جويعد
29-03-2000, 02:57
انا بصراحة رفعوا ضغطي الشباب من كثر مايحتسون (يهرجون)عن امريكا وصكت في راسي اني ازرق لمها واشوف وش اللي ساحرن الناس فيها وقررت اني ابيع الصني حقتي واسافر بقروشه (عاد الوالد اول مابعتها يقولي: قايل لك وش تبي بها الصغيرة خذ ددسن ازين لك مير ماتسمع ولاتوحي.. ياحبي له ابوي على نياته ) المهم قصينا التذاكر وزهمت على ولد عمي حسام هناك (صحيح انه شايف نفيسته بذا وشلون عاد بذاك؟ ) بس الشكوى لله ..
وجا اليوم المشهود اللي هو يوم السفره واروح للمطار واقعد ساعة عند الكاونتر حق اللي ياخذون العفش (العفش عبارة عن شنطتين خلاقين وتنكة كليجا وتنكة خلاص وكرتون بسكوت مالح وكيسة بقل يعني إقط وكيسة زنجبيل وهذولي كلهن من خالتي موضي تبين اوديهن لولده دحيم اللي يدرس هناك) المهم وصلنا نيويورك بعد معاناة مريت فيها بالطيارة قضيت فيها اكياسهم اللي يحطونها قدام الكراسي من كثر ما .......... يوم وصلنا نيويورك وانا انزل ادربي دميجتي ادور حسام الله لايبارك فيه.. يوم انها جتني الصحيه علشاني مالقيته مادريت الا ذاك الفلسطيني يناديني وقرب مني وسلم علي قلت نعم يا ابو الشباب تعرفني؟ قال انا حسام ولد عمك (طلع حالق الشنب واللحية الله يفشله)
وبعد ماسلم علي طلعنا من المطار نبي نروح للفندق طبعا ماطلعنا من المطار الا عقب ساعتين خبركم العفش غريب شوي عليهم ونخلوه نخل بالتفتيش واخذو منه عينات يبي يفحصونها بمختبرات المنشطات حقت الاتحاد الاولمبي ..عاد يوم طلعنا قعد حسام يستخف دمه ويتميلح وينكت ماادري وش جاه الولد وعيا لاناخذ تاكسي يقول اصبر وش معجلك (نعنبو ابليسك لي 14ساعة اهز راسي بها الطيارة وتقول وش معجلك ) بالاخير اكتشفت ان بوه بنيات واقفات ورانا (سعوديات) عاد انا يوم شفت ان الدعوه مطولة وانا اشر لراعي تاكسي ..صديق صديق ..مادريت الا يوم سحبني هالخبل حسام اسكت فشلتنا الله يفشلك قلت وش انا مسوي وجع .. قال وش صديقه يالقروي قلت اقول اسمع لاتقعد تشخص علينا قروي قروي الحين مثلي مثلك انت بامريكا وانا بامريكا الزبدة اخذنا تاكسي بعد مافشلت حسام على قولته مع ان البنات قعدن يضحكن بس هو الله يهديه .. ونروح للفندق طبعا كان ورانا تاكسي ثاني بوه العفش .. وارتحنا ونمت لمدة 22ساعة طرنا بعدها لم اورلاندو علشان به تمشي واجد على قولة حسام ووصلنا هناك واستاجرنا شقة وسيارة وعينا من الله خير قال حسام قوه (يعني هيا بنا ) لم الملاهي حقتهم ..ونروح لذيك الملاهي وااااوك يوم دخلت وتطير عيوني في راس هامتي (اخر علمنا بملاهي الحكير ) وش ملاهي وش كبر وش بنااااااات وش دشره ..
عاد يوم قضينا من الملاهي هاك الليلة ورجعنا لم الشقة طلع حسام (مليعين الولد ) مواعد خوياته هناك ومعطيهن العنوان المهم جن البنات لمنا ...... وتعالوا شوفو اخوكم في الله يوم دخلن
هجيت كشترتي الين وصل برطمي حد صدري وقامت تطلع بعض السوائل اللزجه ...
قلت نعنبو ابليسك وشن ذولي؟ ..قال اسمع ذولي صديقاتي ولا تفشلني معهن .. قلت لالا لاتخاف اببيض وجهك عاد تراني خبير بالتعامل مع البنات لو شفت .. طبعا انا ماقلت له كذا من فراغ لكن من واقع خبره في محل ابوي في اوشيقر (محلات ابو مفلح للغطاوي والغداف ماركة مسجلة )..
