من مذكرات ....ديموقراطي!!!!

[راعي العليا]

كنت اسمع في اخبار قناة "فت و كل" واخبار وكالة "يقولون" ذائعة الصيت...فاز الديموقراطي... اكتسح الديموقراطي...نام الديموقراطي... خش مزاجي هالديموقراطي...وقررت اني اكتشف وش هو من رجال..وش ياكل...وش يشرب.. ومن كثر اعجابي بهالديموقراطي كنت احلم اني اتزوج بنته ديموقراطيه..ومن كثر ما وسوست بها صرت احلم بها (حلم شريف)...غيرت كل عادات الاكل حقتي...وبدال مااكل شابوره مغمسه بماء ساخن على الفطور...وكبسه على الغداء..ومخ حاشي على العشاء... صرت اكل واتنفس ديموقراطيه (يضرب الحب شو بيذل)...كنت اقرى اخر اخبار ديموقراطيه في مجلة ماجد... صجيت ابوي انه يغير اسمي الى "ديموقراطي"...ماني قايل لكم وين نمت ليلتها...بعدها سلمت بالاسم الراهن...وايقنت ان اهم شي الاخلاق والا الاسامي تروح وتجي..وان لعبة الاسامي ماهي لعبه من العاب حياتي ديموقراطيه... وكانت احلى حصه في المدرسه...حصة التعبير لما تكون تعبير حر... اللللله ذيك الحصه ابدى اتغزل بعمري ديموقراطيه...كنت اوصف الجمال اللي عطاها الله...وخلى كل البنات تغار منها...وكنت اوصف ردة فعل عيال الحاره لما اجمعهم واقول لهم مغامراتي المزعومه مع صاحبة الرفعه والشان ديموقراطيه وكيف كان ماجد عبدالله ينافسني عليها بس انا انتصرت عليه بالضربه القاضيه ومن اللكمه الاولى....كانت ديموقراطيه ماخذه عقلي وتفكيري...كنت اذا مالي خلق اجيب اغراض البيت وقبل ماتبدى امي هجومها ابدى هجومي واقول لها خليك ديموقراطيه...عندها تتمتم امي بكلمات لم افك شفرتها لحد الان..لكن كان حدسي (ودائما حدس الديموقراطي لايخيب) يقول لي انها تسال الله ان يرزقها ولد اخر بدل اللي لذعت فيوزه و واقف قدامها ...ماعلينا.... وكانت اول بداياتي الديموقراطيه الفعليه لكي اتقرب من حبيبة قلبي ديموقراطيه.. لما قررت الشله تطلع للبر خميس وجمعه...وطبعا لكل طلعه رئيس...بما انني السياسي الفاهم في الشله اشرت عليهم بان نسوي انتخابات عشان نختار الرئيس...طبعا هذي تعلمتها من ديموقراطيه لما كانت تجيني في الليل وابوها ما يدري وكنا نقعد نسولف لثاني يوم الصبح (والله بس سوالف)...المهم كل واحد من الثمانيه رشح نفسه...بعد فرز النتايج كل واحد حصل على صوت...متعادلين...كانت زي المعادله مستحيلة الحل...ما قد ديموقراطيه كلمتني عن الحاله هذي...بس بعد تفكير طويل...والاخذ بالقياس على حالة مشابهه قد اخبرتني بها ديموقراطيه...اشرت على الشباب نسوي تصفيات..كل اثنين يلعبون على قطعة هلل...اللي تطابق اختياره مع الجهه اللي طاحت عليها القطعه بعد رميها هو الفايز... والفايز يتاهل للدور اللي بعده...وبعد مباريات حماسيه...وقف الحظ معي وفزت بالانتخابات...صرت رئيس الطلعه...عندها ايقنت ان الديموقراطيين لازم يفوزون في اي انتخابات..وبما اني الرئيس قررت القطه من ميتين ريال وانا غير محسوب..(من دروس ديموقراطيه)...وبعد تجهيز العفش ذهبنا لوجهتنا...بعد ماوصلنا للمنطقه اللي نبيها...استشرت الشباب باحسن موقع للتخييم (ديموقراطي..روحا لا اسما)..مع ان كان ودي نخيم جنب بقاله على الخط عشان نكون قريبين من ضوها وعشان كان فيها حمام...كل واحد كان يقترح مكان..وبعد ما سمعت الاقتراحات...وبابتسامه علمتني اياها ديموقراطيه قررت انا نخيم جنب البقاله... وبعد ان زبط الشباب الخيمه وانا كنت وقتها جالس في السياره الداتسون اتصيد اي موجات معاديه على الراديو... جاؤو يعلموني ان كلش تمام...واللي بسطني اكثر العبارات اللتي كنت اسمعها منهم...