PDA

عرض كامل الموضوع : بلا جامعة بلا هم...

وسيع قلب
31-01-2001, 06:42
السلام عليكم ورحمة الله وبركاته
بدا الترم الدراسي الجديد..
وكلن ورى همه سرى,,

المهم..
ارجوا من كل شخص قاعد يقرأ موضوعي...انه يتغنى بهالبيت:
الحزن في صوتك ازعج ساكني
لين صار الكون من حولي حزين
عشان يصير فيه مؤازرة وتكافل اجتماعي..ويمسح بعضنا دموع بعد..ويمش بعضنا خشوم بعض http://www.eqla3.com/file/ubb/frown.gif

عاد تصدقون..باروح واجي..واكتب واكتب..ولا راح اوصل ولا حتى مش خشم الحاله المزريه المزريه المزريه اللي حنا فيها,,

ايييييييييييييييييه وش كنت اقول..
اقول بدا الترم الدراسي الجديد..وراحت امي لسوق الديره تشتري لي مقاضي الكشخه...عشان تمشي الامور بالجامعه..يعني لين شافوك لطيف وظريف ونظيف...يحسبونك راعي نعمه..ويتحبحبون رجولك عشان يسوون اوضاعك على اكمل وجه..
الله يخلف بس

بدا الترم..واول يوم..استلام الجداول...يالله عزيزي الطالب...انقلع الى غرفه 598 وانتظر العد التنازلي لين يوصل رقمك الجامعي..وتستلم جدولك...
وتروح الغرفه..تلقاها القاهره..والا بومبي من الزحمه (اللهم لك الحمد بس)..وعشان يجي دور اسمك...لازم تنتظر لين الترم الجاي http://www.eqla3.com/file/ubb/frown.gif

تسلم بالواقع وتطلع من الغرفه..وتروح تسربت في حدا هالشوارع..
عندك البيبسي..عندك السويكت..عندك الرااااااااشد,,اوووووه رح املأ فراغك هناك..وفجر غيضك...في الرايح والجاي..واذا تأزم وضعك...انص اول عمود..وبوجه موترك..وانتحر..(هوا انتا خسران حاجه)..

المهم..ترجع بعد فتره..ويطلع جدولك بالطقاق..وتطلع بجدولك..ومعه حصيله من الغنائم
..مثلا:
1: عدد 478 رائحه كريهه ما ابي اجيب طاريها في موضوعي لا يخيس..زود عن خياسه
2: مالا يقل عن اربع فلقات...وثلاث كسور بالساق..من كثر تشويت الكراسي اللي ما تشوفها بسبب الزحمه
3: عدد(الموجودين) نفس خايسه..وعالقة بطرف الخشم..(ما ينلامون) http://www.eqla3.com/file/ubb/frown.gif

بعد هالغنائم الجميله جدا..تطلع عاد عشان تروح تعدل جدولك..وتضيف وتحذف..(طبعا هالشيء ضروري)
عشان لو كنت انت مقدم على مواد معينه..مستحيل تنزل لك كما هي..خلها تنزل لك في الاول..
المهم تروح عشان تسجل بالماده الفلانيه لان جدولك 11 ساعه فقط..وتبي تزيدها..
احمد ربك...غيره ما نزل له الا 6 ساعات...وغيركم نزل له جدول (صفر ساعات).. http://www.eqla3.com/file/ubb/frown.gif http://www.eqla3.com/file/ubb/frown.gif وترى هالسوالف صدق..

المهم عشان تسجل في ماده لازم ورقه خضراء موقعه من رئيس القسم (طبعا الورقه الخضراء كل الطلاب لهم الحق في اخذها)..بس الورقه الخضراء (بلها واشرب ميتها)...لانك بتقعد في سراوات لساعات وبالاخير بيقولون لك تعال بكره...تعرف ليه؟؟
عشان فيه ورقه اسمها (الورقه الزهريه)...اوووووووووووووووووووه اكيد تبون تعرفون الورقه الزهريه وش هي...
الورقه الزهريه هي الورقه اللي تخوك بدخول الشعبه اللي تبيها من الماده اللي اخترتها..حتى لو كانت هالشعبه مقفله (يعني فل)..يعني مليانه..تدخل غصب عن ابو من جاب الجامعه كل ابوها تعرفون ليه...لان الورقة الزهريه)...ما تجي الا (بواسطه)..ما كنكم سمعتوا الكلمة اللي تو..طيب؟؟

