PDA

عرض كامل الموضوع : حب من اول نتقه .................Love from first (natgaaah(

بدل_فاقد
08-04-2001, 20:08
سلامو عليكم 0 حبايبي .اسعد عبد الكريم قصدي اسعد الله اوقاتكم

بكل خير :@

المسأله ماهي ثقل ولا تغلي لا
بس تخبرون انا كنت توني جاي من سفر
وبالعاده اذا سافرت
اقعد عقبها اسبوعين تعبان
من اللي اشوفه
طبيعه وخضاااااااااااار ومويه ووجهن حسن
(الي يسمعني يقول رايحن لماربيا)

ماكني رايح لدبي ومع حمله بعد

مالكمش فالطويله هذا واحد من الشباب عزمنا ذاك اليوم على معسل .بمناسبة انه ترقى نقيب موب عسكري لالا
بس طلع في كتفه الايسر ثلاث حبات ثلول بجنب بعض .
قلت ياولد لافرق بين عربي ولاأعجمي الا بالتقوى

انزلهامره وحده للشباب والشابات عشان يعرفون
وش قد قلبي خضرررررررررر ومرهف الاحساس وانفع اكون زوج المستقبل
لكل مدرّسه رسميه موب وحده تجي تتميلح واخرتها على البند http://www.eqla3.com/file/ubb/smile.gif

السالفه


الموقع
... مقهى الشلال
الحزه
.... درزن فالليل

المشهد
.... كنت جالسن انا وربعي وكنت لاهن عنهم بلي الشيشه
جالسن على الكرسي منسفط يعني ماحد يشوف مني الا ركبي واصلتن راسي
ودخنه تطلع من فوق كني قاعدن اكوي شماغ في حضني http://www.eqla3.com/file/ubb/smile.gif
المهم يسولفون الربع سوالف ماعجبتني هذا يقول ا لهلال والثاني يقول النصر
هذا يقول ابو يعقوب والثاني يقول يوسف الثنيان
وانا اقول بسلامتهم دامني مروق مالي شغل

شوي يوم قاموا يهرجون في اوضاعنا الاجتماعيه
في هذا المجتمع وكيف نستطيع الخروج من النقص في كمية الحنان
المنغرس داخل كل شاب
انا كذاسمعت واحد منهم يهرج ولا انا ماقول الكلام هذا
دامني اكل زبادي واشرب لبن
وكرتون حليب السعوديه مايقعد فالبيت هذا اهم شي

<<<< ماشكيتوا انه عجل بامانه كل اكله لبنيات http://www.eqla3.com/file/ubb/smile.gif

المهم اخذتهم السوالف
كلن قام يقول عن علاقاته مع الجنس الاخر وانا اقلب راسي بينهم
والكذب خيبه انشديت لسوالفهم الا انشديت ايه من اول هذيالسوالف ولا بلاش
.
.
موب الثنيان الله لو انه الكابتن ماجد
ذاك اللي يمشي بالكوره وهو يسولف لا والي يقهرني
انه بداية الحلقه يبناوله ياسين رفيقه
تنتهي الحلقه ماوصلته الكوره والله لو انها مناوله بالنقل الجماعي كان وصلت http://www.eqla3.com/file/ubb/smile.gif

.
.المهم واحد يقول من ربعي انا كننت اعرف وحده
وكنت احبها وكانت تحبني
وهو يسولف اناظر في وجهه الا هو مسيكين الدمعه على طرف خده

وانها لما قالها بتزوجك قالت له لا
هو قال لا وانا اضحك بقوه كخخخخخخخخخخخخخخخخخخخخخخخخخخ3.

بغت تطيح الشيشه بس زين اني مدخل الللي من تحت ابطي يوم حسيت انها بتروح على ظهرها وانا ارص على ابطي واضحك بصوت عالي

قال لي هو راعي السالفه ليه تضحك ياكابتن
وانا اضحك بقوه ههههههههه يوم عصب قلت ياخي انت مصخررره
كخخخخخخخخخخخخخ قالت لك لا كخخخخخخخخ ناا اشر عليه واهز راسي واضحك قال تحبن قال يامي روح تحبك يوم قلت بتزوجك قالت لا 00الله لايبلانا اها بس لاعاد تسولف
الولدعصب مره وطلب شيشه وصارمثل قبل شوي
منصفط ويعسل
جاك الثاني يقول انا تعرفت على وحده مره كانت حلوه يوم عدلت جلستي وتربعت فوق الكرسي وقربت راسي منه
كني الشعراوي
بس انه ماكان ينظر لها الا على انها صديقه
وانا اقول في نفسي اخس ياذا ماهوب بسيط ياقو قلبه
لو مااعرفه زين كنت قلت انه ماخذ الجامعه من بريطانيا ولا لندن http://www.eqla3.com/file/ubb/smile.gif
المهم يقول انها تدق عليه ويطنشها ومره يسكر السماعه في وجهها

