الضرب في الميت حرام .. !!

[spaces]

السلام عليكم ..

بدخل في الموضوع على طول انا اعرف وحده متزوجه ومن تزوجت وهي ماانبسطت مع
زوجها ..
بقولكم تفاصيل حياتها وانا ابيكم تعطوني حلول لها ولمشكلتها العويصه pb093

هي البنت جامعيه وماعليها قاصر ومعها دخل مادي كبير
وزوجها معه ثانوي وحالته الماديه ماهيب ذاك الزود يعاملها معامله فضيعه
مايطلعها من البيت أبد هو يطلع ويسافر ويروح ويجي وهي لا
لاهي ولا حتى بناته
حاط له تليفزيون ونت بغرفه له لحاله وهي وعيالها يقولهم موب لازم تشوفون التليفزيون
مايطلعهم ولا يعطيهم ولا يمشيهم
ومواقفه معهم تجيب الهم
يطلعها لبيت اهلها ومتى ماطرى على باله جاء واخذها
وياويلها لو تدق على جواله يتكلمون مع بعض عن طريق الرسائل
ورافض يجيب لها شغالها حتى على حسابها هي
ولاقعدت تنظف البيت جاء لمها وقالها تنظيف البيت موب كذا ويقعد يشرح لها
ويقولها انا الى متى وانا افهمّك ويقولها الضرب في الميت حرام pb093 تخيلوا قوه هالكلمه كيف ..
وحاط عقال له في البيت يقولها العقال هذا انا مغبيه لك ولبناتك
اسلوبه زفت مثل وجهه معها مافيه كلمه وقحه في العالم مايقولها لها

اخر حدث صار لهم جاء بيطلع من البيت قالت له ودني لبيت اهلي
مارد عليها وطلع وبعدين ارسل لها رساله وقالها خلي احد من اخوانك يجي ياخذك
جاء اخوها واخذها وارسلتله رساله تقوله يجي ياخذها ولا رد عليها
وجاء بكرى وطلعوا اهلها لمنتزه ولازم تطلع معهم
ارسلها قالها تعالي للبيت الحين قالت له انا الحين طالعه مع اهلي
تعال خذني من المكان الفلاني ارسلها قالها خلي اهلك ينفعونك

وخلاها في بيت اهلها
بعد اسبوع ارسلها قالها اذا كلمتك امي قوليلها انك تعبانه علشان كذا انتي عند اهلك
وهي ماردت عليه وسحبت عليه
قام ارسلها بعدين اصلا اللي بيني وبينك ماهوب طيّب ابد

هي عندها منه بنتين وولد وعمرها 28 واللي يشوف شكلها يقول
هذي بالثلاثين pb093
هو يبي يهبلبها ماادري وش سالفته
هو يغار منها
لانه احسن منه
ويعاملها معامله فضيعه جدا pb093 والله الكافر مايعامل احد معاملته لها

هي خايفه تتطلق منه وياخذ عيالها .. وهي حياتها كلها عيالها ماتقدر تتخلى عنهم

عطونا حل لمشكلتها الله يسعدكم ..

امها تعبت نفسيا من حال بنتها والبنت حالتها صعبه تصعب على الكافر
اهلها خايفين عليها تجيها حاله نفسيه او تتعب
ولا راح ينفعها زوجها

اذا عندكم حل لاتبخلون به عليها

جزاكم الله خير bp039

[z3lan]

الله يكون بعونها

واضح ان اساس المشكله عقدة النقص اللي يشوفها في نفسه من ناحية التعليم والحالة المادية

اشوف ان الحل واحد من اثنين :

يتدخل اطراف مؤثره من العايلتين يحتوون الموقف والمشكله بعد تعديل وضعه للافضل .

او انها تصر على الطلاق منه ووقتها بيعيد حساباته في تصرفاته .. زوجه جديده بزران جدد تكاليف جديده خصوصا ان زوجته مسالمة وموفره له حياة هادية صعب يعوضها في انسانه ثانيه.

