PDA

عرض كامل الموضوع : مذكرات..بنت..اسمها..نوره...

موكا موكا
25-01-2001, 09:35
كان عمرها 6سنين..وكانت قاعده بغرفتها تمشط شعر عروستها..يوم سمعت صوت هواش امها وابوها...وقفت لدقيقه تمشيط...بعدين رجعت تمشط شعر عروستها ..مهيب اول مره تسمعهم يطاقون ..قد شافت مره ابوها يطق امها....خلصت تمشيط شعر عروستها ..وضمتها لصدرها. وقالت لها"<FONT COLOR="Red">وش كثر امك تحبك يا نوره"</FONT c>

صار عمرها 8 سنين..صحت من النوم على صوت طقاق..ورقعه باب...قامت تركض للشباك..لقت امها ساحبه شنطتها وراكبه السياره....طلعت تركض ببيجامتها تبي تلحق امها...لقت السياره طلعت من الكراج...راحت عند ابوها تبي تساله...وقفت عند باب الغرفه..وشافته قاعد على الكرسي يبكي....وقف سؤالها بحلقها....وركضت قبل لا يشوفها ابوها... http://www.eqla3.com/file/ubb/frown.gif http://www.eqla3.com/file/ubb/frown.gif

صار عمرها 10 سنين..وتوها راجعه من المدرسه...ولقت في الحوش ولد صغير يلعب في مراجيحها.<IMG SRC="http://www.eqla3.com/file/ubb/icons/icon92.gif" border=0>.ركضت له وقالت له :"من انت وليه تلعب بمراجيحي؟"قال لها"هذي مراجيحي مهيب مراجيحك...وهذا بيتنا..مهوب بيتكم" رمت شنطتها وضربت الولد. بكل قوتها ضربته..بكل قهرها ضربته..."انت كذاب..هي مراجيحي..هذا بيتي انا"...جاء ابوها يركض....."نوره"..التفت على ابوها وهي تبكي...."مراجيحي يا يبه مراجيحي" شالها ابوها...وخذاها جوا البيت..ودخل بها غرفتها...وقال لها.."نوره..خذي الي تبيه بسرعه..لازم نطلع من البيت...الديون كسرت ظهري"......الديون؟؟وش معنى كلمه ديون لبنت عمرها 10 سنين؟؟؟معناها انها مارح تلعب بمراجيحها مره ثانيه....بس الديون ما رح تاخذ منها عروستها نوره..... http://www.eqla3.com/file/ubb/frown.gif http://www.eqla3.com/file/ubb/frown.gif

صار عمرها 15 سنه..."يبه؟؟يبه؟؟؟يبه يالله تأخرت عن المدرسه..يايبه؟؟؟؟" وابوها مهوب راضي يقوم...متى اصلا هو قام يانوره من خموره..وسكره؟؟مسكت سماعه التلفون.."هدى..معليه داريه ازعجتك!!!بس مايخالف تمريني تاخذيني بطريقك للمدرسه".....سكرت السماعه وناظرت ابوها النايم..."الله يسامحك يا يبه...الله يسامحك؟" http://www.eqla3.com/file/ubb/frown.gif http://www.eqla3.com/file/ubb/frown.gif

صار عمرها 18 سنه...فتحت الجريده..."اسمي طلع من المقبولات بالجامعه..يبه يبه قبلوني بكليه الطب يا يبه.. http://www.eqla3.com/file/ubb/smile.gif http://www.eqla3.com/file/ubb/smile.gif.." جاء ابوها طاير من الفرحه.."مبرووك مبروك يانوره.."وضمها لصدره....يالله وش كثر وحشني حضنك يايبه....كلمي امك يا نوره بشريها.....يالله وش كثر تشتاق لامي يا يبه......رفعت سماعه التلفون ودقت على امها...."هلا يمه...لا يايمه انا مانيب عهود..انا نوره...قبلوني بالطب يا يمه.لا يايمه ما كلمتك عشان الفلوس..." حتى كلمه مبروك ما قالتها لي...حتى صوتي ما تميزه....الله يسامحك
يا يمه..اذا انتي تكرهين ابوي ..انا وش ذنبي؟ http://www.eqla3.com/file/ubb/frown.gif

صار عمرها 25 سنه...تخرجت بامتياز من كليه الطب...ابتعثتها المستشفى لكندا..قالت لابوها..قال لها" يا بنتي...انا قاعد عشانك..واذا تبينا نسافر...مايخالف"ما سعتها الدنيا من الفرحه....وما كملت 3شهور الا وهم داخلين شقتهم بكندا... http://www.eqla3.com/file/ubb/smile.gif


