العــــــنود

[راعي العليا]

"رح انقلع وش جابك عندنا...ابي اروح انام"....بهالعبارة الممزوجة بالملل من شوفة بدر كانت العنود تنهي لعبها الطفولي مع ولد عمها كل يوم ...يجي اليوم اللي بعدة ولاكن احد قال شي....ويبدا كل واحد يسولف للثاني ايش سوى في المدرسة...راحت ايام وجت ايام وكبروا العيال...وتعلقهم ببعض يزيد...الاذاك اليوم المخلوط بجفاف رمادي.....كان بدر كالعادة يتقهوى مع عمه وعياله...اصلن بدر مايروح لبيت اهله الااذا جاه النوم ...حتىاخوياه اذااحد يبيه يمره عند بيت عمه....المهم ذاك اليوم الاقشر...اللي كان فطومة متصبحة بوجه بدر فيه...لاحظ ان العنود ماهي على طبيعتها...سرحانة ولاهي معطيته وجه...وخاشه جو ثاني...بدر كان من النوع الرومانسي الخجول...ماحب يسالها...وشالها في قلبه...ماطولت العنود جالسة وراحت على غرفتها...كتم بدر وتضايق... قال في نفسه اكيد اكيد العنود فيها شيئ ...لابس كانت قالتلي...يمكن مستحيه ..بس انا بدر...العنود ماكانت خجولةمثل بدر وكانت تقول كل شي لبدر.....المهم قعدت الافكار تودي وتجيب في بدر..زي قرطاس في مويه....قام بدر من االمجلس بدري على غير العادة....رجع بدر لبيته وهو في نفسه اساله واجد...ولاهو لاقي اجابة عليها...كان ينتظر متى يجي بكرة ويسالها...جابكره وراح بدر على بيت عمه مايشوف الارض...جلس يتقهوى مع عمه كالعادة...بس العنود ماجت ...ليه ماجت؟؟..هي مرضانة؟؟..فيها شي؟؟..هي في البيت؟؟..قعد بدر يسال نفسة كل هالأساله...ولاقدر بدر يسال عمه ولامرة عمه عن العنود من كثر الخجل اللي به ...)رافع ضغطي الحين اللي اسمه بدر هذا...ليه يامير الغنيمه ماتسال عن بنت عمك(....قام بدر زي المجنون ...يسال و يجاوب نفسه...اكيدالعنود بدت تتغطى عني...كان هذا استنتاجه الاخير..بس كان يموت الف مره لما يفكر انه خلاص ماراح يشوف العنود مره ثانية...ضاقت الدنياالوسيعة في عين بدر...جلس على الحال هذا ايام...وفي يوم وهو يتقهوى مع عمه وكان قاطع الامل انه يشوف العنود مره ثانية...دخلت العنود وفز بدر فزة غير طبيعيه...ارتاح بدر واخذ نفس عميق سحب فيه هوا الغرفة كله...اش فيك؟؟..ساله عمه...لالا مافيه شي بس شربت شاهي حار...الله يلوم اللي يلومه....من جد كنه شارب شي حار كل الايام اللي فاتت...وتوه ارتاح بشوفة العنود...العنود كانت تسال ابوها فلوس عشان ودها تروح للسوق...الأبو كان يراددها مستغرب...العنود تبي تروح للسوق لا وبلحالها..انا ماني مصدق...عطاها الأبوالفلوس..وكانه يشجعها....شربة العنود كاسة الشاهي وقامت...كان بدر يناظرها مستغرب...شلون جلست وقامت وكني جدار من جدران الغرفة...لاكلام ولاحتى ناظرت فيني...قام بدر ما يدري ايش يقول ولا يتعذر...جلس بدر يفكر ليه راحت للسوق من غير امها ماتروح معها....تعوذمن الشيطان ووقف عن التفكير الشيطاني هذا....كان يحبها لدرجة انه مايسمح للشيطان يكون بينه وبينها وقعد يردد البيتين هذي:
اخاف ظلمك واخاف اقسى عليك**اخاف هواجيسي تبعدني عن مداك
حس فيني وانا اللي اتعذب بيديك**احاسب نفسي على وسواس طراك
