محتار واكيد عندكم الجواب بين جهازين

[Just Friends]

مرحبا , انا والله قررت بعد طول انتظار اني اطق لي يا اكس بوكس 360 ولا بلاي ستيشن ثري

وابي اسال كم سؤال

الاكس بوكس وش هي اهمية الهاردسك وهل قطعة الذاكره تكفي

وش الافضل بلاي ستيشن ولا اكس بوكس 360

انا مفضل الاكس بوكس علشان العاب الكوبي

والبلاي ستيشن علشان رزدينت ايفيل ومتيل غير :(

بس تفرق لقيت جهاز الاكس بوكس لدون هارد ومع يد اضافيه بـ 1280 وضمان بطل

اما البلاي ستيشن 1780 يد وحده ولعبه ما ادري وش تبي ؟

وش رايكم اي الافضل ؟؟!! والف شكر لكم

[$NARUTO$]

الصرااحة سوني 3 أحسن بالنسبة لي

[muntaserku]

رزدنت راح تنزل على الاكس بوكس : )
ما بقى لك الا متل قير
شف لك واحد من اخوياك يعطيك الجهاز مع اللعبه لمدة اسبوع وخلاص :d
اما مساله تروح تشري جهاز عشان لعبه ؟!
فصعبه شوي

[Just Friends]

يعني تنصحني اخوي بـ اكس بوكس 360


بس ما قلت لي الهاردسك ماهو بذيك الاهمية وقطعة الذاكرة تكفي كبداية صح ؟

[muntaserku]

شف يا اخوك
اذا تبي الجهاز عشان تلعب وتختم كم لعبه وتنطله
فخل الذاكره تكفيك
كل ما ختمت لعبه امسح ال save الي سويته وخلاص

اما اذا باتخذ الجهاز عشان تلعب online وتحمل ثيمات والا افلام والا العاب ديمو والا اركيد والا غيره
فلازم لك هارديسك ولا تاخذ جديد شف المستعمل تلقى واحد شاري جهازين والا جهازه متبند ومعد له لزمه بالهارديسك فتشريه انت بنص السعر : )

ونصيحه :
يا انك تشيل لك جهاز بروميوم " الي يجي معه هارديسك وسماعه على ما اضن " وتاخذ معدل
او انك تاخذ لك جهاز اركيد " بدون هارديسك ولا سماعه + معه ذاكره و شريط العاب ومقاطع فيديو على ما اضن "
وهذي كلها تقدر تحملها انت و تاخذ الهارديسك بعدين

الاول معدل الظاهر من 1100 - 1300 ريال ما ادري بالضبط لكن بهالحدود
الثاني مهب معدل انت تعدله ب 350 ريال والجهاز لحاله 899 ريال واحسب حاسب الهارديسك المستعمل ...
تقريبا نفس السعر
لكن الثاني يعطونك عليه ضمان 3 سنين اذا ما عدلته
يعني تشري لك شريط واحد " من طلع cod4 وانا ما العب الا هو ومرات guitar hero :D "
واذا طفشت العب اركيد والا ديمو :D

* اذا كنت تبي اصلي وتبي الضمان لا تشري غير شريط 1 كل شهر " بعض الاشرطه لو تلعب فيه 3 اشهر ما طفشت منه :D اهم شي تجرب الشريط ويصير فيه ناس تلعب معك اما تروح تشري سونيك والا خرابيط فاضيه وتلعب لحالك فما له سنع الايف هنا :D "

اذا ما فهمت اي شيء انا موجود بعد الاختبارات << الا يوم الربوع : (
وحبذا ما تستعجل الحين اصبر لين اخلص اختباراتي عشان اصير معك اول باول : |
ادع لي :D

[MonochromE]

أهلين جست فريند pb189

ماقصر معك ( منتصر روكو ) pb192 pb189 ...
وأتفق معه في سالفة إنها ( صعبة أشتري جهاز عشان لعبة ! )