صار عمرها 27 سنه...وهي راجعه لشقتها...شافت بزر يصيح...يالله وش كثر ابي بزر..يناديني بماما..يالله وش كثر احتاج احد معاي.....وصلت الشقه..فتحت الباب ..لقت ابوها منسدح بوسط الصاله..نام من كثر السكر...شالت القوارير الفاضيه...سكرت التلفزيون..جابت بطانيه ولحفته..لين متى يا يبه..متى ربي بيتوب عليك يا يبه متى؟؟؟ http://www.eqla3.com/file/ubb/frown.gif

صار عمرها 30 سنه....اخذت الماستر....قال لها ابوها انه مهوب راجع للسعوديه..يبي يعيش بقيه عمره هنا. http://www.eqla3.com/file/ubb/frown.gif.هنا..السعوديه..ماتفرق معها مالهااصلا من ذي الدنيا الا ابوها...حتى مهوب دايم ..بس بالساعات الي يصحى فيها من سكره.....عرضوا عليها وظيفه بالمستشفى قبلتها... http://www.eqla3.com/file/ubb/frown.gif

صار عمرها33 سنه...كانت قاعده بمكتبها..جاها زميلها دكتور خليجي بنفس المستشفى....ابدى لها اعجابه..فيها وباخلاقها..وبحجابها...وعرض عليها الزواج.....ماسعتها الدنيا من الفرحه....الولد كويس وكل من يمدحه...وقالت لابوها...واستانس الاب مره...وقال لها خله يجي يقابلني بكره بعد الدوام... http://www.eqla3.com/file/ubb/smile.gif
وجاء بكره....وجت نوره مع زميلها للبيت..تبيه يقابل ابوها...دخلوا الشقه...سمعوا صوت التلفزيون مفتوح..نادت نوره.."يبه ..منصور جاء يقابلك يا يبه" دخلت نوره ومنصور الصاله لقت ابوها منسدح.. بين قوارير الخمر...منسطل...التفت عليهم الاب..وقال.."اجل انت عريس الغفله؟..كم بتدفع مهر؟؟ترا بنتي ما تتزوج الا بمهر عالي...وش تفكر انت؟؟........."تصفق وجه نوره....وتصفق وجه منصور..وسحب نفسه وطلع.....وصار الاب يضحك ويضحك...ونوره تناظره...وتبكي http://www.eqla3.com/file/ubb/frown.gif
دخلت غرفتها نوره...وطلعت شنطه قديمه...ذبحها الغبار....وطلعت من وسطها عروستها القديمه....وخذت مشط وصارت تمشط شعر عروستها....وتسمع صوت ضحك ابوها...وتسمع صوت امها وهي تقولها كم تبين فلوس؟؟؟ ضمت عروستها لصدرها وبكت......"وش كثر امك تحبك يانوره"<IMG SRC="http://www.alsakher.com/ubb/icons/icon33.gif" border=0>




------------------
افرض مسلا مسلا اني خصمتك يوم..منت قارفني بعيشتي..جعلك الي مانيب قايله
فارس نجد
25-01-2001, 09:52
يا سلام يا موكا

والله قصة مؤثرة

واسلوبك رائع جدا

الى المميزة دون نقاش ============&gt;

------------------
يا بن ودي يا صاحبي يا رفيقي
........ ليس حبي تطفلا أو ثقالة
فأجبني بيا( مقلعا) يا صديقي
........ وأعـد انها ألذ مـقـالـة
غطا رديتر
25-01-2001, 10:13
http://www.eqla3.com/file/ubb/frown.gif http://www.eqla3.com/file/ubb/frown.gif

انا اشك ان الابوو من متقاعدين وزارة البرق والبريد (قبل لا تجي شركة الاتصلات)<IMG SRC="http://www.eqla3.com/file/ubb/icons/icon824.gif" border=0>



------------------
جلس على العاير والبس أوزارك ومن مر عكر له
وسيم نجد
25-01-2001, 10:26
بقولك شي .. اول مرة يقشعر جسمي من قصـة بذا الاسلـوب.. مؤثرة بجــد .. http://www.eqla3.com/file/ubb/frown.gif


غيرها من البنــات . كان زمنها .. دشرت وخربت و جابت في نفسها و سمعتها العيــد ..! http://www.eqla3.com/file/ubb/frown.gif

بس الاصيـل اصيـل ..

