اصبحتُ اتخبط

[Rebellion]

السلام عليكم ورحمة الله وبركاته

بدون مقدمات روتينيه ممله

قصتي كالتالي

تعرفت عليها في الصف الثاني المتوسط ... بعد صداقه دامت قرابة السبع سنوات كانت اجمل واروع سنوات عمري ومما لا يخفى عليك ان الصداقة تحتل المرتبه الاولى من اولويات فتره المراهقه وخصوصا في بلد بعيد كل البعد عن دينك وعاداتك ولغتك وهويتك.

قبل سنه ونصف صارحتني هي بأنها تميل جنسيا للفتيات تماما مثل ميول الذكور للفتيات. صُعقت وخشيت ان تنخفس الارض بنا بسبب غضب الله خصوصا وانها مسلمه وميقنه تماما ان ماتفعله ذنب وخطيئه... قالت انها لا تستطيع كبت هذه الرغبه وانها كانت تشعر بهذه الرغبه قبل التخرج من الثانويه ولكنها لم تتجراء بـ البوح لاحد الا عندما سأت حالتها النفسيه...

حاولت ان اذكرها بقول الله وقول رسوله لكنها لم تتأثر كثيرا...(على كلٍ هي لا تصلي ولكنها تضل مسلمه ويجب على نُصحها )...استمر الوضع كماهو لمده ليست بالقصيره... ثم سافرت انا مده سته اشهر وبعد عودتي استئنفت دراستي الجامعيه وكانت هي وقتها تعمل وتدرس في نفس الوقت

ذات يوم , اخبرتني انها قابلت فتاه في العمل وانها -صديقتي- احست تُجاه تلك الفتاه بــ احساس غريب وجميل كما وصفته لي ولكنها تخشى ان تبداء في علاقه غير مشروعه (خصوصا من هذا النوع) من دون علم اهلها . نصحتها وذكرتها بان الله يراها قبل اي مخلوق في هذا الكون.

لم تستمر في عملها ,بل سأت حالتها النفسيه واخذت تزور طبيب نفسي وتتعاطى مضادات الأكتأب. لم اتخلي عنها في مثل هذا الوقت العصيب و عرضت عليها ان اذهب معها لزياره الطبيب لكنها رفضت.

اتصلت بي يوما وكانت متوتره جدا بسبب نفس الموضوع ولكني قلت لها بالحرف " انك تستطيعين تغيير طريقة تفكيرك وبالتالي تتخطي هذه الازمه بسلام." خصوصاً وانها لا تُعاني من اي مشكله عضويه ... لم نتحدث كثيرا بعد هذه المكالمه واخذت تتجنبنبي و تتهرب عن التحدث معي عندما اتصل بها , استمر الوضع حوالى الشهرين

قبل يومين تحدثنا لوقت قصير و سألتها لماذا تتجنبني و هل اخطئت دون علم مني؟؟ انفجرت على غاضبه وقالت انني سببت لها جرح عميق عندما تحدثنا قبل شهرين وانها تستطيع ان تتدبر امورها وانها صارحت اثنتين من قريباتها ولقد تفهموا وضعها وانهُن يدعمانها ويساندانها .



لم اعد اعرف مالعمل فقد اصبحتُ اتخبط ولم اعد أُجيد التصرف ؟؟؟

[رجول حرفي]

لاحول ولا قوة الا بالله
لا تتخبطين ولا شي انتي نصحيتها لكن ماعجبها نصحك ولقد من يايدها
خلاص ابعدي عنها وادعي لها بالهدايه
اسال الله العفو والعافيه

[pinkiah]

لا يضيق صدرك ولا شي !! .. انتي نصحتيها وعلمتيها pb189 ..

وهذا المطلوب منك .. لما قلتي لها بتروحين معاها ما رضت خلاص هي ادرى بحالها ..

وانتي سويتي اللي عليك .. الله يشفيها ويهديها يارب :rolleyes: ..

[حلـم بنـت]

وعليكم السلام




الجفاف العاطفي / ضعف الدين !
وانتي قلتِ ماتصلي ؟
( تارك الصلاة كافر كفراً مخرجاً من الملة، يقتل إذا لم يتب ويصل )
وان قل الدين مع غياب الرقابه تتطور مشكلتها لأكبر من كذا ..
ودام قريباتها عرفوا بالموضوع الاكيد راح يتصرفون لمصلحتها
وانتِ لاتتركينها صديقتك بحاجه لوقفتك معها
حتى لو بالدعاء فقط ..
وهي متى ماتخطت هالمشكله راح ترجع لك لانك صح ~
وتدوم صداقتكم للابد باذن الله ..


الله يهديها والجميع يآرب

[Rebellion]

رجول حروفي bp039

pinkiahbp039

مشكورين على التفاعل السريع

لكن هذي صديقتي ماتهون علي
ولو جدلاً قلت راح اتركها شلون اتخلص من هداياها و كل اللحظات الي قضيناها مع بعض

the thought of ditching her terrifies me:(

[Rebellion]

حلم بنتbp039
مشكوره على الرد

حاولت معها وكلمتها عن الصلاه وانها عباده مقدسه تريح من كل الهموم بإذن الله لكن ما تأثرت كثيير

وبالنسبه لقريباتها ماعندهم حساسيه من هالموضوع لان عندنا بهالبلد طبيعي جدا العلاقات الي من هالنوع:sm1:

[أتعبني غروري]

الله يهديها يارب :( !
مشكلة الشذوذ الجنسي رغم انتشاره كـ موضه مؤخراً ..

