زوجها ما يطلع من البيت !

[Marilyn Monroe]

وحدة من البنات " الله يساعدها " قالت لي مشكلتها واحترت كثير، قلت لها تبين انزل مشكلتك في منتدى المشاكل الإجتماعية ؟ وتحمست للفكرة ، طبعاً الموضوع تحت تصرفكم ، وراح أنقل لكم كلامها حرفياً ..

في البداية ممكن البعض يشوف مشكلتي بسطية لكنها والله ماهي كذا مشكلتي بزوجي ! ودايم اذا قلتها لقريباتي عصبوا علي وقالوا لي اني اكبر الموضوع ولازم احمد ربي ان زوجي يصلي وما يشرب ولا يطقني ويحترمني ! كل هالأشياء الحمدلله إنها ما صارت معي لكن المقارنة بالأسوء دائماً عمره ما كان حل لمشكلة بقدر ما هو هروب منها ومحاولة أكبر لتصديق فكرة أن ما عندك مشكلة اساساً ! لما تقدم لي زوجي سألنا عنه وكلن مدحه كثير قالوا انهم ما يشوفونه إلا وقت الصلاة وكاف خيره وشره وانه ما يطلع كثير ! وقتها قالوا لي الناس من حظك واللي خاطبك مو راعي طلعات ولا استراحات وسهر لنص الليل! حمدت ربي على أخلاقه لكن قلبي نغزني ! في فترة الملكة حاولت أساله وين رحت اليوم وكذا وكان يقولي ما رحت مكان ! قلت لأمي شكل هالرجال ما يطلع ابد وقالت لي احسن وش تبين باللي يطلع ويناظر يمين ويسار ، ما اقتنعت بس ما حطيت في بالي انها مشكلة لأن الرجال كويس من كل النواحي وأخلاقه عالية
لما تزوجنا وسافرنا لشهر العسل كان يجلس اغلب الوقت بالفندق، اول الأيام سكت بعدها صرت ألح عليه اننا نطلع ، وصار يطلع بالدف ، ويسألني وين نروح ؟ طيب اصبري ساعة ، خلينا جالسين ، بكرة نطلع ! حاولت قد ما أقدر اني ما أشوف هالشي مشكلة ، لكني فكرت أنا رايحة شهر عسل وهو جالس اغلب الوقت في الفندق ، سألته ليه تكره تطلع ؟ قالي ما أتحمل أطلع كثير انا ما احب اطلع ! رجعنا من شهر العسل وهو ما يطلع من البيت للدوام ! ما عنده اصدقاء ابد إلا زملاءه في العمل وعلاقتهم بالعمل ما عمره عزمهم ولا عزموه ولا قد كلمهم الا للضرورة ! والجيران وكمان ما فيه احتكاك بينهم.. كل الوقت في البيت! اصدقاء ما فيه طلعات ما فيه ! وكل ما ألح عليه اننا نطلع يقول اطلعي مع خواتي ، اطلعي مع اهلك ، انا اوصلك وأرجع ! مطاعم نروح ما فيه ! واذا طلعت وجيت يحسسني بأني تأخرت وإذا جلست يومين وطلعت ورى بعض يحسسني بأني مهملته ( طيب انت ما تطلع من البيت شي أكيد انك تحس بغيابي بزيادة ) حاولت اشوف وش السبب، يقولي طبعي كذا واذا تحاولين تغيرينه ترى اهلي حاولي فيني 30 سنة !! يعني ما في أمل ، حتى جمعات اهلي ما يحب يروح لها ، يسألني في ناس كثير؟ لما اقول ايه يقول تعرفيني ما أحب الزحمة والإزعاج ! أنا ما أدري اللي فيه شيء طبيغي؟ ولا مشكلة نفسية ؟ حاولت قد ما أقدر اتحمل هالشي وحاولت اكثر اني اغيرة لكني ما قدرت ، احس احياناً اني مو مستحملة ادخل وأرجع وتتغير اشياء كثيرة في حياتي وزوجي جالس في البيت طول الوقت! كل يوم اشوفه واسأله وش صار؟ يقولي ابد دوامت وجيت !!

وش ممكن أسوووي انا ساعدوني ؟؟؟

تقدرون تتحملون شخص منعزل ؟ وغير اجتماعي؟ والمشكلة مرتاح على الوضع ؟؟؟

[لو تحكي الدروب]

الي فهمته ان زوجك انطوائي بزياده ,, ودام انه يقول هذا طبعي من زمان ومرتاح مع الوضع
معناه صعبه يتغير ,, لو هو طفل او مراهق يمكن اسهل بالتعامل والعلاج ,, لكن رجل تعدى الثلاثين اعتقد صعبه ,, مالك الا تتأقلمين معه ,,

[في صمتي جروح]

اعرف ناس مثل كذا انطوائيين ومايحبون الطلعات وهالامور

اذا هو متعود على هالشي من فترة طويله صعبه يغيره عشان كذا لازم تتعودين بعد انتي

واذا انتي طفشانه من ماقبله 24 ساعه خليه يطيح بالنت ولا يشوف الـtv على الاقل تحسين انه طالع او مو موجود بالبيت

بالتوفيق

[كلي فحولة]

حلوة ذي
الا بالغصب يطلع
من له خلق طلعات هاليومين

[في صمتي جروح]