[al7an]

تكلم واحد من اخوانها يوقف بوجهه


ويلعن خيرهـ :)


هذا قليل ادب بصراحه وااضح انه يغار منها


او تحاول تتفاهم معه وتقول ليه انت كذا


والله يعينها ويصبرها

[jojo licious]

وعليكم السلام ورحمة الله وبركاته

هو كذا من بدايه زواجهم pb036!!
إذا كان كذا من البدايه ليه تكمل معه وتبلش عمرها بأطفال pb093
خلاص حست انها ما تقدر تكمل معه من البدايه تتركه ازين من تتورط وتورط عيالها معها
الحين ما تقدر تسوي شي لانها المفروض ما تفكر بنفسها وبس تفكر بعيالها بعد وش بتسوي فيهم :(
لو هي ما عندها اطفال كان تتطلق وتفتك لكن الحين صعب مره
مالها إلا الدعاء والصلاه والصبر
واذا كان فيه احد من اخوانها او ابوها يكلمه يشوف لها حل معه لانه يبيله واحد يعلمه ان الله حق
ويخليه يحترم نفسه :rolleyes:
والله يعينها ويوفقها ويسخر لها زوجها :(pb189

[أمل الحياه]

الله يعينها ويصبرها .. رجلها سايكو
تطلق والحياه ماوقفت عليه ..

[بلابالت]

هذا متخلف عقليا
الكلاب مايتعاملون كذا ......... والله يا يتدخل أحد من أهلها ويتفاهم معـه أو تطلب الطـلاق والعيال اذا كانو صغـار الحضانة تكون لأمهـم ... أما لو إنهـم كبـار وهذي قد صارت لاحد اعرفه قبـل .... تطلقت الحرمة وزوجها مخلي عيالها عنده ......المهـم الحرمة راحت لحقـوق الإنسـان وعلمتهم بكل شيء لأن الأب كان معيش عيالها عيشة زفـت ... المهـم حقـوق الإنسان نسـقو مع جهة حكومية والله ناسي تفاصيل السالفة بالضبط .......الزبدة في الأخير اجتمعو حقين حقوق الإنسان مع الابناء وقالولهم تبغون امكم ولا ابوكم ؟ قالو نبغا امنا واسقطـو الحضانة عـن الأب ............ هذا على ما اذكر ....هي قبل لاتسوي شي خليها تروح الحقوق وتسئل عن الوضع كيف يكون بعد الطلاق اذا كانت الحضانة للأب وتكلم عيالها اذا هم كبار وتتفق معهم .....بس المشكلة اذا جاك الأب متسلط ويخوف العيال ويهددهم ولا يخليهم يقولوون نبي امنا .....انا اقول خليها تخلعه وعيالها تشوفهم من حين لحين .. ومصيرهم بيرجعون لأمهـم ......... أما اذا هي تبي تعيش العيشة الي هي عايشتها هذي فـ ......الله يعينـها ................ تحياتي لك ولها

[. rOro .]

الله يكون بعونهم يارب

:

والله اشوف انها تطلق واذا رفض تخلع نفسها

تطلع بثلاثه احسن من سته والا سبعه وتجيها امراض الدنيا

وتحاول تتفق معه بخصوص اولادهم حتى لو تدخل ابوها ... واذا عنّد فيه الشرع والمحاكم .. يمكن في البدايه يتخذهم وسيلة ضغط .. بس ماظنتي يتمسك فيهم كل حياته وهو مستهتر بهالطريقه ولايبي شغاله حتى .. من بيربيهم له ...وغير كذا غيرته منها وحسده لها ماراح يخلونه ياخذ العيال ويترك لها المجال تتزوج ثاني pb093

:

الله يختار لها الأصلح ويصبرها

[سُعاد]

والله مشكلة لين طاح الفاس بالراس طلبوا الحل :(

طيب هي ما كانت تعرفه زين قبل تجيب منه البنات ؟؟
ليش تورط نفسها بعيال إذا هذا وضعه ..
وسكوتها له سبب لجرأته وتماديه عليها ..