اذا ردته في طلب
يعني يقول انه مره قال لها لاتغدين رز وتغدت رز
وعلمته قام سكر السماعه في وحهها
عاد انا اقول في نفسي ام المذله ياشيخ
بيقهرني هذا وش عليك منها تغدا رز ولا تغدا شعير
وهي المسيكينه ليش تعلمه دلخه الله واكبر يعني بيفتش ززبالتهم
وش هم كابين عقب الغداء http://www.eqla3.com/file/ubb/smile.gif
المهم يقول انها مره طلبته الزواج يوم قالت له كذا
رفض وسكر السماعه في وجهها
يوم تسكرت الدنيا في وجهي بغيت
امحطه باللي حق الشيشه
وانا ارفع صوتي عليه ليه ليه يافاجر ؟؟؟؟
ليه احمد ربك انها قابلتن فيك يابيكومون الجراديه
ليش تعيي عساهم انشالله يزوجونك وحده مثل خيرو حقت ابوالهنا http://www.eqla3.com/file/ubb/redface.gif
وانا الي تشين نفسيتي واقول ياربي وش بلاني بها الرمم هذي
واحد ماخذن فيها مقلب والثاني ماكلها ومشربها اكبر مقلب
يوم صديت عنهم وقمت اناظر فالتلفزيون ومن الطفش
اعطيهم ظهري واقعد اسولف مع الجلسه اللي ورانا
شباب حلوين كل سوالفهم
هوشات وتفحيط وتشات وهم الرمم الثنيين قاعدين يوشوشون مع بعض مدري وش عندهم انا
مانتبهة لهم الا وان قاعد اسولف علىالجلسه الثانيه وقاعد اوصف لهم
واحد كان يفحط عند بيتنا وشلون يلف السياره
بقوه حووووووو حوووووووص
وعلى لفتي اشوفهم يضحكون بصوت واطي
قلت لهم وش فيك انت وياه تضحكون بصوت واطي ياواطي منك له
قال واحد منهم بدل تعال نبيك بسالفه خل عنك التفحيط

.
استاذنت من الربع اللي ورانا قلت لهم بعد اذنكم الوعد يوم الجمعه فالطعوس قالوا اوكي عطيتهم رقم جوالي قلت الوقت الي تكونون فيه فالتشات علموني قالوا خلاص
.
.
المهم رجعت لربعي قاموا يهدوني يوقنعوني ان ابن ادم رهيف
وكل واحد لازم يصير له كذا

قلت انا مانيب مثلك انت وياه انتم رمم ليه تسوون كذا انت يااحيوان ليه تسوي كذا في بنت الناس ترضى ان واحد يسويها مع اهلك
يوم بغى يخمني بالطفايه في جبهتي
قال الثاني يابن الحلال وسع صدرك
وارجع واطلب شيشه واتربع على كرسي
شوي

يوم دق جوالي
واناظر الاهو رقم غريب
قلت ياولد من هذا واناظر اللي جالسين وراى قلت يمكن راحوا يدخلون التشات بيحطون عندي خبر
الاهم على جلستهم ماتحركوا
وانا ارد علي الجوال
قلت هلوووووووووووووووو
هلووووووووو ورى بعض
زين ماسكر في وجهي
الا ذيك البنت اللي صوتها يجيب صدام حسين على وجهه

قلت هاه غلطانه (ماتعودت انثى تدق على غير امي تقولي جب معك مطبق وانت جاي) http://www.eqla3.com/file/ubb/smile.gif
.
.
.قالت ممكن اكلمك شوي لو سمحت انت بدل فاقد
..
يوم خارت قواي
وانا اللي ارجع ظهري على الكرسي وامدد رجليني من تحت الطاوله
قلت ممكن بس من انتي .
.

قالت انا معجبه فيك وبصراحه دخت الين جبت رقمك

قلت ايه بدينا في حركات الشميسي
وانا احطه السماعه في حضني واهمس لربعي
قلت : ان كان بتروحون روحو انا قاعد اكلم امي متهاوشه مع ابوي وتكلمني من بيت جداني http://www.eqla3.com/file/ubb/smile.gif
.
قالوا خذ راحتك ننتظرك http://www.eqla3.com/file/ubb/frown.gif ول وش هالنشبات وارجع اكلم
قلت اها تقولين لي قالت امممممم بس وابي منك تسمح لي اعبر عن اعجابي .

مازليت عليكم امممممم هذي جابت العيد فيني ماطري على الا بيت الشاعر الي يقول
(اثر بعض البراطم همسها غيمه وبراقي )
مني ومنها 00 انا احاول اني احوص عنها وهي ناشبتنن فيني كل شوي اقول
هذي صاحيه ولا مجنونه تعجب فيني
مالقيت الا انا بعدين اقول ياولد ونت مستهين بعمرك
على الاقل انت احسن من الرمم اللي جالسين قبالك تعرف تتصرف
.
.


