مخرج 13
11-04-2000, 15:01
قبل البارحة بين عشاوين الضحى ..اصابني التعب من القعدة واستعراض بعض الأفلام الجديدة ...اللي يطلعون بعدها 100 فلم غيرة وهو ما بعد وصلنا ..
واذا وصلنا ودوه الحلاق وحلقوه تواليت(تواليت مهب حمام وانتم بكرامت؟)
وجابوه مقطع وغلفوة بغلاف جديد وباعوه على حقين الفيديو اللي راحو فيها عقب الدشوش !!! نديور لموضوعنا.. وبعدماطقني التعب...قلت مابدهاشي وخل عنك الواشي !!
وركبت سيارتي وعلى البيت عدل...أقبلت على البيت...وأشوف ذيك الكراسيدا البقس ومظلله تديور من أخر الشارع وراها حشد يديورون بعد....قلت لا حول الله..متى نخلص من هالمناظر.!!وضغطت (الريمونت) حق القراش ودخلت السيارة(يعنني عندي ريموت في السيارة)!!نطلع من الموضوع ,تصدقون كلش صار (بريموت كنترول ) وما بقى الا يسون واحد للأرجيلة حقت المعسل ,تضغظ وتعطيك نفس ,تضغط وتغير من تفاح لمدري وشو؟(كأني أعسل وألا أحب المعسل عاد!!)
ويوم دخلت الشقه ..واسمي برحمن ..وعلى الغرفه عدل..يالله أعلق الثوب ..!!
واجيك ماغظ وفي حركه بهلوانيه محببه لي ...في طمرة وحدة أشغل المكيف وأنزل زحفً داخل اللَحاف...المهم وعضيت المخده..ماأرتحت ..قمت رحت لثوب اللي كنت لابسه ومن المعلاق أخذته ورميته على الأرض ..عشاني متعود أفصخ الثوب وأرميه ما أعلقه(مابغيت أكذب عليكم)..ورجعت للمخدة وعضيتها مرة ثانيه ونمت قرير العين!!!!
فجأة فزيت كني قريصن عضه الداب..على ماقال خوينا بشير شنان ,على صوت تشويت أحدهم باب الشقه..وقلت خير اللهم (أقعلوه) خير!!...وأروح أفتح الباب..
ياله أفتح عيوني من النور..كأني غويمض !! فتحته وماشفت الا هوى داخل وأرفع راسي واناظر يمين يسار ...مافيه أحد!!؟!!صكيت الباب..وهميت ملتفتن راجعن للمخدة..,
...الا وألقى في وجهي شي أسود !!..رجعت مرة ثانيه للباب أطل مع العين السحريه (أصرف ,ومنها قلت أكسب وقت وأجمع شوي..يمكن أعرف وش هاللي وراي ؟, وش هالشي الأسود؟)
وقعدت أقرا الحمد والمعوذات وكل شوي (اتفو...أتفو عليك يالشيطان )
ما خليت شي قد حفظته...الا قلته ,حتى اللي ماقد حفظته قلته بعد من الخوف!!
قالت مادريت انك خواف كذا؟..تعال انت وجهك!!
واسمع طقطقت علك مستكىيصاحبها طقطقت كعب عالي!!
قلت وش خوافه مايخاف من في يده هالبلجيكي النيكل عيار45 ملي !!
(يقالي بألعب عليه. لأن رجلي نشبت وماهقيت ان الجاذبيه أقوى من السمنت من الخوف)وهذا غير أم الركب!
قالت أها بس ولاتكثر هرج مثل مايقالون لك دايم في المنتى العام ,
وصلح لي كوفي وذأوت ملك ترى راسي صاكني !!
تقل جتني بعض الثقه وقدرت اللتفت بعد مقابل الباب كل هالوقت ..وماشوف الا عباة وعيون كبار بس!!
قلت مين أنتِ ووش تبين مني ,وعسى ماشافس أحد من أخواني وأنتِ داخله....يوووه الوالدة لا تورطيني معها..لا تخربين سمعتي عندها!!
واللي يرحم والديس , استري علي , تراي مقطوع من شجرة ويتيم من يوم أني صغير الين ماصرت (ثورن) يافع !!ما بعد خش دنيا ..ترى مالي دخل!!
