عقـــــرب في راسها !!!

[صدى]

http://www.angelwinks.net/images/family8.jpg
<center>مايخفى عليكم مدى حماسي لمشاركتكم في جاده الاقلاع الجاده الوفيه </center>
<center>واعتبرها اعز مكان اكتب فيه وابدي رايي فيه بصراحه</center>
&lt;===طيب ادخلي في الموضوع يالمملوحه... :D
http://angelfire.lycos.com/images/lines/forest.gif
<center>مادري سمعتو عن الحادثه اللي صارت في اليمن الشقيق </center>
في حفل زواج لزوج مُعدد ..
قامت الزوجه الاولى برشوه الكوافيره اللي بتسرح شعر العروس علشان تدس في شعر العروس عقرب :(
طبعا مايخفى عليكم ان تسريحات الشعر هالايام
ممكن يتخبى فيها رجال مو عقرب بس... :D
&lt;===تنكت هي ووجهها... :D
المهم العروس المسكينه اثناء الزفه لدغتها العقرب اكثر من لدغه قاتله <IMG SRC="cwm10.gif" border="0"> وماتت الله يرحمها...
كل هذا لييش صار ؟؟؟ <IMG SRC="cwm21.gif" border="0">

علشان رجل ..كان ناوي يعدد..
<center>اسمعوا...اذكروا الله وتعوذوا من الشيطان كلكم </center>
<IMG SRC="cwm31.gif" border="0">
&lt;===شكلها بتفجركم انحاشوا... :D
<center>ولاتنسووون اختلاف الراي لايفسد للود قضيه</center>
&lt;===والله من الروعه في قليبها :D

بالرغم من اني ماادري وش كان شعورالزوجه الاولى واسبابها ومدى القهر او الغيره اللي خلتها تقتل نفس بريئه.. <IMG SRC="cwm6.gif" border="0"> <center>بس عندي راي ابي اطرحه في هالموضوع ممكن...؟؟</center>
&lt;===قولو لا وريحوها. :D <center>و يقرقع في قليبي وودي اقوله :)لسببين:</center>

اولا:لاننا اتعودنا من النت على حريه ابداء الراي :D

ثانيا:علشان ابي اخفف من حساسيه الجنس اللطيف من ناحيه هالموضوع يمكن اقدر ااثر على زميلاتي المقلعات .....يمكن.. :D
&lt;===حاسه انها بتاخذ علقه... :D
ندخل في صُلب الموضوع :D
http://angelfire.lycos.com/images/lines/forest.gif
<center>تعدد الزوجات ياما طرح في مجالس نسائيه وياما ذرفت النساء منه الدموع</center>
<center> لمجرد ذكره بس ولمجرد تخيل تعرضها له </center>
<IMG SRC="cwm13.gif" border="0">
<font color="Red">بس انا من وجهه نظري بغض النظر عن الناحيه الدينيه...</font>

اقوووول:.....
<font color="Red"> بغض النظر عن الناحيه الدينيه....</font>
<center><font size="6">تعدد الزوجات فكره رائعه :)</font></center>

لاننا حنا يا الاناث ماانخلقنا من اجل الرجل بس... لا ...ولا...ولا...لا...لالالالالالالالالا..ولاااات كثيرات.. :)
ترى منتوا تالي همنا ولااقصاه انت وياه ...
<IMG SRC="cwm11.gif" border="0">
انا عندي حياتي ...وعندي هواياتي اللي ابي امارسها ....
<IMG SRC="cwm11.gif" border="0">
وعندي دراسه في مجالات عديده..ابغى اجتازها
&lt;===من عرفت الكمبيوتر ماعاد هي في الدنيا.
:D ..
وعندي فكر ابي وقت علشان انّميه والرجل لازم يكون شي ...<font color="Red">ثـــــــــــانوي</font> في حياه كل انثى..
مااقصد طبعاالعزوف عن الزواج ترى...<font color="Red">العزوف موضوع خطير ومدمر للمجتمع ...</font>

لكن الانسان بشكل عام اذا ركز اهتمامه على شخص معين وقرن سعادته به يكون ضعيف تنهار سعادته بسرعه ..
مثلا تزوج هالزوج اللي مابين اعيونك الا هو او زعل اومرض او مات لاقدر الله .. <IMG SRC="cwm13.gif" border="0"> .
كل هذي الامور بتحطم حياة الانثى ..طيب لييش؟؟
ليش مااتعلم من الرجل نفسه فلسفه .. الحب <IMG SRC="cwm13.gif" border="0">

للرجل طريقه غريبه في الحب صح؟؟؟
حسب معلوماتي البسيطه ان الرجل اذا حب مايعطي كل شي لا ..
يعطي بعقل ... <IMG SRC="cwm13.gif" border="0">
بس البنت اذا حبت خلاص قل وعليهاالسلام ..راحت فيها تعطي وتعطي ...
بدون حساب ولا تفكر الا في هالحبيب وتكشف كل اوراقها..
&lt;===حشى نهائيات كاس العالم :)
وتبين له وش كثر هي تحبه ولاتستغني عنه حتى زميلاتها تخفف علاقتها بهم.. <IMG SRC="cwm43.gif" border="0">
ولانها تضحي كثير غالبا ماتتحطم... لانها تتوقع منه انه يقدر تضحيتها وهذا فيه ضغط نفسي على الرجل نفسه.. <IMG SRC="cwm13.gif" border="0">
لاترمين نفسك عليه اثقلي يابنت... <IMG SRC="cwm13.gif" border="0">
ترى الثقل زين واللزقه لاطولت يمل الواحد منها و تحوم الكبد ;)
http://angelfire.lycos.com/images/lines/forest.gif
<center><font color="Red">والزبـــــــده....</font></center>

يعني الخلاصه &lt;==بضم الخا :).....

المفروض اوزع اهتماماتي على عده امور واحقق ذاتي بعده اوجه :)
واترك التركيز على ناحيه معينه ...كالزوج مثلا ..
&lt;===بتخرب الحريم على رجالهم :)

وابي انقل لكم راي استاذه في دوله اجنبيه
قالت انا احسدكم يالمسلمات على التعدد.. :)

لانها مهيب فاضيه لزوجها مشغوله في طلب العلم والعمل وتقول لو يسمح قانونهم انه يتزوج وحده ثانيه وتتدري هي انه مع زوجته الثانيه يعني مو خاين كان ارتاحت ... <IMG SRC="cwm11.gif" border="0">
وطبعا تقدر تتركه مع اي وحده بس تقول ان كرامتها ماترضى انه يخونها ... <IMG SRC="cwm11.gif" border="0">
وتخاف بعد من الامراض الله يكفي الشر :)
http://angelfire.lycos.com/images/lines/forest.gif

هذي وجهه نظر متواااضعه من رؤيتي للمجتمع ارجو ان البنات ماياخذونها بحساسيه... <IMG SRC="cwm6.gif" border="0">
واقول مرره ثالثه انا اناقش الموضوع
بغض النظر عن الناحيه الدينيه لان الجميع مايخفاهم حكم الاسلام في التعدد :)
واتمنّى ..اتمّنى ...اتمّنى ...&lt;==طيب اعصابك :D
اني اقرا راي كل عضو معنا من مقلع ومقلعه :)
ولا تنسووون اختلاف الراي لايفسد للود قضيه
&lt;====انحاشت والماريه الغفله :(

[الــدرج]

والرجل لازم يكون شي ...ثـــــــــــانوي في حياه كل انثى..