يعطيك الف عافيـة ..

-&gt; مميزة

------------------
لا تُـقلد غيرك ,, ميّـز نفســك !

hot_tonaa@hotmail.com
ICQ#74444473 (http://wwp.icq.com/scripts/search.dll?to=74444473)
السيجار الوسيم
25-01-2001, 10:40
<FONT COLOR="Brown">مادري وش اقول ياموكا موكا ...... بس من جد القصة غرفت قلبي وكثر ماغرفت قلبي كثر ما شدتني اني اقراها مره ثانيه ....... الله يعطيك العافية وذكرتيني بزاوية امنة الغنيم -الحر ملك- تحياتي لك http://www.eqla3.com/file/ubb/smile.gif</FONT c>

------------------
<center><FONT size="+2"><FONT face="Verdana"><FONT COLOR="Purple">إحترق تضيء .... إحترق تخشاك الدنيا ... هكذا علمنا عود الثقاب</FONT c></FONT f></FONT s></center>
سلطان نجد
25-01-2001, 11:07
بالخير00000

اللللللله تسلم افكارك وايدينك اللي كتبت هالقصه الروعه ..... بس لي طلب يااختي تكفين خلي نوره تترك كندا وترجع للبلد قسم بالله اننا بحاجه لنوره ونتمنى ان كل مستشفياتنا تكون مليانه بنوره وحصه وموضي وان بغيتي مزنه بس اهم شي يكونون من بناتنا والله مايحك جلدك مثل ظفرك حتى العصا الطويل اللي بنهايته يد قسم انه مايحك الظهر مثل الظفر !!!!
تكفين رجعيها ياموكا موكا للبلد اماها قصتك سوي اللي تبين على كيفك ايه وبعد خلي ابوها يترك الخمور ويرجع لامها تكفين اختي ودنا نفرح واللي يسلم عمرك لاترديني .....
&lt;---- ضاق صدره من القصه ووده ان الكاتبه تخلي النهايه سعيده

------------------

سلطان نجد

اذا لم اكن كما اريد ان اكون فلن اكون
( مقوله شخصيه )
من يعش بلا مبادىء لايستحق الحياة (مقوله شخصيه)

انا لن اتحدى احدا مهما كان لكني سوف اقبل كل التحديات ( مقوله شخصيه )

sasn9@eqla3.com
moon-15
25-01-2001, 11:12
هلا موكا والله اشكرتس واله على ذا الموضوع الروعه

<IMG SRC="http://www.eqla3.com/file/ubb/icons/icon91.gif" border=0>

------------------
محيميد
25-01-2001, 11:13
موكا موكا

الله يقطع ابليسك زيييييييييييييين !!!

------------------
حب ٍقصير وحب ماله نهايه...حب ٍ يموت وحب اقوى من الموت
القشرا
25-01-2001, 11:15
<center><IMG SRC="http://www.alsakher.com/ubb/icons/icon33.gif" border=0></center>
<center><FONT COLOR="Red">لا موب ذي النهايه انا مع سلطان نجد</FONT c></center><center><FONT COLOR="Red">قصه رائعه رائعه </FONT c></center>

------------------
<center><FONT size="+2"><FONT COLOR="Purple">انا عزاي أن الوفاء محتوينــي..... وان خان غيري بعت دمي ولا خنت !</FONT c></FONT s></center><center><FONT size="+1"><FONT COLOR="Red">☺توقيع المنسدح سرقته ...عادي</FONT c></FONT s></center>
ابن جلوي
25-01-2001, 11:56
أخت موكا،
قصة محزنة و واقعية. وش كثر من أمثال نورة المخلصين لأهلهم و وطنهم تعذبوا و ضحوا و فقدوا طفولتهم، و السبب الفســاد و الجهل اللي تمكن من الأهل. الله يثبت قلوبنا و أقدامنا بالإيمان و القول الثابت..
ما أقول الا ما شالله عليك..موضوع مثل هذا ما بمقامه إلا المميزة..

