المعري
01-01-2001, 07:30
<div align="Right"><font size="+1" face="Arial" color="#000066"> المكان : غرفة المعلمات في مدرسة ابتدائية شمال الرياض .
الزمان : الفسحة الأولى .
------------------------
بدأت المعلمات بالتوافد على غرفة المعلمات ، ويوجد في الغرفة أكثر من عشر ماكان عندهم حصص الجداول مريحة ـ اللهم لاحسد ـ الفسحة الأولى مخصصة لتناول طعام الفطور ، لأن كل وحدة يالله تلبس وتلبس بزرانها مايمديها تتفطر ، ولا تتشتهي الفطور الصبح .
المعلمات في الفطور أصناف مختلفة :
1 ـ من لاتفطر لأنها عاملة ريجيم ، والمشكلة أنها تزيد لأنها نسيت أن الكاكاو يبي من يتركه بعد .
2 ـ منهن من تحضر معها السندويتشات من البيت ـعلى بالهاـ أنظف وأصح ـ وأصلا اللي مصلحتها الشغاله وهي مابعد غسلت من النوم .ـ
3 ـ مجموعة(عجازين مره)ومريحين أنفسهم وأزواجهم، متعاقدين مع أيتها مطعم يجيب لهم كل اللي يبون المهم الفلوس عند أبو الشباب ، والمهم عندهم أن الفسحة تبدأ والأكل توه جاي الفول والفطاير بأنواعها كلها حارة .
4 ـ مجموعة ـ محافظين ـ متجانسين في الأفكار والشكل والثقافة ، ومتفقين أن كل وحدة تدبر فطورهم ـ يعني كل يوم على وحدة ـ لاتستغرب أن واحد محترم لابس عقال وغترة وينزل عند باب المدرسة خبز تمييس وفول والخ . ـ ترا اليوم الفطور على حرمته ـ وياويله ويا سواد ليلة لو أن فول منيرة أزين من فوله .
الشاهي أمره ميسرة غلاية وكاسات وليبتون ، وكل يخدم نفسه ، المسكينه الخالة أم حسن ـ الفراشة ـ ياويلها لوماغسلت كاسات بعض الناس اللي يفرّغون غضبهم عليها المسكينة ، وهي يالله تقوى تمشي ـ لوكان الفقر رجلا لقتلته ـ الله يقلع الفقر . كيف يحسرون هالمسكينة .
ازدانت غرفة معلمات جيل المستقبل بأنواع الاكل وكل يمد رجله على قدر لحافه . وبدأت الأحاديث الودية ـ طبعا مجلس فيه اكثر من 40 امرأة هل تتوقع فيه الصمت ؟؟ .لازم لحم حي ياكلونه يحلون به مع الفطور .
فاطمة : سلامات يا جواهر وينك أمس ماشفناك ؟
= = ياشيخة خليها على الله ، كله من هالسواق .
** وشـبلاه ، خابرتك تقولين أنه بيسافر، عساه هون ؟
** لآ ، ذاك الحبيب راح الله يرده بالسلامة ـ مع زفرة حزن وتحسر لفراقة ـ جاب لنا أبوي سواق متتسلفه من شركة ليموزين(الله لوأنه كرتون).وأول يوم ودى أمي للسوق وبدل مايحتريها شال معه ركاب ولحقوه المرور وصدم .
ياحــــافظ !! ذا مهوب صاحي ؟
العنود : وش اخبار سواقك ياحصة؟
** والله وش حليلة ربي مريحني هندي في الشوفة ولاهوب يحكي مافيه الا هالكريم يلمع في راسه، وهو دابة سليمة لو اقوله لاتروح من عند المدرسة ، كان قعد عند الباب الين اطلع .
** صوت من بعيد: اذكروا الله ،،، لا إله الا الله .
** وانت يامريم: وشلون سواقك ؟
** والله عندنا وحيد أندنوسي وش ملحة وأبوي جايب حرمته معه، وحبيب وابوي تعرفون ـ ملتزم ـ مايطيعنا نركب معه الا وحرمته معنا .
** طيب حرمته محرم لكم ؟
** لابس ، أهون من هاللي يركبون لحالهم اللهم ياكافي .( بدت الطنازة )، بس المسيكينة حرمته دايم طقاق هي واياه .
** فاتن : (مع اللي مسوية ريجيم بنت نعمة ) والله انكم في غثا مع هالسواقين ، هالكلام اللي تقولونه صحيح والا تمزحون ، أنا ما أتخيل حرمة ماعندها سواق خاص أبدا ، عندنا ثلاثة سواقين واحد لأبوي ، وواحد للبيت وأمي ، وواحد للبنات ،وأنا قايلة لأبوي أنا لازم تخصص لي سواق ومارضيت أكون مع البنات الا علشان وحدة من أخواتي خلصت الجامعة وماتوظفت ، والثانية حذفت الترم هذا ـ أرانب على الكيف ـ
معلمة( طويل لسانها ) كذا الفلوس والا بلاش.