يوم ورى يوم..عذاب بدر يزيد..وتطنيش العنود يكثر...مايقدر بدر يقول اللي في قلبه...لانه مايدري ايش النتايج...ويبي يعيش على امل بسيط لعل وعسى ...المهم طفش بدر وقعد يقول اللي في قلبه بس مو صراحة...بالتشبيه...حق خوية حمد...حمد هذا مغزلجي نمره واستمارة....كل يوم صيده على قولته...كان بنات الناس حمير وحشيه يصيدونها في براري افريقيا..المهم كان عنده اكثر من خمس صيدات...قصدي خويات...عاد هو كل يوم جاي يستعرض لخوياه بصور صيداته...قققصصددي خوياته...شوفوا هذي مقابلها البارح..وشفتوا هذي ضحكت عليها واخذت منها فلوس...وهذي وهذي...وكل الشيف اللي في الفصل يجون يتمصلحون عنده..هذا يوصله لبيته وهذا يشتري له من المقصف بلاش وهذا يحل الواجب...حمد مايقصر معاهم اي وحده يطفش منها يعطي رقمها واحدمن الجحلط خوياه...المهم بدر هو اللي خاش مزاج حمد...لانه هو الوحيد اللي مو معطي السوالف هذي وجه...كيف يعطي السوالف هذي وجه وهو في سالفة السوالف ..سالفته انبل واشرف من الدنائات هذي ...سالفته حب عذري حقيقي...المهم حمد استغرب لما شاف بدر يتكلم عن الحب والبنات....قال في نفسه اكيد بدر طفش ويبي رقم وحده من ملعونات الوالدين خوياتي...قال حمد لبدر تبي رقم؟..حمر وجه بدر ورد على حمد .. ماني سافل وحقير لهالدرجة عشان تقول كذا ...وهذا خر شي توقعتك تقوله...استحى حمد وقال طيب وش فيك ...قال بدر ايش رايك في البنات؟؟..قال حمد: كلهن ملعونات...احلى ما فيهن بسرعة ينضحك عليهن...قال بدر:هذي وجهة نظرك...لان كل اللي تعرفهن داشرات مثلك...ولاتعمم في جوابك...(كنه يقوله لو عرفت بنت مثل العنود كان ماقلت اللي قلته)....سال بدر حمد:انت على كثر البنات اللي تعرفت عليهن ما قدحبيت وحده منهن ؟؟ماكمل بدر سؤاله الا رد عليه حمد بضحكة استهزائيه....وكمل بدر سؤاله :ولاحتى وحده منهن حبتك ؟؟هنا حمد سكت ..فكر شوي..وقال:اصلن انا ماحبيت ولا وحده ...مجنون انا احب الاشكال هذي..احب خدامتنا ولا احب ق***...سكت بدر وكل الافكار في راسه توديه وتجيبه...قطع هالسكوت قول حمد:ماعليك منهن ياشيخ والله كلهن خاينات..وقلب المراه مثل السبورة بسرعة ينكتب عليه وبسرعة اكبر تمحى المكتوب...سكت بدر ولاعرف وش يقول...بس اخر جمله قالها حمد صارت في قلبه...زادت النار في قلب بدر..وصار ضايع مايدري شو يسوي...وجلس يردد البيتين هذي:
تريني حي على انفاسك***ولايغرك ......عزم باسي
كل مناي اسمع اجراسك***وعلى حبك ياشوق راسي
لاتلومين من جرح احساسك***من غلاك اكتم احساسي
تعبت حالة بدر النفسية وصار مثل المجنون يكلم نفسه ...قرر بدر انه يكلم العنود ويشوف ايش فيها...بس ماكان فيه فرصه انه يكلمها ويقول اللي في قلبه ..جاء ذاك اليوم وراحت العنود مع السواق للسوق...قال بدر هذي فرصتي اروح وراها واكلمها..(واخيرا جته الشجاعه...رفع ضغطي)...راح بدر وراهم بسيارته....لم وصلت العنود السوق نزلت وراح السواق...جلس بدر في سيارته متردد..اكلمها الحين...ولا بعد ماتخلص من السوق...طيب ايش اقولها ...ويش ارد عليها اذا قالتلي كذا...وهو في وسط زحمة تردده....الا العنود تركب مع سيارة ثانيه وتروح...انجن بدر ...ايش السالفة...لحق السيارة الثانية....مـــــن؟؟؟؟؟؟...حمـــد!!!!...كانت هذي اخر كلمتين قالهن بدر قبل لاينهار ويصدم ....بعد ايام صحى بدر من حالة الاغماء الكامل...وعلمته امه ان اللي يحبها وصدم بسبتها امسكوها الهيئة مع واحد...ومنهو الواحد خويه حمد....في وضع تنهار بيوت على شانه وتقتل رجال....ماقدر بدر يتحمل الصدمة..خربت اعصابه..ومن هذاك الوقت حتى الان وهو في مركز صحي للامراض العقلية والنفسية...والعنود لاتزال عند اهلها الي سودت وجيههوم وحطت روسوهم بالتراب...وتحمل لقب سوف يضل معها مادامت حية...هذا اللقب من اربع حروف...اوله واخره القاف والهاء...ليذكرها بقهقهات الناس من حولها عليها وعلى اهلها....والحرفين الثاني والثالث ..حب...ليذكرها بالحب الذي حمله لها بدر ..ورفضته مفضله سعاده وقتيه كلها غش على سعاده دائمه كلها نبل واخلاص


