اسعار اجهزة الالعاب خلال بداية الاجازه [الارشيف]

عرض كامل الموضوع : اسعار اجهزة الالعاب خلال بداية الاجازه

ابوعيون جريئه

23-06-2008, 21:26

اليوم الاثنين 19/6/1429 رحت اشتري جهاز wii هديه نجاحه لاخواني الصغار ولقيت محات الالعاب المعروفه زحمممممممه من جد :sm5:
جهاز الوي الامريكي مع قطعة تشغيل الكوبي نوع d2pro (ماني متأكد من اسمها بالضبط:rolleyes: ) لقيت سعره 1650 ريال + 5 العاب كوبي
ولقيت محلات تبيعه بدون اشرطه بسعر 1850 ريال (خيرررررر!!!)
وخذيته من قيم نيشن مع قطعة واسابي بسعر 1590 ريال
بس الريموت والنيتشوك الاضافيه طلب مني اني ادفع 290 ريال قيمتها وخذيتها من محل ثاني بسعر 260 ريال (جعلهم الفقر)
علما ان سعر الجهاز والمرفقات جدا مبالغ فيها مقارنه بقيمتها الاصليه...لكن قانون العرض والطلب يفرض وجوده :sm17:
وكان معي جهاز ثاني امريكي شارينه من اول مانزل الوي بسعر 1850 ريال بدون قطعه تشغيل كوبي من طوكيو قيمز وطلبت من قيم نيشن تركيب قطعة الواسابي وقال لي انها بسعر 400 ريال:eek:
بينما اتفقت مع المحل الثاني الي في شارع الامير نايف الي بين اسواق العويس وطيبه انه يركب لي قطعة2 d pro بسعر 300 ريال

اما جهاز البلاي ستيشن 2 الصغير لقيت سعره 600 ريال

المهم اسعار الاجهزه متوقع انها ترتفع خلال الايام القادمه خاصة مع عدم وجود الحسيب والرقيب
والتلاعب موجود
أهم شي الي يبي يشتري شي يلف ويشوف له كم محل قبل لا يتخذ القرار
والهدف ماهو توفير فقط بقدر ماهو كبح جماح الجشعين الي لقوا ناس تشتري بدون ما تسأل
وانا ما انسى اول مانزلت لعبة gta iv كانت قيمتها 700 ريال وكان البعض يشتري من هالهنود والبنغاليه ويقول لو انها ب 1000 ريال شريتها(قمة اللا مسؤولية والاستهتار)
والان سعرها مايتجاوز 300 ريال

يالله ننتظر تجاربكم
لا تبخلون علينا بردودكم وياليت توضحون اسماء المحلات و الاجهزة والاسعار عشان غيرنا يستفيد وشكرا لكمbp039

سقامه

23-06-2008, 21:30

الله حسيبهم بلا

مشكور عالمعلومات والله يعينا عالمبزره وطلباتهم

علوش ريدفيلد

23-06-2008, 23:03

معقوووولة
يووووووه ناوي بذي اليومين اشتري الوي

KSArmy

24-06-2008, 00:20

مشكووور والله يا ابوعيون جريئه

عندنا فى الخرج قيمة شريط gte iv بسعر 450 ريال نصب عيني عينك والله انى انقهر يا حظ اهل الرياض انواع الرخص والا البطحاء تسد :mad:

سعود(مبرمج)

24-06-2008, 01:36

زين اخذت الويي من قيم نيشن

لان اللي اعرف ان احسن قطعه تشغل الكوبي عندهم وهي wiikey

نفس اللي بجهازي

عبودي اخوي الحلو

24-06-2008, 03:19

انا يوم اشتري الجهاز كان بدون قطعه بـ 2200 ,,

وركبت عليه قطعة wiikey من قيم ماستر بـ 250 ..

JOHN DOE

24-06-2008, 13:18

يعطيك العافيه يا ابو عيون

فعلا في ناس يقولون راح ندفع المطلوب بدون مكاسر ولا حاجه
وهذا اللي يخلي الطماعين يطمعون اكثر
وطبعا ارتفاع الاسعار في الوقت الحالي شي طبيعي بسبب الاجازه وناس كثير تشتري الاجهزه كهديه للنجاح

وراح تشوف كيف سعر البلاي ستيشن 3 راح يرتفع اكثر خلال هالاسبوعين

سلام

bmwsmile

26-06-2008, 01:52

البلايستيشن 3 ماراح ترتفع قيمته الا اذا نزل كوبي للبلوراي ... هذا اذا نزل

يعطيك العافية ابو عيون :)

..zezo..

