لحن حزين ، لحن فرنسي الرنين ... عزف منفرد على جراحات الزعيم

[الدباب]

قال نزار قباني " لحن حزين .... لحن فرنسي الرنين "

وأتيت لأكمل العزف .... على جراحات الزعيم .

<FONT COLOR="Red"> هذاالموضوع بدون مقدمات ماهو الا جري في مساحات الكيان الهلالي الشاسعة :</FONT c>

<center>لاحظوا وضع الهلال من يوم جا الامير تركي بن سعود مع احترامي الشديد له كانسان مخلص للنادي ومحب !

مانقول فيه شي ... الرجال مجهد ومتحمس ولكن ..... على حسب امكانياته وقدراته وخبرته الادارية!


اجل هذا مدرب يجيبه ؟!! انا حاولت والله حاولت بس عجزت افهم وش شايفين فيه ؟! ماله تاريخ وسجل تدريبي يتعنز عليه .... قالوا مو مهم لكن عنده اساسيات تدريبية وفكر كروي وشخصية تبي تساعده ..... ولا شفنا لا اساسيات ولا فكر ولا شخصية !!

تراها هي ست مباريات فوز قبل ايران .... وبح !

ولو قستوها مضبوط تجدون انه - في الغالب - عبر تاريخ الهلال اذا صار المدرب جديد يشعلل الفريق اول الوقت وبعدها اما يرسي على شعللته ولا يطفي .... والواضح في حالة هالمدرب ان الفريق طفا عقب الست مباريات .


مبارة الصفاقسي الشوط الثاني ..... مباراة الهلال يوم الاربعه ..... مباراة الاتحاد .... مباراتي النصر &lt;&lt;&lt;&lt; هالطقه كلهن ترا اللي كان مشعلل اللعب ومضبطه هو روح الفريق الهلالي المعروفه عنه اللي تطلع وقت الشدايد بس .... ومع ذلك اغتال المدرب بتشكيلته العقيمه وتغييراته السقيمه هذي الروح كما شفنا في مباراة النصر الأخيرة بشكل خاص !

الكاتو وش سنعه والله لو يعطونه شروخ ومبسط جنب نوير انه بيكسب النادي ذهب على الاقل من هالمطافيق اللي بيجون يشترون منه بس عشانه محترف http://www.eqla3.com/file/ubb/smile.gif وبرضو نكون طبقنا نظريات المدلج عن الاستثمار في النوادي http://www.eqla3.com/file/ubb/smile.gif


البلنتي حق الكاتو لو كان حسين العلي مكانه كان تلقاه مشبك الكورة في الباب وناطن من فوق كنج الغفلة وتاركه يتسدح كعادته بينما العلي واللعيبة عند مدرجات الدرجة الثانية يعانقون امواج الجماهير ويشعلون الفرح في تلك الجموع التي ازدحمت من الدرجة الثانية وحتى المنصة ( بينما شاهدنا في الجهة المقابلة كيف برزت الوان الكراسي الفارغه في كل ما تحت الساعه من مساحة ) .




حسين العلي لاعب قناص شاب اثبت حساسيته العالية تجاه هز الشباك ويبي يثبت وجوده اكثر وخاصة في مثل هالمباراة المصيرية ..... يقوم يدخل الكاتو اللي ماضيع فرصنا في الذهاب ... وقدام الاتحاد الا هو ؟؟


بالاضافة الى ملاحظات الأخ هتان التكتيكية اللي اعتبرها شخصت الحالة المأساوية اللي كان يعيشها الزعيم بين يدي مدربه حسبي الله عليه وعلى من جابه .. وعلى من أصر انه يستمر رغم اخفاقاته وتواضع مستواه http://www.eqla3.com/file/ubb/frown.gif

واليكم ملاحظات الاخ هتان اللي تبون تلقون انها ملاحظات في محلها فعلا :

"الابقاء على ثلاثي دفاعي بحت مثل الغامدي والمسعري وتوليو في مباراة مطلوب فيها اهداف ماكان تصرف سليم من المدرب والمدرب لاشك انه قدم فريق مرعب ويكفي الهلال الآن لو جا مدرب آخر اكثر حظ من هالمدرب أخذ جميع البطولات ويكفي سعود بن تركي صفقة توليو هاللاعب انا معجب فيه جداً ولايهون خميس العويران بس راحت عليه الخانه مادام هالذيب يلعب .. وفيه ثلاث لاعبين بس يتم ابعادهم ويصير الهلال بخير وهم المسعري ولطف والنزهان والبحث عن ظهير ايسر بشكل جاد ولاهو معقول ثلاث مواسم وعشرين بطوله يدخلها الهلال بدون ظهير ايسر ..!! وبالنسبه لروني فاعتقد ان ثمان مباريات حاسمه ومهمه ماقدم خلالها شي وانا اشوف الكاتو افضل واخطر منه سواء في خط الثمان طعش او تحركاته .. الثنيان حاول ولكن ماكان معه نص يسانده ويد وحده ماتصفق ،، الثنيان يعطيها المسعري والمسعري يرجع الكوره للشريده .. هذا لاعب النص .. الله يذكر محمد لطف بالخير يوصل نص الملعب بالكوره ويرجعها لاحمد خليل ولا الشريده ،، والنزهان يستلم الكوره من الدعيع ويروح يعطيها الحارثي ويرجع مليون ويقطع الكوره ويرجع يعطيها هالمره الداوود ويرجع مليون وانتهت المباراة وهو ماشي الفين كيلو متر في المباراة ..!!
انا ماهاجم هالثلاث لعيبه لكن لعبهم انتهى زمانه وحرام ياخذون مركز على حساب غيرهم وعبدالله سليمان منتقل بمليون وراتب عشرين الف واحتياط ،، طيب ليش مالعب ظهير ايسر بخبرته الدوليه ،، وين ادارة الكره ..!!
وفيه خطه اسمها 3 /5 / 2 ممكن تلعب بدون اظهره من الاساس ويكون المحور مع السنتر ماسكين الظهير .. </center>

<FONT COLOR="Red"><FONT size="+2"><center>قـف ونـاظـر ..</center>

</FONT s></FONT c>

<center>في مكالمة شخصية جرت بين شخص اعرفه معرفة وثيقة مثل واحد من اخواني وبين فهد المصيبيح ... ذكر المصيبيح انهم جميعا لعيبة واعضاء شرف واداريين غير مقتنعين بالمدرب ولكن تركي بن سعود هو اللي راسه والف سيف مايروح !!

وقبل ايام في لقاء معه في جريدة عكاظ قال سعود بن تركي : لو الغينا عقد المدرب الآن فسيصبح هو كبش الفداء وليس التحكيم !!