ولانستغرب اذا كان سبب البلاوي هذي كلها مكالمة هاتفيه من حمد ردت عليها العنود بكل ميوعه ودلع لتسقط صيدة...والله ماكذب حمد يوم قال صيده...بين انياب قليل الاصل والشرف حمد..

____________________________________________
سوف يتبع هذه القصة ابيات شعريه على لسان بدر
____________________________________________

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[راعي العليا]

اشكر جميع القراء والقارئات على تجاوبهم مع ماتم طرحة وانا سعيد بارائهم النيرة...وانا هنا استعرض عدد قليل جدا منهم ..حيث ان دروج المكتب ومخابي الثوب بدات تطفح من كثر الرسائل ناهيك عن الرسائل البريديه الالكترونية واللتي شريت كمبيوتر ثاني عشان الاول امتلى رسايل ولا صار يجمع ...وهنا ابدا باستعراض موجز وتشاهدون التفصيل في نشرة التاسعة...

***المرسلة ل.م.ع: شكرا حبيبتي على تجاوبك...وتطعيم شلل الاطفال كان زمان..قبل لاروح على امريكا....
***المرسل محمد .الربع الخالي:الله يعينك.....وترى البنزين ارتفع واللبن نزل سعره....
***المرسل عثمان من السودان...اقدر لك اخوي شعورك الطيب ..لا خوي ماعندي اولاد...اسم الله علي...ولا اعرف احد يبي دروس خصوصية...بس اعرف واحد يمكن يساعدك في شغلة..(عندك اياه ياسليطين...تراه راعي ولد راعي ...لايفوتك..)...
***المرسله تنهيده: سلامتك عيوني ...ويكفيك شر الأكتئاب النفسي ..وانا سعيد ان صورتي تزيد اكتئابك النفسي...اقل شي تحرك شعورك....
***صديقة الصفحة الغالية نجود:شكرا على اطرائك ...وان شاءالله سوف ارسل لك مقادير طبق اخر قريبا.....

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[vip600]

http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif

------------------
اذا لم تكن مقلعاً....اكلوك المقلعين
_________________________
لترشيح افضل مقلع لهذا الشهر اضغط (http://www.freevote.com/booth/vip600vote)

[متنح]

قصتك رائعه يا راعي العليا تعكس صورة واقعية نشوفها للأسف ..


بس ابس ألفت نظر الشباب الحقيرين (فقط الفئة هاذي من الشباب) ان الدنيا قصاص يعني ما دام انك حقير وبتلعب على بنات الناس صدقني فيه اللي بيلعلب على خواتك ، خالاتك ، عماتك أو على أي وحده من بنات العائله الكريمة اللي انت منها......
((حب لأخيك ما تحب لنفسك)) لو الواحد يفهم هالحديث كويس ما صار هذا حالنا بس وش نسوي دنيا...


===========
متنح بس من كبار الشخصيات.

[الممرور]

جمال هالمشاركه انها من مشترك جديد أولا وبهالمستوى الممتاز ( من ناحية الاسلوب )
وكمان فيه شيء من التنبيه على بعض السلوكيات اللي يمارسها البعض بطريقه مقبوله .

شكرا ياراعي العليا على المشاركه الحلوه ( منيب أجامل )

[الجوكر]

انا طول عمري ما احب ولا اقر المواضيع الطويلة بس شلون قريت هذا مدري؟؟؟؟عموما الموضوع حلووو.
VIP600الله لا يهينك عطني الاي سي كيو نمبر حقك وترا حقي نمبره 67650947

[ميسون]

يا راعي العليا قصتك رائعععععة جدا ومعبرة . شكلك بتأخذ جأئزة احسن قصاص
أتمني أن القصة ماهي حقيقية . تصدق بكيت علي حال بدر أكثر من بكاية علي
جاك و روز.

[vip600]

شفت يا راعي العليا ... فيه ناس كثير تقدر القصص الحلوه والواقعيه في نفس الوقت ... بس انت كنت مستعجل على الردود http://www.eqla3.com/file/ubb/smile.gif

احلى شي اعجبني هو خدمة توصيل المنازل اللي انت حطه في موضوعك يا عيب العيب (http://www.eqla3.com/file/ubb/Forum1/HTML/002472.html) بس وين الجوائز اللي وعدتنا فيها http://www.eqla3.com/file/ubb/smile.gif

الجوكر تراني اضفتك في القائمه حقت الICQ

[راعي العليا]

مشكورالف الف شكر (واحد تنفس بقوة بعد ماشاف الردود)... صراحة انا تحطمت بعد ما جلست اكثر من 10 ساعات ولا احد كتب رد ولو حتى رد جاي بالغلط من موضوع ثاني.... كنت اشوف ردود على موضوع ثاني تمر من عندي.. بعضها مال امه داعي واكثرها عيديات...واللي قهرني اكثر كل واحد فاتح صفحة معايدة....والشباب يردوا على بعض ...لو تروحوا تشوفوا مواضيع المعايدة بتلقوا نفس الردود هي هي...الله يكثر المودة ان شاء الله....بس شكل المنتج ماحسبها صح.... رايح فيها تصير المنتج حقي...شكلك ولد فهلوي وعارف السوق زين...وترى كلش بالنص ...نص الردود لي ونصها لك...

