل لك تكفير ذنوب وهو خيرة لك
بخصوص الشلل النصفي قبل اربع سنوات كتبو لي المستشفى ان فيني شلل نصفي
الصراحه كنت مثل الطفل امشي خطوتين وما اتوازن واطيح
وسويت عمليه في الحبل الشوكي الي هو الشي الوحيد في الانسان لو انقطع مستحيل يرجع
كان عندي تجمعات دمويه على الحبل الشوكي بنسبه 95% يعني 5 في الميه وينقطع ولو ما كشفو على حالتي المستشفى لمده يومين كان شلل والحمد لله على كل حال
حالياً حالتي مافيه احسن منها وطبعا هذا بفضل ربي وبفضل الصبر والدعاء
والحين مافيني إلا العافيه امشي واركض طبيعي اللهم لك الحمد والشكر قلت لك عن سالفتي عشان تهون عليك مشكلتك ولو شفتي مشاكل غيرك هانت اكثر مشكلتك
واستخيري قبل كل عمل تقومين به وعليك بالدعاء اخر الليل وربي بيكتب لك الي فيه خير

قلـبي معك والله يعافيك يارب وياليت تطمنينا عن صحتك

["حبكـ طعجني"]

ربـي معك ان شاء الله..
اهم شيء لاتنسين الدعاء والاستخاره..

أسال الله العلي العظيم الرحيم ان يسهل أمورك ويشفيك عاجلآ غير اجل..
وياليت تطمنينا عنك..

[شمس الأمل]

الي فهمته انك بتروحي المانيا علشان تشوفي اذا التاهيل احسن لك والا العمليه
طيب انتي لاتحددي الا لماتسافري يمكن يقول لك ان التاهيل احسن لحالتك وترتاحي من التفكير ولو قالوا العمليه استخيري كم مره وادعي ربك بالثلث الأخير من الليل وراح تشوفي الي يسرك
بأذن الله bp039bp039

الله يشافيك ويعافيك يارررررررب وترجعي تمشي مثل الأول وأحسن bp039

[~[EmjO_o]

::


حبيبتي .. تذكري دايم .. أن رسول الله صلى الله عليه وسلم قال: ( إذا أحب الله قوما ابتلاهم فمن صبر فله الصبر ومن جزع فله الجزع)

وان شاء الله هذا كله بآجره .. وتكفير لك .. الاهم لا تتشائمين .. ولا تجزعين .. وتذكري ان ربي يختبرك ولك من الاجر الكثير pb189 ..


قبل كل شي بقولك ..
استخيري واستخيري واستخيري واستخيري .. بإستخارتك ربي راح يختارلك الافضل والاخير لك بإذن الله ..

::

وصراحه اول ما انتهيت من قرايه الموضوع جا في بالي نفس سؤال مشاعر
هل لو لا قدر الله ومانجحت العملية ورجعتي للكرسي هل بعدها ممكن ترجعين للعكاز ولوضعك الطبيعي الآن ( وكم مدة التأهيل 4 سنوات ) ؟
...؟؟


انت فكري اذا نجحت .. كيف بتكون فرحتك بسنينك الجايه .. وكيف بتكون فرحه كل شخص حولك
والاهم ابوك pb189
فكري كيف بيتغير كل شي pb189pb189
وكيف بتقعدين كل يومك وكل حركه تسوينها تحمدين ربك عليها pb189pb189
يمكن ربي حرمك منها وقت معين وبيرجع لك اياها عشان يمتحن شكرك له !! صبرك على مصابك !! < فكرتي بكذا؟

وبنفس الوقت .. ولولا سمح الله والله لا يقدر مانجحت .. مع اني اشوف نسبه نجاحها شي حلوه جداً ..
دام مالها اضرار سلبيه .. غير بدايتك بتأهيلي .. ويمكن يكون نجاح نسبي وتحتاجين فتره تآهيليه اقل من السابق .. فهو انشالله راح تتوكلين على ربك وتقوين ايمانك به .. والاهم انك كسرتي حاجز حيرتك .. وترجعين تآهيلي مثل منتي ناويه الحين
وتتحسنين بإذن الله pb189



وانا مقدره حيرتك .. مقدره وضعك .. وعشته وربي
بس مايحس بالنار مثل واطيها ..

الاول والاخير هو رايك .. توكلي على ربك واستخيريه .. والله مايخيب رجا عباده pb189


قلبي معك ولك اصدق دعواتي bp039..وطمنينا عن حالك



::







الافلاجي
الحمدلله على سلامتك pb189

[جداااوي]

الله يشفيك

قلبي يبكي من اجلك

دعواتي لك بالشفاء

ولا يوجد شئ اسمه مستحيل

الدعاء يصنع المعجزات وراح تتمتعي بحياتك ان شاء الله

ادعي الله واستخيري بخصوص العمليه

خالص دعواتي

[بنت الجوكر]

كوني متفائلة والـ 25 % نسبة جيدة ثقي وتأكدي ان كل شيء مقدر
ومكتوب وأن ما أصابك لم يكن ليخطئك وما أخطأك لم يكن ليصيبك ..
اللهم يامن يحيي العظام وهي رميم .. أحيي ماتعطل من أختنا ياكريم ..

[loza_mlzlza]

اللهم رب الناس اذهب البأس واشف أنت الشافي لا شفاء إلا شفاؤك شفاء لا يغادر سقماً ..


