هواوي
07-04-2000, 10:38
بسم الله وعلى بركة الله هذا الموضوع استفتاحي بيني وبينكم
اول شيء احب اهنيكم على ساحتكم الحلوه واقول لكم انتم احمدو ربكم ترى الله عطاكم شي لازم تحافظون عليه حتى لو تحطونه في الثلاجه ولا تغلفونه المهم انكم لازم تحافضون عليه
عموما موضوعي اللي بتكلم فيه هو
كيفية العبور عبر بوابة الممرور
والموضوع ذا طويل شوي يعني جب لك كاس شاهي وزين معسلك ولا قرب طفايتك ولا جب لك تبسي كراث واقعد مزمز عليه
في البدايه كنت اجي ساحتكم اتفرج عليها واطلع من بعيد لبعيد ( يعني مناظر بالعيون لمس مافيه ) وكان التسجيل مقفل وقتها وذكرني هالتقفيل بالعاده اللي منتشره عندنا هاليومين وهي ( الوظايف مقفله)
وقعدت اهوجس عن الساحه واعضائها وهل هم بشر مثلنا ولا يختلفون طيب لنفترض جدلاً انهم بشر اذانيهم صغار مثلنا ولا اذانيهم طوال طيب هم يمشون مثلنا ولا لابسين كفرات في رجولهم وداقين اللطم وطايرين بها الكفرات ومجاكر في شارع المنتديات طيب واللي يبنشر منهم وين يصلح كفراته فيه يعني يروح لراعي البنشر يقول له تكفى حط العفريته تحت الكفر اللي عند اصباعي الصغير والله شغله
ماعليكم من طوالتها انا يوم شفت الساحه مقفله صرت ادخل في شاتكم ولقيت فيه الغتر منطوله والمعسلات وزقاير مطفيه على المراكي وقواطي حقت تكحيل للعيون وش دراني انها حقت تكحيل العيون لأن مكتوب عليها نسبة الكحول 50 % المهم ان الشات صاير كنها شقة عزوبيه وانا قاعد اتفرج على شكل شقة العزوبيه الا واشوف طوفريه وفي وسطها بيالتين قلت بس هذي طوفريه الشباب اللي كانو هنا قبلي قلت خلني اشوف ذا البيالات وش كانو يشربون فيها ويوم مديت يدي على وحده من البيالات وتوني بمسكها الا يوم تحركت البياله وتحركت الطوفريه وطلع منها صوت يقول
انت مهبول بغيت تخفس عيني
اثر هالطوفريه رجال وجهه عريض ولابس نظارات ماركة ابو بياله واسمه قابعها
على كثر ما ارتعت على كثر ما استانست اني شفت واحداً من اهل الكفرات
قلت له السموحه ترى الشوف شجر وما شفتك
قال لا عادي وسالني انت من الاعضاء قلت له لا والله انا من مؤيدين زواج المسيار
لكن ودي اكون من الاعضاء وشلون اسجل عندكم ما تقدر تسجلني يالاخو ( احسبه مسؤول ) قال لي لا ارسل لهم بالبريد وهم يسجلونك
ويوم شفت ان الدعوه فيها بريد قلت في نفسي لا والله الا مانيب مسجل انا من وين لي هالمصاريف اقعد ارسل لهم بالبريد لا ويمكن يقولون لي لازم بريد ممتاز لكن اصبر لين احد يتوفى من اللي تعرفهم وذيك الساعه رح للبريد وارسل برقية تعزيه للساحه وطلب تسجيل عضويه لأهل الميت
الا يوم دخل علينا في الشات واحد اسمه الممرور
المهم اني تلقفت وقلت ياللي توك دخلت يالممرور
ان كانك ولد هلا فيك
وان كانك بنت هلوين
انا ذيك الحزه ما اعرف لا ممرور ولا غيره انا كنت في حالي من البيت للياهو ومن الياهو لمكان ثاني مانيب معلمكم به ومن المكان الثاني للبيت ولا قد دخلت لمخفر الشرطه وش يعرفني بالممرور هذي حياتي مقابل ذا الجهاز وعندي شاهي وشابوره واغط الشاهي في الشابوره
بالله واحد يغط الشاهي في الشابوره من وين له يعرف الممرور علموني انتم
المهم ان الممرور رد علي وقال
يا هواوي ان كانك ولد مرحباً فيك
وان كانك بنت مرحبتين كبار
