ضفدع كامل
23-09-2000, 21:42
<div align="Right"><font size="+2" face="Arial" color="#000066"> رحت مرة أنا وأم العيال نبي نرجع الماضي ورحنا لبيتنا القديم ولقينا أشياء كثيره ذكرتنا بأيام حلوه حلوه وجميله حلوه البراءه حلوه الصداقه !!! . ولقيت سحارتها الخضراء أو بمعنى أصح اللي كانت خضراء وهالحين كلها صدا ويوم فتحناها ونلقى دعوة زواجنا أنا والمعزبه وفستان الزواج محتفظة به لونه فستقي مشجر بأحمر ودلعته رقم سبعه ومكشكش وكمومه مغاط وازاريره ذهبيه ومخصر واسفله ماكله الفار عاد مدري هو مكرمش والا لا .!. ويوم نقطت الدمعه على الفستان ( ودك تسمع باسم فستان ولا تشوفه ) . قالت المعزبه : أنت من عمرك وانت قلبك رهيف .. هي تحسبني ابكي على ذيك الايام وانا ابكي على حظي واقول والله الفرق البارح شايف في ال LBC ملكة جمال لبنان وقاعد اناظرها واناظر مرتي وهي تهز فيها النوم بس قاعدتن عندي مجاملة يعنني شباب منيب ارقد بدري .!! واقارن شوي انظر التلفزيون وشوي اناظرها واخر شي اكتشفت قاسم مشترك بينهم أنهم كلهم يكتب في دفتر العائلة : الجنس : أنثى !!! بس .. والا الباقي كله اختلافات سبحان اللي خلق وفرق ..
قالت وش رايك نرقا فوق ( للطاية والروشن ) قلت يله بس انتبهي ترا الدرجه منقض بعضها لا تكرفسين مثل العاده قالت : أنا ما عمري طحت في حياتي كلها الا مرتين. الاولى في هالدرجة والثانية يوم اني لبست كعب في الزواج .!! ورقينا بسلام وفرشنا بساطنا الحصير وقعدنا قعده رومانسية نسترجع فيها الماضي ويوم اذن امغرب شبينا سراج (دنان ) وقالت لي : تذكر المهر اللي عطيتني ؟ . قلت : ايه وش فيه : قالت : انت معطيني مهري خاتم ورشرش وتصدق انهن الى هالحين وهن عندي ما بعد بعتهن .( قلت في نفسي الحمد الله انتس الى هالحين ما بعتيهن تدري انهن مهمب ذهب ) . قلت : هذا هو الوفاء والإخلاص . قالت : ما تلاحظ انهن شويات علي .. قلت : شويات يالظالمه ترا المهور ذاك الوقت ما يتعدن خمسين ريال يعني الغنم اغلى منهن http://www.eqla3.com/file/ubb/smile.gif. قالت : عارفه بس هالحين خمسين ألف .. قلت : الا ما ودتس اطلقتس كود يجي واحد ويتزوجتس بخمسين الف . قالت : اخاف ما يجي احد !! . قلت : والا صدقتي أما انتم يالحريم تدورون الدراهم . قالت : لا أمزح معك ما ودك بس نلعب ( دبق ) ..( الله العالم انها استخفت هالمره . قلت : يله مشينا بس الشرهه مهيب عليتس الشرهه على اللي مطاوعتس قال ايش نرجع الماضي . لو كل شي رجع . الماضي مستحيل يرجع لا تحاولون . http://www.eqla3.com/file/ubb/frown.gif </font></div>
------------------
<table style="filter:glow(color=red, strength=2)">حــــــــكــــــــمـــــة الإقــــــــــــــــلاع :-</table>
لي ضاق صدري قلت ما اطولك ياليل .. والى استاسع نمت من بعد صلاة المغرب
defd3kamel@hotmail.com
قالت وش رايك نرقا فوق ( للطاية والروشن ) قلت يله بس انتبهي ترا الدرجه منقض بعضها لا تكرفسين مثل العاده قالت : أنا ما عمري طحت في حياتي كلها الا مرتين. الاولى في هالدرجة والثانية يوم اني لبست كعب في الزواج .!! ورقينا بسلام وفرشنا بساطنا الحصير وقعدنا قعده رومانسية نسترجع فيها الماضي ويوم اذن امغرب شبينا سراج (دنان ) وقالت لي : تذكر المهر اللي عطيتني ؟ . قلت : ايه وش فيه : قالت : انت معطيني مهري خاتم ورشرش وتصدق انهن الى هالحين وهن عندي ما بعد بعتهن .( قلت في نفسي الحمد الله انتس الى هالحين ما بعتيهن تدري انهن مهمب ذهب ) . قلت : هذا هو الوفاء والإخلاص . قالت : ما تلاحظ انهن شويات علي .. قلت : شويات يالظالمه ترا المهور ذاك الوقت ما يتعدن خمسين ريال يعني الغنم اغلى منهن http://www.eqla3.com/file/ubb/smile.gif. قالت : عارفه بس هالحين خمسين ألف .. قلت : الا ما ودتس اطلقتس كود يجي واحد ويتزوجتس بخمسين الف . قالت : اخاف ما يجي احد !! . قلت : والا صدقتي أما انتم يالحريم تدورون الدراهم . قالت : لا أمزح معك ما ودك بس نلعب ( دبق ) ..( الله العالم انها استخفت هالمره . قلت : يله مشينا بس الشرهه مهيب عليتس الشرهه على اللي مطاوعتس قال ايش نرجع الماضي . لو كل شي رجع . الماضي مستحيل يرجع لا تحاولون . http://www.eqla3.com/file/ubb/frown.gif </font></div>
------------------
<table style="filter:glow(color=red, strength=2)">حــــــــكــــــــمـــــة الإقــــــــــــــــلاع :-</table>
لي ضاق صدري قلت ما اطولك ياليل .. والى استاسع نمت من بعد صلاة المغرب
defd3kamel@hotmail.com