ممكن تفسرين لي ذا النقطه ؟؟؟؟؟؟؟

المره مالها إلا بيتها و عيالها وش تبي بعد ... و أصلا من يجي للزوجه ولد يقل الإهتمام بنسبة الربع و إذا جا الثاني بنسبة النص و إذا جا الثالث .. ثلاث ارباع و إذا جا الرابع الله يخلف عليك يا ابو الشباب :) :) ( الكلام .. كلام خالي نصاً :D :D )

الزبده شلون الرجال ثانوي ؟ :confused: :confused:

[it's me]

<font color="Blue">صييييييييييد...

يسعدك ربي....
:) :) :)

والله حركاتك موتتنى ضحك...
:) :) :)
بس تعرفي خففت دم الموضوع وخلتينى اقراه...

بينى وبينك سر...
هذا اكثر المواضيع حساسية....
لكن شوفي..
كثير يقولوا هالشي "انه لو عنده ثانية بيخف عن الاولى"
بس لاطاحت العقربة..اقصد الفاس..
بالراس...
:) :) :)
تشوفي نار الغيرة ..ولو كان وجوده ماله داعى اصلا...

تعرفي صيد..
لحظة مابين توقيع اسمك على صك الزواج وتقولى نعم ..
في هذه اللحظة..
يبدا شي ثانى..
احساس ثانى..
بصراحة..
يبدا..الحب..
ومعه الالم والخوف والحاجة للامان...

ممكن تجيبى معاك كرتون عقارب..المرة الجاية لو سمحت...
:) :) :)
وتوزعيه على الجنس الناعم...
اسهل من انك تقنعيهم بهالافكار..
حلال حلال...شرع شرع...
لكن رضا وقبول وفرح واستسلام..
ماسوتها عائشة ام المؤمنين رضي الله عنها...

صييييييد...
وين العقارب..
:) :) :)

كلمة اخيرة..
يسعدك...مليون مررررررة...
:) :) :)
ويرزقك ابن الحلال..الصافي..
بس طمنينى وقتها.. </font>

[القشرا]

<center> اعووووذ بالله من بعض الحرريييم :mad:
ويا صييد ان بقولك رايي بالنسبه للتعدد
انا طبعا لسى عزااابيييه :D
ومافيه شخص مادعى علي بسبب ارائي :D
انا براسي فكره ان الرجال ماراح يتزوج
الا اذا حس بنقص
يعني اذ تزوج اكيد ان المراءه مقصره معه
او ما ارتااح معها
الناس عارضوني وقالوا
لا فيه بعض الرجال يغارون من الرجال الثانيين
ويتزوجون :eek:
وفعلا ذا صحيح <IMG SRC="cwm10.gif" border="0">
&lt;==من زمان عن الجاده وماتعرف تعبر :D
ارجع بعدين انشاء الله :) </center>

[مجموعه انسان]

الزواااااااااااااااج نعمه ونصف الدين

ولا تنسون مافي احلا من الزواج

والى تزوج اربع من حقه يبي يغير مافيها شي

اما بالنسبه لى باكتفي بوحده بس
اذا ماكانت عله
:D

وصح لسانك صيد

ومزيدا من اللمعان والتقدم

<MARQUEE>مجمـــــــــــــــــــــــــــــوعه انســـــــــــــــــــــــــــان</MARQUEE>

[شيخ العيارين]

شوفي علشان اقنعك بوجهة نظري وردا على موضوعك
الرد اللي يليق فيه .الحريم دايم ياصيد يتهاوشون على الطبخ وهذا معروف والكل يحاول يوري حاله احسن من الثاني بس علشان نساعدهم وبناء على نصائحك لهم راح اقدم لهم اليوم
هههههههههههههههههههههههههههههه
البسطيلا(فطيرة الدجاج على الطريقة المغربية)
التحضير:
يوضع الدجاج فوق ورقة المنيوم(علشان يحترق ههه وتشب حريقة في البيت ويفتك منهم الرجال) يخلط البصل والكزبرة والبقدونس والعقدة الصفراء والزنجبيل والزيت معا. يسكب هذا المزيج فوق الدجاجة.تلف الدجاجة بورقة الالمنيوم وتخبز لمدة ساعة كاملة في فرن محمى مسبقا الى حرارة 350 درجة فهرنهايت،حتى تنضج تماما.
يخض البيض في وعاء يفتت لحم الدجاج جيدا فيه.
تخلط صلصة الدجاج مع البيض والسكر. يطهى الكل جيدا حتى ينضج البيض.يخلط مزيج البيض مع لحم الدجاج المفتت ويترك الوعاء جانبا.
تحضر صينية دائرية (مستلفتها من الجيران لان ماعندك من الفقر الل جبتيه لزوجك ) قطرها 29 الى 30 سم.
تدهن 10 رقائق من العجينة الجاهزة بالقليل من الزبدة وترصف فوق بعضها البعض ويرش اللوز فوقها. توضع الحشوة فوق رقائق العجين. وتغطى من ثم بنحو 5 او 6 رقائق عجين اضافية.
تحول العجينة الباقية الى شكل ورود وترصف فوق الصينية.تدهن بالزبدة.
يحمى الفرن مسبقا الى حرارة 325 درجة فهرنهايت،وتخبز الفطيرة فيه حتى يصبح طحها وردي اللون. تخرج الصينية من الفرن ويرش فوقها المزيد من السكر الناعم والقرفة،وتقدم الفطيرة فاترة.
فوش رايك الرجال بناء على اللي سبق وقلته مايعطيكم وجه من الاساس ومايتزوج علشان تريحون مزاجه الله لايريح ابليس..والا فيتس تطبخين له بسطيلا امححححق مطازيز.
وارفواااااااااااااااااااااااااار

[صدى]

<center><font color="Red">الدرج</font></center>
ياهلا بيك اخوي :)
وشكرا على ردك السريع :)
اتصدق كنت ابعدل في موضوعي واحذفه واضيفه ثانيه علشان ارتبه زين :)بس يوم شفتك راد هونت .. :)
قلت علشان عيون الدرج مانيب حاذفته ..