حلوة ذي
الا بالغصب يطلع
من له خلق طلعات هاليومين

صادق والله
غبار - زحمات - ناس ماتعرف تسوق

على فكرة فيه حريم يتمنون ازواجهم يجلسون عندهم دقيقه في البيت

بس الظاهر الشي لازاد عن حده انقلب ضده :sm17:

[كرآآميلآ]

نفس مشكلة وحده اعرفه ,, زوجه بيتوتي حيييل حيييييل
ولحد الأن هي تحاول بوه بس مافي فايده ,,
طيب يمكن زوجك صاير معه موقف ؟؟

[مبااري السااس]

انا من خلال خبرتي وقراءاتي في مجال علم النفس
( اتوقع بنسبة كبيره ) ان يكون مصاب بـ ( الرهاب الاجتماعي )..
كثير من الناس يتوقع ان الامراض النفسية ( امراض يصاب فيه الشخص بالجنون بشكل واضح لأي شخص ).. وهذا الاعتقاد عكس الواقع حيث ان الشخص الذي لا يستطيع ان يتكيف مع المواقف الاجتماعية بشكل مقبول وليس لديه ثبات انفعالي .. بدرجة مقبولة ايضا .. هنا يجب ان يتدخل الطبيب النفسي ..
كثير من الناس ما يؤمن بهذه الامراض او لا يستطيع تشخيصها من خلال أعراض معينه ..
ويرى انه عندما نقول ان الشخص يحتاج الى تدخل ( طبيب نفسي ).. يغضب ويعتبر ان الموضوع اهانه.

( الحالة التي ذكرتيها ( غير طبيعية ) .. وجلوسه بالبيت لفترات طويله وعدم اختلاطه بالناس مؤشر غير ايجابي اطلاقاً .. لأن هذا السلوك غير ( طبيعي ).. فالانسان بطبعه اجتماعي ..


الرهاب (الخوف) الإجتماعي حالة طبية مرضية مزعجة جدا تحدث في ما يقارب واحد من كل عشرة أشخاص، وتؤدي إلى خوف شديد قد يشل الفرد أحيانا ويتركز الخوف في الشعور بمراقبة الناس.

إن هذا الخوف أكبر بكثير من الشعور العادي بالخجل أو التوتر الذي يحدث عادة في التجمعات بل إن الذين يعانون من الرهاب (الخوف) الإجتماعي قد يضطرون لتكييف جميع حياتهم ليتجنبوا أي مناسبة إجتماعية تضعهم تحت المجهر. إن علاقاتهم الشخصية ومسيرتهم التعليمية وحياتهم العملية معرضة جميعها للتأثر والتدهور الشديد. وقد يلجأ ( بعض ) المصابين إلى الإدمان على الكحول أو المخدرات لمواجهة مخاوفهم.

تبدأ عادة حالة الرهاب (الخوف) الإجتماعي أثناء فترة المراهقة وإذا لم تعالج فقد تستمر طوال الحياة وقد تجر إلى حالات أخرى كالإكتئاب والخوف من الأماكن العامة والواسعة.

النظرية النفسية تقول هذه النظرية انه لظروف النشأة دور في ظهور القلق عموما والرهاب الاجتماعي خصوصا، فهناك اشياء كثيرة تجعل الثقة بالنفس مهزوزة ما يجعل الانسان لا يجرؤ ولا يستطيع التعبير عن نفسه أمام الآخرين بسهولة، بسبب شكه في قدراته أو بسبب قسوة من حواليه فيهينونه عند الصغيرة والكبيرة ودائما يشعر انه مستهدف وانه لن يسلم فيقلق ويتوتر إذا اضطر للتحدث أمام الناس أو مقابلتهم فمن يعيش ظروفا في طفولته بهذا الشكل فإنه قد يصاب بالقلق أو الرهاب الاجتماعي تحديدا.النظرية الوراثيةتقول ان القلق متوارث والدليل على هذا ان القلق ينتشر في عوامل معينة وان المصاب بالرهاب الاجتماعي هناك احتمال أكبر ان احد اقاربه مصاب بهذه الحالة.

النظرية المعرفية وهذه النظرية تنطلق من فكرة اساسية صحيحة وهي ان تفاعل كل منا مع المجتمع ينبني على مجموعة تجاربه التي تولد عنده نمط تفكير معين، فمن يفشل مرة ويؤذى بسبب ذلك قد يفشل المرة التالية ليس بسبب عدم قدرته لكن لأنه ترسخت عنده فكرة انه سيفشل فيفشل، وكذلك من تعود على ان يقوم الآخرون بتخويفه واهانته عند طلبه شيئا ما، فإنه عندما يعيش في مكان آخر تصاحبه هذه الفكرة فيخشى طلب شيء ما بسبب الفكرة التي ترسخت عنده انه سيهان أو يخوف عندما يطلب، وهكذا الرهاب الاجتماعي قد يكون استجابة لفكرة خاطئة ان ما حوالي الفرد مخيف أو انه لن يقدر عليه أو انه سيغمى عليه فيقلق زيادة ويتحقق ما يتوقعه بسبب ذلك.لكن للجمع بين هذه النظريات سبيل وهو ما يتجه إليه الباحثون عموما فيقولون ان الانسان يرث موروثا يجعل مستوى قلقه في الإطار الطبيعي وهذا الطبع الموروث يزيد أو ينقص بحسب الظروف التي يمر بها الانسان فإن مر بتجارب صعبة وتحطيم متكرر ونقد جارح فإن الأفكار القلقة ستترنح عنده ويزداد معدل القلق ليصل إلى حالة مرضية تؤثر على أداء الإنسان وحياته فيفشل في بعض الأمور المهمة بسبب تجنبه هذا القلق الناتج عند مواجهته للمجتمع وحاجته للتفاعل معه.

