أخوي"

[تغيرت ياقلبيـ]

:eek:
حركات والله متى صار عندكم >>
مبروك هالمنزل


نجي للجد
المشكله بااختصار جدا جدا

انا عندي اخوان ثلاثة
اكبرهم بثاني ثانوي والباقين صغار ماوراهم مشاكل
البلاء بذا الكبير 17سنة pb093

امي شاكه فيها انه يدخن وواجهته بس باسلوبه ضيع امي والسالفه معها ههه
واختي الكبيره تتكلمت معه بس انكر وصارت تلمح بريحته كلما دخل علينا
وهو يرقعها انه صاحبه كان معه بالسياره وهو اللي يدخن
بس اليوم تاكدت
اقول لكم وشلون :)
امي اليوم توجعت من ضرسها وابوي كان نائم وماكان فيه الا اخوي
ودنا للمستشفى قبل ساعتين ونزلنا وهو بقى بالسياره >>يراجع عنده اختبار بكره:sm1:
المهم عقب ربع ساعة طلعنا
والسياره ريحتها دخان وكتمه pb071بشكل سكتنا ووصلنا للبيت
وقلت لأمي اقطع ايدي لو ماكان يدخن pb034
عاد هي ماكانت معي هزت راسها ومشت الضرس عامل عمايل pb036

ودي نسيطر على هالمشكله قبل ماتكبر
مااتخيل اخوي يدخن
ابوي لو يعرف بيذبحه
يكره التدخين ويدعي عليهم:(
عارفه انه مرض بس الشخص هو اللي يختار هالمرض برضاه
وعارفه كمان انه من تاثر اصحابه pb131
ابي حل ابي حل
اذا كان بالعمر ويدخن :sm1:

[رجول حرفي]

بما انها شاكه فشكها صح
خلي امك تواجهه اريح لها

[HANOo]

~

لآزم تحلون السآلفه باللين مو بالقوهـ
لأنه الدخآن أدمآن ومستحيل يتركه بالقوهـ
لآزم بكلآم حلو وأقنآع وتفآهم
وأدعوآ له بعد أنه الله يكرهه فيه

[حِكَايْه..,,]

17 سنه يعني مُراهق..
هو يعتبر نفسه نضج وانه مافيه أي احد له علاقه بتصرفاته..
واللي حاصل في الموضوع ان اللي في البيت يحاولون " يحجرون له " وهالشي ممكن يزيد الطين بله معه..
لأنه بياخذها مسألة عناد وهذي حياتي وانا حر..
لما تواجهه أمك أو اي احد منكم لاتحاولون تعاملونه كأنه مُتهم ولازم ياخذ جزاءه..,
بالاسلوب الحلو والهداوه وزرع الثقه فيه " احنا نثق في طريقة تفكيرك ومتأكدين انك ماراح تكرر هالشي أبداً .. وكانت مجرد تجربه لك وعدت "..
هالكلام ممكن يأثر فيه ويخليه يحس بنوع من المسؤوليه بالثقه ويبتعد ان شاءالله..
ولو مانفع ممكن تدخلون ابوك في الموضوع أو رجال البيت..
لأنه في هالحاله راح يلزمه رادع " من أمن العقوبه اساء الأدب "..,


الله يهديه يارب.. ويفرح قليب أمك فيه.. pb094

bp039

[ممــــــيز]

::
:

لو شـاف حلقة 99 عن الدخـآن والمعسل
والله ما عاد يشيله
لو شاف الي يتكلم بجهـاز والي فيه سرطـان الله يشفيهم
لو شاف الي تغيرت ملامحه والي احترق بيته

بالعربي يعني أتخذو معه أسلوب التخويـف بمنشورات أثرو عليه
وبالأخير لازم الوالد يدري :)
يذبحه بالبدايه ويعيش بعدين

الله يهديه

[لا تتـنهّد]

والله ياوخيتي التدخين منتشر
بس انا عتبي على راعين البقالات اللي يبيعون لمبزرة !
وين الرقابة :(

[رعشة دفا]

لاانتي ولاامك ولااختك الكبيره
تقدرون تقنعونه وتغيرونه رايه
المفروض ابوك يدري ومايهاوشه
ويتكلم معاه على انه شخص كبير
ويقنعه باانه غلط
bp039

[رَوّنق]

شوفي حبيبتي ,,
لازم تعلمين أبوك .. وتقولين له
لكن لايتكلم معه بكل قوه ,,
لانها راح تكبر المشكله وبيعآند ,
يآخذه على جنب , ويكلمه مكآلمة الصديق لصديقه !
يحتويه بكل اللي يقدر عليه ..
يوريه حلقآت من برنآمج 99 / يخليه يتعظ صح ,,
يفهم ان هالشي دمآر له وان اللي يحبك ينصحك ,,
ويرآقبه مع مين يمشي ومين يخآوي ..
يحآول يكون معآه الين يحس انه قريب منه
وقتها الولد بينبسط ,, لاشاف ابوه معاه وفاهمه ومهتم فيه ,,

وثآني شي تكلمه أمك بكل لين وهدآوه ,,
وتفهمه ليش سوّآ هالشي ..
وش اللي مضآيقه وخلاه يشربه !
ولا المسألة تقليد .. !
وهو مع انه في سن الطيش والمراهقه الا انه العآطفه تغلب عليه ..
راح يستجيب ان شاء الله ,,
وتدعي له امك ان ربي يصرفه عن عيآل الحرام ,,
والمخدرآت وبلاويهآ .. !
ويحفظه ربي لكم وكل شباب المسلمين وبناتهم .. !
أهم شي ,,
دامه مابعد أستمر وتعمق فيه لازم الكل يوقف موقف حكمه وعقل !
خلوا العصبيه والهوآش عشان مايزيد .. !

[في خاطري شئ]

..اقرب وحده له تجلس معه وتحاكيه وتحسسه بمحبتها وثقتهم فيه وانه الكبير وخوفها عليه وانو لو مايتركه الحين بيكون صعب بعدين..

..مو بالصراخ والتحجير ولو قال لا لاتنشبون له لازم تقولون لابوك يشوف حل الحيت بأوله يقدر يبطل بس ببعدين صعب..

مع اني اشك انه بيسمع لكم << تحطيم :D

الا ان رحمه ربيpb189 ..