هو قال كبار ولا ماقالها وانا اللي اقول في نفسي ياهواوي ما والله يقول ذا الكلمه الا ياراعي تكسي ياراعي حافله لكن هج بعمرك
الا يوم نقز ابو بيالات قابعها وقال لي انت صاحي هذا الممرور هذا اللي بيده التسجيل وموضوعك عنده لكن اصبر بكلمه لك يمكن يسجلك
قال قابعها للممرور مساك الله بالخير ياطويل العمر
قال له الممرور الله يمسيك بالنور ياقابعها
وقعدو يتشاورون ويناظروني بعيونهم
قلت السالفه مهيب سالفة راعي تكسي ولا حافله هذا يقولون له ياطويل العمر وانا مااعرف احد يقولون له ياطويل العمر الا واحداً في بالي لكن هذا شكله غير هذاك اللي نشوفه في الاخبار هذا شكله يطلع في فلم كرتون طبعاً انا اقصد باللي يطلع في الاخبار غالب كامل مهوب احداً غيره
المهم وشوي الا يوم قال ذا اللي اسمه الممرور
ابشر دامك من طرف قابعها ابشر ومايصير الا خير تعال لي الحين لم الشات الصوتي وانا اسجلك وراح ذا اللي اسمه الممرور لم الشات الصوتي وقعد ابو بيالات مقابلني كنه يحرسني والا يحتري دوره متى يجي
لا والله يوم ضاقت بي الوسيعه انا وش بلاني الله بهالتسجيل اللي فيه مناظر بالعيون ومساسر وآخرتها سوالف بالشات الصوتي ( لحد يتميلح ويقول شات ولا طلي ) وبعدين انا وش دراني اذا هم صادقين يبون يسجلوني ولا يبون شي ثاني ( ثاني = اللي قبل ثالث ) وقامت تلعب بي الهواجيس باصات ون تو ياربي وش كانو يقولون يومهم يتساسرون ويناظروني وبعدين ذا ابو بيالات انا من يوم شفته وانا القولون عندي قام ينقز الله يستر منهم لايكونون من الارهابيين اللي لامر احد من عند بيتهم لغفوه بالحصى واذا وقف لهم خذو اللي في جيبه طيب وين اخش الخمستريل اللي ماخذها ابي اشتري بها شابوره لا عاد ماوصلت ياخذون دراهم الشابوره والله ان تصير مذبحه مابقى الا هي ياخذون اللي يبون الا دراهم الشابوره
وفي الاخير قررت وقلت لنفسي ياهواوي الله الله بالعطه تراهم يمدحونها ( العطه = النحشه ) وقعدت اتشوف لنعالي وانتو بكرامه ومجهز وحده من يديني لمسكة الثوب والثانيه للنعال وفتحت ثمي عشان اعض شماغي فيه لاجيت اعط
وتوني بقول لهم ان كان فيكم خير الحقوني واذا مسكتوني سوو اللي تبونه ( هذي كلمتي لاجيت اعط ) الا يوم طلع لي ذا اللي اسمه الممرور مره ثانيه وقال تراك ابطيت علي اخلص يالله مشينا وبعدين تراني مانيب فاضي لك ترى فيه ناس غيرك
انشهد انها هانت يوم الله بغاها تهون دام فيه ناس غيري اجل بروح واحط راسي مع الرووس وبعدين وين ابنحاش من هالممرور هذا هو واقف بيني وبين الباب ويقول لي يالله اخلص علي
قلت له ابشر ياطويل العمر وانا اللي اتلطم عشان محد يشوفني واقعد احك راسي هذي عادتي لامني خفت تجيني حكه في راسي مع اني ماسكت رحت للدكتور صاهود هذا من اكبر دكاترة الكوي عندنا كل من جاه كواه وقلت له يادكتور صاهود انا تجيني حكه في راسي لامني خفت ناظرني الدكتور وقال لواحداً عنده عطنا الحبل ويوم ربطوني آخر كلمة سمعتها قبل لايغمى علي اسمعه يقول للي عنده بنكويه على علباه اما عقل ولا انهبل
انا اللي مزعلني ومضيق صدري ان الحكه ماراحت لكن هين ان ما خلصت انبوبه الغاز حقت صاهود من كثر ما يكوي فيني ونشوف آخرتها انا ولا صاهود
المهم اني دخلت لا والله ان الشات فاضي مافيه الا انا والممرور والشيطان ثالثنا ( نبي رابع ونكمل بلوت )