تنفذ بجلدها أفضل لها , مستحيل أدمر حياتي لأني خايفة على مستقبل عياالي
عيالي مصيرهم لي وربي حافظهم ..

[cheery]

الله يكون بعونها

الزوج اللى تصرفاته كذا هذا مريض

ليش تجلس معاه وهو يعاملها كذا حتى في ابسط الأشياء
وكل هذا على حساب صحتها ونفسيتها هي ويا عيالها

تكلمه وتكون حازمه معاه يا أنه بيتعدل ويصير رجال وإلا كلن يروح بخيره وشره

لكن مسألة إنها تعيش وياه وهو يعاملها كذا هذا الشئ المفروض ماترضاه على نفسها

فيه أشياء الواحد يمكن يتغاضي عنها ويمشيها وأشياء ماينفع معاها التغاضي

وإذا على العيال ماهم ضايعين ربك مايضيع عبده،،

[pinkiah]

الله يكون بعونها ويساعدها :( ,, ماراح يأكلها الا المساكين بناتها سوا تطلقت والا بقت معاه

بتتعب نفسيتهم :( ,, مالها الا تدعي ربها ,, عسى ربي يفرج عليها pb189 ,,

[،‘ إنتقائيه..!]

هو شكله مريض نفسياً



أول شيء .. جامعيه وهو ثانوي مستواه التعليمي أقل منها ..




هي مرتاحه مادياً وهو مش ولابد ..





طبيعي يحس بالنقص وينتقم منها بفرد عضلاته ..




وأنا الرجال ومسيطر عليك ويحق لي أسوي اللي أبيه وأنتي لا ..



المشكله منها هي معطيته جوه من البدايه..!



عموماً الوقت ماراح تقدر ترتب حياتها معاه ..



أو تنفصل عنه دام وجوده مثل عدمه بس مشاكل ..

الإنفصال آخر الحلول بعد العلاج النفسي لو قبل فيه أشك يقبل ..!

[الافــــلاجــــي]

بعضهم ما يحس بقيمه الشي إلا إذا فقد الشي
ما ادري عن اسلوب خويتك ومعاملتها مع زوجها
اكيد الزوج ما تغير إلا من سبب
انا من رائي انها تجلس عند اهلها وتعز اهلها
إذا قال يجيبونك ولا يودودك تقول اسفه
إذا حطها وقال اكذبي على امي لا تكذب ولكن توضح للام انه قال لها قولي كذا لانهم بعدين بيقلبون عليك بسبب كذبتك
تحاول انها تزعل وتجلس ولا ترضى باي شي
تحاول تشرط عليه شروط تعجيزيه ولكن في النهايه تتنازل عن شي منها والسبب ابيه يحس بقيمتها

والله يوفقها

[Spring Song]

الله يكـون بعونها
أتـوقع زوجها تعبـان نفسيا .. طيب هي ماحاولت تعرف اذا هو
يعاني من ضغـوط أو لا ،، أما اذا كان طبعه كيـذا من قبـل فالله يعينها
مااتوقع انه بيتغيـر بالسهـوله اللي هي تبيها ..

الله يهـديه لها ويسخـره bp039bp039

[مش ولا بد]

هذا اجزم انه يتعاطى حى الي يتعاطون بنفسهم اله يكون بعونها بس
الي ذي هذا موب فكو يتحمل مسئوليه ابد سو تطلق وتاخذ عيالها اذا عيى تخليه ياخذهم موب متحمل اصلن بيرجعهم لها وغير كذا ليت بعد ماتطلب الطلاق تكلم امه وابوه وتعلمهم ع ولدهم ع الاقل يجلسون بيت جدانهم ولا ولا عنده مالها الا الصبر وتدعي
بس هاذي لازم لازم تطلق تطلع بثنين ثبلاثه ولا تتورط وتحمل
واضح انها مو طايقته ماتحبه ماتواطنه معليش شلون صابره العيال ابد ان شاء الله موب جايهم شي
تفكر بنفسها لما هي تعف وش تبي راح تعرف كيف تجيب عيالها
الله يكون بعونه وخليها تستخير

[Miss.Samroo]