هلا vip600 الله يكثر ابتساماتك ان شاءالله ..هي السبب اللي خلتني اتراجع عن قرار الاعتزال...وتراك دخلت على سحب السيارة على طول...تقولي ليش لانك دخلت قلبي.. http://www.eqla3.com/file/ubb/smile.gif..
_______

مرحبا بالهامور الكبير مره متنح ...ردك حلو مثل روحك.. ما صرت من كبار الشخصيات عبث...(بس كيف فهمت القصه...من قدك ياعم ..تلقى الحين 10 حولك يترجمون لك....امزح)... http://www.eqla3.com/file/ubb/smile.gif
______

هلا والله بسعادة المفتش العام...مبروك رقيتك ...والله اخجلتني بردك ..اللي ان دل انما يدل على عقلية القائمين هنا... http://www.eqla3.com/file/ubb/smile.gif
______
هلا بالجوكر..انا مادري وين اوديك...احطك على راسي ولا بقلبي...من جد جوكر صالح لك زمان ومكان...مشكور مررره.. http://www.eqla3.com/file/ubb/smile.gif..
______
هلا يااحلا ميسون...مشكور على مجاملتك...بعدين هو فيه جوائز هنا....كم ريال..وممكن تحويله بالدولار....بعدين التلفزيون السنغالي عارض علي تحويل القصة فيلم بلجيكي..وناقصهم البطلة...ممكن تشاركين...روز شايفه نفسها هاليومين... http://www.eqla3.com/file/ubb/smile.gif
_____


------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[راعي العليا]

سعدت بردودكم حبايبي...وان كنت اتمنى مشاركه اكبر وتفاعل ابلغ... ابي اعرف راي كل واحد في منهو السبب الرائيسي في الكارثه هذي...هل هو سلبية بدر..... والا ملل العنود .....او اهل العنود او قلة الشرف عند حمد..... او المجتمع....ومنهو الضحية؟؟؟...ابي ارائكم بسررررعة.....

[بنت الرياض]

يااخي انا عندي احساس انك انت ورى كل اللي صار.. لا حمد ولا بدر ولا
عدنان لهم علاقه بالموضوع..مين عدنان؟؟....لا سوري ترى امزح...بس عن جد موضوعك اكثر من رائع...
واسلوبك في الكتابه اروع ...اتمنى كل مواضيعك تكون هادفه ...واتمنى لك
مستقبل زاهر في ساحة الاقلاع(احلى يازاهر ..ماادري كيف اطلعت معي هذي)

------------------
يازارع الورده على الصخر غلطان..... مثل اللي ينقش على الماء قصيده

[راعي العليا]

هلا والله يابنت اول حب..طيب ايش دخلني انا...انا سواق..عبدالمامور...العنود قالتلي ودني للسوق وديتها بعدين قالت رح استانس مع اخوياك 2 ساعتين وتعال..وانا ما صدقت خبر ... http://www.eqla3.com/file/ubb/wink.gif

من جد ابي رائيك في المتسبب والضحيه....لان رايك وراي الاخرين يهمني....انا لي راي ابي اقوله بعدين...وهو راي يحتمل الصح والغلط....
مشكور بنوته.. http://www.eqla3.com/file/ubb/smile.gif

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[vip600]

اكيد الضحيه بدر ما يبغى لها كلام

والمسؤل عن اللي صار هم اثنين

اول شي الداشر حمد ... وثاني شي اهل العنود اللي ما عرفوا يربونها صح

وسلامتك

[رايح فيها]

راعي العليا تسلم وماعليك زود ،،،، وبالنسبة للموضوع اعتبره منتهي ،، يعني أبصير المنتج حقك ومالك الا يمشي السوق بقوة http://www.eqla3.com/file/ubb/smile.gif
وبعدين أبقول لك شي مرة مهم ،،، أشوفك تقول لمتنح (( مين قدك يا عم ؟ وكيف فهمت القصة ؟ )) ترا متنح بنت مو ولد وانا يوم كنت في بداية حياتي الإقلاعية طحت بنفس الغلطة لين دلوني أولاد الحلال !
بس متنح من المقلعات الفاضلات وراعية فزعات بس طواري واحياناً تقلب عليك (( أمزح )) http://www.eqla3.com/file/ubb/smile.gif

------------------
إذا لم يكن من الموت بدُ ،،،، فخربها بقوة !!
raehfeeha@eqla3.com



[b]<small><small>[ تم تعديل الموضوع بواسطة &nbsp; رايح فيها &nbsp; يوم &nbsp; مارس 17, 2000]

[فتى العشه]

مقلعين والله

في كل شي دائماًفوووووووووق

من دق باب الناس دقوا بابه

[متنح]

هامور .. ليش هامور يعني اش وجه الشبه ؟!!..

