PDA

عرض كامل الموضوع : سواليف خاثره

هتان
12-01-2001, 21:27
قبل عشرين سنه واكثر يمكن كانت لي قصة غرام نسيتها مع الزمن .. وهي أول وآخر قصه على ماقالت امي ..
وانا اقلب بعض الاوراق القديمه وشهادات الإبتدائي لقيت صورتها .. !! بجدايلها الشقر وعيونها الزرق وخشمها " الدقاق " و.. بس يكفي نصب ..
وكتبت :
تحت نور وظلام ..
سكه طويله من الزحام ..
وصوره تباهت الوانها ..
قصة غرام هي عنوانها ..
تذكرت ذاك الصغير
اللي كبر وتوّه صغير ..
رجعت به الذكرى سنين ..
للشارع الضيّق .. وبيته الطين
وذكرى القلم والمسطره ..
ودمعه طاحت في دفتره ..
يوم انه كتب اسمها ..
وتذكـّر رسمــها ..
وكيف الزمان خانــه
ودفن حبه الصغير ..
ونسى انه صغير .. وماعبّره ..
**************
آه ياذكرى البيت القديم ..
لاهمست لي بالصوت الرخيم ..
ونادت .. للزمان يعود ..
وللحزين يعود ..
وطلبت مني وعد ..
وضاع الوعد .. وباكر بعد
وانا بوسط الايام ..
طارد ومطرود ..
**************
وينك يالتفاصيل .. يادفى الليل
نار الحطب وفرش الحصير وهيل ..
وصوتها يحكي .. قصة مواويل ..
وشعر ياخذ من الليل لونه للنهار ..
ولون الشفق من شفايفها استعار ..
لامشت كل الزهور تغار ..
والشجر لاشافها يميل ..
ياشفى قلبي العليل ..
ضاع الدوى .. وضاع الدليل ..
**************
ضاع قلبي بقلبك .. مادريت ..
ولو عرفت انك سرقته .. ماشكيت ..
وان دريت او مادريت ..
في عيونك ألف مره ..
ترى مت وحييت ..
*************
كان جدي الله يرحمه .. هو صاحب الكلمه الأولى والأخيره في البيت الكبير .. ماحد من اعمامي حتى ابوي الشايب اكبرهم مايقدر يسمي احد من عياله إلا بموافقة جدي .. ولما محاتسيكم شرف الدنيا كنت انا الثامن بترتيب اخواني لكن انا الوحيد اللي جدي سماني هو نفسه .. اختار لي جدي أسم وتم تنفيذ الأمر .. وابوي كان وده يسميني على اسم جدي وأمي تبي تسميني على اسم ابوها .. لكن انا أحمد الله على ديكتاتورية جدي .. لإن اسمه واسم جدي من امي .. لك عليه شوي .. يعني ماينفع هالزمان ..
مات جدي الله يرحمه ويرحمنا ويرحم اموات المسلمين وعمري سبع سنين .. يعني من حوالي الــ .. سنه واكثر شوي http://www.eqla3.com/file/ubb/smile.gif توفى بحادث سياره معه اخوي وعمي ماصار لهم شي ومعهم شخصين غير جدي توفى واحد منهم والثاني ماصار له شي .. وكنت ابكي قبل لايسافرون الطايف ابي اروح معهم عشان جدي .. وكنت متعلق بجدي لدرجه مايتصورها احد . لدرجة اني اسمي ابوي بإسمه وجدي هو ابوي .. ولين بغيت أي شي اروح لجدي .. امي وابوي واخواني واعمامي كلهم أشكل ..
****************
كان في حارتنا ولد صغير في سني وكان كحله .. خال من قلب .. وكان ابوه وامه تابعين لبيت في حارتنا ..
في هالولد مميزات مالقيتها في اي شخص ثاني حتى الآن .. كان صادق ومايكذب وكان ذكي بدرجه غير طبيعيه وفيه عطف وحب للناس يملا الدنيا كلها .. سبحان الله .. كنت اطق عيال حارتنا الصغار اللي في سني .. وإذا جا احد يشتكيني اقول ان اللي ضربه هو الأسمراني المملوح ( سلطان ) ويروحون ويطقونه طق لين يغفل .. غير ان ابوه يطقه .. لكن مايعترف ويقول مهوب انا تراه هتان .. كنت ارحمه واحيانا ابكي على اللي اسويه فيه .. وكان أي شي غلط اسويه على طول احطه هو في الواجهه واطلع انا منها .. وكان يستحمل .. حب وحده وحنا صغار .. وكانت حلوه ومملوحه .. وهي اللي تبيه .. وكنت ابي ارد شي من جمايله علي وصرت اوصل رسايله لها( يعني صاير مرسول الحب ) .. كان ابوها خال وجثه لو عطا الواحد كف جلس ثلاث ايام يدور بمحله .. لكن حسيت بالذنب في اللي كنت اسويه في سلطان وحبيت اخاطر واخدمه ..
مره من المرات عطاني رساله مكتوب فيها " حبيبتي فاطمه هذا هتان صديقي بيعطيك الرساله اول ماتقرينها الوعد عند البقاله " ..
وبالصدفه وانا اعطيها البنت .. شافني ابوها وانحشت ولما قرا الرساله لحقني للبيت .. وخفت انه يكلم ابوي وقبل مايطق الباب طلعت براسي من الباب وقلت احلف انك ماتطقني واقولك كل شي .. وحلف الخال .. وقلت ترى سلطان كل دايم يعطيني رسايل اوصلها لبنتك وانه يحبها ويواعدها عند البقاله وهذي مهيب اول مره اوصل لها رسايل من سلطان بس تكفى لاتطقني ولا تعلم ابوي .. ومادريت الا مدرعم الخال لبيت سلطان .. ومن سوء الحظ ان سلطان كان يلعب عند بابهم كوره ويوم شاف ابوها جاي من اللخمه شاته في منطقه حساسه http://www.eqla3.com/file/ubb/frown.gif وقام الابو يتلوى .. وانا اصارخ من اخر السكه اقول : سلطان انحش تراه جاي يطقك .. انا علمت بكل شي سامحني http://www.eqla3.com/file/ubb/frown.gif ..
على فكره http://www.eqla3.com/file/ubb/smile.gif سلطان يحضر ماجستير في أمريكا مبتعث http://www.eqla3.com/file/ubb/smile.gif
وفاطمه زوجته .. ومعه في امريكا وولدهم احمد الله يسعدهم ويوفقه ..
**************
على طاري الديدحان ..
وش معنى :
شكاكل ريبال ..
وقت ٍ من اسبابه شكاكل ريبال
.......... نصبر ونسكت كننا غايبينا ..
نلاحظ شكا لحال ..وكل لحال .. يعني شكا كل ريبال ..
وشهو ريبال ..
*************
البارحه لكن بالعين سملول
............ والاّ الحماط مداخله شوك حاذي
وشهو السملول .. والحماط ..
*************
اركض لهن لوهن صعاب المناويل
............ وعلى من سمر الحناديس جلباب
اتبع هواجماً تقود المغازيل
.......... مع صحصح ٍ نشرب هوا كل خنياب
وشهو الخنياب
*************
إنتهى رحمه الله .. ،،