المهم قامت توصف لي شكلها والدنيا تمطر
شوفوا شلون الجو
لا وتقولي انها ينادونها نورمان اسعد اللهم انه هي اطول شوي
قلت ياولد الزود ولا النقص

واخوكم عرقه يتخابط كني داخلن سونا
والشماغ تزلق من راسي مامسكها الا اني حاط طرفها في ثوبي
بين الازارير
قالت لي وانت ياعمري من تشبهه
وانا اخذ نفس عميق ليه لاني في مشكلتين الاولي
ياعمري هذي ماراح تخليني امرح شهر ذو الحجه كله
والثانيه من اشبهه ان قلت لها ايمن زيدان قالت نصاب
وكان وقتها ايمن زيدان
الافدغ متهواشن مع نورمان اسعد
لاني قاري في مجله ايمن زيدان ينفصل عن نورمان
بلاه من رداه (اصلا لو فيه خير ماخلى اخوه زين الدين يلعب مع فرنسا)

اخ بس لو اني اعرف ايميلها http://www.eqla3.com/file/ubb/smile.gif


قلت لها وانتي مايهمك الا الشكل اسف انا ماهمني عشان كذا
اقولك الي بينا بينتهي
من الحين (ياشين الحشره) http://www.eqla3.com/file/ubb/frown.gif
قالت لا امزح عليك بالعكس عاجبني لو انك مثل
خالد الملا
يوم قرصني قلبي قلت بس وانزل السماعه في حضني
قلت لربعي انت وياه
فيني من خالد الملا
قالوا ليه قلت بس علموني
قالوا يعني اللهم ان خشمك انت نفس اللون حق وجهك هو لا خشمه كنه مطربله فالصيف طالعن افتح من خشمه
يوم شانت الاخلاق
وارجع السماعه الا هي تبكي
وتصيح انا اسفه انا اسفه
(وانا اللي ابحلق عيوني )
واسكر الخط بسرعه قلت شكلها طاح عليها ابوها وهي تكلم
وماعطن شعرها وهي تقول اسفه http://www.eqla3.com/file/ubb/frown.gif
شوي يوم دقت مره ثانيه وتصيح بصووت اعلى اهي اهي اهي
وليه قلت الوووووووووو
قالت ايوه حبيبي قلت لعنه تلعنس
وش جاس تبكين قالت لا بس حسيت اني غلطت عليك
قلت هاه
الحين هذ1 كله مني واضحك كخخخخخخخخخخ
قالت ليه انت مستهين بعمرك انت تسوى الدنيا وما فيها
يابعدهم http://www.eqla3.com/file/ubb/smile.gif
قلت في نفسي يازين اسلوبها
واقلبها في راسي قلت ياولد بنت تتكلم كلام حلو انت لا
وانا اللي ارز عمري قلت لها
ماقلتي لي ياحلووه
كم عمرك http://www.eqla3.com/file/ubb/smile.gif
قالت عشرون ربيعا
قلت اجل انا سته وعشرون قيضن
شوي يوم كني سمعت صوت هندي قالت لي يالله باي سواقنا جاء بروح معه لبيت اختي
انتهت المكالمه
ماكذب عليكم
نوم ماش نوم
راحه ماش راحه
اكل ماش اكل
تعب
ماعاد اسمع الا مووايل عراقيه
وماعاد عبد الكريم ينفع معي
صرت اجيب اشرطة مزعل واسرعها
واسمعها وبتسى ونوااح
من كلامها الي قالته لي ومن الهندي الحيوان الي داخل عليها فالبيت كنه واحد من اخوانها
وللحين نزلت الموضوع لكم وهي مادقت
شاركت في برنامج اي ار تي ذاك اللي
يسوون اعلان عن اخوانهم وازواجهم وابوانهم الي ماشافوا بعض من سنين
كلمتهم قلت لهم انا بسال
عن وحده قالوا

من هي وش اسمها قلت مدري
قالواالاسم الثلاثي قلت اقولكم مدري عنها قالوا اسم العائله
قلت مدري عنها تفهمون
قالوا حلووو
مدري عنها تفهمون .. وش علاقتك بها
اثاريهم يحسون اسمها كذا(مدري عنها تفهمون)
ايه مايجي من صالح كامل الا هذي واردى

<<<<< حاقد عليه عقب تشفير مباريات المنتخب http://www.eqla3.com/file/ubb/smile.gif
.
.

ماطول السالفه
فالنهايه اكتشفت انها واحد من الجلسه اللي كانت ورانا مقلد صوت بنت والهندي حق المقهي يبي الحسااب :ٍر
.
.