مانقول الا الله يستر من هالدنيا كل يوم يجّد علم جديد ,
حاولي تدعين لها كثير بصلاتك ,
هالشئ بـلى جنسي وديني :( !

..


يُنقل للمشكلات الاجتماعية ,
( F )

[لو تحكي الدروب]

يمكن مثل ماذكرتي هي تواصلت مع طبيب نفسي وايظا انتي نصحتيها واثنتين من قريباتها نصحوها

لكن دون فائدة ,,, والسبب هو ضعف الوازع الديني والغفلة وعدم الخوف من الله ,, فالبنت كما
تبين لي انها بعيده كل البعد عن الله ,,

على كلٍ هي لا تصلي ولكنها تضل مسلمه ويجب على نُصحها

الصلاة ركن من اركان الاسلام وتعتبر الصلة بين العبد وربه ومن تركها فقد كفر ,,,,
وهنا عصب المشكله ,, قبل ماتنصحونها عن عادتها الشاذه انصحوها اولا بالصلاة ,,, قدمي لها اشرطه توعويه تتكلم عن الصلاة ونهي من تركها ,, ذكريها بالله الا بذكر الله تطمئن القلوب ,,

صدقيني اذا الشخص ماعنده رادع ديني عمره ماراح يقتنع وان تعدل بيجلس فتره ويرجع لعادته ..
اهم شي الوازع الديني ,,, والله الهادي


لم اعد اعرف مالعمل فقد اصبحتُ اتخبط ولم اعد أُجيد التصرف ؟؟؟

انتي سويتي الي عليك ,, عليك بالدعاء لها

[مُخمَلِية ،]

* *


مراحبـ خيتو ..

صباحكِ مفعم بالحيويه والنشاط ..



عنونتي موضوعكِ بـ بدأت اتخبط .. ؟ ولمَ التخبط ؟ ..

عزيزتي أنتِ قدمتي ما عليكِ من نصح وإرشاد .. ولا يخفى عليّ مدى الصدمه اللتي عايشتيها من قبلك
تجاه صدقتكِ .. ولكن أمر طبيعي نشاهده بين الأصدقاء ..

ولكن الرائع ما قدمتيه إليها من النصح والتنبيه .. وإصرارك رغم أبتعادكِ عنها أكثر من مما قبل ..

أخيتي / جميل حرصك والأجمل غيرتك على دينك لكن أردفتي قائلة

(على كلٍ هي لا تصلي ولكنها تضل مسلمه ويجب على نُصحها )...

والرسول يقول العهد الذي بينا وبينهم الصلاة فمن تركها فقد كفر ..


وصيتي الأولى والأخيرة أن تبتعدي عنها كل البعد فوالله ليس شرف لك بان تكون هذه من أعز صديقاتكِ ..


ابتعدي منها ولكن لا تنسينها من النصح وإرسال الكتب والنشرات الوعضية ...


والله يرعاكِ ويحفظكِ من كل مكروهـ ..bp039



* *

[z3lan]

the thought of ditching her terrifies me

oooh nooo dont say that plzzz:D

لو انا مكانك اجيب لها أي هدية واغلف الهديه بصورة ملحم زين والا صورة ذاك الباكستاني الاطخم اللي ضيع مستقبل الشباب السعودي الى عشر سنوات قدام .. يمكن تتحرك غريزة البنت الحقيقية :D


ضعف التعلق بالله وكثرة التغيرات النفسية اللي يعاني منها المجتمع واللي شكلت فراغات روحية وقاب كبير بين كل جيل والجيل اللي بعده هي السبب الحقيقي لظهور مثل هالمشاكل في الاسرة السعودية .

انصحك بالدعاء لها بظهر الغيب انه يهديها ويصلح حالها .. وعدم اليأس من مناصحتها بالتي هي أحسن وبالاسلوب المحبب الى القلوب .

[Rebellion]

اتعبني غروريbp039
مشكوره على التفاعل

لو تحكي الدروبbp039
حاولت معها وكلمتها عن الصلاه وانها من اقدس العبادات لكن ما نفعت معها

عربجيه بس كشخهbp039
والله العظيم يوم قالت لي بغي يغمى علي قلت مو هذي صديقتي لا هذي وحده ثانيه
لكن والله دعيت لها من قلبي ونصحتها ومازلت لكن ما اشوفه نفع معهاpb093