هذي الشخصه من الرجال ..مدمره والله:(

يعني صديقتك اتوقع صارت تشك بنفسها بسبب طريقته معها ونفسيا محبطه وشكلها اكبر من عمرها :(
يعني الزوج مو بس حاس انو أقل منها بعد يغار منها ويمكن يغار من حب اهله والناس لها ومعزتها بين اهلها
وهو اصلا شخصيته سيئه مغرور ..فا كأنو يبي يثبت للناس انو صديقتك هي السيئه وهو الصح..:(

واتوقع راح ترجع له لانها مو حاسه بحجم الجحيم اللي هي عايشه فيه..وماراح تكتشف قد ايش الوضع اللي كانت فيه الا لما تنكشف الأمور ويصير فيها تدخل من الاهل واذا ربي قدر وتطلقت اتوقع راح تحيا من اول وجديد وتتحرر وتنطلق..

وعيالها ممكن راح يستغلهم كنقطه ضعف لها عشان يردها وهي منزله راسها..لكن لايحس انها تبي عيالها عشان مايضغط عليها فيهم لازم تبين له انو طز فيك وعيالك مع احترامي..عشان مايستغل هالنقطه ذي ويمسكها عليها سنين..قولي لها معليش تتحمل وتقاوم فتره بسيطه ..وأكيد ماراح تتحمل بس ميخالف لازم تشد على نفسها شوي..

لكن اقولك امثال هالاشخاص اصحاب هذي الشخصية يجونك عندهم لسان وصوت عالي بس لما احد يوقف بوجيهم يصيرون فيران من الخوف.. :/
يعني هذا يبغاله وقفه رجال وانصحها تقطع اي اتصال معها ولاترد لاعليه ولاعلى امه وتخليه ينحط بموقف لايحسد عليه..وان كانه رجال يجي ويحط راسه براس رجال..هذا اذا كان بيسترجي..

ساعتها راح يبين وقاحته قدام اهلك ..وبالنسبه لعيالها لاتخاف عليهم مهما صار يعيشون ببيئه مستقره سواء معها ولا مع جدانهم ولا التدمير النفسي اللي عايشين فيه تهديد *تهديد ..

أخيرا ..
الفرصه جت الحين منه خليها تطلع ابوها واخوانها على اللي صار من إلى حتى وضعها بالبيت..
وتحط لها شروط اذا بترجع له..


بصراحة قصتك هذي قهرتني.. ذكرتني بقريبه لي عروس تزوجت واحد مطلق بدون اطفال و ماجلست معاه غير شهرين وتوها مطلقه منه الحمدالله.. تقول الشهرين كنها سنه ونفس شخصيه زوج صديقتك.. (هذي شخصيه معينه صعب انك تكتشفها بالبدايه) ومن اولها وهو تهديد في تهديد قاعد يبرمجها عالمسطره مو كنها بني آدم تفهم وتحس.. واي شي تسويه يقولها انتي خطأ..أنتي ماتفهمين.أنتي معاقه :(..أنتي لماتتكلمين معي خليك ثابته ولاتتحركين وانتي تتكلمين معي..لما تضحك يقول انتي مجنونه..واذا حس انها تضايقت يتميلح وشبك احد مزعلك..قمة التشكيك بالنفس:(...جاب لها الجنان وهي مالها شهرين ..وواضح اصلا انو يغار منها لان اهله الكل طاير فيها ومبسوط فيها وغير كيذا هو جسمه مليان وهي العكس والبنت عمليه وخفيفه ومرحه وهو ينتقدها بحركاتها يقول انتي تسوين كيذا ويجلس يتصنع قدامها بطريقه وقحه ومهينه ..يعني من البدايه الكل محد صدق انو كيذا من اول شي ..ولحقت على عمرها وطلبت الطلاق بعد ماانهارت ويالله طلقها بعد 8 شهور..تقول مافرحت بزواجي مثل فرحتي بطلاقي ..:sm12:

سوري عالإطاله وطمنينا عنها
دعواتنا لها..وحسبي الله ونعم الوكيل
ولاتنسى تردد كل ماضاقت ولا مشت بخطوه لاإله الا انت سبحانك اني كنت من الظالمين

ثانكيوو:)

[7dk hena..!!]