فـ عشان كذا أنصحك وبقوة في الـ xBox360 pb189 وإذا تبي نصيحتي خذ لك جهاز يشغل ألعاب أصلية ( بدون قطعة الكوبي ) واشتر لك ألعاب قليلة .. وماراح تندم والله pb030

بالنسبة للهارد ديسك \ بطاقة الذاكرة .. الأحسن لو تاخذ الهارد ديسك .. لأن البطاقة ماراح تكفي ( لحاجات المستقبل وكذا يعني )

يعني الزبدة .. أشتر ( إكسبوكس بريميوم ) و ح تدعيلي pb094
هذا هو هنا
http://www.amazon.com/Xbox-360-Console-20GB-Drive/dp/B000UQAUWW/ref=sr_1_3?ie=UTF8&s=videogames&qid=1213885886&sr=8-3

وشوف الصورة
http://g-ecx.images-amazon.com/images/G/01/ciu/79/6c/7c60793509a003ba111e4110._AA280_.L.jpg
هذا اللي يجي معاه أول ماتشتريه .. ولاتنسى ترى وزنه ثقيل والله :D


يبقى إن تعرف إنه فيه نظامين عندنا بالسوق ( أمريكي - أوروبي )
( اللي يشغل الكوبي : ياباني )

الأحسن لو تاخذ الأمريكي .. لأن ألعابه متوفره أكثر , بس الأغلبية يفضلون الأوروبي
عشان معاه ضمان ( خصوصاً ضد اللمبات الحمرا ) اللي تنتج عن :
اللعب بجو حارّ لفترة طويلة + وضع الجهاز بشكل أفقي ( الأفضل عمودي ) + الجهاز تحته سجاد أو مواد ثانية + الجهاز داخل مكان ضيّق ومافيه تهوية لإخراج الحرارة


برضو بالنسبة للألعاب .. فيه ألعاب NTSC ( أمريكية ) و ألعاب PAL ( أوروبية )
لكن فيه مجموعة كبيرة من الألعاب ( Free Reagan ) يعني تشغلها على أي جهاز عادي : )
مثل Call of Duty 4 حبيبة الشعب pb192 pb189
معليش طولنا شوي pb192
أي أسئلة ثانية حاضرين ترى pb189

[Just Friends]

بيض الله وجهيكم وربي ما قصرتو يالغوالي

muntaserku : حبيب آلبي , والله في البداية انا فكرت اعيش على المومري فتره اخصة ان الالعاب اللي ابيها بلعبها لحالي اول مره وبعدين اطب في اللايف لكن النسخه المعدله اللي تشغل كوبي يقولون ماشكلها كثيره ما ادري , عطني جواب من خبرتك يا عزيزي والله يوفقك في اختباراتك وتحقق طموحك bp039

MonochromE : يا اخوي انا احبك ماشاء الله عليك pb189 يا جماعه هالانسان ما شاء الله عليه موسيقى , مسلسلات افلام , والاهم انه ذوق واناقة بالتعامل , يسعدك ربي ان شاء الله
بس بقولك شيء وهالكلام بعد لـ منتصر روكو
ميتيل غير هذي شيء ثاني , هذي اللعبة اللي لها قصة طويلة معي , لعبة اعشقها عشق جنوني فلا احد يلومني لو حطيت هاللعبة بحساب اني اشتري جهاز pb189
الشيء الثاني الله يبشركم بالخير اذا رزدينت ايفيل بتنزل على الاكس بوكس بيقوم شغل كبير اكيد :D
ابي اعرف منك عزيزي وش مشكلة الجهاز اللي يشغل كوبي , لاني لقيت نسخه معدله ومعها ضمان ضد اللمبات الحمرا ومعها يد ثانيه وبسعر حلو بس بدون هاردسك وانا قلبي يقرقع عندها لاني من زود الحرص على الاختيار رحت لمحل فيه اجهزة اكس بوكس وتقدرون تلعب فيه بشبكة داخليه مع ناس ثانيين وتقدر تلعب لايف , واتوقع اني كنت الزبون الوحيد اللي طلب انه يلعب لحاله , لعبة كول اوف دوتي pb189 ولعبت البروفلوشن سوكر pb189 ولعبة النينجا pb189 ولعبة لعبة اسمها جير اوف وير pb189 pb189 هذي بالذات رحت عندها وطي لاني لما لعبتها لايف عشت جو ثاني bp039