لاتورطينا والله لو يدرون الشباب انس عندي أن يمسكون سرى..!!
قالت أحترم نفسك وش سراه..وش فيك الى الحين خايف ما عرفتني ؟
..قلت أقطعي المعرفه ..من تكونين يعني؟..وبعدين قصدي يمسكون سرى على الباب حق الشقه يحتروني أفتح لهم بس!!
قالت أنا الـــــــــعـــــــيـــــــــون الــــــــــســـــــــــــود !!
ولا..نسيتني زيهم بعد أنت يامخرج13..مثل ما نسوني كل المقلعات قبل المقلعين في الساحه..وطاحت دمعه وحاوت تخبيهاعني!! http://www.eqla3.com/file/ubb/frown.gif http://www.eqla3.com/file/ubb/frown.gif
سويت نفسي ماشفت شي وقلت أهلين بالعيون السود أقلطي..وش دعوى نسيتس ياوخيتي؟
..وصط لخبطه وعواصف من العواطف ...من خوف..لأم الركب..لثقه بصيطه..لفرح(أنها أنس مهب جن)..للفرح ثانيه أنها خويتنا في الساحه...لحزن على حزنها والأهم طيحت دمعتها بسب اللي نسوها (بصرعه) وماسألو عنها!!!
وتقعد في الكرسي الهزاز حقي من بد باقي الجلسه..وقعدت تطالع في السقف وهي تسأل عنكم وحدة وحدة,وواحد واحد من مقلعات ومقلعين ماخلت ألا واحد بس؟!!
وأنا جالس أسمعها وأعلمها من المطبخ المفتوح على الصاله ,وأصلح لها البلاك كوفي اللي طلبته!!
جبت لها الكوفي حقها ,ألقى ها تمسح دموعها من تحت الغطوة اللي نزلت على كل واحد أو وحدة ذكرتها لها!!
قلت لها محاولً أضحاكها ..لو شفتي الأعضاء الجديدات والجديدين ,كل يوم ناط لنا واحد منهم يقييم
الساحه ويطور وهو توه بعد ماطلع له ريش...والمفروض وغير المفروض يقعد يزعجنا به!
لاحظت ان كل 13 جديد يطلع واحد من هالنوعيه ألين يمل.(مثلي أول ما سجلت)!
تصدقين من سجلت يعني منذو مبطي والى الحين كل شوي طالع لنا واحد يعرف الأقلاع ,
والممرور والباقين من المشرفين كل شوي ناشب لهم واحد !؟!!
والممرور من مبدأ سياسة الساحة لازم يرد عليهم ..من كثر ما ردعليهم.. ضيع!!تصدقين شافوه مرة جاي
لساحه ورقى بسيارته/الشبح الأشهب الماتلك ,ولبق عند مكتبه اللي يطل على الساحه وباقي
المنتديات مباشرة ,يوم نزل من موتره..وألا ماعليه ألا صروال سنه قصير وفنيلة علاق مشخله بس!
نفسي أوصيه على درزن من نمونت المشخلة للصيف الشاوي هالسنه ودرزن من صراويل السنه الجيشي القصيرة.
وأشوى أبتسمت شوي ...ثمن ماتت من الضحك ...ماقدرت تمسكها...قلت أصصصص لاتورطينا ..يسمعونس العالم
وين أنتِ فيه ترانا في الرياض ...مهب في جدة على كيفس ...في الشاليهات وبرا الشاليهات وتحت الشاليهات!!..(واحد أبعد شي راح له جدة, يحسبها خارج المملكة ).<--( رقعتها عشان مايزعل ابن طرطشلي الله يرجعه بالسلامه!) http://www.eqla3.com/file/ubb/smile.gif
قالت والمايقه وش أخبارها ؟ قلت مبهذلينها الوراور...!!
ومصطول وش أخر ما شطح به من مواضيع؟...قلت مهب ملحق على القواطي من كثرها ..بس راحمه الله ببوت الأديداس هذاك القديم شاريه من الفالح!!
قالت من بعد بقى ...قلت وهل كيف يعقل تنسين كبيرهم الذي علمهم أن الماصلة حق... الحاج/ حجي تيزاب أطال الله في مصالته ..وان جيتي للحق ياليت ..كلهم تيزاب!!
