PDA

عرض كامل الموضوع : لاتلومون محمد نور ترا كنادره توها جديده

ابو فاس
29-09-2001, 15:17
فاس : يبه شفت مباراة منتخبنا ؟
ابوفاس : ايه وابشرك انهزمنا ؟
فاس : مااانتهت تعادل !
ابوفاس : الا بس انه تعادل اشبه بالهزيمة
لا وخربها الجوهر يوم نزل محمد نور والخليوي
فاس : من هو محمد نور
ابوفاس : اللي لابس كنادر كنها طبشيره
فاس : اها هالحين عرفت ليش يتمشى في الملعب وقبل راسه في الارض
ابوفاس :انا اللي قاهرني وش هم شايفين فيه يوم يلعبونه او يبون يورونا كنادره .. كان طول الوقت يالله يسحب رجليه في الملعب
فاس : يمكن قاعد يمرن كنادره مهوب تقول جديده :)
بس انا اخبر انه مع الاتحاد كان كنه مكينه بلاك ستون يدهر 24 ساعه
ابوفاس : ايه .. بلاك ماتدري وش السالفة
فاس : وش سالفته ؟
ابوفاس : طال عمرك المباراة تقام تحت مظلة الاتحاد الدولي
فاس : طيب وش يفرق ؟
ابوفاس : يفرق كثير حبيبي .. يعني بالعربي فيه كشف عن المنشطات
فاس : اها .. عشان كذا طفا كنه قطو مدعوس
ابوفاس : لكن اثبت في مباراتنا مع ايران انه من جنبها ولايصلح للمنتخب
فاس : عشانه جاب قوووول للايرانيين .. وبعدين كل واحد يخطيء
ابوفاس : مباراة امس كانت توضيح لبعض الناس اللي عليهم غشاوة وماكلين مقلب فيه
لكن انا اقصد انه من زمان وهو لاعب غير مؤهل للمنتخب
فاس : لكن كان مستواه زين وحماسي ويقطع الكور
ابوفاس : ههههههههههههه
شفت انكم ماكلين فيه مقلب صدق في السابق انا معك كان محمد نور يقطع الكورة وبجهد ملحوظ لكنه يسلمها مباشرة للخصم
اما من تالي يسلمها للخصم وهو مابذل جهد في قطعها
فاس : لكن هل الهدف مسئوليته كاملة ؟
ابوفاس : لا هو خالي من المسئولية ويتحمل المسئولية كاملة سامي الجابر
فاس : وليش سامي بالذات ؟ هو لاعب سنتر !!
ابوفاس : طبعا هو الشماعة اللي تعلق عليها اخطاء الاخرين دائماً فلاتستبعد ان بعض الجهلاء يرسم خط سير للكرة ومن وين جت الين يلقى فيها تمريرة لسامي ويلقي باللوم كله عليه !!
فاس : طيب اكيد بينتقدون محمد نور في الجرايد والمنتديات عشان هالغلطة اللي ارتكبها سامي :)
ابوفاس : اصلاً اذا هم توهم ينتقدونه الان فهم غلطانين ولاعندهم سالفة
لان هالشيء كان المفترض من زمان
والهدف مهوب غلطة نور الغلط غلط الكورة ليش طقت في رجليه
فاس : اكيد بيتأثر نفسياً من اللي تكتبونه عنه ورا ماتخفون شوي ؟
ابوفاس : ههههههههههههههههههههه
قال يقرا قال ... هم توهم مدخلينه معهد اللغة العربية لغير الناطقين بها
يعني ماحولك احد
فاس : تصدق يبه اني شفته مرة يتكلم في التلفزيون ولافهمت له .. بس حسيت انه محتاج فورمات ويضبط :)
ابوفاس : اقول تراك غثيتني ورا ماترقد بكرة وراك مدرسة
فاس : طيب والخليوي مابعد جبنا طاريه
ابوفاس : يووووووووه .. الخليوي وغيره كلهم ابجيب طاريهم هالاسبوع ذا اسبوع الفضفضه نم ويصير خير باكر انشاء
فاس : الا يبه وش معنى الوطنية اللي كل شوي يرددونها علينا في الجرايد وفي كل محل
ابوفاس : نوع من انواع الدجاج !!!
منادي
29-09-2001, 15:58
لقااءءءء رائع