الله يكرهه فيه

[z3lan]

راحت الرجاجيل صدق

وين ايام الواحد يقعد مع ابوه ويقول له معك ولاعة يالحبيب؟؟

[Diet WaTer]

,




هلآ فيك pb189



اسمعي حبيبتي لآ تتهورون وتقولون له انت تدخن من ورآنآ لآزمـ تمسكون هآلشئ عليه ولآ تظلمونه بسرعه :)



انآ عآئلتنآ الحمدلله من ابوي لـ اخوآني لـ عمآني لـ عيآلهمـ ولآ احد فيهمـ يدخن pb189



بس من جهة خوآلي :sm5:



لكن كذآ مرهـ اشمـ ريحة اخوي الكبير دخآن واوقآت متقطعه pb036



اول شئ استحيت اقوله لآ يكون تدخن :D مع اني وربي متآكدهـ انه مستحيل يدخن pb189



بعدين قلت وش السآلفه ريحتك دخآن قآل ايه كتموني الله يهديهمـ كنت في القهوه مع اخويآي ,, :rolleyes:



وترى امي سآلتني قبلك pb027



ومير انبسط وارتآح pb030 pb189



واللي أكد لي هآلشئ ذيك المرهـ كنت اتقهوى مع امي pb189 في لآ كآفيه في الرآشد و ورآنآ وآحد وزوجته اقلق امنآ بـ الدخآن :(




وقسمـ بـ الله مآ ابآلغ وانآ طآلعه اشمهآ في عبآيتي :eek:



يعني تلزق بسرعه الريحه :sm18:




اهمـ شئ لآ تتسرعون وبـ اذن الله يكون لآ يدخن ولآ شئ bp039


وان طلع يدخن كلموه بـ هدآوهـ اهمـ شئ pb189




,

[F a i l e d]

وش اللي باللين .. انا من اول يوم درو اني ادخن ابوي دغندني بالعقال وتركته مع اني كنت مدمن :d

[EMILY]

خبّري أبوك هو يتفاهم معاه
الولد يشرب الدخان لأنه متخيّل عمره قوووي ورجّاااال فلا كلامك ولا كلام أمك بيردعه..
لو الوالد شديد عادي يشدّ عليه اللحين ولايتركه يضيّع صحته وشبابه!

الا الملك متى ان شاءالله يمنع بيع الدخان ؟؟
مايبلها لجان ..بدل مايقعد يتهجى له خطاب لايسمن ولايغني من جوع يرتجل له جمله يتوعّد فيها بيع الدخان وتداوله
سبحان الله الأشياء المفيده من الألبان ومواد البناء وغيرها ارفعوا سعرها
وهالسموم مازالت برخص التراب!!

[حلـم بنـت]

ماينفع اللين مع التدخين
لازم له حزم شديد والا خلاص ماعاد يسمع لأحد
والله لو يشوفون منظر رئه مدخن وغير مدخن ان تحوم كبودهم :mad: !
الله يصرفه عن الدخان وعن كل شر والجميع كذلك


bp039

[Top Girl]

لازم ابوتس يكون عنده علم ويتأكد من نفسه ويحاول يتفاهم معاه ;) لان اخوتس بسن مراهقه وانتوا با اخواته او امه ما راح يجيب نقاشكم معاه نتيجه

والله يعصمه عنه وكل مسلم يا رب :)

[أتعبني غروري]

لاغلط !
اصحك تقولين لأبوك عن هالشئ !
لان الاب اكيد بيتخذ اجراء صارم معه وعاد قابليني اذا شفتي اخوك منضبط
العيال بالذااااااات عكس البنات بهالشئ ..
انتِ خذيه على جنب وكلميه .اطلعي معه لكوفي او مطعم او اي مكان يحبه
وقولي له ابيك بموضوع يخصني وابي اكلمك فيه خارج نطاق بيتنا ,
اطلعي معه وتعالي له باللين ولاتوضحين له انك خايفه عليه ابداً
( خوف بخصوص السجاير )
لانه بيقولك انا رجال وانا وانا .. الخ

تعالي له بالحكي الي يهز قلبه ورجولته !
مثلاً : انت سندي وظهري بهالدنيا بعد الوالد ( الله يطول بعمره )
وانت فخرنا كلنـا ورجال البيت .. والدليل اننا نعتمد عليك كثير بمشاويرنا ومشاكلنا
واهتماماتنا وبمرضنا وتعبنا وفرحنـا ,
وانا مانيب مستعده بيوم من الايام اخسرك تدري ليه؟
والبقيه تأتي pb030

هو صدقيني بيجلس يسمع لك من البدايه للنهايه وبينتظرك تخلصين حكيك!
بيشوف وش هالشئ المهم الي عندك ..




خارج النطاق :
( وانا اكتب هالرد بالصاله مر اخوي الي اصغر مني ع طول
وقلت له عن مشكلتك .. من باب انو باخذ برأيه بما انهم كلهم اولاد يفهمون بعض
تدرين وش قالي؟
اول شئ ابتسم بعدين قال لو ستين الف واحد كلمه مستحيل يترك الدخان الا بنفسه )




وهالسبب الي خلاني اقول لك تعالي له بالحكي الي يفز له قلبه ,
وذكريه هو وش كثر مهم عندكم وماتبون تخسرونه بغلطه مراهقه !

واصحك توضحين له انك طالعه تحكين معه عشان السجاير..
بس لمحي انه جالس يعمل غلط وانتِ خايفه عليه كثير : )
( خوف بشكل عام مو تخصصين له الشئ ) !


ولو رجعنا لأسباب التدخين عند المراهقين :

- لفت الانتباه وعلى باله انه برستيج pb036 ! << فاهمين غلط pb030
- التقليد الاعمي للأصحاب او لأي شخص قريب منه او الرفقّة السيئه
- سهولة الحصول ع السجاير !


انتِ بحكم معرفتك لبيتكم قيسي ع اكثر سبب كان مؤثر بأخوك
وحاولي تعالجينه بطريقتك ..



والله يكون بعونك ,
bp039

[خفوق]

مايربي الرجال الا الرجال

خلو ابوكم يتفاهم معه

من باب انه يماشي ناس يدخنون و نخاف يطيح فيه

يعني لا تقولون له انه يدخن و اننا ركبنا السياره و لقينا ريحتها سجاير و من هالكلام

قولو له يدخل و ريحته سجاير

و شكله يماشي ناس تعبانه

نبي تجلس معه و تكلمه رجال لرجال كود ياخذ من راسك



الله يحفظه

والله يا ها الوقت الولد في البيت مهوب فرحه ابد

[الافــــلاجــــي]