\\


ماااقدر احط وضعي بووضعك !!..

ولو انو موقفك صعب وواكثر من محير :(


بس انا اقوول 25% نسبة حلووة..واذا سويتي العملية تكوونين سويتي كل اللي انتي عليكي !!

انتي اذا رحتي المانياا شوفي الدكاترة شيقولون لك ..اللي اهم ابخص مني واعلم مني ويقدرون ينصحوونك اكثرر !!


صدقيني بارادتك وقوتك..ووأمل ابوك انه يشوفك وانتي ترجعين ومدام هناك نسبة من الامل !!

باذن الواحد الاحد .. ترجع لك العافية..


استخيري وثقي بالله..وتأكدي انه مهما صار فهذا كله لسبب ولحكمة..



وطمنينـا عنك..



ان شاء الله نسمع الخبر اللي يثلج صدرك وصدوورنـا



بالسلامة ~ pb189bp039

[Eva]

افلاجـي ردك بمحله
مرره انبسطت صراحـه ابيها تتفائـل يكفيها تشائم : (
حمد الله عالسلامـه ياعسـل

[حلا اهلي]

الافلاجي .. bp039

شوفي قلبي .. فيه اشياء كثير بالحياة ممكن الواحد يوقف عندها شويتين خصوصا الصحه

يكفي من الي ضاع من عمرك .. علشان كذا انا حاسه فيك وحاسه بكل الكلام الي قلتيه تمسكي بالامل .. ولولا الله ثم الامل مااحد عاش pb189

الله يوفقك ويسهل عليك وترجعين تمشين واحسن من اول بعد ... pb189 وطمنينا عليك ياقمر pb189bp039

[.!.$.!.]

،

قلبي معك ودعواتي لك بالشفاء بإذن الله

صعب اننا نعطيك رأينا
لانه بالاول والاخير شي يعود لك انتي .. انتي اللي تقررين
بس كنت بسألك لو رحتي المانيا وسألتي الدكاتره هناك راح تخسرين شي ؟!
انا ما قلت سوي العمليه بس خذي رأيهم هناك
ما اقولك ان اطبائنا مو ثقه لكن يظل الطب متقدم عندهم اكثر مننا
اذا قدرتي تقابلين الاشخاص اللي قد سووا العمليه وتستفسرين منهم وتشوفين النتايج بعينك



انتي توك بعز شبابك وترا العمر له دور
نفسيتك بعد لها دور كبير .. لا تحطين الاحتمالات السيئه قدامك ولا تبنين قصور بالهوا
خليك واقعيه
وترا حالتك افضل من كثير غيرك لكنك ما شفتيهم
تخيلي طفل توه عمره اربع سنوات كان يسأل ليش اختي تمشي وانا لا :(pb189
لما كبر هالطفل كان يقولنا احلامه وطموحاته وبالاخير يختمها لو اني امشي :"(
الحين هو بمرحلة المراهقه اللي المفروض انه يشيل الدنيا ويقعدها لكن فيه اشياء كثير مو قادر يسويها علشان الكرسي :(
لو اقولك انه يوم كان طفل سوا عمليه احتمال يتوفى فيها او يجيه شلل كامل :"(
و يتمنى انه يمشي لو على عكاز : (


تراك احسن من غيرك
ادري انه شي مو سهل بس احتسبي الاجر
طيب انتي ما فكرتي بالان اللي صارلك هذا تكفير .. وانه صار علشان تقربين من الله اكثر
وكل شي صار وراح يصير مكتوب لك قبل ما تنولدين
انتي خلي ايمانك بربك كبير
واستخيري استخيري وكثري من الدعاء
وبإذن الله ترجعين مثل اول واحسن
بالعمليه او بدونها
وتعوضين هالاربع سنوات : )


يارب تحقق امنيتي واشوفهم يمشون قدامي :"(

[ويبقى أمل]

صعب أحط نفسي مكانك
مايحس با النار الا واطيها:(

الله يشفيك يارب
وتفائلي با الخير تجديه

[بنت الاماكن]

الله يشفيك اختي ويعافيك انتي شوفي الحالة من جميع النواحي اسألي دكتورك عن النسبة هذي ومدى فائدتها بالنسبة لك وبرضوا عن تاثير الشلل هذا اللي في رجلك لو ماتم علاجة في المستقبل على ظهرك وعلى صحتك عامة اكيد انتي ادرى الناس بحالتك سواء الصحية او النفسية لكن مايمنع انك تناقشين وتشوفين جدوى العملية هذي واستفادتنك منها وتاثيراتها الان وفي المستقبل وبرضوا رضاك انتي عن وضعك الحالي هل انتي راضية او عندك القدرة على المجازفة بالنسبة هذي حتى لو خسرتي اعتقد ان سفرتك هذي راح تحدد مصيرك وتطلعك على اشياء ممكن تكون خافية عليك استخيري ربك قبل كل شيء والله يكتب اللي فية الخير

[* ROSi *]

ياقلبي عليك نزلتي دموعي :(

ماعندي كلام اضيفه اكثر الاعضاء كفو ووفو 00

ماعندي لك الا دعوة صادقة بأن ربي ييسر لك طريق الخير والسلامه يارب bp039

استخيري 00 ولاتنسين صلاة الليل والله انها تفرج الضيق والهم وتريح 00 وتصدقي بنيه الشفاء bp039