26-06-2008, 02:41

مشكووور على الموضوع الحلوو

كم سعر Ps3 لاني ناااويه بهالعطلة ؟؟

طبيزه

26-06-2008, 03:57

السلام عليكم..
ياليت تقترحون علي جهاز ألعاب سعره مايتعدى 1000 ريال ويكون يناسب بنوته عمرها 10 سنوات؟؟
<<<ميح في هالسوالف.. حتى لابتوبها طين :d

نـ سـ يـ نـ ـاكـ ـم

26-06-2008, 06:45

قبل امس مريت محل العاب بسأله عن البلاي ستيشن 3 ..
قلت له بكم ؟؟ قالي ب1950 اتوقع .. ! و
قلت له يدين !؟ قال لا وحده ..والظاهر بس شريط جي تي .. السيارات ذاك .. مو جي تي اي ..
قلت قبل الاختبارات اخبر كان سعره 1700 او حولها !..
قالي الحين اجازه .. وميتل قير نازل ومدري وشو ..!!
والله يالنصب ماشي سوقه عندنا !!
شكلي بنتظر شوي لين نص الاجازه والا شي واشريه
صح ان الفرق مو ذاك الكبير بقوه .. بس سو فيني اي شي الا انك تزرفني عيني عينك :d

ابوعيون جريئه

26-06-2008, 16:56

^
^
أجل انت مايصلح تروح لمصر :)

JOHN DOE

26-06-2008, 19:25

^
^
^
:entebah:

:sm2:

pb087

آطلـدز وآحـد

27-06-2008, 08:33

نصيحه لسكآن الريآض آلي يبي يشتري آي جهآز آو آي شريط

يروح (( للبطحآء )) وربي آرخص من طوكيو و قيم نيشن وكل المحلآت

آول مآنزل لعبة gta iv في محلآت تبيعهآ 600 و 900

آنآ رحت للبطحآء جآب لي آلعبه آلبنقآلي بـ ( 400)

روحو للبطحآء وسؤلو عن ( مبنى خمسه )

آي شي ينزل , لآزم ينزل عندهم آول شي وفي آغلب المحلات تآخذ من عندهم

ابوعيون جريئه

27-06-2008, 20:18

^
^
^
محلات البطحاء تبيع جمله على المحلات الثانيه
ومقرها محلات سوق الراجحي القديم

ام كشه العبده

28-06-2008, 22:52

مكررررررررررررررررررررررررررررررررررررررررر

ام كشه العبده

28-06-2008, 22:56

آنآ رحت للبطحآء جآب لي آلعبه آلبنقآلي بـ ( 400)

شبه قررت اشتريها ,بس اشرطتها متوفره في كل مكان والا لا ؟؟
رخيصه والا غاليه؟؟
وشكرا

اشبنا

28-06-2008, 23:01

والله الـ Ps3 مخلص في اكثر المحلات :(

يعطيك الف عافية ابو عيون

ALMO7NK

29-06-2008, 12:14

يا شباب ودي استشيركم

اخواني يبون بلايستيشن 3

وانا اشوف تتكلمون عن انواع ثانية اكس بوكس وميتل قير . هل هذه كلها اجهزة وايهما الافضل