ماذا نسمي هذا الموقف اذا صدق كلام المصيبيح ؟؟؟

انا اسميها : مكـــــابرة وتخبط اداري وسوء تصرف .

وماذا تسمي هذا التصريح ؟؟؟

انا أسميه – واعذروني - : ضحك على الدقون واستغفال للجماهير .

ياناس هاذا الزعيم .... أفضل فريق آسيوي .. هذا اللي رفع راس ديرتنا في كل مكان ليس بالنتيجة بل بالمستوى الباهر ايضا .

كل شي بكفة ومباراته مع شيميزو بكفه .... عالمي عالمي عالمي قبل ان يصل للعالمية .

وقبلها جابيليو وقبلها ناغويا ....واذا رحت غرب لم افريقيا على طول يبرز لنا الترجي التونسي وكيف تلاعب الهلال بافضل فريق افريقي بعيادي الحمروني والهادي بن رخيصه رحمه الله وشكري عيّاد &lt;&lt; حارسهم مدري اسمه كذا ولا انا حقت الدعوى http://www.eqla3.com/file/ubb/smile.gif


واذا رجعت ورا برز لك اسم منتخب الرشيد العراقي مو فريق وبس لانه كان يضم 9 اساسين في منتخب العراق ( فريق عدي بن صدام وش ظنكم بيصير ) هع http://www.eqla3.com/file/ubb/smile.gif

ونتذكر ان الهلال هو الفريق العربي الوحيد اللي قدر يهزم هالمنتخب .

تجي عام 1412 وتلقا الهلال مهزوم من الطائي باربعه ومن القادسية بثلاثه الظاهر .... صالح النعيمه توه معتزل .... راس حربه ماكان فيه الا يوسف جازع ومشاري العويران والفيلسوف وراهم .... حسن نمشان قلب دفاع وجه جديد توه ماله الا كم اسبوع وصار تواجده في ظل ارتباك الدفاع بعد غياب ابو فهد .. وفي الحراسه الاسد حامي العرين الهلالي : خالد الدايل . والمدرب كان مين ؟؟ عمر ابوراس .. مدرب ماسمعنا عنه ولا نعرفه ولكنه شايب ... خبره وبانت خبرته لما قال للثنيان : الفريق له خطه وانت يالثنيان حط خطتك بنفسك والعب بالخانة اللي تبيها وشفنا النمر يناقز من يمين ومن يسار وشال الفريق وجاب احلى هدف في الاستقلال من فاول عند الركنية بعد ماراح الفرق للكويت وكل الجماهير حاطه يدينها على قلوبها خايفه من الفريق المرعب الاستقلال الايراني .... وطلعت روح الهلال ... ودعمها المدرب بتوافقه مع هالروح وفاز الهلال باحلى بطولة .

وندور شوي وتطلع لنا مباراة الهلال والعربي الكويتي في البطولة العربية الاولى اللي نظمها النصر ولهفها الهلال .... تلك المباراة اللي انطرد فيها أحمد بهجا من العشر دقايق الأولى ... ولكن الهلال بمن حضر &lt;&lt;&lt; عز الله انه هو اللي طبقها صح .

وادهر الذيب سامي وفاز الهلال ثلاثه صفر او ثلاثه واحد وسامي جاب الاهداف .بس من كان المدرب ؟؟؟ اوسكار ياعمري على هاكالخشه بس http://www.eqla3.com/file/ubb/smile.gif

المدب المبدع يتألق في الخطه وتنظيم الفريق ، المدرب الجيد لو فشلت خطته ورأى اللاعبين متداركين الوضع ومتفادين الهزيمة بروحهم العالية مايتدخل ويخرب بتغييرات فاشلة تنبي عن افلاسه وفشله مثل ماشفنا في مباريات الهلال الأخيرة .


تجون بعد كذا تقولون ان مدرب الهلال حاليا مدرب قدير وجدير ؟؟؟ !!

اسمحوا لي اقول لكم : لاتعليق !!! </center>


<FONT COLOR="Red"><FONT size="+2"><center>زعـيـم الـزعـيـم</center>

</FONT s></FONT c>


<center>ومن كان الرؤساء ؟ عبدالله بن سعد الله يرحمه .... خالد بن محمد ونواف بن محمد ( شراكة ) http://www.eqla3.com/file/ubb/smile.gif بندر بن محمد &lt;&lt;&lt;&lt; ياحبي له هذا والله اللي تحس انه دمه ازرق يكفي وقفته خلف المدرسة الهلالية كل هالسنين اللي مضت بعيدا عن الاعلام والأضواء .

وبكذا نلف نلف ونرجع لتركي بن سعود اللي ما احسن التصرف يوم شاف وش صار لنا في ايران ... وفي سوريا بعد .... الا اذا كان فرح بالشوط الواحد والبطولة ونسى ان الهلال ماقدم اللي يشفع له انه ياخذها وانه لو النصر سجل ذاك البيلنتي كان ماشميناها يعني بالعربي الفصيح : مالادارة الهلال ومدربهم منّة ... وكان المفروض انهم يعترفون بالوضع اللي صاير ويصلحون الأخطاء لكن وش نقول غير حسبي الله ونعم الوكيل .


هذا الكلام الواجد اللي فوق ليس عشان خسارة تأهل لنهائي لا والله .... ولكن ولادلل على كلامي يمكن يذكر بعضكم موضوع كتبته قبل مايقارب ثلاث شهور كان عنوانه " من امي واخوي .... الى فيدل كاسترو والهلال " وتكلمت فيه كلام كثير مثل كذا http://www.eqla3.com/file/ubb/smile.gif حتى فيه بعض السوالف تكررت في الموضوعين دون تعمد ... ولكن لان الظرف والموضوع يتطلب ذلك ..

الشاهد اني اكثرت في ذلك الموضوع من ترديد " الله يستر الله يستر " وتلك الأيام كان تركي بن سعود ماله فترة بسيطة ماسك الهلال ... واتهموني بالتشاؤم ودعوني الى التفاؤل .. اقول لهم الآن وش ضركم لو دعيتوا معي ان الله يستر ؟ http://www.eqla3.com/file/ubb/frown.gif هذا على أقل تقدير والا فقد كان المفروض التحرك ولو بصورة جماهيرية من اجل تدارك الأوضاع اللي ماكانت واضحة انها سيئة ولكنها كانت سيئة فعلا وكان فيه قلائل حسوا بخطورتها ولكن العين بصيرة واليد قصيرة ) .


وهنا أحب أن أشيد برأي طرحه الكاتب المتميز الأخ DOUB حيث اقترح استغلال تجمعنا هذا لايصال صوتنا الى ادارة النادي وتنفيذ رغبات الجماهير فلسنا بالجهلة ولا بالسطحيين نحن جمهور الهلال الذي اشتهر عنه الوعي والعمق والقوة الا اذا كان لادارة النادي رأي آخر في امكانياتنا وآراؤنا !!! وإلا اذا كان نادي الهلال أصبح نادي الرجل الواحد كجاره الذي ضحكنا عليه كثيرا !!