قالت هذيك وش اسمها بايعة القرقاص ..لالاقصدي بائعه الكراث..والله واحشتني بقوة بس لا تعلمها ..وش مسويه من غيري؟
قلت لها الحمدلله والله مادرت عنس...وقاعدةٍ للحنش تحارش ...(وسكت ما كملت كني تعلقت على وترونحاس!!.)..قصدي روست على مرواس حساس http://www.eqla3.com/file/ubb/smile.gif
وأصرف كني أطالع كب الكوفي حقها ..الا يوم طاح شي فيه ..وأرفع راسي أطالعها ...الا ودمعه ثانيه نازله من عينها الثانيه ..وتوالت الدموع أربع أربع...(قلت وليين ..وش قلت أنا!!!)
..وبعد مضي مدةُُ من المشاهق والصياح...قالت :- الحــنــش ..اه بس (وفقعت كم تنهيدها ورها)
قالت الله يعينكم عليهم والفنايل اللي بتتشقق في المنتدى العام..
وخنقتها العبرة وقالت وحشتني تقليطها ..عشان فيها من ريحة الحنش ...أوومففففا http://www.eqla3.com/file/ubb/frown.gif http://www.eqla3.com/file/ubb/frown.gif
ودخلت يدها في صدرها عندالمخباة السريه اللي عند الحريم بس ...وعلى ورا نطيت واقف على الكرسي..أقولها..لالا....لايالخبلة!!
وش ناويه تطلعين توريني ؟...(بزعمي مخبي عيوني ماأشوف...وأنا وقفت (أصلن) عشان أطل!!)
قالت الله يقطعك ما تجز عن حركاتك ...أنطق على كرسيك بس !!...وش فيك !!؟
..ترى لو ماأعرف أن أمك حولنا كان ما جيتك أنت وجهك!! ...ودخلت عيونها داخل العباة ..وصرت ما أشوف
ألا عباة بس!!.. قاعدة على الكرسي الهزاز حقي...وفجأة طلعت يد ومدت لي رسالة هذا نصها:-
من العيون السود الى أخواتي وأخوتي في ساحه الأحباء ساحه الأقلاع ..............المحترمين .
السلام عليكم ورحمة الله وبركاته, تحية عطره ......أما بعد.
أولاُ اللي قاله لكم هالمولي فوق أعلاه من خزعبلات ترى ما عنده سالفه ونصاب بعد!!
ثانياُ خلوا البنات في حالهن ..ويكفي مواضيع عنهن مكررتات !
ً مواضيع القواطي ..كاثرات ...واجدات...بالحيلات...أويات...
ولريووم على الاسم مبروكات..وViP600 تستاهلات...ولبايعة الكراث وحشات...وللمايقه تحيات..والحنش يانكرات الجميلات...بس احبك واحب صراويلك المعلقات !! http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
ولتيزاب عليك بهم واجلد كل من جاك...(شيراك)<--ممسوح!!!وتستاهل التيزابيات..!ولمصطول اللهم كثر الصطلات...
ثالثا لم يسعفني الوقت على وداعكم ..بل لم يخبرني أحد منك عن قرب رحيلي ..وأغمضوا عيني وقادوني..وفي غفلةٍ أخذوني ...وأعدموني ..دون أن يسألوني
عن تحقيق أخر أمنية لي..كنت سأطلب دقيقه لو داع أحبابي وأصحابي ..
أعدموني بلا محاكمه أو رأفه ...حيث لا رجعه لي بعد اليوم...
أذا كانت لحظة الوداع طعمها مرً وقاتل...تذكر حينها أن الوداع هنا..أخف وأرحم لك من أن تسلب
حتى ان تعيش هذه اللحظة...........
ولاعات ...طفيات ...دباسات...وللجميع وداعات ...واحترامات ..من العيون السودات.
...................................تحياتي الخالصه للجميع!!
""""""""""""""""""""""""""""""""""""
" UnZiP " كان يفعلها المرء في بيت الخلاء...أماليوم فأمام الجميع يفعلونها دون حياءُ !