سم طال عمرك...ابشر الله يحييك...الله يخليك ذخر لنا وللكواكب اللي حولنا...هذا غير ان الواحد كان ينتفظ قدامي لما احط عيني بعينه (ابوك يالديموقراطيه وما تسوي)...وبعد ان جهزنا البنيه التحتيه للمخيم...امرتهم بصوتي الاجش المبرقش ان يحضروا قواطي التونه وجبنة كرافت وبعض الزيتون لنتعشى عليهن...وكاي شباب بدانا لعب البلوت (لعبه مفضله لديموقراطيه)...بما اني الرئيس لازم العب اول واحد واكون جالس في اللعب سواء منهزم والا فايز(ديموقراطي)....وعندما جاء النوم وزعت الشباب وحددت مكان نوم كل واحد مع وضع حراسه مشدده على قواطي التونه والجبنه والزيتون...وبعد التاكد ان كل واحد ذهب الى الحمام قبل النوم توجهت الى جناحي الخاص على مرتبة الداتسون ذات الغماره الواحده...لاتسالوني شلون كلكم الثمانيه جيتوا بداتسون غماره وحده...عندها سارد هناك اختراع يسمى حوض...حيث ركبت انا وتركي الدب السواق في الغماره والبقيه كانوا ملوحين بالحوض كوجيه العطايا ايام المربعانيه (اسلوب ديموقراطي)...وبعد ان صحينا صباح الخميس حوالي الساعه الثانيه عشره حيث وجدت البشكه منومين في الحوض ...اخذنا سرى على حمام البقاله طبعا انا ماخذت سرى (ديموقراطي )...شفتوا شلون استفدنا من الموقع (تفكير ديموقراطي )..وبعد ان افطرنا على قواطي التونه والجبنه واالزيتون...حبينا نهضم شوي...قسمنا فريقين كوره...وكان من اهم الاحداث الديموقراطيه اللي تسعفني ذاكرتي الديموقراطيه بحصرها...كسر تركي الدب لسلمان اللي في فريقنا...وانا على طول عطيته كرت احمر بدون تردد..وقررت انه ما يدخل الخيمه وينام واقف كل الليل ...واتذكر بعد انه كان فيه احتجاجات من الفريق الثاني ..وكانوا يبوني اعطي سلمان كرت احمر لانه كسر حمد نفس كسرت تركي لسلمان..بس حمد زياده على كذا اصيب بعاهه مستديمه...بس انا رديت كيدهم في نحورهم...وقلت لهم ان نية سلمان على الكوره وان حمد المفروض يبعد رجليه...عشان كذا عطيت حمد كرت احمر واخذت بخاطر سلمان (ديموقراطيه)...المهم اقتنعوا وكملنا المباراه ذات 10 دقائق كوقت اصلي وساعتين كوقت اضافي لاننا كنا مهزومين 2-0 وما صفرت لين جبنا التعادل (ديموقراطي)..وبعد مااكلنا غدانا من قواطي التونه والجبنه واالزيتون...جلسنا جلسة مصارحات..(جلسه ديموقراطيه)..وقال كل واحد ما تخفيه كبده من اسرار نوويه..انا وبحكم الرئاسه ما قلت اسرار الدوله..انا سويت هالجلسه عشان استخدمها ضدهم في حالة اي انقلاب.. (الله يذكرك يا ديموقراطيه بالخير)...المهم احداث ليلة الخميس كاسابقتها مع اختلاف طفيف هو ان تركي كان واقف برى...ومع صباح الجمعه وبعد افطارنا على ما تبقى من قواطي التونه والجبنه واالزيتون...شدينا الرحال وذهبنا الى بيوتنا مودعين بمثل ما استقبلنا به من ديموقراطيه...ومن هذاك اليوم وحتى يومنا هذا ادركت ان كلمة ديموقراطيه لها مفعول السحر...ليس شرطا ان تفهم معناها بقدر ان تردد شعارات تحت مسمى هذه الديموقراطيه المسكينه...وليس عيبا في الديموقراطيه ان تردد هرطقات وتنفذ عكسها...باستخدامك كلمة ديموقراطيه تستطيع ان تصبح رئيسا على عميان كل همهم ارضائك وتبجيلك....


من اقوال متقرمط " جربوا الديموقراطيه...انها تقرمش"... http://www.eqla3.com/file/ubb/wink.gif

------------------
وكلي رجا بظلمك لاتمادى...

مابقى الا عظاما يتهادى...

وجسم على القبر ينادى....

[الـمـايـقـــة]

كان صبرتو لين جت ردود ؟؟؟

------------------
من نقم الدنيا على المرء ان تصالي درو