رفيع الشان
05-02-2001, 09:31
هذي مقالة خاصه لمجلة فواصل ..بعد عددين من الآن
في الحقيقه اني كنت متردد بطرح هالموضوع لمااسوف يجلبه لنا من مشاكل حنا في غنا عنها لكن مصيبتي اني ماعرف اسد حلقي مره سديته جيرنا حسبوني مسوي عملية للوز ((بلاعيم)) المهم اني بجيب العيد بهالمقالة وصراحه انا احب مدير التحرير محبه اخويه وتجمعني معه صداقه حميمه عشان كذا ماحبيت اني انضر بروحي قلت اجمعه معي ونتحملهاا ثنينا (( يقولي مره ان جا يوم ومالقيت اسمي على المجلة كا مدير تحرير بتلقاها في جريدة الرياضيه ضمن رابطة مشجعين المنتخب والسبه انت )) .المهم من كم يوم كنت عند دكتور الجلديه اشكيه من مسمار لحم في طرف رجلي ولا كان يوجعني المسمار بس كذا نذاله بشيله وطمعت به يوم شفت اني داخل عليه بالمره اسئله عن امر ثاني .وقلت له يا دكتور انا عندي تساقط شعر رهيب ليتك تشوف لي علاج قبل لاصير رفيع المليجي ويضيع اخر شي مشي حالي قالي هذا كله من التفكير حاول ماتفكر واقوم واسئله وانا مستغرب يعني كيف مافكر اموت يعني؟؟ قال لا بس ماله داعي تفكر بالدنيا الدنيا ماتسوى والتساقط هذا كله نتيجة التفكير وقمت وقلت له انشهد يا دكتور وربي انك صادق الدنيا ماتسوى والدليل لايحة الاسعار حقتك اللي برا واللي طيحت نص الشعر الباقي من التفكير ..المهم الدكتور حب يفهمني ان جميع الامراض اللي تجينا نتيجة حالات نفسيه وعصبيه عشان كذا تشوف معظم المغنين صلعان بس مركبين باروكه خشية ان جمهورهم يكشف هالامر وتخف شعبيتهم وتتدهو نفسيتهم وعشان كذا تشوفهم في حالة نفسيه مزعزعه في المسرح يغطونها بالمطامر فوق هالمسارح طبعا عقب مايثبت الباروكه ببتكس نوع فاردونت حق السجاد الامريكي المتين المهم انه يسعى في ايهامك بأن الشعر المسبسب ذا من انتاج راسه وفي الحقيقه هو من انتاج حصن وجواميس ولاية تكساس وطبعا ربعنا في الخليج مرتاحين من الباروكه هالغتره مخلية شعورهم تنافس الممثل الهندي ابماتشاب وتشوف هالمعنويات مرتفعه ولا تطيح الا في حفلات لندن وجنيف والقاهره اذا هفتهم نفسهم على لبس البدل الفرساتشي (( اكيد وقتها بيبان نهر الرايخ اللي في روسهم ))المهم تشوف هالشعر متساقط من كثر تفكير والحاله النفسيه الشينه سواء لنا او لهم لنهم يدورون اغنيه تصلح لنا ولنا لنها ماصلحت وغثنا وجاب لنا العله وتساقط الشعر والذوق المهم ان الفنانيين تجيهم حالت نفسيه مزفته والسبب التفكير المستمر في اظهار اغنيه تضرب في السوق وتسوي له هوليله ويبدا يرتفع في برامج التوب تن وينذكر في المجالس (( امحق مجالس انشهد منتب لاقي ينذكر فيها اسم الله الا اذا جابو طاري عبدالله بالخير )) وكل اخر اسبوع مع بداية البرنامج تشوفه يقرض من هالاظافر ولا يرتاح لين يكون من ظمن التوب تن وطبعا التوب تن يعتمد على مبيعات محلات التسجيلات واللي يرسلها لهم مسئولين المحلات وهم راجو وبابو وديراندي احيانا تسئل واحد من هالمسئولين الهنود البياعه وش احسن اغنيه يقول بابا عبدالمجيد واجد زين .وطبعا الفنان يعتمد بشكل كبير على مظهره في قبول الجمهور له فاتشوف هالتلميع والتشميع في خلقته عشان بس يظهر بمظهر حلو ويكفي وجهه انه ينجحه حتى لو يغني اغاني روك نجديه وبعضهم مساكين وجيهم الله يعيظهم الجنه في عقده من خلقتهم لدرجة احد الفنانيين اللي امتعنا بهز اوساط الجمهور في احد الحفلات المهرجانيه قال يعني لازم اصير رامي عياش عشان اغني؟ (( لا خذ راحتك اهم شي عندنا الاخلاق والصوت وان تكون معك وحده مزيونه في الفديو كليب تعطينا وجهها وانت عطنا ظهرك يجنننن )) اذكر شخص عزيز يقولي شفنا الليوم في سوق الراشد سفيرللأغنية جا سوق الراشد والتمو حوله البنات يبغون تواقيع (( هذا اللي قاهرك )) وكن حنا في نهاية حفلة سمريه في احد الدول الغربيه افصخو الحيا جعلهم المرض ماعاد بقا الا تشيل الشيله وتصور معه عقبه تسكرها المهم انهم نسو كل القيم والاخلاق وباص الهيئه .المهم مابغي اطول بس تعالو قولو لي وش رايكم بكلمات هالا غاني وبصرونا يمكن انا فاهم غلط..وش تقصد ذيك يوم تقول انا مليت الحب العادي؟.وش تبي يعني؟؟ ولا الاخ اللي يقول حبيبي جيت ابوسك تذكرت الليوم جمعه (( يعني لو انه يوم السبت انتظرته عند بوابة مستشفى الولاده )) ومستغرب كيف اف ام اخس حطته وخربت سمعتها في اختيار الاغاني الناجحه خاصه في فترة الاذان او اقامة الصلاة .. واغنية علمني عليك؟ وش يعني؟..وكلمات كثيره ساقطه وربي يستحي راجو وبابو يسمعونها عشان كذا لاجيت تشتري شريط احد منهم قالك الهندي هذا مو زين خلي يولي كنه يقول وفر الخمس طعش ريال يا دلخ واشتر لك ماعونين فول وماعون كبده اصرف لك ...وسؤال اخير لمحطات الفضائيه ليه ماتخلون كل الفديو كلبات من الساعه 1 لين الساعه 5 على الاقل حنا نايمين وقتها خدمتونا من سماع هالغث ومنها عطيناكم راينا في الاغنيه وحنا نايمين
--------------------------------------------------------------------------------
في الحقيقه اني كنت متردد بطرح هالموضوع لمااسوف يجلبه لنا من مشاكل حنا في غنا عنها لكن مصيبتي اني ماعرف اسد حلقي مره سديته جيرنا حسبوني مسوي عملية للوز ((بلاعيم)) المهم اني بجيب العيد بهالمقالة وصراحه انا احب مدير التحرير محبه اخويه وتجمعني معه صداقه حميمه عشان كذا ماحبيت اني انضر بروحي قلت اجمعه معي ونتحملهاا ثنينا (( يقولي مره ان جا يوم ومالقيت اسمي على المجلة كا مدير تحرير بتلقاها في جريدة الرياضيه ضمن رابطة مشجعين المنتخب والسبه انت )) .المهم من كم يوم كنت عند دكتور الجلديه اشكيه من مسمار لحم في طرف رجلي ولا كان يوجعني المسمار بس كذا نذاله بشيله وطمعت به يوم شفت اني داخل عليه بالمره اسئله عن امر ثاني .وقلت له يا دكتور انا عندي تساقط شعر رهيب ليتك تشوف لي علاج قبل لاصير رفيع المليجي ويضيع اخر شي مشي حالي قالي هذا كله من التفكير حاول ماتفكر واقوم واسئله وانا مستغرب يعني كيف مافكر اموت يعني؟؟ قال لا بس ماله داعي تفكر بالدنيا الدنيا ماتسوى والتساقط هذا كله نتيجة التفكير وقمت وقلت له انشهد يا دكتور وربي انك صادق الدنيا ماتسوى والدليل لايحة الاسعار حقتك اللي برا واللي طيحت نص الشعر الباقي من التفكير ..