""""""""""""""""""""""""""""""""""""""""""""
((تحذير دائري شرقي))ترى حقوق الشخبطه محفوظه حقت مخرج 13نت ورك® 2000 ©
""""""""""""""""""""""""""""""""""""""""""""""""""""""
واذا وصلنا ودوه الحلاق وحلقوه تواليت(تواليت مهب حمام وانتم بكرامت؟)
وجابوه مقطع وغلفوة بغلاف جديد وباعوه على حقين الفيديو اللي راحو فيها عقب الدشوش !!! نديور لموضوعنا.. وبعدماطقني التعب...قلت مابدهاشي وخل عنك الواشي !!
وركبت سيارتي وعلى البيت عدل...أقبلت على البيت...وأشوف ذيك الكراسيدا البقس ومظلله تديور من أخر الشارع وراها حشد يديورون بعد....قلت لا حول الله..متى نخلص من هالمناظر.!!وضغطت (الريمونت) حق القراش ودخلت السيارة(يعنني عندي ريموت في السيارة)!!نطلع من الموضوع ,تصدقون كلش صار (بريموت كنترول ) وما بقى الا يسون واحد للأرجيلة حقت المعسل ,تضغظ وتعطيك نفس ,تضغط وتغير من تفاح لمدري وشو؟(كأني أعسل وألا أحب المعسل عاد!!)
ويوم دخلت الشقه ..واسمي برحمن ..وعلى الغرفه عدل..يالله أعلق الثوب ..!!
واجيك ماغظ وفي حركه بهلوانيه محببه لي ...في طمرة وحدة أشغل المكيف وأنزل زحفً داخل اللَحاف...المهم وعضيت المخده..ماأرتحت ..قمت رحت لثوب اللي كنت لابسه ومن المعلاق أخذته ورميته على الأرض ..عشاني متعود أفصخ الثوب وأرميه ما أعلقه(مابغيت أكذب عليكم)..ورجعت للمخدة وعضيتها مرة ثانيه ونمت قرير العين!!!!
فجأة فزيت كني قريصن عضه الداب..على ماقال خوينا بشير شنان ,على صوت تشويت أحدهم باب الشقه..وقلت خير اللهم (أقعلوه) خير!!...وأروح أفتح الباب..
ياله أفتح عيوني من النور..كأني غويمض !! فتحته وماشفت الا هوى داخل وأرفع راسي واناظر يمين يسار ...مافيه أحد!!؟!!صكيت الباب..وهميت ملتفتن راجعن للمخدة..,
...الا وألقى في وجهي شي أسود !!..رجعت مرة ثانيه للباب أطل مع العين السحريه (أصرف ,ومنها قلت أكسب وقت وأجمع شوي..يمكن أعرف وش هاللي وراي ؟, وش هالشي الأسود؟)
وقعدت أقرا الحمد والمعوذات وكل شوي (اتفو...أتفو عليك يالشيطان )
ما خليت شي قد حفظته...الا قلته ,حتى اللي ماقد حفظته قلته بعد من الخوف!!
قالت مادريت انك خواف كذا؟..تعال انت وجهك!!
واسمع طقطقت علك مستكىيصاحبها طقطقت كعب عالي!!
قلت وش خوافه مايخاف من في يده هالبلجيكي النيكل عيار45 ملي !!
(يقالي بألعب عليه. لأن رجلي نشبت وماهقيت ان الجاذبيه أقوى من السمنت من الخوف)وهذا غير أم الركب!
قالت أها بس ولاتكثر هرج مثل مايقالون لك دايم في المنتى العام ,
وصلح لي كوفي وذأوت ملك ترى راسي صاكني !!
تقل جتني بعض الثقه وقدرت اللتفت بعد مقابل الباب كل هالوقت ..وماشوف الا عباة وعيون كبار بس!!
قلت مين أنتِ ووش تبين مني ,وعسى ماشافس أحد من أخواني وأنتِ داخله....يوووه الوالدة لا تورطيني معها..لا تخربين سمعتي عندها!!
واللي يرحم والديس , استري علي , تراي مقطوع من شجرة ويتيم من يوم أني صغير الين ماصرت (ثورن) يافع !!ما بعد خش دنيا ..ترى مالي دخل!!
لاتورطينا والله لو يدرون الشباب انس عندي أن يمسكون سرى..!!