ولذلك فإن للظروف التربوية والاجتماعية والجو الأسري ليست السبب الوحيد، لكن حسب ملاحظات الباحثين والمنظرين فان الأسرة التي لديها مستوى نقد عال وعدم رضا وذكر متكرر لصعوبات الطفل ومناطق خطئه، واستمرارها على هذا في معظم مراحل نمو الطفل فإن الطفل قد يحدث عنه رهاب اجتماعي، وهنا نلاحظ أيضاً ان الرهاب الاجتماعي قد ينتج بسبب العكس وهو الحماية الزائدة للطفل واشعاره بالضعف دائماً: انتبه لا تطيح، ما تقدر لا تحرجونه.. الخ، من الممارسات التي تجعل الطفل يفقد الثقة في نفسه فيتكون عنده قلق من المسؤوليات وقد يتحول إلى رهاب اجتماعي.


العلاج
العلاج يعتمد على حدة الحالة وهل هي دائمة أم أحياناً فقط، ومدى تأثيرها على حياة الفرد، وكذلك المرحلة التي يمر فيها الفرد فالطالب الذي يحتاج لدخول الامتحان عاجلاً قد يحتاج لما لا يحتاجه من ليس لديه أي تحد في المرحلة الحالية من عمره.
العلاج له عدة محاور:

* المحور التثقيفي: وفيه يفهم الفرد ما هو القلق وكيف يؤثر عليه ومدى شدة حالته، وهو بعد ذلك بالتدريج يستطيع فهم الحالة ومتى تكون أشد، وقد يعرف ما هي الأفكار التي تزيد الحالة عنده.وداخل هذا التثقيف عادة نشير للحلقة المفرغة التي يعيشها المصاب بالرهاب الاجتماعي فهو يخاف ثم يزداد الادرينالين عنده ويتسارع نبض قلبه وترتجف اطرافه ويعرق ويجف ريقه ومن ثم يتصور أن الجميع لاحظوا فيزداد خوفه أكثر وتزيد مادة الادرينالين فتزيد هذه الأعراض. ( لذلك يفضل دائما عدم الخروج او الاحتكاك بالآخرين او حضور المناسبات).

* المحور الدوائي: يستعين الاطباء بعدد من أنواع الأدوية:
أدوية القلق: وهي علاج لا مهدئ ،ولا تبدأ في أحداث أثر إلا بعد أسابيع، وهي مثل سيروكسات سبرام فارفارين بروزاك ريمرون لسترال وهذه لابد من استعمالها تحت إشراف طبي سواء من طبيب نفسي أو طبيب العائلة.
أدوية مهدئة سريعة للقلق: استعمالها محدود ومؤقت لكن تفيد وقت الأزمات للتغلب على القلق.

أدوية تخفض الأعراض العضوية للقلق ولا تخفف القلق ذاته وهذه الأدوية تمنع الارتعاشة وجفاف الريق وزيادة النبضات مما يعطي الفرد قدرة أكثر على مقاومة القلق نفسه لقلة الأعراض العضوية.


* محور العلاج النفسي: وهي جلسات علاج سلوكي ومعرفي تقوم على دعم الفرد وتعريضه لمواطن القلق مع مساندته وحسب خطة مسبقة، وكذلك تقوم على مراقبة الأفكار السلبية ومحاولة تغييرها، وهذا المحور مهم جداً لتخفيف انتكاسات الحالة لكن لا بد من أن يكون من يعالج بهذه الطريقة متدرب بشكل كاف، لأننا للأسف نرى انتشاراً للاخصائيين النفسيين الذين لا يعرفون كيف يقومون بهذه الجلسات العلاجية، مما يفقد الناس الثقة في هذا التخصص وفي العلاج النفسي عموماً.
تصحيح: تحفظ بعض الأخصائيين على قولي أن مظمهم غير مدربين وأنا أحتفظ برأيي وأنا من أشد المتحمسين لهم لكن لابد من الموضوعية والأنصاف وألا مهنتهم مهمة جدا.

* المحور الرابع: العلاج الاجتماعي وهو مهم لتخفيف الضغوط على الفرد وتصحيح ممارسة كثير من الأفراد الذين يزيدون القلق لدى المصاب بهذه الحالة.لماذا ينتكس؟حالات القلق بطبيعتها حالات مزمنة تخف بشكل كبير مع العلاجات التي ذكرناها، لكن قد تعود بسبب استقرار الضغوط النفسية، وهذا يتفاوت من فرد لفرد لكن الانتكاس ليس معناه فشل العلاج لكن معناه ان شدة الرهاب عالية وأن الفرد قد يحتاج لعلاج أقوى أو علاج مستمر، أو علاج نفسي فعال ومركز.أيضاً يحدث الانتكاس بسبب ارتباط الرهاب بأمراض أخرى فيرجع مع الاكتئاب.

بالنهاية .. اذا قرأتي ما ذُكِر اعلاه .. قد تستطيعين ان تحددي هل ينطبق على زوجك ام لا..
لكن لابد ان يذهب زوجك للطبيب النفسي ( سيكايترس مو سيكولوجست )..
اذا انتم بالرياض .. فيه الدكتور التويجري اللي على طريق الملك عبدالله ... ممتاز ..