انبسطت فاتن بالمرة ، وعلشان يسمعون اللي ماسمعوا ، قالت ايش قلتي ياأبلا ..
-----------------------------
** موضي : الله يخلف علينا أبونا فقير مسكين ، توه قاضي من العمار ، وشاري ونيت بالتقسيط ،وينا ووين السواق ، لو أقوله شي يمكن يطقني .
** صاحبة اللسان الطويل: أنت خبله ، الوحدة ترا يالصحيحة مهيب تعلم بكل شي .انثبري وكلي طعمية أزين لك .
** نورة http://www.eqla3.com/file/ubb/frown.gifمعلمة جديدة منقولة من خارج الرياض )أنا الله يسلمكم في نعمة عساالله يكفينا شر الحسد ،عندي سواق ،ما هنا شي مثلة ، أجودي ، ومطوع ، ويحب عيالي أكثر مني ، والله ياأمي تحبه مثلي ، وهو قايم بالبيت كله ، وتصدقون رمضان اللي راح معتمر بأمي ـ جزاه الله خير ـ
فاطمة : هوه هوه ،هذي مهيب صاحية بصوت يسمعه من بجوارها .
** لا ، والله اننامانتغدى الين يجي ويتغدى معنا، ولا نطبخ الا اللي يجوز له .
** موضي:أكيدانهبلت،لا تنكت هذي جديدةمانعرفها
** خفضت صوتها : وقالت : أبقولكم سر ، بس لاتعلمون : تصدقون أنه ينام في غرفتي أحيانا .
ارتفعت درجة الغليان والاستنكار ،والحقد ، والاستهتار، وكل وحدة ودها تسكتها . وأطبق صوت رهيب لحظات ، وقبل أن يدق جرس نهايةالفسحة
** قالت نورة : تراكم رحــتوا بعيد ،أنا سواقي زوجي وأبو عيالي الله يخليه لي بس واتركوني من سواليفكم .
** ياشين الكذب اللي ماله سنع ، لو يسوقون الحريم وشلون يكذبون على بعض .
</font></div>
------------------
أستغـفر الله العظيم وأتوب إلـيه
اللهم صل وســلم على محمــد
اللهم اختم لنا رمـضان بالقبول
الزمان : الفسحة الأولى .
------------------------
بدأت المعلمات بالتوافد على غرفة المعلمات ، ويوجد في الغرفة أكثر من عشر ماكان عندهم حصص الجداول مريحة ـ اللهم لاحسد ـ الفسحة الأولى مخصصة لتناول طعام الفطور ، لأن كل وحدة يالله تلبس وتلبس بزرانها مايمديها تتفطر ، ولا تتشتهي الفطور الصبح .
المعلمات في الفطور أصناف مختلفة :
1 ـ من لاتفطر لأنها عاملة ريجيم ، والمشكلة أنها تزيد لأنها نسيت أن الكاكاو يبي من يتركه بعد .
2 ـ منهن من تحضر معها السندويتشات من البيت ـعلى بالهاـ أنظف وأصح ـ وأصلا اللي مصلحتها الشغاله وهي مابعد غسلت من النوم .ـ
3 ـ مجموعة(عجازين مره)ومريحين أنفسهم وأزواجهم، متعاقدين مع أيتها مطعم يجيب لهم كل اللي يبون المهم الفلوس عند أبو الشباب ، والمهم عندهم أن الفسحة تبدأ والأكل توه جاي الفول والفطاير بأنواعها كلها حارة .
4 ـ مجموعة ـ محافظين ـ متجانسين في الأفكار والشكل والثقافة ، ومتفقين أن كل وحدة تدبر فطورهم ـ يعني كل يوم على وحدة ـ لاتستغرب أن واحد محترم لابس عقال وغترة وينزل عند باب المدرسة خبز تمييس وفول والخ . ـ ترا اليوم الفطور على حرمته ـ وياويله ويا سواد ليلة لو أن فول منيرة أزين من فوله .
الشاهي أمره ميسرة غلاية وكاسات وليبتون ، وكل يخدم نفسه ، المسكينه الخالة أم حسن ـ الفراشة ـ ياويلها لوماغسلت كاسات بعض الناس اللي يفرّغون غضبهم عليها المسكينة ، وهي يالله تقوى تمشي ـ لوكان الفقر رجلا لقتلته ـ الله يقلع الفقر . كيف يحسرون هالمسكينة .