الله يكون بعونها هذا فيه عقده نفسيه الحمدالله وش الي يجبرها تقعد مع واحد اخلاقه زي الزفت لا احترام ولا تقدير
والله لو يجي واحد من اخوانها ويوريه شغله يدري ان الله حق وان زوجته وراها رجال الدنيا مو سيبه بعدين ايش العقليه هذه الي يمنعهم من التلفزيون او من النت حلال عليه وحرام عليهم :|:|
الله يكون في عونها يارب وانا اشوف يدخل احد من اهلها او من اهله ليييييييييييييه حياتها تتبهذل وهي توها صغيرها ما دخلت 30

تحياتيي...

[اليـــــن]

ياعمري :sm1:

الله يكون في عونها :(

احسن شي لها تبتعد عنه
لحد مايتعدل << مع اني ماتوقع هالأشكال pb093

طيب يمكن هو مريض
ياليت لو احد من اخوانه يتدخل بهالشي :(

[خفوق]

شوفي

شخص ما تحملها و لا يبي يتحملها بطريقه صحيحه؟

صدقيني مايهمه ياخذ عياله ولا طق لهم خبر

بياخذهم فتره معينه وبعدين بيرميهم عليها

تطلع منه بس

تطلق وربي بيعوضها

هذا مريض يبي وحده يفرغ فيها الشحنات النفسيه المريضه الي فيه

خليها تطلع

و تعطيه عياله

و تشوف نفسها مع زوج ثاني يعزها و يعرف قيمتها

اذا عرف انها بتتزوج بيقول خذي عيالك و من هالحكي

اذا اخذهم رفض يعطيها اياهم خليها تصبر

مردهم يكبرون ويرجعون لها

المهم هي ما تدفن نفسها بالحيا مع هالرجال

فيه رجال كويسين يتمنون ظلال حرمه محترمه

عوضها عند الله

[][M.E.W][]

الله يعينها ويجبر بخاطرها ويعوضعها باللي أخير منه ,,

الظاهر انه مريض أو معقد وواضح انهم مو مناسبين لبعض لا من ناحية التعليم ولا التربية ولا الأخلاق ..
وهذي العيال بيدفعون ثمنها ،
دام اهلها عارفين باللي يصير لها ، أشوف انهم يتدخلون وينهون المسألة أفضل من انهم يسكتون ،

بالنسبة للحضانة ، ماعندي خلفية كبيرة بالمحاكم وهالأمور بس أعتقد ماراح يرضون بحضانة الأب
للعيال وهو مريض ومعقد وغير قادر انه يربي .. ولا تنسين أنه ماعنده دخل مادي ، والأم عندها القدرة
انها تربي والقدرة المالية .

الله يعوضها , ربك ماراح ينساها دامها صابرة ..

:)

[RoNaH]

هي الغلطانه تزوجت واحد اقل منها في التعليم .. اكيد انه بيغار منها pb093

ولأنها ماتبي تطلب الطلاق عشان عيالها تتصبر على المر لايجيها امر منه :sm1:



هذا يبيله العجرا هالمتخلف :D

[خشة مستحية]

..

لاحول ولا قوة الا بالله
الله يعينها ويصبرها

لازم يدرون اهله ويتدخل ابوها وابوه مافيه الا هالحل

..