اخ بس لو يطيح في يدي تسان علمته
من هو خالد الملا http://www.eqla3.com/file/ubb/smile.gif

فوتكم بعاااافيه

بــــــــــدل_فـــــــــــأقد


*عدّلت الموضوع لأني نسيت أسكر القلم أبد ما نسيت أحط وجيه ولا أي شي http://www.eqla3.com/file/ubb/smile.gif

------------------
الليل ياليلي يعاتبني ..
ويقول لي استح على وجهك




[This message has been edited by بدل_فاقد (edited 08-04-2001).]
بكرج حليب
08-04-2001, 22:30
مالك بالقصيره يابو الشباااااب


<FONT size="+3">التدخين ضاار ننصحك بالاقلاع عنه </FONT s>

<FONT size="+2">الا على طاري التدخين وش قصة حليب السعووووديه اللي تقول عليه </FONT s>

&lt;===== عيال عم من الرضاع

------------------
لعيون هجير تشرق الشمس و....لا...تغيب ..!

للتواصل :bakrag@hotmail.com
سارى الليل
08-04-2001, 22:44
والله حاس انى اعرفك
انت تجلس فى الشلال حق الشفا فى الجلسات الى براء عند انهار الشلال

------------------
اى واحد بيتحرش بيكون هذا جزاه
<IMG SRC="http://mypage.ayna.com/sare_al_layl/tt.gif" border=0>
ذروووق
09-04-2001, 02:51
روووووووووووووووووووووووووووعه http://www.eqla3.com/file/ubb/smile.gif
سرد وهبال غييييييير طبيعي http://www.eqla3.com/file/ubb/smile.gif
تبي الجد عاد والله أناشفت الموضوع طويل وفيني ضيقة خلق قلت منيب قاريته وش هالفضاوه اللي فيه؟ بس من قريت أول سطرين مالقيتني إلا خالصته http://www.eqla3.com/file/ubb/smile.gif
والله تستاهل المميزه بكل جداره &lt;------- ترىموب جدري http://www.eqla3.com/file/ubb/smile.gif
شغله قلتها جازت لي زود ....
وش قد قلبي خضرررررررررر ومرهف الاحساس وانفع اكون زوج المستقبل
لكل مدرّسه رسميه موب وحده تجي تتميلح واخرتها على البند !!!!!!! كلهم عاد ؟ إررررررررحم http://www.eqla3.com/file/ubb/smile.gif
&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt; http://www.eqla3.com/file/ubb/wink.gif



------------------
لفراقكم عندي كلام لازم أقوله لو أموت 00
ما أرضى أودعكم وأنا
عندي حكي 00 وعندي سكوت 00
لفراقكم شكل عجيب
صوره مثل كل الصور 00
بس السهــــــر غير السهــــــر 00
مقدر أقول إني حزين
لكن 00 بمـــــــوت 00 من القهــــــــــــر 0000000
ثورة الشك
09-04-2001, 04:02
بدل فاقد ههههههههههههه http://www.eqla3.com/file/ubb/smile.gif روووووووعه قليله في حق قصتك الرهييييييبه وربيييييييييي تقطعت من الضحك عليها http://www.eqla3.com/file/ubb/smile.gif تسلم يمينك ويسلم لنا مخك الرهييييييييييب http://www.eqla3.com/file/ubb/smile.gif المتميزه قليله في حقها واللي يبي يعارض باص عمر مكرم يشيله http://www.eqla3.com/file/ubb/smile.gif

هلا فيك اخوي http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif "للحين مستانس منك"

اخوك ثورة الشك &lt;==== عشان ماترد على وتقول تسلمين اختي

------------------
قالوا لي الناس في الخدرات معشوقه
تلقى العوض في لطيفة جسم وصغيره
قلت آه ياناس كلن عارفن سوقه
خلوني اموت في حكمه وتعزيره
محموس دمه ويعطي لون بزروقه
تاج الجمال استلم امره وتدبيره
اذا ذكرت الخدود ورّق سمحوقه
رديت للثوب ثم قطعت أزاريره
ياحلو جسمن عليه وحلو منطوقه
وياحلو عذره ولو كثّر معاذيره
jeteim01@yahoo.com
بدل_فاقد
09-04-2001, 20:26
هلا بكم كلكم
.
.
بكرج حليب http://www.eqla3.com/file/ubb/smile.gif
حليب السعوديه ماتعرف قصته
يوم حشروك في زاويه في سوق الزل
وانت لابس دقله يحرجون عليها
يوم تصيح الحقني ياحليب السعوديه مافكك الا الله ثم هو
اخذك بيدك وقال موب للبيع http://www.eqla3.com/file/ubb/smile.gif

.
.
.
ساري الليل
تعرفني ماظن الا ان كانك شفت مبارة النصر والهلال كامله
شفت يوم سامي طقها في يد الحارثي
شفتها جد والله
اها طيب بلنتي ولا بذمتك
&lt;&lt;&lt;&lt; حاشرينه النصرواين في الحاره
..
.
.
ذرووق
هلا بك اخوي وهذا من ذوقك
تسلم والله http://www.eqla3.com/file/ubb/smile.gif
.
.
.

