Mas6ooL
09-05-2000, 23:26
هذي سالفة يقولها لي ابو طلال .. والله مدري صدزه من تسذبه
كنا جالسين في الملحق عندي , و نلعب بلوت و كان فيه ابو طلال راعي السوالف
اللي ما عمره جلس ساكت اكثر من خمس دقايق ورا بعض (( كان نايم))
طبعا ابو طلال مهوب حق بلوت ولا كنكان ولا حتى ضومنة ما يعرف , دايم يجلس عند التلفزيون
و خذ و هات من هالحش و السوالف اللي مالها سنع ,, زي ما تقول ودك تقصر على صوته
بعض الاحيان ولا ودك تفر موجته على الموجة القصيرة اذا اشتد اللعب
كان اللي يلعبون اربعه , فهد , و مقابلني تركي الرخمة (( معليش بس خلقة ربي كذا))
هذا تركي , ما يفرق بين سبعة الشيريا و الجوكر , واذا تحمس في اللعب , و توهق في الورق
قامت عيونه ترمش و خديداته قلبن الوان الطيف .
و دحيم ابو دمجة كان مقابله سعيدان الفتّيت, هذا سعيدان احسن واحد ينشق في الحارة
تسمع نشقته من سطح بيتهم الظهرية اذا طلع يحوّم الحمام.. تدرون انه مسبب ازمة هوا نقي في ملحقنا
المهم دقينا الولد و بدا اللعب على خفيف و قطعه منا و تكويشة مناك و لعب عادي جدا
و ابو طلال كان ينقز ازرار الريموت باصابعة اللي كن الواحد منها كسرة زنجبيل
نعنبو بليسه رقم خمسة و رقم ثلاثة تمسحوا من كثر التفغيص (( بلاكم ما تدرون وشي قناة 53 http://www.eqla3.com/file/ubb/smile.gif))
و بينما (( حلوة الكلمة هذي )) هو يفتر في ربوع الفضاء الفسيح (( دش دولي على فكرة))
الا و يلقى ذيك البنت الحلوة موت , عاد هو ما صدق خبر يلقى شي يسولف عنه
(( كان ساكت لمدة 5 دقايق و اربع و عشرين ثانية و ست اعشار من الثانية , رقم قياسي في السكوت))
قال, تصدق يا فهد (( مسكين محد معبره و معطيه وجه الا انا ,, ايه بس عشانه في ملحقي
والا و الله لا اطسه بالطفاية اللي كلها نخام ابو نشقة ))
قال تصدق يا فهد هالبنت قد شفناها انا و العيال في بيروت الصيف الماضي
(( مهوب عاقل يصيف في بيروت ,, و هو ما عمره تعدى مزرعة جدانه ))
و حتى كانت لابسة نفس اللبس هذا اللي هي لابسته ,, لا و ازيدك من الشعر بيت
عزمتنا و تقهوينا عندها و حطت لنا ذاك الاقط (( الاقط=المضير= بسكوت بدو http://www.eqla3.com/file/ubb/smile.gif)) اللي وش زينه
و حلفت علينا الا نتعشى عندها الليلة , مير و تذبح لنا ذاك القعود اللي ما مثله
رديت عليه ابي اجاريه , والا انا منيب يمّه ولا حوله , لاهن في اللعب , وصلنا خمسه برا وهم خمسين برا
و قلت له , طيب يابو طلال ما حلفت عليكم تمرحون عندها ثلاث ليالي , حق الضيف
اللعبة كانت حماس و اشوف عيينات تركي الرخمة يوم قامت ترمش و سعيدان قام ينشق
(( بزعمه حرب نفسية على تركي )) و البنت اللي في التلفزيون (( صارت خوية ابو طلال))
قامت تتحرك يمين و يسار و هي لابسه من غير هدوم .....