[مرجوجه ولا أحلى]

لها خيارين
الاول
ياما انها تصبر ويمكن يجيها شي عقده والا حاله نفسيه واولادها كمان
الثاني
انها تتطلق وتبتعد عنه والله يعوظها ان شاالله
وعلى فكره ترى عيالها يمكن يصير فيهم حاله نفسيه اذا ظلوا في مثل هذا الوضع
هذا رايي
والله يصلح حالهم ان شاالله =)

[رجول حرفي]

مسكينه والله هذا مريض ليته بين على حقيته قبل لاتحمل منه
الله يعوض صبرها خير
حركاته تدل على شي انه مايبيها ابد ويبيها تطلب الطلاق واضحه الحركه

[( كرامتي عاليه)]

لا حول ولا قوة الابالله
الله يهديه عاجل غير اجل
ربي الف بين قلوبهم ربي الف بين قلوبهم ربي الف بين قلوبهم
ربي لا تسلط علينا من لا يخافك فينا ولا يرحمنا
عليها بالدعاءpb189
والاستغفار pb189
والصدقه بنية التوفيقpb189

[قـُـنُـوتْ]

السَبَبْ الرَئيسيْ ، مَاكَانْ فِيْ تَنَاسُبْ فِكْرِيْ ابَدَا ً بَينْهُمْ ، وُ عَلَى اسَاسَهْ مَاكَانْ المَفْرُوضْ يِكُونْ فِيْ زَوَاجْ ، التَنَاسُبْ الفِكْرِيْ مِشْ بَسْ شَهَادَتْ عُلِيَا اوْ غَيرهْ مَعَ انْهَا مُهِمّةْ ، التَنَاسُبْ الفِكْرِيْ فِيْ نَظْرَةْ كِلْ وَاحِدْ فِيهُمْ للأشْيَاءْ وُ الأمُورْ الحَيَاتِيّةْ ، عَلَى سَبِيلْ المِثَالْ فِيْ اشْيَاءْ انَا اشُوفْهَا غَلَطْ ، وُ فِيْ اشْيَاءْ غَيرِيْ يِشُوفْهَا صَحْ ، نَظْرَةْ الصَحْ وُ الغَلَطْ مِنْ شَخْصْ لآخَرْ تِخْتِلِفْ ، وُ المُشْكِلَةْ إذَا صَارْ هَالأخْتِلأافْ فِيْ اشْيَاءْ جَوْهَرِيّةْ ! هُنَا تِجِيْ اهَمِيّةْ انَّو الوَاحِدْ يِخْتَارْ شَرِيكْ حَيَاتَهْ بِنَاءْ عَ نُقَاطْ إلْتِقَاءْ اهَمْهَا فِكْرْ الشَرِيكْ وُ مَدَى تَوَائَمهْ مَعَ فِكْرِيْ !

نَوْعِيَةْ الرَجُلْ هَذَا كَثِيرَةْ فِيْ المُجْتَمَعْ ، مَعَ الأسَفْ المُجْتَعْ رَسّخْ مَفْهُومْ إنّو الرَجُلْ مَا يعِيبَهْ شَيْ مَهْمَا كَانْ نَاقُصْ إذَا وُضِعْ فِيْ مُقَارَنَةْ مَعَ المَرْأةْ ، وُ مَهْمَا كَانَتْ المَرْأةْ اكْمَلْ مِنّهْ وُ هُنَا الإثْنِينْ يُعْتَبَروا ضَحَايَا قِدّامْ المُذْنِبْ الحَقِيقِيْ المُتَمَثّلْ فِيْ المُجْتَمَعْ ، يِمْكِنْ انَا ابَدَا ً مَا ألُومْ المَرْأةْ لأنْهَا مَاكَانْ امَامْهَا الا انْهَا تُرْضَى بالأمْرْ الوَاقِعْ ، هِيْ مَثَلا ً مَاكَانَتْ تِقْدَرْ تُعْرُفْ مِسْتَوَاهْ الفِكْرِيْ ، المَسْؤولِيّةْ مَسْؤولِيّةْ اهِلْهَا ، ايْضَا ً حَقْ الإخْتِيَارْ مُمْكِنْ يِكُونْ مُوَفّرْ لَهَا ، لكِّنْ تَحْتْ ضُغُوطْ مِنْ اللِّيْ حَوَالِيهَا مُعَنْوَنْ بِـ شَبَحْ العُنُوَسَةْ ، وُ مَعَ الأسَفْ ذِيْ كِلْهَا عَوَامِلْ تِسَاعِدْ فِيْ جَبَروتْ وُ تَغَطْرُسْ الرَجُلْ اللِّيْ مؤمِنْ انّهْ بَسْ ِبِـ رُجُولَتَهْ ، يِتْفَوّقْ عَلَى ايْ امْرَأةْ مَهْمَا بَلَغَتْ مِنَ الجَمَالْ وَ الكَمَالْ وَ العَقْلْ !