ازدانت غرفة معلمات جيل المستقبل بأنواع الاكل وكل يمد رجله على قدر لحافه . وبدأت الأحاديث الودية ـ طبعا مجلس فيه اكثر من 40 امرأة هل تتوقع فيه الصمت ؟؟ .لازم لحم حي ياكلونه يحلون به مع الفطور .
فاطمة : سلامات يا جواهر وينك أمس ماشفناك ؟
= = ياشيخة خليها على الله ، كله من هالسواق .
** وشـبلاه ، خابرتك تقولين أنه بيسافر، عساه هون ؟
** لآ ، ذاك الحبيب راح الله يرده بالسلامة ـ مع زفرة حزن وتحسر لفراقة ـ جاب لنا أبوي سواق متتسلفه من شركة ليموزين(الله لوأنه كرتون).وأول يوم ودى أمي للسوق وبدل مايحتريها شال معه ركاب ولحقوه المرور وصدم .
ياحــــافظ !! ذا مهوب صاحي ؟
العنود : وش اخبار سواقك ياحصة؟
** والله وش حليلة ربي مريحني هندي في الشوفة ولاهوب يحكي مافيه الا هالكريم يلمع في راسه، وهو دابة سليمة لو اقوله لاتروح من عند المدرسة ، كان قعد عند الباب الين اطلع .
** صوت من بعيد: اذكروا الله ،،، لا إله الا الله .
** وانت يامريم: وشلون سواقك ؟
** والله عندنا وحيد أندنوسي وش ملحة وأبوي جايب حرمته معه، وحبيب وابوي تعرفون ـ ملتزم ـ مايطيعنا نركب معه الا وحرمته معنا .
** طيب حرمته محرم لكم ؟
** لابس ، أهون من هاللي يركبون لحالهم اللهم ياكافي .( بدت الطنازة )، بس المسيكينة حرمته دايم طقاق هي واياه .
** فاتن : (مع اللي مسوية ريجيم بنت نعمة ) والله انكم في غثا مع هالسواقين ، هالكلام اللي تقولونه صحيح والا تمزحون ، أنا ما أتخيل حرمة ماعندها سواق خاص أبدا ، عندنا ثلاثة سواقين واحد لأبوي ، وواحد للبيت وأمي ، وواحد للبنات ،وأنا قايلة لأبوي أنا لازم تخصص لي سواق ومارضيت أكون مع البنات الا علشان وحدة من أخواتي خلصت الجامعة وماتوظفت ، والثانية حذفت الترم هذا ـ أرانب على الكيف ـ
معلمة( طويل لسانها ) كذا الفلوس والا بلاش.
انبسطت فاتن بالمرة ، وعلشان يسمعون اللي ماسمعوا ، قالت ايش قلتي ياأبلا ..
-----------------------------
** موضي : الله يخلف علينا أبونا فقير مسكين ، توه قاضي من العمار ، وشاري ونيت بالتقسيط ،وينا ووين السواق ، لو أقوله شي يمكن يطقني .
** صاحبة اللسان الطويل: أنت خبله ، الوحدة ترا يالصحيحة مهيب تعلم بكل شي .انثبري وكلي طعمية أزين لك .
** نورة http://www.eqla3.com/file/ubb/frown.gifمعلمة جديدة منقولة من خارج الرياض )أنا الله يسلمكم في نعمة عساالله يكفينا شر الحسد ،عندي سواق ،ما هنا شي مثلة ، أجودي ، ومطوع ، ويحب عيالي أكثر مني ، والله ياأمي تحبه مثلي ، وهو قايم بالبيت كله ، وتصدقون رمضان اللي راح معتمر بأمي ـ جزاه الله خير ـ
فاطمة : هوه هوه ،هذي مهيب صاحية بصوت يسمعه من بجوارها .
** لا ، والله اننامانتغدى الين يجي ويتغدى معنا، ولا نطبخ الا اللي يجوز له .
** موضي:أكيدانهبلت،لا تنكت هذي جديدةمانعرفها
** خفضت صوتها : وقالت : أبقولكم سر ، بس لاتعلمون : تصدقون أنه ينام في غرفتي أحيانا .
ارتفعت درجة الغليان والاستنكار ،والحقد ، والاستهتار، وكل وحدة ودها تسكتها . وأطبق صوت رهيب لحظات ، وقبل أن يدق جرس نهايةالفسحة
** قالت نورة : تراكم رحــتوا بعيد ،أنا سواقي زوجي وأبو عيالي الله يخليه لي بس واتركوني من سواليفكم .
** ياشين الكذب اللي ماله سنع ، لو يسوقون الحريم وشلون يكذبون على بعض .
</font></div>
------------------
أستغـفر الله العظيم وأتوب إلـيه
اللهم صل وســلم على محمــد
اللهم اختم لنا رمـضان بالقبول