------------------
قلت المطر .. قالت من اليوم ديمه
مابه رعد لابرق .. ماغير هتان
بحر الحنان
12-01-2001, 22:55
ضاع قلبي بقلبك .. مادريت ..
ولو عرفت انك سرقته .. ماشكيت ..
وان دريت او مادريت ..
في عيونك ألف مره ..
ترى مت وحييت ..


صح لسانك اخوي http://www.eqla3.com/file/ubb/smile.gif

------------------
البارحه قلبي زادت مواويله.. والعين و العبره تسرح تناديله
ياناس مكتوبي منهو يوديله .. يشكيله عن حالي سهران كل ليله
عضلات النمله
12-01-2001, 23:19
والله من ناحيه خاثرة فهى خاثرة بس ماتلاحظين ان جدك الله يرحمه كان دكتاتورى

------------------
لاشفت فيها حب خشوم طقطق نعالك ونحاش
ذروووق
13-01-2001, 05:43
والله ومنت سهل يا هتان http://www.eqla3.com/file/ubb/smile.gif
أجل من يومك وانت راعي حب وتحبب .. خزياه <IMG SRC="http://www.eqla3.com/file/ubb/icons/icon803.gif" border=0>
بس ما رحمت الا سليطين المسيكين يا حرام http://www.eqla3.com/file/ubb/frown.gif
يا خوي انت تحب براحتك هو وش ذنبه يندبج على حسابك ؟؟
أشوه انك منت ساكن بحارتنا والا تسان علوووووووووم http://www.eqla3.com/file/ubb/smile.gif
بس موضوع راااااايق بقوه يعطيك الف عافيه والله وعودا حميدا للساحه ..