أكيد ما اختاروني من فراغ (وحده مصدقه نفسها) ..


========
متنح بس من كبار الشخصيات.

[راعي العليا]

هلا بالطش والرش هلا ب vip600...شكرا على رائيك الثمين...صدق انا مختلف في وجهة نظرك 180 درجه...اقولك على راءي لما اسمع وجهات نظر اخرى...ياحبي لك اخوي vip600.. http://www.eqla3.com/file/ubb/smile.gif
________________
هلا بالمنتج رايح فيها...شكرا على تواضعك..وقبولك للأشراف على اعمالي...وشكرا على تنبيهي على المتنحه بقوه ..(ياعيني على المنتجين..ايه بعدي وجهني قبل مااقلع رونق سايد..)...بس شكلك ما قريت الموضوع...اعذرك والله ...اوراق..مؤلفين..عقود...زحمه...بس رجاء بعد ما تخلص من الدوشه هذي...عطني رايك..ولو سفري...مايهم..المهم رايك.. http://www.eqla3.com/file/ubb/smile.gif
_________________
فتى العشة:يشرفني اخوي تواضعك وكتابة راءيك....من دق باب الناس دقوا بابه...هذا يعني انك تحط الخطى على ابو العنود..قصدك انه كان يسوي مثل حركات حمد لما كان صغير ...صراحه انا مااحط بحظي...لان الرجال ماعرفه...بس كنت اشوفه لما كان يتقهوى مع بدر...يقولوا القواله انه كان دويشر...ان شاء الله انك دايم فوق...وعقبال ما تغطي على ابو نوره....على فكره بدر كاتب قصيده وجهها للعنود...قصيده تبكي مره ...انا محتار اعطيك اياها ولا بشير شنان...وينك يامنتج؟؟.. http://www.eqla3.com/file/ubb/smile.gif
_______________
ايش دعوى يا متنح كان قلتي انك انسه ..بدل ماتزعلين المنتج علي...
بعدين وجه الشبه بينك وبين الهامور..انك لما تشوفه ماتدري...هو ذكر ولا انثى....وقلبك و قلب الهامور نظيف....تبين تعرفين ايش كنت اقصد لما قلت هامور...روحي اسالي اهل المال والاعمال...(رجاء يارايح فيها قلها )... http://www.eqla3.com/file/ubb/smile.gif
__________________


------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[رايح فيها]

حبيبي راعي العليا ،، الموضوع والله قريته وكان القصة حقيقية فهي مشكلة والله http://www.eqla3.com/file/ubb/frown.gif
وبعدين مو أنا اللي أقيم زي هذي المواضيع ،،، المواضيع الكبيرة هذي لها أهلها اللي يقيمونها مثلك وشرواك !
والله موضوع مرة حلو وقوي ،، وكان هذي بدايتك فلننسحب معشر المقلعين ونترك الساحة للمبدعين امثالك !

------------------
إذا لم يكن من الموت بدُ ،،،، فخربها بقوة !!
raehfeeha@eqla3.com

[طيخ طاخ]

والله انا كل ما سمعت مثل هالقصص أنغث , وتنبط تسبدي
أنا عارف ان القصه ما حصلت , لكن يحصل مثلها كثير
وياليت كان لي سلطان
كان أجيب الأبو وأرطبه رطبن ما عمره شافه
أما اذا كان لها إخوان فيستاهلون قص الروس حتى لو كانوا سرابيت
اما الإم فيكفيها اللي فيها , لأن الحريم وخصوصا الكبيرات بالسن
ما يدرن عن شي
أما حمد لو كان يجوز كان جبت دريل ودخلته مع ..... لين تبرد تسبدي
وماأظنه تبرد

[طيخ طاخ]

والله انا كل ما سمعت مثل هالقصص أنغث , وتنبط تسبدي
أنا عارف ان القصه ما حصلت , لكن يحصل مثلها كثير
وياليت كان لي سلطان
كان أجيب الأبو وأرطبه رطبن ما عمره شافه
أما اذا كان لها إخوان فيستاهلون قص الروس حتى لو كانوا سرابيت
اما الإم فيكفيها اللي فيها , لأن الحريم وخصوصا الكبيرات بالسن
ما يدرن عن شي
أما حمد لو كان يجوز كان جبت دريل ودخلته مع ..... لين تبرد تسبدي
وماأظنه تبرد

[متنح]

هههههههههههههههه
شكراً لك يا رايح فيها على تنبيه راعي العليا بس ما قلت لي عن الهامور .. اش القصد منها ؟؟!! .... ترى انا ماني سحليه كل شوي قالبه لوني .. إعتذر بسرعه يا رايح فيها.

راعي العليا : عادي لا تشيل هم يا ما حصلت لي وماينلام احد على هالخطأ غيري انا اللي اخترت هالإسم وانا اللي اتحمل عواقبه.


=========
متنح بس من كبار الشخصيات.