الله يشفيك ويقومك بالسلامه ويكتب لك اللي فيه الخير bp039

[العجيز]

قال رسول الله صلى الله عليه وسلم :( إذا أحب الله قوما ابتلاهم فمن صبر فله الصبر ومن جزع فله الجزع)


قال تعالي : ( اذا سألك عبادي عني فاني قريب أجيب دعوة الداع اذا دعان)


لاتقنطوا من رحمة الله

ومن توكل على الله فهو حسبه


نصيحة صادقه من قلب حس بمعاناتك
علقي رجائك بربك .. ربي مايخيب عباده
والله يشفيك ان شاء الله وجعل كل اللي جاك تكفير














تحياتي

[ككاو كوكو]

يا بعد عمري قلوبنا معاج

تذكري هالحديث القدسي دايما

(( أنا عند ظن عبدي بي , إن خيراً فخير , وإن شراً فشر ))

خليج مع الله دايما وصدقيني الله ما راح يخيب ظنج

استخيري وشوفي نتيجة الاستخارة

واللي كاتبه الله يصير

دعواتي لج

[عذابي غ ـير ..!]

.
.

اعرف وش تحسين فيه :(
4 سنوات ماهيب سهله
خايفه ترووووووووح منك ويروح تعبك كله

بس !!
لو انا مكانك راح اسويها بعد الاستخارات بـ اذن الله

لمن قريت كلامك .. قلت هالبنت حاطه براسها مارح تسويها خلاص !
وولا تبيها وولا عندها استعداد تخوض التجربه ! اللي فيه احتماال تنجح !
طيب ليه نزلت الموضوع ؟
بعدين قريت انك طالعه ع المانيا بتسوين فحوصات
انبسسسسسسسسسسسسسسسسسسسسسسسسسسسسسسسسطت
ياربي ايجابيه يااااااربي

المهم
مره كنت اسولف مع وحده ماعرفها !
بـ اليديز ويتنق روم !
كانت تقول
ان بطنها كان لمين ركبها ! الحمد لله :(
كبير بشكل شنيع وطايح ومترهل وماتقدر تحمل !!
متأزمه مررررره كانت
تحكي ان راحت لـ 4 دكاتره
كلللللللللللهم قالوا ولا نقرب لك !
انتي مليون بالميه عمليتك ماراح تنجح !
مانبي نضرك واحنا عارفين النتيجه من الان ؟
عايشه بحاله نفسيه ززززززززفت كنت
مقدر اناظر اطفالي !
يبون اخوان يبون خوات
زوجي كمان !!
نصحتني وحده بـ دكتور رحت له !
قال اي اسويها لك مو مشكله
بس ترى مو اكيد تنجح
70% ماراح تنجح ؟؟
تقول جاني بصيص امل .. حسيت الدنيا ضحكت ليي
عشان انو 30% ممكن تنجح العمليه ! ( عكسك ردة فعلها مرررررره )
استعديت ليوم العمليه وبس افكر فيييييه ومبسوووووووووطه
واستناه وادعي واستخير وكلمت اختي احط عيالي عندها وقت عمليتي
وفجأه
قبل العمليه بـ 3 ايام
رايحه تكشف كشف نهائي وتقابل الدكتور قبل العمليه
تفاجأت انه يقول لها !
ماراح اسويها لك !
فيها خطر ع حياتك وانا مقدر اتحل المسؤوليه عندك عيال ! :(
اصييييييييييح واترجااااااااه ماعليك سوها لي
سووووووووووووها لي .. راضيه بـ 30%
رفض رفض تااااااااام

تحطمت مت قهر حسيت كل شي بالدنيا ضديييي .. اللهم لااعتراض !
شكل زفت ! بطن مترهل ! جسم مو شي ! عيال مقدر اجيب ! وانا لسا صغيره ! :(
الحمد لله !!

تقول مرت الايااااام
وكان فيني همممممممم .. ماودي اشكي لحد مابي ابين ضعفي !
لكن مره بـ مكان نسائي عام
كنت بنفجرررر .. اشوف الكل حولي بـ اجسام واشكال !
الا انا بطني لين ركبتي !
وزوجي مو عاجبه بس مايقول :(
تقول المكان زحمه
جت وحده قالت عادي اجلس معاكي بنفس الطاوله
جلست طبعا وتسووووووووووووولف
تقول وانا اسولف شوي بس قلبي فيه غصّه
وقمت افضفض لها :|
قلت لها كل شي
واني متحطمه
واني اكره كل شي
واني لي حول سنه ماشفت الشارع
اليوم طلعت وليتني ماطلعت ولا جيت
زادني انكسار منظر هالناس اللي هنا ( الله هنيهم بشبابهم )
تقول قامت نصحتني وعلمتني عن دكتور وشاطر وكويس و و و و
تقول رحت له بدون اي تفكييييير
وحاطه ببالي
بيسويها لي غصبن عنه :mad:
ولوووووووووو فيها موتي !
ياانا يالكرش والحمل !
واحد مننا لازم يروح ههه :D
راحت للدكتور ونفس الشي !
قال عمليتك صعبببببببببببببببببببببببببببببببببببه
صعبه مره
ومااظظمنها لك
قلت انا بسويها ولو 1% نسبة نجاحها
قال اتكلنا على الله
دخلوها قبل العمليه بيومين !
يضبطون لها الضغط والسكر .. لاانها تعاني منهم :( الله يشفها
وبعدها سوو لها العمليه
وماشششششششششششششششششششاللللللله
نجحت نجحت نجحتتتت
مع انها داخله العمليه تقول وانا اودع الرياض كنت !
الانوار ! الشباك ! السرير ! كل شي كنت اناظره وابتسم !
احسني بودع كل شششششششششي
كني داخله بموت يعني !
ومع ذلك اصريت اسويها !
ماشا ءلله تبارك الله اهنيها قسمن على قوة قلبها واصرااااارها