البوادر تشير الى ان رئيس الهلال ينوي انهاء المدرب بعد انتهاء بطولة السوبر مع الاسماعيلي المصري ..... لماذا ؟؟؟؟

ليس هناك وقت لاحضار مدرب جديد لن يفهم اللعيبة والفريق .

ويقول أحد الأخوة الاسماعيلي فريق سهل .


ما اختلفنا حتى النصر فريق سهل ولكننا لم نستطع الفوز عليه لماذا ؟؟؟

المدرب عقيم ومفلس وفاشل ولو شالوه الحين وحطوا أحد المدربين الوطنيين بيكون الوضع مطمئن أكثر الدرب الوطني بيرفع الروح المعنوية للاعبين بتخلصهم من مدرب عجزوا عن الانتاج والابداع معه .

المدرب الوطني لن يلعب بتشكيلة غبية ولن يغير تغييرات غبية .

الا تعد السوبر بطولة يحرص الهلال عليها ياسمو الأمير ؟؟؟

أم ان ادارة الهلال تعودت التفريط بالبطولات ؟؟؟

سياسة الادارة الحالية لا تفرط بالبطولات فقط ولكنها تفرط بسمعة الهلال ومجده الذي بناه عبر سنين طويلة وبعرق اجيال من اللاعبين والرؤساء .

بطولة كاس العالم جايه وهذي اللي انا كنت قاعد اقول الله يستر الله يستر من ثلاث شهور عشانها http://www.eqla3.com/file/ubb/frown.gif


هل يستمر الحال كما هو عليه ؟؟؟؟

هل يتصرف تركي بن سعود ويتحدى نفسه .. و قلة خبرته وضعف قدراته الادارية ؟؟؟


هل بالامكان ان نشوف مدرب في طموحات الزعيم ؟؟؟

لاعب اجنبي واحد في طموحات الزعيم ؟؟؟


زعيم في طموحات الزعيم ؟؟


الله يستر http://www.eqla3.com/file/ubb/frown.gif


</center>


<FONT COLOR="Blue">سيدي الفاضل نادي الهلال زعيم الأندية .... سمو الأمير سعود بن تركي .... جماهير الهلال الوفية ... هل قسوت في كلامي ؟؟
انما قلت الحقيقة التي أحسها قلبي المليء بحب الهلال ورجالاته وجماهيره والامير تركي بن سعود احدهم . نعلم بهلاليتك الصميمة ياسمو الأمير ونعلم أ نك عضو شرف قديم في الهلال ... ولذلك فأنا متأكد ان كلامي هذا وان كان فيه شيء من القسوة فهو سيدخل الفرح الى قلبك وقلب كل هلالي لما يحمل من حب واخلاص للهلال .

وأظننا متفقون ان الهلال يأتي في المرتبة الأولى .... ثم نأتي بعده .

وآسف على الاطالة . </FONT c>

------------------
بعض العرب ودك على الكبد ياطا *** وبعض العرب ودك على الكبد تاطاه .

( عاد شف انت اي النوعين هع )


موضوع منسسسم ومميز : هواجيس واحد ماجاه النوم . (http://www.eqla3.com/file/ubb/Forum6/HTML/002074.html)

[تركي الهلالي]

<marquee direction="right">&lt;--------------------- الى المميزة -----------------&lt;&lt;&lt;&lt;&lt;&lt;&lt;&lt;</marquee>

------------------
((((( عاشق فن وابداع اللاعب الكبير عبدالله الشريدة )))))

الله لا يعاقبني ويخليني أشجع غير الهلال ....
تبي تدري أنت صاحي ولا مجنون...شف وش تشجع....غير الزعيم ...تراك مجنون...مع إحترامي للمجانين...

[ابو محمـد]

تسلم اخوي الدباب.
كلامك من هارت.
وزيادة على ماقلت في خلل من اعضاء الشرف.

واحد يسب بلاتشي همين يتراجع ويمدحه.
يطب في المصيبيح. همين يتراجع ويثني عليه.
وينتقد لاعبينه على بعض التصرفات في مباراة بيروزي ومباراة النصر الاخيرة, من باب المثالية اللي ملينا منها وكرهنا بسببها مادة م ث ل.
وتاليته يقول لاتنتقدوني ولاتعلموني متى وكيف واين اصرح؟!

والثاني يطب في بلاتشي ويقول خلوني اجيب يوردانيسكو, ويوم قالوا له مالك لواء.
زعل وسوا زيارة لنادي الاتحاد----&gt;على قولهم يحاول لي الذراع.
وهلما جرا.
بس الله يعين.

[This message has been edited by ابو محمد (edited 04-05-2001).]

[هاوي أقلاع]

هلا والله الدباب
اخبارك يالقاطع ، طحت بغرام العيارين وتركتنا http://www.eqla3.com/file/ubb/smile.gif
سير وحط لنا مثل هذه المواضيع الرائعة

بالنسبة لرئيس الهلال ، صراحة سوى اشياء كثيرة بوقت قليل.
ظروف صعبة واجهت الهلال هذا الموسم ، البحث عن رئيس ، مشاركات المنتخب ، البحث عن مدرب ، ارهاق الاعبين ، مشاكل اعضاء الشرف
(ومع ذلك طلع باربع بطولات ولله الحمد)
المدرب حاول الهلاليين احضار مدرب ازين من ذا
بس ماتوفقوا
وسافيت فشل بالاخير وبالحسم.
روح الهلاليين غائبة يمكن الارهاق سبب

اهم ماعليناالحين كأس العالم والمشاركة المشرفة.
وتسلم

ملاحظة: كان فيه رد طويل بس حطيت الزبدة http://www.eqla3.com/file/ubb/smile.gif

[This message has been edited by هاوي أقلاع (edited 04-05-2001).]

