ياخوي ..

[حســاسـهـ]

السلام عليكم ورحمه الله وبركاته

ماعرف اختار عناوين بلمت وش احط عنوان pb036

بدخل بالموضوع علطووول

عندي اخ عمره 14 سنـهـpb189 تقريبا ..اول ماولدته امي كان بالشهر السابع وصارت له مشاكل وبقا بالمستشفى شهرين سوى فيها عمليه ولسبب ما ولخطا طبي كبير اعطي جرعه زايده من المخدر دخلته بغيبوبه وتوقف قلبه ونتيجه انه صغير واخذ جرعه كبيره من المخدر تأثر عقله ..وصار فيه تخلف بسيط ..:(

اللحين هو بـ14 وبدا يدخل المراهقه وصارت تصرفاته pb093
مو مثل اول صار يتاثر بكلام الاولاد الي معه بالمدرسه ويقول الفاظ وسخهـ وكلام ماينقال ..
ويضرب احيانا..
كم مره نبهته بس اذا عصب لازم يقول هالكلام كلمته بالطيب هاوشته مانفع ..

المشكله ان امي ماترضا احد يقوله شي قلب الام pb189

وهالشي مخليه يتمادى كثير وانا ضايق صدري ولاني عارفه وشلون اتعامل معه بالضبط ..وحاولت اقنع امي كذا راح يزيد امي ماترضا احد يقوله شي وان خلوه على راحته طب مايصير كذا :confused:

(( بس ملاحظه بسيطه .. هو فيه تخلف بسيط يعني هو يفهم ويعرف الخطا والصح بس عنده مشكله بسيطه بالنطق ويعني عمره 14 تفكيره اصغر من عمره بسنيتن تقريبا ...

هل هو صح نخليه كذا ونكتفي اننا ننبهه ؟؟
كيف اخليه يمسك اعصابه ولا يعصب على اشيا تافهه وبالتالي مايتلفظ بمثل هالالفاظ ؟؟

الله يهديــه ويهدي الجميع اللهم اميين bp039
ان شالله القا حلول عقلانيه عندكم

[Oـoـيز]

..



من كلامك فهمت انكم مدخلين الولد مدرسه عادية .. ولا ؟


حرام عليكم :( ,
ناوين تعقدونه زود انتم :( ,!
اذا كان تفكيره اصغر من عمره بـ سنتين وعنده مشكله بـ النطق ,
حرام عليكم والله يدرس مع طلاب طبيعيين ,

مدري وش الحل لـ مشكلة اخوك بـ الضبط ,
لـ أنه يظل انسان غير عاقل .. فـ صعب نأخذه على تصرفاته ,

اذا تبين نصيحتي ,
انا قبل سنتين تقريباً كنت ادرس بـ مدرسه مسويه دمج ,
وكان بـ نفس المدرسه فيه مبنى لـ طلاب " التربية الفكرية " ,
كان فيه اشكال ما تتخيلين وشلون pb036:( ,
ورغم ذلك .. كنا نستغرب من تصرفاتهم pb036 ,
كانوا قمه في الاخلاق .. رغم انهم متخلفين وبعضهم كان بـ زود pb036 ,

والسبب .. ان مدرسينهم :sm5:pb189 ,
يا الله يا فيهم ذكاء في التعامل مع طلابهم :sm5: ,

احيانا اشوف بعض الطلاب يسوون حركات مع الاساتذه pb036 ,
وقسم لو انا مكان المدرس خطر افصح عقالي والعن ابو منب قايل لين يعرفون ان الله حق pb036 ,
الي يسحب شماغه والي يحرك عقاله والي يضربه ويهج .. من باب اني امون :D ,
ومع ذلك ما كنت اشوف المدرس يعصب pb036 ,
ولا مره شفته نفخ ولا رفع صوته على واحد منهم ,
بس كانوا يعاقبونهم بـ طرق مدري وشلون pb030 ,

الزبـده .. هذا الحل الي عندي لـ وضع اخوك ,
انكم تنقلونه لـ مدرسة " تربيه فكرية " ,
عشان طبيعي اذا كان بـ مدرسه عاديه بـ يتأثر بـ حركات الطلاب وكلامهم ,
وعاد مدري عنكم :D ,


الله يشفيه يا رب pb189 ,




..

[z3lan]

8
8
اتفق مع مميز برايه


ولعلمك فيه مدرسين متخصصين بالحالات اللي مثل ذي

تقدرون تتفقون مع واحد منهم ويعطي دروس خصوصية للولد بالمساء

صدقيني راح يتغير للافضل بكثير

وهالشي يتوقف على اختيار المدرس وطريقته في تطوير مواهب الولد

[حســاسـهـ]

حنا يوم جينا ندخله بمدراس زي هالنوع قالو ولدكم تقريبا طبيعي وسوينا اكثر من اختبار للذكاء .. يطلع اقل من المعدل الطبيعي بشوي ..