الدرج :( :( :(
والرجل لازم يكون شي ...ثـــــــــــانوي في حياه كل انثى&lt;===ممكن تفسرين هالنقطه :(
حرام عليك يالدرج موضوعي كله يفسر هالنقطه :(
يعني مافمتني :(؟؟؟؟؟؟
ومن قال ان اهتمام المراءه يقل والله ماتدرون انتم :)
شغلهم الشاغل هالحريم رجالهم حتى لو وصلو عيالها لعشره :(
بس يمكن تطلع ذكيه وتعرف كيف ماتبين ....
وانتم تحسبونها مو مهتمه :)
علم خالك تكفى :)
الدرج عاد ابطلب منك طلب اقرا موضوعي ثانيه ان استوعبت فكرتي ولا قلي اشرحلك ثانيه :)
&lt;===ودها تعيد موضوعها للدرج :)
وشكرا لك
اختك الصيد...

[مقلع مهوي]

السسسسسسسسسسسسلام عليكم عن بكرة ابيكم يا قوم..

اختي صيد والله زمان عنكم عساكم بخير ان شاء الله انا عارف ان القطيعة مني بس تعرفون الجامعه وغثتها........سوووووووووغي
المهم......ليت ذرووووووووق القشرا تقتدي بك وتخف علينا شوي هي ومن والاها خخخخخخخختعدد الزوجات فكره رائعه .......هذا لا والف لا...الا لاسباب مقنعه.....مثلا عدم قدرة انجاب المرأه.........المرأه كمخه مثلا.....ههههههههه
ولا مهو زي ما قلتي الرجال شي ثانوي فمعصيه وما لك لوا...تيب ....
الله خلق المراه والرجل لكي بعضهما الثاني يمكن اكون اهبل شوي بس مسقف كمان ..تيب
نعم محد منعكم تعملون بس في حدود المعقول ....فيما يراعي مجتمعنا الاسلامي ...والله اناما ني بمطوع بس والله اني استانس اذا سافرت برا ورجعت اشوف كيف حريم ديرتنا....
الزبده اللي نبي ناصلها هي ان الزواج وتعدده حق من حقوق الرجل ...بس مو للمتعه وبس لازم يراعي الله في ذلك والمفروض ان الواحد ما يقبل على الزواج الا على المرأه اللي حبها قلبه ويحس انه ما يقدر يعيش من دونها..
هذا ما اردت ايضاحه واعتذر للاطاله....واعدكم بموضوع صرخه في هذا المجال في القريب العاجل وهي عبارة عن قصيده هزليه تناقش هذا الموضوع..
ومغسي بكو على هذا الموضوعو.........باي

[أم الدواهي]

صيد

حبيبتي إذا ما ركزت إهتمامي بزوجي أولا وش

تبيني أركز فية لـــــــية شئ ثانوي :mad:

لــــــية!!!!!!!!


يا حبيبتي إذا الوحدة تزوجت

فمعناتة أن الزوج صار خلاص هو محور اهتمامها :

وهو كل حياتها :D هو الزوج والحبيب والصديق

والأب والأخ :D هذا طبعا إذا كان زوج

بمعنىالكلمة ;) زوج يقدر قيمة زوجتة &lt;===زي

رجلي حبيبي أبو الدواهي :) قولو ماشاء اللة

لا تصكون حبيبي بعين :rolleyes:

ويكون بعلمك إذا الزوج ماأعطى زوجتة( حريتها

وراحتها وخلاها تحقق طموحاتها وتكمل تعليمها

لين تمل) وهو ماعندة غيرها :confused:

فكيف يعطيها راحتها وهو عندة عقرب تحركة

وتوجهة زي ما تبي واعتقد أنك منتيب غافلة عن

البلاوي اللي نسمعهاعن الزواج الثاني اللي

نادرا ونادرا ما ينجح وصدقيني تكذب وتخسئ أي

مرة تقول (خلية يتزج وش فيها على الأقل أرتاح

منة يوم) إلا اللي ماتواطن زوجها بعيشة اللة

وتبي حجة عشان تتطلق منة :(


حبيبتي مافية مرة ترضى الذل لنفسها إلا إذا

كانت مسكينة ماعندها أهل تروح لهم ومجبورة يا

حياتي أنها تعيش مع هالجبار :( :(

[ 06-06-2001: تم تعديل الموضوع بواسطة : أم الدواهي ]

[بنت نجد]

<center>مررررراحب صيد :) :)
موضوعك ولو هو جاد الا انه يمووووت ضحك
يا خووووافه انتي :) :) بس والله ماالومك الموضوع حساس بمعنى الكلمه خاصه من قبل الجنس الناعم :)
الكلام هذا مو سهل تطبيقه حتى لو بغيتي ,, انا اشوف ان المراءه اذا حبت شخص بمعنى الكلمه حبت انها تتملكه ويكون لها ماحد يشاركه فيها ,, وهذا شي طبيعي مانقدر نلومها في هالشي ,, ومتى حبت هالانسان من سابع المستحيلات انه يكون بالنسبه لها شي ثانوي :( :( , لكن هالشي او هالموقف مو بالضروره يعطل حياتها راح تدرس وتشوف نفسها وتمارس هواياتها ايه نعم ,, لكن راح تظل مكانته بقلبها مايتغير ابدا :)

هذي وجهه نظري في الموضوع ,, وهذا موقفي لو انا متزوجه ,, وهذا مبداءي لو انا مو متزوجه :)

تسلمين يا عيوني واذا لي عوده راح اعود
وضفي هالعقارب قاعده تقرصنا
<IMG SRC="cwm6.gif" border="0"> </center>

[ 06-07-2001: تم تعديل الموضوع بواسطة : بنت نجد ]

[المدغبجة]

هلاااااااااا
ببنت العم
والله قوية وتفكيرك جدا منطقي وانا الموضوع عاجبني جداجدا جدا
لكن ما قرات كل الردود فبقول رايي المؤقت
لاني بفكر برايك بصورة منطقية
من جد اسلوب تفكيرك رائع
&lt;&lt;&lt;&lt;-----تاكدت انك من بنات عمها
انا رايي ان الرجل اللي يقبل التعدد هذا اصلا ماراح يكون يسمح لزوجته انها تنطلق في حياتها في دراستها
انا من ملاحظتي للرجال اللي يفضلون التعدد تلاقينهم يحبون انا حريمهم يكونون حولينهم
اما الرجل اللي ما يفضل التعدد تلاقيه يسمح لزوجته انها تكمل دراستها وتشتغل يعني تقسم وقتها بينه وبين الاشياء الثانية
بس هذا ما يمنع ان فيه ناس يشذون من النوعية الاولى والثانية
اشكرك ولي رجعة للموضوع