------------------
Life: A system of functions…Our actions & deeds are it`s inputs…Perfection & “Our Reach” are it`s asymptotes…It`s outputs, are yet to be granted to us..on the Day of Judgement…
الشقردي
25-01-2001, 12:00
قصه تقطع القلب بحرم اقراء مواضيع لتس يا موكا http://www.eqla3.com/file/ubb/frown.gif

&lt;&lt;&lt;&lt;&lt;&lt;&lt;&lt;&lt; كان مبصوط قبل ما يقراء القصة

وهذي مشكلة الخموور وهذا ليش سماها الرسول صلى الله عليه وسلم (ام الخبايث)

http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif

------------------
اصعب مرحله في عمر المقلع ان يكون "عضو جديد"
إن طال الزمن فلم تروني...فهاذا خط ايدي فتذكروني
شروق الفجر
25-01-2001, 16:26
<FONT COLOR="Purple">الله الله ياموكا..والله اروع من كذا قصه..ماقرات..وتحسينها واقعيه مره..عشت مع كل كلمه كتبتيها..لك اسلوب رائع وممتع باالسرد..قسم باالله مدري وش اقول علشان اقوللك ان القصه اكثر من رائعه..وفعلا مميزه..وياريت نسخه منهاللجاده كمان لان فيها عبره..</FONT c>

------------------
قاعده افكر في توقيع جديد
مشعل
25-01-2001, 17:14
موكا موكا : يعطيك العا فيه بصراحه موضوع حلو ومميز ..وقصه مؤثره جدا تقطع القلب .. وعسى الله يساعد نوره على ما جاها ..
Madee7a Hanim
25-01-2001, 17:47
إبــــــــــــــداااااااااااااااع
انتي رهيبة يا موكا موكا http://www.eqla3.com/file/ubb/smile.gif
بس والله ظاق صدري على هالبنت المسكينة http://www.eqla3.com/file/ubb/frown.gif http://www.eqla3.com/file/ubb/frown.gif
ويعطيك العافية...
NOUFAH
25-01-2001, 18:13
يوووووووه مره ضاق صدري http://www.eqla3.com/file/ubb/frown.gif
طيب الحين وش بتسوي نوره؟
-------
ترا من جد القصه رائعه وتستاهل المميزه..والسرد رهييييب ..يعطيك الف عافيه http://www.eqla3.com/file/ubb/smile.gif
-------
بس برضه انا زعلت http://www.eqla3.com/file/ubb/frown.gif http://www.eqla3.com/file/ubb/frown.gif

------------------
سنين..سنين هالصوت الجارح الزاجر
يصيح بي وينك؟؟ قطفت بساتينك..وابلك خذتها القوم
وافز وفي انفي عجاجة الغاره
واصحى وفي كفي ساعه ونظاره
مالي ابل ارجوك..مالي نخيل
لا نصل ولا حافر
تعبت من صوت العروق المبطيه..ومن صمتي الفاجر
وانا آخر الفرّيس ظنك؟ أنا آخر الفرّيس
حسبك ياحادي العيس
هذا الزمن عاري..لا ردن ولا جوخه
يصهل مهر راكان..وينادي ابن مهيد..يوقف شعر هالبيد
هذا الزمان اصمخ مايسمع شيوخه...
ذروووق
25-01-2001, 18:33
يالله ان تجعل صباحك صباح خير يا رب
توني معزيه وحده في ابوها ومصيحتني http://www.eqla3.com/file/ubb/frown.gif والحين افتح على ذا الموضوع ويعدم نفسيتي http://www.eqla3.com/file/ubb/frown.gif
لو ابي احلف يا موكا انك مسويه عقد احتكار مع النكد http://www.eqla3.com/file/ubb/frown.gif
بس الصراحه عاد والحق ينقال القصه روعه ومؤثره بس ليتك ما صبحتينا فيها ياشيخه http://www.eqla3.com/file/ubb/smile.gif
ايييييه وش كثر امك تحبك يا نوره http://www.eqla3.com/file/ubb/frown.gif

خيال قصصي حلو والله وانا اختك http://www.eqla3.com/file/ubb/smile.gif
يعطيكي العافيه http://www.eqla3.com/file/ubb/smile.gif

------------------
إن ظميت أشرب سواليفك بدمي
-------------------وإن تثاقل الدروب أزمهــــــــــا
وإن خذتني منك عينٍ ما تسمي
--------------------ألعن الدنيا وأبوها وأمهـــــــــــا
سيد مزاج
25-01-2001, 19:25
تقطع القلب
فرعون
25-01-2001, 19:37
انا فين!!
الخبله
25-01-2001, 20:37
<FONT size="+2">Text</FONT s>[color=Pink]Text[/c
olor]
سلالالالالالالالالالالالالالامو عليكم يا مقلعين
انا وحدتن جديده
اسلم عليكم يا جماعة الخير
يا حليلتس حليلاه يا موكا
مير وش ضيقة الصدر عند نوره ضيقة خلق في ضيقة خلق من امها والا ابوها أعوذ بالله من ابليس
نعنبو الظالم مير سودتي عيشت البنيه كلها سودا عطيها لون وردي ما فرحت الا يوم قابلت منيصير
زوديها وخليها يقتلعها من عند ابوها زمين القصه تغدي مفرحه بعضن من الأشياء
تحياتي ليتس يا موكا مير لا تقاطعينا بذا القصص
ابد تسدحي وتبطحي واظهري لنا بذا القصص
وعساتس بالقوه يا بعدي
مير طولت