المهم..تروح..وتكلم فلان وعلان..والو يبه..والو عمي..والو خالي..والو صديق عمي..وولد عم صديق ابوي..وولد خالت زميل خالي ايام الدراسه..الييييييييييين تدبر ورقه زهريه..واا ما دبرتها..(الله يخلف عليك)...بيضلون يقولون لك تعال بكره تعال بكره الييييييييييين تنتهي فتره التسجيل بعدين يقولون لك: وليش جاي متأخر؟؟

ما نبي نسجل في شعب مليانه..ونضيق على خلق الله عن طريق الواسطه..طيب انا ابي اغير الشعبه في الماده اللي نزلت لي من الاساس..برضووووووو..يبي لك ورقة زهريه..

طرفه:
طرفه يعني نكته..موب طرفه خالتي..النكته..وش رايكم يا شباب نشتري اوراق زهريه من جرير..ونلعب على الطالب ونبيعها لهم..الوحده بالف...والله ان يشترون..والله..

نكمل:

ما نفع لا ورقه زهريه ولا خضراء ولا تركوازيه ولا حتى ورقة بيج...طيب يا ربي وش باسوي...بس
مالك الا مكتب المدير..كلم فلان يعرف فلان..يقدر يكلم المدير ويخلي الامور تمشي على طووووووووووووووووووووول..

وتكلم فلان ويكلم علان بن علان ال علان..واتصال بالمدير..وانت امورك مسهله..
تروح من بكره لمكتب لامدير عشان تعرف الاجرائات اللي تبي لك...تقعد على بابه عشر ساعات..ولانك جاهل باسلوب (الواسطه) ما راح تجي عند السكرتير وتقول: اقول يالشيخ..احم انا جاي من طرف فلان بن فلان ال فلان..ممكن اقابل المدير...
اذا قلت هالجملة منتب داري بنفسك الا وانت مسحب من غرفه الى غرفه..لا وينصب لك الشاهي بعد..وتطلع مرتااااااااااح..ويقولون راجع امورك في المبنى رقم كذا...وتروح للمبنى المذكور..وتلقى واحد يحتريييييييييييييك..الين تجيه طال عمرك..وتقول له اسمك..وهو يضبط امورك http://www.eqla3.com/file/ubb/frown.gif http://www.eqla3.com/file/ubb/frown.gif

تضبط امورك وتدرس انت بالجامعه بعد عنا وغثا..وكأن الامور لا تمشي الا بالواسطه..اكيد نصف الطلاب يستعينون بالواسطه..بس النصف الثاني؟؟يووووووووووووووووووووووه
ربي ما يخلي احد..ويوم القيامه كل واحد ينال عقابه..

مشاهدات:
1.اقف في سرى اطول من الفيصليه(امش ياحدود التفكير)..وبالاخير اوصل لل(هندي) اللي على الكمبيوتر..وبعد ساعات من الوقوف في السرى..اول ما اصل عنده يقول...باقي مقعد واحد..بكره بكره..اليوم خلاص...يا صديق..يا (عمي) صديق..تكفى واللي يرحم والديك..يومي الهندي (الحيوان) بكشرته..لا..وتقعد تتطلب فيه..الين يجي واحد سعودي ويقول للهندي: مشه ياخي)..ويقول الهندي اوكيه اوكيه...وبعدين يطقطق لك على هالكمبيوتر اللي قدامه وبالاخير يقول لك:لا ما اقدر اسويه اليوم لازم بكره..
يعني لازم تجي من بكره خمس الصبح وتضمن تكون اول واحد بالسرى اللا منتهي...عشان توصل لحقك اللي استحقيته من وقفتك اللي قبلها بيوم.. http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif

2. انا قلت ان الهندي حيوان..ونسيت اقول..ان اللي عينه..كثيره عليه كلمة حيوان..