[صدى]

<center><font color="Red">it's me </font></center>
ياهلا وغلا والله يشرفني ويسعدني انك من اول اللي ردوا علي :)
ويسعدك ربي انتي بعد :)
وردك كان هو اللي دمه خفيف :)
تلقائيتك في الرد اتخليني اتخيلك وانتي تتكلمين :)
انتي في ردك طرحتي موضوعين الغيره والحب ..
اممممـ الغيره ..صح ممكن تكون موجوده لانها في طبيعه البشر ...
بس ابغاك تفكرين في نفسك كانسان وماتخلين موضوع زي الغيره يخليك تتخلين عن الانطلاق :) اللي مارح تاخذين راحتك فيه الا اذا كان زوجك عنده غيرك :)
تمام :) عادي انتي وياها زميلات عادي :) وبينكم شي مشترك اللى هو زوج :)ولنتبهو من العقارب ;)
والله انا متقبلتها ياجماعه :)
والحب ..امممـ ماادري هذا اللي مااحب اتفلسف فيه كثير :)
&lt;----عندها اراء هدامه بخصوص الحب بعد بس خايفه :)ومن خاف سلم :)
it's me :) كالعاده مشاركتك فعاله :)
اختك الصيد...

[صدى]

<center><font color="Red">القشرا </font></center>
ياهلا بيك اختي يسعدني اني احتك بفكرك :)
واتمنى ان هالتواصل يستمر ...
انتي تكلمتي في اسباب الزواج الثاني :)
مشكلتنا اننا احنا في هالزمن طلعنا ننظر للمراءه اللي تزوج زوجهاعليها نظره دونيه ...
يعني نقول اكيد انها مقصره بس لواتفقناان كل زوجه تسمح لزوجها بالزواج علشان تتفرغ هي لحياتها بتتغير الصوره وتطلع الفكره السائده ان المراءه اللي زوجها يتزوج عليها دليل ان عقليتها راقيه ومترفعه عن هالامور.. :)
وكذا ينتشر التعدد بدون جرح لكرامه المراءه :)
وشكرا لك اختي القشرا لانك فتحت لنا باب جديد في النقاش :)
اختك الصيد..

[صدى]

<center><font color="Red">مجموعه انسان </font></center>
ياهلا بيك اخوي :)
انا ردك حطيته في بالي وابستقعد لك فيه :)
&lt;====حظك قرت ردك وهي رايقه :)

الزواااااااااااااااج نعمه ونصف الدين&lt;===هذي صح مافيها طقه عصا :)

ولا تنسون مافي احلا من الزواج&lt;==مانسينا بس مااقتنعنا للاسف :)

والى تزوج اربع من حقه يبي يغير مافيها شي&lt;==لاياشيخ حشى سيارات مو حريم :)

اما بالنسبه لى باكتفي بوحده بس اذا ماكانت عله&lt;===لا بالعكس خذ ثانيه علشان تترك للاولى وقت تشوف فيه نفسها وتتطور بفكرها عاد ساعتها بتكون الحياه معها متعه ومارح تكون روتينيه ابد :)خاصه انك بتشوفها يوم ورى يوم :)

هاه عساك اقتنعت تعدد :)؟؟؟؟؟؟

وصح لسانك صيد&lt;===صح بدنك :)

ومزيدا من اللمعان والتقدم&lt;===بوجودك وتشجيعك لي يامجموعه انسان :)
وشكرا لك اخوي على مشاركتك الخفيفه :)
اختك الصيد...

[صدى]

<center><font color="Red">شيخ العيارين </font></center>
ياهلا بيك اخوي :)
والله يوسع صدرك بالعافيه :)
اما حكايه الطبخ بذاك اول ..وانت صادق :)
الحين الحريم ماعاد يهمهم الطبخ :)
صحح معلوماتك :)
وشكرا لك على الطبخه واوعدك اني اقولها لامي علشان امي تقولها للشغاله علشان الشغاله تقولها للسواق علشان السواق يجيبها من اقرب مطعم :D
احييك لمشاركتك الفكاهيه :)
اختك الصيد ...

[خذ و خل]

<center><font color="Blue">
هلا بالأخت صيد

بصراحة أهنئك على جراءتك في طرح هذا الموضوع :)

رهيبة :)


لكن أشوف البعض ما فهم قصدك زين من مقولتك :

والرجل لازم يكون شي ...ثـــــــــــانوي في حياه كل انثى..


و أنا الذي فهمته هو :

أن المرأة مثلها مثل الرجل يوم أن خلقت ( برفع الخاء بالطاء :) ) ... خـُـلقت لأشياء كثيرة مثل الرجل ... فزوجها ليس كل حياتها .... وهذا صحيح

أحب أن أضيف أن المرأة المحبوبة والمحظوظ زوجها بها هي الزوجة المرحة المزاحة و التي تثق بنفسها و تعطي زوجها كامل الحرية في أن يتزوج غيرها .... بل و تشاركه في اختيار الزوجة له ..... ونرى ذلك في أكثر المتعددين ..... نرى أن الزوجة الفلانية منهن هي المحبوبة أكثر لأنها لا تنغص على زوجها و لأنها لا ترفض أن يتزوج عليها .


أيضا أريد أن أضيف ..أن الرجل لا يتزوج على زوجته لأنه يكره زوجته أو لأنه لا يحبها .... فلو كان لا يحبها لما صبر عليها و صبرت هي عليه كل هذه السنوات ..... لو أنهم ليسوا مندمجين و يحبون بعض لانفصلوا منذ البداية و لم يطيقوا الإستمرار.

الزوج يتزوج أخرى لأن هذه فطره .... و تكون قوية عند البعض من الرجال و ليس الكل ... وكما قالت <font color="Red">المدغبجة </font> ( <font color="Green">انا من ملاحظتي للرجال اللي يفضلون التعدد تلاقينهم يحبون انا حريمهم يكونون حولينهم , اما الرجل اللي ما يفضل التعدد تلاقيه يسمح لزوجته انها تكمل دراستها وتشتغل يعني تقسم وقتها بينه وبين الاشياء الثانية</font> )

فالرجل المتعدد .... نراه يحب زوجاته أكثر من غير المتعدد ..... ويجلس معهن كثر و يمازحهن ...الخ :)

لنسأل المتزوجة سؤالا :

كم ساعة تجلسين مع زوجك في الأربع وعشرين ساعة .... و تكلمينه و يكلمك ..... سيكون الجواب في الأغلب من 4 - 6 ساعات فقط

و باقي الوقت هو ليس معها ..... فلو كان متزوجا من أخرى وهي لا تعرف ... فماالذي يتغير فيه ؟

لا شيء....