زعلان bp039
هي تموووت على توم ويلنق pb094الي في سمال فيل عرفته؟؟؟
يعني من هالناحيه ماعندها مشكله :D
نجي للجد
الـ Mentality هنا مختلفه ١٨٠درجه عن السعوديه
يعني لو نصحتها ومافاد
حتى الفضيحه مافيه بــ قاموسهم يعني شي عااادي :eek:
هذا ميولي والسلام نو بربلم
وخصوصا ان القانون في صف هالفئه وحتى زواجهم مسموح
وبعد كم يوم لهم مسيره في وسط البلد
يعني المكان مايساعد على ان الواحد ينصح وهو يشوف هالبلاوي قدام عينه

[نملة فسفورية]

ليه تخبطتي طيب :(
خليك معاها لا تتركينها .. انصحيها بين الوقت والثاني .. لا تحاولين تضغطين عليها ..
انصحيها فوقت تحسينها انها هي محتاجه للنصيحه ..
واكيد هي ماقالت لك الا لمعزتك عندها .. ولا شي زي كذا اتوقع مو بالسهوله ينقال لأحد ..
ان شاء الله مصيرها تصحى وتعرف .. بس اهم شي انتي خليك معاها :(

الله يهديها ويصلح حالها يارب ..

[ممــــــيز]

::
:

نسـأل الله العافيه :)
بصراحه ما أقدر أفيد في هذا الموضوع " فقط أستفيد :) "

[Rebellion]

نمله فسفوريهbp039

هذي كانت من اعز صديقاتي كنت اقول لها اشياء ما اقولها لخواتي
انامستحيل اتخلى عنها
لكن بسبب هالمشكله تغيرت علي وتهددني انها راح تتركني لانها لقت من يوقف في صفها ويزين لها الي قاعده تسويه بنفسها
والله احترت معها:(


مميز bp039

شكرا على المرور
توقيعك فالصميم pb192لكن ماشفت الجو عندنا
يعني من يصدق انه ينزل ثلج بشهر مايوpb030

[هذيـان]

أنتي ليه مصره على صداقتها..؟:)
تميلين لها..؟
العشرة اللي بينك وبينها..؟
طيب نفس مشاعرك ماتغيرت قبل وبعد معرفتك بشذوذها الجنسي؟
اذا كذا عادي خليك متعلقة فيها وراح تأثر فيك وينكسر حاجز الخجل في يوم
وتتقبلين منها أي شي..pb058
أما اذا كنتي قوية بما فيه الكفاية:d بامكانك تبتعدين وتنهين العلاقة وهي انهتها
قبلك بس انتي رجعتيها ومعناة هذا إنك باقية..
اتركيها عادي وش صار..؟؟pb036
تزعلين وبعدها ربي بيعوضك بأحسن منها وبعدين تخلت عنك لأنك ماتقبلتي شذوذها
وماراح تتقبلك الا بموافقة شخصية منك على طبيعتها يعني كمااان واضحة البنت
وش تبي فيك كصديقة ولاشي حبيبة اوكي ابعدي يابنتي الله يصلحك ويستر عليك..
مثل هالأمور ماتحكم بالعاطفة بالعقل..:)
نصحتيها وخلاص ادعي لها..
وبعدين نقطة واضحة في شخصيتك انك تميلين للضعف ومعنى هذا انك قابلة للتأثر
من الغير أكثر من التأثير على الغير..bp039
لو كان لك تأثير كان تقبلت لكنها مثل اللي يكويك بالنار يقولك أنا لقيت غيرك
يوافقني اوكيي..انتي تنصحين من هنا وغيرك يصفق لها صح ولا لا.
هذا اذا كانت فعلاً معترفة لشخص غيرك مع اني أشك لكنها استخدمت هالأسلوب
كوسيلة ضغط لا أكثر..pb093
موفقة وسوري عالقسوة في ردي بس كافي تعاطف مع حالات الشواذ
الى متى لين ينتشر بالمجتمع :rolleyes:القلب لازم يكون قوي شويتين:)

[الافــــلاجــــي]

جزاك الله خير على نصحها والله يجعلها في ميزان حسناتك
ولكن مثل ذي النوعيه مفروض ما تتخبطين عشانها
انتي الي عليك سويتيه ولكن لوني محلك ابتعد عنها خلاص
لان الزم ما عليك سمعتك لانها راح تضرك وانتي ما تدرين في المستقبل
وكانو اول يقولون لا تسأل عن المرأة واسأل عن خليله "الخليل مقصود به الصديق"
.. والله يكون في عونك عارف انها مهوب هاين عليك تشوفينها وهي كذا ولكن مصلحتك اولى ..

[ريسان]

ما عليك المهم انك ارضيتي ربك بتقديمك النصح لها ,, ولا يهمك رضاها

دمتي بود ,,

[حرم زوجي]

ان كانت ماتنظر لهذا الشيء من باب الحرام وانه شيء عادي حاولي تبحثين عن المواضيع الطبيه الي ممكن تفيدك بمضره هذا الشيء والامراض الي ينقله كالهربس والسيلان والزهري والأيدز وكذلك الأمراض الجلدية الكثيرة مثل التقرحات والطفيليات وغيرها وحاولي تبين لها انه من معزتها انتي قاعده تنصحينها ومحبتك لها وحرصتك على استمرارية صداقتكم ان مااتقبلت هالشيء اتركيها مع اني ضد الي يترك الصديق بهالوقت لان بمثل هذي المواقف تبين الصداقه حاولي بين فتره وفتره تتصلين فيها لعل وعسى انها تتراجع عن الي تسويه ولا تنسينها من الدعاء

[Rebellion]

اخر طومحاتي bp039
مشاعري تغيرت كثيير تجاها لكن ماني قادره انسى العشره وخصوصا انها واهلها كانوا لي
الاب والام في فتة دراستي ومازلوا ماعداها
لكن انا مستحييل اتقبل\امييل لها في يوم ؟؟!! لاني مُيقنه تماما ان الي تسويه غلط وخطيئه وشنيع !!!