ومن اي محل تنصحوني اشتريها لا ني اسمع كوبي وامريكي وبريطاني ومدري وش السالفة

بصراحة غشيييييم وبقوووة في هالاجهزة وابي مشورتكم

بعدين ايه صح وش هالاشرطة اللي ب 400 ريال لعنبووووه شريط ب400 ريال قوووية والله

على كذا كل سنة بشريط ههههههه

ابوعيون جريئه

30-06-2008, 06:35

اخوي الاجهزه المنتشره الان 3
1- ويي من نيتندو وهو مناسب لصغار السن واللعب الجماعي وقيمته الموديل الامريكي مع قطعه لتشغيل الاشرطه المنسوخه بسعر 1600 ريال
2- الاكس بوكس من مايكروسوفت
وهو انواع مختلفه
فيه الي يجيك بدون هارديسك وقيمته 900 ريال وهذا مناسب للصغار والي ماعنده نيه يلعب عن طريق شبكة الانترنت او انه يحمل اشياء من النت
وفيه الي يجيك مع هارديسك وقيمته ما اعرفها بالضبط وانصحك بمراجعة هذا الموضوع
Xbox360 أخبار // معلومات // ألعاب // تقارير // استفسار (http://vb.eqla3.com/showthread.php?t=302570)
لكن كملاحظه مهمه تفيدك بامكانك تشتري جهاز اكس بوكس يشغل كوبي واشرطته ما تتعدى 20 ريال اذا انت ما تدخل لعب شبكه
وخذه من محلات تعطيك ضمان عن اللمبه الحمرا مايقل عن سنتين

3- البلاي ستيشن 3 من سوني
وقيمته متفاوته ولكنه يبدا من 1800 تقريبا ولكن انصحك بشرائه من الوكاله عشان الضمان ومدته سنه
وللاستزاده راجع هذا الموضوع:
Play Station 3 أخبار // معلومات // ألعاب // تقارير // استفسار (http://vb.eqla3.com/showthread.php?t=222483)
اما الميتل جير هذي لعبه حصريه للسوني
وهذا رابطها:
الموضوع الرسمي للعبة ميتل قير 4 (http://vb.eqla3.com/showthread.php?t=341851)

وراجع هذا الموضوع لمزيد من المقارنات بين الاجهزه:
box أو Ps 3 أو Wii جايكم يا جماعه أبي شوركم

mr-enigma

30-06-2008, 09:09

الله لا يهينكم شباب (gta iv) يصلح للبزران

ابوعيون جريئه

30-06-2008, 10:54

لا
لا ينصح به ابدا

$NARUTO$

30-06-2008, 12:46

شباب أنا ناوي أشتريps3

من وين تنصحوني أشتريه

JOHN DOE

30-06-2008, 13:51

^^^
معارض عالم سوني

ALMO7NK

30-06-2008, 18:18

ابوعيون جريئه

الله يجزاك خير

تسني أميل لــ ps3

بس اسعار الاشرطة غالية ليش كذا ؟؟؟

MiDoRi

30-06-2008, 18:21

مرحباً ،،

فعلاً الأسعار في تزايد مستمر .. والـ PS3 حالياً وصل في معارض سوني لـ 2200!!! ومعاه لعبة وحدة فقط!! من قبل ما تنتهي من الاختبارات كان بـ 1800 ومعاه لعبتين حلوة .. والحين يلزّقون فيه الالعاب اللي ما تمشي ويرفعون بسعره pb093

أبو عيون جريئة pb189bp039 ألف شكر لك bp039

السلام عليكم..
ياليت تقترحون علي جهاز ألعاب سعره مايتعدى 1000 ريال ويكون يناسب بنوته عمرها 10 سنوات؟؟
<<<ميح في هالسوالف.. حتى لابتوبها طين :d

وعليكم السلام ورحمة الله وبركاته

طبيزه أجهزة الكونسول المنزلي للجيل الجديد (نيكست جين) كلها ما تقل عن 1500 ريال مع لعبة .. لكن إذا البنوته اللي بتشترين لها تحب الأجهزة المحمولة فاشتريلها DS حلو وكيوت وعملي .. قيمته 700 أو 750 مع تركيب قطعة الكوبي فيه .. ألعابه تنزلينها من الانترنت وحجمها صغير ما تاخذ دقايق .. عدا إن فيه تصفح انترنت وطريقة اللعب فيه حلوة (باللمس بالقلم أو الإصبع) ينفع للصغار .. حطيلها عليه لعبة كوكينغ ماما وبتشوفينها بعالم ثاني pb030

bp039bp039bp039

MiDoRi

30-06-2008, 18:24

ابوعيون جريئه

الله يجزاك خير

تسني أميل لــ ps3

بس اسعار الاشرطة غالية ليش كذا ؟؟؟

الجديدة تكون غاليه بحدود 250 و 300 .... لكن الأقدم تلاقيها بحدود 120 و 180
والأصلي غالي في كل الأجهزة سواء PS3 أو اكس بوكس أو وي bp039
انت اشتري مستخدم بنص السعر أو لما تشتري لعبة اصليه، ختّمها وبدّلها بلعبة ثانية وهكذا bp039

bp039bp039bp039

ابوعيون جريئه

30-06-2008, 22:44

شكرا لك ياميدوري
بالنسبه للويي لقيته بسعر 1550 ريال في البطحاء

mr-enigma

01-07-2008, 16:28

بالله أبغى رقم عالم سوني اللي بالبديعة

ابوعيون جريئه

01-07-2008, 22:40

905 :)

حب تغيير

02-07-2008, 02:02

مرحبا bp039

أمس لقيت PS3
40 قيقا بـ 1800 // معه يد وحده وبدون أشرطه

..