لكن هي الغيرة فقط


نحن نتكلم عن الرجل المثالي .... وهذا طبعا قليل وجوده ...... و المرأة تعرف إذا كان زوجها مثاليا أم لا .


سؤال آخر للمتزوجة :

لو أنك أنت الزوجة الثانية ..... فلماذا ترضين لتكوني الثانية و لا ترضين بكونك الأولى .... لا يوجد في الزواج مقولة ( هذا الرجل ملكي لوحدي أنا فقط ).... هذا الكلام فقط يكون في المسلسلات :) .... الرجل ليس ملكا لامرأة واحدة فقط :) إلا إذا أراد هو ..... لماذا ليس هو كذلك ؟؟

لأن الله سبحانه جعل عدد الإناث أكثر من الذكور .... فمن حق كل أنثى أن تتزوج .... و لو حصرنا أن لا يكون للرجل إلا امرأة واحدة لبقي إناث ليس لهن أزواجا ....

و لو كان العكس بحيث أن الرجال أكثر من الإناث ..... لكانت الحرب :) ... والمرأة صار مهرها بالملايين :) ...... يعني الفقير لا يحلم إنه يتزوج :)


كلمة أخيرة :

الله سبحانة وتعالى جعل للكون نظاما ..... ومتى غيرنا في هذا النظام , فإنه تبدأ المشاكل المترتبة على هذا التغيير الذي لا يلائم الفطرة .


شكرا لك صيــــــد على هذا الطرح الجريء ...... و زين انك مولمة ٍ العصابه :)

</font></center>

[أم الدواهي]

^
^
^
واللي يرحم والديك تكلم عن نفسك بس <IMG SRC="cwm10.gif" border="0"> يعني أنت تبي تقول أن ترى الرجال اللي يحب زوجتة هو اللي يروح يتزوج عليها :confused: واللة عجب عجاب :confused:

وبعدين المرة الخيالية اللي تقول عنها راحت تخطب لزوجها أكيد هي من هالنوعيات التالية((فاقدة عقلهاأو فاقدة عقلها أو فاقدة عقلها))


وسلم لي على حريمك الأربع اللي جالسين حواليك يستنونك تضحك معهم(حشى واللة صاروا بنات أبو الريش)) يا رجال يا شديد

:mad:

ويكون بعلمك أجلس مع رجلي 4أو6 ساعات يوميا ولا 4أو 6ساعات يوم ورى يوم أو يومين أو ثلاثة

وترى إذا قدرت تقسم وقتك ماراح تقدر تقسم..... قلبك!!!!!!!!!!!!!!!!!!!!!!!!!!!

[ 06-07-2001: تم تعديل الموضوع بواسطة : أم الدواهي ]

[خذ و خل]

:) :) :)


:) :) :)

[مرتاح احبك]

اهليـــــــــن اختي الصيد :)

انتي اقتحمتي منطقة جدا خطيرة بهالموضوع :D

واذا مارديتي علي فانا بعرف ان وحدة من هالحريم ترصدت لك وزنطتـــــك :D :D

عزيزتي انا بعرض لك وجهة نظري ...


<center><font color="Blue"> فيه اشياء كثيرة في حياتنا لاهي خاضعة للمنطق ولا خاضعة لقوانين ..

يمكن انتي مثلي انا من الناس اللي احب اخلي كل شي مفهوم ومنطقي ..

لكني اكتشفت في يوم ...ان مو كل الاشياء مفهوم ومنطقي :)

&lt;==== ادخل في الموضوع يامملوح :)

المقصد ياعزيزتي ..ان مسالة تعدد الزوجات انا وانتي وكل من يشوف المسالة بوجهة نظر محايدة ..راح يقول انه مافيها شي وش الشي اللي يقهر؟؟؟

لكن اتمنى اشوفك يوم من الايام ورجلتس ماخذ عليتس :)

غصب غصب مثل ما الانسان يحس بالجوع اذا احتاج للاكل ومثل ما يحس بالعطش وبالبرد ...غصب على اي امراة انها تغار اذا تزوج زوجها ..

يمكن كل كلامك منطقي ومفهوم ويخش العقل لكن اذا جا يطبق في الواقع..ما يمشي ..ليه ...بكل بساطة وبثارة اقول لك : كــــــذا :)

فيه كثير من الاشياء تمشي على قاعدة كذا صعب انك تمنطقينها :)( اتعب على ذا الكلمة انا :))

عائشة رضي الله عنها زوجة الرسول صلى الله عليه وسلم وام المؤمنين واحدى افضل النساء اللي مروا على الدنيا ...كانت تغااااار وتموت غيرة على الرسول صلى الله عليه وسلم من باقي زوجاته :)

هذا من ناحية احساس اي امراة لكن اذا جبتيها بالمنطق وبالعقل صحييييييح التعدد فكرة اكثر من رائعة ولافيه شي اصلا يجيبه الاسلام الا كان كذا

احب اشكرك على موضوعك كله وبالذات اسلوبك الخبل :) :)

واسف على اني قطيت ....

اخوك مرتاح </font></center>

[مــســتــهــبــلــه]

<font color="Red">سلاااااااااام</font>
لا لا لا
مانايد تعدد الزوجات تدرين ليه؟؟
على اعتبار انك قلتي ليه
لان الرجال في هالوقت مايعدلون
ونادر اللي يعدل.. حبه في الكرتون
ومااقصد العدل من ناحيه القلب لان هذا شي موبيده
اقصد من ناحيه التعامل..
وهذا اللي يسبب الغيره القاتله بين الزوجات
فماله داعي يعدد الرجال اذا كان مايقدر يعدل صح
______________________
تحياتي :D

[صغنطوط]

احلىىىىىىىىىىى صيد
إلى الأمام وانشالله، انشالله كل أمرأه في الزمن
هذا بترجع لبيت اهلها...

عزيزتي، انت قلتي ان اختلاف الرأي لايفسد للود قضيه...
انا انشالله مافي بيني وبينك شر ابد
لأني اول مره ارد لك فيها على موضوع
وانشالله يكون فاتحت خير...

صيد، بماانك خبيره اقلاعيه فأنت تعي تماما
اختلاف الرأي لايفسد للود قضيه
&lt;--- ذلها على الجمله
يعني لا تحقدي بعد ماتقرين الرد

اول شي بما ان في احد مات وفي اليمن
غالبا يكون مسلم لنترحم عليه...
الله يرحمها ويغفر للي كان السبب..
وبما انه مو موضوعنا فننتقل إلى موضوعنا... :D

انا معك تعدد الزوجات فكره رائعه
لأن ثلاث ارباع نساء البلد منطلين
في بيوتهم...

