عشق الاولين ...........(2)

[بنت الاجاويد]

السلام عليكم ...
ياهلابكل شيابنا وعجزنا ....
اضغط هنا لرؤية الجزء الاول من هذه القصة (http://www.eqla3.com/file/ubb/Forum7/HTML/000452.html)
<<<<<<< حركات قصص واجزاء ودنيا http://www.eqla3.com/file/ubb/smile.gif http://www.eqla3.com/file/ubb/smile.gif
------------

كانت نهاية الجزء الاول:
ام فهد قالت ايه هاذويلي انا ادسهن عن عيالى ..
واغبيهن هنيا ..
كذبت ام فهد ...وهى تعرف طريقه ابوفهد ...
وانه يختبرهن ....بس حصه طلعت امينه ..واحسن منتس ياام فهد ...وشتسوين ياام فهد ..
لازم اخرب عليها عشان يطلقها .....(كانت تغار منها وتعرفون غيره الحريم )
ابوفهد قعد خمسه ايام على هالحال ......ويحط الجنيهات ولاتجيه .....قال :.........
----
اللي هذا اوله ينعاف تاليه ..بس بصبر شهر عليه واشوف ...
ام فهد ...تغار منها هالمسيكينه ....
الغيره تحولت لكره ...
كل ماشافتها جايبتن لها الجنيهات ...ودها تصبخها بوجهها وتقولها خلاص يكفى ....
حصيصه ...عاشت ايام وليالي عند هالشايب وحريمه ...
تنجدع عليها كلمه من ذى ..وغمزه من هاذى ..ولمزه من ذيك ..
بس هى اصبر من الحصى ...
وبنت حموله واجاويد ...
لين جاء ذاك اليوم ودخل ابوفهد على ام فهد ..
وقالها السالفه كيت وكيت ...
وش تشورين على ؟؟
وكن ام فهد ماصدقت ان ابو فهد ..يفتح الموضوع ..
وبدت تسب وتشتم بالضعيفه.......