يعني قمة الاعصاب المشدودة و التفكير المشتت , بين سالفة ابو طلال و بين عيينات تركي
و نشقات سعيدان و البنت اللي في التلفزيون (( هذا اللي زاد الطين بلّه ))
ابو طلال تنّح شوي قدام التلفزيون ولا رد علي ,, قلت له هااه يبو طلال ما علمتنا
هي لزمت عليكم ولا خلتكم تسرون من ليلتكم ,,
و كان اللعب واصل عند تركي ,, و اخر قطعتين في اللعب ,,, و ابو طلال يفتح فمه يبي يهرج
ما درينا الا بذيك النشقة من سعيدان , اللي خرمت الاوزون و شفطت الهوا اللي في الحارة كلها
و تريكي يرمي الورق من الروعة و القط البيالة (( مليانة شاهي عقب البارح))
و احلتها ما ابيها الا في خدود تركي , لكن الرخمة نزل راسه و تجيك البيالة تمشي
ثلاثة الاف و توقع فوق اذن ابو طلااااااال .... و قامت الدمامين تصب و الريموت
معد تعرف شكله هو ريموت ولا يد سيقا (( الله لا يلومه , اللي يشوف يدين ابو طلال ما يرجي خير))
وانا انقز و احوس الورق (( عشان ما يصيدني ابو نشقة)) و اطمر و اشيل ابو طلال
و اطلعه في الحوش , عند الهوى النقي , يوم قام يشاهق شوي , و نوديه للمستشفى
و يخيطون راسه (( عشر غرز بس)) و يقعد شوي و هو يهذري مدري وش يقول من البنج
يقول ,اييي, راسي انكسر ,, ولعوا اللمبات ,, ابي هوا ,, وش هالمويه ,, نيكول ((اسم خويته))
المهم,, الرجال طلع بالسلامة من المستشفى , بس عقبها حلف دين و ايمان ما ينصب على
احد ونا عنده العب بلوت
وتراني الى هالحين اسأله وش صار , هي لزمت عليكم تنامون عندها ولا خلتكم تسرون
و كل ما سمعني , حط يده فوق اذنه و قعد يضحك http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
------------------
يا لايمي في حبها أش أش ثم أش *** لابو هشاش المرجلة لابو قطّاش
كنا جالسين في الملحق عندي , و نلعب بلوت و كان فيه ابو طلال راعي السوالف
اللي ما عمره جلس ساكت اكثر من خمس دقايق ورا بعض (( كان نايم))
طبعا ابو طلال مهوب حق بلوت ولا كنكان ولا حتى ضومنة ما يعرف , دايم يجلس عند التلفزيون
و خذ و هات من هالحش و السوالف اللي مالها سنع ,, زي ما تقول ودك تقصر على صوته
بعض الاحيان ولا ودك تفر موجته على الموجة القصيرة اذا اشتد اللعب
كان اللي يلعبون اربعه , فهد , و مقابلني تركي الرخمة (( معليش بس خلقة ربي كذا))
هذا تركي , ما يفرق بين سبعة الشيريا و الجوكر , واذا تحمس في اللعب , و توهق في الورق
قامت عيونه ترمش و خديداته قلبن الوان الطيف .