قلت هالسالفه الطووووووووووويله
عشان تعرفين بس ان مافيه شي بعيد عن ربي !
وهذي مجرد نسب وارقام ! هم حطوها ! بس فيه اللي اكبر منهم وامره بين كاف ونون
استخيري وادعي واطلبي وتصدقي وارجعي استخيري
وربي معك
وقلوبنا معك
وننتظر موضوعك تبشريننا بـ انك رميتي العكاااااز

.
.

[سررااب]

اسأل الله العظيم رب العرش الكريم ان يشفيك....

اسمعي حبيبتي...
اللي صار لك..مقدر ومكتوب
بالنسبه للعمليه...
استخيري
ثم
استخيري

مارتحتي اتركي العمليه
**وعسى ان تكرهوا شيئا وهو خير لكم **
ارتحتي
سويها وتوكلي على الله
وبرضه استشيري اهل العلم والتخصص بهاالموضوع من اطباء ووغيرهم
ابعدي عنك التوتر واحداث الماضي والحاضر..
يمكن الالام اللي تحملتيها خلتك تخافين زياده

ونصيحه من اخت لك...
الاستغفار
بكل وقت وكل حين..
صلاة الليل
وصدقيني الله ماراح يخيب ظنك


لاتيئسين ابدا ابدا
التفاؤل نصف الشفاء
والتشاؤم نصف المرض
مادام قلوبنا تنبض بحول الله الامل موجود


الله يشفيك ويرجعلك لاهلك بخيرbp039

[مضيعهـ شباصتها]

الله يشفيك ويعافيك,,

ولاتيأسين رحمة الله وآسعه,,;)

ونسبة25%حلووه لاتفقدين الامل وسافري وشوفي وش يقولون لك,,:)


عليك بالاستخاره,والدعاء ثم الدعاء ثم الدعاء,,


والله يفرح قلبك ويطمنك يآرب,,pb189

[عـقـد لـولـو]

الله يشفيك ويعافيك ويرد لك صحتك ..bp039
وعقبال ماتبشرينا بأنك تمشين وانتي بأحسن حال ..pb189bp039

ياقلبي استخيري .. مافيه غير الله سبحانه بيرشدك ويدلك للي فيه خير لك ..
كل يوم استخيري اكثر من مره .. واعي الله بإلحاح وقوووة بداخلك تؤمن بأن الله بيستجيب لك ..

أمي اليوم تقولي سالفة قالها الدكتور لجدتي ..

جدتي تسولف مع دكتورها عن الامراض المستعصيه وكذا .. قالها العام كان عندي ولد عمره 14 ومنتشر في كل جسمه سرطان !!
وكان ميؤوس من حالته وبيسوون له عمليات استئصال واحتمال كبير انه يموت !
يقول الدكتور قبل العمليه بيوم جتني امه قالت ممكن اطلع مع ولدي شوي ؟؟
وترجته وكذا ووافق ..
وكان هذاك اليوم مطر قوووي وبرَد .. وطلعت الام تحت مظله وحطت ولدها جنبها وسجدت .. تدعي وتدعي وتدعي وتبكي لله وتترجاه ..
يقول الدكتور انا لحقتها بشوف وين بتوديه واشوفها ساجده .. وتجمعوا حولها ناس كثير يبونها تقوم لان المطر قووووووي ..
يقول وجيت وخرتهم عنها وقلت خلوها مع ربها اتركوها .. ورحت أكثر من نص ساعه ورجعت ولقيتها بنفس وضعية سجودها مازالت تدعي ..
ومن بكره جينا للولد نسوي فحوصات والله مافيه سرطان ابد !!!
اختفى نهائيا من جسمه رغم انه كان منتشر مررره !!

انا قلت لك هالقصه عشان اطمنك ان ربي قريب :) يجيب دعوة الداعي اذا دعاه ..
وعشان تحمدين ربي وتشكرينه كل يوم ان حالك احسن من غيرك :)

ربي قادر انه يخليك ترجعين زي اول واحسن بدون عمليه ..
وبرضو ربي قادر انه ترجعين مثل اول واحسن بعد العمليه ..

بس .... استخيري واكثري من الدعاء لله وماراح يخيب أملك فيه :)

ربي معك .. ودعواتي الصادقه لك بأن يشفيك ويعافيك ويكتب لك اللي في الخير لك ..bp039

[نملة فسفورية]

الله يشفيك ويخفف عليك

القرار فعلاً صعب ..

هالشي بيد رب العالمين استخيري ربك هي صح النسبة قليلة بس ماعليك الا انك تدعين ربك وتستخيرين والأمر اللي فيه خيره لك بيتيسر لك بدون ماتحسين ..

اصبري وادعي ربك واستخيري اكثر من مره والله يكتب لك اللي فيه الخير .. لا تتأثرين بكلام أقاربك لاتخلينهم يقنعونك هذا قرارك انتي .. مالك إلا الصبر والدعاء والاستخارة ..