ولقيت 40 قيقا
معه يدين و شريطين FIFA2008 و Ratchet & Clank
بـ 2200 أو 2400 مو متأكد

اوان

02-07-2008, 10:07

حب تغيير

ولقيت 40 قيقا
معه يدين و شريطين Fifa2008 و Ratchet & Clank
بـ 2200 أو 2400 مو متأكد

اذا ممكن وين حصلته؟؟

حب تغيير

02-07-2008, 10:37

^^
عند محلات كساب (وكيل سوني بتبوك)

اوان

02-07-2008, 13:59

عند محلات كساب (وكيل سوني بتبوك)

يعني اروح اشتريه من تبوك :d

انا بالرياض اذا احد يعرف ياليت تدلوني ,وبنفس هالمواصفات:
ولقيت 40 قيقا
معه يدين و شريطين Fifa2008 و Ratchet & Clank
بـ 2200 أو 2400 مو متأكد

شاكرة لك اخوي حب تغيير

حب تغيير

02-07-2008, 16:24

^^
اوان.. اذا واثقه فيني pb192
أرسلي لي الفلوس أشتريه وأشحنه لك

With .. Love

06-07-2008, 19:59

مرحبآ أخواني ..

بالنسبه للي يسألون عن أسعار Play Station 3 ..

شوفوا هذي الصورهـ ..

http://up.eqla3.com/up/get-7-2008-qcfzn01w.bmp

40 جيجا .. 1799 ريآل .. ( مع يد وحدهـ ولعبه وحدهـ ) ..

60 جيجا 2149 ريآل .. ( مع يدين ولعبيتين ) ..

المحل .. ( عآلمـ سوني الريآض ) ..

-- { هذا العرض سآري حتى >> 15 أغسطس 2008 .. August 15th 2008 << } --

عالمـ سوني 920000616 ..

v.NISTELROOY

07-07-2008, 15:50

اخذولكم اكس بوكس ارخص اشرطه وازين سعر وكل شي :d

لا وفيه اونلاين بعد :d

Nerazzurri

07-07-2008, 19:22

الجديدة تكون غاليه بحدود 250 و 300 .... لكن الأقدم تلاقيها بحدود 120 و 180
والأصلي غالي في كل الأجهزة سواء PS3 أو اكس بوكس أو وي bp039
انت اشتري مستخدم بنص السعر أو لما تشتري لعبة اصليه، ختّمها وبدّلها بلعبة ثانية وهكذا bp039

bp039bp039bp039

من وين ابدل الالعاب المستعمله بالعاب جديده؟

كان خط الانتظار يسويها بس هالحين مافيه الا تبديل مستعمل بمستعمل وزياده فلوس pb093

Effect.sa

08-07-2008, 15:32

السلام عليكم..
ياليت تقترحون علي جهاز ألعاب سعره مايتعدى 1000 ريال ويكون يناسب بنوته عمرها 10 سنوات؟؟
<<<ميح في هالسوالف.. حتى لابتوبها طين :D

ردت عليك ميدوري بهالنقطة .. بس فيه جهاز ثاني اسمه psp
فيه اكثر من ميزة تفضله عن الـ ds بس الـ ds افضل للصغار يعني pb036
مثل ما قالت ميدوري احسن لها الـ ds قد جربته فيه حركات حلوه
واشرطته بقوة تنفع للصغار :rolleyes:
وسعرة حلو وسعر اشرطته احلى :D .. بس لا تاخذين من اي محل
خذيه من قيم ماستر او بيت الكمبيوتر :D
بيت الكمبيوتر اضمن بس قيم ماستر ارخص .. وقيم ماستر ممتاز ترا لا تحسبينه رايح فيها :D