3. مره من الاترام جاني الحظ بين يديني..وطحت في شلة من باب الكشافه قاعدين على هالكمبيوترات..ويوم رحت بهم..قعدوا ينصحون فيني..ولا تنزل هذي..ونزل هذي اصرف لك..وهذي الماده تفتح لك..وهذي الماده غير مهمه الان..وهذا المدرس ممتاز باحاول القى لك مقعد في محاضرته...وكل ابوووووهم سعوديين..فكونا يا ناس فكوووووووووونا

اخيرا احب اقول: عظم الله اجوركم يا طلاب جامعة الملك فهد للبترول والمعادن..الصبر والسلوان وانا اخوكم..وبعدين لا احد يفكر ينط من برج الجامعه..
(هناك اسطوره..بتروليه تقول: ان سبب وجود برج الجامعه..هو ان يكون للطلاب سهوله في عملية الانتحار..حيث ان القفز منه..كفيل بانهاء كل متاعبك الدنيويه)

يا شباب..البترول والمعادن..
بكره يكتشفون بديل عن النفط..ونبحل حنا وياكم http://www.eqla3.com/file/ubb/frown.gif http://www.eqla3.com/file/ubb/frown.gif
<------فاهم غلط..

يعطيكم العافيه

ملاحظه: اي لفظ يمكن يكون غير لائق...صدر مني في هالموضوع..ارجوا ان ابلغ عنه فورا..عشان اعدله..لأني كتبت هالموضوع وانا في حالة اكتئاب نفسي..ومغص رئوي واسهال فكري وديزنطاريا القلب..الله يشفينا ولا يبلاكم

والسلام ختام
مرقوق
31-01-2001, 07:15
وسيع قلب

انا لقيت لفظ غير لائق
انت تقول اللي موظف الهندي كثير عليه كلمة حيوان.. المفروض تقول قلييييييل عليه هالكلمه..

و الله انكم ضعوف يا طلاب البترول http://www.eqla3.com/file/ubb/frown.gif

<-- ما كنه شغل واسطات بالهبل عشان يدخلها و يوم قبلوه ما دخل http://www.eqla3.com/file/ubb/smile.gif http://www.eqla3.com/file/ubb/frown.gif

لا يكون الهندي اللي تعانيه هو نفسه اللي في مكتب عميد كلية الاداره??

------------------
تراني مليت وانا عضو جديد.. "رقوني" والا اقلبوني دغبوسه..
margoog@eqla3.com

غالي و عندي راحتك مالها قياس.. مابي اشوفك بينهم يوم ضايق..
شاري رضاك و عبرتي فوق الانفاس.. شبت على كثر التجاهل حرايق
مدربي رويسه
31-01-2001, 07:16
<FONT COLOR="Maroon">ههههههههههههههههه
الله يعطيك العافيه وقال ايش قال احسن جامعه في الشرق
الاوسط واحسن نظام وافضل اسلوب تدريس اقول يا حبنا
لافعل كل شي احسن

اسمع الي يزيدك هم قبل لا اجلس على الكمبيوتر حذفت
ماده وسجلت ماده وانا متبطح على الفراش
قمت من النوم وفكرت قلت يا ولد وش رايك تحذف
رديت على نفسي قلت والله ما هي شينه
واتصل على الانصر مشين حق الجامعه وهو يمليني وانا اضغط
بهلارقام الين انحذفت لا وابشرك قالي ثانكيو
قلت له حاضرين للطيبين
وبعد ما طيقيت زقارتي وشربت الحليب واكلت الكرونفلكس (الي ممنوع في امريكا ) http://www.eqla3.com/file/ubb/smile.gif
قلت يا ولد اشرايك تضيف ماده
وارد على نفسي والله ما هي شينه
وكل الي سويته ضغطت الزر الي يعيد الرقم
وواسطتي كانت اصابعي
والورقه الخضره مدري الصفره الي تقول عليها كانت
مسكتي للسماعه
وازيدك من الشعر بيت كان تبي بيتين انا كريم وانت تستاهل
الدراسه صار لها شهر باديه
ترن ترررين تن تن http://www.eqla3.com/file/ubb/smile.gif</FONT c>