تبين رائي
اشتري له بكت وعطيهياه وتقربي منه اكثر
ليش نفكر كل شي يجي بالقوه
وخاصه الشاب الي في بدايه عمره يشوف انه هو صح والباقي خطأ
دائماً اشوف ان الي اهلهم شديدين اكثر انحرافيه من غيرهم
ليش نحاول نشد معهم بالعكس يقول المثل لاكبر ولدك خاوه
إذا ابوك ما يقدر يتفاهم معه " اقصد إذا كان عصبي " لا تعلمونه لانكم تزيدون الطينه بله
صحيح بيمنع من الفلوس وقد يلجأ لفعل اسوء كالسرقه وو
والتدخين حاليا كثر في مجتمعنا فاصبح الغريب هو الي ما يدخن والمعتاد ان الشخص يدخن
ما اقول إلا الله يكفينا الشر ويعافي كل مبتلي بالدخان :)

[umar&]

لله درك يالافلاجي

وذا ماترك التدخين عن قناعه يرجع له بعدين

[Mَsْhَaْ3ِRْ]

هه
هذا وجهي كانه ترك الدخان من نصيحة من النصايح
لا بالطيب ولا بالقوة
لان الدخان موب مرض بذاته قبل مايكون مرض نفسي
يعني بدري صباح الخير
الدخان مجرد عنوان فقط لأشياء كثيرة خاطئة وناقصة
لذلك نصيحتي انكم تخلونه يدخن بالبيت عادي احسن مايتعود يدخن برى
وهه ان كان في كلمة وحده بتخليه مايدخن

[تغيرت ياقلبيـ]

ياحبيلكم كلكم واللهـ
قرات كل الردود الجديه وغيرها >>ماتقصد زعلان ابدا

راجعة لكم

[الهَامور]

راحت الرجاجيل صدق
وين ايام الواحد يقعد مع ابوه ويقول له معك ولاعة يالحبيب؟؟

يابطني بطناهـ خخخخخخخخخخخخخ

[مـعـقـولـهـ تـنـسـانـي]

انا ادخن .. واخوي يدخن وابوي يدخن (( للأسف ما هو مفخرة ))

بس اقولك اربعه من اخوياي ما يدخنون ودايم ناشبين لي اتركه واتركه .. بس ما تحمست ابد .. وجود ابوي واخوي يدخنون يخليني ماافكر اتركه

اخوك بالعكس .. عايلتكم مافيها احد يدخن وخاصة ابوك .. وذكرني بسالفة واحد من الشباب توه طايح بالدخان .. ماله ثلاث شهور .. مع انه وابوه فري ولو دروا انه يدخن عادي بيعاتبونه على خفيف

المهم خويي ذا راح البيت ووقف عند الباب .. وصادفت ان ابوه توه طالع من البيت جااه عند سيارته .. خويي جلس يبخخ عطر .. جاله ابوه وهو يبتسم .. ويقوله .. تحط عطر بتوخر ريحة الدخان .. ومسك يده وقاله وانا ابوك لو الدخان فيه خير .. كان سبقتك وشريتة

من عقبهاا .. واهو كاره شئ اسمه دخااااااااااان بسبب كلمة بسيييييييطة بس

[ملاحظه]

انا كثير مرتني هالحالات ماهوب صعب حلها..اذا كنتو اسرة متماسكة..والواضح انكم كذا والدليل انكم مهتمين لااخوكم..صدقيني لو قلتي لابوك راح تكبر السالفة وتمسك عناد لو انها توصل انو اخوك يدخن برة البيت والا بالمدرسة اللي يبي هالطريق مهوب عجزان يدخن باي محل يصادفه...اول شي تسوونه انكم ماتكلمونه كلكم يعني تعطونه اياه بصريح العبارة..انت تدخن كذا غلط !!! التلميح احسن ..وتكلمه وحدة من خواتك القريبة له وحطي تحتها الف خط لان هالشي بياثر فيه ..وماتقوله ترى بنعلم ومن هالكلام لا...تبدا تقوله من فينا ماغلط كلنا نرتكب اغلاط واذا عرفنا هالشي بيضرنا تركناه...وتقوله انت ((شخصيتك قوووية)) مااتوقع انها تتغير مبادئك بهالسهولة..وانت عاقل لاتخلي احد ياثر فيك بشي مهوب مصلحتك..وخذ الشي الي يفيدك من اصحابك مو الشي اللي يضرك لو ان صاحبك يحب لك الخير ماكان علمك ع هالشي..(لان الصاحب ساحب) ومنت مجبر تماشي واحد يخربك...والمفروض انت اللي تغير بصاحبك مو هو لان شخصيتك قوية وماتتاثر باي شي..صدقيني هالكلام بياثر فيه..وتقوله وش بيكون موقفك لو ابوي درى عنك وهو واثق فيك ومعتبرك رجال البيت...ماتخاف ان اخواني الصغار يشوفوونك ويتاثرون ويسوون مثلك..صدقيني الكلام الطيب بيجب فايدة معاه..انا قلت هالكلام لبنت خالتي وقالته لاخوها واثر فيه..وعسى الله يهدي اخووك يارب ..اهم شي الكلام الطيب لان هالمرحلة العمرية اللي يمر فيها حساسة احسبو للكلمة الف حساب قبل لاتقولونها له..لانه بتاثر فيه ..

[تغيرت ياقلبيـ]

رجول حرفي
مرحلة الشك تعديناها
تاكدنا

HANOo
كلامك حلو
طاح فيه من اسابيع يعني ماوصل للادمان
وان شاء الله سهل التخلص منه

حكايه
كلامك حلو وجزيت خيرا وهذا اللي بنطبقه
بس بعيدا عن الوالد مانضمن وش يسوي

مميز
اللي شافها اخواني الصغار عقدناهم ياعمري
وأنا مع هالاسلوب انا نخوفه لانه يتاثر بسرعه ويخاف من الحوادث
ليش لازم الوالد يدري وحنا نقدر نحلها خاصة مع نوعية اخوي
وابوي اخر حل :

[تغيرت ياقلبيـ]

لا تتـنهّد
منتشر بكفه بس لايصل اخوي
وهو من ناحية مافيه رقابة يااختي اذا كان البزارين اللي ماتعدى 9
يشترونه من هالبقالات عادي مسموح

رعشه دفا
ابوي صعب
وهو علاقته مع اختي اللي اكبر منه بسنة ماره حلوه
هي كلمته البارحه واعترف لها



" سمو الاميره
علاقته مع امي اقوى من ابوي
ابوي مايعرفه إلا للفلوس وهو ابوي من النوع العصبي شوي
يعنئ بعض الأمور ما فيها تفاهم
انا يكسر خاطري اخوي بصراحة يعني هو الكبير بين العيال
مافيه اكبر منه الا بنات
اذا له دور هالشئ
لانه يوميا يطلع للاستراحة مع اصحابه ممكن هالشئ
اللي خله يجربه
يعطيك العافيه كلامك حلو ومقنع