بعدين وش هالغلى بالاسعار pb036
انا شاري الـ ps3 مع يدين وشريطين بـ 2150 pb036 طبعا قبل الصيف :D
اتذكر راعي المحل قالي استعجل ترا الصيف بيرفعون الاسعار بشكل مبالغ فيها pb093
مع اني شاريه من عالم سوني والمفروض يكونون ثقه ومافي زرف :D

الي يبي يشتري ps3 نصيحة لا تبعد عن عالم سوني .!!
واذا مرة مرة ما تبيه .. رح قيم ماستر :D مع اني افضل عالم سوني بكثير :rolleyes:
بيت الكمبيوتر ابعدوا عنه لا بالاكس بوكس ولا البليي ستيشن .!!
زرف عيني عينك pb093 ماخذين اسمهم يلعبون فيه ع العالم pb093 وعلى ما اظن ما يبيعون الا الاكس بوكس الاوربي .. والاكس بوكس الامريكي هو الافضل والاكثر انتشار pb036
وبالنسبة للاكس بوكس اشوف افضل محليين يبيعونه .. النسر والعاب طوكيو pb036
ترا كل الي اقوله من خبرة يعني .. من ناس شروه من هنا وهناك :D

شكلي بنتظر شوي لين نص الاجازه والا شي واشريه

اطلق شي تسويه .. ياناس اصبروا خلوا راعين المحلات يتأدبون !!
صدقوني لما تشترون بعد شهر ولا شهرين بتتحسفون بسبب فرق السعر pb093

ولا انتظروا لين يجي رمضان :D ينقالهم متطوعين ولا ينصبون :D خخخ

نيرا .. pb189pb095
اذا لقيت محلات تاخذ اشرطة مستعملة قلي :D
ياخي وقسم بالله الحين الجديد تبدله بالمستعمل .!! pb093
لا واذا تبي شريط جديد لازم تبدله بشريطين جدد pb093pb093
بس سمعت ان المحلات باحمد بن حنبل .. يبدلون بس بطلعة الروح pb036
والمشكلة ان هنا بالمنتديات كلن يبي يبدل العاب غبيه بـ cod4 وميتل قير وهيلو وطقتها الي هي الافضل بالسوق pb027

الا صح نيرا .. شيك هنا (http://www.youtube.com/watch?v=Ko9xC6TMdiw) :D كيييييف ؟ :D

MGHOOL

09-07-2008, 08:05

ولقيت 40 قيقا
معه يدين و شريطين Fifa2008 و Ratchet & Clank
بـ 2200 أو 2400 مو متأكد

اليوم برووح اشتريه العصر :Dpb189

أرقيلة

09-07-2008, 14:46

يعطيكم العافية
أخذت وي اليوم من قيم ماستر ب 1350 بس مايشغل الا أصلي

* ROSi *

10-07-2008, 17:54

وش الاشرطه الحلوه للـ ps3 عندنا من اول ما نزل ولا قدر جربت العبه !

ابي شي مغامرات مثل كراش وكذا < :D

مشهور بس مجهول

11-07-2008, 11:36

أخر الأسعار حاليا لجهاز الـPS3 ..

نزل عرض جرير بـ1869 ريال مع يد وشريط سيارات على ماعتقد الـنيد فور سبيد .. وطبعا بإعتقادي يعتبـر عرض جرير الأفضل حاليا ..

ومريت على محـل زيدي :D
قال عندي العرض الى فيه يديـن وشريطيـن بـ2400 :eek:
وخويي شاريه قبل شهـر بـ2150 pb093
شوفوا كيـف يلعبون بالأسعار على كيفهم pb192

ومريت على عالم سوني .. وقالي حاليا مافـيه شي .. طبعا أول شي كلمت زول شايفن نفسه pb192
ماعطان العلم الزيـن لأنه يبي يبيع شاشه بـ19 ألف قال وراه مايذلف ذا :sm5:
<< أولاه لو خويي راعي عالم سوني والله لا أشوته من المحل :D
الوكاد إنتظرت وجاني مصري وخدمني وقال ممكن الإثنين الجاي ينزل أجهزة PS3 طبعا عطان رقم المحل ورقم جواله << يبي يكسبن زبون :D
وحاليا أقرب شـي والى يمكن أشتريه عرض جرير .. لكن بنتظر لما يوم الاثنين .. :D

أنتظر مداخلتكم إذا فـيه أفضل من هالعروض .. pb192

ابـو تركي

19-07-2008, 01:03

عندي سؤال يا شباب

بشتري سوني 2 الكبير .. وش افضل نوع وش تكون صناعته وتجميعه ؟؟ ومن اي محل اخذه ( في الرياض )

وفيه محلات يكون فيها ضمان ولا لا ؟؟ ووش الملحقات اللي تجي مع الجهاز كم يد وكم لعبه وكذا ...