اصبح الصبح ...
وليته مااصبح ...
دخل ابوفهد على حصه وقالها ...
اجمع عريضاتس ....
ابوديتس لاهلتس ...
حصه ..
اندهشت ..
استغربت ...
وقالت فى نفسها ..وش الطاري ...
وتمتمت ....ابشر ....
ضفضت غريضاتها المسيكينه ..وشالت بقشتها ..
ونزلت من الروشن ..
ولاهاذي ام فهد بوجهها ..
سلمت عليها حصه ....
ولاردت ذيك السلام ...وتناظرها وسنونها تضرس عليها ....
ليش يام فهد عاشنها اصغر منتس ...واحلى ..
ولا عاشنهاطلعت امينه ومربيه ...
(ان كيدكن عظيم)...
حصه راحت عند امها يوم ....اثنين ...ثلاثه ...
شهر ....ولاحس ولاخبر منك يابوفهد....
الين جاها المرسول ........
بطلاقها ....
انصدمت ...
انفجعت .....
بكت .....
كتمت ....
ولسان حالها يقول ....
ليش وش سويت .....؟؟؟؟؟؟
امها ......ضاق صدرها بالحيل .....
ابوها .....انصفع على وجهه ..صفعه ماينساها طول حياته ....
ماعاش من يصفعك يابو حصه ....
كتم بقلبه ....
ياشين قهر الرجال ...
_________________
سليمان ....
يحلم بحصه ...
يشب هالجميرات بذيك القبه ....
ماغير هو والقمر رفيقه ...
ويقصد فيها ...
ويتخيلها قدام عيونه ...
يحبها حب بريء ....عفيف ...
مايقدر ينساها ....
وش يسوى بقلبه ...يوطاه ..يرميه ..
هى قلبه ...وحياته ...وروحه بعد ..
____________________
مرت الايام .....
وذيك الضحويه الى جالستن ام فهد فيها هى ووحده من رفيقاتها ...
ويصبون هالقهوه ويقعبون ...(عساهن لمره )
اسرت ام فهد بقصه حصيصه وابوفهد لام حمد .
وطبعا تعرفون الحريم ....
يمسكن السر بالحيل (ايه هين ) http://www.eqla3.com/file/ubb/smile.gif
وتسري القصه بين حريم حويلان مثل مايسر ي الشعيب .
وتوصل القصه لحصيصه ...
انهبلت ...
عسى ماله رمه ...بزر ماكملت الثلاطعش ...
يقال عنها هالكلام ...
هى صغيره بعمرها بس اكبر من كبيره بتفكيرها ونضجها ....
وقصدت قصيده طويله ...
تهجى فيها ابوفهد ..
تصف ظلمه ...وظلم ام فهد لها ....
<<<<<<<<محاتسيتكم ماحفظت القصيده ..
<<<<<<<<الله يخلف عليتس وابقص وابقص واخرتها ماحفظتيها ....
<<<<<<والله انى ماحفظته اصلا هاذي ليش دخلت علمى الاتبي تهج عن الادب والحفظ ...
_________________
سليمان ...ياقلبي قلبه ...
سمع بطلاق حصه ....
حس ان الدنيا ضحكتله من جديد ..
يحبها ...ويبي يتزوجها ...
ركض لابوه ....وعلمه بالسالفه ....
وعده ابوه بخير ...
وقاله انشاء الله اشوف ابو حصه باتسر المغرب واتقهوى معه واحاتسيه ....
سليمان .....مانام ...
اصلا من اعرست حصه مانام وشلون يبي ينام الليله ...
سرح بخياله مع حصيصه ...
حبه الاول ..
تذكرها يوم هى بالمحصد مع البنيات ...
وشلون كانت تركض تبعد عنه ...مستحيه منه
ياحبي لها وحياها ...
خلاص قرب الفرج ياسليمان ....
حصه لك وانت لحصه ....
_________________
قلط ابو سليمان عند ابوفهد ذيك المغربيه ...
وتقهوى عنده ...
وخطب حصيصه لسليمان ...
(ياحبي لكم ولعشقكم )
ابو حصه فرح ...
وقاله ....سليمان رجال ونعم فيه ..
وهو اللى يستاهل حصه ..
ووعده خير عقب مايشاروها .....
_______________
علم ابوحصه ......مزنه ..وفرحت بوليد اخيها ..
وبشرت حصه .....
وش تتوقعون ردت فعل حصه ؟؟؟؟؟؟
قالت .......
وربي وربكم واحد مااخذه لما يرد لى اعتباري وياخذلى ثاري من ابوفهد ومرته ...
مهرى .........
هالقصيده يوصله لابوفهد ....ويعلمه ان بنات الناس مهن لعبه ...
ولا يلعبهن على كيفه ويرميهن زى التسلاب ...
___________________
بعد ماعلم ابوحصه .....ابوسليمان بشرط حصه ..
وكان سليمان جالس فى المجلس ...
فز وقام ...
وقال ....
والله مااكون رجال وبنيه عمتى ....تهان ...
وانطلق لابوفهد وقصد عليه القصيد ...
وعلمه بماقالت حصه ....
وعض ابوفهد اصابع الندم ...
(ماينفع الندم الحين يابوفهد هذا اللى يترك امره بيد حريمه ....)
وتزوج سليمان حصيصه ......
وعاشو احلا ايام عمرهم ....
والحين جديدتى حصه الله يخليها ويطول بعمرها عاشت وشافت عيال عيال بناتها الى هم عيالى ...
وتحبنا وتغلينا ......الله لايحرمنا منها ولا من دعاها ....
وجدى سليمان ....الله يرحمه ...كان مثال الرجل الصالح التقى ....تثنى عليه اميمتى الى يومنا هذا .....الله يسكنه جنات النعيم ......
امييييين .....
وجزاكم الله خير على منحكم اياي وقتكم الثمين ...
وعساها تجوزلكم قصه عشق جدى لجدتى .....
____________________
ملاحظه .....الاسماء ذكرتها كماهى ....لكى احس بهم واتذكرهم .....الله يرحم ميتهم ....ويطول بعمر حيهم على زود عمل صالح .....
وسلامتكم .....
____________________
بنت الاجاويد ....


------------------
(رب اشرح لي صدري ويسر لي أمري واحلل عقدة من لساني يفقهوا قولي)

[الطير]

سلام......
قصه روووعه بس ليتك ماخليتيها جزئين..
تسلم ايدك والله يعطي المسلم علي قد نيته.
والله عطا سليمان وحصه علي قد نيتهم.(الحين درينا ليش اسمك بنت الاجاويد...اثرك بنت اجاويد
صح)
واللي عجبني...اكثر..انه حصه ماكتمت اللي بقلبها..ولاجحدته...يعني....اعلنت بالخط العريض
موقفها..وهذا احسن شي...اكره اللي يتنازل عن حقه
او اللي ...مايدافع عن نفسه
قصه مميزه تسلم ايدك


------------------
<FONT COLOR="Red">ولاتحسب ان الله قطوع يخليك.....ولاتفرح ان الله علي الخلق بداك</FONT c>

[ابو دنــان]

** هلا ..يا بنت .. بنت .. حصـــّــه .
* ان جيتي للقصــّــة فهي.. حلوة .
** وان جيتــي لحصــّــه.. فعندها كرامـــة .
*** واحــيــي فيك الشجاعة .. والثقة.. لذكر الأسماء والقرابة .
**** وياما فية معاناة.. وظلم.. وجور.. ولكن الحق يعلـــو أخيـــرا .
*****اللـــــــه لا يعدمنا هالحــس .. وهالاسلوب .. وهالطرح ..وهالبســاطة... وهالدماثة في الخلق( وش دراك ؟ ).. ( استنتاج )
_____________________________________________
.. والله يرحم موتانا..ويحسن خاتمة من بقي منهم.. ويخليهم.. فهم الخير والبركة .