في خاطري شئ
عادي اختي الكبيرة ماعندها تفاهم لمن قلتها ضاقت فيها الوسيعة
جلست تصيح وتقول ليش هو مافية احد من العيلة
وتهورت كتبت له رسالة تدعي على اللي علمه عليه
عادي طلعتها من السالفه عقب اللي سوت
خلنا اختي الصغيرة هي اللي تكلمه
يارب يكره ويتركه نهائيا
يعطيكـ العافيهـ




z3lan
راحت الرجاجيل صدق

وين ايام الواحد يقعد مع ابوه ويقول له معك ولاعة يالحبيب؟؟
:( يعني التدخين صار من الرجولة والا كيف


Diet WaTer
احس هالريحة حقته عقوبة لهم
ريحة اعوذ بالله تلزق وفوق هذا كريهه بشكل
يعطيك العافيهـ



F a i l e d
ماينفع بالضرب بحالتي اخوي مستحيل بعاند
يعطيكـ العافيهـ


EMILY
هو مادخن إلا تأثير أصدقاءه عليه
ياليت يرفعون سعره واللهـ
قبل كم يوم قريت بالجريدة إنا اكبر دولة تستورد الدخان السعودية


حلـم بنت
امين يارب
يعطيك العافيه اكيد الحزم ضرورية بهالمواقف


Top Girl
مايتقبل ابوي صعبه :sm1:
امين يارب

[نملة فسفورية]

طيب ابوك وينه ؟

انا اشوف الامور هذي لازم الابو يتفاهم مع ولده احسن من الام ..

هو لازم يقتنع من نفسه يترك التدخين ولو هو حاط بباله التدخين استحاله تقدرون تمنعونه pb093

الله يصلح الحال bp039

[تغيرت ياقلبيـ]

اتعبني غروري
تعوبة من جد :)
كلامك ريحني
مثلاً : انت سندي وظهري بهالدنيا بعد الوالد ( الله يطول بعمره )
وانت فخرنا كلنـا ورجال البيت .. والدليل اننا نعتمد عليك كثير بمشاويرنا ومشاكلنا
واهتماماتنا وبمرضنا وتعبنا وفرحنـا ,
وانا مانيب مستعده بيوم من الايام اخسرك تدري ليه؟
والبقيه تأتي
هالجزئية تفصيل مع وضعنا معه
صحيح حنا نعتمد علي بشكل كبير وهني المدخل

التقليد الاعمي للأصحاب او لأي شخص قريب منه او الرفقّة السيئه
هذا السبب ومتاكده منه خاصة واحد من اصحابه لئيم وقاضي مره وحده
وكان بيهم مشاكل بالهبل وعقب تصالحوا >دعت عليه اختي دعوات تخوف
جزيت خيرا



خفوق
كلامك منطقي بس صعبه من جهة ابوي
تعرفين وش المشكلة اذا ابوي مو قريب منه اساسا
ماراح يتقبل منه
يعطيك العافيه خفوق


الافــــــلاجي
لاتقول انحراف وربي هالكلمة تخوف
لا ان شاء الله مايوصل هالمرحله
التدخين ماجربه الا بدافع التقليد وتراني كبير
وكله من كلام اللي يمشي معهم
اللي يدخنون يبون الكل يدخن معهم وخاصة بين الشباب المراهقين
لا بكت معصي اشترية
اعطيه ولاعة هدية ممكن تجي
يعطيك العافيه


Mَsْhَaْ3ِRْ
الدخان مجرد عنوان فقط لأشياء كثيرة خاطئة وناقصة
لذلك نصيحتي انكم تخلونه يدخن بالبيت عادي احسن مايتعود يدخن برى
وهه ان كان في كلمة وحده بتخليه مايدخن
مافهمت وشلون اشياء ناقصه وخاطئه
وضح تكفى
لابرى ولا جوه البيت نبيه يدخن
اذا ماتركه راح اقاطعه

[تغيرت ياقلبيـ]

معقولة تنساني
حلوه انه تأثر واتركه ياليت اخوي
يكون عنده درجة الاستجابة هذه ويمكن إنها جيت
من أبوه وكلمة مختصرة بس لها معنى كبير
الله يعين ويفكك منه أنت وأبوك وأخوك
احيانا ترواني فكرة اني اجربه استغفر الله
ابغى اعرفه وش يحسون به يعني وش المتعه بشربه
ريحة مقرفه ويسبب امراض



ملاحظة
الله يعافيك يأرب
كلامك مره حلو ويؤثر إذا إنا تأثرت فيه
من جد يعطيك ألف عافية


الله يعافيكم كلكم من جد ردودكم
غيرت رأيي انا من أول عرفت وأنا مخاصمته
وبدون ماقوله السبب

[z3lan]

يعني التدخين صار من الرجولة والا كيف

الدخان كيف ورجوله <<<مافيه امل ينعدل حاله :d

ياحبيلكم كلكم واللهـ
قرات كل الردود الجديه وغيرها >>ماتقصد زعلان ابدا
نمزح يابنت شفيهم العالم صايرين حساسين

يعني تبين تلحقون أخوك قبل لاتحترق زهرة شبابه !
مالكم الا حل واحد .. اي حل غيره ماينفع

قولي لابوك انه يدخن .. وعطوه نوع الدخان اللي يدخنه

يعني تعالي لابوك طارتن جيبك.. الشرف يابابااا ابنك بيدخن مارلبورووو ابيض يابابااا

وصدقيني مايجي بكره الا والولد داخل منتدى سواك المسلم وصاير مشرف فيه

حلول ثانيه ودلع فاضي واساليب التربية الحديثه لمايكل جونز ( على فكره هالهيس يدخن ) ماتنفع مع هالمبزرة ..


حرقتوا اعصابي بهالموضوع << ولع سيقاره

[تغيرت ياقلبيـ]

نملة فسفورية

طيب ابوك وينه
موجود

انا اشوف الامور هذي لازم الابو يتفاهم مع ولده احسن من الام ..
اشوف العكس انسب

هو لازم يقتنع من نفسه يترك التدخين ولو هو حاط بباله التدخين استحاله تقدرون تمنعونه
معك حق اهم شئ رايه هو
يعطيك العافيه خيتو


زعلان
امزح براحتك بس ماهو بموضوع يخص ضياع زهرة شباب خيو >امزح هههه

الدخان له انواع بعد ياسلام
الله يكفينا شره والمسلمين
يعطيك العافيه اخوي وهدا اعصابكـ

[**m!sS fLoWeR**]

انا اشوف ابوك يتدخل بالموضوع ;)
لو عرف انو يدخن وكنتو تعرفون ولا قلتوله بتصير مشكله pb093
مافي حل غير تقولين لابوك وبيعرف اشلون يخلي ولده يتركهpb189