اتركيها عادي وش صار..؟؟

مب من طبعي اترك شخص بحاجتي شلون هي

اذا كانت فعلاً معترفة لشخص غيرك مع اني أشك

بيني وبينك انا بعد اشك في هالشي
لكن احب احسن الضن
وصدقيني هي اضعف من ماتتصورين



الافلاجي bp039
احس اني راح اكون ناكره لـ الجميل الي سوه اهلها معي لو تركتها
و اترك السمعه على جنب يعني وش راح يقولون الناس اكثر من الي قالوا وهذا موضوع ثاني



ريسانbp039
الحمد لله
رضاء ربي من اولوياتي دايما
ونصيحتي لها تشهد على هالكلام


حرم زوجيbp039
شكرا على اقتراحك اختي
لكن هي طالبه طب وللاسف عندها علم بهالشيء


ياجماعه
اوقات تجيني افكار غرييبه ومزعجه ومرعبه لكن مااقدر انفذها :(

مثل ترك السكن واشوف لي مكان ثاني
وبعد اني اجمع كل الهدايا والاشياء وكل حاجه اهدتني ايها
وارجعها لها
واوجهها وتكون النهايه ؟؟؟ <<<<لاني كل ما شفت اي شيء يذكرني فيها راح الوم نفسي
واني ماسويت الي يجب اني اسويه واحس اني مقصره

[مياسين]

حبيتي اول شي سبع سنوات عمر .. كان الأحرى فيك انك على قوة الصداقه بينكم انك علمتيها الصلاه..ماراح اعاتبك على شي راح بس كان ارتحتي من هالهم
على قولتك انها بعيده عن الدين ولكنها تحمل الهويه الإسلاميه..اذا هالشي مرفوض عند الأب والأم
واذا كانت البنت تسمع كلام امها وابوها وتحترمهم..حاولي تلجأين لهم بهالأمر
أو تدخلين طرف تهتم فيه البنت وتحترم رأيه بحيث يوضح لها الأمر
وحاولي تذكرينها دايما انها تحمل الهوية المسلمه..استخدمي سياسة كثر الدق يفك اللحام
وهي ان كانت تقدر الصداقه بينكم ماراح تستغني عنك عشان هالنزوه
لأن هالشي تفكير وربي خلقنا كل واحد في جنسه
واللي تمر فيه أوهام ويمكن موضه ويمكن ويمكن ...لأي سبب كان
فهذا خيااال وماله أساس .. فهميها ان ربي خلقها بنت لأنها بنت
تحمل معاني الأنوثه والرقه .. وأبعدي عنها هالأفكار حاولي في وقت فراغ تسلينها عن ذا الأمور
لأن وقت الفراغ له دور بعد
ابدأي معها في ان تتعلم الصلاه وحاولي حاولي كثير... وادعي لها
اذا هي استغنت عن صداقتك كوني في غنى عنها ..
bp039

[Serenity]

اول شيء نعرف سبب الخلل وبعدين نعالجه..
لا تكلميها عن موضوع حالتها هذا لفتره معينه..
وبدل منه واجبك تجاهها انك تساعديها تقوي عقيدتها وايمانها

تذكريها بواجبات دينها وانه شيء حتمي علينا كمسلمين ..
تذكريها انها مسلمه
ولازم تطبق هالواجبات عشان تحس بانتمائها لدين معين وعقيده ثابته..
لكن تقولين ماتصلي ومسلمه..ماتجي..
حسسيها -بلطف-
انه بفعلها كذا هي تشذ عن جماعة المسلمين
ولاتنتمي لهم ..خلي كلامك موجه لها بدافع العاطفه
وانك تبيها ترتقي لشخص افضل
ينتمي الى مكانه الصحيح

في المرحلة الثانيه ذكريها بوقت الصلاه...صلي قدامها..
امسكيها خطوة خطوة لين تحسي انه قلبها بدأ يميل
للهدايه ..
وخلي مهمتك مكثفه ولاتهمليها..
مع الوقت باذن الله رح تتغير للافضل..
و توصل لمرحله من حالها رح تدرك انه اللي بتسويه خطأ.