[راعي العليا]

انا ابي اقول راي في القصة...واللي اتمنى انها ما صارت ولا راح تصير..بس الواقع يقول غير كذا ...انا لاحظت من الاراء اللي قيلت ..انها حاطه الخطا على حمد واهل العنود...وان الضحيه هو المسيكين بدر...انا راي ان المخطي بدر والضحيه العنود..تسالوني ليش...اقولكم...لاحظنا من القصة موقف بدر السلبي والبارد مع العنود...بدر كان يحب العنود مره بس ما قالها ولا قال لها مشاعره تجاهها...خجله كان نقطة ضعفه...العنود زي ما قلت في القصه انها ما كانت خجوله وكانت تقول كل شي لبدر...هذا يعني انها تبي طرف ثاني يسمعها....يشكي لها وتشكيله...اي بنت كتلة مشاعر...تتمدد بالحراره وتنكمش بالبروده...ويختلف التمدد والا نكماش على حسب شخصية البنت.. .. فيه نوعية بنات رومانسيه مره تحب احد يشاركها همومها ولا تقدر تكتم كل شي عشان كذا ودها تفظفظ اللي في قلبها ...هذا الاحد صعب يكون امها او ابوها او احد اخوانها ...عشان كذا تحتاج صديقه مخلصه لها مو صديقة دراسه بس تنتهي علاقتها بسماع جرس الحصه الاخيره...العنود كانت من النوعيه هذي...اي واحد يقرا القصه يفهم ان العنود ما كان لها صديقه خاصه لانها كانت تقول كل شي حق بدر في الاول... بعد ما خاب املها في بدر...وانكماشها العاطفي... ونعرف لكل فعل رد فعل مساوي له في المقدار ومعاكس له في الاتجاه...(الله يذكرك بالخير يا استاز محمود..كان يقول احفز القاعه هزي...ها تحتقها في الحياه العمه...وشوفوا اللحين).. المهم بعد انكماشها العاطفي...جاء تمددها العاطفي...في لحظة التمدد هذي ولحظة ضعف...دخل حمد حياة العنود...وانا هنا ماالوم حمد بتاتا...الوم اهله و لو ما احد اعطاه وجه كان مل واشغل نفسه بحاجه ثانيه...اكيد حمد ضحك عليها بكم كلمة حب وحنان...صدقتها العنود...قالت في نفسها هذا اللي انا محتاجته...وسلمته نفسها...تساهل اهل العنود معها عطى العنود فرصه للخطا...والمفروض ان ام العنود تكون قريبه لها..واذا حست انها متضايقه تسالها ...واذا ما شافت تجاوب من العنود..تشجعها على زيارة صديقه محترمه لها...حتى تقول لها اللي ما تقدر تقوله لامها...وبالطريقه هذي تضمن ان بنتها ما تكون مكبوته ولا تفرغ الكبت زي ماشفنا....


انا ماني عارف ليه حنا في السوالف هذي نحط الغلط على البنت؟؟؟....بس لو نفكر شوي في الاوضاع اللي حول البنت وندرسها... بنلقى ان 85% من البنات اللي صارت لهن السوالف هذي مظلومات من مجتمعهن...واتمنى ما احد يفهمني غلط...اللي قلته راي يتحمل الصح و الغلط...وانا بانتظار ردودكم.....

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[خذني جيتك]

يووه .. والله اذا شفت موضوع اكثر من ثلاث سطور اطنشه ولا اقراه بس ذا الموضوع قريته وأنا ابكي والله

[المملوحة]

آآآآه والله العظيم عيوني امتلت دموع ..قصة اكثر من رائعه ومؤثره من جد والاهم انها واقعيه ..لاتقولون الغلط على البنت والا الشاب الغلط عليهم كلهم ..مهما كانت الظروف الاجتماعيه اللي تحيط في البنت ما يكون هذا عذر انها تبيع نفسها عشان تشبع عواطفها كل وحده عندها عقل وتعرف الصح والغلط والحقيره اللي تتجرا وترفع السماعه على واحد ما يحل لها مستحيل يجهلها عواقب تصرفها والادهى والامر لما توصل فيها البجاحه وقلت الحيى انها تطلع معاه ابغى اعرف كيف تضمنه وكيف تثق فيه في هذي الحاله هي قضت على شرفها وسمعتها عشان لحظات فراغ ماعرفت كيف تستثمرها صح ..يا بنات سمعتكم بالدنيا كلها وشرفكم مو ملككم هذا امانه تسلمونه للانسان اللي بتعيش الوحد منكم معاه كل عمرها ويملى عليها حياتها ابغى وحده تقولي اذا لعبت ايام وساعات وظاع منها كل شي وش يبقى لها..طبعا ولا شي الموت ارحم لها..
ومن جهه ثانيه الغلط على الشاب اللي ماخذ بنات الناس لعبه وتسليه حقيره ثمنها حيات البنت حتى لو ما سوالها شي يكفي ان سمعتها تضيع لو عرفوا الناس انها تكلم شاب وهو طبعا وش يهمه الرجال ما يعيبه شي يقولون نزوه ومراهقه وتعدي ..يا سلام يعني هو ما عنده اخوات يخاف عليهم لو حط مكان البنت اللي يكلمها اخته او امه وحط مكانه شاب ثاني اتحدى ثم اتحدى يسكت ويرضى والله يقوم الدنيا ويقعدها طيب ليش ..حلال عليك وحرام على غيرك ..نفسيات مريضه وارواح حقيره ..طيب البنت هذي يرضى انها تكون زوجه له ..طبعا لا والف لا لانه يؤمن بان اللي كلمته ممكن تكلم غيره ..طيب ليه تلعبون في بنات الناس وبعدين ترمونهم وتدورون غيرهم..
باختصار كل الطرفين فيهم حقهم وهذي الايام ماعاد فيه خوف من الله ياناس اتقوا الله انتم ما تعرفون ان فيه واحد احد يراقبكم وين ما رحتوا وين ما جيتوا سبحان الله الصح صارغلط والغلط صار صح لكن وش اقول غير الله يهدي بناتنا وشبابنا وينير قلوبهم بالايمان ويثبت المستقيمين..