مَافِيْ حُلُولْ غَيرْ لَوْ كَانَتْ هِيْ اللِّيْ تُصْرُفْ عَالبَيتْ ، تْوَقّفْ الصَرْفْ عَلَيهْ وُ تِحْتَمِيْ بأحَدْ مِنْ اهِلْهَا ، الضَغْطْ المَالِيْ اكِيدْ مُو حَلْ دَائِمْ ، لّكِنْ عَالأقَلْ حَتّى تِقْدَرْ تقَلّلْ مِنْ حَيْوَانِيّةْ وَ وَحْشِيّةْ زَوجْهَا ..
ايْضَا ً نَشْرْ المُشْكِلَةْ عِندْ اهْلَهْ وُ اهْلْ الزَوجَةْ ، وُ تَدَخّلْ مَنْ هُمْ مَسْمُوعَةْ كِلْمَتْهُمْ ..

شُكْرَا ً bp039 ..

[TooT TooTy]

الله يعينها يااااارب ويهديه ,,

لو انا منها اروووح عند اهلي اصرف منه ,, مو شرط اني اقوله طلقني ,, بس تقول بآخذ اجازه منك مليت و,,و,, احس صديقتك ماعمرها طلعت حرتها فيه ,, من جد حرام تسكت على الوضع هاذا ,, هي متزوجه عشان تنبسط وتلقى من يدللها ويحتويها مو اسلوب خياس ووقاحه ,, لازم تدور حل ,, واحس ان تدخل اخوانها او اي احد ثاني ماراح يجيب نتيجه :rolleyes: هي لازم اللي تبادر وتتحرك مو اهلها !!

[كل شي تمام طال عمرك]

هاهاهايهاهاهاهاي

سهله تطلق .. والبنات اذا وصلوا لسن 7 سنوات يخيرهم القاضي بين الام والاب .. مادام الاب مايعطيهم وجه وهي قادره تصرف عليهم فأكيد الاولاد بيتمسكون فيها .. يعني راح يطلع من المولد بلاحمص .. ودايم اللي معها قروش تلقين حولها خطاطيب حتى لو معها 3 بزران .. توها صغيره !!

نصيحه الطلاق هو الطريق الأسهل .. وش هاللحجي اللي متزوجته ؟!!!

[TooT TooTy]

وش صار عليها ؟
:d

[كل ابونا بنروح]

حسافه عليه كلمة رجـآل ..:(

انا اقـول تتـركه لان الاشكـال هذي ماعليهـا خسـآره...:(

يمكن حتى عيالها يكون حالهم ازين لمى يبعدون عن ابوهم ... ..:(

والا اذا تبيه تخلي واحد من اخوانها يتفاهم معه ...pb036

والله يكون في عونها ويفرج همها ...:)bp039

[SWEET & COOL]

والله الحكم من خلال وجهة نظرك عليه رحت تكون ظالمة لان مانعرف ظروفه يعني يمكن يكون تصرفه ردة فعل ؟؟؟
بعدين ثانوي جامعي دكتوراة ....مالها دخل هذا يرجع لاخلاق الزوج والزوجة والحياة الزوجيه لا يمكن تقييمها من خلال المؤهلات لانها قائمة على العشرة والالفة والود فهي ليست وظيفة بل اختيار ..
بعدين الكلام الهين يغلب الحق البين ,, يمكن الزوج يبغى له مساير وشوي شوي تحقق اللي تبي طبعا لازم تكون صبورة ..
والعيال اللبين هم يستهلون الصبر,,
واخيرا ترى مافيه فرق كبير بين 28 و30 ( وبصراحة لا تكبرين السالفة بعين صديقتك ,, حاولي انت وياها تلقون نقطة ضعف الزوج )
والله يوفق الجميع