------------------
If you were a tear in my eye
i will never cry
fearing i might loose u
and if i HAD to cry
i will drop u in my hand and drink u back
so i wont loose u
هبيل
13-01-2001, 08:28
يضرب الحب شو بيزل http://www.eqla3.com/file/ubb/smile.gif

------------------
قالو هبيل ...وقلت :جايزلي هبالي
هبال طيب....ولاصحاوة رخامه
........................
البارحه في جو واليوم في جو...يازين جو البارحه في خيالي
أم عزيّز
13-01-2001, 13:11
ياهلا ويامسهلا بهتان .. تو ما أنور المنتدى ..
لأن سواليفك خاثره قلت منيب قاريتها الا وانا مروّقه عشان أخش جو معها http://www.eqla3.com/file/ubb/smile.gif
وياويلك تسانك مخنبق http://www.eqla3.com/file/ubb/smile.gif
وبيجيك الرد الا قريناها بس انا متأكده انها سنعه دامك اللي كاتبها http://www.eqla3.com/file/ubb/smile.gif


------------------
سبحان الله وبحمده سبحان الله العظيم ...
ـــــــــــــــــــــــــ
لا اله الا الله وحده لاشريك له .. له الملك وله الحمد وهو على كلّ شيءٍ قدير ..



=========================
حتى متى أنت في لهوٍ وفي لعبٍ *&* والموتُ نحوك يهوي فاغراً فاهُ
ماكل مايتمنى الـمـرءُ يدركه *&* ربَّ امرىءٍ حتفهُ فـيمـا تمــناهُ
نلهو وللموت مُمْسانا ومُصْبَحنا *&* من لم يصبِّحْهُ وجهُ الموتِ مسَّاهُ


<FONT COLOR="Red">يالله حسن الخاتمه</FONT c>
رجة الرياض
13-01-2001, 16:56
اولا الله يرحم جدك وخويه ويدخله جنات النعيم يارب العالمين.

اجل خال وجثه وسليطين حرام عليك ههههههههههودي اشوفك وانت تناقز تقول سليطين سليطين تراني علمته بكلش لا وبعد سامحني هههههههههههه.

يعطيك العافيه على الموضوع


------------------
انا اللذي نظر الاعمى الى رجتي --- و اسمعت اقلاعاتي من به صمموووووو
وليس الذئب يأكل لحم ذئب_______ ويأكل بعضنا بعضاً عيانا
هتان
14-01-2001, 05:16
هلا والله بالحلوين الطيبين اللي بنحبهن ( هذي لغة ام عزيّز عشان تفهم لبناني بسم الله عليها من العين ) ..
بحر الحنان صح بدنك اختي حيالله بحر الحنان وبحر الخليج والبحر الاحمر http://www.eqla3.com/file/ubb/frown.gif http://www.eqla3.com/file/ubb/smile.gif http://www.eqla3.com/file/ubb/smile.gif
عضلات النمله : هلا بالعضلات بس وانا اخوك انت متأكد انك قاري موضوعي http://www.eqla3.com/file/ubb/frown.gif يعني واحد يقول ابوي بيسميني على اسم ابوه وامي بتسميني على اسم ابوها غير قصة صديقي الكحله سليطين وبالأخير تقول ( ماتلاحظين ) http://www.eqla3.com/file/ubb/frown.gif انت موصيتك بشي ام عزيّز ..!
ذروووق : http://www.eqla3.com/file/ubb/smile.gif http://www.eqla3.com/file/ubb/smile.gif احرجتيني والله حمرت خدودي مستحي http://www.eqla3.com/file/ubb/frown.gif بس كنت صغينون مادري عن شي .. يعني بالنيه امشي لين الحين ..
الله يعافيتس يارب http://www.eqla3.com/file/ubb/smile.gif
هبيل : اي والله خير الكلام ماقل ودل يعطيك العافيه بس لو مسولف شوي كان فليناها مع بعض ..
ام عزيّز : هلا بخالتنا ام عزيّز بس ترى داخل انطل الموضوع ومتلطم خايف من المعصاد http://www.eqla3.com/file/ubb/frown.gif
والله ودي اخنبق يام عزيّز بس خايف من المعصاد قلت بكتب هالمويضيع جس نبض وان تسانه مر من مقص ام عزيّز فانا بخنبق بس عاد خنبقه على سنع يعني من اللي ماتوصل حد المعصاد ..
تعرفين الراس مليان صعارير مهوب ناقص ...

رجة الرياض : هلا مريجيج وينك ماتكتب وبعدين ليتك معي تشوف الخال وش كبره كان سويت مثلي مير احمد ربك انك بعيد .. بس تدري كنت اقول سامحني وانا نصاب عقب مافضحته .. بس وش اسوي لازم اخلص روحي ..