لكن بسبب هالمشكله تغيرت علي وتهددني انها راح تتركني لانها لقت من يوقف في صفها ويزين لها الي قاعده تسويه بنفسها
والله احترت معها:(




شلون تهددك؟؟ يعني هي الهوا والماي ومن غيرها مارح تعيشي؟؟
استغرب تعلقك بها..
احترم العشرة اللي بينكم بس خلاص في اشياء مصيريه لايمكن تجاهلها ...
هي ماسكة عليك شيء تخافي تتركيها وتفضح سرك؟؟؟
لو مارضت انها تصحح من عقيدتها وتهتم بأمور دينها فواجب عليك تركها
عشان يخشى عليك بعدها تأثر عليك !




مثل ترك السكن واشوف لي مكان ثاني
وبعد اني اجمع كل الهدايا والاشياء وكل حاجه اهدتني ايها
وارجعها لها
واوجهها وتكون النهايه ؟؟؟ <<<<لاني كل ما شفت اي شيء يذكرني فيها راح الوم نفسي
واني ماسويت الي يجب اني اسويه واحس اني مقصره




اول شيء لازم تعالجي ضعفك :D
يعني شكله تأثيرك عليها موب قوي ابد لأنه انتي نفسك
شخصيتك مو بذيك القوه اللي تخليك حتى تتحكمي في قراراتك.
لو وصل الامر انها مارضت تصلي و بقيت علىحالها ، وقتها
كل شيءيذكرك بها تخلصي منه واقطعي علاقتك بها!
لانها تعتبر خرجت عن الدين..
ولاتقولين الوم نفسي واشياء فظيعه ومدري وشو..
مهما كان بينكم مافي شيء قصري يربط بينكم يمنعك انك تتركينها
لمصلحتك بيوم من الايام..




بارك الله فيك وجزاك الله عن نيتك كل خيرbp039

[خفوق]

خلاص سويتي الي عليك ليه متضايقه ؟

اذا احتاجت لك في شي بترجع لك

ولو ان عندي احساس انها تكذب عليك في سالفة الطبيب النفسي و الاكتئاب

و رفضت تروحين معها لا تنكشف

تبين نصيحتي؟

لا عاد تدورينها

ولو رجعت لك حاولي تجنبينها الين تنهين الي بينكم

البنت مشت في طريق بطال

والي مافيه خير تركه خير

[طايرتن بالعجه]

تقولين مسلمه وتقولين ماتصلي
ما اخرج انا احد من الاسلام ولكن اللي مايصلي كافر اولا

انصحك بالابتعاد عنها
هي ماتستاهل انك تلتزمين بالعشره اللي بينكم دامها
موب مسلمه

ارجع واقولك لاتناصحينها
اتركيها وابعدي عنها وهي متى ماعقلت بتلقاك

الله يهدينا وياها يارب
ســــــــــلآم

[Per Te]

وخيتي
لا تتوقعين يعني بينكم عشره 7 سنوات اذا لازم تستمر عشره مدى الحياه
لا يعني ان اختيارك لها صحيح !!!
هي تعاني من مشكله .. انتي بذلتي كافة جهودك لاصلاحها .. هي ما تبي تتساعد..عاجبها جوها..خلاص..اطلعي منها انتي..صديقتك ايه وبينكم عشره ايه بس لا تنسين سمعتك من سمعتها
تماشينها وهي كذا والناس يعرفون بيقولون انتي معها .. الناس مالها الا الظاهر ..ابعد عن الشر وغنيلو ..
بعدين تعالي :eek: وشو تهددني تتركني .. وش شغل الحبايب هذا .. خليها تولي .. ماسكه عليك صور هي pb095 تروح يجي بدالها عشره واخير منها ..
وبعدين الهدايا الي بترجعينها لها .. وشو انتي :confused: افهمي .. هي صديقتك وتكنين لها غلا خاص بغض النظر عن مشكلتها مع نفسها .. تطاقيتي معها .. انتي معك مشكله مع الهدايا ارميها بدون ما ترجعين لها .. علشان ما تهملين الهدايا في الزوايا pb095
يعني مسألة انك ترجعين لها هداياها وتذرفين دمعتين وتقولين لها خذ بقايا ذكرياتك والاماني والوعود وانسى اسمي من حياتك وانسى اني في الوجود :sm1: هذي انسي تسوينها :sm4:
هذي بين بنت تحب بنت حب مش مضبوط pb095 بس انتي خليك تكانه
ابعدي بهدوء ولا تلاحقينها وهي جوها غييييييييير بالنسبه لها .. pb071

[فاقده الذاكره]

ياقلبي حاولي مره ومرتين وخمس وعشرbp039

لاتتخلين عليها وتبعدين بهالسهوله لازم تحاولين وتبذلين جهدpb093
سوي كل الطرق وضحي لها الامراض والعواقب والمصائب اللي بتجيها من هالبلاوي
اذا مقدرتي تواجهينها او اذا كانت ماتتقبل الانتقاد ارسلي لها مسجات
اهديها كتب ونشرات فيه مواقع تتكلم عن هالامور
واذا يأستي منها وحسيتي انها ماتقبلت كلمي احد تشوفين انه له تأثير عليها ممكن تسمعله
واذا فقدتي الامل :sm1::sm1::sm1:
خلاص اسحبي نفسك مهما كان البنت سمعه وهي تسلك طريق خطا مو راضيه تغيره
ادعيلها والله يستر عليها pb189pb189

[غير النــــــاس]

....