ثورة الشك مدري ثورة التطريز
هلابك اخوي
وماقصرت دخولك هنا بحد ذاته قمة الوناسه
بس لو الله هاديك
ومخليني لى فالي احسبك اختي http://www.eqla3.com/file/ubb/smile.gif

.
اللي بعدووه
ذروووق
10-04-2001, 18:26
دخلت أرفع الموضوع جايز لي بس الصراحه عاد http://www.eqla3.com/file/ubb/frown.gif http://www.eqla3.com/file/ubb/frown.gif
&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;يحلفون إنها بنت http://www.eqla3.com/file/ubb/frown.gif
أبي بدل فاقد هويه http://www.eqla3.com/file/ubb/smile.gif
بدل_فاقد
10-04-2001, 21:39
ذروق 00 الاهي يرفع شانك ياشيخه

روحي يارب تتعينين في مدينه ان كنتى مدرسه
.
.
.
http://www.eqla3.com/file/ubb/smile.gif
اقول لاتكون
الي يقلد صوت بنت وتبي تمشيها علىهنا
بعد
كفاااايه تعليق الله يرحم ابوك
http://www.eqla3.com/file/ubb/smile.gif


------------------
الليل ياليلي يعاتبني ..
ويقول لي استح على وجهك
النمرة
11-04-2001, 03:49
سلام بدل مقلع http://www.eqla3.com/file/ubb/smile.gif

تعليق إقلاعي:
هذا الموضوع مهب صاحي ننصحكم بالتعلم منه http://www.eqla3.com/file/ubb/smile.gif

مقاطع تفقعت عليها من الضحك :-

<FONT COLOR="Red">" عاد انا اقول في نفسي ام المذله ياشيخ
بيقهرني هذا وش عليك منها تغدا رز ولا تغدا شعير
وهي المسيكينه ليش تعلمه دلخه الله واكبر يعني بيفتش ززبالتهم
وش هم كابين عقب الغداء "
</FONT c>


<FONT COLOR="Red">
"ليش تعيي عساهم انشالله يزوجونك وحده مثل خيرو حقت ابوالهنا "
</FONT c>

<FONT COLOR="Red">
" وانا احطه السماعه في حضني واهمس لربعي
قلت : ان كان بتروحون روحو انا قاعد اكلم امي متهاوشه مع ابوي وتكلمني من بيت جداني
.
قالوا خذ راحتك ننتظرك ول وش هالنشبات وارجع اكلم
قلت اها تقولين لي قالت امممممم بس وابي منك تسمح لي اعبر عن اعجابي .

مازليت عليكم امممممم هذي جابت العيد فيني
"
</FONT c>

<FONT COLOR="Red">
من هي وش اسمها قلت مدري
قالواالاسم الثلاثي قلت اقولكم مدري عنها قالوا اسم العائله
قلت مدري عنها تفهمون
قالوا حلووو
مدري عنها تفهمون .. وش علاقتك بها
اثاريهم يحسون اسمها كذا(مدري عنها تفهمون)

"
</FONT c>

أما هااااااااااذي :-
<FONT COLOR="Red">
" موب الثنيان الله لو انه الكابتن ماجد
ذاك اللي يمشي بالكوره وهو يسولف لا والي يقهرني
انه بداية الحلقه يبناوله ياسين رفيقه
تنتهي الحلقه ماوصلته الكوره والله لو انها مناوله بالنقل الجماعي كان وصلت

"
</FONT c>

هههههههههههههههههههه إيوالله هبـّلوا بنا تخلص الحلقة و ماجد يناول لياسين و لا يهبل بي إلا الضربة الثنائية حقتهم أموت وأعرف وشلون يخلون الكورة تبترم كل ما جينا نجرب نبرمها مثلهم أنا و أخوي نقعد نص ساعة نركض في الحوش و من النحاسة أشوتها قبله و على هالحالة http://www.eqla3.com/file/ubb/smile.gif http://www.eqla3.com/file/ubb/smile.gif

إلى المميزة =======&gt; مالديني إستلم لاهنت http://www.eqla3.com/file/ubb/smile.gif
و ألف يعطيك العافية يابدل على هالموضوع http://www.eqla3.com/file/ubb/smile.gif http://www.eqla3.com/file/ubb/smile.gif


------------------
<IMG SRC="http://stealth-pic.virtualave.net/photo/Animals/22.gif" border=0>
<table style="filter:glow(color=red, strength=2)">نياااهاأااهأااا</table>

يقول لك إذا رأيت نيوب النمرة بارزتن...فلا تظنن أن النمرة تبتسيمو^_^
مالديني الحوطه
11-04-2001, 03:51
هههههههههههههههههههههههههههههه ماعليه ....تعيش وتاكل غيرها....
قصه حلوه ومقلعه....شكلك راح تحتكر المميزه...
بس مو الحين نبي موضوع ثاني http://www.eqla3.com/file/ubb/smile.gif
اخاف اذا نقلت موضوعك للمميزه الحين يكبر راسك علينا وماعاد تكتب مواضيع....