[هلالي مقلـع]

<table style="filter:glow(color=blue, strength=4)"><FONT COLOR="white"><FONT size="+8">
* ((((( نسخه للمميزه )))))

* ((((( نسخه لرئيس الهلال )))))

* ((((( ملايين النسخ لمشجعين الهلال )))))

* رائع يالدباب http://www.eqla3.com/file/ubb/wink.gif تسلم على هالتميز http://www.eqla3.com/file/ubb/smile.gif.</table>
</FONT c>


.
</FONT s>

------------------
<table style="filter:glow(color=blue, strength=4)"><FONT COLOR="white"><FONT size="+2">

* إذا ودك تراسلني : ـ

hilali_moqle3@yahoo.com

hilali_moqle3@hotmail.com


** قال تفهم كوره قال أيه .. قال تحب الهلال .. قال لا .. قال أجل ما تفهم كوره .

</table>
</FONT c>
</FONT s>

[wathe7]

هلا والله و غلا بأخوي الدباب با حيني لك والله تسلم على هالموضوع وإلى المميزه أخوك عواكيس

[الشارق]

<FONT COLOR="Red">مشكور اخوي الدباب والله هذا الكلام صحيح وما فيه اي تشكيك والله يعطيك الف عافيه</FONT c>


________________________
ان شرقت ولا غربت مصيرك تعرف ان الهلال زعيمكم

[DOUB]

اخوي الدباب ..... مشكلتك انك تشخص واقع فريقنا (الحزين) بطريقة تجعل الواحد فينا يتحاشى يقرأ مواضيعك علشان مايضيق صدره http://www.eqla3.com/file/ubb/frown.gif

لا وازيدك من الشعر بيت ، تأكد خبر ترك رئيس أعضاء الشرف سمو الامير هذلول بن عبدالعزيز للنادي .... يعني من جرف لدحديرة ، وبكل صراحة اعترف اني بديت اتراجع عن رأيي السابق في نقاشي معك ، وطلبي اتاحة الفرصة للأمير سعود بن تركي!!

ومثل ماتفضلت ... الله يستر على فريقنا ، وأعجبتني جدا ملاحظتك بأن الفلوس مهيب كل شيء .

وللأسف شكل الأمور الإدارية بالزعيم مهيب اللي نبي http://www.eqla3.com/file/ubb/frown.gif ، وشكلها ستكون أكثر سوداوية في الإيام القليلة المقبلة http://www.eqla3.com/file/ubb/frown.gif

.
.
.
.
.

وبصراحة ترددت في اكمال مشروع عريضة أفكار وإقتراحات جماهير الزعيم لتفعيل مشاركته في أسبانيا http://www.eqla3.com/file/ubb/frown.gif http://www.eqla3.com/file/ubb/frown.gif

ولكن بعد تفكير لا حظت ان من المفترض ان نؤدي واجب كياننا علينا مهما كانت الظروف ، وأن دورنا لا يتوقف على ان نندب حظنا ونتفرج على مايحصل وننتظر من الغير ان يغيروه ، ولكن من الأفضل ان نتعامل مع الوضع الحالي (مهما كانت درجة سوءه) بواقعية ، ونحاول ان نقف مع الزعيم (الكيان) بكل ماأوتينا من قوة .


%%%%%%%%%%%%%%%

نسخة من الموضوع للميزة مع شهادة تقدير .

------------------
خلوا عنكم البربسة......... وشجعوا الزعيم

[الدباب]

تركي الهلالي /

تسلم والله بس تراني حاط الموضوع عشان اقول وتقولون رأيكم ياليت تسدح رايك http://www.eqla3.com/file/ubb/smile.gif


ابو محمد /

تسلم يابو محمد بس في رايك وش السبب ؟؟

هل تعتقد انه من أعضاء الشرف انفسهم ولا انهم شايفين شي غلط في الادارة ؟؟


هاوي اقلاع /


هلا والله وغلا اي غرام عيارين تراهم بعارين عشان كذا حطوني معهم هع http://www.eqla3.com/file/ubb/smile.gif


وتراني شفت ردك الطويل وشكلك حذفته بعد استقالة هذلول http://www.eqla3.com/file/ubb/smile.gif

كلامك مثالي لكنه مهوب واقعي ... أعتقد ان الأشياء اللي سواها شي طبيعي انه يسويها ولا له فضل فيها !!

ولكن نحن ننظر الى الأشياء الي ما سواها واللي المفروض ان رئيس لنادي كبير مثل الهلال يكون مستوعبها مثل مراعاة وضع النادي كزعيم ووضع اللعيبة ووضع أعضاء الشرف .


هلالي مقلع /

تسلم والله يابعدي وفعلا ياليت كلامنا يوصل لرئيس الهلال وياليتنا نقدر نسوي معروض قوي ونوقع عليه كلنا ونرسله له لكن وش تقول عاد ... حسبنا الله ونعم الوكيل !!


wathe7 /

هلا بك والله عواكيس http://www.eqla3.com/file/ubb/smile.gif تصدق مشبه على الخط http://www.eqla3.com/file/ubb/smile.gif وتسلم والله هذا من ذوقك بس برضو مانستغني عن الاراء .


الشارق /

العفو يابعدي وتسلم والله يعافيك من كل شر http://www.eqla3.com/file/ubb/smile.gif


DOUB /


هلا والله بالدب http://www.eqla3.com/file/ubb/smile.gif

المشكلة ياعزيزي ليست في تشخيصي ولكن المشكلة ان الحقيقة مرّة وجارحة ومؤلمة http://www.eqla3.com/file/ubb/frown.gif

ومثل ما تفضلت انت استقالة هذلول بن عبدالعزيز جرس انذار لنا لتدارك مايمكن تداركه .

ومشروعك الجماهيري فكرة لا بد ان تتم وتنفذ وفي اقرب وقت ... لان العيار اللي ما يصيب يدوش ويصحي الغافلين عن امكانيات الجماهير .

وتسلم والله على المميزة والتقدير http://www.eqla3.com/file/ubb/smile.gif











------------------
بعض العرب ودك على الكبد ياطا *** وبعض العرب ودك على الكبد تاطاه .

( عاد شف انت اي النوعين هع )


موضوع منسسسم ومميز : هواجيس واحد ماجاه النوم . (http://www.eqla3.com/file/ubb/Forum6/HTML/002074.html)

[مرتاح احبك]

<FONT size="+3"><FONT COLOR="Blue">
الدبــــــــاب.. http://www.eqla3.com/file/ubb/smile.gif

يعود بمنتدى الهلاليين ..

الى التميز http://www.eqla3.com/file/ubb/smile.gif

هذا احلى موضوع قريته هنا من زمان...

ماهوب عشانه بس يوافق وجهة نظري..

يا ناس متعوب عليــــــه

وهذي نوعية المواضيع اللي نبغاها ...

موب سطرين وسخيفة بعد http://www.eqla3.com/file/ubb/smile.gif

تســــــــــلم يالدباب ...

ولي عودة ان شاء الله للموضوع ...