طيب فمان الكريم يا جماعة الخير


------------------
7elweh
25-01-2001, 22:22
<FONT size="+2">اهيء...اهيء..من جد تحز يا موكا.... http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif هذه هو خراب البيوت...الخمر و القمار http://www.eqla3.com/file/ubb/frown.gif http://www.eqla3.com/file/ubb/frown.gif</FONT s>

------------------
الخيل و الليل و البيداء تعرفني
................................و السيف و الرمح والقرطاس و القلم

***************************
و تدلع.....*^_^*
ابوبرغش
26-01-2001, 01:18
ههههههههههههههه
خخخخخخخخخخخخ
ككككككككككككككككككككك
هههههههههههههه
ما اقدر اتنفس من الضحك كلما تخيلت خطيب بنتهم وهو طالع من البيت والبنت قاعده جنب ابوها تبتسي ... موضوع مرجوووووووووووووووج

&lt; ------- راد وهو معه قويريره
هتان
26-01-2001, 09:30
قصه حلوه ومؤثره من جد http://www.eqla3.com/file/ubb/frown.gif
لكن سلميني على هالعروسه اللي صبرت كل هالسنين بدون ماتتكسر .. والله اللي مايعرفون يخربون العابهم هالعالم .. انا اشتري لهالصغار لعبه حديد الصبح بعد الظهر القاهم يلعبون بصواميلها ..

موكا .. الحقيقه القصه حلوه وروعه .. لكن استغرب هالأب يعني لو يكون فيهم اختيارات كان خذت لها ابو يحشش مايشرب خمر .. وارتاحت http://www.eqla3.com/file/ubb/frown.gif http://www.eqla3.com/file/ubb/frown.gif

------------------
قلت المطر .. قالت من اليوم ديمه
مابه رعد لابرق .. ماغير هتان
وسيع قلب
26-01-2001, 09:54
موكا موكا....

كثييييييير اللي كذا...وربي كثييييييييير

متميزه...القصه..والاسلوب...والاحداث...وطريقة السرد...وجريييئه بعد...
المتميزه...واتمنى منه نسخه بالجاده...

ثروه

------------------
مشتاق لكبسة ماما

افتح يا سمسم....بصوت حمار القايله (http://www.angelfire.com/ab4/wesee3/sam_sam_sam.rm)


حمار القايله....والــــمــــقــــنــــاص (http://www.eqla3.com/file/ubb/Forum8/HTML/002597.html)
أصايل
26-01-2001, 10:26
<FONT face="Tahoma">طيب وبعدين ...لما صحى ابوها وش سوو....؟؟وراها ما لحقت منصور ؟؟</FONT f>
marea
26-01-2001, 12:06
http://www.eqla3.com/file/ubb/frown.gif http://www.eqla3.com/file/ubb/frown.gif آآه ياموكا

الله يهديك ....تونا مخلصين اختبارات http://www.eqla3.com/file/ubb/frown.gif



------------------
إذا كنت ذا رأي فكن ذا عزيمة
.....فإن فساد الرأي إن ترددا
********
<FONT face="tahoma">
<FONT COLOR="PaleVioletRed">عشنا وياما حنشوف..عوجا والطابق مكشوف</FONT f></FONT c>
******
كي راري دي كي راري رارا
يعني يضحك كثيرا من يضحك أخيرا ..بالفرنسيه :)
ثورة الشك
27-01-2001, 04:08
<center><FONT size="+2">اول مره تذرف لي دمعه في الإقلاع</FONT s></center>

<center><FONT size="+2">تصدقين موكا بعض الأحيان وعلى كثر مانسمع من الشباب عن مثل هذي المواضيع وشلون انهم يتأثرون من المشاكل هذي يحز في نفس الواحد انه يلقى ابوه وامه مثل اللي انتي جبتيهم في قصتك http://www.eqla3.com/file/ubb/frown.gif فشرايك بقصة نوره وماتبين دمعتي تذرف http://www.eqla3.com/file/ubb/frown.gif</FONT s></center>
<FONT size="+3">متميزه لا عدمت يمناك </FONT s>