انتم ماخلقتوا عشانا بس، لكن انتوا خلقتوا
في الأساس لعبادة الله ثم لأجلنا نحن.
((وماخلقت الجن والإنس إلا ليعبدون))
((وجعل لكم ازواجا لتسكنوا إليها))
صدق الله العظيم.

خذي راحتك اختي في هواياتك وكل شي
ماحد منعك بس ممكن يشغلك، اما الإنسان
العاقل فياخذ الأمور على حسب الأولويه.
وإذا كان الشخص يشوف انه توه ماخذ كفايته
من هواياته وتعليمه فلا يتزوج إلين يكتفي.

اما إذا انسان قرن سعادته بشخص معين
اشوف ان كلامك صح ومافي شي في الجمله
هذه بس.

لايوجد احد كامل إلا الله وكل البشر تتحطم
ياآنسه إذا كل واحد بيفكر انه يحمي
نفسه من إنه يتحطم كل الناس بتشك
فبعض ومافي احد راح يثق في احد
وبدل مانكون ناس بنكون من سلالة إبليس..

وأترك التركيز على الزوج
حلوووووووه بصراحه افحمتي الجميع
وانشالله هي ماتركز عليه وهو مايركز عليها
ويروح ويشوف لها وحده ثانيه يسكنها
ببيتها الي هو في الأصل بيته ويصير
في وحده تركز عليه... كيف بس ؟

والباقي من الموضوع لا تعليق.

بااااااي ومشكوره على الموضوع الظريف

:D
وبعدين انت مسلمه كيف تفصلين الدين عن الحياة
:D

[صدى]

<center><font color="Red">مقلع مهوي</font></center>
ياهلا بيك اخوي ...انت وسقافتك :)
والله يحيك :)
لا يااخوي انت مافهمتني :) انا ادعو للتعدد بدون سبب :)
يعني موحكايه انجاب او شي ثاني :)
واصلا قلب الرجال يقدر يحب اربع :) ربي خلقه كذا بدليل ان ربي حلله اربع :)
وشكرا لك اخوي على مشاركتك وتراني انتظر موضوعك على احر من الجمر :)
&lt;====تبي تتفلسف في موضوع مقلع مهوي :)
................. :)<center><font color="Green">ام الدواهي </font></center>
يؤ :( طيب لاتدفين :)
ليش تصرخين علي وش سويتلك <IMG SRC="cwm10.gif" border="0">
ههههههه ياهلا بيك اختي انتي وحماسك :)
اتهبلين وانتي متحمسه :)
ههههه اما حكايه عنده عقرب تحركه ضحكتيني قصدك الزوجه الاولى طيب ليش تسبقين الاحداث :)
يمكن تجيك ام محمد ياام الدواهي وتنسجمين معها :)
بعدين انتم اتفقوا من اول ان سبب زواجه تفرغ لحياتك :)
والزواج الثاني مو نادر ماينجح يالحبيبه :(
لا ..ولا بس المشكله ان المشاكل هي اللي تطلع ريحتها بس الوفاق اللي بين الزوجتين هذا محد يجيب سيرته :)
شكرا لك يالغاليه وفكري في كلامي زين ترى ان ركزت على ابو الدواهي ياعجل مابيحطمك :(
........... :)<center><font color="Red">بنت نجد </font></center>
ياهلا والله وغلا ببنت نجد خوافه.. :) ايه والله خوافه.. وخوافه.. وخوافه بعد.. بلاك ماتدرين وش سوو فيني المقلعين في موضوعي الحجازي والنجدي طلعو عيوني وعرفت ان الله حق .... :)
&lt;====اتربت بعد ذاك الموضوع .. :(
ايييه تدرين عاد انتي حطيتي يدك على نقطه انا كنت دائما احاول اتغاضى عنها لاني ماني فاهمته تمام..... :( تدرين وشي :(
الحب ...
انا هالموضوع مااقدر اتكلم فيه بطلاقه بس الوضع اللي انا شايفته غريب شايفه البنات اذا تزوجوا ماعاد عاشوا حياتهم بشكل طبيعي لا يوقفون كل شي في حياتهم ويعيشون على الهامش :(
احييك اختي بنت نجد على ردك الهادىء احس وانتي تردين حاطه رجل على رجل ومروقه وتتكلمين بشويش :)ونفسك واضحه قدامك :)
وانتظر عودتك يالحبيبه :)
اختكم الصيد....

[صدى]

<center><font color="Red">المدغبجه</font></center>
ياهلا والله ببنت عمي عبد العزيز :)
&lt;====فضيحه هالبنت :)
اتصدقين يالمدغبجه انك كتاب مفتوح يالله ياهو انتي واضحه بشكل وتعرفين تعبرين عن اللي في بالك :)
بعدين يالحبيبه انا اقول اتفقوا ان السبب في زواجه انك تفضين لنفسك ..
خليكم واضحين قوليله اسمع تراني ابزوجك :D
عاد هو بيرتاع وبيحط يده على راسك يجس الحراره .. :D
عاد انتي اشرحيله الاسباب :) والله بسطه ..
بعدين فكرتك اللي قلتيها تراني فهمتها لايضيق صدرك :)
&lt;====تعرف شعور الواحد اذا مافهموا قصده :)
وفعلا وجهه نظر اظنك صدقتي فيها :)
بس ضعيف ولد الناس لاتنشغلين عنه وتتركينه يدربي راسه زوجيه اريحلك ولضميرك :)
اختك الصيد...

[صدى]

<center><font color="Red">خذ وخل </font></center>
ياهلا بيك اخوي اخيرا وصلت لردك :D
يالله انتا يافاهمني .. :D
هي الزوجة المرحة المزاحة و التي تثق بنفسها و تعطي زوجها كامل الحرية في أن يتزوج غيرها ..&lt;== <IMG SRC="cwm13.gif" border="0">
وش ذا الحكي الله يصلحك .. <IMG SRC="cwm13.gif" border="0">
وش دخل المرح والمزح في الزواج الثاني ؟؟؟
.... نراه يحب زوجاته أكثر من غير المتعدد ..... ويجلس معهن كثر و يمازحهن ...الخ &lt;==== <IMG SRC="cwm27.gif" border="0"> اتصدق حامت كبدي من جملتك ذي :( تخيلت رجال وعند رجوله اربع حريم حريمه :(
واللي يجلس 4الى 6.. بتقل اكثر اذا تزوج طبعا مافيها كلام :)
بعدين على فكره ترى عدد الرجال اكثر من النساء في اخر احصائيه في المملكه بس بفرق بسيط :)
بس يقولون بيجي زمن النساء اكثر بس مابعد جا لاتسبق الاحداث الله يصلحك ... :D
الله سبحانة وتعالى جعل للكون نظاما. ومتى غيرنا في هذا النظام , فإنه تبدأ المشاكل المترتبة على هذا التغيير الذي لا يلائم الفطرة .&lt;==هذي صدقت فيها :)