------------------
<marquee direction="right"><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s><FONT size="+3">زوجتي من الجن</FONT s><FONT size="+2">زوجتي من الجن</FONT s><FONT size="+1">زوجتي من الجن</FONT s><FONT size="+3">زوجتي من الجن</FONT s></marquee>
<FONT COLOR="Green">تظهر وتختفي فجأه؟؟؟؟؟؟؟</FONT c><FONT COLOR="Blue">سألت امي عنها؟......</FONT c><FONT COLOR="Red">جمالها ....غيــــــر عادي</FONT c>
<A HREF="http://www.eqla3.com/file/ubb/Forum9/HTML/001764.html" TARGET=_blank><FONT size="+3">أضغط هنا علشان تقرا ....قصتي مع الجنيه</FONT s></A>
وسيع قلب
01-02-2001, 13:08
مرقوق: لا موب نفسه (ويااااااكثرهم)...تسلم على الرد http://www.eqla3.com/file/ubb/smile.gif http://www.eqla3.com/file/ubb/smile.gif

مدربي دميجته:ايييييييييييييه يعني تبي تقهرني يعني..
والله منقهر من قبل ما تحاول تقهرني انت وخشمك http://www.eqla3.com/file/ubb/smile.gif
تسلم حبيبي على الرد http://www.eqla3.com/file/ubb/smile.gif
الطير
01-02-2001, 18:20
vهههههههههههاااااي يا بعدي ياوسيع قلب .
كل هالمغثه .... علي شان تسجيل المواد
طيب الطالب غالبا مايدري عن الماده.وكل اللي يعرفه عنها من كلام الناس.واراء الطلاب الثانين
ودي اعرف ....
هل تفضل هالنظام.
نظام الغثا وتسجيل المواد والحوسه
ولا انك تفضل ....انك تدخل اول الترم وتستلم جدول موحد لكل الطلاب اللي في هالمستوى
وكلكم تدرسون نفس المواد بنفس الجدول ونفس الدكاتره؟
ايهم اريح؟
طبعا مانيب قايل لك ولا تفضل تصير مثل دراسه مدربي رويسه......تطقطق اصابعك وبس
لانها ماهيب حاصله
---------------------
الشي الثاني؟؟؟؟؟؟؟
هل هم بالجامعه يسوون كذا مخصووووص
علشان ..يضطرونك تخلي احد يتوسط عندهم؟
ووش فايده الواسطه؟
هل هي ... تحسسهم انهم قويين
ولا هم يتبادلون المنافع مع الناس اللي يجون يتوسطون لكم عندهم؟
يعني مثلا توسط لك وكيل وزاره ....يصير الموظف ذا.....اذا احتاج شي في هذيك الوزراه
يطلب من هالوكيل
-------------------
ليش الجامعات ماتغير انظمتها وتطورها حسب الحاجه؟
ليش يكررون كل الاغلاط كل سنه نفس الاخطاء
ونفس المشاكل؟
---------------
يفترض انه .....اللي ينظم هالاشياء ويصدر هالانظمه
يكون انسان دارس الاداره
ماهوب يجيبون لك .واحد معه دكتوراه بالكيمياء
او التاريخ
ويقولون له نظم؟
وش عرفه؟
هذا ماهوب تخصصه
المفروض انسان دارس الاداره هو اللي يدير
ويطلع الانظمه لانه يعرف اسهل الطرق
بعيد عن البروقراطيه
والخنبقه والحكي اللي ماله طعم
ترررراااااااااي متلوووووع من انظمه الجامعات
وبلاويهم
وشارب المر باشكاله
واخر معاناتي امس الصبح ...... الله لا يعيده


------------------
<center><FONT COLOR="Red">ولاتحسب ان الله قطوع يخليك </FONT c></center><center><FONT COLOR="Red">....................ولا تفرح ان الله علي الخلق بداك</FONT c></center>
وسيع قلب
02-02-2001, 13:11
هلا وغلا بالطير..

انا افضل اني انا اللي اضبط جدولي بنفسي هذا اولا..