------------------
ليت الدواسر هلن لي
قصيرهم مايضامى
رصاصهم مستجلّي
يكسر صليب العظامى
فنجان قهوة
27-01-2001, 04:24
<FONT COLOR="Green">موكا وانا خالتس ،، السرد رائع والإطار العام رائع ،، والموضوع واقعي ،، لكن هناك خلل ما في الأحداث ،، فلا يمكن ( الا لمن شاء ربك ) أن تمر هذه الأحداث المتلاحقة على انسانة ما ومازال في عقلها ذرة من العقل ،، هذه الأحداث لن تقودها إطلاقا الى التميز دراسيا وعمليا ،، كما ان النهاية كان يمكن أن تكون أحلى ( أو أكثر واقعية ربما ) لو أن ( الدكتورة نورة ) تعاملت مع إدمان والدها قبل أن تتعامل مع برنامجها الدراسي والعملي خاصة وأنها في كندا ويسهل التعامل مع هذه الأمور هناك ،، ليس ماذكرت إنقاصا من تميزك في السرد ومعالجة الفكرة ،، ولكنه فقط رؤيا لتميز أكبر ،، تسلمين غالية .</FONT c>

------------------
ناظرت في عينك لقيت المزايين ****
يبكون ود كان بينك وبيني
يابيالة أمضيت أنا في هواه سنين ****
لو كان بيدي ماتفارقتس عيني
****** ود فرنسي طاح في لجة الصين ******
سيدلان باشا
27-01-2001, 04:34
ابداع كالعادة
موكا موكا
دائما الى الامام
متميزة بدون كلام

------------------
داري ان محدن لمي
بس اوسع صدري شوي
وضحا
27-01-2001, 04:46
تسلم يمينك على هالوصف الشيق

http://www.eqla3.com/file/ubb/smile.gif http://www.eqla3.com/file/ubb/frown.gif http://www.eqla3.com/file/ubb/smile.gif http://www.eqla3.com/file/ubb/frown.gif http://www.eqla3.com/file/ubb/smile.gif http://www.eqla3.com/file/ubb/frown.gif
حروف الحب
27-01-2001, 14:23
<FONT COLOR="Purple">هلا موكا http://www.eqla3.com/file/ubb/smile.gif

الصراحه ابي اعرف ذي القصة واقعيه او من تاليفك ياموكا؟؟؟
الصراحه مؤثره للغايه http://www.eqla3.com/file/ubb/frown.gif

ان كانت من تاليفك تستاهل المميزه</FONT c>
خل و خل
28-01-2001, 02:05
القصه رائعه ومثل ما قالو الاخوان دائما متميزه يا موكا
عندي تعليق على رد احد الاخوان ( فنجان قهوه )
اخوي
اذا كانت نوره واصلت دراستهافي ظل غياب والدها وامها
وهي قصه من خيال وابداع الاخت موكا
فان هناك امثال نوره في الواقع وفي الحقيقه
فليس غياب ابويها يحتم على نوره غياب عقلها
( على كلامك ) واخفاقها دراسيا
ثانيا بالنسبه لنهاية القصه
ممكن يكون للكاتبه تصور في انها واصلت تفوقها في ظل غياب اسرتها حتى يكون هناك هدف من القصه
وهو التفوق والنجاح
وثالثا
في كندا وامريكا والدول الغربيه عامة
المستشفيات المتخصصه في علاج الادمان كثيره
لكن الذي اكثر منها هي مصادر الادمان
فليس شرطا ان تكون كندا متقدمه في العلاج

اسف يا فنجان قهوه ثقلنا عليك

لكن ما يمنع نقدي على ردك في تميزك في نقد القصه
شكرا على اسلوبك الرائع في النقد

بالنسبه لكي يا موكا
من الواضح انك تملكين ملكة كتابه راقيه
حيث تبدعين في السرد وفي اختيار الكلمات وترابطها ومن ثم ترابط القصه
اشيد بكي ككاتبه ناجحه واشيد بموقع اقلاع حيث اوجد لك الفرصه للابحار بخيالك الواسع والجميل
لنتمتع نحن مرتادين الاقلاع بفنك انتي ومن هو متميز في المنتدى
عليه ارجو قرائة الاقتراح الصغير الذي سوف اكتبه في العامه
هو بعنوان " يا مسؤلو اقلاع عندي اقتراح "