الله يشفيك ويرد لك عافيتك bp039

[مومورينا]

الله يشفيك يارب لاتيأسين من الدعاء انا من رأيي الشخصي انك تستمرين بالعلاج الطبيعي والــتأهيل النفسي هو أفضل من العمليه ونسبة فشلها حاولي تكونين صبوره ومؤمنه أكثر ولا تيأسين وعيشي حياتك طبيعيه وانبسطي مثل أي بنت ولاتفكرين كثير...المهم انتي وش قرارك وش اللي تحسين فيه انك مرتاحه ...

وان شاء الله ترجعين تمشين طبيعي ..بس الأهم دعاءك لرب العالمين ..

[TR~tr]

أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك

الله يشفيك يارب ويفرح قلبك وقلب ابوك فيك
نسبة نجاح العمليه حلوه عليك تسألين عن سلبياتها وايجابياتها
سوء نجحت او لا ؟؟
واذا كان العلاج التأهيلي احتمالية النتائج مضمونه بإذن الله
فتوكلي على الله
وانت اعلم بحالتك اكثر من خلال وجودك مع ااكفاء الاطباء

والاهم من هذا كله استخيري اكثر من مره ويارب يسهل امرك
ويكتب لك كل خير
تصدقي بنية الشفاء (داوو مرضاكم بالصدقه )
واكثري من الاستغفار والدعاء بجوف الليل


دعواتي لك بالشفاء العاجل
طمنينا عليك

[pinkiah]

مـره القـرار صعـب .. مـالك الا ربـك pb189

استخيـري مـره ومـرتيـن وعشـر .. استخيـري لحـد

ما تحسيـن انـو ارتحـي لشـي pb189 .. ولا تحطيـن ببـالك انـو مـا ابي عمليـه

مـاتدريـن يمكـن تسـوينهـا وترجعيـن احسـن من اول .. الله يسهلهـا عليـك يـارب

ويشفيـك ويـريح بـالك bp039

[alhilaliah]

الله يشفيك ان شاء الله ..
ادعي ربك .. وكلن بيدعي لك ..
وان شاء الله .. تقدرين تمشين بالعلاج الطبيعي
وبدون اي عمليه ..

[SAUDIA 100%]

غاليتيpb189

أولاً / ما صابكـ بلوى من الله ,, والله لايبتلي إلا عباداً يحبهم وهذي نعمة

ثانيــاً /أنتي مأجورة على مرضكـ ,, وفيه تكفير لذنوبكـ إن شاء الله

ثالثـــاً / المرض والشفاء والأمل كله بيد الله وحده لابيد طبيب ولا غيره

لكن المستشفى والأطباء جعلهم الله سبب نسعى من خلالهم على بركة الله وتوفيقه إلى الشفاء

رابعــاً /استخيري ثم استخيري ثم استخيري ,, واكثري من الأستغفار ,, والدعاء

خصوصاً في الثلث الأخير من الليل عند نزول رب العرش إلى السماء الدنيا

الله يشفيكـ ويعافيكـ ويقومكـ بالسلامه ياربbp039pb189

[L.7.N]

الله يشفيييك ويرفع عنك
(اذا الله احب قوما ابتلاهم)
مااعرف ايش اقول لاني لو كنت مكانك كنت محتاره زيك
عليك بالاستخااااره اهم شي
وصلاة الليل والدعاء
الله يعينك ..

[غرشة عطر ..❥]

{ إن الله إذا احب قوم ابتلآهم }
pb189

تذكري هالكلام دائماً وإن شاء الله تفرحين وتفرحين اهلك
طبعاً قبل ما اقول سوي عمليه واستخيري وفكري
واستشيري وهالكلام كله ..

لازم يكون عندك إراده وعزيمه واصرار pb189
لأنو لو ماكان عندك هالشيء راح تتعبين بـ اتخاذك لـ القرار !
الفحوصات اللي راح تعملينها في ألمانيا بدايه حلووه pb189
وحاولي انك تستغلين هالفرصه وتجلسين مع دكاتره وتناقشينهم وتشوفين اللي سبق وصار بهم مثل حالتك ! وكيف سووا !
وطبعاً تذكري ان ربك فوق كل شيء pb189
وزي القصص اللي ذكروها لك ماشاء الله شوفيهم الحين بـ اكمل صحه وعافيه
وعقبالك يارب bp039

اهم شيء الإستخاره مره ومرتين وثلاث والف بعد لا تيأسين ابد ابد ابد :)
قال رسول الله صلى الله عليه وسلم { إن الله حي كريم يستحي إذا رفع الرجل إليه يديه أن يردهما صفرا خائبتين }وقال صلى الله عليه وسلم : { ينزل ربنا تبارك وتعالى إلى السماء الدنيا حين يبقى ثلث الليل الآخر , فيقول : من يدعوني فأستجيب له , من يسألني فأعطيه , من يستغفرني فأغفر له }

bp039

القرار يكون بالنسبه لك صعب جداً :(
لكن إن شاء الله بتسخيرين وتفكرين بينك وبين نفسك وتشورين على المتخصصين
وراح تأخذين القرار السليم يارب pb189 ..