------------------
<FONT COLOR="Red">وخذ ماجاز لك من هالحكي واللي تبي خله.....انا لاقلت مافي خاطري...والله مابالي</FONT c>
جراتسيا..تشيفي ديامو
النمرة
11-04-2001, 04:03
سلام http://www.eqla3.com/file/ubb/smile.gif
لا بس نسيت أسكر قلمي الأحمر http://www.eqla3.com/file/ubb/smile.gif

عن إذنك بدل/
مالديني ماشاء الله عليك صاير كنك سوبرمان مامداني أناديك إلا وانت مرتز هنا هههههههههههه
مايصير يابن الحلال ما تنقل الموضوع المميزة علشانه يعني يكتب أحسن منك &lt;&lt;&lt; بايعتها <IMG SRC="http://www.eqla3.com/file/ubb/icons/icon827.gif" border=0>
بدل فاقد ترى مالديني هو اللي كلمك الظاهر و خايف تورّيه من هو خالد الملا ححححححخخخخخخ




------------------
<IMG SRC="http://stealth-pic.virtualave.net/photo/Animals/22.gif" border=0>
<table style="filter:glow(color=red, strength=2)">نياااهاأااهأااا</table>

يقول لك إذا رأيت نيوب النمرة بارزتن...فلا تظنن أن النمرة تبتسيمو^_^
مالديني الحوطه
11-04-2001, 04:11
يالنمره الموضوع مقلع بقوه وماعليه خلاف...بس من كلام بدل فاقد يتضح انه شين وانا ما احب الشيون(تكفى ياأيمن زيدان) http://www.eqla3.com/file/ubb/smile.gif&lt;&lt;===يسمع بايمن زيدان
ولكن مايمنع اني احيل الموضوع لمجلس هيئة المستشارين لدراسته وابداء مرئياتهم حيال نقله للمميزه...انتي عارفه يالنمره ان نقل المواضيع للمميزه مثل نقل المعلمات للرياض http://www.eqla3.com/file/ubb/smile.gif
&lt;&lt;===== عطوه رياااااال http://www.eqla3.com/file/ubb/smile.gif

------------------
<FONT COLOR="Red">وخذ ماجاز لك من هالحكي واللي تبي خله.....انا لاقلت مافي خاطري...والله مابالي</FONT c>
جراتسيا..تشيفي ديامو
الدباب
11-04-2001, 06:33
ههههههههههههههههههههههههههههههههههههه
ههههههههههههههههههههههههههههههههههه


قسم بالله انك خبل &lt;&lt;&lt; مدحه اقلاعيه http://www.eqla3.com/file/ubb/smile.gif

ولا نيب فاضي اقعد اعلق على كلامك صراحه لاني كذا ابكتب الموضوع مره ثانيه هع http://www.eqla3.com/file/ubb/smile.gif

بس ولو شكل البدل اللي انت طلعته مزور .... لانك يبدو لي للحين فاقد هعين http://www.eqla3.com/file/ubb/smile.gif


مالديني الموضوع هذا يروح للمميزة يعني روح

&lt;&lt;&lt; ما يمر على منتديات خاصه هع http://www.eqla3.com/file/ubb/smile.gif



------------------
بعض العرب ودك على الكبد ياطا *** وبعض العرب ودك على الكبد تاطاه .

( عاد شف انت اي النوعين هع )

لا يفوتك الالبوم الاول لصور العيارين (http://www.eqla3.com/file/ubb/Forum6/HTML/001912.html)
درب الزلق
11-04-2001, 10:27
ههههههههههههههههه

والله انك مقلع كل شهر ذو الحجة ما نمتا !!!!!!

ودي اعرف وشلون تصير عصبي و خفيف ؟ كخخخخخخخخخ
صراحة هاللي لعبوا عليك محظوظين انهم شافوا وجهك .... اكيد انه نكتة زي حتسيك .

بس والله تستاهل المـــــمــــــــيــزة بالحيل .

------------------
<A HREF="mailto:darb_zalaq@hotmail.com"><center><IMG SRC="http://darb15.tripod.com/darbc.gif" border=0></center></A>

<center><FONT COLOR="SeaGreen">ذكر الناس داء .... وذكر الله دواء</FONT c></center>
mo6ar6e3
11-04-2001, 10:43
ههههههه
ههههههههه
هههههههههههه
هههههههههههههه
الله يرجك يابدل فاقد هاهاااههه الله يرجك يالخبل &lt;--مدحه !!