[9 o O o 9 i]

اهلا و سهلا pb189
شوفي اختي
اخوك مراهق و للحين ماتبين اللي قاعد يسويه
يعني هل هو مرجله على مايقولون
ولا بيبتل طول العمر ؟
انا ابوي كان مدخن وترك التدخين
و جو اخواني ولا واحد يدخن الحمدلله
الا واحد صار يدخن من كان بالثانوي يمكن بعمر اخوك
طبعن ماتجرأ ببداية الموضوع و علمنا
و كان يخبيه و كذا
بس الايام فضحته و ابوي اعطاه كم كلمه نصيحه
بس ماجا باسلوب زجر
الولد طول عمره الشي اللي براسه يسويه
خاصه ان ابوي كان مدخن فـ ماقدر يضغط عليه ، كان يقول مقدر امنعك لأن هالشي مريت فيه انا
بس اللي اقدر اسويه ادعي لك
و الحمدلله صارله 4 شهور و اكثر تاركه
اهم شي يقتنع الولد من نفسه
صدقيني عمر ماتهز فيه الصور ع الرئه ولا على اللي مركبين لهم اجهزة عقب ماجاهم سرطان الله يعافيهم يارب
حتي ايميلي كان يشتكي من كثر ماارسله رسايل لأن ماكنت اقدر اواجهه بالكلام لأنه مره شايل من باله انه حرام !!
و اذا عرف ابوك لا يستخدم معاه اسلوب المنع يعني يمنعه من الفلوس او حتى الطلعات
لا بغى الشي جـابه !!

اذكر كمان كان ابوي يقوله اللي تبيه اعطيك اياه و اجيبه بس اتركه ، يرد عليه الحمدلله مو محتاج شي وانا ادخن ولا اعتقد شي بحتاجه وانا مادخن ، بداية الوقت ابوي توقعه يتركه لان وقتها كان مراهق بس بعدين

بس خل يصير لابوك هيبه يعني لا دخل ابوك عليه وهو يدخن يطفيها ، مايرفع الدخان قدام ابوك
يبين له ان هذا مو عادي و عيب

في النهايه

انا اقول خلووه الين ماربي يهديـه << مع اني كنت اسمع هالكلمه دايم من امي واقولها ولدك بيضيع منك بسببك انتي و ابوي مامنعوته بس كبرت وعرفت اللي قاعد يصير : )
او اذا صرح رسمي ، قولي له في حمله مسوينها ع الدخان ( سوري ناسيه اسمها ) مرره ناجحه وش رايك تروح لها و ما إلى ذلك : )

[،‘ إنتقائيه..!]

شوفي

ماراح يبطل إلا من نفسه من راسه يعني ..

بعد لو صارت الدعوة عناد وتحذير ومنع ..

كل ممنوع مرغوب .. :D

لوهاوشه أبوك يبي يتعلق بالدخان زود pb036

الله يخليكم لبعض ..

سـلام

[P!XEL]

خلي أبوك يمسطه بالعقال والله أن يتوب :d

[بطني مصدع]

شوفي ياقلبي ماتوقع بينفع معه لا لين ولا قوه صدقيني اخوك ماراح يترك الدخان الا لما يبعد عن الشله اللي يمشي معاها

والا ولد 17 سنه ويطلع استراحات pb036 مادري ياختي احسهم ساس البلا حاولوا تكسبون اخوك
وتقربونه منكم قبل لايطيح في شي العن من الدخان

الدنيا تخوف والله يتسر على المسلمين

[يحـلمون]

حياك الله تعبت يا قلبي



أنا كنت أدخن من يوم كان عمري 14 ، بس تأكدي تدخيني ما كان تقليد لأحد لأني أصلاً كنت نادر أشوف أحد يدخن، وتأكدي إنه مو عشان أحس نفسي رجال لأني كنت أدخن لوحدي يعني لو إني أدخن من باب الرجوله كان دخنت قدام الناس، أبوي يوم عرف قطع العقال على ظهري ولعبت الخيزرانه فيني إلين عضيت الأرض، ولا فكرت أتركه، جوني ناس جربوا معي الطيب والكلام الحلو وبرضو ما فاد فيني ولا تركته، لأني للحين ما إقتنعت ومتى ما إقتنعت إقتناع داخلي راح أتركه، يمكن إذا تزوجت .

[! أبوعزوز !]

ماينفع إلا تقولين لأبوك والله يوفقه ،،

،،

:( كل ممنوع مرغوب

[M z a j y e]

مساك ورد
بهالامور ما يصلح الهواش والقوه فيها .. لانه بيعاند وبيدخن غصب .. !
ولا تهددونه انكم بتعلمون ابوكم ولا شي .. معروف ان كل ممنوع مرغوب مهما صار
حاولي انك تجلسين معاه وتقولين له انك تدرين انه يدخن وترى التدخين يضر بالصحه وياما ناس
توفوا بسبته وتراه يقصر العمر وانت توك صغير
وبكرا وراك عرس ويمكن هالشي يضرك ولا راح يكون معاك

واذا مره مره حوولووه علي وانا اتفاهم معاه ( وجه بيعزمه بمقهى ويشيش معاه )

[Oـoـيز]

..


توي اتأكد وابصم بـ العشره ان البنات ما فيه امل يفهمون طريقة العيال في التفكير ,
وش الي سايسيه واطلعي معه وفهميه بـ اسلوب حلو .. صادزين انتم :D ؟

شوفي انا ما اعرف كيف عقلية اخوك وطريقة تفكيره ,
بس ما ودي احلف انه موب تاركه بـ المسايس pb036 ,
خصوصا لا كان من خواته ولا امه ,


بـ اعطيك مثال ,
ولد خالي بـ ثاني ثانوي .. يعني كبر اخوك ,
يدخن ويسهر وداج بـ الدراسة ولابتوبه مليان من افلام الوشسمه .. يعني بـ العربي داشر :D ,
يسولف علي مره ان اخته دخلت عليه بـ الغرفه وقعدت تكلمه وتنصحه ومن هالكلام الزين ,
وانت اخيي وانا احبك وكلنا نحبك وترا والله ما يرضينا انك تدخن وتسوي هالاشياء ,
ابيك توعدني انك تترك الدخان وانا بـ اوعدك والله ابوي ما يدري ,
هاه يا اخيي وش قلت :( ؟ <- :D

قلت له ايه طيب وراك للحين سربوت يا مال المنب قايل :D ,
قال يا رجال هماه ابوي موب داري بس ,
قلت والي قالته اختك ,
قال .. هماااه حتسي بس ,



يعني نصيحتي كانك تحبين اخوك وتتمنين له الخير وتبينه يترك الدخان ,
قولي لـ ابوك .. وخل يمسطه بـ العقال لين يعرف ان الله حق ,
وخليه يقوله .. سيارة ما فيه .. فلوس ما فيه .. طلعه من البيت والله لو تطير ,
تقعد بـ غرفتك مثلك مثل خواتك ,


بـ اذن الله انه بـ يتركه .. وقولي مميز ما قال pb094pb027 ,


" bp039 "




..