لا تضيعين شبابك الباقي بسبب الخوف والتردد وتحرمين هـ المسكين ابوك من امنيته :(pb189
يعني ماشاء الله توك بـ اول الشباب ..
واللي راح موب كثيييير والله .. لكن فكري بـ الجاي !

حطي دائماً تصور ببالك انك لو قعدتي عاجزه قدام هالمرض بدون ماتسوين شيء راح تتعبين اكثر وتتعبين اللي حواليك ..
ويمكن بعد تندمين في المستقبل ( لاسمح الله pb189 )

عموماً ..
اتمنى لك الشفاء يارب ودعواتي لك والله ..
والله يفرحك ويفرح اهلك ويقر عيون والديك فيك يارب pb189
طمنينا عليك pb189

الله يكتب لك اللي فيه الخير ..

[قـــوة]

الله يشفيك ياااارب ..

كثري من صلوات الاستخاارة ..

هذا الي اقدر اقوله وبس . . . وأتمنى تعلمينا وش صار عليك

[~ دموع الورد ~]

,
لو فشلت العملية هل بيكون حالك اسوء بكثير من اول الجلطة اذا لا
حطيت نفسي مكانك وقلت اسويها :)
ممكن اتحمل معاناه 4 سنين ثانيه ولا اجلس عمري كله :(

نصيحتي لك لو قرروا ان العملية افضل لك ادخليها وانتي متفائلة واملك بالله كبير لا تدخلينها وانتي متشائمة وحاسة انها بتفشل ..
لاتنسين دعوات اخر الليلpb189والاستخاره .

كنت في يوم امر بمثل ضروفك حاسة فيكي وربي:(
قلبي ودعواتي معك pb189bp039

[سلهام عيني!]

الله يشفيك وترجعين مثل أول وأحسن ،
اسأل الله العظيم رب العرش العظيم أن يشفيك ‘،

قرار صعب والله :(

[فراوله بالعسل]

الله يشفيك ويعافيك يااااااااااااااااااااااااارب
اللهم يامنبت النيات ورازق الاطيار اشفها وعافها واجعل لها الخيره فيما اختارته
اللهم وفقها وارزقها الشفاااء
الله يشفيك حبيبتي والله وانا اكتب لك ادعيلك بقلبي
انشاءالله ترجعين مثل اول واحسن
وعليك بالصدقه الصدقـــــــــــــــــــــــه
والاستغفار والدعاء
والله مايخيب ظن عبده به
تفائلي استخيري وادعي بتالي الليل
والحمدلله هذا انتي تتكلمين وتضحكين وعندك امك وابوك قايمين فيك
غيرك حتى الكلام والتعبير مايقدر
الله يشفيك ياحي ياقيوم

[saja]

الله يشفيج pb189

يارب ترجعين تمشين بدون عكاز قريب pb189


العمليه صعب تغامرين :(

[المطمئنه]

هلا وغلا ياعسل والله مارحتي عن بالي

وقبل شوي احكي عنك لامي قالت لي يمكن انه عوار

يعني انتي وقتها يمكن صرختي او انفعلتي وازعجتيهم وازعجوك (( اقصد اهل الارض ))

حاولتي تقرين ؟؟ او تمسين عالمكان الي صار لك فه الموقف وتغسلين منه

لانو امي ذكرتني بموقف قريب لنا كان لسا صغير وطاح وانكسرتت رجله والله تقريبا سنه وهو من مستشفى لمستشفى والكسر ماتجبر صح وكسروه له ثانيه وصار يطلع له تقيحات
لا وصل درجة انو ياخذ المضادات عن طريق الوريد وكان عمره لسا 7 سنوات تقريبا
اخر شي مسحو المكان وغسلو الولد منه وكمان قروا عليه

والحمدلله الحين مافيه الا العافيه

[المطمئنه]

حبيت اضيف انو الروعه ترا مره شينه

ماتلاحظون لما يرتاع احد يسمون عليه واحيان يعطونه مويه مقري فيها

الله يعافيكي يارب ويفرح ابوك يشوفك بدون عكاز

.... جا في بالي حديث عن الرسول فيما معناه وتباركوا بالنواصي والاقدام <<< تفسير الكلام هذا له دخل بالموضوع الي حكيت لك وانو تمسحى عالمكان بس استغفر الله مابي اتفلسف الي عندو خبره فهالحكي او حاب انو يصحح معلوماتي يقولي

تأكدي من الكلام واسألي الي لهم خبره ودارسين وعالمين في الدين

[صبابة قهوة]

الله يشفيك

[q9emiah 4 ever]

مرحبا ...
الله يكتب لك مافيه الخير ان شاء الله ..,:)
الله يشفيك يارب ..,:sm20:

[Lil Hana]

اسأل الله العظيم رب العرش العظيم ان يشفيك
و الله وضعك محير مرة
عليكي بالاستخارة و ربي بيكتبلك الخير

[mjnooonha]

الحمدلله على كل حال اصبري فان ما اصابك هو اختبار من رب العالمين

قوة العزيمة والاصرار هي نص العلاج اختي الكريمة وقولي الحمدلله فانتي تستطيعي ان تمشي على العكاز وغيرك عاجز

[رَوّنق]

يآرب / يآحنّآن / يآمنّآن ,, يشفيك , ويقومك بالسلامه وترجعين تمشين مثل الحصآن يآرب ,,

لآ تيأسين من رحمة رب الكون ,
عليك بالدعآء , وصلاة الليل ,
ادعي ربي كثير ,
تصدقي بنية الشفآء ..
والله يشفيك يآرب //