لاني الحين دايــــــــــــخ http://www.eqla3.com/file/ubb/smile.gif

</FONT c></FONT s>

------------------
ردودك في الساحة.....(أ)مدري وش تبي؟؟(ب)مشكل كتيــــــــر ؟؟(ج)جميع ما سبق ؟؟...ادخل وشف:) (http://www.eqla3.com/file/ubb/Forum9/HTML/002578.html)

مسابقة افضى شعب في العالم......رسالة الوفد السعودي :):) (http://www.eqla3.com/file/ubb/Forum9/HTML/002371.html)

<IMG SRC="http://mypage.ayna.com/jude15454/tayer.jpg" border=0>

[الدباب]

مرتاح احبك ولا علمت حتى انت عييت ابين لك http://www.eqla3.com/file/ubb/smile.gif

تسلم لي والله اخجلتني ياذوق http://www.eqla3.com/file/ubb/smile.gif

بس تراني احتريك

مالنا غناة عن رايك دام الموضوع موافق لوجهة نظرك http://www.eqla3.com/file/ubb/smile.gif

------------------
بعض العرب ودك على الكبد ياطا *** وبعض العرب ودك على الكبد تاطاه .

( عاد شف انت اي النوعين هع )


موضوع منسسسم ومميز : هواجيس واحد ماجاه النوم . (http://www.eqla3.com/file/ubb/Forum6/HTML/002074.html)

[تركي الهلالي]

أخوي الدباب رأيي ان الموضوع اللي كتبته يتكلم بألسنة كل الهلاليين وانا واحد منهم .. ولا فيه داعي اعلق على كلام قلته بلساني http://www.eqla3.com/file/ubb/smile.gif

------------------
((((( عاشق فن وابداع اللاعب الكبير عبدالله الشريدة )))))

الله لا يعاقبني ويخليني أشجع غير الهلال ....
تبي تدري أنت صاحي ولا مجنون...شف وش تشجع....غير الزعيم ...تراك مجنون...مع إحترامي للمجانين...

[TrTeShLi]

الله عليك يالدباب http://www.eqla3.com/file/ubb/smile.gif

كلام سليم ومن القلب طالعه من اجل الزعيم http://www.eqla3.com/file/ubb/smile.gif

ستتزين (( المميزه )) بوجود أسمك وموضوعك المميز


<marquee direction="right">&lt;&lt;=====&lt;===== إلى المميزه ========&lt;&lt;========*</marquee>

------------------
نحب مشاهد الكورة من أجلك ياازرق الالوان ... على خضر الملاعب فن غيرك مايجيدونة

تلقب بالزعيم وبالسفير وللوطن عنوان .... ولاعمرك خذلت اللي أملهم فيك يرجونة

===============
zaeemalqarn@naseej.com

[مرتاح احبك]

<FONT COLOR="Blue">

بــــــــــاك http://www.eqla3.com/file/ubb/smile.gif

&lt;=== نام نومة يحبها قلبك http://www.eqla3.com/file/ubb/smile.gif

والله اني كتبت لك رد طويل مرررررة بس انه

انمسح http://www.eqla3.com/file/ubb/frown.gif

ومع ذلك رجعت وكتبت مرة ثانية ..

لاحظ على زوالتي http://www.eqla3.com/file/ubb/smile.gif

بس والله الموضوع معجبني وخاش مزاجي http://www.eqla3.com/file/ubb/smile.gif

اخوي الدباب

ارجع واقول لك تسلم على هالموضع الحلو

اللي يشخص حال فريقنا بعنفففف http://www.eqla3.com/file/ubb/frown.gif

انا معاك 100% في اغلب كلامك ان ما كان كله http://www.eqla3.com/file/ubb/smile.gif

اول شي الرئيس ....

الرئيس سعود بن تركي ...

لو نجي بنقارنه بغيره من رؤساء الهلال السابقين

ونضرب عليهم مثال الامير بندر بن محمد..

الامير بندر بن محمد انسان مخلص مافيها كلام

يدافع عن حقوق الهلال بشراسة ....

لكنه مثله مثل سعود بن تركي...

شغلهم كله سواليــــــــــف http://www.eqla3.com/file/ubb/smile.gif

ويفتقد للاستراتيجية السليمة في الادارة ...

وللنظرة البعيدة ...

شغل خبط لزق بكل صراحة ...

ولايناسب منشاة كبيرة مثل نادي الهلال ....

لكن بندر بن محمد تميز عن سعود باكثر

من ميزة ...

اول شي بندر بن محمد ما كان يكابر على خطاه

مثل سعود ...

وكان اذا حس انه مقصر ارضى الجماهير

بصفقات ناجحة فعلا ...وكسب الجمهور في صفه..

في عهد بندر بن محمد ماكنا نشوف خلافات

اعضاء الشرف في الجرايد ...

كان ميزته انه كاسب اعضاء الشرف كلهم...

لكن الحين شفنا مشاكل ...

ما كنا نتخيل اننا بنشوفها في الهلال http://www.eqla3.com/file/ubb/frown.gif http://www.eqla3.com/file/ubb/frown.gif

وانت عارف قصدي زين http://www.eqla3.com/file/ubb/frown.gif

واخرها استقالة هذلول http://www.eqla3.com/file/ubb/frown.gif

المشكلة اخوي الدباب ...

اذا جاك اللي يدافعون عن سعود وقالوا لك

انه حقق للفريق كذا من البطولات !!!

الفريق حقق في عهد سعود بن تركي ..

3 بطولات وليس 4 العربية والسوبر والنخبة ...

اذا كنا بنتعامل بالاسلوب هذا ...

اذن سعود بن تركي اضاع على الهلال 4 بطولات !!!

الاسيوية وولي العهد وكاس الاتحاد والدوري !!!

الفريق (اي فريق) لما يحقق بطولة فهو يحققها

ككل ...ولما يخفق في احرازها فهو يخفق ككل

هذا الكلام المنطقي ....

وحنا قلنا ان سعود عليه ملاحظات كذا كذا

زي ما تفضلت انت وزي ما اضفت عليها من عندي

بعد ....

فاذا بتردون قولوا ولكن له ميزات مثل كذا

كذا وهذي الميزات تهيئه انه يراس الزعيم....

انا ما انكر انه شخص خلوق ومهذب ...

وجنتلمان يعرف يلبس بدل http://www.eqla3.com/file/ubb/smile.gif

&lt;=== حاقد على بدل بندر بن محمد http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif

لكن اخلاقه وتهذيبه ماتؤهله انه يراس

افضل نادي اسيوي ...

هذا من وجهة نظري الخاصة ....


اما من ناحية المدرب ...

فتعبنا والله وحنا نقول غيروه غيروه قبل

لايفوت الفوت http://www.eqla3.com/file/ubb/frown.gif

جاك بعضهم وردوا ...هذي مشكلتكم يالسعوديين

تغيرون المدربين اكثر منما تغيرون ثيابكم http://www.eqla3.com/file/ubb/smile.gif

طيب حنا ما اختلفنا انه لازم من الصبر

على المدرب ...