وما يشوف شر .. bp039

[بريقوووز]

أهم شئ ان المشكلة ماتضر
بس برضواا مشكلة .. pb030
بقولك عن نفسي أنا كنت 24 ساعة في البيت
ومن المدرسة للبيت ومن البيت للمدرسة .. لحد 3 ثانوي
كل هذا لاني مااحب جلسات الاهل يوم العيد يوم العيد اذا رحت بيت جدي مااطب المجلس
رجال رايح ورجال جاي ومجاملات وزحمة اوووف
بس لمن دخلت الجامعة تغيرت ..
لاني درست في مدينة غير مدينتي
يعنى سكنت في شقة مع مجموعة من الشباب
بداية الايام لقيت صعوبة في التعامل معاهم
وأنا مو راعي سوالف ولا هم يحزنون اجاوب ع قد السؤال وخلاص ..
بس مع التعود خلاص صار شئ ازي .. pb189
يعنى الحين هذا المشكلة ماعندي برغم للحين احب قعدة البيت بس ماعندي مشكلة اطلع وادخل
واكلم بكل طلاقة مع اي احد .. واصف كلام pb034

يعنى زوجك يبي له يختلط اختلاط مع مجموعة رجال من عمره لمدة معينة :D
بس كيف الله يعين ياخذه دورة برااا المنطقة بدون ماتكوني معه .. :D
كثروا من عزايمكم خليه يروح
اعزموااا ناس .. وهذا الحركات
.. خليه يشتغل في محل كمحاسب
اواي محل المهم ان ياخذ ويعطي مع الزبون pb030
سوى بحث
عن المحاضرات الدينية والاجتماعية .. ودلي عليها من باب الاستفادة



بس مشكلتك ماتخوف pb030

[LANCOM]

ماينعرف لنا احنا ان طلعو قلنا اووف مايبونا وان جلسو قلنا اووف دبلو تسبودنا وش نبي طيب :D:D

المهم صاحبتك هذي من قلبي اقولها الله يعينها على ماابتلاها :(

اشين شي بالحياة الرجل يقابلك 24 ساعه مااحس تاخذين راحتك لازم تقابلين خشته وتتعطل اشغالك علشانه ...

يارب زوجها يفك عنها شوي ويخليها تتنفس ويطلعها ويمشيها مهما كان المرأه تحب تطلع مع زوجها حتى لو ماتجلس في البيت ابد طلعاتها مع زوجها غييير عن طلعاتها مع صاحباتها ولا اهلها bp039



bp039

[z3lan]

ولازم احمد ربي ان زوجي يصلي وما يشرب ولا يطقني ويحترمني

السمعه رايحه فيها يا شباب :d


لما تزوجنا وسافرنا لشهر العسل كان يجلس اغلب الوقت بالفندق،

روم سيرفس مو زوج خخخخخخخخخخخخخخ


نجي للجد

ماوضحتي هل هو من النوع اللي يسولف معك والا ويتعامل معك بلغة الاشارة ؟؟ :d

واضح ان طبيعته هادئة جدا مع قليل من الانطوائية

صعب جدا تغيرين هالطبيعة فيه

واذا تبين نصيحتي .. شدوا حيلكم :d وهاتوا لكم كم بزر اثنين ثلاثه وهم يتولون موضوعه
اكيد راح يتغير للافضل و ويمشيكم ويطلعكم ويلقى جوه الاجتماعي في عائلته وهذي رااح تكون البداية لتغغير نمط حياته ككل ..


لاتستعجلين على الخير بيجي يوم يقوول لك انا مسافر شهر مع اخوياي وانثبري هنا عند عيالك

السعودي لايمكن يتغير خذيها مني خخخخخخخخخخخخخخ مسالة وقت بس.. الولد عايش صدمه للحين خخخخخخخخخخخ

[طايرتن بالعجه]

ناس تشكي ماتشوف زوجها وناس العكس
بس ياختي ما اشوفه اهون من يقابلني استغفر الله العظيم

اذا كان من صغره

فا اتوقع مثل ماقال مباري ان عنده
رهاب اجتماعي

بما ان لك في النت انصحك تدخلين مواقع وتقرين عنه بنفسك
لاتجينه من الباب للطاقه وتقولين رح لطبيب

اقري اول واعرفي حاجات عن اللي فيه وطابقي هالشيء عليه
الله يعينك يارب

ســــــــلآم

[Miss.india]

ما في احد مرتاح ومحد يلقى كل شي يبغاه الله يعينك على ما بلاكي

[خذوني معاكم]

انا اخوي كذا ما يطلع ولا يروح ولا يجي ولا يحب العزايم

من الشغل للبيت لغرفته مهوب راعي كلام وسواليف كثيره يجلس معك شوي يسولف ويقوم على طول ماله علاقه بأحد واذا طلع خلص له شغله ورجع للبيت !!

وشكله ما عنده نيه يتزوج .. انتي زوجك اهون شوي على الاقل ما خاف من فكره الزواج !!

