عرض كامل الموضوع : يازيين كورة اول
كانت العطله ايام زمان مااروع منها ومافيه احسن منها وكانت الحوطه ماتنمل في العطله المهم اذكر اننا كنا قاعدين نلعب كوره وكان فيه مبارات حماسيه بينا وبين الحاره اللي جنبنا المهم المبارات تاجلت اكثر من مره والسبب انا مختلفين على الطقوم الله واكبر على هالطقوم الي يشوف هالكلمه يقول لبس كوره . البس عندنا اول مغير ثياب بس لا وماتحتها شي ايه يازين ايام اول والبراد الي ماتدري وين يجيك معه المهم وكنا اليين جت مبارات بيينا فريق يلبس ثياب شتويه ملونه وفريق يلبس ثياب صيفيه بيض .
المهم انا اتفقنا معهم على دق القرعه ودقينا القرعه وطلعت لهم الثياب الشتويه آه يالقهر حضهم حتى القرعه معهم
بيني وبينكم كنافي عز الصيف ونتمنى نلبس الثياب الشتويه استر لكن الحظ المهم ان المبارات بدت ولعبنابهم لعب وكان احسن لاعب فينا اسمه الترنجه وكان مااحد يقدر يوقف في وجهه عشان ظفور رجليه طوال وكان الوحيد في العالم كله الي يقدر يشوت البلنتي بساقه المهم ان المبارت صار فيها اهداف واجد مع كل هجمه ماتشوف الاعبين من العجه وكلها دقيقه الا واحد طالع من هالعجه يطامر يقول جبت هدف وكان الحكم مايحسب الهدف الا بعد مايحلف اللاعب المهم انتهت المبارات وفزنا عليهم ورحنا بعد المبارات نسبح طبعا في قليب نخل ابو الترنجه المهم صفينا ثيابنا وياحليل ثياب اول المريكاني مايحتاج معلاق تفصخ الثوب وتوقفه جنبك ويوم خلصنا سابحين لبسنا ثيابنا الي قاعده تحترينا وتفاجئنا يوم رجعنا انهم احتجو علينا علشان ثوب الترنجه كان وسخ وصاير كنه شتوي ويوم شفنا العوى كذا احتجينا على هدفهم العاشر الكوره اصلا طالعه برى المهم رفعو احتجاجهم لقعيس القانوني وقعيس هذا ازبط واحد في الحوطه يعرف القانون وجمعنا قعيس صاحب كتاب (طبق النيه وافتك من الناس الشريه) وقال قبول الاحتجاج يعتمد على نية الترنجه اذا كان لابس هالثوب الوسخ علشان يصير كنه شتوي في هالحاله نقبل الاحتجاج اما اذا كان ماعنده الا هو ففيه كلام ثاني المهم جابو الترنجه وحلف لهم ان ماعنده الا هالثوب وان غسالتهم خربانه المهم قال القعيس لازم اتاكد هو صادق والا لا ابشوف غسالتهم المهم ان غسالتهم كانت خربانه لكن يلعنبو الحظ يوم جا يشوفها القعيس اشتغلت
وتعرفون غسالات الاوليين مالها خاتمه تشتغل بالنيه زي قانون القعيس.
وقال القعيس احتجاجهم مقبول المهم رفضنا وقررنا ان نرفع تضلم لأمارة الحوطه على هدفهم العاشرالكوره طالعه برى الخط المهم ورحنا للآماره وطلعو معنا مري يقص الجره وقرر المري ان الكوره طالعه برى الخط. وكتب تقرير بهالشي وقلنا للقعيس لو ماترجع عن قرارك وتعطينا النتيجه والله ان نرفع تقرير المري للأتحاد الدولي .