[ميادة]

لو عندكم اعمام او اخوال صغار ويحترمهم هذولي افضل اشخاص ممكن يأثرون عليه ..
لو مافيه قولي لأبوك لأن مافيه حل بديل اساساً !
و لأن أسلوب النصح على السكيت مابيجيب نتيجة أبداً ..
المهم انكم تلحقون عليه قبل يدمن التدخين .. هو كم سنة وبيبدأ يحس أن التدخين مقلب كبير طاح فيه لكن خلاص بيصير مدمن ولاعاد بينفع العقل هذاك الوقت ..


انا اعرف ولد كان على وشك يدمن الدخان .. وغصبا عنه ابتعد عنه لفترة .. وبعدها كبر شوي وسافر وهو من حاله لما كبر ماعاد رجع له .

[تغيرت ياقلبيـ]

**m!sS fLoWeR**
انا اشوف ابوك يتدخل بالموضوع
لو عرف انو يدخن وكنتو تعرفون ولا قلتوله بتصير مشكله
مافي حل غير تقولين لابوك وبيعرف اشلون يخلي ولده يتركه
ماادري ابوي مابغى يعرف
عصبي وتصير مشكلة مالها داعي
على العموم منوره ومشكورهـ لردكـ



9 o O o 9 i
اساسا هو مايدخن بالبيت اطلاقا
ولاقدام ابوي مستحيل
ياليت يتركه من حالي
شكرا لك ولردك

عروس 2007
مااحد هاوشه >>تحسين انا نتبع اسلوب التربية الحديثه
وكلن خايف من ردة فعله ههه
شكرا لك

محـــــمد
خلك رحيم والله يعافيك
عقال عاد
شكرا لك

[تغيرت ياقلبيـ]

قمة القهر لاكتبت رد وضبطت ردودكـ كلها
بحركة بسيطة راح كلش شئ pb131



بطني مصدع
صادقه هالشلة راس البلاء
الله يعين
يعطيكـ العافيهـbp039


يحـلمون
تغيرت ياقلبيـ >pb034
ردك تحطيم بصراحه اذا كان الضرب مانفع معكـ
الله يكرهك فيه يارب وبعد اخوي
يعطيكـ العافيهـ bp039


ابو عزوز
الله يعين ويبطله دون علم الوالد
يعطيك العافيه bp039



مزاجي
ماحد هاوشه تحس انه نتبع معه أسلوب التربية الحديثة بس
وسالفه الزواج بعد عارفها وتكلمن معه وقلن له شواهد موثقه
بس الظاهر ماينفعه معه الا عقالي أبوي
يعطيك العافيه bp039



مميز
وخليه يقوله .. سيارة ما فيه .. فلوس ما فيه .. طلعه من البيت والله لو تطير ,
تقعد بـ غرفتك مثلك مثل خواتك ,

عاد اهم شئ عنده هالاشياء
صدقني لو مانفع معه اسلوبنا ورجع عن وعده لامي
بعلم ابوي واللي يصير يصير

عافك ربي مميزbp039




ميادة
لو عندكم اعمام او اخوال صغار ويحترمهم هذولي افضل اشخاص ممكن يأثرون عليه ..
مافيه للاسف
اتمنى ان عنده صديق يخاف عليه هذا اللي ممكن ياثر عليه
بس اللي عنده كلهم
هو وعد امي انه يتركه فترة الاختبارات ماادري عاد هو صادق او لا
يعطيك العافيهbp039

[طايرتن بالعجه]

شوفي بقولك عن تجربه شخصيه
كان لي واحد مدخن وحاولنا معاه الى
اننا جبنا مشروب يشربه يكره في السجاير وماصار من اللي نبي شيء
بالعكس صار يدخن بشراهه
وكل مامنعناه زاد

توجهنا بالدعاء له
واقنعناه انه يتركه وبالفعل مع الاقناع عزم وتركه
لكن مو بسرعه بعد سنوات اكل من عمره

ابوي مثل ابوك تقريبا ومجتمعنا يرفض هالشيء بقوه

الله يعينكم
ســــــــلآم

[crimson rose]

اخوي مميز اذا تنفع مع واحد ماتنفع مع غيره.
.مو دايم الشدة تنفع الحين الجيل تغير موب ع خبرك...العقال ماينفع فيهم.
اسلوب التربية الحديثة صدقني احسن ..التفاهم ثم التفاهم والاقناع ثم الاقناعbp039
ممكن الشدة تخليه يسلك طريق مافكر يسلكه من قبل...

اختي ملاحظه bp039 مشاركتك تنم عن ثقافة اسرية او علمية..

اختي تغيرت ياقلبيــ....bp039 اتمنى انكم تساعدونه مو توصلونه لعقد نفسية bp039

[تغيرت ياقلبيـ]

طاترين بالعجة
يعطيك العافيهـ ومشكورهـ
واهم شئ الدعاء

[تغيرت ياقلبيـ]

اخوي مميز اذا تنفع مع واحد ماتنفع مع غيره.
.مو دايم الشدة تنفع الحين الجيل تغير موب ع خبرك...العقال ماينفع فيهم.
اسلوب التربية الحديثة صدقني احسن ..التفاهم ثم التفاهم والاقناع ثم الاقناعbp039
ممكن الشدة تخليه يسلك طريق مافكر يسلكه من قبل...

اختي ملاحظه bp039 مشاركتك تنم عن ثقافة اسرية او علمية..

اختي تغيرت ياقلبيــ....bp039 اتمنى انكم تساعدونه مو توصلونه لعقد نفسية bp039


bp039
يعطيك العافية

[shooog]

امممم لازم تحلوو الموضوع معاه بطريقه سلميه مثلا تبينوله مخاطره واضراره تجيبوا له معلومات عن مكوناته وبأيش ممكن يضره ويضركم معاه..,
وفي رايي ماتتعاملو معاه بقسوه وضرب لانه في فترة مراهقه وممكن يعاند ..,
.
.
:)

[!$!عذبة الروح!$!]

