وظلم ذوي القربى اشد مضاضة*على النفس من وقع السهام المهند

[بائعة الفصفص]

المشكلة باختصار
هي قصة عائلة توفي ابوهم من سنين واصغر اطفاله 3سنوات وترك زوجتين وابناء وبنات اكبرهم متزوجين وابنائهم في الجامعه00يعني مختلف الاعمار

طبعا حصلت مشاكل كثيره خلال تلك السنين
المهم
ماحدث اخيرا من اجتماع الاخوه الذكور وبينهم شباب غيرمتزوجين 00وتقسيم الميراث بينهم وتجاهل اخواتهم الاناث والمصيبه ان الامهات موافقات على هذا ويؤيدنه بشده
وعندما اعتراض بعض البنات على هذا(لان البعض الآخر ضعيفات ومسالمات جدا))غضبت الام ووقفت في وجه بناتها وقالت انه يجب عليهن السكوت والرضى بالأمر الواقع:sm1:
يعني ياكلون حق البنت وهي تنطم واذا اعترضت تغضب امها واخوانها00غضب الاخوه هين بس الام ليش تغضب وتؤيد الباطل 00فهل تسكت البنات وتنطم من اجل رضى الام برغم وجود الحرقة في القلب والشعور بالغبن:(

[pinkiah]

شوفي لا تسكتين هذا من ابسط حقوقك بالدينpb189 .. يعني غصب عليهم كلهم يجيكم ..

وفهمي امك انو بالقران مذكور وحرام ما يصير تأكلون مال اليتاما ..

اكيد هي تدري بس ذكريهاا .. قولي لها انو هالتصرف يدخل بالظلم ..

والله لو انا بدالك ما اسكت ابد .. بقول لهم ترا اذا ما عطوتني منب محللتكم pb036..

حرام عليهم مال ايتام .. ياقوي قلوبهم بس :( ..

الله يهديهم :(

[LA..TRO7]

وين احنا فيه ....

لازم .... حصر الارث .....

ولايتم التقسيم الا بوجود الابناء +البنات +الزوجات + الوالدين اذا كانو عايشين ؟؟؟

المسألة مهي لعبة ....

[مكسيكيه]

انتبهي توافقين الشرع والقضاء وياك وهذا حق والساكت عن الحق شيطان اخرس كله ولا اكل مال اليتيم اخوانك يمكن الطمع معميهم لكن امك؟؟ قوليلها على حياتك وكذا يسوون فينا تبين تعطينهم حقوقنا ونصفر من كل شي بكره اذا ربي اخذ امانته ورحتي بعد عمر طويل شيسوون فيني انا وخواتي بيرمونابالشارع ولا يمنون علينا بالريال ويعطونا فضلتهم
صراحه الرجوله تشتكي بهالزمن مابقا الا اشباه رجال

[حلـم بنـت]

الحق حق
الواجب تقسيم الارث بالعدل
مو من كيفهم يقسمون !



موفقين

[أبعـاد]

الأيام هي 1 .. 2 ... 3 .... 4 وبعد؟

هي أيام معدوده أعيشها ببقى أترحم فيها على أبوي أحسن من انه يضيع وقتي على الركض ورا وريقات صغار اسمهم ريالات.

يمكن تكون نظرتي متشائمة لكن فقدي لأبوي خلاني أتنازل عن أي شيء ممكن يكون سبب أني ماالتقيه في الجنة ان شاءالله.

الحياة قصيرة ليش أقضيها تعب وملاحق وفلوس ومحاكم وهوشات وكلام كثير ماينتهي ..
صحيح هذا حقهم , بس بعض الأشياء ممكن نتنازل عنها. غير كذا موقف الأم مانقدر نحكم عليه لأننا نشوف المشكله من جانب واحد ومانملك معلومات كثيرة يمكن تكون الأم تعرف مصلحة بناتها أكثر منا.