[ضفدع كامل]

هلا بنت الاجاويد . اجل الاجاويد اللي هم حصة وسليمان http://www.eqla3.com/file/ubb/smile.gif http://www.eqla3.com/file/ubb/smile.gif الله يخليهم لتس .
القصة حلوه بس لو ما نسيتي القصيده تسان تصير روعة ,,
وننتظر منتس المزيد http://www.eqla3.com/file/ubb/smile.gif http://www.eqla3.com/file/ubb/smile.gif

------------------
أنا المجنون بالدنياوغيري صاحي فيها ... غريبه هذي الدنيا ترى الصّاحي بها مجنون
-------
defd3kamel@hotmail.com

[جعفر]

سلااااااام للكل / حلو حلو حلو مرررررررره يا حبابه هههههه امزح يا بنت الاجاويد قصه بجد ممتعه وان كانت تغيض وخاصة الي (ماتتسماش الوليه الي اسمها ام فهد )وليه شرانيه وارشانه بعيد عنك، السلام امانه تسلمين على جدتك وقوليلها يقولك جعفر تبيني ارفع على ابوفهد قضيه نخرب بيته فيها .

------------------
كل ما دقيت في أرض وتاد
من رداة الحظ وافتني حصاة

[شعنونه]

بنت الاجاويد ...ياحبي لك ولحصة ...
وبما انك ذكرت الاسماء الحقيقية ...
الله يرحم سليمان ويدخله الجنة ...

ويخليك حصة ...ويحفظها من كل سوء ...وان شاء الله الظلم راح عنها ولقت السعادة في كنف رجلها سليمان ومن ثم معكم ....

وليت تسألين حصة عن القصيدة ...اذا بتذكرها ... http://www.eqla3.com/file/ubb/smile.gif

ويعطيك الف عافية ...وتسلمين .... http://www.eqla3.com/file/ubb/smile.gif


<BLOCKQUOTE><font size="1" face="Arial"> رد خاص </font><HR>
على فكرة وش معنى شعنونه ..قصدي لما بتنادين بنتك شعنونه
وش تقصدين هل لانها شقية او لانها شقاوتها فيه ذكاء
بمعنى مرحة وحبوبة وزود كذا انها حبيبة ... http://www.eqla3.com/file/ubb/smile.gif
[/quote]

[بنت الاجاويد]

السلام عليكم ....
الله يسلمك يالطير ...وزى ماقلتلكم حطيتها جزئين عشان يعننى اكتب قصص واجزاء واصك على اكبر الروائيين http://www.eqla3.com/file/ubb/smile.gif
&lt;&lt;&lt;&lt;&lt;&lt;اقول اسكتى بس http://www.eqla3.com/file/ubb/smile.gif
ووالله انت الاجودى ..وولد الاجاويد ...
شكرا الف شكر على الاطراء اللى مااستحقه ...
____________________
اخوى ....قلب المنتدى النابض ...ابو دنان ..
الله يسلمك اذا صارت القصه حلوه بعينك فهاذى شهاده اعتز بها ....
وجزاك الله خير ....جديتي عندها كرامه ومره سنافيه طلعت رجال والله مات جدى وهم جذاعيين وهى اللى ربتهم ....
&lt;&lt;&lt;&lt;&lt;&lt;&lt;&lt;الحين هاذى شخصت ....لا وكبر راسه بعد ..
ابودنان يمدحها ...ماصدقت ...
حس ..واسلوب ...وطرح ...وبساطه ..ودماثه خلق ...
مااقول الا الله يجزاك خير ياابودنان ويوفقك ....
&lt;&lt;&lt;&lt;&lt;&lt;&lt;انحرجت صدق ماتدرى وش تقول http://www.eqla3.com/file/ubb/smile.gif
امين الله يرحمهم ...ويحسن خاتمه اللى بقى منهم ..
_________________
اخوى ...ضفدع كامل ...
الله يسلمك يااخوى ...
ترى هالقصه من سجلت وانا بكتبها بس القصيده ناسيتها ....وقلت ابكتبها ميخالف ..
من دون قصيده ...اهل منتدى التراث اهلى ولاعنهم
غطا http://www.eqla3.com/file/ubb/smile.gif
__________________
اخوى ....جعفر ....
وعليكم السلام ....
اشوى عجبتك القصه ....
اجل حبابه .....
&lt;&lt;&lt;&lt;&lt;&lt;&lt;&lt;ماتعرف منهى حبابه بس سالت وعلموها http://www.eqla3.com/file/ubb/smile.gif
اجل انت من جيل حبابه يالشايب http://www.eqla3.com/file/ubb/smile.gif
وام فهد الله يرحمها ويبيحها ....
هههههههههه اجل ترفع قضيه http://www.eqla3.com/file/ubb/smile.gif
____________________
ياهلا والله بشعونه ....
ياحبي لتس انتى والله ... http://www.eqla3.com/file/ubb/smile.gif
امين الله يرحم جدى سليمان ويسكنه جنات النعيم ..
وامين الله يخلينا جديتي ويقومها بالعافيه ...
والله انك صادقه على كلامها عاشت احلى ايامها مع جدى الله يرحمه بس مات وخلالها العيال صغار وربتهم وتعبت عليهم ...الله يمتع بها على زود عمل صالح ...
هههههههههه ياحليك تبينى اسالها عن القصيده ..
انا بعيده عنها مرره ولو باتصل واسال عن القصيد ه بتقول وش عندتس وش ماعندتس ...
والله يعافيك يالغاليه http://www.eqla3.com/file/ubb/smile.gif
------------------
رد مهوب خاص http://www.eqla3.com/file/ubb/smile.gif
شعنونه حبيبتى ...لما انادى بنيتى شعنونه كنت اول اناديها صغينونه وبعدين تطورت الكلمه مع التدليع وصارت شعينونه وبعدين صارت شعنونه ..
وحبى لك تقصدين ان معنى شعنونه:مرحه وشقيه وذكيه وحبوبه وحبيبه والله انها كلها فيك ياشعنونه .. http://www.eqla3.com/file/ubb/smile.gif_______________________
وتسلمون على اهتمامكم ..الله يخليكم لها المنتدى .
&lt;&lt;&lt;&lt;&lt;&lt;&lt;&lt;تحب هالمنتدى وااجد http://www.eqla3.com/file/ubb/smile.gif
&lt;&lt;&lt;&lt;&lt;&lt;&lt;&lt;فاقده نور المنتدى ...الخاله ام عزيز ...
عسى المانع خير ...يافتنه الحفل http://www.eqla3.com/file/ubb/smile.gif