بعدين ياخي صدقت في مسأله ان المشكله تتكرر في كل ترم دراسي بس ما تعدل...ولا اظنها تدرس بعد http://www.eqla3.com/file/ubb/frown.gif http://www.eqla3.com/file/ubb/frown.gif

واما في النقطه الاخيره...اللي هي اختلاف تخصص العامل عن مجال العمل..
لا يا خوك..كلهم دارسين اداره..بس الظاهر انهم ملوا الكروش وما عاد يبون شيء...لا والظاهر انهم ذبوا الشهادات بالزباله http://www.eqla3.com/file/ubb/frown.gif

تسلم على ردك المثري..ودمت نا يالطير
sun-top
03-02-2001, 03:27
اولا .. اخوي / وسيع قلب ... بصراحه صدمتني بالموضوع لاني كنت ماخذ مقلب بجامعتك ... توقعت ما تعرفون هالشغلات , احسبها بس بجامعتنا , لكن للأسف طلعت جامعتك بنت عم جامعتنا .. وين عالميه يا عم ووين الجامعه الاسطوريه ووين ووين ...؟؟؟

بصراحه موضوعك جا على الجرح .. اقصد هو الجرح براسه ..اذا حنا سكتنا عن قضية الواسطه اللي ابتلينا بها بكل مؤسساتنا ودوائرنا ووزاراتنا وشركاتنا .. كل مكان فيه واسطه ...اتحدى اذا فيه مكان خالي من هالمرض .. لان الحياه كلها صارت كذا .. نفعني وانفعك ، وشيلني واشيلك .... بس القهر الواسطه تلحقنا للجامعات وللمؤسسات التعليميه ..
يعني هالمكان بالذات اللي مفروض يكون ابعد ما يكون عن الواسطه والمحسوبيه وقانون الورقه الزهريه .. مو المفروض الجامعه منبر العلم والاخلاق والمعرفه على قولتهم .. تكون بعيده كل البعد عن قانون السوق ؟؟ ... وش يصير اذا كل شي تم بالنظام اللي في مصلحة الطالب .. وش يصير اذا كل واحد اخذ اللي له ... وش الفرق بين الطالب اللي يصف السرى من " الله واكبر الفجر الى الله واكبر العصر "ولا يلقى الا تشويت من موظف لموظف واخر الدوام العباره الشهيره اللي عطاك اياها الهندي " راجعنا بكرا " وبين الثاني اللي يجيه الجدول الى بيته وهو نايم ؟؟ لا واذا حظر ماده وما عجبه الجو كلها تلفون يجيب ابو جد النظام الارض ... ياخي قهر ورب البيت بس عاد وش السواه ما باليد حيله ..

اخيرا وليس آخرا .. مشكور اخوي وسيع على هالموضوع اللي صار متنفس لكل طالب مغبون .. ولا نقول الا الله يعين ..قدرنا كذا ، واشكرك مره ثانيه وكل عام وانت بخير ..تحيــــاتي لك http://www.eqla3.com/file/ubb/smile.gif http://www.eqla3.com/file/ubb/smile.gif
الا اقول ماعندك سلف ورق زهريه بس اليومين ذي http://www.eqla3.com/file/ubb/wink.gif
الكاسر888
04-02-2001, 15:50
اهلاااااا وسيع القلب http://www.eqla3.com/file/ubb/smile.gif


اخوي ترى محاتسيك من ضحايا هالجامعة


عندي لك كم حبة سؤال ؟

ليه عندكم تستحقرون طلااااب الاوريا


ثانيا ليش دفعة الاوريا السنة هذي سميتوها؟

((ايكو))

ثالثا ليش المواقف في الجامعة تجيب الهم والغم

رابعا ؟كيف اصبحت؟ http://www.eqla3.com/file/ubb/smile.gif
وسيع قلب
04-02-2001, 18:51
هلا وغلا بسن توب..من زمان عنك يالغالي..عسى المانع خير بس..
كنت متوقع ان يصدم الكثير بما يحدث في جامعة البترول..لكن يجب ان يعلم الكل..بما يحدث في هذا الصرح العلمي الكبير..
الجامعة اداريا..من ردي الى اردى..ومدري متى يصلح الحال...لكن ما يشفع لها الا مستواها الاكاديمي القوي..والله يعين..شكرا على الرد..

