كذبوني وقالو ماتصير ابدويه!!!!!

[fallaj]

<div align="Right"><font size="+2" face="Arial" color="#FF0000"> وانا اكتب هالقصيدة تذكرت علي بن الجهم عندما مدح الخليفة بقوله
انت كالكلب في الوفا××× وكالتيس في قراع الخطوب
وعندما اقام في بغداد والف الحضر قال قصيدته التي
مطلعها
عيون المها بين الرصافة والجسر ×××جلبن الهوى من حيث ادري ولا ادري

كنت في زيارة لقريبة لي في احد مستشفيات دول الخليج وكانت قريبتي تمتدح الطبيبه المشرفه على علاجهاوعندما دخلت الطبيبة اثناء وجودي تفاجأت انها تعرفني واتضح انها البدويه اللي كان هلها قاطنين بطرف مدينتنا الصغيرة ذاك الوقت،وعيت تصدق قريبتي انها كانت بدويه في يوم ما...
وما ودي اقول كل السالفه يمكن تصلح فلم (مكسيكي)
واحتمال تكون احد اعضاء منتدى الاقلاع!!!!!
كذبـوني وقالـو ماتصــير ابـدويه
....................ما خبرنا اللطافه تحتضنها البدواه
قلت كل الحــــلا والطيب والجاذبيه
..................اجتمع والحنان اللي يفيض ابصخاوه
راجحـة عقـــل والله ماتعرف الأذيه
..................واضــحه مثل شـمس ماعليها غشاوه
اعــرفتني ولدّت مثــل اخـيِه لاخيَه
..................قالت العرف ما يمحــاه وقت ولهاوه
عـيرتني عـقب عــرفي وصــارت قضـيه
..................واحرجتني بلطــف وذوق عقب الهداوه
ذكرتني بوقـت يــوم هــاك الرعيّه
..................للمفالي نسوقه مظهــرين الشـقاوه
اشرت بالــوداع وقلــت يارب حيه
..................واختفت لون حلم داهمته الصــحاوه
</font></div>

[كبسه رز]

<div align="Right"><font size="+1" face="Arial" color="#000000"> أخوي فلاج
أولا تسلم يدينك على هالقصيدة الجميلة ويعطيك
الصحة والعافية من كل شر

ثانيا بعض الناس دايما لا يعطون البدو حقهم
والحقيقة انه ظهر منهم ناس كبار في كافة
المجالات ولازم الناس هاذولا يعرفون ان اصل العرب
كانوا بدو رحل وبعد ظهور الاسلام صاروا هم
حماة هذا الدين وناشروه في بقاع الأرض

على العموم أنا ماني بدوي لكن أعرف منهم
ناس رجال بحق والبداوة ماهيب عيب
والدليل هناك أسر حاكمة من أصل بدوي

وأخيرا أنا آسف على الاطالة والخروج على الموضوع
ودمت لنا بخير

ولا تزعل علينا تراي أحب الروح الرياضية
وآسف آسف اذا كنت زعلتك وحقك علي</font></div>

------------------
يا زمان العجايب وش بقى ما ظهر

[السيجار الوسيم]

<div align="Right"><font size="+2" face="Tahoma" color="#008000"> الله عليك يافلاج ...... انا اتخيل انك مولود انت والابداع سوى من بطن واحد ..... الله يعطيك العافيه ...... والبداوة وانا اخوك تمشي في دمنا ..... وكلنا بدو ولا زلنا .. دام البداوه تعني الشموخ والكبرياء وعلوم الرجال اللي مانستغني عنها ابد ....... وانا من الناس اللي اعشق هالحياة البسيطه ..... اللي تبعدني عن المدنيه وبهاذيلها .... الا درجة اني ادور بدو قاطنين في اي مكان المهم يكونون بعيدين....عن دوشة المدينه ........ واجي يمهم بهمي وفرحي كني اعرفهم من زمان وهم بشيمتهم .... يرحبون فيك وتبدا بعد كذا قصة العشق اللي بيني وبين البر والبدوعلوم الاولين ........ والوقوف احتراما لهذا الفكر البدوي اللي يملك بين جوانبه .......... اهم شي الا وهو العزة والطيب و الكرامه........... شكرا لك اخوي فلاج واكيد طولت عليك بردي لكن مادري وش لوووون .. قمت اكتب بدون وعي ........ بس عشانك ذكرت طاري البداوه .........وبصراحه قصيده ولا اروع ..... والله يعطيك الف عافيه وانت دائما مميز http://www.eqla3.com/file/ubb/smile.gif

اعــرفتني ولدّت مثــل اخـيِه لاخيَه
..................قالت العرف ما يمحــاه وقت ولهاوه


</font></div>

[أم عزيّز]

<div align="Right"><font size="+1" face="Arial" color="#000066"> ياسلاااااااااااااااام عليك يافلاج ...
مبدع من جد ... ان كان الإبداع مهوب ينوخذ منك ..
ومنيب قايلةٍ من طوّل الغيبات جاب الغنايم ..
وش جبت يالغالي عقب طول غيبات
لأني اشوف الغنيمة بعيوني ولا يحتاج نشدة ...
وصح لسانك .. علة هالقصيدة ( المميّزة ) http://www.eqla3.com/file/ubb/smile.gif
بس ليتك معطينا القصّة بالتفصيل المملّ ...