[محد حولك]

المحكمه ما وضعت عبث

[تبوله]

حبيبتي هذا حقك لاتتنازلين عنه

أبعاد .. ان شاء الله هالشي مراح يحرمها من شوفة ابوها الله يرحمه بالجنه
بكرا اخوانها بيتزوجون مراح ينفع البنت إلا فلوسها تدخلها بمشروع استثمار ببنك أي شي تضمن فيه انها تعيش معززه مكرمه ماتحتاج لأحد بعدين

أخوانها ذولا بعد سنين اذا احتاجتهم بكم ريال هل هي ضامنه بيقولون لها ابشري وامري ؟ بتروح لزوجاتهم وعيالهم
اذا الحين حقها تطالب فيه ماعطوها وشلون بعدين !!

حبيبتي ان سكتي الحين بتسكتين طول عمرك ..
لأن لو جيتيهم بعد فتره واحتجتي فلوس وقلتي عطوني هذا نصيبي من الورث بيقولون ليش توك تتكلمين او صرفنا الفلوس أو وش يثبت اننا ماعطيناك !!

[EMILY]

الأمهات يوم وقفوا بصف العيال قصدهم يحفظون مالكم من الرجال الغرب...

المهم حقك..لاتتنازلين عنه
واذا ماعطوكي اياه بالطيب ..خوذيه بالغصب والشرع

[نـاديه]

الأيام هي 1 .. 2 ... 3 .... 4 وبعد؟

هي أيام معدوده أعيشها ببقى أترحم فيها على أبوي أحسن من انه يضيع وقتي على الركض ورا وريقات صغار اسمهم ريالات.

يمكن تكون نظرتي متشائمة لكن فقدي لأبوي خلاني أتنازل عن أي شيء ممكن يكون سبب أني ماالتقيه في الجنة ان شاءالله.

الحياة قصيرة ليش أقضيها تعب وملاحق وفلوس ومحاكم وهوشات وكلام كثير ماينتهي ..
صحيح هذا حقهم , بس بعض الأشياء ممكن نتنازل عنها. غير كذا موقف الأم مانقدر نحكم عليه لأننا نشوف المشكله من جانب واحد ومانملك معلومات كثيرة يمكن تكون الأم تعرف مصلحة بناتها أكثر منا
.
ايش السلبيه هذي مع احترامي لك اختي بس المسأله مو وريقات زي ماتفضلتي الموضوع اكبر من كذا بكثير ينوخذ حقي غصب واكراه واسكت ان شالله كان لي عندهم 1000 ريال بس المهم مااسكت عن حق شرعي لي والا لأني بنت وكسيره وتحت رحمه اشباه الرجال هذولا اسكت !!!
الحق حق والله مايرضى بالظلم اذا الفلوس وسخ دنيا زي مافهمت من ردك وماتستاهل نحارب اعز اهلنا عشانها ليش مايفهمون هم هالشي ويعرفون حدودهم انا ماطلبت الا اللي لي بس هم تجرؤ على شي مو لهم :rolleyes:
وبالنهايه هذي اموال يتامى ومايجوز التلاعب فيها وحرمانهم منها كل شي وله حد

[بطني مصدع]

من راييي مايسكتون البنات هذا حقهم اللي ربي شرعه لهم

[بائعة الفصفص]

pinkiah


مشكورة اختي هذا اللي صار وهم يعرفون كل هالكلام بس طمع الدنيا

LA..TRO7
صحيح هذا المفروض لكن فيه طرق ملتوية وبالتأكيد انه شرعيا مايقدرون ياخذون شئ بالقوة لكن هم يرفضون حتى تقسيم الشرع واذا الواحده اخذت حقها شرعيا قاطعوها حتى امها توقف في وجهاا 00عرفتي كيف المشكلة مشكورة اختي


مكسيكيه

كلامك صحيح وهذا اللي صار بس التحيز والنظرة المتأصلة ان البنت تابعة ومالها شئ للأسف ان وجهة نظر الام ضد بناتها00اشكرك

حلـم بنـت

شكرا لك بس للأسف حتى كلمة الحق تزعل بهالزمن

[بائعة الفصفص]

الأيام هي 1 .. 2 ... 3 .... 4 وبعد؟

هي أيام معدوده أعيشها ببقى أترحم فيها على أبوي أحسن من انه يضيع وقتي على الركض ورا وريقات صغار اسمهم ريالات.