المهم انتظر نصايح اكثر وبأنتظر مشورتكم اكثر بخصوص الاكس بوكس البلاي ستيشن حطيت عليه اكس كبير :( وداعاً سنيك :(

والله يوفقكم ويبيض وجهيكم ما قصرتو معي والله bp039 bp039 bp039

[MonochromE]

MonochromE : يا اخوي انا احبك ماشاء الله عليك pb189 يا جماعه هالانسان ما شاء الله عليه موسيقى , مسلسلات افلام , والاهم انه ذوق واناقة بالتعامل , يسعدك ربي ان شاء الله
أحبك الله الذي أحببتني فيه pb094 <<< وجه مطوع :D pb094

تسلم والله ياصديقي .. وحاضرين ماسوينا إلا الواجب pb189


بس بقولك شيء وهالكلام بعد لـ منتصر روكو
أهم شي ( منتصر روكو ) .. تبع شركة سن توب pb192


ميتيل غير هذي شيء ثاني , هذي اللعبة اللي لها قصة طويلة معي , لعبة اعشقها عشق جنوني فلا احد يلومني لو حطيت هاللعبة بحساب اني اشتري جهاز pb189

وأنا مثلك .. كان أحلى جزء عندي هو الأول على PS1 ( اللي فيه سيديين )
أياااام :( pb189 .. خاصة السيدي الثاني أول ماتموت الوولف ( البنت السنايبر :D )

والجزء الثاني كان بطل بعد ( حبيت رايدن ) .. بس الثالث ماجاز لي مرة pb093 :D

وبيني وبينك يمكن اخذ الجهاز من خويي بعد مايخلص اللعبة .. ألعبها وأرجعه له
وإذا مرة ناوي على PS3 انتظر تنزل الأسعار لأنه يبقى غالي شوي ..

( على فكرة فيه نقطة هامة ماقلتها لك ..
وهي أن يد الـ xBox 360 أريح بكثييير من يد الـ PS3 )


ابي اعرف منك عزيزي وش مشكلة الجهاز اللي يشغل كوبي ,
بالنسبة لي ... أشوف إن الجهاز اللي يشغل كوبي مافيه مشكلة عدا إنه ( إذا لعبت لايف راح يكتشفونك بعد فترة ) وبعدها بيعطونك ( باند ) ولاتقدر تدخل لايف ..

بس إذا كنت تبي جهاز كوبي ومصمم عليه .. خلاص توكل على الله
وخذ الجهاز اللي فيه ضمان أحسن pb189
وترى تقدر تنزل الألعاب من النت وتحرقها على DVD


وحاجه ثانية بعد .. إذا بتاخذ الإكسبوكس
راح تجي معه يد ( لا سلكية ) .. قل لراعي المحل إذا يقدر يبدلك بـ يد ( سلكية ) والفرق تقريباً 50 ريال ( هو اللي يرجع لك 50 <<< ماظنيت إنه بيوافق :D )
لأن اليد ( السلكية ) بالنسبة لي أريح بكثير .. ويكفي إن سلكها طويل مرة ( أظن أطول من يد الـ PS3 ) .. ولايحتاج تغير البطاريات كل شوي مثل اليد ( اللا سلكية ) .. أو تشتري لها شاحن .. الخ

الألعاب اللي لعبتها روعة pb030 بس شكلك ماجربت Call of Duty 4 .. يمكن حطوا لك الثالث pb189
وجيرز أوف وار <<< معشوقة منتصروكوكوكو pb192 pb189 ماجازت لي أبد :sm18:

فيه عندك ألعاب كثيرة حلوة وتستاهل تشتريها أصلية ( أو منسوخة pb192 ) .. مثل \

Virtual Tennis 3
لعبة تنس رهيبة

Oblivion - The Elder Scrolls
لعبة RPG يعدونها من أطول الألعاب في العالم !