طيب لو كانت تعرفت على صديق مثلا !!
وميولها طبيـعية لكن " بالحرام " .. وش بتكون ردة فعلك ؟؟
تنصحينها ، توجهينها ، .. إلخ هل كمـان بتتركيـنها .. ؟
صحيح فرق كبير بين الإتجاهين " عرفا و شرعا "
بس في النهاية المبـدأ نفسه / bp039
الصديق مسؤول عن صديقه بـ { توجيهه } وتنبيهه على أخطاءه صحيح ،
لكن مو بأسلوب القوة والتهديد !
يعني والله متى أقولك اوقفي في وجه صديقتك بالقوة وبيعي العشرة
إذا طلع من صديقتك شي يضر غيرهـا ، أو يضرك !
ونصحتي ومافاد النصح ،
بس دام هي اختارت هالطريق المنحرف بكامل إرادتها وماشية فيه بوعيها
واللي سلكت معاهم هالطريق يشاركونها نفس الميول وكلهم كبار وواعين ..
كل مين عقله براسه ويعرف خلاصـه !!
وياما أصدقاء يجمعهم كل احترام برغم فروقات التفكير والتوجهات ..
لكن في حالتك الوضع يختلف لأن بينكم ماضي ..
ويعز عليك تغير هالوضع ومابتتقبلين من صديقة عمرك اللي تتقبلينه
من زميلة أو صديقة عابرة وأتفهم تخبطك من هالناحيــة ،
فشوفي برأيي ماأؤيد إنك تقطعين علاقتك بصديقتك كليـا ، bp039
وبنفس الوقت صداقتكم بتتغير شور ومابترجع زي زمان مهما كان ..
طبيعي لأنه اختلفت دروبكم ، ولا تحملي نفسك لوم أو ذنب بهالشي !
دوام الحال من المحال ودايما تصير لنا مواقف من ناس نعتبرهم أصدقاء
وعشرة مليون سنة ممكن تنهيها لحظــة !! :sm1:

حاولي تعاملينها بالطيب والإحسان ..
خلي بينكم حبل ود رفيع ، مجال عالأقل حق : كيف الحال طيبين ؟
رمضان كريم ، كل سنة وانتي طيبة بالأعياد والمناسبات ..
هذا في حال إنتي " غاسلة يدك منها تماما و رافضتها جملا وتفصيلا " ..
لكن ..
الصديق الحقيقي مايستغنى عن صديقه سواء " مرض ، أخطأ ، غاب ، مات .. إلخ "
يحاول يساعده ويتفهمه قدر المستطاع !!
وإذا ماقدر يلتمس له الأعذار ولا ماله عذر ولا ماطلع بيده يساعده ويوقف جمبه ..
أضعف الإيمان يعطيه ظهره بدون مايقفل الباب بوجهه bp039
ويراقبـه من بعيد لبعيـد عشان لو بلحظة " هالصديق " مد له يد الغريق
يكون مستعد إنه يساعده وينتشله مهما كان عمق غرقه وخطأه ..
صعب تساعدين إنسان مو " ماد لك يده " أو مو طالب مساعدتك ونصحك !!
بتنفخين في قربه مقطوعه هذا إذا مو انتي قطعتيها ،

أنا بتكلم هنا من وجهة نظري ومفهومي اللي مايستند لا على صح ولا على خطأ
أنا برأيي " الصديق أو الأخ أو الأخت " أو أي عزيز وقريب ..
تتعدى مكانته مكانة اي شخص عادي في حياتنا ،
مشاكله وأخطائه وكل اللي يتعرض له جزء مني وصعب إني اتخذ الطريق السهل
" ابعد عن الشر وأغنيلوو " ! لأنه في ماضي مايهون ولا يمر مرور الكرام !!
لو بتخلى عن صديقتي عشانها أخطأت ولا أذنبت بسهولة
بس عشان مايطولني منها كلام ووجع راس وبلا بلا بلا .. ماأستحق هالصداقة !
هالأصدقاء مو عشرة يومين عشان أشتري دماغي من مشاكلهم .. لأ
وبنفس الوقت لازم تكوني واعية كيف ماتخسري صديقتك ولاتخسري نفسك !
وتختلف المواقف ، وبشبه لك سلسلة هالمواقف بـ دائرة
هالدائرة داخلها الصديق وخارجها .. إنتي !
- في مواقف تضطري تدخل مع هالصديق لنفس دائرته وتذوقي معاه كل شي داخل هالدائرة
زي في حالة : المرض ، الألم ، الهموم ، المشاكل ، المصايب ..