[امونه53]

الله يشفيك ولا تيأسين تأكدي انها خيره الخيره فيما اختاره الله لك

عيشي حياتك لاتتخيلين انك انسانه زيادة عدد بيدينك حاجات كثيرة لكن ركزي وعلمي اهلك انك مقتنعه

وماعلى الله عسير ادعي وادعي وادعي وانا بدعي لك وان شاء الله الكل يدعي لك

[That’s me]

"الحياة إما أن تكون مغامرة جريئة.. أو لا شيء"
سويها وعلى ربك

وشوفي تجارب الأخوان والقصص اللي حكوها البنات

هذا كله بسبب قوة إرادتهم


وربي يشفيك ويقومك بالسلامة يارب

مع اني اعتب عليك لكلامك ضاع من عمري
ليش هالتشاؤم
مدامك عايشة عابدة ربك وعايشة بين اهلك مايعتبر ضياع لعمرك pb094

غيرك معاقين جسدياً كااامل
وغيرك محرومين من البصر

والحمدلله يعتبرونها إمتحان


bp039

[z e r o]

انا ما ابّي ارجع امر بنفس الظروف اللي مريت بها
يكفي الم - احساس - نظرات الناس
يكفي اللي ضااع من عمري - من شباابي
اجمل سنين شباابي - مراهقتي ضااعت و انا احاول امشي

دع الأيام تفعـل مـا تشـاء /// وطب نفساً إذا حكم القضاء

ولا تجزع لحادثـه الليالـي /// فما لحوادث الدنيا من بقـاء

وكن رجلاً عن الأهوال جلداً /// وشيمتك السماحة والوفـاء

وأن كثرت عيوبك في البرايا /// وسرك يكـون لهـا غطـاء

تستر بالسخاء فكـل عيـبٍ /// يغطيه كمـا قيـل السخـاء

ولا ترى للأعادي قـط ذلاً /// فإن شماتـه الأعـدا بـلاء

ولا ترج السماحة من بخيلفما /// في النار للظمـآن مـاء

ورزقك ليس ينقصه التأنـي /// وليس يزيد في الرزق العناء

ولا حزن يدوم ولا سـرور /// ولا بؤس عليك ولا رخـاء

إذا ما كنت ذا قلـب قنـوعٍ /// فأنت ومالك الدنيـا سـواء

ومن نزلت بساحته المنايـا /// فلا أرض تقيـه ولا سمـاء

وأرض الله واسعـة ولكـن /// إذا نزل القضا ضاق الفضاء

دع الأيام تغدر كـل حيـن /// فما يغني عن الموت الدواء

* الامام الشافعي


//


من ناحية العملية الله قادر يشفيك بالعملية او بالعلاج الطبيعي
ومثل ماقال الكل ادعي رب يكتبلك الي فيه الخير واستخيري اكثر من مرة
وفي كل الحالتين عملية او علاج خلي ثقتك بالله كبيرة اللي خلقك قادر انه يشفيك
(( إنه لا ييأس من روح الله الا القوم الكافرون ))

والرسول يقول : (( انه لا يرد القضاء الا الدعاء ))
ومن اداب الدعاء الجزم في الدعاء واليقين بالاجابه

السالفة لو هونتيها على نفسك بتهون تفائلي لا تعيشين نفسك في تشاؤوم و حزن .. دنيا فانية
وانا بحط نفسي مكانك لو ابوي يفضل العملية ومصر عليها بسويها وانا مرتاحة

[حرم زوجي]

الله يشافيك ويعافيك يارب بس لا تنسين الاستخاره استخيري وشوفي ربي وش يسر لك :)

[L I R A]

الله يشفيك ويعآفيك
اسأل الله العظيم رب العرش العظيم ان يشفيك

[mEm0]

السلام عليكم ..

الله يشفيك ويعافيك يارب ..

أنا بالنسبه لي اقول لك امسحي من مكانك قبل ما تسوي العمليه يمكن ربي يشافيك وتكون بسبب من اهل الارض من جد والله اعرف ناس كذا ناس يدخلون بغيبوبه بسبب طيحتهم بمكان وبعد ما يمسحون من مكانهم باذن الله راح يتشافون بس اهم شي تكونين حاطه في بالك ان هذا اللي انتي تسوينه يعتبر من الاخذ بالأسباب وبعد لازم تحطين في بالك أن الرقى لا تؤثر بذاتها بل بتقدير الله - عز وجل - ..


واهم شي ان الرسول - صلى الله عليه وسلم - قال بان يرقي الانسان نفسه بشيء من القرآن او يعوذ باسماء الله وصفاته ولان الرسول - صلى الله عليه وسلم - قد رقى وقد امر بالرقى ..

وطريقة الرقى :

ان ينفث او يقرأ المريض أو على المريض في ماء ويسقاه المريض ..

والدعاء كما جاء في حديث عائشه - رضي الله عنها - ( أن النبي -صلى الله عليه وسلم - كان يقول بسم الله تربة أرضنا بريقة بعضنا يشفى سقيمنا بإذن ربنا ) ..

واتمنى ربي يشافيك ..

طمنينا عليك ..bp039

[.o روح طفله o.]

الله يشفيك يا رب ..
الله يعطيك الصحة و العافيه ..
يا رب تسوي العمليه وتطلع النتايج أحلى وأحسن من توقعاتك ..