ابوي يوم وداه للمدارس المتخصصه تروع من الاشكال الي هناك مررره حالاتهم مو مثل اخوي يعني

والله هذي مشكله اخوي لا كذا ولا كذا

هو ماشي بالمدرسه من يومه صغير بس يوم كبر الان صار اذا عصب مايتحكم بنفسه هذي مشكلته:(

بعدين اهلي عانو كثير ومابقا مكان ماودوه له يعني بلاش حرام وماحرام انت ماتدري وش كثر ضحو ووسوو وسافرو فيه عشان حالته وعشان يوفرون له المكان الي يناسبه ..


انا اسأل عن الاسلوب الامثل عشان اخليه مايقول هالالفاظ بس ؟

[ستل جناحه]

الله يشفيه ان شاء الله

شوفي وانا اخوك ممكن تلقين حلول تناسبك من اخواني وخواتي هنا لكن بالتأكيد ماراح تكون بجوده حلول صادره

من اخصائين واستشارين في مثل هذه الحالات .. انصحك انتي والوالده والوالد وجميع من في المنزل بالذهاب او

احضار احد الدكاتره الممتازين للمنزل وتخلونه يشرحلكم كيف ممكن يكون التعامل في مثل هذه الحالات وتذكري

بانه اخوك ويحتاج لك كثيير ولازم تتحلين بالصبر ثم الصبر ثم الصبر ثم الصبر .. والله يبعد كل مكروه عن كل

مسلم ومسلمه ياااااااااااااااااااارب ..

[Oـoـيز]

..



^


لـ حساسه ,



خخخخخخخخخخـ طيب انا وش دخلني تعصبين علي pb036 ,
يعني انا مثلا اعلم الغيب وادري انكم وديتوه مدارس خاصه وما اقبلوه :( ,



انا اسأل عن الاسلوب الامثل عشان اخليه مايقول هالالفاظ بس ؟


قلت لك ,
اذا بـ يختلط مع ناس طبيعيين ويسمعهم يتكلمون بـ هالألفاظ طبيعي راح يتأثر فيهم ويقلدهم ,
لأنه ممكن حتى يكون ما يدري وش معناتها ,
او يدري .. بس ما يعرف هل يصلح او ما يصلح انه يقولها ولمن يقولها ومتى يقولها ,!


اعتقد ان المدارس الخاصه انسب حل ,
واذا فيه اشكال تروع على قولتك .. طيب موب احسن من انه يتعقد الولد ويتعود لسانه على هالألفاظ ,
وما تدرون وش الجاي بعد ,

الناس الحين يخافون على عيالهم الطبيعيين من هالمبزرة الدشير :D ,
وشلون عاد الي في مثل حالة اخوك ,
الله يرفع عنه يا رب ,



..

[pinkiah]

احسن شي التجاهل .. خصوصا هالعمر ببداية المراهقه ..

اذا صارختي عليه بيأخذها عناد ويثبت التصرف والحكي برأسه ويبدأ يستفزك فيه

او اي سبب في راسه .. فامالك الا التجاهل احسن وانفع طريقه pb189 ..

بخصوص النطق وهو بمدرسه عاديه ترا كذا بيحس بالنقص عن اللي معاه pb036 ..

ممكن يتطور هالشيء عنده .. خصوصا انو في مرحله حساسه وتخافين من الطلاب اللي

يحتك معاهم يتريقون عليه ويحس بالنقص وكذا ..في دكاتره ودورات تساعد على النطق وتطوره ..

مدري يمكن انتم دخلتوه .. بس مره تجيب نتيجه هالأشياء pb189

الله يهديه ويخليه لكم bp039

[ملعقه مقلعه]

ياليت يا قلبي أقدر أفيدكpb189

بس أتوقع كلام أخوي (ستل جناحه) عين العقل
وبكذا تتعاملين معاه بأسلوب يتناسب مع حالته

تقبلي مروري المتواضع bp039

[مـعـقـولـهـ تـنـسـانـي]

الحين الواحد وهو صاحي .. يتأثر بالي حولة

اخوي الحين في اولى ابتدائي .. وجالس اسمع منه كلماات انا استحي اقولها .. والسبب انه يختلط مع ناس في المدرسة من كل الاشكال .. الصاحي والمهبول .. المتربي والى مو متربي .. بديت اسمع منه يسب .. ويلعن .. ويتريق ويذب ذبات مدري وش تبي .. بالبداية كنت اهاوشه واطقة .. صار ما يقولها قدامي .. بعد فتره بالصدفه مريت من عند غرفته وكان يلعب بلستيشن .. ومتحمس يلعب كوره .. واسمعه يسب ويلعن وهو لحاله وما حوله احد .. دريت ان الطق والهواش .. بيخليه ما يقولها قدامي بس بيقولها من وراي .. صرت اتجاهله .. وكني ما سمعت .. مصيره يكبر ويعرف الصح من الغلط ..