- وفي مواقف تضطري توقفي على حدود الدائرة بحذر شديد وهدفك تطلعي صديقك منها
بشتى الوسائل سواء بالقوة أوباللين أوالتهديد ..
ايا كان لازم تطلعيه بأسرع وقت لأنه بقائه خطر كبير عليه وعلى غيره
وهو مستحيل يطلع منها بكيفه ولا حتى برضاه .. محتاج للمساعدة سواء طلبها أو ماطلبها !
وهذا في حالة : الإدمان ، العقوق ، الجرائم ، الظلم ، .. إلخ

- وفي مواقف تضطري توقفي على حدود الدائرة برضـه لكن " Just To watch "
للمراقبة .. :)
ومو ملزومة تطلعي صديقك من هالدائرة غصبا عنـه ، تحاولين برضاه ..
وإذا مافاد خليكي دائما تطلطلي على حدود هالدائرة من فترة لفترة ،
يمكن يحتاجك بيوم من الأيام ..
وهالشي في حالة : اختلاف الأفكار ، العقائد ، الميول ، الأخطاء الشخصية ،
أو حتى الفراق لأي سبب ..
لأنه زاوية النظر من خلال هالدائرة تختلف من برا لجوا !!

مافي شي يمحي الماضي ، مافي شي يمحي العشرة إلا الخيانة أو الأذى ،
وحتى ساعتها لو انكتب الفراق .. حق العيش والملح إنك تسألي عنها
وتستقصي عن اخبارها وتعرفين أحوالها طال بيكم الزمن أو قصر ..


وهذا بالأول والأخير هذا رأي شخصي ..
لو كنت مكانك بتم صديقتها طول ماهي تحترم رغبتي في رفضي لميولها
وأنا أحترم رغبتها .. ونحافظ على علاقة طيبة !
في الأخير ماللأصدقاء حقوق على بعض غير التفاهم و حفظ الأسرار
ويكونو عون لبعض بالشدة والرخا ..
غير كذا فهي مجرد " مزايا " للصداقة " لكن ماهي أساس ..


والله يهدي صديقتك للطريق السوي :(
يمكن بكرا ربي يهديها وترجعون أحسن من اي وقت مضى bp039

[بدويه مودرن]

لا حول ولا قوة الا بالله .. :( للأسف هذا آخر الزمـان
الله يحسن خواتمنا يارب !
لاتتوقفين عن نصحها .. حتى لو مااستجابت لك .. انتي مأجوره ان شاء الله
ولاتنسين تدعين لها .. ان الله يهديها ..

[Rebellion]

نجد bp039
bp039Serenity
خفوقbp039
طايرتن بالعجهbp039
Per Te bp039
فاقده الذاكرهbp039
غير الناسbp039
بدويه مودرنbp039


جزاكم الله خير على ردودكم وتفاعلكم
والله يجعله في ميزان حسناتكم

[اليـــــن]

وبعد اني اجمع كل الهدايا والاشياء وكل حاجه اهدتني ايها
وارجعها لها

اشوفك مركزه على سالفة الهدايا:confused:

يعني وش بيصير اذا شفتي الهدايا بعدين :(

شوفي البنت ماعندها استعداد تتغير
وانتي سويتي اللي عليك


عاد هنا يتوقف عليك انتي اما تقبلين فيها مثل ماهي او تتركينها :)

[e7sas 6flah]

لاحول ولاقوة االا بالله
والله مشكلتها عويصة والاهم من كذا انها ماتسمع من احد
يعني اللي براسي بسوووية ومارح استغني عنه...

انتي اللي عليك سويتية بس اذا قلبك مايطاوعك تتركينها ابدي معها كذ.::

اول شي انصحيها للصلاة واتركي هالمشكلة على جنب..
وشلون بتخاف من ربي وهي بعيدة عنه لاصلاة ولاعبادة..
حاولي معها بموضوع الصلاة بشوي بشوي وبطريقة غير مباشرة
مثلا صلي عندها وادعي واذكري الله كثير عندها يمكن ياثر فيها..

قال تعالى:((إن الصلاة تنهى عن الفحشاء والمنكر))..


مع الدعاء لها بالهداية والتوبة باستمرار..
والله يهديها الى صراطة المستقيم..

[شُمـوخْ]

:





مممممممم
لأنّي عايشت نفس هالقصة ، أو نقدر نقول مقاربة لها جداً .. فحبيت أبدي لك رايي

معرفتي بها كانت أيام المتوسّط ، ويوم عن يوم قوت العلاقة بيننا ..
ما ودي أطوّل عليك ، كنت ألاحظ عليها ميول للبنات " الإعجاب وتوابعه " .. بحكم إني كنت مراهقة مثلها فكنت أتوقع إنها كانت تُعجب بالبنت وتحبّها وحركات أمشي معها وأتابعها وقضينا ..
شوي لما وصلت للثنوي بديت أستوعب إن المسألة أكبر من كونها إعجاب مراهقين .. لأنها كانت تتعلق بالبنت بطريقة مو معقولة ، كثير كانت أمها تدق علي ما تدري وش تسوي لأن بنتها بالمستشفى انخفض ضغطها وحالتها حالة .. وأنا بس أجلس أهدّي بأمها وأوعدها إن رح أفهم كل شيء ..

طبعاً أمي من بداية معرفتي فيها وهي كانت تقول لي هذي ما تصلح لك ، وأنا كنت أقول لها إن نظرتها ممكن تكون صح أو غلط .. وبكل الأحوال أنا رح أكون حريصة ..