يمكن تكون نظرتي متشائمة لكن فقدي لأبوي خلاني أتنازل عن أي شيء ممكن يكون سبب أني ماالتقيه في الجنة ان شاءالله.

الحياة قصيرة ليش أقضيها تعب وملاحق وفلوس ومحاكم وهوشات وكلام كثير ماينتهي ..
صحيح هذا حقهم , بس بعض الأشياء ممكن نتنازل عنها. غير كذا موقف الأم مانقدر نحكم عليه لأننا نشوف المشكله من جانب واحد ومانملك معلومات كثيرة يمكن تكون الأم تعرف مصلحة بناتها أكثر منا.

اول مرة اسمع ان اللي يطالب بحقه محروم من لقاء ابيه في الجنه؟

بعدين ايش مصلحة البنت في ان اخوانها ياكلون حقها؟مافهمت صراحة:confused:

[بائعة الفصفص]

محد حولك

صحيح لكن للأسف ان هذا الخيار معناه مشاكل ماتنتهي وقطيعة وبلاوي شكرا لك



تبوله
كلامك كله صحيح واللي ياكلون حقك بكل وقاحة كيف بيحنون عليك او يعطفون عليك لو احتجتي لهم 00شكرا لك

Emily

شكرا لك بس كيف يحافظون عليه اذا كانوا الاخوان بيستولون عليه يعني البنت مايبقى لها شئ ؟
اناحره
صحيح انا اعتبر اللي تتنازل عن حقها او تسكت عنه سلبية وضعيفة خصوصا اذا صاروا يلهفون عيني عينك ويحرمونك من حقك احيانا00شكرا لك

بطني مصدع

شكرا لك وكلامك صحيح

[ميرندا برتقال]

لاتسكتون لهم اللي م قدرتوا اتخذونه بالطيب خذوه بالشرع مثل مالشباب حق للبنات حق

[أبعـاد]

اول مرة اسمع ان اللي يطالب بحقه محروم من لقاء ابيه في الجنه؟
بعدين ايش مصلحة البنت في ان اخوانها ياكلون حقها؟مافهمت صراحة:confused:

ماأقول ان اللي يطالب بحقه ينحرم من شوفة أبوه بالجنه .. بس أقصد أنها بدل ماتجرجر اخوانها في المحاكم تتنازل عن هالشي أحسن. انا اجاوب من خلال تخيلي اني اصير بمكانها.. (الله لايقوله).أو أني أدخل راي واحد من الكبار في العائلة مثل العم أو الخال بعد مو معقول كلهم ضد البنات .. فيه حلول كثيرة قبل ماتروح المحكمة.

بعدين كلٍ ورايه وقضايا زي كذا مو المفروض ننصح برفع قضيه على طول لأن احنا مانعرف حيثيات الموضوع هالأشياء بتكون على حسب الأوضاع في البيت على حسب شخصيات الاخوان على حسب المبلغ المُطالب فيه ... الخ

وأرجع أقول ان التمسك بالعائلة اهم شي لأن بعد رفع القضايا والشكوى والمحاكم ميه بالميه ماراح ترجع العلاقة زي ماكانت هذا اذا ماانقطعت نهائياً.

[مستاحشة بخشتها]

الواقع:sm1:
يعني ياكلون حق البنت وهي تنطم واذا اعترضت تغضب امها واخوانها00غضب الاخوه هين بس الام ليش تغضب وتؤيد الباطل 00فهل تسكت البنات وتنطم من اجل رضى الام برغم وجود الحرقة في القلب والشعور بالغبن:(

لا طبعا لا يسكتون حتى لو قالت امهم انا متبرية منكم يحسنون لها ولا عليهم في كلامها ويوم القيامة يفصل بينهم لان التركة تركة الوالد وليست للوالدة ولا يحق لأحد الوالدين انه يخصص الارث لابن معين او جنس معين, والمحاكم بينهم ان ماعطوهم حقهم بالمعروف يرفعون قضية واللي فيها فيها اما انها تسكت على حقها فالساكت عن الحق شيطان اخرس لا تسكت تجيهم بالطيب مانفع فيهم المحاكم تشوف شغلها تذكري ان بعض الصحابة غضبت عليهم امهاتهم يوم دخلوا في الاسلام ومع ذلك الرسول صلى الله عليه وسلم ماقال لهم اشركوا عشان تبرون والداتكم بالعكس قال امسكوا دينكم واحسنوا لواليدكم اهم شي الاحسان .