بس بحدود يعني انا لو جبت لي بنقلاديشي من

الشارع وقلت لازم تصبرون عليه فهل هذا منطقي ؟؟؟

لابد ان يكون في المدرب رجاء عشان نصبر عليه


اخطاء المدرب سافيت تتميز بانها وااااضحة ..

وفيه شي غريب ...

احس انه دايم مرتبك ...

قناعاته تتغير بسهولة ....

لايثبت على خطة ولا على تشكيلة ...

وهذا بالضبط تصرف الشخص اللي

محطوط في مكان اكبر منه بكثيييييير http://www.eqla3.com/file/ubb/frown.gif

والكاتو .... http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif

اه منه الكاتو http://www.eqla3.com/file/ubb/frown.gif

مليت من كثر ما احكي عنه وللاسف فيه

اللي يدافع عنه للحين !!!!!

انا تكلمت عن رايي في المدرب والكاتو في

موضوع سابق بعد مباراة الاتحاد في الكاس..

وهذا لينك الموضوع :

http://www.eqla3.com/file/ubb/Forum14/HTML/000632.html

اخوي الدباب ...

عارف انك مليت من بثارتي http://www.eqla3.com/file/ubb/smile.gif

وعارف اني ما انعطى وجه http://www.eqla3.com/file/ubb/smile.gif

لكن الموضوع اعجبني من جد ...

وكثر لنا من زي كذا اوكي http://www.eqla3.com/file/ubb/smile.gif

وفيه ملاحظة اخيرة :

&lt;==== يا كثـــــــــــره كثراااااه http://www.eqla3.com/file/ubb/smile.gif http://www.eqla3.com/file/ubb/smile.gif

عمر بوراس ماكان مدرب الهلال في

الاسيوية على ما اظن كان المدرب واحد برازيلي

اسمه فيلهو مدري زينهو http://www.eqla3.com/file/ubb/smile.gif http://www.eqla3.com/file/ubb/smile.gif

المباراة اللي انطرد فيها احمد بهجا...

كانت في البطولة اللي نظمها الهلال

ولعب في النهائي مع الاتحاد وفاز بالبلنتيات http://www.eqla3.com/file/ubb/smile.gif

ولا لعب في ذيك البطولة النصر ...

وانتهت مباراة الهلال والعربي 3-1 سجلها الذيب

واخيرا : حارس الترجي : شكري الواعر http://www.eqla3.com/file/ubb/smile.gif

من شكري عياد ذا ؟؟؟؟؟؟ http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif

&lt;=== انواع التقفيـــــــط http://www.eqla3.com/file/ubb/smile.gif http://www.eqla3.com/file/ubb/smile.gif

&lt;===== بيتصفق http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif


تسلم ويعطيك العافية اخوي الدباب ...

(اخوك المنتدب من الجادة http://www.eqla3.com/file/ubb/smile.gif http://www.eqla3.com/file/ubb/smile.gif )

&lt;==== ما تشوف هذرته واااااجده http://www.eqla3.com/file/ubb/smile.gif http://www.eqla3.com/file/ubb/smile.gif

مرتاح احبك
</FONT c>

------------------
ردودك في الساحة.....(أ)مدري وش تبي؟؟(ب)مشكل كتيــــــــر ؟؟(ج)جميع ما سبق ؟؟...ادخل وشف:) (http://www.eqla3.com/file/ubb/Forum9/HTML/002578.html)

مسابقة افضى شعب في العالم......رسالة الوفد السعودي :):) (http://www.eqla3.com/file/ubb/Forum9/HTML/002371.html)

<IMG SRC="http://mypage.ayna.com/jude15454/tayer.jpg" border=0>

[طايسون الضعيف]

أخــوي الدبــاب ،،، ســـلاااااام
والله كلامك صحيح 100% حبيت أقولكم على طريقة نقدر نوصل فيها هالأفكار والمقترحات الزينة بالحيل إلى الإدارة وهي عن طريق موقع نادي الهلال على الأنترنت تقدر تحصلة في دليل المواقع في موقع جريدة الرياض.
بس تكفون لا تنسون تقولون له يفكنا من طباخ المضغوط حسين المسعري ( حنان المدربين ) هاللي ماأدري وش يبون به المدربين يمكن علشان كبر ذنبته. وبعدين يا أخوان لا تتحاملون على سعود بن تركي لأنه والله متحمس ( على نار هادية ) مرة للهلال ويبي يشتغل لكن خبرته ضعيفة.

------------------
إذا لعب الهلال فخبروني فإن الفن منبعه الهلال.

[الدباب]

عدنا والعود احمدو :)

تركي الهلالي /

اجل تسلم وماقصرت :) :)

مرتاح احبك /


هلا والله :) ايه هذا الكلام السنع

اعجبني كلامك عن بطولات سعود بن تركي وذا اللي انا كنت اقوله من اول لاتحسبون كم جاب الهلال بطولة في عهده احسبوا كم ضيع لان الهلال متعود على البطولات موب مثل اللي يدورون البطولات الرمضانية وحاسبين من ضمن بطولاتهم دوري الشفا على قولة الدب هع :)

ياماللثنكيو :)


طايسون /


بالنسبة لموقع النادي ياخالي مامنه فايده .. مثل قلته :(

لكن انشالله بعد جمع الاقتراحات في موضوع الدب تبي تنسق وترفع الى ادارة النادي بشكل رسمي والله يوفق :)

[الطيب]

<font size="5">عزيزي الدباب بادي ذي بدْء وسع صدرك
............
والمشكله رغم براعتك في العزف فانت لا تسمعنا بقيثارتك الا اللحن الحزين( على قولت كاتبنا الكبيرالدب)ياخي سمعنا الحان فرايحي :)هع.

بالنسبه لرئيس الهلال صدقني ان حاله ماشي وما فيه مشكله بالنسبه له ...لماذا؟؟؟؟
لانه لايتفرد باتخاذ القرار ويعي جيدآ انه قليل خبره ويستعين باهل الراي والمشوره على سبيل المثال فواز المسعد وفهد المصيبيح وشيخ الرياضيين عبد الرحمن بن سعيد وهذه النقطه تحسب له .
ووجوده افضل من وجود غيره لانه مرتبط بعلاقات مميزه ببعض اصحاب النفوذ.
ولاادل على ذلك من المكافأت والشرهات المميزه اللتي حصل عليها الهلاليون من عليه القوم بعد بطوله النخبه العربيه على ماسمعت.