------------------
قلت المطر .. قالت من اليوم ديمه
مابه رعد لابرق .. ماغير هتان
شعنونه
15-01-2001, 04:22
هلاااا هتان ... http://www.eqla3.com/file/ubb/smile.gifوبعدين وش صار على البنية http://www.eqla3.com/file/ubb/smile.gif

ياحرااااام رحمته سلطان ذا بس الاخبار الاخيرة عنه حلووة ( ونهاية سعيدة للقصة ) http://www.eqla3.com/file/ubb/smile.gif


والله يرحم جدك ويدخله الجنة http://www.eqla3.com/file/ubb/smile.gif
الطير
15-01-2001, 08:36
ولو ياهتان اثريك قليل خاتمه
-------
بس تدري وشلون
جازت لي صراحتك بالقصه.تعجبني ياهووووو
والله وبالله انه اذا ماودتها ام عزيز للميزه فهي غلطانه
طخيمان
17-01-2001, 08:25
على قولك خاثره مره

------------------
والطاء طرية الخصر بحسنها '''' لها طول يدع العاشقين صوارع
هتان
17-01-2001, 22:37
اهليييييين شعنونه http://www.eqla3.com/file/ubb/smile.gif
آمين يارب .. وسلطان لاتخافين خذ حقه يوم زواجه وقال لابوها لما شافني جاي في الزواج ترى هذا هتان اللي كان يبي يخطف فاطمه مني وحنا صغار http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif اي فاطمه http://www.eqla3.com/file/ubb/frown.gif بغى يذبحني ابوها فهم غلط .. الاسمراني هذا ماعنده لعب ..

الطير http://www.eqla3.com/file/ubb/smile.gif
هلا والله وقلة الخاتمه وقت الزنقه مطلوبه http://www.eqla3.com/file/ubb/smile.gif http://www.eqla3.com/file/ubb/frown.gif
لين جاك الذيب عظ ثوبك وانحش .. لاتسوي بطل http://www.eqla3.com/file/ubb/frown.gif
هههههههه تسلم والله ويخليك ربي وردك يكفي كني مولودن في المميزه http://www.eqla3.com/file/ubb/smile.gif http://www.eqla3.com/file/ubb/smile.gif

طخيمان http://www.eqla3.com/file/ubb/smile.gif
انتظرونا الجزء الثاني .. سواليف اكشن http://www.eqla3.com/file/ubb/smile.gif http://www.eqla3.com/file/ubb/smile.gif



------------------
قلت المطر .. قالت من اليوم ديمه
مابه رعد لابرق .. ماغير هتان
أم عزيّز
22-01-2001, 13:50
ياهلا بهتان ..
ومن ناحية انها خاثره فهي خاثر والله يستر من خثرة الجزء الثاني http://www.eqla3.com/file/ubb/smile.gif
ولا تبطي به علينا .. ترانا ننتظره على احر من بعض الناس اللي الا جو على دكّة الاحتياط وجاب الهلال قووووووول http://www.eqla3.com/file/ubb/smile.gif

والله يغفر لجدك ويرحمه وجميع موتى المسلمين ..

والمموضوع مميّز فعلاً .. ومكتوب باسلووووب ممتع ..

واسمح لي انقل نسخه للمميّزة ..مهوب جايٍ خالي الطير أخير مني http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif

------------------
سبحان الله وبحمده سبحان الله العظيم ...
ـــــــــــــــــــــــــ
لا اله الا الله وحده لاشريك له .. له الملك وله الحمد وهو على كلّ شيءٍ قدير ..



========================= <FONT COLOR="Red">أحيطكم علماً .. انا الموقعة ادناه أم عزيّز والشهيرة بفتنة الحفل بأنني أعاني من اضطراباتٍ نفسيّه رهيبه .. قد ينتج عنها مواضيع اوردودعلى مواضيع او ردود فعل ( مال امّها داعي ) </FONT c><FONT COLOR="Red">لذلك أخلي مسؤليتي تمااااماً من أي شيٍ يصدر مني من تاريخ 22/10/1421هـ ... 17-01-2001 </FONT c><FONT COLOR="Red">واتمنى ان لا تشرهوا عليّ هذه الأيام حتى تزول هذه الحاله .. وعلامة زوالها هي زوال هذا التوقيع .. والله الموفّق :( </FONT c>
بندول
22-01-2001, 19:46
<FONT COLOR="Blue"><FONT size="+2">ماشاء الله تحطها براس الولد دايماً والله إن الولد وسيع صدر بس الله يحفظه ولا تنكب مرة ثانية</FONT s></FONT c>

------------------
بندول تجده عند جميع راعين البناشر:)