المره الجايه
وش سوى القعيس؟
ماذاعمل الاتحاد الدولي؟
احتجاج جديد اكتشفنا ان واحد منهم لابس كنادر؟
المري هو قصاص الاثر
------------------
اذا سالت الناس عنـــي فانا حوطي واصل العرب مني
هاههاهاهاهاههاههاهاهاههههههههههههههههههههههههههههه هههههههههههه
هاهاهاهههههههههههههههههههههههههههههههههههههههههههه ههههههههههههااه
حلوووووووووووووووه
وين الا قعيس القانوني مايقرب لي الدهــــ؟؟؟؟
هاههههههههههههههههههههه
ههههههههههههههههههههههههههههههههههه
ههههههههههههههههههههههههههههههههه
والله انك منتهي يابو برغش ههههههه
------------------
اذا صار حبيبك عسل صكه واستريح
هاهاهاههاههاهاهاهاههاهاهاهاهاهاهاهاهاهاهاهاا
هاهاهاهاهاهاهاهاهاههاهاهاهاهاها واللي جمبي ههههههههههههههههههههههههه
هههههههههههه واللي جمب جمبه هاهاهاهاهاهاهاهاهاهاهاها
يا ابو برغش النوع اللي تستعمله قوي هاهاهاهاهاهاهاها
------------------
خالع والاصطب والع
قوووووية ياشيخ http://www.eqla3.com/file/ubb/smile.gif
لكن ( المهم ) إقلاع وخصوصً البراد اللي ماتدري من وين يجي http://www.eqla3.com/file/ubb/smile.gif
------------------
مو كل بيزاا تنوكل انا عجينتي باالحيل مرررة
هههههههههههههههههاهاها
الله يحلل القعيس عند ناس خابرهم
تصدقون عاد اول ايام الابتدائي كنا اذا لمسنا الكوره باليد في منطقة الخصم حطوه بلنتي علينا .
كحيلان : هلا يالحبيب
واعلان هام / ترا القعيس اسمه الحقيقي عكوز بن بكوز بن مركوز ال رَزه
وللتوضيح جرى الاعلان مره اخرى ارحب بك ياالحبيب كحيلان وترا الموضوع كله سوالف وسعة صدر وترا ماقصدي احد وكل واحد من حقه يقصد الي يقصد
الاخ قابعها هلا بك وش معنى منتهي اذاكانت مدحه فهلابك واذا كانت سبه فهلاويين (وترا دروب مولمينا للمطاق ) وما اقول الا حبيتكم كلكم
الاخ خالع مرحبتين بك واقول لك انا استخدم شنبوا ابو تمر هو الي كتم على راسي وما يخليه يتنفس وخلا المعلومات الي فيه تطلع غلط (ولمن تهدي الاغنيه الجايه)
الاخ بيزا هلا بك وجرب الوضع وتعرف من وين يجي البراد وتراي من مسؤول عن العواقب اذا شخفك الهوى ونصيحه لك ترا الدعوى احتراف
مسطول كيف الحال وراهم راكزينك عند الباب تسنك لو سمحت ناد عائلة ابو برغش وبعدين ترا كحيلان ماغلط ماجاب اسم احد ولا كمل الاسم تسانكم بتستخدمون قانون القعيس وبتحاسبونه على النيه.
المنفهق مرحبتين واقول ليتها على كذا ايام الابتدائي انا تصادمت انا وطالب في الطابور وحطوا علي بلنتي . ( الله يذكرك بالخير ياماجد كان يدرس معنا)
مازلت مصر على انك جنتل الساحه
ــــــــــــــــــــــــــــ
ــــــــــــــــــــــــــــ
اذا اتتك مذمة من جاهلا*********** تحمد ترا الدنيا عقايب
------------------
اذا سالت الناس عنـــي فانا حوطي واصل العرب مني
[b]<small><small>[ تم تعديل الموضوع بواسطة ابوبرغش يوم فبراير 02, 2000]
هلالالالالالالالالالالالالالالالالالالالالالالالال الالالالا
ابورغش ...
مفروض انت اللي تقول لي هلا ....
بس عادي ...
تري المقال ماقريته ....لكن بحفظه بجهازي ...واقراه ان شاء الله بعدين ...
الا اقول لك ....
هاهاهاهاهاهاهها http://kubbar.com/
بعد ماتزور الموقع هذا ..ادخل القسم
funny clips
ومنها الملف المسمي aloo
وبتلقي ملللللللف صوووووووت رهيييييييييييييييب
------------------
حط عينك بعيني .....!!!
آآآآخ منك ياقبان
هاهاهاهاههاه
كان اللعب حماااااااااااااش
مب الحين ....مايعرفون الا بلاي ستيشن ...