===========&gt;&gt;&gt; الى اقتراحي مع الشكر

شكرا لك يا موكا على القصه
وشكرا لك يا فنجان قهوه على نقدك

------------------
خل و خل لا تاخذ شىء
دحيم الاغبر
28-01-2001, 03:15
الله الله
حقيقة وبدون مجاملة ,,, http://www.eqla3.com/file/ubb/smile.gif ابداع http://www.eqla3.com/file/ubb/smile.gif ,,,

اسلوب سرد القصة اسلوب راقي ,,, بطريقة القاء الضوء على عدة مواقف من حياة بطل القصة , يعني بطريقة الفلاشات , هالطريقة توضح حياة هذه الشخصية اجمالا , وتترك للقاريء متعة تخيل التفاصيل اللي بين هالاحداث بدون ملل , وعلى فكرة الطريقة هذي موب اي واحد يجيدها ,,,

بالنسبة للنهاية , كثير من الناس يحبون النهاية السعيدة حتى لو كانت بعيدة عن الواقعية , هالقصة من ضمن القصص اللي تحررت من هالشيء , وهذا اقرب للواقعية بكثير حتى لو كانت غير سعيدة http://www.eqla3.com/file/ubb/frown.gif

اهنيك اختي موكا موكا على هالقصة وعلى هالموهبة,,, http://www.eqla3.com/file/ubb/smile.gif

الله يعطيك العافية ,,,

------------------

تـــدرين ...
وش اصـعــب حيــاة ...
انــك تـعـيـــش انـفــــــــاس
وتـحـيـــأ قـتـيــل احـســـــاس
وتـــدرين ...
وش فــرق الـشـهــيد ...
يـحـيـــأ بــدون انـفــــــــاس
و يـبـقـــى اســـم و احـســــــاس
قدام
28-01-2001, 04:27
موضوع واقعي ميه بالميه وطرح قوي للواقعيه ..بس ياليت النهايه كانت بغير كذا يا موكا موكا لأنك صورتي نوره بصورت البنت المحافظه على نفسها وسمعتها وحجابها وغير كذا انها متفوقه بدراستها فلازم انها راح تعالج الموقف اللي انحطت فيه بدرايه وعقل بحكم تحملها للأحداث اللي مرت عليها طول هالسنين .. وارجع واقولك رائعه وعساك على القوه

------------------
توني جديد بقراطيسي
ازرق وابيض
28-01-2001, 12:25
موكا موكا http://www.eqla3.com/file/ubb/smile.gif

قصه مررررررره مؤثره....

نوره هذي انسانه عظيمه رغم انها عاشت بجو

كئيب والفرصه كانت سانحه لاي بنت قدامها انها

تنحرف زي براد ابو اربع,,,,لكنها حافظة على

كرامتها رغم انحراف ابوها ونكران امها...

(((((واحد عجبته شخصية البطله)))))

يعطيتس العافيه وتسلم ايدك.

------------------
بعض الوجيه نشوفها كل ليله***لا شوق لا موعد لكنها اقدار
وبعض الوجيه تغيب غيبه طويله***لكن لها بالقلب وحشه ومقدار
بنية نجد
28-01-2001, 13:12
موكا ياحبني لك والله ياقمر انتي
من جد قصة ولا أروع اسلوب خيالي كل شي جنان وتسلمين والله
يالله كم فيه من نورة بالدنيا كم فيه من ابونورة بالدنيا ؟؟؟؟ يووووه عدوا واغلطوا

بس مافيه الا موكا وحدة (موكتنا الله لايخلينا بس )
نوووووووت:
مبروك الترقية ولك مني احلى بوكية ورد http://www.eqla3.com/file/ubb/smile.gif
ايه على فكرة سلطان نجد من جد اقولها ليت كل ربعنا تفكيرهم زيك وتحية مني لك وللجميع طبعا ....



------------------
اكبر فخر لكم انكم مقلعين
واكبر فخر لي اني منكم
الجود من الموجود
28-01-2001, 19:49
موكا القصه رائعة تسلم يدينك الى كتبت يالغاليه
وياما فى هالدنيا من نورات مايعلم حالهم الا الله
يمكن تكون القصه خياليه بس فية فى الواقع مثل هالقصص يمكن تكون اكثر ماساويه..تسلمين ياعمرى على هالابداع http://www.eqla3.com/file/ubb/smile.gif

------------------
ش ش ش ش ش
ش ش ش ش ش
ش ش ش ش ش....خلص الارسال
النمرة
28-01-2001, 20:17
هههههههههههه
كايهييييكييي
هههاههاييييي