الله يكون بعونكم
امي كمان شكت بااخوي وقامت تحلفه وقالها تعالي نسوي تحليل لو كنت ماادخن بصير ادخن عشان ماعاد تشكين
والله يهديهم ويفتح على قلهم اغلبهم يفكرون الدخان رجوله وهو للاسف مرررض عمي مابقى مرض ماجاءه بسبب هالتدخين الله يشفيه يااااارب
ياليت تشووفون مين الناس الي يمشي معاهم وتحاولون تكونون معه اغلب الوقت عشان مايقدر يدخن

[alter7al]

***

ارسلوا له احد يسولف معه
وخلوه يجيب طاري الدخان وانواعه اذا الولد
قام يتكلم عن انواع وطريقه تدخين وغيرها
معناها االولد خبره:D
او انتي اساليه وقولي له شفت في مسلسل دخان كان لونه ابيض على احمر
وغريب شكله وشكله غالي.!
اذا حاول يعرف نوعه او يقول سعره طاح بالحفره:D
ترا سبحان الله الكذب مهما كان حبله قصير



وعلى فكره للاسف الدخان اللحين صاير برستيج في الجيل الجديد
ويحس انه كبير وانه نوع من الرسميه لما يكون ماسك البكت مع الجوالات في يدهpb093

اتمنى قدرت افيدك بشيbp039
***

[تغيرت ياقلبيـ]

shooog
عذبة الروح
alter7al

يعطيكم الف عافيه
وماقصرتم اكيد استفدت بكل حرف كتبتوه \

[.SOUL.]