واللي عجبني فيه

فاس : من هو محمد نور
ابوفاس : اللي لابس كنادر كنها طبشيره


يعطيك العافيه اخوي ابو فاسس

وسلم على فاس :D
مافيني نوم
29-09-2001, 16:46
هي هام درم بوووو طي موكا طععععع.<== محمد نور يكلم نفسة. يوم جاب العيد


<IMG SRC="cwm5.gif" border="0"> <IMG SRC="cwm5.gif" border="0"> <IMG SRC="cwm5.gif" border="0">
د/الفيلسوف
29-09-2001, 16:47
السلام عليكم

تسلملي ياابو فاس ويسلملي فسفوسي

على هالحوار الرائع والجميل.....

فاس : الا يبه وش معنى الوطنية اللي كل شوي يرددونها علينا في الجرايد وفي كل محل
ابوفاس : نوع من انواع الدجاج !!!

ههههههههههههههههههههه

حاوه مره يابو فاس.....

وصل الكلام هذا لـفسفوسي

شباب الاخضر أن شاء الله بيتأهلون

لكأس العالم بقيادة سامي الي

الله يهديه امس صلح القول حق ايران

الثاني(مهيب بعيده عليهم انهم يلزقونها في

الذيب) :eek:
جنان في جنان
29-09-2001, 17:15
جدي ابوفاس صدقت :eek: أخاف يلزقونها بسامي :(

على طاري الكنادر أنا بعد شفت شيء منمط شوي فوق الكنادر هو شرّاب والا وشو سبحان الله غير لائق نفسيا وجسديا للعب هذا الآدمي قدام البشوات أمثالي :D <<<< مصدق عمره :D

تحياتي :p
العيار
29-09-2001, 17:38
ابو فاس وش ذا الحتسي اللي انت قاعد تقوله .

اهم شي عند نور ان السنغال تتأهل وحصل .

والا هي اول مره من هوساوي ذولا قبله حمزه مقلب جاب العيد في اسيا لبنان .

لكن الشرهه مهيب عليهم الشرهه على من لعبهم والا ذولا احد يرجيهم وجيه الفلس .

بس حلوه الوطنية من انواع الدجاج
TrTeShLi
29-09-2001, 17:48
هههههههههههههههه .. :) :)

ذهين هالولد اللي أسمه فاس طالع على أبوه :D :D

لكن يظل الحوار القادم الأبرز ........


فاس : بس انا اخبر انه مع الاتحاد كان كنه مكينه بلاك ستون يدهر 24 ساعه
ابوفاس : ايه .. بلاك ماتدري وش السالفة
فاس : وش سالفته ؟
ابوفاس : طال عمرك المباراة تقام تحت مظلة الاتحاد الدولي
فاس : طيب وش يفرق ؟
ابوفاس : يفرق كثير حبيبي .. يعني بالعربي فيه كشف عن المنشطات
فاس : اها .. عشان كذا طفا كنه قطو مدعوس

** أقسم بالله أنك صدقت بهذي .. :( :(
فحبوب المنشطات اللي وصلتة للمنتخب خلهــا تنفعه الحين :mad: :mad:


** لكن .. من عادات الأخضر أنه لايحب أن يتأهل بطريقته الخاصة .. بطريقة الكبار والكبــار جداً :) :)

وسنرى ذلك ;) ;)
7
7
7
7
7
7
7
7
7
77
7
ولاتنسون التوقيع ووعــــــــدي ;) ;) ;)
النمر الازرق
29-09-2001, 17:58
اجل يابو فاس يمرن الكنادر

اجل ياليت المنتخب يتركونه في الملعب لين تخلص النهائيات

لايروح في عمان ويقعد يمرنها يقولون مانشهاها الا 60 وباقيله 940
تركي الهلالي
29-09-2001, 18:31
الله يعطيك العافية يابوفاس مبدع زي العادة ..