&lt;&lt;== والله من اللقافه http://www.eqla3.com/file/ubb/smile.gif</font></div>

------------------
سبحان الله وبحمده سبحان الله العظيم ...
ـــــــــــــــــــــــــ
لا اله الا الله وحده لاشريك له .. له الملك وله الحمد وهو على كلّ شيءٍ قدير ..



=========================
حتى متى أنت في لهوٍ وفي لعبٍ *&* والموتُ نحوك يهوي فاغراً فاهُ
ماكل مايتمنى الـمـرءُ يدركه *&* ربَّ امرىءٍ حتفهُ فـيمـا تمــناهُ
نلهو وللموت مُمْسانا ومُصْبَحنا *&* من لم يصبِّحْهُ وجهُ الموتِ مسَّاهُ


<FONT COLOR="Red">يالله حسن الخاتمه</FONT c>

[المنتهى]

<div align="Right"><font size="+1" face="Arial" color="#000000"> الله الله الله هذا الكلام وهذا الإبداع
إجتمعت قوة الصياغة مع قوة المعنى ورسمها ( فلاج ) بإحتراف وفن
صح لسانك يا فلاج والله لو مافيها غير هالبيتين إنها تسوى ديوان

كذبـوني وقالـو ماتصــير ابـدويه..........ما خبرنا اللطافه تحتضنها البدواه

قلت كل الحــــلا والطيب والجاذبيه..........اجتمع والحنان اللي يفيض ابصخاوه

http://www.eqla3.com/file/ubb/smile.gif
</font></div>

[ازرق وابيض]

<div align="Right"><font size="+1" face="Arabic Transparent" color="#000066"> فلاج http://www.eqla3.com/file/ubb/smile.gif http://www.eqla3.com/file/ubb/smile.gif

والله ما ودي اقول شي اخاف ما اوفي حق القصيده..

يعطيك العافيه..</font></div>

[fallaj]

<div align="Right"><font size="+1" face="Arial" color="#000066"> اخوي كبسة رز
وقت سحور وياحبي لكبسة الرز http://www.eqla3.com/file/ubb/smile.gif http://www.eqla3.com/file/ubb/smile.gif
الله يعطيك العافيه على هالاهتمام بهالموضوع
وانا ماشوف اي فرق لكن البيئه والضروف المعيشيه
تجعل البدوي يبدو جاف الطبع (استثنائا من ذلك تعامله مع ضيوفه حيث يكون شديد اللطف)
شكلك ناسي ان شعار المنتدى (الزعل ممنوع)
تسلم اخوي والله يعطيك العافيه</font></div>

[القشرا]

<div align="Right"><font size="+1" face="Tahoma" color="#FF0000"> صح لسانك http://www.eqla3.com/file/ubb/smile.gif
وتسلم على القصيده الرائعه http://www.eqla3.com/file/ubb/smile.gif
</font></div>

[fallaj]

<div align="Right"><font size="+2" face="Arial" color="#008000"> السيجار الوسيم
شاكر ومقدر اطرائك (لو اني ما استحقه)
كلامك صحيح اخوي لكن الوقت تغير ويندر انك تجد بدوي (بكل ماتعنيه هالكلمه)صحيح انه يسكن بالصحراء بخيمه او بيت شعر لكن تجد عنده الكهرباء و التلفون والتلفزيون والدش والثلاجه ومعظم وسائل الترفيه اللي تزيل 90%من مقومات البداوه.
وتسلم يالغالي </font></div>

[fallaj]

<div align="Right"><font size="+1" face="Arial" color="#000000"> ام عزيز
الصراحه تحرجين الوحد بلطفك
واسلوبك الساحر (الساخر http://www.eqla3.com/file/ubb/smile.gif http://www.eqla3.com/file/ubb/smile.gif)
اجل ودك تعرفين القصه بالتفصيل كان يطردني الممرور على طول لاني باعبي كل الذاكره الموجوده بالسرفر حق الساحه
يمكن اقول مشهد واحد وهو اني صاير كوافير وانا مادريت اقول لك وشلون تعرفين عبس الناقه(بول الناقه)الله يكرمتس تجيبه البنيه في غضاره كبيره وتدخل راسه بين غصنين بشجره كبيره (نجلس تحتها دايم)وارقى فوق غصن ارفع شوي وابدا اصب وهي تفرك هالشعر الغريب انه مثل الشامبو له رغوه بس ماهيب كثيره( مادري هي منه والا من وصخ راس البنيه)
والى تعبت من الفرك استلم العمليه وهات يا فرك لمين يبدى يبرق احسن من اللي مغسول بشامبو ويجلس اكثر من اسبوعين محتفظ بلمعانه
والغريب انه علاج ممتاز للقشره والقروح اللي تصيب لراس(لا احد يتوهق هالحين منول قبل يبدون الناس يعلفون نياقهم شعير واعلاف مركبه)ومعظم سكان حارتنا يستخدمنه بسبب الدعايه اللي انا بثيته بالحاره وانا اتولى جلبه حتى عرفت الوالده الله يطول عمره ومنعت استيراده عن طريقى
وش رايك بجيك عبس http://www.eqla3.com/file/ubb/smile.gif http://www.eqla3.com/file/ubb/smile.gif(استعيد الماضي)
نفتح محل صالون تجميل بالرياض على النص (يقولون بالرياض لو تبيع صخنه لقيت من يشري من كثر البشر)يمكن احسن من البسطه طيعي شوري.
تحياتي </font></div>