وثلاث ساعات لعب والنتيجه صفر صفر ؟؟
------------------
حط عينك بعيني .....!!!
آآآآخ منك ياقبان
مرحبا ومسهلا بمفتاح اربعطعش تراك على بالي وتراك غالي عندي ولو اني ماعرفتك الا من خلال هالساحه لكن القلوب عند بعضها
وبالنسبه للموقع الي كاتبه اقول لك يالحبيب ان المصري الي يشغل لي الكمبيوتر راح وخلاني فتح لي هالساحه وراح ينوم وقلت له طيب وش لون اصكه قال اقلع الفيش .
وبالنسبه للكوره اول حبيت اقول شي ترا الترنجه هو اول لاعب يشلع ويحط ثوبه على راسه بعد ما يجيب هدف كان بطنه مليان مشق ووقفه القعيس ذيك الايام قال الدعايات ممنوعه والظاهر انه يسوي دعاية للدهون الحالي .
ايييييييييه هيضتني ذكرت سندوتشات الدهون الحالي مع الكراش .
الجزء الثاني من كورة اول.
وبعد ماهددنا القعيس انا بنشكيه وبنرفع تقرير المري ان مارجع عن قراره
وافق ولكن بشرط ان تعاد المبارات ويحكمها هو ... وبصراحه ماهمنا انهم يعيدون المباراة مادام الترنجه الله يخليه معنا .... وبيني وبينكم الترنجه كان حمقان من القعيس وكان مايحب عيال الحاره الي بيبارونا ... وكان ناويهم جاب معه برايه قبل المبارات وبرى ضفور رجليه الله يعينهم ... وكانت هذي اول مبارات نجيب لنا مدرب وكان اسمه الصتيمه وكانت خططه نفس خطط الزياني (شدو حيلكم ياشباب) وياليته متاثر بخططه بس لا شاريه كيلو صعارير ويعلج فيها مايذبها حتى في الصلاة... وقبل المبارات بيومين دقينا قرعة الطقوم وصارت لنا الثياب الشتويه ولهم الصيفيه ... وشكل القعيس ناوينا قبل ماتبدى المبارات عيا يلعب الترنجه قال له ماتلعب وضفورك كذا ......
وبغى الترنجه يعفله لو مامسكناه واقنعنا الترنجه انه يقص ضفوره لكن وشو به وين المقص الي بيقواهم ... وجبنا حصات وعفطنا ضفوره لتحت .. ويااله وافق القعيس وقبل مايسنتر الترنجه التفت علينا وقال زي العاده اول بلنتي وفاول وبدت المبارات ومن اول دقيقه خذ الترنجه الكوره ومرعها من نص الملعب ... وما درا عنها الحارس الا وهي شاقة ثوبه وجاية هدف كوبري ... المهم الترنجه سوى حركته الشهيره وشلع وحط ثوبه على راسه وراح عن الكرنر وانحاشو الجماهير الي هناك وما درينا الا والقعيس مطلع الكرت الاحمر وطارده .... ما قلت لكم ناوينا يقول واضح من عيونه انه ناوي يفصخ الثوب ... المهم عيا الترنجه يطلع وهاج علينا يبغى يطق القعيس وياله مسكناه وربطناه في نخلة عند الملعب .... ويوم جينا نبدا اللعب اليين حارسهم يصيح علشان ثوبه انشق المهم انه راح لبيتهم يخيط ثوبه ووقفنا اللعب اليين جا يقول القعيس مانبدى المبارات بدون حارس ومعه حق ... وما ندري وش لون بنلعب بدون الترنجه هو هجومنا ودفاعنا ووسطنا واذا جا بلنتي علينا غيرناه حارس .... المهم مدربنا غير خطتنا وقام يلعب بخطة شدو حيلكم مره ... لكن وش السوات المبارات ماراح منها الا دقيقه وحنا فايزين بواحد وشلون نحافظ على الهدف بعد ماطرد الترنجه.... وكانت البيبان صغار وقلنا مالنا الا نتكوم في الباب ونخليهم يمزعون فينا اليين تقطع قلوبهم من التعب .... المهم قاموا يمزعون فينا .... وما تحمل الترنجه يشوفنا كذا وعضض الحبل اليين قطعه .. ونصى القعيس الي بلع الصفيره من الخوف وانحاش واليين يومكم ماندري وين راح القعيس ؟ وين ارضه وين سماه؟؟
وجتنا اشاعات انه صار حكم هامور؟؟ اليين شفتوه قولو يسلم عليك الترنجه> وقلولو له ترا الترنجه نسى الموضوع وبيسامحك بس بشرط تجيب الصفيره
ترا مانقصد احد بهالقصه مجرد سواليف وخرابيط مالها سنع.