[C A N D Y]

حتى جمعات اهلي ما يحب يروح لها ، يسألني في ناس كثير؟ لما اقول ايه يقول تعرفيني ما أحب الزحمة والإزعاج ماعنده مشكلة يروح بس مايكون في ناس كثير ؟
اتوقع مثل ما قال مباري فيه رهاب اجتماعي

أن الإصابة بالرهاب الاجتماعي تحدث في هذه المراحل المبكرة إلا أنه يعتبر أيضاً من الاضطرابات النفسية المزمنة التي قد تستمر عشرات السنين. ومع ذلك فإن المصابين بالرهاب الاجتماعي حتى مع علمهم بهذه الحالة قد يتأخرون في طلب العلاج سنين عديدة، إما بسبب خجلهم من الحالة نفسها أو خوفاً من مواجهتها والاعتراف بوجودها.الرهاب الاجتماعي مرض نفسي منتشر و يجهله كثير من الناس حتى المصابين به، مما يسبب لهم الألم و المعاناة و الخسائر على عدد من الأصعدة. ويعتبر من أكثر الاضطرابات النفسية شيوعاً في مجتمعنا بالذات ، وأعتقد أنه أكثر انتشاراً فيه من أي مجتمع آخر، مع عدم وجود دراسات إحصائية دقيقة لذلك. ويبدو الرهاب الاجتماعي في الرجال ، وبالذات المتعلمين منهم والشباب , علاج هذه الحالة لدى الطبيب النفسي
على شكل أدوية مضادة للمخاوف وهي على العكس مما يعتقد البعض تعتبر عديمة المخاطر والمضاعفات ولا تؤدي إلى الإدمان أو التعود. كذلك لا غنى في العلاج عن جلسات العلاج النفسي التي تعتمد على الاسترخاء والمواجهة المتدرجة وتأكيد الذات وبناء الثقة بالنفس ويدعى ذلك العلاج السلوكي المعرفي.،اشوف ان الي بالاحمر مثل الي ذكرتيه في مشكلتك

bp039

[P!XEL]

مشكلته أهون من غيره :d ..!
جيبي لك كم بزر وقسم أن يبلشونه :d ..!!
طلعنا وودنا الخ ....،
ولو ودوه لشيخ يقرا عليه :d

[حرم زوجي]

ترى عادي مااحس انها مشكله فيه كثير ازواج بيتوتيين بس انتي لا تزنين مايبي الناس خلاص اتركيه لا تغصبينه عليهم بس حاولي ا انك تطلعين معه كل مره حجه شوي شوي ليما يتعود اغراض البيت كل يوم طلعي لك طلب pb034 مواعيد مستشفى دبري لك كل اسبوع :sm18:وبالطريق قولي له احنا طالعين طالعين عازمتك على العشاء برىpb036 طلعاتك اصري هو الي يودي ويجيب شوي شوي ويتعود على الطلعه وان جو العيال موب مخلينه على راحته بياكلون وقته بالطلعات:D

[OO RED LINE OO]

كأنك تتكلمين عن ابوي ومن عرفته امي للحين ماتغير
للي يقولون ان العيال بيغيرونه ماقدرنا مع محاولاتنا
يوصلنا المكان اللي نبيه بس ماينزل معنا
واعتقد زوجها اذا تقاعد بيرتبط بالبيت اكثر
مع انه طيب ومرح وحبوب وراعي سواليف وضحك واذا جو ضيوف تلاقينه احيانا يتهرب منهم
اما اذا صار قدام الامر الواقع يرحب فيهم ويسولف ويمزح معهم عاادي
حياته تي في ، جرايد ،
اصحاب ماعنده
حتى عمي لما يروح له يحاول يختار ايام مايكونو عياله متجمعين عنده !!
بالاضافه الى انه روتيني لابعد درجه مايحب يتغير شي في يومه واوقات وجباته ... الخ


لاتحاولين تغيرينه بتتعبين ،، الحل تتكيفين معاه :d

عندي سؤال ماله دخل
زوجك اخر عنقود اهله ؟


الحالة التي ذكرتيها ( غير طبيعية ) .. وجلوسه بالبيت لفترات طويله وعدم اختلاطه بالناس مؤشر غير ايجابي اطلاقاً .. لأن هذا السلوك غير ( طبيعي ).. فالانسان بطبعه اجتماعي ..


مو لهذي الدرجه لانه متزوج وييداوم واكيد يزور اهله
ممكن يكون الرهاب الاجتماعي فئات !!

[.0البرد0.]

ما عنده اصدقاء ابد

أشوف هنا أكبر مشكلة ..

الله يعنيك عليه ’,

حاولي بأسلوبك أنك تغيريه من غير مايعلم ولا يحس بهالشيء ,,

لاتحاولي تجرحيه بالكلام , علشان مايعند ,

والله يساعدك

[رجول حرفي]

الله يفرج همك يارب

[أمسu]

عادي ياقلبي هذي الحالة في عايلتنا كثير خصوصا أبوي وأخوي كلهم كذا إذا كان عندة شغل قضاة ورجع للبيت وأخوي متزوج وعندة عيال وهذي حياتة من العمل للبيت وحياتة كلها نت أو تي في
وبس وأبوي كذا وأكثر لايروح ولايجي أصلا أبوي مايحب الطلعات ودائما في البيت وأمي متأقلمة مع الوضع أصلا إحنا مانطلع إلا إذا أبوي سافر

[LeO]

المهم انو سامح لها تخرج
اعرف كثير مثل حالتها
وتأقلمو ع الوضع
هو سامح لها تخرج وهو في البيت
لكن مو تكثر خرجات ... يوم له و يوم لها