و دحيم ابو دمجة كان مقابله سعيدان الفتّيت, هذا سعيدان احسن واحد ينشق في الحارة
تسمع نشقته من سطح بيتهم الظهرية اذا طلع يحوّم الحمام.. تدرون انه مسبب ازمة هوا نقي في ملحقنا
المهم دقينا الولد و بدا اللعب على خفيف و قطعه منا و تكويشة مناك و لعب عادي جدا
و ابو طلال كان ينقز ازرار الريموت باصابعة اللي كن الواحد منها كسرة زنجبيل
نعنبو بليسه رقم خمسة و رقم ثلاثة تمسحوا من كثر التفغيص (( بلاكم ما تدرون وشي قناة 53 http://www.eqla3.com/file/ubb/smile.gif))
و بينما (( حلوة الكلمة هذي )) هو يفتر في ربوع الفضاء الفسيح (( دش دولي على فكرة))
الا و يلقى ذيك البنت الحلوة موت , عاد هو ما صدق خبر يلقى شي يسولف عنه
(( كان ساكت لمدة 5 دقايق و اربع و عشرين ثانية و ست اعشار من الثانية , رقم قياسي في السكوت))
قال, تصدق يا فهد (( مسكين محد معبره و معطيه وجه الا انا ,, ايه بس عشانه في ملحقي
والا و الله لا اطسه بالطفاية اللي كلها نخام ابو نشقة ))
قال تصدق يا فهد هالبنت قد شفناها انا و العيال في بيروت الصيف الماضي
(( مهوب عاقل يصيف في بيروت ,, و هو ما عمره تعدى مزرعة جدانه ))
و حتى كانت لابسة نفس اللبس هذا اللي هي لابسته ,, لا و ازيدك من الشعر بيت
عزمتنا و تقهوينا عندها و حطت لنا ذاك الاقط (( الاقط=المضير= بسكوت بدو http://www.eqla3.com/file/ubb/smile.gif)) اللي وش زينه
و حلفت علينا الا نتعشى عندها الليلة , مير و تذبح لنا ذاك القعود اللي ما مثله
رديت عليه ابي اجاريه , والا انا منيب يمّه ولا حوله , لاهن في اللعب , وصلنا خمسه برا وهم خمسين برا
و قلت له , طيب يابو طلال ما حلفت عليكم تمرحون عندها ثلاث ليالي , حق الضيف
اللعبة كانت حماس و اشوف عيينات تركي الرخمة يوم قامت ترمش و سعيدان قام ينشق
(( بزعمه حرب نفسية على تركي )) و البنت اللي في التلفزيون (( صارت خوية ابو طلال))
قامت تتحرك يمين و يسار و هي لابسه من غير هدوم .....
يعني قمة الاعصاب المشدودة و التفكير المشتت , بين سالفة ابو طلال و بين عيينات تركي
و نشقات سعيدان و البنت اللي في التلفزيون (( هذا اللي زاد الطين بلّه ))
ابو طلال تنّح شوي قدام التلفزيون ولا رد علي ,, قلت له هااه يبو طلال ما علمتنا
هي لزمت عليكم ولا خلتكم تسرون من ليلتكم ,,
و كان اللعب واصل عند تركي ,, و اخر قطعتين في اللعب ,,, و ابو طلال يفتح فمه يبي يهرج
ما درينا الا بذيك النشقة من سعيدان , اللي خرمت الاوزون و شفطت الهوا اللي في الحارة كلها
و تريكي يرمي الورق من الروعة و القط البيالة (( مليانة شاهي عقب البارح))
و احلتها ما ابيها الا في خدود تركي , لكن الرخمة نزل راسه و تجيك البيالة تمشي
ثلاثة الاف و توقع فوق اذن ابو طلااااااال .... و قامت الدمامين تصب و الريموت
معد تعرف شكله هو ريموت ولا يد سيقا (( الله لا يلومه , اللي يشوف يدين ابو طلال ما يرجي خير))
وانا انقز و احوس الورق (( عشان ما يصيدني ابو نشقة)) و اطمر و اشيل ابو طلال
و اطلعه في الحوش , عند الهوى النقي , يوم قام يشاهق شوي , و نوديه للمستشفى
و يخيطون راسه (( عشر غرز بس)) و يقعد شوي و هو يهذري مدري وش يقول من البنج
يقول ,اييي, راسي انكسر ,, ولعوا اللمبات ,, ابي هوا ,, وش هالمويه ,, نيكول ((اسم خويته))
المهم,, الرجال طلع بالسلامة من المستشفى , بس عقبها حلف دين و ايمان ما ينصب على
احد ونا عنده العب بلوت
وتراني الى هالحين اسأله وش صار , هي لزمت عليكم تنامون عندها ولا خلتكم تسرون
و كل ما سمعني , حط يده فوق اذنه و قعد يضحك http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
------------------
يا لايمي في حبها أش أش ثم أش *** لابو هشاش المرجلة لابو قطّاش