اعلان هام //
دعوه للجميع بمناسبة اعتزال الترنجه بنحط له حفل اعتزال في الحوطه وشقرى والخرج علشان كل الجماهير تشارك وقررنا ان يكون الاعتزال في 7\7\7777هـ وقد تم كتابة هذا الاقتراح في وصية اللاعب
قريبا قريبا قريبا القصه الكامله عن تطبيق الاحتراف في الحوطه؟
اي شخص يريد ان يعرف عن الاحتراف في الحوطه يرجع للكتاب الشهير( طقها والحقها)
مفتاح 14 مشكور يالحبيب على هالموقع الرهييب
(الموضوع كله سعة صدر)
------------------
اذا سالت الناس عنـــي فانا حوطي واصل العرب مني
[b]<small><small>[ تم تعديل الموضوع بواسطة ابوبرغش يوم فبراير 02, 2000]
هههههههههههههههههههههههههههههههههههههههههههههاهاها هاهاهاهاها
أجل ظفر ههههههههههههههههههههههههههههههههههاهاهاهاهاهاهاهاه ا
ابو برغش ياسنايدي
تكفا وشلون الاحتراف عندكم بالحوطه هههههههههههههاها الموضوع مهم مره ونبيه لاهنت ههههههههههههههههههههههههاهاهاها
تمزع بطني على الصبح .. الله يوسع صدرك بالعافيه
هاههاهاهههاههههههههههههههههههههههاهاهاهاهاهاهاهاها هاهاههاه
تكفى يا ابو برغش انقلها في موضوع مستقل وحطها الجزء الثاني
هلا وغلا بالمنفهق واقول الاحتراف قريب . وبالنسبه للمراقبين اقول
اعتقد ان مافيه مشكله لو ناقشنا اي مشكله عامه مثل التجكيم او الاحتراف او غيره.
مرحبتين ياكحيلان اقول يالله اني اعرف اكتب تبغاني انقل الموضوع وبعدين اعتقد ان كتابة الاجزاء تحت بعض افضل والا وشرايك مره ثانيه شكرا
ابوبرغش والله انك رهيب ورهيب ورهيب
يا حبي لك بس
ذكرتنا بالذي مضى زمن أول اللي الكورة عند فلان ومن يجيب الكورة ورد الكورة وهات الكورة ..... الى الامام نبغى الجزء الثالث .. وبعدين لا تنقل الجزء الثاني غير العنوان واكتب جميع الاجزاء ..
وين قصة الاماراتية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
------------------
مشــــ( تحياتي)ــــعل
فنيله علاقي
04-02-2000, 03:42
ابو برغش لا تاخر علينا
ترى ما بعد ضحكت على موضوع مثل ما ضحكت من موضوعك هذا
وكثر تكفى من سوالف ذا اللي يشوت الكوره بساقه
والله ياذي مسكته بعد
------------------
نفس يرضيها مد شعير ** ياويش تزعلها له
ابو برغش
اولا : حط موضوع الاحتراف ذا في موضوع جديد لأن اغلب الناس ما شافته يحسبون الردود انتهت
ثانيا : افتح اي موضوع تبيه بخصوص الاحتراف .. أبد وخذ راحتك .
وننتظر الجزء الاول من الاحتراف http://www.eqla3.com/file/ubb/smile.gif http://www.eqla3.com/file/ubb/smile.gif
<div align="Right"><font size="+1" face="Arial" color="#000000"> .</font></div>
vBulletin v3.7.1, Copyright ©2000-2008, Jelsoft Enterprises Ltd.