وانا في عز حكة راسي الا نط الممرور وقال اخلص علي حط ايميلك وانشالله يوم الربوع بيجيك اليوزر والله يستر عليك
وانا اللي احط محفظتي وبطاقة الاحوال وايميلي وايميل الوالده الله يطول في عمرها مع انها لاتقرى ولاتكتب بس انا سويته لها وكل صبح اجيها واقول لها ترى فلانه ام فلان عرفتيها اللي كانت تصيف معنا في الطايف مرسله رساله وتسلم عليتس والوالده تستانس وتقول تكفى اذا كلمتك مره ثانيه ( والله لو انه فاكس ) سلم لي عليها وانشدها عن بناتها هم اعرسو ولا توهم وتقعد الوالده تقول لي والله ان عندها بنات مزايين ذاك الطول وذاك الشعر وذاك الجمال ما ودك اخطب لك منهم وانا اقول لها الله يهديتس يايمه بناتها اعرفهم زين احلى وحده فيهم سنونها اللي قدام كنها واحداً حاط رجل على رجل حتى ذاك اليوم مندوب البلديه يقول لوحده فيهم ترى لازم تسوين ارتداد يوم التفتت علي الوالده وقالت لي من زين سنونك اللي كنها بكت دخان مطلعين منه كم زقاره عشان الدعايه يحليلها الوالده ماتنتحارش
نرجع لسالفتنا حقت الممرور المهم اني نطلت كل اللي في جيبي حتى دراهم الشابوره وطلعت وانا مانيب مصدق اني طلعت
وجا يوم الربوع وارسل لي الممرور ماقصر بس اني كنت مسافر وهذا انا عودت
وحبيت اشكر الممرور على تسجيله لي عضو عندكم وقابعها على اهتمامه فيني مع اني بغيت اخفس عينه
ويالله حيهم
---------------------------------------------------
يالممرور عندي طلبين صغار
اولا : اصرف لي كفرات مثل الربع
خامسا: رد لي دراهم الشابوره
---------------------------------------------------
صوره من الموضوع لعايشه المرطا
اول شيء احب اهنيكم على ساحتكم الحلوه واقول لكم انتم احمدو ربكم ترى الله عطاكم شي لازم تحافظون عليه حتى لو تحطونه في الثلاجه ولا تغلفونه المهم انكم لازم تحافضون عليه
عموما موضوعي اللي بتكلم فيه هو
كيفية العبور عبر بوابة الممرور
والموضوع ذا طويل شوي يعني جب لك كاس شاهي وزين معسلك ولا قرب طفايتك ولا جب لك تبسي كراث واقعد مزمز عليه
في البدايه كنت اجي ساحتكم اتفرج عليها واطلع من بعيد لبعيد ( يعني مناظر بالعيون لمس مافيه ) وكان التسجيل مقفل وقتها وذكرني هالتقفيل بالعاده اللي منتشره عندنا هاليومين وهي ( الوظايف مقفله)
وقعدت اهوجس عن الساحه واعضائها وهل هم بشر مثلنا ولا يختلفون طيب لنفترض جدلاً انهم بشر اذانيهم صغار مثلنا ولا اذانيهم طوال طيب هم يمشون مثلنا ولا لابسين كفرات في رجولهم وداقين اللطم وطايرين بها الكفرات ومجاكر في شارع المنتديات طيب واللي يبنشر منهم وين يصلح كفراته فيه يعني يروح لراعي البنشر يقول له تكفى حط العفريته تحت الكفر اللي عند اصباعي الصغير والله شغله
ماعليكم من طوالتها انا يوم شفت الساحه مقفله صرت ادخل في شاتكم ولقيت فيه الغتر منطوله والمعسلات وزقاير مطفيه على المراكي وقواطي حقت تكحيل للعيون وش دراني انها حقت تكحيل العيون لأن مكتوب عليها نسبة الكحول 50 % المهم ان الشات صاير كنها شقة عزوبيه وانا قاعد اتفرج على شكل شقة العزوبيه الا واشوف طوفريه وفي وسطها بيالتين قلت بس هذي طوفريه الشباب اللي كانو هنا قبلي قلت خلني اشوف ذا البيالات وش كانو يشربون فيها ويوم مديت يدي على وحده من البيالات وتوني بمسكها الا يوم تحركت البياله وتحركت الطوفريه وطلع منها صوت يقول