بالنسبة لمدرسة خاصة .. اتوقع ان المرحلة الحاليه الحين .. الوزارة بدت تسوي دمج .. للطلاب المعاقين او الى عندهم مشاكل سوا عقلية او حركية .. ومدري وش الفايده من هالحركة .. لانها مااتوقع تنفع

واكبر دليل قريب لي .. ما شاء الله عليه .. عقله وتفكيره سابق عمره بكثير .. بس مشكلته ما يمشي طبيعي يعني ما يمشي الا بعكازة .. وكان بمدرسه خاصه بالمعاقين .. بعدين حولوه لمدرسة حكوميه عشان حركة الدمج الى طايحين فيها الوزارة .. تغير الولد وصار انطوائي .. وتعقد اكثر .. والسبب ان البهايم الى معه بالمدرسه عقدوه وحاسوا علينا الولد ..

احس اني تحمست واجد .. وطلعت عن الموضوع .. المهم الى بوصله .. حاولوا تتجاهلونه .. وتعاملوا معه باكثر من اسلوب .. التجاهل .. لما يقول هالكلمات .. بنفس الوقت تقربوا منه اكثر واضحكوا معه ولا تتعاملون معه على انه صغير .. دايم رقصوا به .. انت كبرت وصرت رجال .. وعيب هالكلمات

[اليـــــن]

^^

اتفق معكbp039

..

جربوا معه اسلوب التجاهل
اعتقد هو الحل bp039

ولو مانفع وقتها اكيد تحتاجون استشارة مختص:)


الله يشفيه ويخليه لكم يارب bp039

[الافــــلاجــــي]

حساسه الله يخلي لك اخوك يارب
أنا من رائي انك ما تعالجين الخطأ بالخطأ
اي سلوك سيئ من اي شخص كان مستحيل يتقبله ومن طرف بعيد منه حتى ولو كان اخو او اخت أم أو ابو
الي ابي اوصله حاولي تتفهمين وضعه تعيشينه جوه تشوفين وش يحب وش يكره ولو شي خطأ في البدايه سايريه على خطاه عشان يثق فيك ثم تقدرين تعدلين سلوكه
مشكلتنا اننا كاخ اكبر أو ابو نوضح انفسنا قدوه بالتوجيه والتوبيخ وهذا اكبر خطأ
حاليا احنا الكبار نكره اي شخص يقول سو كذا وهذا غلط ولا تسوي كذا
ولكن بالعكس كلام الاصدقاء الي نجرف وراه والسبب انه معطيك جوك وانت معطيه جوه متفهم لوضعه وهو متفهم لوضعك
انا ما اقول تكلمي بنفس كلامه ولكن حاولي تتقربين منه شهر بدون ما تنصحينه إذا فرضا يحب يلعب سوني ليش ما تلعبين معه تشوفين وش اهتمامه وتجارينه في هذا الاهتمام ولو تمثلين عليه بانك تحبين هذا الشي عشان تقربين له اكثر واكثر ..

اتمنى فهمتي القصد من ردي والله يخليكم لبعض ويحفظ لك والدتك ,,

[alcuteah]

الله يخليه لكم ويصلحه bp039
بس حبيت اقولك كلمه وامشي
ترا كل العيآل بهالعمر لسانهم كذا pb094
يسبون ومافيه نوع من انواع اللعن الا يعرفونه
اخوي بسآدس ومثل اخوك بالكلام
سطرناه صفقناه ولا فاد معاه
صرت اذا شفته يقول كلام مو زين او يلعن
اقول ترا الملائكه تكتب كلامك وشلون تقابل ربي وكتابك كله سب وشتم !
وكأنه بدا يخاف
وبعدين بدينا نتجاهل وهذا الاسلوب الانسب :D
بس بقولك ترا حاله اخوك مالها دخل بكلامه شي طبيعي وكل الناس العاديين بهالعمر كذا pb094
وش نسوي لهالعيال الله يهديهم :D ياحليل البنات بس pb094 :D

[لو تحكي الدروب]

