قـصــيـــدتي خـنــفــشــاريـّه

[المنتهى]

القصيدة ذي طلبها مني خال خالي ( شقرا على الخط )
الممرور خالي وهو خال الممرور لذلك يصير خال خالي http://www.eqla3.com/file/ubb/smile.gif وفي المثل السلمنقي ( يا خال خالي حك ظهري ) مير ما أبي شقرا يحك ظهري لأنه عنده أظفر من فئة السواطير http://www.eqla3.com/file/ubb/smile.gif الحقيقه هالأظفر نااادر ومفيد خصوصاً في الكشتات والطقاق ... مره كانوا ( شلة الشيبان أخويا شقرا على الخط ) كاشتين بروضة الحماده .. ويوم جوا يذبحون الهريفي اللي متقاطين فيه إكتشفوا إنهم ناسين السكين .. طبعاً كلهم ناظروا لخال خالي شقرا وقالوا : يله شمر عن أظفرك ... وفي لمح البصر حك أظفره على رقبة الطلي وذبحه وكملوا الكشته http://www.eqla3.com/file/ubb/smile.gif
ومره تطاق مع واحد أجودي وصار ينغزه بهالأظفر والمسكين يصيح ويقول : طعنـّي بالسكين .... طعنـّي بالسكين ... حتى إن الظابط كتب في لائحة الإدعاء العام للقاضي يوم قبضوا عليه وسجنوه وفكه الممرور بالكفاله الحضوريه ( ... وحيث أدين المذكور بطعن المجني عليه عدة طعنات بآلة حاده في مناطق متفرقة في جسده فإني آمل من فضيلتكم التكرم بالنظر في الموضوع شرعاً ومجازاة المذكور تجاه الحق العام وإثبات حيازته لأظفر حاد ) http://www.eqla3.com/file/ubb/smile.gif
كل الكلام ذا علشان ما أبيه يحك ظهري http://www.eqla3.com/file/ubb/smile.gif http://www.eqla3.com/file/ubb/smile.gif
المهم إنه طلب مني إكمال البيت الأول برمضان ويالله يالله طلعت هالخمبقة ( الحقوق طبعاً لشقرا مهيب لي ) :

قصيدتي خنفشاريـّه

........مرجوج يقصد بمرجوجه

مرجوجة ٍ بهلوانيـّه

........علطا وملطا ودغبوجه

دبيـّه ابرجل ملويـّه

........وأسنانها زرق معووجه

نظراتها كالحراميـّه

........صراف بنك إمتلى دروجه

فيها ثلاثين جنيـّه

........في كل الأوقات لجلوجه

قالت لي بنفس مرضيـّه

........أبغى المسايير والدوجه

أبغى عجوزي الرجيليـّه

........اللي من الوقت معلوجه

ومشتاقة ٍ لأم فوزيـّه

........وأبو محيميد وهروجه

وأنا على الدين والنيـّه

........ضيقه مع الوقت مفروجه

ويومن وصلنا البجاديـّه

........قالت أنا بنت عمهوجه

غيـّر مسارك لسوريـّه

........من كيفها تقلب الموجه

صارت قضيـّه حقوقيـّه

........من يعدل الميل والعوجه

رحنا وجينا عزوبيـّه

........وخذنا على ددتسني روجه

لوحات نقل السعوديـّه

........سبعين من وارد الخوجه

غمارته حوش لحجيـّه

........بأسلاك الأعلاف منسوجه

مثل المباني الحكوميـّه

........مع كل الأركان مطعوجه

قصيدتي خنفشاريـّه

........تصنيفة البرد وثلوجه

http://www.eqla3.com/file/ubb/smile.gif وسـلامتكــــــــم

[moally]

عز الله انك مقلع ........وتسلم يمناك على هذا الاقلاع والابداع

قصيدتي خنفشاريـّه

........تصنيفة البرد وثلوجه
ههههههههههههههههه

------------------
الله من صبرن صبرته ولافاد
والصبر مرن لاتعدى الحدودي

[المبدع]

ههههههههههههههههههههههه

قصيدتي خنفشاريـّه

........تصنيفة البرد وثلوجه

صح لساانك يابو نايف... الظاهر ان البرد موجعك .. http://www.eqla3.com/file/ubb/smile.gif

[أم عزيّز]

ههههههههههه
لا جديد خبل كالعادة http://www.eqla3.com/file/ubb/smile.gif
وأشوى ان منتب في السويد والا تسان علووووووووم http://www.eqla3.com/file/ubb/smile.gif

------------------
سبحان الله وبحمده سبحان الله العظيم ...
ـــــــــــــــــــــــــ
لا اله الا الله وحده لاشريك له .. له الملك وله الحمد وهو على كلّ شيءٍ قدير ..



=========================
حتى متى أنت في لهوٍ وفي لعبٍ *&* والموتُ نحوك يهوي فاغراً فاهُ
ماكل مايتمنى الـمـرءُ يدركه *&* ربَّ امرىءٍ حتفهُ فـيمـا تمــناهُ
نلهو وللموت مُمْسانا ومُصْبَحنا *&* من لم يصبِّحْهُ وجهُ الموتِ مسَّاهُ


يالله حسن الخاتمه

[This message has been edited by أم عزيّز (edited 16-01-2001).]

[العريب]

وش ذا الا بدااااع يابو نايف:

رحنا وجينا عزوبيـّه
........وخذنا على ددتسني روجه
لوحات نقل السعوديـّه
........سبعين من وارد الخوجه

ابيات خطيره وتذكرني باسلوب حجاب بن نحيت في قصايده

صح لسانك

[This message has been edited by العريب (edited 16-01-2001).]

[المتجول]

هههههههههههههااااااهههههههاااهاهاهاهاهاهههه

الله يرج بليسك يبونايف ... اجل حولت المسار لسوريه ههههههههههههههههه

تكفا .. ماركبتها في الصندوووووق هههههههه

صح لسانك .. وماهي غريبه منك ها الاقلاعيات

<--------- الى المميزه