قالت أحترم نفسك وش سراه..وش فيك الى الحين خايف ما عرفتني ؟
..قلت أقطعي المعرفه ..من تكونين يعني؟..وبعدين قصدي يمسكون سرى على الباب حق الشقه يحتروني أفتح لهم بس!!
قالت أنا الـــــــــعـــــــيـــــــــون الــــــــــســـــــــــــود !!
ولا..نسيتني زيهم بعد أنت يامخرج13..مثل ما نسوني كل المقلعات قبل المقلعين في الساحه..وطاحت دمعه وحاوت تخبيهاعني!! http://www.eqla3.com/file/ubb/frown.gif http://www.eqla3.com/file/ubb/frown.gif
سويت نفسي ماشفت شي وقلت أهلين بالعيون السود أقلطي..وش دعوى نسيتس ياوخيتي؟
..وصط لخبطه وعواصف من العواطف ...من خوف..لأم الركب..لثقه بصيطه..لفرح(أنها أنس مهب جن)..للفرح ثانيه أنها خويتنا في الساحه...لحزن على حزنها والأهم طيحت دمعتها بسب اللي نسوها (بصرعه) وماسألو عنها!!!
وتقعد في الكرسي الهزاز حقي من بد باقي الجلسه..وقعدت تطالع في السقف وهي تسأل عنكم وحدة وحدة,وواحد واحد من مقلعات ومقلعين ماخلت ألا واحد بس؟!!
وأنا جالس أسمعها وأعلمها من المطبخ المفتوح على الصاله ,وأصلح لها البلاك كوفي اللي طلبته!!
جبت لها الكوفي حقها ,ألقى ها تمسح دموعها من تحت الغطوة اللي نزلت على كل واحد أو وحدة ذكرتها لها!!
قلت لها محاولً أضحاكها ..لو شفتي الأعضاء الجديدات والجديدين ,كل يوم ناط لنا واحد منهم يقييم
الساحه ويطور وهو توه بعد ماطلع له ريش...والمفروض وغير المفروض يقعد يزعجنا به!
لاحظت ان كل 13 جديد يطلع واحد من هالنوعيه ألين يمل.(مثلي أول ما سجلت)!
تصدقين من سجلت يعني منذو مبطي والى الحين كل شوي طالع لنا واحد يعرف الأقلاع ,
والممرور والباقين من المشرفين كل شوي ناشب لهم واحد !؟!!
والممرور من مبدأ سياسة الساحة لازم يرد عليهم ..من كثر ما ردعليهم.. ضيع!!تصدقين شافوه مرة جاي
لساحه ورقى بسيارته/الشبح الأشهب الماتلك ,ولبق عند مكتبه اللي يطل على الساحه وباقي
المنتديات مباشرة ,يوم نزل من موتره..وألا ماعليه ألا صروال سنه قصير وفنيلة علاق مشخله بس!
نفسي أوصيه على درزن من نمونت المشخلة للصيف الشاوي هالسنه ودرزن من صراويل السنه الجيشي القصيرة.
وأشوى أبتسمت شوي ...ثمن ماتت من الضحك ...ماقدرت تمسكها...قلت أصصصص لاتورطينا ..يسمعونس العالم
وين أنتِ فيه ترانا في الرياض ...مهب في جدة على كيفس ...في الشاليهات وبرا الشاليهات وتحت الشاليهات!!..(واحد أبعد شي راح له جدة, يحسبها خارج المملكة ).<--( رقعتها عشان مايزعل ابن طرطشلي الله يرجعه بالسلامه!) http://www.eqla3.com/file/ubb/smile.gif
قالت والمايقه وش أخبارها ؟ قلت مبهذلينها الوراور...!!
ومصطول وش أخر ما شطح به من مواضيع؟...قلت مهب ملحق على القواطي من كثرها ..بس راحمه الله ببوت الأديداس هذاك القديم شاريه من الفالح!!
قالت من بعد بقى ...قلت وهل كيف يعقل تنسين كبيرهم الذي علمهم أن الماصلة حق... الحاج/ حجي تيزاب أطال الله في مصالته ..وان جيتي للحق ياليت ..كلهم تيزاب!!