يا ليت تردون بسرعه لاني اليوم بشتريه ..

يعطيكم العافيه

ابـو تركي

20-07-2008, 00:05

ابوعيون جريئه

20-07-2008, 00:47

ابوتركي
خذ سوني 2 من اي محل
ماتفرق لأنه كريف وماهقيت تخرب عدسته قبل سنه
اهم شي خذ لك شي يشغل كوبي
ولو رحت للوكاله تأكد ان الي عندهم يشغل الكوبي مع اني ماهقيته

BENT ALMMLKAH

20-07-2008, 09:39

السلام عليكم

اليوم ناوية إن شاء الله أجيب لأخواني الـ wii

بس ياليت تعلموني الأغراض المرفقة معه وكيفية اللعب فيه وهكذا

احتمال مكان الشراء من جيم نيشن

ابـو تركي

20-07-2008, 11:42

ابو عيون سألت محل قال عنده ياباني اماراتي !! وش وضعه هذا بالضبط ؟

يا ليت تجاوب على الاستفسارات الثانيه واكون شااااااااكر لك

ابـو تركي

21-07-2008, 08:33

خلاص يعطيكم العافيه شريت الجهاز

هجدوج

27-07-2008, 00:21

تعرفون سعر البلاستيشن بالصين
تحديداً هونج هونج ان شاءالله لي خته لهم بعد شهر من الان !!
ps3

بماليزيا جبت سعره بـ 1400 رنجت ماليزي يعني 1700 ريال سعودي !!

ووش احسن موديل للبلاستيشن 3

Captain

27-07-2008, 16:05

ياساتر
الكل قاعد يستغل في رفع اسعار ps3 ، بما فيهم وكالة سوني وحتى العاملين فيها .. متفقين مع التجار يبيعون لهم كميات أول ما تنزل الدفعه عندهم ..

خذو الي صار معي اليوم ..

اليوم كلمت عالم سوني بالخبر بشتري لواحد من الشباب ps3
المهم اتصلت عليهم قبل لا اروح اشوف الدفعة وصلت ولالا ؟
أنا : الو السلام عليكم ، جت دفعه بلايستشين 3 ؟
الموظف : مافيه اجهزة .
أنا : مايصير أنا حاجز مع عندكم ومعطيكم رقمي .
الموظف : بكل تناحة قالي : أنتا خالد pb036 ؟

أنا : في داخل نفسي اقول لو قلت انا خالد وش بيصير ؟ هل راح يقولي فيه اجهزة .
ايه يا صديق أنا خالد .

الموظف: اخذ له حول الدقيقة كيلم خويه وشو قالي
تعال شيل السوني ب2000 ريال .

وسكرت منهم
حتى هالهنود بالوكالة يزرفونا pb093

المهم يا شباب وخاصة حقين الشرقية ترى بحرين قريبهم ، الاسعار قبل اسبوع بـ 2300- 2400 مع يدين تحكم وشريط .

فــــهــــد

27-07-2008, 20:03

السلام عليكم
كيف الحال شباب
شباب انا كان عندي Ps2 الكبير اللي لونه فضي وجلس معاي حوالي خمس سنوات زي الحلاوة
لكن الحين بصراحة بدء يخربها صار يشغل بس نوع معين من الأشرطة
وكل يوم وانا مودية يصلحونة
ودي اشتري واحد جديد طبعاً Ps2 لأن Ps3 غالي مرة ومولع نار
اللي ابي اعرفه وش افضل أنواع الـ Ps2 الصغير لأني سمعت انه في انواع
ياباني وصيني اذا كنت ماني غلطان
وايش الملحقات اللي تجي مع الجهاز كم يد وكم لعبه
وكيف اعرف اذا كان يشغل كوبي ولا لا
لأني بصراحة ميح في هالأشياء حدي اشرطة كورة و اشرطة سيارات
وعلى فكرة انا من الخبر يعني الأسعار تفرق من الخبر إلى الرياض ولا هي هي

شاكر و مقدر للجميع....