بس خذ هالنكته :D

اليوم رحت (( للمندي )) هههههههههه :D
لقيت كاتب عندهم حاطينه في العلالي يقالك انه مبدع ّّّ!!! وهو وحدة من ثنتين يمكن انه مبدع على كلامهم وانه يلعب عليهم !! هذا واحد :)

الشي الثاني ان عقليته زي عقلياتهم جهلة ومتخلفين وهذا الارجح تدري وش يقول خذ (( مقطع ))
<font color="Red">أرجعواأحبتي للقطة الهدف وانظروا لسيناريو تسجيل الهدف وسترون مايلي :
1) الخليوي ( آخر مدافع ) يشتت الكرة عاليا .
2) يتقدم الخليوي ليكشف التسلل ( حيث انه آخر مدافع .. ويجب ان يكون الكل معه في الخروج وكشف التسلل ) وبالفعل وقع لاعبان إيرانيان في المصيدة .
3) الواكد ومحمد نور .. وفي عدم تنسيق وتسابق على الكرة .. الكرة تصطدم في قدم محمد نور وتذهب للمهاجم الخصم ويسجل الهدف والخليوي مستغرب حيث انه في موقع تسلل والكرة خرجت من محمد نورمن غير قصد .
4) كان هناك لاعبا ( من دافع عنه المصيبيح بطريقة ملتوية ) هذا اللاعب ( اللامبالي ) في هذه اللقطة هو احمد الدوخي والذي وقف موقف المتفرج وهو ينظر للخليوي وهو يفرغ المنطقة ليجعل لاعبي إيران متسلليين </font>

هههههههههههههههه الله يعافيه ولا يبلانا الدوخي هههههههههههه :D :D ماقلت لكم لو يجيهم واحد يقول سامي ممر تمريره غلط من عشر سنوات وهذي سبب خسارة المباراة صدقوا .. ههههههههههههه

بس حبيت اعطيكم هالنكته عساها جازت لكم :D :p
عاشق الفن الشلهوبي
29-09-2001, 18:34
الله يرجك يابو فاس ....
ماش من تزوج وهو مهوب طبيعي :) شكله درا ان المنشطات ما تنفع مع ((ذاك وذاك :)))
تركي الهلالي
29-09-2001, 18:53
لا والمضحك الاكبر يقول الدوخي كسر التسلل !!الكرة مرتده من لاعب من المنتخب السعودي ههههههههههههههههههههه وذا الببغاوات اللي وراه ماجابو خبره قال ايش قال كاسر التسلل ههههههههههه

ولا انا غلطان :D

[ 09-29-2001: تم تعديل الموضوع بواسطة : تركي الهلالي ]
مــســتــهــبــلــه
29-09-2001, 19:03
<font face="Tahoma">احيي فيك هالروح .. اب متفهم جدن ..اول مره اشوف اب يناقش ابنه في حوار كله ابويه .. بس ولدك نقه .. سوالاته واجده ..</font>
المجنون الهلالي
29-09-2001, 19:41
والله حوار راااااااااااااااقي

والله موضوع حلو جدا جدا

تسلملي يابوفاس :)

سلم لي على فسفوسي :D
اسيـ الهم ـر
29-09-2001, 19:56
تسلم على الموضوع
ابوعيسى
29-09-2001, 23:30
ههههههههههههههههههااااااي .. حلللللللللللوووه يابو فاس

والله ضحكونا على هالمقطع يا تركي .. اللاعب هلالي :rolleyes: خلاص خلوا التهمه فيه ولا عليكم .. هذا لسان حالهم