خذ وخل اخوي اتصدق يوم قريت ردك حسيت انك سي السيد <IMG SRC="cwm13.gif" border="0">
................. :)
ههههههههههههههههههه ام الدواهي :D لله درك ...
ههههههههههه ام الدواهي مو اقولك اتهبلين لاتحمستي :)
................. :)
ام الدواهي ...خذ وخل ....احنا نروح الئسم احسن ... :)

[صدى]

<center><font color="Red">مرتاح احبك </font></center>
ياهلا بيك اخوي ...
&lt;====ماتدخل المنتدى الا متنكره :)

فيه اشياء كثيرة في حياتنا لاهي خاضعة للمنطق ولا خاضعة لقوانين ..&lt;==صح يارهيب :)
انت لخصت ردك بهاجمله :)

اقول يالمملوح الحين انت تقول ان الغيره غريزه ؟؟؟طيب الحيوانات تحكمهم الغريزه ولا عندهم غيره :) راجع معلوماتك .. :)

وانا ابي التعدد يكون واقع ومطبق في نظريا وعمليا :)
والغيره مهيب سبب لتركنا للتعدد ...

لو قارنا بين الضرر من التعدد والفايده بنلقى المراءه يمكن تغار بس في المقابل الفوائد اللي بتحصلها تعوضها ..
معليش خلها تعاني من الغيره احسن من تعاني من الكبت وعدم تحقيق الذات والجري ورى هالزوج لين تطلع عيونها واخرتها اظنه بعد بيتزوج عليها ....
وعلى فكره كلمه (تمنطقينها)عاديه اقولها انا كل يوم في العصر :)
&lt;======غارت حست ان الكلمه مثقفه :)
وشكرا لك اخوي على ردك وتفاعلك مع موضوعي وعلى اسلوووبك الـ.. حلو :)
&lt;====ماطاوعها قلبها تغلط على مرتاح :rolleyes:وخذ راحتك اخوي كل مابغيت اقلط وقط :)

اختك الصيد .....

[القصمنجيه]

صيـــــد...

الله يوم خلقنا...خلقنا لأسباب..أهمها أننا نعبده
وثانيها أننا نعمر الأرض..
وعمارة الأرض ماتكون ألا ببناء أسرة..
وربي خلق الأنثى تميل للرجل..والرجل بعد يميل للأنثى....
يعني هذا شي فطري وطبيعي..

صح كلامك يوم تقولين " لكن الانسان بشكل عام اذا ركز اهتمامه على شخص معين وقرن سعادته به يكون ضعيف تنهار سعادته بسرعه .."

أنا معاكي بهذا الكلام...
وأنا برأيي أشوف أنه من الطبيعي أني أخلي أحد أهدافي بهذه

الحياة تكوين أسرة... وأنا أعتبره من الأهداف
النبيلة اللي ربي بيأجرني فيها وبتسعدني بنفس الوقت

وربي يوم شرع التعدد شرعه لأسباب..
يعني أنا برضى أذا تزوجت أنه زوجي يتزوج علي أذا كنت ما أجيب عيال ( بسم الله علي )
أو أذا كنت مريضة مرض صعب وبيخلي عيشته معي غير طبيعية...!
أو أذا كنت ما أحبه...وعشت معاه بس لأنه ماعندي خيار ثاني مثلا..!
أو أذا كان هو أنسان ماتكفيه وحدة... <IMG SRC="cwm8.gif" border="0">

............
وبرضي بعد أني مثلا أزوج أخوي وحدة ثانية غير زوجته أذا شفت أنها
أنسانة مهملة وغير مهتمة وهو حاول فيها أنها تتغير
وهي زي ماهي ..لا حياة لمن تنادي..

...........

حبيبتي أنا أقدر أتفرغ لدراستي وباقي أهدافي
وزوجي معي ...كونه أحد أهدافي
غير كذا في رجال يحبون أنه زوجاتهم تتقدم وتطور
ويساعدونهم في الشي هذا ...

..........
ثانية أنت مافكرتي ألا بنفسك...مافكرتي بالعيال
وش بيكون مصيرهم وشعورهم يوم يشوفون أبوهم طول وقته بالبيت الثاني
غير كذا هل أنت واثقة أنه بيعدل معاكي
الله سبحانه وتعالى قال " ولن تعدلوا "

صيد أنت ما نظرتي للموضوع من جميع زواياه...
حتى بنفسك....
أنا متأكدة أنك أذا تزوجتي أن شاءالله بتتغير نظرتك للموضوع :)

وتحياتي لك.... :)

[فاصل اعلاني]

:)

[المــجــد]

أختي صيد ...

أولا أشكرك على طريقتك الأكثر من رائعة ..

ثانيا .. مع علم الجميع بأن هذا الشيء حلال ...
ولكن ربنا خلق الغيرةفي كل النساء وهذا شيء طبيعي ...

فمن الغريب أن ترضى الزوجة على زواج زوجها ...

هناك بعض الزوجات يسلموا بقضاء الله وما يزعلوا وهذا شيء طيب ...

الرجل يتزوج إذا ما لقى اللي يبغاه من زوجته ...

فلتعطيه حتى تأخذ ...

وللجميع تحياتي ..
أخوكم المــجــد ,,

[شاهه]

هلا اختى صيد...
موضوعك حلو وحسااااااااااااس فى نفس الوقت...واللى يبي يحارش الحريم يجيب لهم سيرة التعدد...ويشوف وشلون يصير الدفاع على اصوله...
المهم اختى...قبل كل شئ الكل عارف وش حكمة الدين من مشروعيه التعدد...وفي نظري انا مااعتقد انه عشان يكون الزوج ثانوى في حياة زوجته من حكمة ومشروعية التعدد....لكن بما انك تكلمتى عن هذا الموضوع بغض النظر عن الناحيه الدينيه...فماراح اتطرق لها في الرد...
تقولين اختى انه الرجل لازم يكون شئ ثانوي فى حياة كل انثى....ولو افترضنا انه الزوج تزوج على زوجته...وصار لها متسع من الوقت عشان تمارس حياتهاوهواياتها وتكمل دراستها وتهتم بصديقاتها وباقى الاشياء اللى المفروض انها تكون ثانويه فى حياة الزوجه...اقولك لو افترضنا هالشئ...الامور هذي مايبيلها مصاريف...يعنى لو الزوج فتح بيت ثانى...بالطبع راح تخف نفقته على بيته الاول...والزوجه من وين تجيب عشان تصرف على هواياتها ودراستها ولبسها خصوصا لو انها ماهى موظفه او عندها دخل...يعنى الزوجه يبي لها سياره...يبى لها سواق...واشياء كثيره لازم تكون متوفره في غياب الزوج..
صدقينى انا جاوبتك من ناحيه النفقه والمال لانه فعلا هالشئ هو اللى قاهرنى من ناحيه التعدد...لما الزوج يكون ماعنده ويقتر في نفقته على زوجته واولاده...ولما تجى الفكره براسه ويبى يتزوج على زوجته سبحان الله تطلع القروش...من وين؟؟؟ الله اعلم...ياخى هذى الفلوس زوجتك وعيالك هم احق فيها والاقربون اولى بالمعروف...
صدقينى يااخت صيد انا لست ضد التعدد ولكن الممارسات الخاطئه اللى يمارسها الازواج المعددين هى اللى تخلى الواحد ينفر من التعدد...لكن كحكم شرعى مااحد يقدر يقول شئ... وانا طرحت جانب من جوانب المشاكل اللى تواجهها الزوجه من جراء التعدد...وهى النفقه ولقيت لها علاقه بالموضوع اللى طرحتيه او بالاحري اللى خلانى اربط بينهم....
تسلمين اختى على الموضوع وارجو انى اكون وضحت الفكره.
اختك شاهه. :) :) :)