قال ايه ايه خل خبرتك في بطنك واثقل ..قلت ابشر ياولد عمي .. والله ويقعدون يرطنون على بعض هاك الليلة وانا متنحر بها البني(متنحر يعني يناظر بتركيز) وكل ماقالن لي شي هجيت الكشره وطلعت الثنايا المعدنية اللي كان لونهن ذهبي بس تغير مع الوقت وقلت لهن (يس يس اوف كورس تيتشر) وهن يضحكن ..المهم راح حسام وجاب العصيرات والفش فاش والسنع وفلو حجاجهم..
تصدقون عندهم ببسي علبته خضرا ؟؟
عطتني إياه وحدة منهن وكان هذا اخر علمي بهذيك الليلة ..
عاد يوم قمت الصبح واثري منسدح بالفراش وتحت رجلي حسام وكان توه بادي يفتح عيونه
يوم قعدت على حيلي حسيت اني متكسرررر قلت ياولد وش اللي انتم مسقيني البارح قال هذا ببسي قلت اكيد ببسي؟ لايصير هذا الشيح اللي يقول عنه بيتزا بس؟.؟؟
قال لالا وشو شيحه بعدين من هو ذا بيتزا ..قلت والله مدري من هو بس لازم نسير عليه ترا حق وواجب وبعدين احس انه رجال مثقف مثلي يعني افكاره تناسب افكاري ..قال ايه ايه هين ..
المهم وانا اطلع وارتكز على الكنب بالصاله واشغل التلفزيون ..قالي حسام هيه هيه قم تروش قلت منيب قال قم ياوصخ قلت ضف وجهك متروش قبل لا اجي بيومين قال اقول قم وخلك رجل
(بيني وبينكم خقيت يوم شفته عصب ) وانا ادخل اتروش واسمع حسام يضحك مع خوياته وانا مندبلة تسبدي لاني تروشت في شهر واحد مرتين وخرجت عن عرف العائلة .. واطلع من ال WC
واروح لمهم بالصالة وانا لابس ثوب النوم وطاق بنت البكار مادريت الا يوم قام حسام تقل مقروص
وين وين يا ابو الشباب وش ذا اللبس ..قلت اقول انثبر التروش وطاوعنك مابقى الا تحكم بلبسنا
وين فطوركم بس ..
الصراحة فطورهم مسككككككت عبارة عن: والله ماادري وشو بس انه زين ..
اووووووه تعبت اكمل لكم بعدين ....
وجا اليوم المشهود اللي هو يوم السفره واروح للمطار واقعد ساعة عند الكاونتر حق اللي ياخذون العفش (العفش عبارة عن شنطتين خلاقين وتنكة كليجا وتنكة خلاص وكرتون بسكوت مالح وكيسة بقل يعني إقط وكيسة زنجبيل وهذولي كلهن من خالتي موضي تبين اوديهن لولده دحيم اللي يدرس هناك) المهم وصلنا نيويورك بعد معاناة مريت فيها بالطيارة قضيت فيها اكياسهم اللي يحطونها قدام الكراسي من كثر ما .......... يوم وصلنا نيويورك وانا انزل ادربي دميجتي ادور حسام الله لايبارك فيه.. يوم انها جتني الصحيه علشاني مالقيته مادريت الا ذاك الفلسطيني يناديني وقرب مني وسلم علي قلت نعم يا ابو الشباب تعرفني؟ قال انا حسام ولد عمك (طلع حالق الشنب واللحية الله يفشله)
وبعد ماسلم علي طلعنا من المطار نبي نروح للفندق طبعا ماطلعنا من المطار الا عقب ساعتين خبركم العفش غريب شوي عليهم ونخلوه نخل بالتفتيش واخذو منه عينات يبي يفحصونها بمختبرات المنشطات حقت الاتحاد الاولمبي ..عاد يوم طلعنا قعد حسام يستخف دمه ويتميلح وينكت ماادري وش جاه الولد وعيا لاناخذ تاكسي يقول اصبر وش معجلك (نعنبو ابليسك لي 14ساعة اهز راسي بها الطيارة وتقول وش معجلك ) بالاخير اكتشفت ان بوه بنيات واقفات ورانا (سعوديات) عاد انا يوم شفت ان الدعوه مطولة وانا اشر لراعي تاكسي ..صديق صديق ..مادريت الا يوم سحبني هالخبل حسام اسكت فشلتنا الله يفشلك قلت وش انا مسوي وجع .. قال وش صديقه يالقروي قلت اقول اسمع لاتقعد تشخص علينا قروي قروي الحين مثلي مثلك انت بامريكا وانا بامريكا الزبدة اخذنا تاكسي بعد مافشلت حسام على قولته مع ان البنات قعدن يضحكن بس هو الله يهديه .. ونروح للفندق طبعا كان ورانا تاكسي ثاني بوه العفش .. وارتحنا ونمت لمدة 22ساعة طرنا بعدها لم اورلاندو علشان به تمشي واجد على قولة حسام ووصلنا هناك واستاجرنا شقة وسيارة وعينا من الله خير قال حسام قوه (يعني هيا بنا ) لم الملاهي حقتهم ..ونروح لذيك الملاهي وااااوك يوم دخلت وتطير عيوني في راس هامتي (اخر علمنا بملاهي الحكير ) وش ملاهي وش كبر وش بنااااااات وش دشره ..