تحياتي لكل الهلاليين :cool:
:)
alza3eem
29-09-2001, 23:40
تسلم والله يابو فاس

ابوفاس : ههههههههههههههههههههه
قال يقرا قال ... هم توهم مدخلينه معهد اللغة العربية لغير الناطقين بها
يعني ماحولك احد
فاس : تصدق يبه اني شفته مرة يتكلم في التلفزيون ولافهمت له .. بس حسيت انه محتاج فورمات ويضبط

حجازي من اصل نيجيري .. :mad: والمشكله حاطينه في منتخب سعودي :mad:

والله المفروض عامل زبايل وتخب عليه بعد
:D


تحياتي يابو فاس :D
الأعصار
30-09-2001, 00:12
ابو فاس....

الله يرجك انت وفاس كانكم موتوني ضحك...


سلم لي على الدجاااااااااااااااااااااج :D
طلال
30-09-2001, 00:37
<center>هلا بمشرفنا أبو فاس :)</center><center>هلا فاس مشرف المستقبل ;)</center>

<center>موضوع أكثر من رائع ويحاكي حال التعصب الأعمى</center><center>ومدى حقد وكره الجميع للفن السامي </center><center>كان الله في عونك ياسامي</center><center>ولو فزنا فزنا بهمة الأبطال عبيد والشيحان والبزران</center><center>ولو انهزمنا ماهمنا غير سامي :(</center><center>كبير والله كبير ياسامي </center><center>وكيد عذالك ياسامي كيد عذالك :)</center><MARQUEE><center>الى المــــاصـــــــــــلة ;)</center></MARQUEE>

<MARQUEE><font size="5">أقــــصد الى الممـــــزة :)</font></MARQUEE>
هلاليه موووووت
30-09-2001, 00:53
ههههههههههههههههههههههههههههههههههههههههههه اجل نوع من انواع الدجاج
اقول ياحليلك انت وولدك
اجل هالسبوع عادي نلعن لانك منت محذف مو قلت فضفضه

[ 09-29-2001: تم تعديل الموضوع بواسطة : هلالي مقلع ]
هلاليه موووووت
30-09-2001, 01:00
اقول انا اول مره اشوف ابو يتناقش مع ولده بالحب والاخاء كل مالي اعجابي بمشرفنا بوفاس وولده :D
مفتون
30-09-2001, 01:09
هههههههههههههههههههههه
الله يرجك :) ...

والله اتوقع لو قالوا لمحمد نور اننا اليوم بنمثل منتخب زامبيا اجزم بالمليون انه بيحرث الملعب بيدينه ورجلينه :) ..

لكن الشكوى على الله .. وهذا من المحسوبين علينا !!
هلالي مقلـع
30-09-2001, 03:56
كلمة رائع قليله في حق ابو فاس وأبنه فاس :)
حوار ناقد ولاذع في نفس الوقت :)
تسلم لنا يابو فاس أنت وأبنك :)
وتشكر على هالحوار المقلع :D

والمميز ماله الا .....<font color="Red">
المميزه -----></font>

أيه نسيت شئ مهم :)
<font color="Red">
ختم التميز الذهبي </font>
http://d1d.net/1/pc/ama4ever/dmoo32b.gif
عبود
02-10-2001, 01:44
هههههههههههههههههههههههههههههههههههههههههههههههههه ههههههههههههههههههه

ابددددددددددددداع بطله مشرفنا الغالي ابوفاس :D الله يرجك ابوفاس اجل طبشيره :D


.
.
.
تبون الصراحه بلا واكد بلا نور ,, خميس وبس والباقي ينخس وخير دليل مباراة الامس ,, وتبون تسالون من هو خميس اسالو قلوب الدفاع ويعلمونكم من هو هذا الحلو ,,,؟

.
.
.
ابوفاس وين التهنيقات بهاللقاء والعلوم السفره ولا رهمتوه :) ؟؟