Orange Box
أفضل صفقة تسويها في عالم الألعاب pb030 لعبة فيها 5 ألعاب .. تشتريها بسعر لعبة وحده
وهالألعاب هي \
Half-Life 2
Half-Life 2: Episode One
Half-Life 2: Episode Two
Portal pb189
Team Fortress 2 ( لعبة أونلاين )

GTA IV
مايحتاج أتكلم مايحتاج أقول شي pb192 pb189


وألعاااب كثيييرة .. خاصة الحصري منها pb024 :D


تفضل بالسؤال يا (جست) عند مرورك بمعضلة ما <<< تأثير الترجمة :D

[muntaserku]

لـ منتصر روكو
ههههههههههه اكيد انك توهقت بالتهجئة :D

وجيرز أوف وار <<< معشوقة منتصروكوكوكو
whiting GoW2 ... شف عروضها باليو توب ان ما بلمت 5 دقايق متواصله :d
كوكوككو :D حسيت اني ديك :D " مغيره مغيره الله لا يعوقه بشر "

لاني لقيت نسخه معدله ومعها ضمان ضد اللمبات الحمرا ومعها يد ثانيه وبسعر حلو بس بدون هاردسك
الظاهر الجهاز المعدل ما يجي عليه ضمان : (

[Just Friends]

الضمان ضمان المحل , بس بشرط اني اظل محتفظ بالفاتورة وبالسي دي حق الجهاز

ما يدرون اني اذا شريته بروح احطهم بخزنه ههههههههههه اذا رجعت البيت

اليوم ان شاء الله يا اخواني باذن الله باخذ الاكس بوكس , يعطيكم العافيه على النصيحه , بارك الله فيكم

وان شاء الله نخدمكم بالافراح

اول لعبة بطقها كول اوف دوتي , وغيرز اوف وار , وطبعاً بروفلوشن سوكر :d

[muntaserku]

^
مبروك تقطعه بالعافيه
اذا توهقت بشي موجودين any time: D
موفق

[Just Friends]

توهقت بشيء <<< أكيد بتقولون ما اسرع :d

يالغوالي اشتريت الاكس بوكس واستلمته امس لحالي , الاشياء اللي توهقت فيها هي

جاني واحد من الربع وبنلعب كوره وفكيت اليد الثانيه بس ما عرفت اضيفها ؟؟؟ اليد الدائرة اللي بالنص تولع اخضر لما اضغط عليها بس تظل الانوار تولع كلها او تدور , ولا انضافت ؟؟!!

المشكلة الثانيه كيف العب بالايف كيف طريقة شبكه ؟؟

وشكراً لكم مقدماً

[MonochromE]

يالغوالي اشتريت الاكس بوكس واستلمته امس لحالي
ماشاء الله ألف ألف مبرووك pb189 pb189

منتصر وش رايك نفتح شركة تسويق أنا المدير وإنت السكرتير حقي ؟ pb192 pb189

عليك بالعافية يارب pb189 ووقت ممتع إن شاءالله pb030

بالنسبة لإضافة اليد ( اللا سلكية ) فطريقتها مثل ماسويت إنت
أول شي : تضغط عليها لفترة .. وبعدين بتصير تنور لمبات بشكل منفصل ..

ثاني شي : إضغط عند زر Sync الصغير الموجود فوق اليد
http://z.about.com/d/vgstrategies/1/0/X/xbox360controller.jpg
( مكانه فوق رقم 5 )

ثالث شي : إضغط عند زر Sync الموجود بالإكسبوكس

وقتها كأنك قلت للإكس بوكس .. إنه يعرّف اليد هذي وبتلاحظ إن النور صار على رقم 2 في اليد .. يعني هذي يد اللاعب الثاني ...