الكاسر: هلا وغلا http://www.eqla3.com/file/ubb/smile.gif
طلاب الاوريا مستحقرين من طلاب المستوى الاول..وطلاب المستوى الاول محتقرين من طلاب المستوى الثاني..وعليك الحسبه,,
اما عن ايكو..فما ادري والله وهذي اول مره ادري عنها..
&lt;-------من زمان له عن الدوام http://www.eqla3.com/file/ubb/frown.gif http://www.eqla3.com/file/ubb/frown.gif
اما المواقف...لا تبكيني تكفى..لانها حاله تقهر...فيه مجال لانشاء مواقف تشيل اهل الشرقيه كل ابوهم..بس محد فاضي يتعب http://www.eqla3.com/file/ubb/frown.gif http://www.eqla3.com/file/ubb/frown.gif

يعطيكم العافيه
فرعون
04-02-2001, 21:19
ابروفل !!
كلها ابروفل
بس واحد مثلي خريج احم احم!!مايحتاجله كخخخ


------------------
<IMG SRC="http://www.harrythecat.com/graphics/k/pirate3.gif" border=0><center><FONT size="+2"><FONT face="Diwani Letter">سبحان الله وبحمده, سبحان الله العظيم</FONT f></FONT s></center>
<center><FONT size="+3"><table style="filter:glow(color=red, strength=2)">GAME OVER</table></FONT s></center>
amdady
05-02-2001, 02:25
والله انك صادز يا وسيع قلب http://www.eqla3.com/file/ubb/smile.gif
&lt;====هذا تمرمط مرمطه
اقعد اراكض وحلوف اني ماسك سرا مع اني ماعمري صفيت واخرتها تلقى السيكشن كلوز
والله لو تشوف جدولي ان تدعي لي بالرحمه
انواع الاراضي الفاضيه الظاهر اني ابفتح مكتب عقار في جدولي
تسلم والله على ذا الموضوع
توني ادري ان فيه غيري تمرمط
وسيع قلب
06-02-2001, 16:36
فرعون: ابروفل والله..وانت تدري http://www.eqla3.com/file/ubb/smile.gif http://www.eqla3.com/file/ubb/smile.gif


امدادي: هلا بالغايب القاطع...اثرك منشغل بالتسجيل؟؟ يا حبيّبي..الله يعينك اجل...هاه بشر عسى الجدول يمشي الحال؟؟ http://www.eqla3.com/file/ubb/smile.gif http://www.eqla3.com/file/ubb/smile.gif
( ابوفهد (بــ التلسكوب
06-02-2001, 18:00
وسيع قلب ........ خل عنك كلها نهون ........... انا خابر الموت في المخالفات ............ الى الان الامن مستتب .......... الله "يخلــــــــف" ؟؟؟؟؟ عليكم .....
&lt;======= مبطي عن الجامعه؟؟؟؟؟؟

------------------
_______________
ابو فهد ( بــ الكرباج )
حمار القايله
13-02-2001, 05:25
ابو فهد..
الامن وما ادراك ما الامن..
هذولا يبي لهم موضوع لحاله..
الله يخلف بس

تسلم وهذي للرفع

------------------
وسيع قلب..موكلني ارد عنه..عشان عدد مواضيعه مميز..وجابه بحب الخشوم 5001144..:):)
------------
مشتاق لكبسة ماما
النادر
14-02-2001, 21:19
ياكثر مشاكلها هالجامعه
=========&gt;ملعون سلسفيله بالهجامعه http://www.eqla3.com/file/ubb/frown.gif

اردى شي فيها هالجدول وهالاوقات المتقطعه
واذا بغيت شي بحب الخشوم وياليت ينفععع http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif http://www.eqla3.com/file/ubb/frown.gif
ثانكيووووووووووووووو وسيع قلب http://www.eqla3.com/file/ubb/smile.gif
هاوى نغم
15-02-2001, 23:51
الله يررجك كرهتني بالجامعه

<IMG SRC="strange10" border=0>


------------------
حبيبتي قلبك
كبير كبير
ادري00
بس ممكن ولا عليك امر
تحجزين لي فيه غرفه
ياليت يكون البطين الايمن