------------------


<center><IMG SRC="http://mypage.ayna.com/mo6ar6e3/mo6ar6e3.gif" border=0>
<FONT COLOR="Brown"><FONT size="-3">mo6ar6e3@yahoo.com</FONT s>
<A HREF="http://www.eqla3.com/file/ubb/Forum5/HTML/000790.html" TARGET=_blank><FONT size="-3">ياعيـون الكـون.. غضــي بالنظــر </FONT s></A> </FONT c></center>
amdady
11-04-2001, 10:49
هلا والله ببدل فاقد يالله ان تحيييه!!!
اقول بدل فاقد انا راد عليك فيذاك!!! http://www.eqla3.com/file/ubb/smile.gif
بس حبيت اسلم عليك واعزمك انك تسير علينا في العيارين ترانا نعطي كنافه مع القهوه موب زي حقين المنتدىالعام يصفقونك بتفيخه فيها مويه اول ما يشوفونك خخخخخ
تراني احتريك عند العتبه حقت باب المنتدى لا تبطي!!!
وهذا اللنك ان تسانك من النوع العجاز وش تبي غير تسذا قهوه ومعها كروكي للمكان!!!

منتدى العيارين منتدى الفله والدجه والضحك والهستره اضغط فيذا (http://www.eqla3.com/cgi-bin/cgi/forumdisplay.cgi?action=topics&forum=منتدى+العيارين&number=6&DaysPrune=20&LastLogin=)

------------------
<center><FONT size="+2">شهاده اعتز بها من الاخ كورن فلكس</FONT s></center>

<center><FONT COLOR="Brown">يقول كورن غفر الله له وامدالله في عمره:</FONT c>
<FONT size="+2"><FONT COLOR="Brown">ويقولون راحوا العيارين !! ... لا والله ما راحوا ،، يلوموني في امدادي وهباله !! ،،تستاهل المميزه بعمف ،، ولا هيب جاهلتك المميزه . </FONT c></FONT s></center>

<FONT face="Verdana">والشجره المثمره .......
........تلقى عندها زحمه</FONT f>
&lt;=== يعتمد التوقيع هذا لمدة غير محدده من تاريخه عشان يقهر بعض الناس اللي مالهم في الطيب نصيب<IMG SRC="http://www.eqla3.com/file/ubb/icons/icon93.gif" border=0> كخكحخح&lt;== التوقيع
بدوي متكبر
11-04-2001, 10:53
يا زين هرجك يالمصلح الاجتماعي .....
حكم وهروج أخر الليالي في القهاوي

-----------


تعلموا يا ماصلين العامه ..... بصرف النظر عن مضامين الموضوع
اللي أتحفظ على بعضها ... هذه السواليف اللي توسع الصدر
بدل_فاقد
12-04-2001, 07:54
وجع مداني كذا كلكم جايين سوى
.
.
&lt;&lt;&lt;&lt;&lt; ياكل اصبعه
بسم الله

.
.النمره
اخجلتيني الله يخجلك
ماعني ماحب القلم الاحمر يروع
ياكثر ما رقدت فالخزان على سبته
لاجيت الوالد ومكتوب على دفتري
حسن خطك ولا اين الواجب
ولا مدرس اللغه العربيه .
زهق مني وكتب لابوي
(حسن انتاجك)هههههه.
.
.

مالديني الحوطه
اللي تشوفه
:^
بس لو سمحت احذف واحد من ردودك خلاص فهمت
&lt;&lt;&lt; شانت اخلاقه
هههههههه
.
.

الدباب
بعد كلاي انت
يكفيني تحويصك هنا
شرف لي بس اقول اخبرك
عضو جديد وش الي جاب النجوم هذي كلها
على متنك
ولا علىقولة المثل
(سبحان الله) http://www.eqla3.com/file/ubb/smile.gifهههههه.
.
.
.
درب الزلق
هلا وغلا وتسلم الرجه متبادله وانا اخوك http://www.eqla3.com/file/ubb/smile.gif
.
.

مطرطع منور خيوووو وتسلم
.
امدادي
الخبل هلا وغلالالالالالالا
.
اله يرجك انت وراى وراى
ابشر بمركم هناك
بس بدون رسميات
نبي كل شي رسمي
بيني وبينك ماله داعي تطب الهيئه وعندنا رسميات
.
.
http://www.eqla3.com/file/ubb/smile.gif http://www.eqla3.com/file/ubb/smile.gif
بدوي متكبر
هلا وغلا اخوي
.تبيني مصلح اجتماعي تبيني مصلح تلفزيونات .0
.
بس تشرف هون مرحبا بك
بعدين وش فيها القهاوي
احسنها ولا السرمحه فالشوارع
طول الليل الواحد من الشباب حقين الصرمحه رخصته ماتقعد شهر الا وهي منتهيه
من الفرفره http://www.eqla3.com/file/ubb/smile.gif
http://www.eqla3.com/file/ubb/smile.gif
.
.