انت مهبول بغيت تخفس عيني
اثر هالطوفريه رجال وجهه عريض ولابس نظارات ماركة ابو بياله واسمه قابعها
على كثر ما ارتعت على كثر ما استانست اني شفت واحداً من اهل الكفرات
قلت له السموحه ترى الشوف شجر وما شفتك
قال لا عادي وسالني انت من الاعضاء قلت له لا والله انا من مؤيدين زواج المسيار
لكن ودي اكون من الاعضاء وشلون اسجل عندكم ما تقدر تسجلني يالاخو ( احسبه مسؤول ) قال لي لا ارسل لهم بالبريد وهم يسجلونك
ويوم شفت ان الدعوه فيها بريد قلت في نفسي لا والله الا مانيب مسجل انا من وين لي هالمصاريف اقعد ارسل لهم بالبريد لا ويمكن يقولون لي لازم بريد ممتاز لكن اصبر لين احد يتوفى من اللي تعرفهم وذيك الساعه رح للبريد وارسل برقية تعزيه للساحه وطلب تسجيل عضويه لأهل الميت
الا يوم دخل علينا في الشات واحد اسمه الممرور
المهم اني تلقفت وقلت ياللي توك دخلت يالممرور
ان كانك ولد هلا فيك
وان كانك بنت هلوين
انا ذيك الحزه ما اعرف لا ممرور ولا غيره انا كنت في حالي من البيت للياهو ومن الياهو لمكان ثاني مانيب معلمكم به ومن المكان الثاني للبيت ولا قد دخلت لمخفر الشرطه وش يعرفني بالممرور هذي حياتي مقابل ذا الجهاز وعندي شاهي وشابوره واغط الشاهي في الشابوره
بالله واحد يغط الشاهي في الشابوره من وين له يعرف الممرور علموني انتم
المهم ان الممرور رد علي وقال
يا هواوي ان كانك ولد مرحباً فيك
وان كانك بنت مرحبتين كبار
هو قال كبار ولا ماقالها وانا اللي اقول في نفسي ياهواوي ما والله يقول ذا الكلمه الا ياراعي تكسي ياراعي حافله لكن هج بعمرك
الا يوم نقز ابو بيالات قابعها وقال لي انت صاحي هذا الممرور هذا اللي بيده التسجيل وموضوعك عنده لكن اصبر بكلمه لك يمكن يسجلك
قال قابعها للممرور مساك الله بالخير ياطويل العمر
قال له الممرور الله يمسيك بالنور ياقابعها
وقعدو يتشاورون ويناظروني بعيونهم
قلت السالفه مهيب سالفة راعي تكسي ولا حافله هذا يقولون له ياطويل العمر وانا مااعرف احد يقولون له ياطويل العمر الا واحداً في بالي لكن هذا شكله غير هذاك اللي نشوفه في الاخبار هذا شكله يطلع في فلم كرتون طبعاً انا اقصد باللي يطلع في الاخبار غالب كامل مهوب احداً غيره
المهم وشوي الا يوم قال ذا اللي اسمه الممرور
ابشر دامك من طرف قابعها ابشر ومايصير الا خير تعال لي الحين لم الشات الصوتي وانا اسجلك وراح ذا اللي اسمه الممرور لم الشات الصوتي وقعد ابو بيالات مقابلني كنه يحرسني والا يحتري دوره متى يجي
لا والله يوم ضاقت بي الوسيعه انا وش بلاني الله بهالتسجيل اللي فيه مناظر بالعيون ومساسر وآخرتها سوالف بالشات الصوتي ( لحد يتميلح ويقول شات ولا طلي ) وبعدين انا وش دراني اذا هم صادقين يبون يسجلوني ولا يبون شي ثاني ( ثاني = اللي قبل ثالث ) وقامت تلعب بي الهواجيس باصات ون تو ياربي وش كانو يقولون يومهم يتساسرون ويناظروني وبعدين ذا ابو بيالات انا من يوم شفته وانا القولون عندي قام ينقز الله يستر منهم لايكونون من الارهابيين اللي لامر احد من عند بيتهم لغفوه بالحصى واذا وقف لهم خذو اللي في جيبه طيب وين اخش الخمستريل اللي ماخذها ابي اشتري بها شابوره لا عاد ماوصلت ياخذون دراهم الشابوره والله ان تصير مذبحه مابقى الا هي ياخذون اللي يبون الا دراهم الشابوره