انا اسفه لاني طولت كثير لكن الموضوع هادف واشكرك الف شكر يا راعي العليا عليه تسلم والله..

------------------
بعض البشر لو عليك اخطا يجي وتقول معذور
وبعض البشر لو تعذر ينقلب عذره خطيه
وبعض البشر لو قصد شعره بدون احساس وشعور
وبعض البشر بس من هرجه تحس بشاعريه

[راعي العليا]

هلا خذني جيتك..انا مره مبسوط ان القصه عجبتك... يا رهيف.. http://www.eqla3.com/file/ubb/smile.gif
____________
هلا بالمملوحه ...مشكور لمجاملتك..واعجبني ردك...واللي فيه من الغيره على بنات جيلك الشي الكثير...وهذا ان دل انما يدل على رفعة اصلك وسمو اخلاقك...والحمدلله ان فيه بنات كثير مثلك...انا معك في كل اللي قلتيه.. بس كان كلامك عام واندفاعي مره... لو شفنا الموضوع منطقيا وبدون شعارات ولا كلام كتب الفلسفه... بنشوف ان فيه بنات فيهن عقدة نقص...عقدة النقص هذي جت من طريقة تعامل اهلهن معاهن...كيف يكون ردت فعل البنت لما تشوف ان اخوانها العيال يعاملون معامله خاصه...ولما تشوف انها تاكل بعد الولد...ولما تشوف ان فيه حاجز كبير بينها وبين ابوها واخوانها....كل هذا يولد عقدة نقص فيها...واللي يخليها تشوف الرجل بعبع صعب الوصول اليه....ولما يجي واحد زي حمد ويعطيها حنان كاذب اكيد بتركض وراه....
يعجبني في البنت ثقتها في نفسها...ثقتها في نفسها لما ترد على غريب في التليفون يبي ابوها او اخوها....ثقتها في نفسها لما يكون لها راي مسموع في البيت...ثقتها في نفسها لما تناقش ابوها او اخوها عن موضوع خارج نطاق البيت...

واللي ابي اقوله طريقة تعامل الاهل مع البنت يايرفعها فوق يا نزلها اسفل السافلين....

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[المملوحة]

ما شا الله عليك الله يكثر من امثالك ويوفقك يارب وجميع المسلمين..هذا الوعي وهذا التفكير الحمد لله ان فيه ناس امثالك يقدرون البنت ويعطونها حقها والخير موجود وهذا اهم شي..ومهما كان الشر منتشر بيدنا نقضي عليه او على الاقل نحد منه بالنصح والتوجيه باسلوب ولين ..المذنب مهما كان اكيد فيه بادرة خير يحتاج لمين ينميها بالارشاد وهذا اللي لازم كلنا نسعى له ..موعيب ان الانسان يغلط لكن العيب انه يستمر ويتمادى بدون ما يصحح اخطاءه ..والمطلوب انه يكون واعي ومفتح لان فيه اغلاط مستحيل يعدلها الزمن وتعيش معه طول عمره وتكون وصمة عار ...الله يقدرنا لفعل الخير ويهدينا جميعا

------------------
بعض البشر لو عليك اخطا يجي وتقول معذور
وبعض البشر لو تعذر ينقلب عذره خطيه
وبعض البشر لو قصد شعره بدون احساس وشعور
وبعض البشر بس من هرجه تحس بشاعريه

[المملوحة]

عفوا بس نسيت اقولك اني ما جاملت في ولا كلمه انا حكيت جد والله اللي يعلم

------------------
بعض البشر لو عليك اخطا يجي وتقول معذور
وبعض البشر لو تعذر ينقلب عذره خطيه
وبعض البشر لو قصد شعره بدون احساس وشعور
وبعض البشر بس من هرجه تحس بشاعريه