[fallaj]

<div align="Right"><font size="+2" face="Arial" color="#FF0000"> ابو نايف
حتى الشكر ما يكفي اوفيك حقك
دايم تشحعني وتحسسني اني اكتب شي
وتشجيعك يمتد لكل اعضاء هالمنتدى
والله يكثر امثالك و يعطيك العافيه ولا يحرمنا منك
تحياتي </font></div>

[fallaj]

<div align="Right"><font size="+3" face="Arial" color="#000066"> اخوي ازرق وابيض
ابلغ من هالقول مانبي
عاجز عن شكرك اخوي
الله يعطيك العافيه
وتسلم يالغالي</font></div>

[fallaj]

<div align="Right"><font size="+2" face="Arial" color="#FF0000"> القشرا
وش رايك ببعثه للباديه لمدة شهر لدراسة فن التعامل مع الشعر(الصوف)المغزل والم (والعبس متوفر لكورس تصفيف الشعر والعناية فيه) وترويض الابل وتقنية حلب الاغنام وصناعة الاقط والسمن(اغديك تنسين هالوجه الاقشر)
تسلمين يالغاليه وهذا من لطفك http://www.eqla3.com/file/ubb/smile.gif
تحياتي </font></div>

[الحـادي]

<div align="Right"><font size="+3" face="Arial" color="#000000">
الاخ فلاج اعلاج 00000000000 القصيدة را يعة000000

0ؤعساك على القؤ ة00000</font></div>

------------------
لاضاق صدري من همومي تغنيت *** ومثلت عن مافي ضميري بالأبيات
كني بشعري يوم أغني تداويت *** أشكي هموم النفس للنفس بالذات

[كريم سبلا]

<div align="Right"><font size="+1" face="Arial" color="#000000"> فـــــــــــــلاج

جعل يمينك ماتشوف العطب

صح لساااااااااانك ياقمّة الروعه</font></div>

[fallaj]

<div align="Right"><font size="+2" face="Arial" color="#FF0000"> عزيزي الحادي
العلاج والله التشجيع المقدم من الناس الطيبين امثالك
تسلم يالغالي وآسف للتأخر بالرد (جيتك من البران كبدي ذايبه)
تحياتي </font></div>

[fallaj]

<div align="Right"><font size="+2" face="Arial" color="#000000"> اخوي ابو محمد
اسعد الله اوقاتك بكل خير
صح بدنك والاروع رايك اللي اسعدني
اشوفك تنشد عن الربيع
الربيع وين ما توجه يسر الناظر وهذا وتونا في المربعانيه ما ينمو العشب الاببطىء عشرة ايام ويدخل شباط ويبدأ نمو العشب والقشع والشجر ورجعت وانا خاطري بالمقيم في البر والحومان والصيد لكن ما باليد حيله الدوام عقوبه.
تحياتي </font></div>

[العريب]

كذبـوني وقالـو ماتصــير ابـدويه
....................ما خبرنا اللطافه تحتضنها البدواه

ظلمت نفسك عز الله في ذا البيت, ياخوك البداوه هي رمزاللطافه والشرف والعز وعلمني وش طلعت المدينه غير البلى الله يدفعه عنا, على كل حال صح لسانك واعتبر كلامي من اخو لأخوه الكبير, صح لسانك.

[b]<small><small>[ تم تعديل الموضوع بواسطة &nbsp; العريب &nbsp; يوم &nbsp; 07-01-2001]

[المتجول]

<div align="Right"><font size="+2" face="Arial" color="#000000"> اخوي / فلاج ....

صح الله لسانك يا الذيب .. والقصيده توني اشوفها الحين ...

الا تكفا ماتقدرون تعبون العبس في قوارير وتصدرونه ترى بتلقون له شرايَه http://www.eqla3.com/file/ubb/smile.gif http://www.eqla3.com/file/ubb/smile.gif

صح الله لسانك وبيض الله وجهك وتسلم يمينك على ماخطت .. والا يوم تقول ....

اشرت بالــوداع وقلــت يارب حيه
..................واختفت لون حلم داهمته الصــحاوه

&lt;============ الى المميزه

</font></div>