قصيده جديده

[التيـــــــــار]

هنا قصيدة جديده آمل أن تعجب رواد المنتدى وتحوز على رضاهم
ـــــــــــــــــــــــــــــــــــــــــــــ
أسامح المشوار واعاتب الوقت****والوقت يعطي للخطاوي مساحه
تشاركوا في هد حيلي ولا ضقت**** وانا العتب من شيمتي والسماحه
وانا الذي على المتاعب تفوقت****والليل بانت لي ملامح صباحه
ياعاهل الزين بجمالك تألقت****وأعطاك سلطان المحاسن وشاحه
حي الحماس بحضرة الشعر صفقت****حي الظرافه والحلا والملاحه
فوق السحاب بدافع الشوق حلقت****واهداك خفاق يودك جناحه
صافحت لكفوف المعالي وعانقت****قلب الهوى اللي نازفات جراحه
يامن على جيد المسرات علقت****عقد البها والأنس تطلق سراحه
ملكت واستوليت للروح وأعتقت****وعلمتها معنى وذات الصراحه
قلت القصايد لاجل عينك وشوقت****نفس تودك وانت تكبح جماحه
كبلت لبحور القوافي ووثقت****واسقيت لشموخ المعاني قراحه
أضحكت سهران المعابير واغرقت****بين الرجا والياس مهد الفصاحه
واعاتب المشوار واسامح الوقت****مبادي في عرف شرعي مباحه

------------------
الى منه تبين واحد من معشري محتال * أعاف المجلس اللي فيه مثله واكسب الجوله


[b]<small><small>[ تم تعديل الموضوع بواسطة &nbsp; التيـــــــــار &nbsp; يوم &nbsp; أكتوبر 16, 2000]

[الدلخ]

<div align="Right"><font size="+2" face="Arial" color="#000000"> اخوي التيار

اعجبني قوة التعبير في هذه القصيده... واتمنى
انك من الشعراء المعروفين..حيث ان هذا الاسلوب
لايجيده الا كبار شعراءنا
آمل اتحافنا بمثل هذه القصائد العظيمه التي
تفتقد في وقت صار فيه حتى الهندي سائق العائله
شاعر http://www.eqla3.com/file/ubb/smile.gif
وفقك الله وكثر الله من امثالك.
علما ان اسم (الدلخ) اسم على غير مسمى
وهذي اول مره اتفوه بهذا الكلام...
اكرر رجائي ثم اكرر واكرر باتحافنا بمثل
هذه الابيات اولا بأول
فا انا سا أتابعك..علما انني اشك بانك شاعر
عادي..فأنت على ما اعتقد بأنك من فحول الشعراء
في وقتنا الحاضر وشكررررررررررا http://www.eqla3.com/file/ubb/smile.gif

</font></div>

------------------
واحد طش..ثنين طش..ثلاثه طش

[المتجول]

<div align="Right"><font size="+2" face="Arial" color="#000066"> اخوي / التيار ...

يا مرحبا بك والله .. وصح الله لسانك .. عز الله انها قصيده متميزه .. وحضور قوي ..

يامن على جيد المسرات علقت****عقد البها والأنس تطلق سراحه
ملكت واستوليت للروح وأعتقت****وعلمتها معنى وذات الصراحه
قلت القصايد لاجل عينك وشوقت****نفس تودك وانت تكبح جماحه
كبلت لبحور القوافي ووثقت****واسقيت لشموخ المعاني قراحه
أضحكت سهران المعابير واغرقت****بين الرجا والياس مهد الفصاحه
واعاتب المشوار واسامح الوقت****مبادي في عرف شرعي مباحه

&lt;====== الى المتميزه
</font></div>

------------------
يحرم علي النت لا صرت بلشان .... ولامن عجزت اكتب حروف القصيده

مانيب دبشنٍ يزعله قول دبشان .... الله خلقني نادرن يافريده