<center>اما عن المدرب</center>

ففي هذه النقطه صدقني ان العلم عند اللاعبين
لو بغوا رفعوه ولو بغوا نزلوه وكلنا نتذكر سالفه الماسوف عليه (هانجيم) وكيف اسقطه اللاعبين علمآ ان دور المدرب لا يتجاوز30% والسبعين الباقيه او اكثر عند لاعبي الفريق مع ملاحظه انني حكمت على هذ المدرب غيابيآ حيث لم اشاهد له سوى مباراه السوبر المصري ومباراه او ثنتين في بدايه عمله مع الزعيم.
وتمسك الاداره به لا الومها عليه لانه ماجا ببلاش.
وانا واعوذ بالله من كلمه انا أوأيدالمدربين الشباب ومن هم على شاكله سافيت .
ونتذكر كندينو عندما اتى للمره الاولي عام 1405
كان عمره لايتجاوز الاربعين عام.
وماذا فعل وكيف كانت نتائج الهلال في ذلك الموسم .
ولا يهون اوسكار .
الخبره من وجهه نظري المتواضعه ليست مطلوبه في المدرب المطلوب هو قوة الشخصيه ورفضه التدخل في التشكيل وحين يعرف اللاعبين ذلك تجد كل لاعب يبذل اقصى ما لديه لتمثيل الفريق ويكون جميع اللاعبين في القمه فنيآ ولياقيآ وسلوكيآويتحقق النجاح.

وشكرآ لك على طرحك المميز يا رائــــع.

وهع :) :) :)</font>

[الدباب]

هلا بالطيب :)

بعذري ياخالي لو صارت الحاني حزينه يعني معجبك وضع الهلال الحين ؟؟


ياخي حتى النقاد اللي في مصر لما كانت مباراته مع الاسماعيلي قالوا مو هذا الهلال الفريق المعروف !!

وبعضهم صرح انه فيه ناس سعوديين كثير قايلين لهم ان وضع الهلال هذه السنه سيء جدا

لاتنظر كم حققنا من بطولات

بل انظر الى كم ضيعنا ؟؟

غير البطولات ... ضيعنا مستوى فريق .... ضيعنا سمعه وتاريخ

الهلال ماكان مشرف ابدا لا في ايران ولا في سوريا

يجب ان نفتح اعيننا ونعترف بالحق ... فالاعتراف بالحق فضيلة

ورؤية المرض ... خير وسيلة لعلاجه .


وتسلم والله على كلماتك ومشاركتك الحلوة

وهع :) :)

[د/الفيلسوف]

السلام عليكم
بصراحه كلامك بلسم على القلب
وما يطلع الامن هلالي صميم
وأكثر من مميز ما عندي
ودمتم
وعلى دروب الخير نلتقي

[الدباب]

الفيلسوف تسلم لي ويسلم لي ذوقك على هالاسم :)

ياحبي له بعد عز الله انه يستاهل اغنية ادلع ياكايدهم :) :)

[روي كوستا السويدي]

كيف حالك اخوي الدباب موضوعك حلو ورائع لكن لو ابرد عليه يبي لي سنه :D
بختصر ردي في ثلاثة اشياء
الاول .. انت لاحظت اللاعبين وكيف يلعبون ببرود(شف مباريات طهران)
كنهم يدربون مايلعبون بطوله اسيويه مع انهم كلهم صغار ولياقتهم عاليه
ابو يعقوب وهو اللي كبير في العمر( وكبير بفنه) يركض اكثر منهم
الثاني ..
بخصوص سعود بن تركي انا معك انه مايصلح للهلال لانه مهوب قوي شخصيه
ولاعبين الهلال يبيلهم رئيس حازم
وانا اتمنى ان خالد بن طلال يستلم رئياسة الهلال
لانه انسان فاهم(شف وش سوى باالطائره)
الثالث....
المدرب ماتحمله خسارة كل هذي البطولات لان اللاعبين ماكانو في مستواهم
(ماعدا ابو يعقوب وابو شر والدعيع وتوليو)
بس عيب المدرب ان ماعنده شخصيه

وماعليه على الاطاله بس موضوعك يبغاله جلسه

ومشكور على الموضوع

[ظبيان]

الدباب مبدع مبدع مبدع بمعنى الكلمة :)

اذا تداخل الادب مع الفكر مع الاقلاع يطلع لنا مبدع مثل الدباب :) :)

هذا كل اللي اقدر اقوله وانا معك في كل كلمة قلتها عن اوضاع الهلال واقول معك الله يستر :(

[مرقوق]

ابو دبه..

ما دزد قلت لك انك الكاتب الوحيد اللي اتابعه بشغف؟؟ تدري ليش؟ لانك تفكر مثلي ( يا حظك :D )

انا يوم شفت مدرب الهلال يغير بكيفه و انا خايف منه و الله.. مدرب ما عنده خبره و لا موهبه و لا قراءة اوراق الخصوم بذكاء.. مدرب "طقها و الحقها" للاسف..

ياخي النزهان و المسعري و لطف و الشايع.. هذولي لعيبه في مستوى الهلال؟؟

انا اختلف معك او مع الاخ هتان في مقارنة روني بالكاتو.. من وجهة نظري روني افضل من الكاتو بمراحل.. لكن عيوبه كثيره.. بطئ.. ما يعرف يستعمل راسه استعمال جيد.. طلّعه من الصندوق و عدّه مدافع مع الفريق الخصم.. لكنه يتفوق على الكاتو في اشياء كثير.. اهمها هدوء اعصابه.. صح و الا انا غلطان..؟!

عموما انت تكلمت كثير في هالموضوع و لا بقيت لنا شي.. ياخي و الله العظيم اني اتمنى يوردانيسكو يرجع للهلال.. ايييه يا ذا العبقري.. فنااااان بقوه هالمدرب..

يعطيك العافيه يالدباب على هالتميز :) :)

[الدباب]

روي كوستا هلا بك والله حبيب البي

كلامك صح ولا تجمع ولا تطرح :)

بس ليه اللعيبة كانوا كذا ؟؟

بسبب افتقاد الروح صدقني الهلال كيان نفسي اكثر منه كيان رياضي عادي ويبيله تعامل نفسي من نوع خاص لا من ناحية ادارة ولا من ناحية مدرب

وتسلم لي :)


عبدان /


هلا والله وغلاا تسلم واللهيابعدي والله انك كل ابو دايم تحرجني ياخي وش شيافن فيني تراني ماعندي سالفة


&lt;&lt;&lt;&lt; ياشين الحيا الزايد هع :)


مرقوق /

هلا والله :)


معك في كل كلامك و حتى سالفة روني هو فعلا افضل من الكاتو بمراحل ولكن صدقني مع ذلك مستوى الهلال اكبر من روني .. وكذلك بطولة العالم المفوقدة يبيلها لاعب اكبر من كذا

وتسلم لي :)

[الطيب]

اخوي الدباب
انت رهيب ونفسّك طويل(ماتصلح سجع هاذي)
************
فيه اكثر من مشكله في الفريق الهلالي
لا علاقه للاداره بها
مثلآ قناعه المدربين بعض العناصر اللتي تستحق لقب زلابه بجداره واتفق مع اخونا مرقوق في هذه النقطه
على سبيل المثال لا الحصر ..ابو نزهان ..التركيان ..القحطاني والشايع.وغيرهم..