نصيحة أخ
لا بارك الله في الدخآن
~~~~~~~
أشتري بكت دخآن ,, وحاولي تعرفين وشو !
وتقربي أكثر وآكثر
بس لاتدخنين معه
وقولي له هذا بيضرك
لأن لو ماتركه عن قنآعه بيرجع له
وسئلي مجرب ,,
والله يفك ازمتكم

[أصدق معاذيري]

نفس مشكلة أخوووي بالضبط ونفس العمر..
حاولنا معاه بالطيب..بالقووة..مافي فايدة..
علمنا أبووي محطه بالعقال بس مافاد..:(
اخووي بعد شخصيته قووويه..لو أقوولكم أنه أقووى من شخصية أبوي ما أبالغ..
قالت أمي..بعالجك..بس هوو يقوول أنا مابي أترك الدخان..
بالله هذا وش نسووي فيه..:(
خليناه..لين ربي يحلها يا يتركه من كيفه ولا الشكوى لله..
حسبي الله على الدشير اللي طيحووه فيها..
في علاج قريته بشات بداية..تمسكون السيجارة وتطبخونها بماء..وتخلونه يشربه..
تزووم تسبدة ويكره الدخان..أعتقد اسمه بعلم النفس العلاج بالإكراه
وفي طريقة ثانية قبل لا يدخن يقشر برتقالة وياكلها..
بس مدري تضبط ولا لا..؟؟
الجمارك..والجهات المسئولة هي المستفيدة من الضرايب..
يعني مافي حل جذري إلا من الجهات العليا..
صدقووني البربره ذي لا تودي ولا تجيب سوالف الإدمان
الإقلاع عنها لازم عن قناعة وإرادة قووية..
والله يهدي شبابنا والله يعين..

["كرتونة غلا"]

.


/

.

كـآآرثـه العصـر..

..[..الدخـآن..//..pb093

.
.

انا مـو مع انكـم تكلمـونه ابـداً :sm4:

انتـم اطلعـوا منهـا ..وخلـوا اي رجـال يتفاهـم معـه (خـالك..//..عمـك..//..حتى لـو جـدك..//..ابـوك <<اذا انحـديتـوا )

اما كـلامكـم معـه مـراح يجيـب نتيجـه ابـد

وحركـه كل يـوم مشتغليـن تلميـح على الـولد مهـيب زينـه ترى ..

اليـوم مسـويلك اعتبـار يدخـن بـرى البيـت ..بكـرا يجيـك ويقـولك ولعـي الزقـاره يابنـت :D

صـدقينـي اذا كلمـه رجـال من اللـي مسويلهـم اعتبـار ..بيستحـي..بذات اذا جـاه باسلـوب ;)

مهـوب باسلـوب والله حنـا خايفيـن عليك ..ونحبك ومانبيـك تمــوت..<<حركات دكتـور فيل القرعـا ماتمشـي مع عيالنـا pb027

طالمـآ انك تقـولين ان اخـوك يدخـن من غيـر ضغـوط نفسيـه

مجـرد تقليـد ,, لاصـدقاء السـوءpb093

خلي ابـوك يتصـرف معـه حتى لو يشـد معـه شـوي ..
ولاظنيـت انه بيعانـد:rolleyes:

لان التدخيـن بالنسبـه له ..[..تجربـه..|=|..تقليـد.. موتمـرّد..لو تمـرّد بيعانـد


الاهـم اخـوكم لايـدري انكم انتـم اللي معلميـن ابوكم ..

عشـان ماتفتـر علاقاتكـم مع بعـض


بسبـة دخـآآنpb071


على طـاري الدخـان ..
جـد امـي الله يرحمـه معمـّر وهـو راعـي دخـان :rolleyes:
بس مـات مريـض بسبـة الدخـان pb071
لذلك.,"\،/..نقـول ..ان الاعمـار بيـد الله ..يامـا فيـه شيـاب يدخنـون وعايشيـن ..pb036
إيه الدخـآن يجيـب الامـراض بس لاتفـاولون على اخـوكم بالمـوت :sm12:

bp039

[مغرور حدي]

الحل ... خذوا زقاره من دخانه وفتوها له مع الغدا الي جوا مو الورق .. وراح يكرهه

[هويـدا]

معقولة أبوك مايدري

لو درا وش بيسوي فيكم

ولده يدخن وانتم تتفرجون ........>>>>عارفة تحاولون تقنعونة بس صدقيني ما فاد من أولة ماراح يفيد بعدين

قولي لأبوك .......>>>>>حتى لوعصب علية خلاص هو دخن

يارب تهدي شباب المسلمين وتصرفهم عن هالسم

[Spring Song]

إذا انتـي خايفه عليه من أبـوك ..

طيب ورا ماتحـاولون شخص كبير له هيبـه يكلمـه يعني خالك مثلا
شخـص قريب منكـم .. ويمـثل انه شـاف بالصدفه ..
ومايحتـاج كلام الرجـال الكبار فيه الخيـر والبركـه ..


الله يهـدي أخوك .. وان شاء الله سحابه وتعدي

bp039

[#غـدوو#]

{شوفي غ ـآلب اللي يدخ ـنون يكًنون م ـتضآيقين م ـن شي ويطلع ـونهـ بآلتدخ ـين
يع ـني أكًيد هو م ـضآيق نفسيآ ..وأذآبيتركًهـ يبيلهـ وقت طويل ح ـتى يتركًهـ

تح ـيآتي bp039

[ღ وجدان ღ]

دامه توه بادي يدخن " يعني ان شاء الله انه ما أدمن " لازم توقفونه عند حده

لا نصايح ولا كلام باللين يمشي معهم عياال المدارس

نصيحتي .. علمي ابووك وخليه يأدبه قبل لا يدمن ويضيع الولد

[ღ وجدان ღ]

ايه تذكرت

حاولو تكرهونه بالدخان مو بس من ناحية الامراض وكذا لااا كرهيه فيه من ناحية النظافه

قولي وععع ريحة اللي يدخن وععع سنونهم صفرر وععع نفسهم كريه

على فكره ترى اكثر اللي متزوجات مدخنين يعانون من ريحة نفسهم :(

[a5r.al3nqood]

فيه ششي احب اقولك عـنه

اول شي تـرآ عـآدي
يصير اخوياه يدخنون و يقعد معهم و تصير فيه الريح

و عادي برضوه يركبون معـه و يدخنون بسيآرته

مثلي انا الحمدلله مآدخن بس ارجع للبيت و ريحتي دخآن

بس بسيآرتي الصرآحه مآاسمح لهم يدخنون

[الحب والحرب]

انا من رايي حاولي فيه انتي بالاول بس اذا كنتي من النوع اللي يقنع وعندك اسلوب
فهميه انه شي غلط ومكروه وهو صغير يعني تو بادي ويمكن بكل سهوله يتركيه
ابدئي معه اول اشرحي له مخاطرة وكرة الناس للانسان المدخن واستحقارهم له
ثم ابدئي بالدين وحكمه
بعدين اشرحي له حالة امك وابوك لودروا وموقفهم عند الناس واعمامك وخوالك
استعطفيه
بالاخير هدديه اذا شكيتي لمجرد الشك انه يدخن انك بتقولين لابوك
وقول له انك بتراقبينه وماراح تنسين الموضوع
اتمنى افدتك

[كاتشب بالميونيز]

الي يتكلمون عن حلقة 99


ممكن هالحلقه حتي لو ع الخااص
او اسم االبرنامج ودي احملهاااااااا

[Crazy at Noora]

الدخان مااحد يقدر يترك الا إذا اقتنع ، وكان صاحب إرادة قويه ،،

كثار اللي طاحوا فيه لكن ماعندهم إرادة ، ولاعزيمه لتركه ،،

برأيي امك ماتدخل ، انتي واختك الكبيرة تتقربون منه ، تطلعون معه ، تحاولون بشتى الطرق تكسبونه ، بعدين لاكسبتوه بيرتاح لكم وبيجلس معكم دايم ، بعدين ابدأي بـ حل مشكلته من خلال طلعاتكم وبيني انك تخافين عليه وان الحياه موب بس دخان وهالأشياء ،

ترى في هالسن الدخان عند الشباب رجوله ، اعتماد ، بعدين لاكبر بيعرف أنه ضرر ، ،

لكن انتبهي توصل السالفه لأبوك ، لأن ابوك مثل ماقلت اللي حار ، وما راح يتركه ،،

نصيحتي حل المشكله هذي بإختصار عن طريق كسب ود اخوك والتقرب منه ، معرفة مشاكله ، وهمومه ، لأن المراهقه في هالوقت محتاج احد يراعيها ، يهتم فيها ، المراهق في هالسن يحس بأحاسيس غريبه خليكم قريبين منه وربي راح تلاقونه احلى من العسل ،،


الله يهدي أخوك ويصلحه ، ويهدي كل المدخنين pb071 <<:D

[نجـــــلاء]

والله مريت بنفس موقفك :sm1:

كانت ماما منومه بالمستشفى

واخوي كان عندنا وقال بطلع شوي وبرجع لكم ...

رحت اجيب كفي من ستار بكس :) .. الا والقاء اخوي مشخص في استراحه الاطباء يتتن !!

يتتن = يدخن


انصدمت من جد !!!!

ومثل ماقلتي ابوي مايحب المدخنين ولا يواطنهم

بس الله بلانا بواحد منهم .. ومازال

الله يعينكم

[GORGELICIOUS]

انتي واختك دخنوا وخليه يشوفكم وانتم تدخنون
بينصدم واذا قال شي قولوا وش زودك عننا؟

[متى بس؟]

حتى انااخوي يدخن له كم سنه وهو ماتم العشرين حتى

الله يهديهم ويصلح قلبهم

[Hattori Hanzo]

مافيه حل الا انكم تدخلون ابوكم وتخلونه يجلده ويتادب ويخاف
لان اذا سكتوا له
بكره بيجيب لكم شي اعظم حشيش وشراب وهلم جراً
انتم خوفوه بالدخاااان
لانه هو المفتاح للبلاوي الكبيره

[مـيـت قـهـر]

انصحوه و بينوا له ان التدخين مرفوض بكل اشكاله وانكم ما تقبلون انه يدخن و الاهم بينوا مضاره على الصحة و الرئتين و اللثة و الاسنان و لون الشفايف لعل و عسى ومهم جداً ان اللي ينصحه شخص مقرب له من العائلة .. ولا تشدون عليه لأنه بسن حرجة و تفكيره غير ناضج .. وان مليتوا قولوا له بسلامتك اشوى ان اللي بتتسرطن رئتك انت موب حنا " عطوه اشكل " بيبدا يفكر فيها جديا :d ..

[هيّن]

شوفي يآأختي ..

التدخين شي صعب مرره آلوآحد وآلله مآيتمنآه لعدوهـ <- تكرهه بشكل ..

يآليت لو تتفقون انتي وامك واخوتك ان وحده بس اللي تكلمه .. واللي هي طبعآ تكون اقرب النآس له من اخوآتك ..
بس بهدوء لأن هالسن يبغى لهم معآمله خآصه ..

مثلآ قولي له انت كبير وعارف مصلحه نفسك
وندري انك طحت بالتدخين مو مهم انت تبي هالشي او لآ آلمهم تفكر بطريقه تخلصك منه ..
وانت تعرف اضراره ع الصحه و و و .. كلميه على ان كبير وفآهم ..

..

ولــو بتكلمينه على طريقه هواش ورفع صوت وآلله مستحيل يسمع كلآمكم والا بينته لتصرفآته اللي جآلس يسويها ..

حآولي طبعآ مآتكثرين عليه الكلآم قولي اوعدني تسوي اللي تقدر عليه
وللمعلوميه لآ طآح فيه صعب يتركه .. عشان كذا انتبهو له قبل يتعلق فيه مررره ..

وربي يهديه لكم ويصلح قلبه .. ويشآفيه من هالدخآن والبلآوي