[نملة فسفورية]

مااتوقع ان احد هنا يقدر يفيدك ..:(

الظاهر ان مشكلة زوجك نفسية ويبي له احد مختص يعالجه :(

الله يصلح حالكم يارب bp039

[الافــــلاجــــي]

الله يعين زوجتي خخخخخخخ << بيتوتي
انا عيبي لا طلعت ما جيت إلا متأخر انبذق ولا جلست في البيت مابي اطلع
سبحان الله ذي الايام تمشي بسرعه متى نطلع من الدوام ؟؟ متى نتغدى متى ننام العصر متى نقوم ؟!! متى تروق
عقبها ما يمديك تطلع تتعشى وترقد << شكل حياتك كلها نوم

انا اشوف والله جلوسه في البيت ابرك من الطلعه على الاقل تعرفه مهوب راعي بلاوي والحمد لله انها تمدحه وتمدح تصرفاته

كثير من الحريم يعاملون ازواجهم يالله نبي نطلع يالله ترى الليله ابي اروح لكذا وهو توه جاي من الدوام وتعبان
نصيحه مفروض انكم ما تطلبون الطلعه إلى إذا روق وقبل وقتها بفتره بسيطه مهوب تبين تطلعين الساعه 9 وتقولين له من يوم قبلها تمرضينه خخخخخ

الله يكون في عونك وإن شاء الله يتعدل وضع زوجك مثل ما تتمنين وافضل :$

[Top Girl]

اللي مثلها واجد اعرف وحده زوجها قبله مقابل وجها ما تصدق على الله يجيه شغل يروح له ويرجع لا له اخوياء ولا شي مجرد زملاء بالمهنه يكلمونه اذا بيسألون عن حاجه وساعات يكلمونه يقولون احنا مجتمعين بالمقهى الفلاني تعال يتعذر بأعذار وهميه لأنه ما يبي يطلع بس يبي يجلس بالبيت وصارت تقوله ليه ما تطلع مع اخوياك وتغير جو وشوي شوي الرجال طالت رجله على الطلعات صار ما يجلس بالبيت ابد وبعدين صارت تقول ليتني ما لحيت عليه بالطلعه :d

عشان كذا قولي لصديقتتس ما تدرين يمكن خيره لتس وابد موب لازم تاكل بالمطعم يكلمون المطعم ويجيب لهم الطلب بالبيت وتجيب قطع قماش وتخليها زي الستاير < يعني تتخيل نفسها بمطعم > :d

وكل شي ودها تروح هي وياه له توفره له بالبيت وقضينا

والله يوفقها ويكتب لها اللي فيه الخير يا رب :)

[خفوق]

اتوقع هذا الشخص انطوائي بشكل مرضي

لازم تعرضه على طبيب نفسي ولا تقنعه على الاقل بها الشي

[cheery]

بسيطه

تملي البيت عليه عيال وغصب عنه بيطلع من البيت :d

زوجها الإنطوائيه اللى فيه مرضيه وماراح تقدر تغيره إذا هو نفسه مايبغي التغير وراضي بحالته،،

[~بـ ـ ـروووق~]

فعلا مشكله لان خير الامور الوسط ,,
ومهما كان الزوجه تبي تشووف امورها في بيتها ,,
تبيه يطلع ويرجع لها مشتاق ,, وهي يعطيها فرصه تغير ببيتها وتبدل
الله يعينها يارب ويفرج همها

[أجاويد]

شوفي ياقلبي يمكن أكثر أحد حاس فيك هنا أنا
الفرق ان زوجي طبيعة عمله يسافر كثير لكن ماعداه مافيه طلعات ولاجمعات ومع كذا عاجبني الوضع
اوكي في البدايه بديت امل من جلسته اربع وعشرين ساعه في البيت بعدين حسيت ان هالشيء ايجابي أكثر
كثير ما يعتذر عن مناسبات او يقول روحي لوحدك pb030
لكن لما نسافر بالعكس هو يصرّ نطلع لدرجة أوقات اقرف من كثر الطلعات
واعتقد مشكلة زوجك مثل زوجي ماهو اجتماعي كثير :rolleyes:
أنتي حاولي تخلينه على الاقل يحب الطلعه معك
لاتقولين ماقدر صدقيني مع الوقت راح يتغير حتى لو قالك 30 سنه اهلي ماعرفوا يغيروني تأثير الزوجه اكبر من تأثير الأهل
حاولي تختارين مطاعم هاديه لانه واضح مايحب الزحمه والازعاج
والله يعينك وزي ماقالوا لك مشكلتك بسيطه وحلها بسيط
ويبي له بس صبر واراده

[ريما بسملعلي]

والله ودي أتزوج واحد مايطلع وأنا أظبطه على مزاجي ... أشتغلي عليه شوفي أيش يحب وهوايته والأماكن اللي يفضلها ولو ماكان يفضل شيء حاولي تحببينه بأماكن وأشياء ومعه معه يصير يطلع وعادي ،،

[الفيضان الهلالي]