الي فهمته ان اخوك لديه تأخر عقلي مع تخلف بسيط ؟

اعتقد افضل طريقة للتعامل معه .. التحفيز .. اي انكم تقولون له( اترك الكلام الشين
عشان ابوي يحبك اكثر ويطلع فيك للي تبي .. اذا استمريت تقول كلام شين يبي يزعل عليك
وماراح يمشيك للي تبي ...)
ايظا انتي اذا شفتيه عاقل او صلح شي كويس عطيه هديه حتى لو بسيطه..
مثلا اذا جيتي من الدوام قولي جبت لك هديه عشانك من كم يوم صاير رجال و ماتقول كلام شين ..
طبعا الاسلوب هذا ياخذ وقت طويل ويبغى له بال طويل منكم عشان يجيب نتيجه .. الله يعينكم

[ام كشه العبده]

تراكم مافهمتوها زين مع احترامي لكم
هي تقول انه يتصرف مثل اللي اقل منه بسنتين,يعني مو مختل عقلياً,عنده تخلف بسيط .
حساسهـ
اذا تبين شوري ,,خليك معه عاديه وتصرفي معه على انه رجال ,,يقولون اذا كبر ولد خاويه ,,وانا اقولك خاويه لأني اشوفه طبيعي جداً,لاوبعد يدرس بمدارس ناس طبيعين ,ماشاء الله ,كويس اجل مافيه شي ,تعرفين كيف يفكر مجتمعنا ,التخلف البسيط يحولونه مرض عقلي ,,ماعليكم منهم ..
اول حاجه اقطعو طاري هالموضوع من البيت كله ,وقولوله انت مافيك شي لاتدلع علينا ..
خليه يحس انه رجال ,استشيريه بأشياء تخصكم ,,خذيه معك وتقضو للبيت ,اذا جا هندي البقاله خليه هو اللي يحاسبه,اذا كان طالع يلعب عطيه ساعه يد وحمليه مسؤولية الرجعه بدري للبيت واذا تأخر حاسبيه ..
ترى اذا عاملتوه كذا بيحس انه طبيعي وبيصيرزين ,وهالي يمر فيه سن مراهقه عادي وكل الناس تمر حتى انا وانتي والكل ..

*
كنت بقول شي مرره مهم وبلفت انتباهكم له لاتكونون غافلين ..
يمكن فيه احد من اصحابه بالمدرسه يعيره ,او هالمراهقين من اقاربه عرفو بالسالفه ويعيرونه وصار مايثق بنفسه ..
وصي ابوك او اخوك الكبير يحاول يعرف اذا كان فيه شي زي كذا ..

والله يشفيه ..

[خفوق]

كل ما تلفظ لفظ ما ترضون عنه و ممنوع في البيت؟

خذي من مصروفه و حطيه في حصاله

يعني مثل الغرامه

اذا مايهمه مصروفه؟

خذي منه الجيم بوي ولا البليستيشن لمدة ساعه عن كل كلمه وسخه يقولها

او امنعيه من التلفزيون او من اي شي يحبه

مو بالضروره الكلام يجيب نتيجه لكن الحرمان نتائجه احسن

جربي

[7dk hena..!!]

انا اشوف من رايي تروحين عند اخصائيه وتشرحين لها وضع اخوك وخليها تعلمك كيف ممكن تتعاملين معه :)
تحياتي وباتوفيق...bp039

[طايرتن بالعجه]

اللي فهمته ان تفكيره تفكير طفل

بعطيك كذا حل اتمنى انهم يفيدونك

اذا سمعتي منه كلمه شينه سوي نفسك ما انتبهتي اول ماره رجع وكررها
نبهيه رجع وكررها ماره ثالثه هنا عاقبيه
العقاب مو شرط يكون بالضرب او بالصراخ
جربي عقاب الحرمان وهالشيء انا شفت نتايجه بنفسي
وجربته مع اطفالي في الروضه وفعلا كان ناجح
وجربته ع اطفال اكبر ونجح معاي

اذا لاحظتي ان هالكلمات بدت تتلاشى ابدي عززي موقفه
بالمكافئات او ع الاقل شجعيه بالكلام

والله يخليه لكم يارب
ســـــلآم

[Miss.Samroo]

انا ابقولك شغله وحده بس

الكلام السيء والتصرف السيء اذا هذا الشي مو موجود او يطبق بالبيت صدقيني الطفل ماراح يمسكه او يمارسه..حتى لو انه مراهق..

يعني طول اذا الشي يجيه من برا انشالله ماراح يستمر عليه والفاظه بس فتره وراح يبطلها لان هالشي مو من بيتكم..وبس:)

ارجو اني افدتك بنقطه
ثانكيو

[فاقده الذاكره]

كل اللي بالمراهقه والغالبيه يمرون بمرحله زي كذا
يتاثرون بشده من اللي حولهم
اتروكوه بس علموه الصح من الغلط اعطوه كتب الوازع الديني عطوه دروس في الدين

وفي المرحله الثانويه خلاص يصير ميز وفهم وطفش من هالاشياء