المهم الدكتور حب يفهمني ان جميع الامراض اللي تجينا نتيجة حالات نفسيه وعصبيه عشان كذا تشوف معظم المغنين صلعان بس مركبين باروكه خشية ان جمهورهم يكشف هالامر وتخف شعبيتهم وتتدهو نفسيتهم وعشان كذا تشوفهم في حالة نفسيه مزعزعه في المسرح يغطونها بالمطامر فوق هالمسارح طبعا عقب مايثبت الباروكه ببتكس نوع فاردونت حق السجاد الامريكي المتين المهم انه يسعى في ايهامك بأن الشعر المسبسب ذا من انتاج راسه وفي الحقيقه هو من انتاج حصن وجواميس ولاية تكساس وطبعا ربعنا في الخليج مرتاحين من الباروكه هالغتره مخلية شعورهم تنافس الممثل الهندي ابماتشاب وتشوف هالمعنويات مرتفعه ولا تطيح الا في حفلات لندن وجنيف والقاهره اذا هفتهم نفسهم على لبس البدل الفرساتشي (( اكيد وقتها بيبان نهر الرايخ اللي في روسهم ))المهم تشوف هالشعر متساقط من كثر تفكير والحاله النفسيه الشينه سواء لنا او لهم لنهم يدورون اغنيه تصلح لنا ولنا لنها ماصلحت وغثنا وجاب لنا العله وتساقط الشعر والذوق المهم ان الفنانيين تجيهم حالت نفسيه مزفته والسبب التفكير المستمر في اظهار اغنيه تضرب في السوق وتسوي له هوليله ويبدا يرتفع في برامج التوب تن وينذكر في المجالس (( امحق مجالس انشهد منتب لاقي ينذكر فيها اسم الله الا اذا جابو طاري عبدالله بالخير )) وكل اخر اسبوع مع بداية البرنامج تشوفه يقرض من هالاظافر ولا يرتاح لين يكون من ظمن التوب تن وطبعا التوب تن يعتمد على مبيعات محلات التسجيلات واللي يرسلها لهم مسئولين المحلات وهم راجو وبابو وديراندي احيانا تسئل واحد من هالمسئولين الهنود البياعه وش احسن اغنيه يقول بابا عبدالمجيد واجد زين .وطبعا الفنان يعتمد بشكل كبير على مظهره في قبول الجمهور له فاتشوف هالتلميع والتشميع في خلقته عشان بس يظهر بمظهر حلو ويكفي وجهه انه ينجحه حتى لو يغني اغاني روك نجديه وبعضهم مساكين وجيهم الله يعيظهم الجنه في عقده من خلقتهم لدرجة احد الفنانيين اللي امتعنا بهز اوساط الجمهور في احد الحفلات المهرجانيه قال يعني لازم اصير رامي عياش عشان اغني؟ (( لا خذ راحتك اهم شي عندنا الاخلاق والصوت وان تكون معك وحده مزيونه في الفديو كليب تعطينا وجهها وانت عطنا ظهرك يجنننن )) اذكر شخص عزيز يقولي شفنا الليوم في سوق الراشد سفيرللأغنية جا سوق الراشد والتمو حوله البنات يبغون تواقيع (( هذا اللي قاهرك )) وكن حنا في نهاية حفلة سمريه في احد الدول الغربيه افصخو الحيا جعلهم المرض ماعاد بقا الا تشيل الشيله وتصور معه عقبه تسكرها المهم انهم نسو كل القيم والاخلاق وباص الهيئه .المهم مابغي اطول بس تعالو قولو لي وش رايكم بكلمات هالا غاني وبصرونا يمكن انا فاهم غلط..وش تقصد ذيك يوم تقول انا مليت الحب العادي؟.وش تبي يعني؟؟ ولا الاخ اللي يقول حبيبي جيت ابوسك تذكرت الليوم جمعه (( يعني لو انه يوم السبت انتظرته عند بوابة مستشفى الولاده )) ومستغرب كيف اف ام اخس حطته وخربت سمعتها في اختيار الاغاني الناجحه خاصه في فترة الاذان او اقامة الصلاة .. واغنية علمني عليك؟ وش يعني؟..وكلمات كثيره ساقطه وربي يستحي راجو وبابو يسمعونها عشان كذا لاجيت تشتري شريط احد منهم قالك الهندي هذا مو زين خلي يولي كنه يقول وفر الخمس طعش ريال يا دلخ واشتر لك ماعونين فول وماعون كبده اصرف لك ...وسؤال اخير لمحطات الفضائيه ليه ماتخلون كل الفديو كلبات من الساعه 1 لين الساعه 5 على الاقل حنا نايمين وقتها خدمتونا من سماع هالغث ومنها عطيناكم راينا في الاغنيه وحنا نايمين
--------------------------------------------------------------------------------