أبو برغش منتب عاقل هههههههههههههه

داخلة و على بالي متفاعلة مع الموضوع أبي أكتب رد ثقل خربت علي إنسجامي يا شيخ هههههههههه

موكا سردك للقصة أكثر من رائع ..
و للأسف أحداثها حقيقية و نورة و أبوها موجودين و غيرهم أكثر http://www.eqla3.com/file/ubb/frown.gif
الله يصلح الأمة ... و يهدي شباب و بنات المسلمين
مميزة يا موكا http://www.eqla3.com/file/ubb/smile.gif


------------------
<table style="filter:glow(color=red, strength=2)">نياااهاأااهأااا</table>

يقول لك إذا رأيت نيوب النمرة بارزتن...فلا تظنن أن النمرة تبتسيمو^_^
ضب الصمان
28-01-2001, 21:11
سلام ,,,,,,
القوارير تسوي اكثر ,,,,,,, http://www.eqla3.com/file/ubb/frown.gif
تسلم يدينك ,,,,القصه مهيب صاحيه http://www.eqla3.com/file/ubb/smile.gif
المرجوج
28-01-2001, 21:41
صوت المميزه :

بكل فخر واعتزاز ادعو هذا الموضوع لكي يسجي بنوره بمنزلي

&lt;----- ماهوب عاقل ابن حلزه

&lt;----- الى المميزه وتسلمين ياموكا على هذا الابداع http://www.eqla3.com/file/ubb/smile.gif

---------
كلمه سر الى موكا : ترا الطير بيزعل لانك مانزلتي هالموضوع بالجاده وهو الي رشحك بالاساس للترقيه http://www.eqla3.com/file/ubb/smile.gif يقول انك من مبدعين الجاده وانا اقول انه صادق انتي مبدعه بالجاده وبكل محل والله يعطيك العافيه
مبطل سجاير
29-01-2001, 06:41
<FONT size="+2">مساء الخير
صراحه شغل اوكيييييييييه واسلوب اقوى من الاوكيييييييييييييه وحست اوراقي وجهازي وقلبت الايميل الين طلعت الرقم السري عشان اقول لك انك اوكيييييييييه وتسلم الايادي
خنقتني العبره وانا اقرا وبغيت اصيح ...بس جا ابوبرغش وقلب الموضوع الين بغيت اصيح من الضحك ... الله يمتحنكم كلكم ...
وشكرا </FONT s>
سكوال
29-01-2001, 18:02
<FONT COLOR="Navy">انا عارف انكم (يا موكاموكا) مو مهتمين لرأيي...
لأنى جديد ولسه مااثبت وجودي...

بس حبيت اقول....انى تأثرت من جد بالقصة..وحركت مشاعري ...

وخشيت جو معاها....وانا مااخش جو الا مع قصص وروايات تستاهل....

المهم...

انا اسنتجت ان الى يكتبون روايات تؤثر بشكل مباشر وقوي على الي يقرونها.....

فهذا دليل ان الرواية مأخوذة من العالم الواقعي....

ودليل ايضا ان
الى كاتبها ..مر في الازمه هاذي....
ولا ماكان يقدر يكتب بمثل الاسلوب الي يجرح المشاعر هذا...الا اذا كانت مشاعره مجروحة من الاصل.. ...

((انا المح عليك يا موكاموكا ))


</FONT c>


انا عارف اني كثرت عليكم فلسفة مال امها داعي...

بس حسيت نفسي مزنوق..والا بالغصب بأقولها..

(وعلى فكره...سوري على التكرار))

------------------

<IMG SRC="http://www.geocities.com/f_squall_999/rosa_rinoa_wall_small.jpg" border=0><FONT face="Diwani Letter"><FONT COLOR="Navy">بالأمس شرح لنا المعلم قانون الجاذبية ولكنه لم يأت على ذكر حبيبتي....</FONT c></FONT f>
موكا موكا
31-01-2001, 20:12
مشكوره لكل من رد...
الردود على هاللنكhttp://www.eqla3.com/file/ubb/Forum1/HTML/012964.html

مبطل سجاير...
والله انت الاوكيييييييه...ياخوي http://www.eqla3.com/file/ubb/smile.gif http://www.eqla3.com/file/ubb/smile.gif
وابو برغش امتحنا من جد برده...
يعطيك العافيه.. http://www.eqla3.com/file/ubb/smile.gif


------------------
افرض مسلا مسلا اني خصمتك يوم..منت قارفني بعيشتي..جعلك الي مانيب قايله