من وجهة نظري .. مادام الإنسان يلمح نور لو من بعيد ..
يروح له يمكن يلقى اللي يبيه ..

ادري ان ردي متأخر .. بس جد مره ودي اتطمن عليك .. بليز راسلوا الاخت .. نبي خبر عنها ..
جد يوم قريت كلامك قلبي أكلني ..
طمنينا .. عسى لك التوافيق وزيادة يااااااااللله يا رب انه ما يحرمك الفرحه .. ويعوضك من عنده

[ازاي كدا هاللون]

pb189 الله يشفيك يارب pb189

بس شوفي حبيبتي ترى 25% نسبه جدا حلوه صحيح مو كثير صحيح انها الربع بس حطي املك بهالربع pb189

ادعي ربك ليل ونهار وتصدقي وفرجي هموم ناس لو تقدرين وانشالله ربي بيفرج همك ويشفيك pb189

لو قالولك بالمانيا رجلك ضعيفه لاتيأسين يمكن انها اشاره من ربي عشان تسوين العمليه وترجعين تنططين وتعيشين ايامك pb189 حتى لو مانجحت يكفي انك جربتي pb189 لا يضيق صدرك ابد pb189 خليك دايم قويه وقولي انا بمشي بيوم واسعي لهاليوم pb189

انا مااقدر اعيش شعورك :( بس كل اللي اقدر اسويه ادعيلك ليل ونهار :( بس ياليت اعرف اسمك عشان ادعيلك باسمك :(

(ربي كن معها) :( الله يشفيك يارب وترجعين لنا مثل اول ونفرح فيك ياقمر bp039

[يا حـلاتـي]

الله يشفيك يارب

واهم شي استخيري مو مره ولا مرتين

دائماً استخيري وتوكلي على ربك اللي مو مضيعك ان شاء الله

[وجه بن فهرهـ]

اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك



يااااااااااااااارب :(

الله يفررح قلب ابووك بعافيتك ان شاءالله ويفرحنا فيك ,,,

الزمي الاستغفار

** معنى الحديث ..
( من لزم الاستغفار جعل الله له من كل هم فرج ومن كل ضيق مخرج )

ولا تنسين الاستخاره يا قلبي

وطمنينا عنك ,,,,


:$

[7dk hena..!!]

الله يشفيك يارب ويقومك بالسلامه والصحه والعافيه
استخيري ياقلبي وشوفي وش تحسين فيه واعمليه بدون تردد

تحياتي ..

[خشة مستحية]

..

الله يقوومك بالسلامة ياختي ويكتب لك اللي فيه الخير

اسولف عند امي عن سالفتك

عاد تقول لي قولي لها تمسح المكان اللي طاحت فيه بمنشفة ومويا من غير ماتسمين
وتروشي فيه 3 مرات

بنت عمتي طاحت في شقة فمكة ونفس حالتك ماصارت تمشي ورجعو لنفس المكان بعد كم سنة ومسحو عليه والحمد الله اللحين هي بخير

يمكن تكون عين من اهل الارض بسم الله الرحمن الرحيم

والله يكون بعونك وييسر لك امرك

..

[joUhara]

اسئل الله العظيم رب العرش العظيـم إن يشفيكـ =(

[نويره بنت سويره]

السلام عليكم ..

في البدايه أسأل الله أن يشفيك ويكتب لك الخير ..

فعلا قرار صعب جدا .. والخوف اللي عندك طبيعي ..

انصحك انك تستخيرين .. وشيلي الخوف من بالك ..

صلي الليل وادعي ان الله يكتب لك اللي فيه الخير ..

صلاة الليل مفعولها عجييييب ..

لكن مهم انك تشيلين الخوف من بالك أو على الأقل تحسين ان هالخوف طبيعي لانه يذكرك بأسوأ فترات حياتك ..عشان مايكون الخوف هو المسيطر على الموقف والمتحكم بقرارك ..

دعواتي لك بالتوفيق والشفاء ..

[فاقده الذاكره]

الله يشفيك يارب

ويبعد عنك الاحزان

ويخلي لك بنت اختك واهلك وابوك

من حديثك حسيت انك رائعه والله بدون مجاملات

انتي بتروحين المانيا بلد الطب المتفوق
ان شاء الله تلقين اللي يسعدك ويريحك يارب

الله يشفيك ان شاء الله
وترجعين معافاه زي اول واحسن

وربي مابتلاك الا لانه يحبك في كل ثانيه الم تؤجرين عليها

الله يكون في عونك

[ana_hayfa]

أسأل الله العظيم رب العرش الكريم ان يشفيك ..
اختي استخيري قبل كل شئ .. عسى ربي يقدم كل خير لك
وتذكري قبل كل شئ :
(( الاعاقه اعاقة فكر عمرها ماكانت اعاقة جسد))

قلبي معاااكـ يدعي لك

[ولا نفس ياهوو]

عزيزتي
الاستخاره ثم الاستخاره ثم الاستخاره

قلبي معااك

[ترنيمة مطر]

الله يشفييييييييييك ياقلبي ..

وان شاءالله ترجعين زي الاول وأحسن ياارب ..

قلبي داعيلك وطمنينا علييك..

[مرجوجه ولا أحلى]

الله يشفيك يااااارب ويرجعك مثل اووول واحسن

[نجـــــلاء]

اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك