ذروووق
02-02-2001, 18:34
السلام عليكم
هلا والله وغلا باللي جا وزار وقرا
واللي يرد هلاوين وغلاوين
<FONT COLOR="Blue">المكان : غرفة الفطور في واحده من المدارس</FONT c>
<FONT COLOR="Blue">الموضوع : حش على ودنه</FONT c>
أصبحنا وأصبح الملك لله
يوم من أيام الدوام في المدرسه جا وقت الفطور للمعلمات ..
على الطاوله جالسه منيره وفطوم وصالحه ( أسماء تحبها قلبك )
منيره : تصدقون اليوم عجزت أقوم من النوم البارحه كنت سهرانه مع وليدي الله يصلحه كل ساعه وهو قايم يصيح مدري وش فيه
فطوم : لا يكون معه التهاب بإذنه ترى انا بنيتي كانت تصيح يومين ولا عرفت وش فيها وما غير أبلعها في ذا التمبرا وعيت لا تسكت يوم وديتها للدكتور والا اذنها ملتهبه ويقول فيه مويه تحت الطبله ( والا يمكن الطار ) ولازم لها عمليه
صالحه : لا يهكون عليتس ترى هالدكاتره ما وراهم الا الخرط الزايد... عليتس بس بزيت النارجين تدفينه وتربصين فيه قطنه واحشريا بإذن الورع وما يشوف الا العافيه تراها مجربه أمي تقول يوم اننا صغار ما كانت تداوي أذونا الا بوه وهذانا ماشاء الله ما فينا الا العافيه (ياهوووووو يا خبره )
منيره : صادقه والله الظاهر اني بسوي تسذا الليله
تصدقين؟؟ هبلوا بنا تحاليل وكشف السوايل بالإذن ( حشا صارت ثلاجه ذي سوايل بالإذن ) وكل شوي مواعيد بهالمستشفى وياريتنا ندخل على موعدنا بعد الا لازم ابونا يروح الصبح ياخذ له رقم همن يروح الدوام همن يمرني نروح البيت نجيب الوليد وبعدين نروح المستشفى وننرزع بعدها ساعتين ولا جا رقمنا!!!! ......
فطوم : اللهم يا كافي وشهو له كل هالدواره.. ورا ما تروحون مستشفى خاص أزين والله أدفع ميه وخمسين ريال وادخل بموعدي ولا كل هالمرمطه ( ما عندها وقت )
http://smilies.networkessence.net/otn/shocked/ezicon3.gif
~~~~~~~~~~~~~~~
على طرف الطاوله الثاني
جالسه موضي وجواهر ومشاعل
موضي : أقول سمعتوا عن عرس بنت ال ..... يقولون جابوا فيه أحلام و زبيده ولا جت أحلام الا الساعه أربع الفجر
جواهر : أنا انعزمت بس الصراحه ما رحت لأنهم ما أرسلوا لنا إلا كرتين واحد لي وواحد لأمي وباقي أخواتي المعرسات ما انعزموا وزعلنا الصراحه ليش يجحدوهم وما أحب والله اروح وخواتي لهم خاطر بالروحه ولا حصلت لهم
مشاعل أنا عاد رحت وتصدقون يوم جت أمي تاخذني من العرس علشان ما ارجع بالليل لحالي مع السواق ( طبعا محد يتنازل من أخوانها الشباب يطق مشوار بالليل يجيبها فأمها هي المحرم اللي تسوي مشاوير بالليل تجيب بناتها من العزايم ) وعيا ذاك الحارس الدلخ عند الباب لا يدخلها يقول ما معها بطاقه تقول له يا ولد الأوادم باخذ بنيتي واروح وذاك يقول معصي ما تدخلين لو كانت اللي جايه الشغاله كان دخلتها بس أنتي ما أضمن انك جايه تاخذين بنتك وتطلعين على طول ( منطق حلو ) و تدق علي أمي على الجوال ولا سمعته لأن الصوت كان عالي بالحيل والجوال بالشنطه وأمي عند الباب يا حياتي ساعتين ما دريت عنها وبس انقلبت الليله نكد وهواش وكل البسط اللي انبسطته انقلب على راسي
بس وش هاللبس اللي صايرين البنات يلبسونه ؟؟ قمصان نوم الله وكيلك
( وسعي صدرك الدنيا صارت غلا والناس تسترخص تجيب قطع صغيره من القماش ويعلقونها بخيوط ويلبسونها بزعمهم فساتين )
http://www.gamers-forums.com/smilies/contrib/Bizkit/peoples.gif
~~~~~~~~~~~~~~~~~~~
في الربعه فيه كرسيين جلد جالسين عليها أمل وهدى
http://216.40.249.192/mysmilies/otn/angry/slrap.gif
هدى : ياي يا أمل ساعتك تهبل من وين انتي جايبتها ؟؟
أمل : هذي بولغاري شاريتها من جنيف والله.. تصدقين انها من هناك أرخص ..ماخذتها بسبعين ألف بس !!!!!!!!
(مع العلم ما فيها ولا فص )
هدى : طيب وش رايك بها لساعه اللي علي أوروم آخر موديل ماخذتها من كارتييه اللي بالفيصليه (تراها شاريتها بميتين ريال من العويس !!!!!!)
أمل : ياختي الواحد صار يمل مايمديه يشري الساعه الا ويلقى أحلى منها نازل أو ان البنات كلهم صايرين يلبسون مثلها( ياي بايخين ) ..عاد أنا ما أحب أصير لابسه شي مكرر (ميز نفسك ياأبو سبعين )
هدى : صادقه والله والا هالتقليد اللي ذابحينا فيه كل ما طلعت ماركه موديل قلدوه الله لا يوفقهم
( الله لا يحرمنا منهم في قلبها )
http://smilies.uniquehardware.co.uk/contrib/duckman/blite.gif
~~~~~~~~~~~~~~~~~~
إيمان داخله الغرفه معها حصه وهي ماطه براطمها لتحت وكل علامات حومة الكبد عيها (كالعاده)
بنات وش رايكم نتقاط ونغير موكيت غرفة الفطور ترى ريحته تصرع وشكله يفشل ودنا نحطه سيراميك
بدت الوجوه تنعفط ..
ومن كم تبونا نتقاط طيب ؟؟ وحده سألت
من ميه واذا تبونا نغير الكنب هذا المقطع ندفع على ميتين
فاطمه ما تحب هالسوالف كل شوي قطه قطه وش حكايتكم انتم نصرف على الرئاسه حنا ؟؟ ( ميب قعيطيه أبد )
وش عاد الله اكبر منتم ميتين من الجوع من ميتين ...
يا ناس هالغرفه اللي نجلس فيها في وقت فراغنا ومن حقنا نجلس بمكان نظيف ..
وحده نطت تقول طيب خلوا القطه بعطلة الصيف علشان ما نكون موجودين وهم يغيرون الموكيت (تصرفهم )
يووووووووووه حرام عليكم بنات ليش............
دخلوا في نقاش طويل عن آخر قطه حطوها بأول السنه علشان يشرون ثلاجه ووووو
نشوف غيرهم أصرف شكلهم موب مخلصين اليوم ....
http://216.40.249.192/mysmilies/ups/razor_wind/mumumani.gif
~~~~~~~~~~~~~~~~~
الإداريه دخلت ومعها دفتر رصد الإجازات والغياب للمعلمات وتيبهم يوقعون عليه
توقيت مدروس علشان الكل يكون مجتمع عند البلع وبالمره ما تجلس تتكلف تدور عليهم في الفصول
خطه خبيثه لسد النفس والإدرايه الثانيه داخله وراها بدفتر المنااااااااااااااااااوبه
وععععععععععععععععععععععععععععععع
http://www.gamers-forums.com/smilies/otn/angry/zx11pissed.gif
أما الإجازات فضايح شوفوا
وحده ما عندها إجازات كثير بس ما بحياتها وقعت الا فوق الخط الأحمر .. تقولون عليها حلف
الثانيه بملفها سته عشر تقرير طبي وكلها ان عندها تلبك معوي ( لعنيو ابليسك وش هالمعده اللي عندك ؟؟)
وحده مخلصه اضطراري الترم الأول وناطه على اضطراري الترم الثاني وماحطته ودخلت على التقارير وعندها عشر أيام غياب بدون عذر ولسه السنه ما خلصت يعني الله العالم كم بيصيرون
وحده تجاوزت الرقم القايسي ..ساعات التأخير عندها 158 ساعه (كم ساعه بقت في السنه بالله ) (ترى هذي موب أنا ) المديره تقول لها حطمتي الرقم القياسي بالتأخير
( تقرب للفتيحي في التحطيم ولكن ,, من نوع آخـــــــر !!)
http://www.eqla3.com/vb/images/icons/icon66.gif
~~~~~~~~~~~~~~~~~~~~
دخلوا نوال ومريم وساره
مريم : شفتي فلانه رجلها اعرس عليها !!!!!!!!!!!!!!
ساره : لا تقولين ؟؟ متى ؟؟
نوال إيه سمعت البنات يحكون في السالفه الصبح والله انها ما تستاهل موب ناقصها شي يا حرام لا جمال ولا وظيفه وعيالها يهبلون بعد بس وش تقولون عاد رجال الله يكفينا شرهم (آمـــــــــــــــــين )
مريم : الا قولي الله يقلعهم يارب هذا جزاتها اللي كانت تساعده برواتبها وهم يعمرون البيت وتحط له كل شهر ثلاث ارباع راتبها وحارمتن نفسها من العيشه علشان يسكنون في بيت ملك ويفتكون من الإيجار ؟؟ وعساه ما يربح ياربي .. (هذي ما عندها لعب دعاوي على طول )
ساره : والله زعلتوني !!
تصدقين عاد أنا ورجلي فاتحين لنا حساب واحد باسمه هو يعني راتبي وراتبه مع بعض والجيب واحد لأن القلب واحد وهو موب يقصر معي وقت ما أقول له أعطيني يجيب لي على طول ( من حلال ابوه ؟؟ من فلوسك يالدلخه بيتمنن عليكي بفلوسك بعد ؟؟) ودايم يشري لي هدايا والله موب يقصر بعد عمري (بكره تاكلين هوا يا بعد عمري !! من وين يدفع حق الهدايا موب من رواتبك اللي مجمعه مع رواتبه ؟؟)
الله يعوض عليها بالجنه ان شاء الله عن هالرجل اللي ما يعرف اسم الوفاء !!!!!!!!!
http://smilies.uniquehardware.co.uk/contrib/edoom/boxing_smiley.gif
~~~~~~~~~~~~~~~~
فوزيه داخله وهي معصبه
والله قرفت ياناس من تدريس هالعيال وش هالمناهج أعوذ بالله شي يحرق الدم والا عقول عيالنا تقولون تنك يا لطيف !!!!!!!!!
والأبو موب يدرس أحد من العيال معك؟؟
يدرس مين ؟؟ عساه يفكنا من طلباته وعزايمه بس موب يدرس العيال ..
أخر مره درس فيها ولدي الكبير نام الولد بصعرور بدميجته .. قال ايش وراه ما يفهم بسرعه أكيد انه طالع غبي عليتس وبس دخلت فيها هواش وزعل اسبوع بسبة هالكلمه وطبعا هو كان مستعجل يبي يخلص تدريس الولد لأنه بيطلع سهران مع الشباب في الإستراحه وموب فاضي لعياله ........................ فوزيه عيت تسكت طاحت برجلها حش ..........
http://216.40.249.192/mysmilies/otn/other/phone.gif
~~~~~~~~~~~~~~~~~~
هذي شوي من السواليف ..أما عن الأكل فهو مثل فطور العالم كلها ما هنا زود بس مدري ليش الناس محترقه من فطور المعلمات بالذات!!
جبنه سايله , جبنة المراعي قواطي , زيتون أخضر وأسود , مكدوس , جبنه بيضا , جبنة ريجيم , مربي , عسل , في بعض المرات فول , حلا جايبته المديره , شاورما مسويتها وحده من المعلمات بالبيت , مصابيب مسويتها العامله المسؤله عن المطبخ , تميز , خبز بر , صامولي , شابورة الريجيم ( من أول السنه بكرتونها ما انفتحت )
بيض مسلوق , طماط وخيار موب مغسول زين (عادي علشان المناعه ما تضعف )
بس ..( حشا صارت ليستة مقاضي ذي )
وش حاسدين المعلمات عليه مدري http://smilies.networkessence.net/contrib/Bizkit/ponder.gif ؟؟؟!!!!!!!!....
http://216.40.249.192/mysmilies/otn/angels/newangel1.gif
وسامحونا على التطويل
~~~~~~~~~~~~~~~~~~~~~
------------------
قلت آه من صبرٍ صبرته على الكود
-----------------------ومن ونة للقلب جاحت وقدّت
ونّة عتب ونّة غضب مالها حدود
---------------------ياليتها عن مغلق الصدر صدّت
إن قلت هانت تعرّض لي بالأيام والسود
--------------------إن قلت قفّت عوّدت لي وردّت
إن قلت هانت بالحشا جابت الزود
----------------------وجاحت خفايا ضامري واستجدّت
وزادت جروح القلب بجروح ولهود
----------------------ودنياي مالت عن سنعها ولدّت
هلا والله وغلا باللي جا وزار وقرا
واللي يرد هلاوين وغلاوين
<FONT COLOR="Blue">المكان : غرفة الفطور في واحده من المدارس</FONT c>
<FONT COLOR="Blue">الموضوع : حش على ودنه</FONT c>
أصبحنا وأصبح الملك لله
يوم من أيام الدوام في المدرسه جا وقت الفطور للمعلمات ..
على الطاوله جالسه منيره وفطوم وصالحه ( أسماء تحبها قلبك )
منيره : تصدقون اليوم عجزت أقوم من النوم البارحه كنت سهرانه مع وليدي الله يصلحه كل ساعه وهو قايم يصيح مدري وش فيه
فطوم : لا يكون معه التهاب بإذنه ترى انا بنيتي كانت تصيح يومين ولا عرفت وش فيها وما غير أبلعها في ذا التمبرا وعيت لا تسكت يوم وديتها للدكتور والا اذنها ملتهبه ويقول فيه مويه تحت الطبله ( والا يمكن الطار ) ولازم لها عمليه
صالحه : لا يهكون عليتس ترى هالدكاتره ما وراهم الا الخرط الزايد... عليتس بس بزيت النارجين تدفينه وتربصين فيه قطنه واحشريا بإذن الورع وما يشوف الا العافيه تراها مجربه أمي تقول يوم اننا صغار ما كانت تداوي أذونا الا بوه وهذانا ماشاء الله ما فينا الا العافيه (ياهوووووو يا خبره )
منيره : صادقه والله الظاهر اني بسوي تسذا الليله
تصدقين؟؟ هبلوا بنا تحاليل وكشف السوايل بالإذن ( حشا صارت ثلاجه ذي سوايل بالإذن ) وكل شوي مواعيد بهالمستشفى وياريتنا ندخل على موعدنا بعد الا لازم ابونا يروح الصبح ياخذ له رقم همن يروح الدوام همن يمرني نروح البيت نجيب الوليد وبعدين نروح المستشفى وننرزع بعدها ساعتين ولا جا رقمنا!!!! ......
فطوم : اللهم يا كافي وشهو له كل هالدواره.. ورا ما تروحون مستشفى خاص أزين والله أدفع ميه وخمسين ريال وادخل بموعدي ولا كل هالمرمطه ( ما عندها وقت )
http://smilies.networkessence.net/otn/shocked/ezicon3.gif
~~~~~~~~~~~~~~~
على طرف الطاوله الثاني
جالسه موضي وجواهر ومشاعل
موضي : أقول سمعتوا عن عرس بنت ال ..... يقولون جابوا فيه أحلام و زبيده ولا جت أحلام الا الساعه أربع الفجر
جواهر : أنا انعزمت بس الصراحه ما رحت لأنهم ما أرسلوا لنا إلا كرتين واحد لي وواحد لأمي وباقي أخواتي المعرسات ما انعزموا وزعلنا الصراحه ليش يجحدوهم وما أحب والله اروح وخواتي لهم خاطر بالروحه ولا حصلت لهم
مشاعل أنا عاد رحت وتصدقون يوم جت أمي تاخذني من العرس علشان ما ارجع بالليل لحالي مع السواق ( طبعا محد يتنازل من أخوانها الشباب يطق مشوار بالليل يجيبها فأمها هي المحرم اللي تسوي مشاوير بالليل تجيب بناتها من العزايم ) وعيا ذاك الحارس الدلخ عند الباب لا يدخلها يقول ما معها بطاقه تقول له يا ولد الأوادم باخذ بنيتي واروح وذاك يقول معصي ما تدخلين لو كانت اللي جايه الشغاله كان دخلتها بس أنتي ما أضمن انك جايه تاخذين بنتك وتطلعين على طول ( منطق حلو ) و تدق علي أمي على الجوال ولا سمعته لأن الصوت كان عالي بالحيل والجوال بالشنطه وأمي عند الباب يا حياتي ساعتين ما دريت عنها وبس انقلبت الليله نكد وهواش وكل البسط اللي انبسطته انقلب على راسي
بس وش هاللبس اللي صايرين البنات يلبسونه ؟؟ قمصان نوم الله وكيلك
( وسعي صدرك الدنيا صارت غلا والناس تسترخص تجيب قطع صغيره من القماش ويعلقونها بخيوط ويلبسونها بزعمهم فساتين )
http://www.gamers-forums.com/smilies/contrib/Bizkit/peoples.gif
~~~~~~~~~~~~~~~~~~~
في الربعه فيه كرسيين جلد جالسين عليها أمل وهدى
http://216.40.249.192/mysmilies/otn/angry/slrap.gif
هدى : ياي يا أمل ساعتك تهبل من وين انتي جايبتها ؟؟
أمل : هذي بولغاري شاريتها من جنيف والله.. تصدقين انها من هناك أرخص ..ماخذتها بسبعين ألف بس !!!!!!!!
(مع العلم ما فيها ولا فص )
هدى : طيب وش رايك بها لساعه اللي علي أوروم آخر موديل ماخذتها من كارتييه اللي بالفيصليه (تراها شاريتها بميتين ريال من العويس !!!!!!)
أمل : ياختي الواحد صار يمل مايمديه يشري الساعه الا ويلقى أحلى منها نازل أو ان البنات كلهم صايرين يلبسون مثلها( ياي بايخين ) ..عاد أنا ما أحب أصير لابسه شي مكرر (ميز نفسك ياأبو سبعين )
هدى : صادقه والله والا هالتقليد اللي ذابحينا فيه كل ما طلعت ماركه موديل قلدوه الله لا يوفقهم
( الله لا يحرمنا منهم في قلبها )
http://smilies.uniquehardware.co.uk/contrib/duckman/blite.gif
~~~~~~~~~~~~~~~~~~
إيمان داخله الغرفه معها حصه وهي ماطه براطمها لتحت وكل علامات حومة الكبد عيها (كالعاده)
بنات وش رايكم نتقاط ونغير موكيت غرفة الفطور ترى ريحته تصرع وشكله يفشل ودنا نحطه سيراميك
بدت الوجوه تنعفط ..
ومن كم تبونا نتقاط طيب ؟؟ وحده سألت
من ميه واذا تبونا نغير الكنب هذا المقطع ندفع على ميتين
فاطمه ما تحب هالسوالف كل شوي قطه قطه وش حكايتكم انتم نصرف على الرئاسه حنا ؟؟ ( ميب قعيطيه أبد )
وش عاد الله اكبر منتم ميتين من الجوع من ميتين ...
يا ناس هالغرفه اللي نجلس فيها في وقت فراغنا ومن حقنا نجلس بمكان نظيف ..
وحده نطت تقول طيب خلوا القطه بعطلة الصيف علشان ما نكون موجودين وهم يغيرون الموكيت (تصرفهم )
يووووووووووه حرام عليكم بنات ليش............
دخلوا في نقاش طويل عن آخر قطه حطوها بأول السنه علشان يشرون ثلاجه ووووو
نشوف غيرهم أصرف شكلهم موب مخلصين اليوم ....
http://216.40.249.192/mysmilies/ups/razor_wind/mumumani.gif
~~~~~~~~~~~~~~~~~
الإداريه دخلت ومعها دفتر رصد الإجازات والغياب للمعلمات وتيبهم يوقعون عليه
توقيت مدروس علشان الكل يكون مجتمع عند البلع وبالمره ما تجلس تتكلف تدور عليهم في الفصول
خطه خبيثه لسد النفس والإدرايه الثانيه داخله وراها بدفتر المنااااااااااااااااااوبه
وععععععععععععععععععععععععععععععع
http://www.gamers-forums.com/smilies/otn/angry/zx11pissed.gif
أما الإجازات فضايح شوفوا
وحده ما عندها إجازات كثير بس ما بحياتها وقعت الا فوق الخط الأحمر .. تقولون عليها حلف
الثانيه بملفها سته عشر تقرير طبي وكلها ان عندها تلبك معوي ( لعنيو ابليسك وش هالمعده اللي عندك ؟؟)
وحده مخلصه اضطراري الترم الأول وناطه على اضطراري الترم الثاني وماحطته ودخلت على التقارير وعندها عشر أيام غياب بدون عذر ولسه السنه ما خلصت يعني الله العالم كم بيصيرون
وحده تجاوزت الرقم القايسي ..ساعات التأخير عندها 158 ساعه (كم ساعه بقت في السنه بالله ) (ترى هذي موب أنا ) المديره تقول لها حطمتي الرقم القياسي بالتأخير
( تقرب للفتيحي في التحطيم ولكن ,, من نوع آخـــــــر !!)
http://www.eqla3.com/vb/images/icons/icon66.gif
~~~~~~~~~~~~~~~~~~~~
دخلوا نوال ومريم وساره
مريم : شفتي فلانه رجلها اعرس عليها !!!!!!!!!!!!!!
ساره : لا تقولين ؟؟ متى ؟؟
نوال إيه سمعت البنات يحكون في السالفه الصبح والله انها ما تستاهل موب ناقصها شي يا حرام لا جمال ولا وظيفه وعيالها يهبلون بعد بس وش تقولون عاد رجال الله يكفينا شرهم (آمـــــــــــــــــين )
مريم : الا قولي الله يقلعهم يارب هذا جزاتها اللي كانت تساعده برواتبها وهم يعمرون البيت وتحط له كل شهر ثلاث ارباع راتبها وحارمتن نفسها من العيشه علشان يسكنون في بيت ملك ويفتكون من الإيجار ؟؟ وعساه ما يربح ياربي .. (هذي ما عندها لعب دعاوي على طول )
ساره : والله زعلتوني !!
تصدقين عاد أنا ورجلي فاتحين لنا حساب واحد باسمه هو يعني راتبي وراتبه مع بعض والجيب واحد لأن القلب واحد وهو موب يقصر معي وقت ما أقول له أعطيني يجيب لي على طول ( من حلال ابوه ؟؟ من فلوسك يالدلخه بيتمنن عليكي بفلوسك بعد ؟؟) ودايم يشري لي هدايا والله موب يقصر بعد عمري (بكره تاكلين هوا يا بعد عمري !! من وين يدفع حق الهدايا موب من رواتبك اللي مجمعه مع رواتبه ؟؟)
الله يعوض عليها بالجنه ان شاء الله عن هالرجل اللي ما يعرف اسم الوفاء !!!!!!!!!
http://smilies.uniquehardware.co.uk/contrib/edoom/boxing_smiley.gif
~~~~~~~~~~~~~~~~
فوزيه داخله وهي معصبه
والله قرفت ياناس من تدريس هالعيال وش هالمناهج أعوذ بالله شي يحرق الدم والا عقول عيالنا تقولون تنك يا لطيف !!!!!!!!!
والأبو موب يدرس أحد من العيال معك؟؟
يدرس مين ؟؟ عساه يفكنا من طلباته وعزايمه بس موب يدرس العيال ..
أخر مره درس فيها ولدي الكبير نام الولد بصعرور بدميجته .. قال ايش وراه ما يفهم بسرعه أكيد انه طالع غبي عليتس وبس دخلت فيها هواش وزعل اسبوع بسبة هالكلمه وطبعا هو كان مستعجل يبي يخلص تدريس الولد لأنه بيطلع سهران مع الشباب في الإستراحه وموب فاضي لعياله ........................ فوزيه عيت تسكت طاحت برجلها حش ..........
http://216.40.249.192/mysmilies/otn/other/phone.gif
~~~~~~~~~~~~~~~~~~
هذي شوي من السواليف ..أما عن الأكل فهو مثل فطور العالم كلها ما هنا زود بس مدري ليش الناس محترقه من فطور المعلمات بالذات!!
جبنه سايله , جبنة المراعي قواطي , زيتون أخضر وأسود , مكدوس , جبنه بيضا , جبنة ريجيم , مربي , عسل , في بعض المرات فول , حلا جايبته المديره , شاورما مسويتها وحده من المعلمات بالبيت , مصابيب مسويتها العامله المسؤله عن المطبخ , تميز , خبز بر , صامولي , شابورة الريجيم ( من أول السنه بكرتونها ما انفتحت )
بيض مسلوق , طماط وخيار موب مغسول زين (عادي علشان المناعه ما تضعف )
بس ..( حشا صارت ليستة مقاضي ذي )
وش حاسدين المعلمات عليه مدري http://smilies.networkessence.net/contrib/Bizkit/ponder.gif ؟؟؟!!!!!!!!....
http://216.40.249.192/mysmilies/otn/angels/newangel1.gif
وسامحونا على التطويل
~~~~~~~~~~~~~~~~~~~~~
------------------
قلت آه من صبرٍ صبرته على الكود
-----------------------ومن ونة للقلب جاحت وقدّت
ونّة عتب ونّة غضب مالها حدود
---------------------ياليتها عن مغلق الصدر صدّت
إن قلت هانت تعرّض لي بالأيام والسود
--------------------إن قلت قفّت عوّدت لي وردّت
إن قلت هانت بالحشا جابت الزود
----------------------وجاحت خفايا ضامري واستجدّت
وزادت جروح القلب بجروح ولهود
----------------------ودنياي مالت عن سنعها ولدّت