والعملية هذي راح تحتاجها لأول مرة فقط , وبالمرات القادمة كل اللي عليك إنك تشغّل اليد وهي راح تشبك دايركتلي pb030

المشكلة الثانيه كيف العب بالايف كيف طريقة شبكه ؟؟
اللايف سهل .. أول شي تسوي قيمر تاج ( إسم ) وتتابع عملية التسجيل
( الأفضل لو تحط إيميل جديد ويكون على الـ Hotmail ) , وبيعطونك شهر مجاني
( يعني يصير إشتراكك ذهبي ) .. وقتها تروح عند أي لعبة فيها أونلاين وتختار خيار ملتي بلاير
وتلعب عادي

معليش على الشرح السريع بس العملية سهلة صدقني pb094

وحط لنا أي سؤال .. ترى فينا حرّة إجابات pb192 pb189

[Just Friends]

يسعدك ربي يا شيخ روح والقلب داعي لك :D

syn ماهي جايه من كلمة سانكروزشين المزامنه يعني <<< بدت تحكه يده على الترجمه :D

الحين بجرب اسجل بالايف واخلي اليد الثانيه اكتف وارجع ارد لكم خبر ع النتيجه :D

[MiDoRi]

Just Friends

ما شاء الله bp039 مبروك عليك الجهاز تقطعه بالعافية bp039 والألعاب المهمة اللي بتنزل على PS3 برضه بتنزل على Xbox360 bp039

bp039bp039bp039

[muntaserku]

^^

عندي احساس انك متعصبه ps3 :D
كل رد لازم تجيبين طاريه ههههههههههههههههههههههههههههه

المهم :
تبي تتوهق بالايف :D
عند ال zipe code

هذي حقت الاوروبي
Country : Germany
Postal Code : 54292
City : Trier

لا جيت تحط اليوزر او القيمر حقك راح تجي قدام حقات الايميل والباس والعمر " حطه عمرك فوق 18 " وبعدها تجيك الكنتري والي تحتها : ) "
لا سويت gamer tag حطه هنا عشان نظيفك
فيه تقدر تسوي امريكي وياباني وتفرق

بعض الاشياء تنزل بالاوروبي " العاب او مقاطع وغيره " قبل الامريكي
والعكس

[Just Friends]

شباب بيض الله وجيهكم بس ابي اعرف شغلتين

جبت سماعه بكيبل اشبكها باليد , على اساس اسمع فيها صوت اللعبه وما احتاج التي في , بس ما طلعت صوت :(

والشيء الثاني الايف ما عرفت اسجل فيه , اشبك الكيبل من المودم لمنفذ اليو اس بي في الاكس بوكس واسوي الخطوات بس ما لقيت ناس تلعب , او انا مسوي شيء غلط :d وهذا افضل توقع هههههههه

وش الحل يا قماعه :(

[في صمتي جروح]

اكس بوكس اكيد

[Just Friends]

الجهاز اكس بوكس واليد اكس بوكس حتى شاريها من محلات بيست , وتنشبك في اليد , بس ما عرفت اشغلها ؟؟

وعندي سؤال جديد يا اخوان غير اللي فوق

هل الجهاز اذا كان معدل ينطرد من الايف , ولا اذا لعب بلعبه كوبي ينطرد من الايف ما فهمت هالنقطه ؟؟؟

[muntaserku]

شف الخاص : )
موفق

[realmadrid]

هل الجهاز اذا كان معدل ينطرد من الايف , ولا اذا لعب بلعبه كوبي ينطرد من الايف ما فهمت هالنقطه ؟؟؟

يجيه شي اسمه باند مدري وشو هو بـ الضبط وجميع الاطباء البنقاليين عجزو يلقون له حل :d
انا جهازي اوصيب بـ هذا المدعو
وعلى لعب اصلي ولا كوبي كلها واحد :d لو تلعب اونو تتبند :d
جايك جايك اليوم ولا السنه القادمه :d

بـ التوفيق .. bp039