والله ان رجله نسخة من انا
انا مثله مااحب الطلعات خير شر احب غرفتي وبس وتجين عزايم وطلعات وسفرات وارفض وادور مليون عذر علشان مااروح ونادر افتح جوالي علشان محد يقولي تبي نمر عليك تطلع معنا
زين ان فيه احد مثلي :d
صعب صعب تغير طبع رجله وخصوصا الحين كبير بالعمر
تحاول انه مايشدد عليه بالطلعات وين رحتي ووين جيتي بس انه تحاول تجبره يطلع صعبة
هو راحته انه مايطلع اوكي خليه براحته
انا لاانعزمت غصبن علي وانجبرت ماارتاح بالعزيمة واقعد اشوف ساعة الجوال او اسوي ان جان تلفون ضروري ولازم اطلع
وبالعكس اشوف ان البنات يدورن اللي مهب راعي طلعات وسهرات دوارة :d

[اليـــــن]

اقول ماعنده اخو نفس مواصفاته;)

انا كذا
ماحب الطلعات باستمرار
ولو طلعت ماحب الزحمه :mad:

بس الحمدالله طبيعيه مافيني رهاب اجتماعي pb192

يعني انا شايفه ان مافيه مشكله
ياختي عيشوا حياتكم وش تبون بالناس وزحمتهم :D

الزواج استقرارpb189
يحس الواحد انه ملك في بيته
مو بس طالع كل اليوم مايعرف بيته الا وقت الأكل والنوم pb093

وبعد كويس انه مايقولك لاتطلعين وانا موجود
يعني مخليك براحتك
فأنتي خليه براحته ولاتحاولين تغيرينه:)

مووووفقه حبيبتي
والله يريح لك بالك bp039

[مبااري السااس]

انا كذا
ماحب الطلعات باستمرار
ولو طلعت ماحب الزحمه :mad:
بس الحمدالله طبيعيه مافيني رهاب اجتماعي Pb192

Bp039
بس يمكن فيك ( فوبيا الأماكن المزدحمه )..
=========
برايفت

إقتباس » الرسالة الاصلية كتبت بواسطة " مبااري السااس"
الحالة التي ذكرتيها ( غير طبيعية ) .. وجلوسه بالبيت لفترات طويله وعدم اختلاطه بالناس مؤشر غير ايجابي اطلاقاً .. لأن هذا السلوك غير ( طبيعي ).. فالانسان بطبعه اجتماعي ..
-----------------------------
إقتباس » الرسالة الاصلية كتبت بواسطة " oo Red Line Oo"

مو لهذي الدرجه لانه متزوج وييداوم واكيد يزور اهله
ممكن يكون الرهاب الاجتماعي فئات !!
المصاب بالرهاب يستطيع ان يتزوج .. وممكن يداوم لانه يعرف الموجودين بالمكتب
وعادي يزور اهله ..
المصاب بالرهاب الاجتماعي يخاف من الاشخاص الجدد .. والرهاب درجه متقدمة جدا من الخجل لانه يخاف ان يخطيء ويخاف ان ينتقدوه ... الخ.


على فكرة _ قبل انسى _ يا صاحبة المشكلة :
زواجك هل كان ( مختصر ) ام انه حفل كبير ؟؟؟

[ΆŁŶαŚМèή]

ياويل قلبي :(
أكـره ماعلي الرجـال اللي بس جالس بالبيت ,

اعرف وحده زوجهـا كذا ولاقدرت تغيرو :(

مالهـا إلا إنهـا تحاول فيه تقول خل نطلـع ,
أو لا تجلس تتضايق لاجيت أطلع

الله يعظـم أجرهـا بس : (

[رَوّنق]

حآلة زوجهآ حآلة أعتبرهآ غير مرضيه ..
الحمد لله يكفي انه ما اتجه لشي شين وخلاه انطوآئي .. يعني بحاله واحسن له ودامه يداوم زين بعد ..
لكن المشكله لاصار بيتوتي ومدمن على اشياء شينه هنا المصيبه بعينهآ .. !
لكن ترا كثر الدجه ما منها خير يعني بعض الحريم سبحان الله اذا ماطلعت ماتحس انها معرسه الا اذا طلعت كل شوي
اوكي التغير حلوو ما قلنا شي .. بس لا تكبرون المسأله وتحسونها مشكله عويصه حاولي تحلينها بقدرتك .. دامه يحب الجلسه بالبيت املي البيت عليه بالضحكه والحركه والفرفشه ,لاشفتيه بدا يتفاعل وانبسط معاك حاولي تطلعينه من البيت او تخلين احد من اخوآنك يكون يجلس معاه يسولف معه .. يسليه أحيآنا ما يفهم الرجال الا الرجآل ..
ويمكن تلاقين زوجك فيه كبت او مضغوط نفسيا ويحاول ينفس هالشي بالوحده ..

[ღ وجدان ღ]

اتوقع ان زوجك يعاني من مشكله نفسيه
ومع ذلك
قولي (( الحمدالله ))
الوحده الحين تتزوج وهي تقول ياارب سترك
"لا اطيح على راعي مغازل وسفرات وشرب و..و.و..وو
"ولا واحد كذاب ومايصلي ويضربني ولا يحترمني ....الخ ""
يعني الاشيااء اللي تخووف البنات من الزواج كثيييرره وانتي يالله لك الحمد ماطحتي على ولا وحده فيهم
حطي ببالك زين : لا يمكن تتزوجين شخص كامل .. وفكري بنفسك زين : أكيد بتحصلين فيك عيوب !
وأكرر: قولي (( الحمدالله )) دام العيب في شخصيته وليست في أخلاقه ..