[حرم زوجي]

طبعا مايسكتون وتبين للام شرع ربي وحكمته من هالشي والام بعد ماتدري ان الولد بياخذ القرش ولاهو جايب طاريها بعدين مانافعها الا بناتها وقروشهم ....
:sm12:لا تاكلوني الا من رحم ربي من العيال

[NawaL]

ماوصلت للمحكمه انتم لسا نقاش
وانت تقولين ساكتين يعني انتم راضين

لكن كون المرأه تقول لا
كون المرأه تعترض في هالجلسه

بيكون لك حق

وقولي انا مو مسامحتكم في حقي


//


بخصوص ابعاد تقول الفلوس ماتسوى
عزيزتي الوالد الله يخليه لكم ماتعب وشقى الا يأمن لكم الحياه الكريمه

ليه بسلبيتكم تتركونه للأخ ؟؟

المفروض انت المرأه وهو الرجال
هو اللي يتنازل لك ويأمن لك حياه كريمه لانك اخته


لكن لا صار الاخ مو حول المرجله
الدين يرجع الحق


الفلوس مو وصخ دنيا الفلوس حياه كريمه
حياه عزيزه


وكان نفسهم ضعيفه لدرحه اكلو حق يتميه لاترجين من اخوتهم خير
خسارتهم ووجودهم واحد

مالهم لزمه اخوان تسمح لهم نفوسهم اكل ورث البنت

[Long Pause]

خوذي حقك و زيادة :dوليه الزعل وش فيه اصلا شيء يزعل انتي ما طالبتي بتقسيم الورث علشان

نقول زعلوا منك هم قسموه بنفسهم وبعدين انتي المفروض تزعلين من امك مو هي تزعل علييك :d

[نوير MISS]

لا هذا شي من حقكـ ..


بس انتي طالبي بحقكت قدامهم الكلام لاوصلهم من غيركـ روحي قدامهم وقولي ذا مال ايتام

وانتم أختوه بغير وجه حق ..

وأنا ما سامحتكم بحقـي ...


لا كن حاولي قد ماتقدرين الموضوع مايوصل محاكم اذا حسيتي ان مافيهم رجا والطمع معمي قلوبهم ..


وكلي أمركـ الله ماراح يضيعكم ..


بس تذكري حاولي قد ماتقدرين موضوعكم لايوصل للمحاكم ..

[خفوق]

يالله

ما ادري هذولا شلون يجي لهم قلب ياخذون شي مهوب لهم

شلون يدخلون على بيوتهم اموال حرام و يربون عيالهم من مال حرام

وين تجيهم البركه منه ؟


يالله ياربي لا تبلانا

[الحب والحرب]

لااااااااااااااااااااااااا تسكتين لو ماتحصلين اي شي بس سمعي صوووووتك

[الافــــلاجــــي]

استغرب من كلامك
المحكمه على ما اعتقد تدخل اجباري والسبب لوجود زوجتين للمتوفي والشي الثاني وجود قصر "أي اقل من 18 سنه "
ما اقول إلا الله يهدي اخوانك وامك مسكينه ما تبي تخسر الرجاجيل وتبيهم حولها مع انه ظلمتكم والشباب لو فيهم خير كان قالو لا حق خواتنا يكون لهم ما راح ناخذه
الله يكون في عونك يارب

[رَوّنق]

مآلك غير المحكمه .. :)

[7dk hena..!!]

خيييييييييييييييييير الدنيا سايبه :mad:
القرآن مكتوب فيه حق الانثى والذكر في الورث على كيفهم ياكلونه :mad:
انا افضل المحكمه تروحون لها وبقووووه بعد لان اذا سكتو ما تسمى طيبه تسمى سذاجه عذرا يعني ;)
ما اقول الا ياوليهم من واحد بياقفون بين يدينه يوم القيامه
والله انشاءالله بياثركم

تحيياتي...bp039