حاولت بكلّ الطرق إني أبعدها عن هالطريق .. كنت ألاحظ هي وش تشغل وقتها فيه أكثر شيء .. كانت تعشق شي اسمه تلفون وسواليف وللأسف أنا عكس هالشي .. لكنّي وقتها اضطريت إني أشغل وقتها
صرت أكلمها كثير .. على جوالها إذا ما ردت دقيت عالبيت والحمد لله إن علاقتي مع اختها الصغنونة وأمها حلوة فعلطول أول ما أدق مافي شي اسمه تصريف ، يعطوني إياها حتى لو كانت بالحمام وإنتي بكرامة والجميع pb094

حاولت برضو أشغل عاطفتها .. أو أخلّيها تستوعب إن العاطفة اللي فيها تستوعب أمور أرقى من اللي هي تستنزفها فيه .. بالبداية كان ينفع معها ، لكنّي ما كنت أدري إنّها زي ما يقولون " تسلّك لي "

برضو حاولت ما أبيّن لها اعتراضي الشديد ؛ بس عشان تتكلم وأفهم منها هي وصلت لوين بهالأمور ..
هل هي مجرّد كلام وبس ، او لاسمح الله وصل لأمور أعمق ..
كانت تتخوّف من الكلام بهالشي .. لكن بالأخير تكلمت
حاولت معها أبيّن لها إن أساس العلاقة بين الجنس الواحد هي الصداقة المبنية على المودّة الفطرية .. كانت تقول بس أنا احس غير .. كان كلامنا كثير كثير ونطلع منه بنتيجة " أنا والله بحاول ، بس خلّيك معي "
كلمة [ خليك معي ] كانت تحمّلني فوق طاقتي .. خصوصاً إن الوالدة مو متقبلة البنت من الأساس ..

البنت بعدت فجأة .. غيرت جوالها ، وبيتهم محد يرد .. بين شهر وشهر ترسل لي مسج عساك بخير ..
حاولت أرجع وأعيد خطواتي .. لكن استوعبت إنّها من الناس اللي يقدرون يلعبون على الحبلين زي ما يُقال ..

قررت أبعد أنا .. لأني بداخلي عارفة إنها رح ترجع لما تتقفل بوجهها

طبعاً هالكلام على مرّ سنوات :)

وفعلاً قبل مممممممم يمكن ست شهور .. رجعت البنت تدق علي وساعديني وووووو
للأسف وصلت أمورها بين وبين حبيبتها - كما تقول - إن كل وحدة منهم تهدد الثانية بصورها اللي عندها ..
بما إن أنا ما شفتها من فترة طويلة طويلة ، لكنّي سمعت عنها إنها صارت بستايل البويات ..
ما قدرت أعطيها ظهري .. صح قسيت عليها وعطيتها كلام قوي ، بس فعلاً كانت تستاهله .. والحمد لله إن تأثير قسوة كلامي كان إيجابي ..
حاولنا نتدارك الموضوع ، شفتها وانصعقت من شكلها لأن من جد طلعت إنسانة غير ..
كانت منهارة من الخوف .. قلت لها إن شكلها فعلاً مو مبيّن إنها نفس الشخص ..
قلت لها غيري رقمك وحصل .. قلت لها أمك لازم تعرف وحصل ..
احتوينا الموضوع والأمور للحين على ما يرام ..
لكن أكذب عليك لو أقول لك إني رجعت أحمل لها نفس المعزّة السابقة .. يمكن لأنها آذتني بأمور كثيرة مختلفة عن هالموضوع ..
لكنّي لقيت نفسي أحذو حذو المساعد والمعاون ، أكثر من كوني أرمّم العلاقة من جديد ..




اللي خلاني أقول لك اللي حصل معي بشكل عام .. لأنّي أبيك تعرفين إني فعلاً حاسّه بموقفك ..
بس احنا البشر لنا طاقات يا حلوتي ، وعلى أساس طاقاتنا نحدد إمكانيات قدراتنا ..
إنتِ حاولتي قد ما تقدرين .. والله فاهمة قد إيش تتألمين إن صاحبتك تنحرف بهالطريق ..
لكنّي حابّه إنك تجلسين مع نفسك ..
إنتي اللي حبيتيها وكانت صديقتك هي إنسانة مختلفة عن الإنسانة اللي تشوفينها ألحين ، فاهمتني ؟
صديقتك اللي استمرّيتي معها ما يقارب 7 سنوات ألحين مو موجودة ، حلّ محلّها إنسانة أقلّ من إنها توصف بصديقة ..
لا تزعلين منّي ، بس لازم تفصلين بين الشخصين وإن كانو شخص واحد : )
حاولي تستوعبين هالأمر ..



حبيبتي
لو ما زلتِ غير مقتنعة بكلامنا كلّنا ، قولي هالشيء
لأنّك لازم تقتنعين : )
وأنا ما جيت هالموضوع من بدّ المواضيع إلا لأني أبيك تقتنعين وترتاحين :)

إذا للحين حاسّه إنك تبين تسوّين شيء ، قولي وأنا بحاول أفيدك باللي أقدر عليه :)


موفقة يا وفيّة bp039