هذا دعاء دااايم المتزوجات يرددونه وله تأثير كبير في علاقتهم الزوجيه
ان شاء الله تتغير نظرتك عنه لأن هذي هي المشكله .!

(( اللهم حببني الى قلبه وجملني قي عينه واستر عيوبي عنه واستر عيوبه عني وأظهر له محاسني وأظهر لي محاسنه
ورضني بما رزقتني وبارك لي فيه وألف بين قلوبنا واجمعنا في الفردوس الأعلى من الجنة ))

[الحب والحرب]

ياحبيلك اجل هذي مشكله
احمدي ربك اقل العيوب فيه مافي انسان كامل والرجال هالايام غير
احمدي ربك عيبه عندك
انا زوجي بيتوتي بس تدرين تاقلمت مع الوضع صرت اعطيه اشياء اشغل وقته فيها
مراوح الشفط حقت المطبخ ماينظفها الا هو اطلعه كثير بس معي مشاويري الخاصه
صحيح انه يغثني بكثرة القعده بالبيت بس اذا شفت بلاوي الناس حمدت ربي على بلوتي واستصغرتها بالعكس احيانا احس اني تافهه اذا تناقشت معه او مع احد في هذا الموضوع





الشي الثاني رسااالتي الى كلي فحوله وش فيه ذا دائما عكس الناس وفيه عقده احس

مدري ارحمه او احقد عليه وانا شاكه فيه انه له يوزرين بعد <<< وش رايكم مب ذكيه

[farrah]

اللحين هذي مشكله :( ؟


طيب واللي تتمنى واحد زيه :sm5: ,, !


من زود ما اني احس نفسي نشبه لا تزوجت , اذا راح للمطبخ يشرب مويه بروح معه خخخ :(:D

=> pb036


,,


المصاب بالرهاب يستطيع ان يتزوج .. وممكن يداوم لانه يعرف الموجودين بالمكتب
وعادي يزور اهله ..

بس هذا المطلوب اجل pb036:D ,, يا ملحه من رهاب خخخ pb094


,,


الله يعينها ويسهل امرها يا رب bp039

[صعفق بن نقا]

السلام عليكم بصراحه

انا من راي مباري الوضع مو طبيعي مو من مصلحتي طبعا اني اشكك واقلقك بالعكس ودي اطمنك لكن من وجهة نظر شايف وعارف الوضع غير مطمئن

ولاتحاولين تلعبين على نفسك وتصدقين انه طبيعي كل حاله مذكوره هنا تختلف عن حاله زوجك

الشي المهم الي لازم تثقين فيه ان المرضى النفسيين عادة ماعندهم صداقات او علاقات اجتماعية ولو كان فيه فهي مرحله من حياتهم كان فيها وبتنتهي او انتهت سواء مصاب برهاب او اكتئاب او فصام او او الخ

الي عليك الحين اختي

تأجلين موضوع الحمل كخطوه اولى

الخطوه الثانيه يروح طبيب نفسي يشخص المرض غصب عليه رضى ولامارضى لازم يروح واذا عاند في علم النفس في مثل هالحالات بين الزوجين فيه شخص يسمونه الشخص المفتاح يعني الشخص الي يتقبله المريض ويثق في كل كلامه وهو أنك تلجأين له ليقنع زوجك عشان ترتاحون انتو الاثنين

الخطوه الثالثه اذا كان مريض مثل ماتوقعنا واتمنى توقعاتنا تخيب وهو انك تتأكدين ان المرض مهوب خطر على حياتك او حياه اولادك مستقبلا

الخطوه الرابعه انه مايكون وراثي لان فيه بعض الامراض النفسيه وراثيه

الخامسه انك تسألين نفسك قبل تتهورين وتجيبين عيال هل هذا هو الشخص الي تتمنين تقضين عمرك معه وانتي على استعداد لتحمله طول ماهو عايش؟

وقتها بتوصلين قرار عن اقتناع وبترتاحين

موفقه ان شاء الله

الظريفات الي حاسدين البنت على هالوضع ويتمنون مثله

تدرون ان اغلب الحالات مثل الي وصفتها هالزوجه عن زوجها رغم طيبتهم ووداعتهم ولايهشون او ينشون كانت نهايتهم الانتحار او قتل ابن او شخص عزيز ولاماتدرون؟

الحمدلله والشكر

[فاغره]

الله يعينك
عن جد مشكلة عويصة
بس أنا أقول العيال بيغيرونة....

[مستاحشة بخشتها]

الله يعينها
كلام مبااري السااس (http://vb.eqla3.com/member.php?u=46135) صح وعين العقل

تحياتي...

[kefane 3atheb]

الحمد لله مشكلتك تهون عند مشكله غيرك
بس توه باز فيك ولا بعد مل منك
انتي جيبي عيال ياشيخه قابليني ان شفتيه بالبيت

[7dk hena..!!]

شوفي ياقلبي مشكلتك ما تسمى مشكله :)
شي حلو ان الزوج يجلس بالبيت بس الشي اذا زاد عن حده انقلب ضده
وانا رايي من راي الاخوان جيبيله بزر اثنين ثلاثه وانشاءالله تتحسن اموره pb027

وحاولي تاقلمين نفسك انتي عشان ما تتاثرين وتصير نفسيتك زفت :D

[مختبة]

والله شي زين اذا كانت سوالفه حلوة ودمه خفيف ويعرف يدلع
..لكن اذا كان العكس دوري له حل عند سايكولوجي