وفي الاخير قررت وقلت لنفسي ياهواوي الله الله بالعطه تراهم يمدحونها ( العطه = النحشه ) وقعدت اتشوف لنعالي وانتو بكرامه ومجهز وحده من يديني لمسكة الثوب والثانيه للنعال وفتحت ثمي عشان اعض شماغي فيه لاجيت اعط
وتوني بقول لهم ان كان فيكم خير الحقوني واذا مسكتوني سوو اللي تبونه ( هذي كلمتي لاجيت اعط ) الا يوم طلع لي ذا اللي اسمه الممرور مره ثانيه وقال تراك ابطيت علي اخلص يالله مشينا وبعدين تراني مانيب فاضي لك ترى فيه ناس غيرك
انشهد انها هانت يوم الله بغاها تهون دام فيه ناس غيري اجل بروح واحط راسي مع الرووس وبعدين وين ابنحاش من هالممرور هذا هو واقف بيني وبين الباب ويقول لي يالله اخلص علي
قلت له ابشر ياطويل العمر وانا اللي اتلطم عشان محد يشوفني واقعد احك راسي هذي عادتي لامني خفت تجيني حكه في راسي مع اني ماسكت رحت للدكتور صاهود هذا من اكبر دكاترة الكوي عندنا كل من جاه كواه وقلت له يادكتور صاهود انا تجيني حكه في راسي لامني خفت ناظرني الدكتور وقال لواحداً عنده عطنا الحبل ويوم ربطوني آخر كلمة سمعتها قبل لايغمى علي اسمعه يقول للي عنده بنكويه على علباه اما عقل ولا انهبل
انا اللي مزعلني ومضيق صدري ان الحكه ماراحت لكن هين ان ما خلصت انبوبه الغاز حقت صاهود من كثر ما يكوي فيني ونشوف آخرتها انا ولا صاهود
المهم اني دخلت لا والله ان الشات فاضي مافيه الا انا والممرور والشيطان ثالثنا ( نبي رابع ونكمل بلوت )
وانا في عز حكة راسي الا نط الممرور وقال اخلص علي حط ايميلك وانشالله يوم الربوع بيجيك اليوزر والله يستر عليك
وانا اللي احط محفظتي وبطاقة الاحوال وايميلي وايميل الوالده الله يطول في عمرها مع انها لاتقرى ولاتكتب بس انا سويته لها وكل صبح اجيها واقول لها ترى فلانه ام فلان عرفتيها اللي كانت تصيف معنا في الطايف مرسله رساله وتسلم عليتس والوالده تستانس وتقول تكفى اذا كلمتك مره ثانيه ( والله لو انه فاكس ) سلم لي عليها وانشدها عن بناتها هم اعرسو ولا توهم وتقعد الوالده تقول لي والله ان عندها بنات مزايين ذاك الطول وذاك الشعر وذاك الجمال ما ودك اخطب لك منهم وانا اقول لها الله يهديتس يايمه بناتها اعرفهم زين احلى وحده فيهم سنونها اللي قدام كنها واحداً حاط رجل على رجل حتى ذاك اليوم مندوب البلديه يقول لوحده فيهم ترى لازم تسوين ارتداد يوم التفتت علي الوالده وقالت لي من زين سنونك اللي كنها بكت دخان مطلعين منه كم زقاره عشان الدعايه يحليلها الوالده ماتنتحارش
نرجع لسالفتنا حقت الممرور المهم اني نطلت كل اللي في جيبي حتى دراهم الشابوره وطلعت وانا مانيب مصدق اني طلعت
وجا يوم الربوع وارسل لي الممرور ماقصر بس اني كنت مسافر وهذا انا عودت
وحبيت اشكر الممرور على تسجيله لي عضو عندكم وقابعها على اهتمامه فيني مع اني بغيت اخفس عينه
ويالله حيهم
---------------------------------------------------
يالممرور عندي طلبين صغار
اولا : اصرف لي كفرات مثل الربع
خامسا: رد لي دراهم الشابوره
---------------------------------------------------
صوره من الموضوع لعايشه المرطا