[راعي العليا]

خجلتني وربي يالمملوحه...ومشكور كثير على تفاعلك مع الموضوع... http://www.eqla3.com/file/ubb/smile.gif

[راعي العليا]

صرخ بدر صرخه مدويه.. اعلن بها اعتكافه في غرفته..واعتزاله الناس...وجه هذه الابيات الى العنود..قال فيها :

في طريق الوحده عزمت المسير
. زاد رحلتي اوراق .... زينها حبر
ما على جمر الفراق اني بمستخير
. بغيبة الشمس بالوصل ماني منجبر
يامن بغدره ....صحا قلب غرير
. ما نسا فضلك ماحييت طول العمر
كثر ما عذبتني كثر مانمت سهير
. كثر ما بقعد اشكرك كل الدهر
علمتني مايعيش من عقله ضرير
. والحنان لمن قلبه مريض اكبر خطر
ياللي تلعب على الحبلين خلك كبير
. احتشم.. عن سوايا كل مايضر
لاتنزل ...منازل حيوان الحظير
. وان كان بشعوره ..منك اعلى قدر
يا نجوم اقبليني مع القمرا سمير
. ابعديني عن اللي بطبعه غدر
عطيني حبة حنان فقدته كثير
. رجعي النوم لعيون ذبحها السهر

بعد سماع العنود هذه الابيات...كان اخر يوم لها في هذه الدنيا الفانيه...

[راعي العليا]

هلا مسطول...ان شاء الله يور هيد اب دوم...بس انا زعلان منك شوي..شلون تقول انك قريتها اول واحد ولا ترد...هذا وانت المشرف....بس حصل خير... جهز ذبيحتك والعشا عندك التسابله... انا اول شي لما ما شفت احد رد..جاني اكتئاب في كلوتي اليمنى...تحطمت ...بغيت اجمع قشيشي واهاجر على بلاد الواق واق..بس ربك ستر....
اخوي مسطول مشكور... ولا اتوقع انه بيكون فيه عنود ثانيه الا كانك بتستنى حتى السبرنق بريك الجاي... http://www.eqla3.com/file/ubb/wink.gif

[مشعل]

اخوي راعي العليا

كتابتك راقية ..اسلوبك رفيع .. كلمات رنانة .. تفاعل على مستوى عالي
كل شيء فيك حلو يا حلو ..

راعي العليا قام يتحدى . جاب العنود والبدر من جدة



------------------
مشــــ( تحياتي)ــــعل

[لسع الأفاعي]

اقولها بكل صراحه يا راعي العليا..
موضوعك رااااااائع..ومن جد اثّر فيني ==&gt;تراني دمّعت بعد ما قريت وش حصل لبدر..
هذي القصه تبيّن لنا واقع مجتمعنا اللي كل ماله يرجع على وري http://www.eqla3.com/file/ubb/frown.gif

------------------
~لا يهمّك الناس..تراك ما همّيتهم~

[راعي العليا]

واخيرا لقيت موضوعي بعد ساعتين بحث مع الدوريات الامنيه...انا كنت كاتبه قبل 3 او 4 ايام..ولما جيت اليوم ولالقيته ..قلت اكيد انهم عطوه تذكره على الموضوعات المميزه...وانا على طول اروح اكشخ وما ردني الا منتدى الموضوعات المميزه...لازم كذا..ذولا ناس هاي هاي والواحد لازم يلبس مثلهم....المهم كنت مسوي حركة الكوبيريا بشماغي و ريحة النشا تنشم من بعيد...بعد السلام وساعة ثقل (الاتكيت يقول كذا)...مالقيت هناك الا ابو برغش...سلام..سلام...الا لقيت المسكين بلشان مع حصه,,,,سالته ما عينت العنود حولكم...واوما براسه..زي قولته لا...قلتلكم المسكين بلشان...المهم ادور يمين يسار..مالقيت شي...لايكون اخطفوها...قررت اقلب الساحه فوق حدر....المهم غيرت من شخصيتي الى بنت البكار..(اصول الشغل)...وبعد مطامر لقيت الموضوع في صفحة الوفيات في المنتدى العام...ياكثركم!!!!

_________________________
اسف اخوي مشعل ردي عليك متاخر...والله انت احلى والاحلى من كذا لسانك اللي ملك قلبي...مشكور ياعسل... http://www.eqla3.com/file/ubb/smile.gif
_________________________
اقولها وبكل صراحه انت الرائع يالسع الافاعي...ومعاك حق في اللي قلته....حنا محتاجين للسع الافاعي..حتى نتعلم ونطلع قدام... http://www.eqla3.com/file/ubb/smile.gif

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[مطهبل]

تحياتي لك يا راعي العليا
رائع بكل ماتجسده الكلمة من معنى "بالفصحى"
اما بالعامي فموضوعك موب صاحي
بس قلي هالقصة حقيق ولا ركبة وعظية؟؟؟
وسلمت