يعطيكم العافيه
بدل_فاقد
12-04-2001, 18:27
&lt;&lt;&lt;&lt;&lt;&lt; الاخ مالديني الحوطه الرجاء اكمال اللازم
.
.
.

اقرى (مهوب جديد) http://www.eqla3.com/file/ubb/smile.gif
هههههههههه
untame thoughts
12-04-2001, 18:29
الله يرجك الين تطيش ..
و الله إني تبطحت عليك من الضحك..
تستاهل المميزه..

<marquee direction="right">إلى المميزه</marquee>

------------------
<FONT size="+3"><FONT face="Diwani Letter"><FONT COLOR="DarkMagenta">أنا ماقدر أكون إني حبيب في بعض أحوال ..
أنا كلي أجي و إلا أروح بعزتي كلي..</FONT c></FONT f></FONT s>


<center><FONT face="Arial">mazuonah@eQla3.com</FONT f></center>
ابو هيكارو
13-04-2001, 18:11
<center>

الله يخلف على حبّن تعرفه يا روميو الشلال ,اجل النقص في كمية الحنان المنغرس داخل كل شاب؟؟
<FONT COLOR="Red">ذا اسبوع الشجره موب حب</FONT c>

بعدين الصراحه احسدك ان فيه انثى (مدري ليش احس انك تربي ارانب على هالكلمه http://www.eqla3.com/file/ubb/wink.gif) تكلمك حتى لو كانت امك http://www.eqla3.com/file/ubb/smile.gif http://www.eqla3.com/file/ubb/smile.gif
انا عني ما احظى بهالشرف يالله يكلمني ابوي يقول ترى امك تقول جب مطبق http://www.eqla3.com/file/ubb/frown.gif http://www.eqla3.com/file/ubb/frown.gif

وانا اقول وش الدخان اللي يطلع من يافوخك تسنك قطار الشرق السريع اثره من التنسيم http://www.eqla3.com/file/ubb/smile.gif http://www.eqla3.com/file/ubb/smile.gif

</center>

------------------
رفضي لادوار الاغراء سبب ابتعادي عن السينما
بـردان
13-04-2001, 18:40
هالحين يوم انك ذابحٍ اخوياك بالانتقادات وانت ماتعرف تفرق صوت البنت عن داشر الكلاب وش طاعونك هاه؟

من أول حرف إلى آخر حرف .. مميزه

أكثر شي أعدمني يوم تخيلت انك تكوي شماغ في حضنك

طيب تخيل معي لو ان الشلال خليطي ..

<IMG SRC="http://www.eqla3.com/file/ubb/icons/icon93.gif" border=0>

------------------
الشتاءَ ضيعتِ المِحلبيّه
بدل_فاقد
16-04-2001, 19:02
ارحبووواااا

.
.
المزيونه
تسلمين وكلس ذوق
شرفتي ولا كلفتي

..
.
.ابو هيكارو
.

.
يامرحبااا
اربي ارانب من زمان الحين قاعد افكر
اشوي مشروع
تهجين الاب ارنب
والام قطوه
وهااات بيكمونااااااااااااات
.
الا على طاري البيكومونات

تصدق لاعبية الهلال جاهم على ميه وخمسين الف
.

يقولون مدري ان محمد الشلهوب
شرابها كلها بيكومونات .0
0
0 بس حركه التوقيع
كنيبه توقيع وفاء عامر
في منتدى سميراميس
.
.
.
بردان
هلا وغلا .
وانا وش يدريني
انه صوت بنت ولا داشر كلاب
تسالني انا ماعمري سمعت صوت بنت
.
.
الا مره كنت في مصر ودقيت على الاتسعلامات
ابي انشدهم عن رقم
ام رباب
ام رباب هذي طبااااخه
.
.
يوم ردت على وحده وانا اسكر الخط في وجهها
وادق بعدها بشوي وترد على وحده ثانيه
.

وسكر الخط في جبهتها
وادق مره ثالثه
وترد على وحده واسكر الخط في خدتها
وعلى طول للمطار
واركب اول رحله لربوع بلادي
الزير ليوناردو
24-04-2001, 05:35
بصراحه يبو سرور هنا مكانك الطبيعي

طبعا انت فاهمني:*
بدل_فاقد
28-04-2001, 20:23
هلا ابو وزره قال ايش الزير ليناردو
.
.
اها بس اخوك كليب حسن (على وزن حسام حسن) http://www.eqla3.com/file/ubb/smile.gif.
.
.
.
.
ارحبواا حبيبي منور الموضوع بس لو الله هداك ومارديت http://www.eqla3.com/file/ubb/frown.gif http://www.eqla3.com/file/ubb/smile.gif
.

تسلم ياذوق http://www.eqla3.com/file/ubb/smile.gif