*******

وهناك ايضآ مشكله في الجماهيرالهلاليه!!!
وهي حاله السعار البطولي(ان صح التعبير) اللتي اصابت الجمهور الهلالي...والسعار هو الاستغلاث
وهو مرض يصيب الانسان والحيوان على حد سوا
ويجعل هذا المرض صاحبه يريد ان ياكل كل شي امامه.
وقد لانستغرب لو رددت الجماهير الهلاليه في المدرج و بالاهازيج (نحن الهلاليين نحن المشافيح)
بدلآ من (اوه يالازرق ياهلال)
ولو حصل لهم لطالبوا ببطوله الدوري الكويتي
وكاس امير البحرين.
حيث ان لاعبي الهلال اصبحوا مطالبين بتحقيق كل بطوله يخوضونها( من جد مساكين ...بس هم اللي عودونا)
ممايجعل اللاعبين يخوضون كل المباريات وهم تحت ضغط نفسي رهيب والله رهيب :)
وعندما يحدث الاخفاق يكون رد الفعل الجماهيري
رهيب والله رهيب ايضآ.

لذا اقول علينا بطوله البال (مهيب بطوله من البطولات) والحلم... بعيدآ عن ردود الافعال الغاضبه ...وستتحقق لنا السياده المطلقه اكثر مما هي عليه الان.

سلامين وهع :) :)

[الدباب]

اخوي الطيب وحشتنا ياحبيّب ( هذي سجع ) :)


كلامك حلو وجميل وخاصة المقطع الأخير الله يسمع منك وانشالله نشوف الهلال في احسن حال ( وهذي بعد ) :)

وهع :)

[الهــ سامي ــلال]

هلا اخوي دباب

قلت كلش ما شاء الله عليك ما خليت شي

بس اللي ابي اقوله عن الادارة انها كانت فعلا نايمة .. مخلين ذا المدرب الغبي يعوث في الفريق وكل شوي

معطينه فرصة وهو ما يستاهل وايضا ما تحركت وشاتت ذا القطو اللي كان عالة على الفريق من جد بسبة بروده قدام الباب وطياحه اللي ماله سنع

فعلا كان وضع الفريق متهالك ويمشي بالنية .. وهو قدامه عالمية ( جايه صح :D )

وبالنسبة لــ الله يستر …

الحمد لله ان الله ستر وتأجلت العالمية ولا كان علوم

والله يرحم زمان اول يا هلال :(

[نص لفه]

سلمت يمناك ياالدباب :) بدون مبالغه من احلى المواضيع اللي قريتها عن الهلال من زمااااان :) ماشاء الله عليك ماخليت شي ماقلته .. واللي شدني اكثر ياالدباب كلامك عن حسين العلي المسيكين :( هذا اللي ينقهر له الواحد .. تلقى الكاتو ولا حدا هاالاجانب يطقها اساسي وحسين العلي الهداف القناص جالس مع الاحتياط :( الله يعافيك ياالدباب على هاالموضوع الحلو :)

[الدباب]

الهــ سامي ــلال /


فعلا على قولتك اشوا ان الله ستر وتأجلت العالمية ولا كان علوم ورياضيات بعد :) وتسلم لي ياحلو :)


نص لفة /


هلا والله وغلا باللي نسا الدباب ونسا المنتدى العام :)

بالنسبة لحسين العلي فعلا والله حرام موهبة شابه مثل هذا يركن على الاحتياط وهو كله حماس واحتراق انه يثبت نفسه لكن مانقول الا حسبنا الله على التخبط الاداري والتدريبي

وتسلم والله على كلامك الحلو هذا بس من ذوقك يامنسم :) :)

[XLi]

والله انك صادق يا اخوي الدباب وكلامك كله صحيح والهلال في هذه الفتره ظايع وهايم على وجهه

ومشكور وما تقصر اخوي الدباب

[الدباب]

العفو :) :)

[عبود]

اخوي الدباب ... رائع رائع والله رائع ... كلام منطقي ... واقعي ... يشخص حال زعيمنا الغالي :) ....... وانا بصراحه ماعندي كلام اضيفه بصراحه لانك كفيت ووفيت اخوي .. وبصراحه بالنسبه للمثال اللي حطيته بان الهلال عمره ماكان يعتمد على المدربين وجبت مثال على مباراة العربي الكويتي ... كان المثال بصراحه خير دليل وبرهان على كلامك وهي مباراة لاتنسى ... وانا بصراحه مع ان الموضوع مر عليه اكثر من خمس سنوات الا اني حافظ ماكتبت الرياضيه بعد المباراة بالبنط العريض ( تهور بهجا ... صمت اوسكار ... فنطق الشلال بثلاثه خرافيه )

اخوي دباب بنجوااااااااااااااار :) يعطيك العافيه ... ولا تنسانا من مواضيعك .

[الطيب]

هالموضوع زين مــــره
وراعيـه ازين مــــرتين..

قلنا نرجّع الموضوع لعل راعيه يرجع.

[الدباب]

عبود /

اهنيك على ذاكرتك ... وفعلا من غيرنا نحن الهلاليين يختزن في ذاكرته كل هذه البهجه وهذه المواقف المشرفه :)

اشكرك وهذا من زود حلاك ياسكر زياده :)


الطيب /

يلوموني فيك ياللي لك من اسمك نصيب :)

والله اني يوم شفت ردك كني مصفوق ( التمياط ) كف على وجهي ويني عنه ؟!

اخوي الطيب انت عارفني زين وعارف قناعتي بالهلال ... قناعتي تقول لي الهلال فوق في السما ... ليش انزله تحت بكلامي عنه :)

وبسبب هالقناعة ماكتبت الا موضوعين بس عن الهلال ... كلهن اعتبرهن نزف مهوب مجرد كتابة


مدري وش اللي خلاني ارجع ادور هالموضوع الحين بعد كل هالفترة ... هل هو احساسي الداخلي نفسه اللي خلاني اقول من زماااااااان ... الله يستر ؟

متى من زمان يالطيب ؟؟ اعتقد انك تذكر واذا ماتذكر انا ذكرتها فوق :)

الطيب ... ياحبي لك :)

[ابو فاس]

شكرا للطيب اللي رفع الموضوع

انا سبق لي قراته اكثر من مرة
وفي كل مرة كاني اقراه من جديد

اللي استغربه
واستغربت كثير منه
اني مالقيت لي اي رد على الموضوع
مع انه كان يفترض ان اطرز اسمي في موضوع مميز مثل هذا

حالا على اقرب رحلة مغادرة للمميزة :)