قالت هذيك وش اسمها بايعة القرقاص ..لالاقصدي بائعه الكراث..والله واحشتني بقوة بس لا تعلمها ..وش مسويه من غيري؟
قلت لها الحمدلله والله مادرت عنس...وقاعدةٍ للحنش تحارش ...(وسكت ما كملت كني تعلقت على وترونحاس!!.)..قصدي روست على مرواس حساس http://www.eqla3.com/file/ubb/smile.gif
وأصرف كني أطالع كب الكوفي حقها ..الا يوم طاح شي فيه ..وأرفع راسي أطالعها ...الا ودمعه ثانيه نازله من عينها الثانيه ..وتوالت الدموع أربع أربع...(قلت وليين ..وش قلت أنا!!!)
..وبعد مضي مدةُُ من المشاهق والصياح...قالت :- الحــنــش ..اه بس (وفقعت كم تنهيدها ورها)
قالت الله يعينكم عليهم والفنايل اللي بتتشقق في المنتدى العام..
وخنقتها العبرة وقالت وحشتني تقليطها ..عشان فيها من ريحة الحنش ...أوومففففا http://www.eqla3.com/file/ubb/frown.gif http://www.eqla3.com/file/ubb/frown.gif
ودخلت يدها في صدرها عندالمخباة السريه اللي عند الحريم بس ...وعلى ورا نطيت واقف على الكرسي..أقولها..لالا....لايالخبلة!!
وش ناويه تطلعين توريني ؟...(بزعمي مخبي عيوني ماأشوف...وأنا وقفت (أصلن) عشان أطل!!)
قالت الله يقطعك ما تجز عن حركاتك ...أنطق على كرسيك بس !!...وش فيك !!؟
..ترى لو ماأعرف أن أمك حولنا كان ما جيتك أنت وجهك!! ...ودخلت عيونها داخل العباة ..وصرت ما أشوف
ألا عباة بس!!.. قاعدة على الكرسي الهزاز حقي...وفجأة طلعت يد ومدت لي رسالة هذا نصها:-
من العيون السود الى أخواتي وأخوتي في ساحه الأحباء ساحه الأقلاع ..............المحترمين .
السلام عليكم ورحمة الله وبركاته, تحية عطره ......أما بعد.
أولاُ اللي قاله لكم هالمولي فوق أعلاه من خزعبلات ترى ما عنده سالفه ونصاب بعد!!
ثانياُ خلوا البنات في حالهن ..ويكفي مواضيع عنهن مكررتات !
ً مواضيع القواطي ..كاثرات ...واجدات...بالحيلات...أويات...
ولريووم على الاسم مبروكات..وViP600 تستاهلات...ولبايعة الكراث وحشات...وللمايقه تحيات..والحنش يانكرات الجميلات...بس احبك واحب صراويلك المعلقات !! http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
ولتيزاب عليك بهم واجلد كل من جاك...(شيراك)<--ممسوح!!!وتستاهل التيزابيات..!ولمصطول اللهم كثر الصطلات...
ثالثا لم يسعفني الوقت على وداعكم ..بل لم يخبرني أحد منك عن قرب رحيلي ..وأغمضوا عيني وقادوني..وفي غفلةٍ أخذوني ...وأعدموني ..دون أن يسألوني
عن تحقيق أخر أمنية لي..كنت سأطلب دقيقه لو داع أحبابي وأصحابي ..
أعدموني بلا محاكمه أو رأفه ...حيث لا رجعه لي بعد اليوم...
أذا كانت لحظة الوداع طعمها مرً وقاتل...تذكر حينها أن الوداع هنا..أخف وأرحم لك من أن تسلب
حتى ان تعيش هذه اللحظة...........
ولاعات ...طفيات ...دباسات...وللجميع وداعات ...واحترامات ..من العيون السودات.
...................................تحياتي الخالصه للجميع!!
""""""""""""""""""""""""""""""""""""
" UnZiP " كان يفعلها المرء في بيت الخلاء...أماليوم فأمام الجميع يفعلونها دون حياءُ !
""""""""""""""""""""""""""""""""""""""""""""
((تحذير دائري شرقي))ترى حقوق الشخبطه محفوظه حقت مخرج 13نت ورك® 2000 ©
""""""""""""""""""""""""""""""""""""""""""""""""""""""