عاد يوم قضينا من الملاهي هاك الليلة ورجعنا لم الشقة طلع حسام (مليعين الولد ) مواعد خوياته هناك ومعطيهن العنوان المهم جن البنات لمنا ...... وتعالوا شوفو اخوكم في الله يوم دخلن
هجيت كشترتي الين وصل برطمي حد صدري وقامت تطلع بعض السوائل اللزجه ...
قلت نعنبو ابليسك وشن ذولي؟ ..قال اسمع ذولي صديقاتي ولا تفشلني معهن .. قلت لالا لاتخاف اببيض وجهك عاد تراني خبير بالتعامل مع البنات لو شفت .. طبعا انا ماقلت له كذا من فراغ لكن من واقع خبره في محل ابوي في اوشيقر (محلات ابو مفلح للغطاوي والغداف ماركة مسجلة )..
قال ايه ايه خل خبرتك في بطنك واثقل ..قلت ابشر ياولد عمي .. والله ويقعدون يرطنون على بعض هاك الليلة وانا متنحر بها البني(متنحر يعني يناظر بتركيز) وكل ماقالن لي شي هجيت الكشره وطلعت الثنايا المعدنية اللي كان لونهن ذهبي بس تغير مع الوقت وقلت لهن (يس يس اوف كورس تيتشر) وهن يضحكن ..المهم راح حسام وجاب العصيرات والفش فاش والسنع وفلو حجاجهم..
تصدقون عندهم ببسي علبته خضرا ؟؟
عطتني إياه وحدة منهن وكان هذا اخر علمي بهذيك الليلة ..
عاد يوم قمت الصبح واثري منسدح بالفراش وتحت رجلي حسام وكان توه بادي يفتح عيونه
يوم قعدت على حيلي حسيت اني متكسرررر قلت ياولد وش اللي انتم مسقيني البارح قال هذا ببسي قلت اكيد ببسي؟ لايصير هذا الشيح اللي يقول عنه بيتزا بس؟.؟؟
قال لالا وشو شيحه بعدين من هو ذا بيتزا ..قلت والله مدري من هو بس لازم نسير عليه ترا حق وواجب وبعدين احس انه رجال مثقف مثلي يعني افكاره تناسب افكاري ..قال ايه ايه هين ..
المهم وانا اطلع وارتكز على الكنب بالصاله واشغل التلفزيون ..قالي حسام هيه هيه قم تروش قلت منيب قال قم ياوصخ قلت ضف وجهك متروش قبل لا اجي بيومين قال اقول قم وخلك رجل
(بيني وبينكم خقيت يوم شفته عصب ) وانا ادخل اتروش واسمع حسام يضحك مع خوياته وانا مندبلة تسبدي لاني تروشت في شهر واحد مرتين وخرجت عن عرف العائلة .. واطلع من ال WC
واروح لمهم بالصالة وانا لابس ثوب النوم وطاق بنت البكار مادريت الا يوم قام حسام تقل مقروص
وين وين يا ابو الشباب وش ذا اللبس ..قلت اقول انثبر التروش وطاوعنك مابقى الا تحكم بلبسنا
وين فطوركم بس ..
الصراحة فطورهم مسككككككت عبارة عن: والله ماادري وشو بس انه زين ..
اووووووه تعبت اكمل لكم بعدين ....