------------------
(رب اشرح لي صدري ويسر لي أمري واحلل عقدة من لساني يفقهوا قولي)

[أم عزيّز]

بنيّتي (( بنت الأجاويد )) http://www.eqla3.com/file/ubb/smile.gif

ما ادري وش ابدأ به بس ابقول كل اللي في قلبي
وانتي رتبيه ...

اولاً نجي للقصّة .. قصّة روعة بكل ماتحمله هالكلمة من معاني ..
وزاد روعتها .. اسلوبك الجميل والبسيط .. اللي يخلي اللي يقراها يخشّ جو ..
واجمل مافي القصّة ان انحن عرفنا ان اسم جدّتس حصّه http://www.eqla3.com/file/ubb/smile.gif هههههه امزح بس
&lt;&lt;== وش رايتس في السجع http://www.eqla3.com/file/ubb/smile.gif
صدق يحق لتس انتس تفتخرين بها .. ولا تنسين تسمّين وحدةٍ من بنياتتس عليها .. http://www.eqla3.com/file/ubb/smile.gif
تراها تستاهل http://www.eqla3.com/file/ubb/smile.gif
والله يخليها لكم ان شاء الله .. وسلمي لي عليها سلامٍ تسثير ..
وقولي لها تسانها تبي تقهوى معي عقب الضحى
باتسر بس تجيب معها تمر لأني ماعندي الا حلاو ماكنتوش وجالكسي واخاف مايجوز لها طعمه
وجيبي لنا منها سويليفاتٍ مثل هذي
.... ولا عليتس امر
والله يرحم جدّتس سليمان ويسكنه فسيح جنّاته وجميع المسلمين ..

ــــــــــــــــ
والمنتدى منوّر بوجودتس وبوجود باقي الشيبان والصبايا .. http://www.eqla3.com/file/ubb/smile.gif
بس اللي قاهرني وش درّاتس
ان عيارتي (( فتنة الحفل )) http://www.eqla3.com/file/ubb/smile.gif http://www.eqla3.com/file/ubb/smile.gif

[أم عزيّز]

اسمحي لي يابنيتي اعطي المميّزة نسخة من هالقصّة
لأنهم يستاهلون .. http://www.eqla3.com/file/ubb/smile.gif


<BLOCKQUOTE><font size="1" face="Arial"> رد خاص </font><HR>
خاص لمرتادي منتدى المواضيع المميّزة
[/quote]


اللي يبي يردّ على هالقصّة
يضغط هنا ...... وهذا هو الجزء الثاني (http://www.eqla3.com/file/ubb/Forum7/HTML/000455.html)

وهذا الجزء الأول .... ولا يفوتكم (http://www.eqla3.com/file/ubb/Forum7/HTML/000452.html)