[صدى]

<center>&lt;font color="Red"&gt;مستهبله &lt;/font&gt;</center>
ههههههههههههههههه ياحليلك ضحكتني كلمه حبه في الكرتون :D
حسيت انك راعي بقاله :D
صح :) الا صح وصحين وثلاثه يالغاليه بس انتي روقي واسمعي :)
&lt;====تستدرج مستهبله علشان تقنعها بالفكره :)

اسمعي يالحبيبه ...الحين اذا الزوجه زوجت زوجها بغرض التفرغ لحياتها بيتطور تفكيرها وبتترك هالامور التافهه والتدقيق في كم جلس عندي وكم جلس عندها لانها بيكون فكرها مشغول بامور اهم وبتنفع المجتمع وتبنيه مع زميلاتها سواء بواسطه الجمعيات الخيريه او بجهود شخصيه ...
بعدين صدقيني الوحده اذا تفرغت لفكرها بتكون جذابه لزوجها لانها بتكون متفتحه وواسعه الافق وماينمل من جلستها :)
عرفتي؟؟؟؟
<font size="6"><font color="Red">يعني نعم للتعدد بدون اسباب جوهريه</font></font>


:D اختك الصيد قبل الاغتيال <IMG SRC="cwm13.gif" border="0">

[ 06-08-2001: تم تعديل الموضوع بواسطة : صيد ]

[صدى]

<center><font color="Red">زغنطوط</font></center>
ياهلا بيك اخوي والله شكلك داخل بتطاق :D
والله طقتني النفاضه وانا اقرا ردك يااخي :(
لييييييش ترويع الامنييين لييييش؟؟؟؟؟؟؟؟؟؟ :D


زغنطوط:
انا معك تعدد الزوجات فكره رائعه
لأن ثلاث ارباع نساء البلد منطلين
في بيوتهم...

صيد:
لا من قالك??
صح فيه عنوسه مااقول لا
بس ماعليك الى الان الحمدلله ماوصلنا لدرجه ثلاثه اربع نساء البلد على قولك منطلين في بيوتهم <IMG SRC="cwm21.gif" border="0">
ولا اعتبر هذا سبب للتعداد ...

زغنطوط:
انتم ماخلقتوا عشانا بس، لكن انتوا خلقتوا
في الأساس لعبادة الله ثم لأجلنا نحن.

صيد:
لا ياشيخ ...من اجل العباده صح عليك والايه واضحه بس حكايه خلقنا علشانكم فلي تحفظات على هالنقطه ...

زغنطوط:
اما الإنسان العاقل فياخذ الأمور على حسب الأولويه.

صيد :
طيب مااختلفنا انا ماقلت طنشي زوجك وخليه اخر اهتماماتك.. لا..
انا اقول بس زوجيه علشان تتفرغين لحياتك ولا جا عندك اتركي كل شي واتفرغي له ..
لا وبعد ابيها تشجعه على العدل علشان مايلبد لها في البيت ويترك زوجته الثانيه .. :D
عاد كنك ياابو زيد ماغزيت ... :D
لاني اتوقع انها اذا اهتمت في نفسها من ناحيه الّب وليس القشور بتكون جذابه لزوجها وبيقابلها اربع وعشرين ساعه بس هي لازم تذكره بالعدل دايم :D

زغنطوط:
وإذا كان الشخص يشوف انه توه ماخذ كفايته
من هواياته وتعليمه فلا يتزوج إلين يكتفي.

صيد :
يؤ.... <IMG SRC="cwm24.gif" border="0"> ياويلك وش هالحكي من جدك تتكلم ؟؟؟
يوووه لا ترى غلطتك كبيره .. <IMG SRC="cwm24.gif" border="0">
مايصلح كذا يعني انت تعرف ان العقل الانسان عمره مايكتفي من المعرفه ومن التعلم ..
الانسان بطبعه دائما يحب يتعلم ..
وكلامك هذا فيه دعوه للعزوف عن الزواج :(

زغنطوط:
اما إذا انسان قرن سعادته بشخص معين
اشوف ان كلامك صح ومافي شي في الجمله
هذه بس.

صيد:
:D :D :D :D :D

زغنطوط:
لايوجد احد كامل إلا الله وكل البشر تتحطم

صيد:
ايه بس نحاول نتجنب هالتحطم الله يستر <IMG SRC="cwm31.gif" border="0">

زغنطوط:
ياآنسه إذا كل واحد بيفكر انه يحمي
نفسه من إنه يتحطم كل الناس بتشك
فبعض ومافي احد راح يثق في احد

صيد:
ليش ياكافي ؟؟؟؟
الانسان يسوي اللي عليه يعني يجتهد علشان يعيش حياه راقيه :)
وطبعا مايخفى عليك حث الاسلام للانسان للتفكير والتدبير والحكمه في ترتيب اموره...

زغنطوط:
وأترك التركيز على الزوج وانشالله هي ماتركز عليه وهو مايركز عليها
ويروح ويشوف لها وحده ثانيه...الخ

صيد:
انا موقصدي تهمله ...ياهوووه ..
انا قصدي ماتتعبه بالمراقبه والمتابعه وتعد خطواته لا <IMG SRC="cwm21.gif" border="0">
ماابغاه تكون بهالفضاوه لا ...
ابغاه تشوف الاهم في حياتها وفي مجتمعها وتترفع عن هالامور :)

زغنطوط:
والباقي من الموضوع لا تعليق
صيد :
:D :D :D

زغنطوط:
وبعدين انت مسلمه كيف تفصلين الدين عن الحياة

صيد :)
لله درك يازغنطوط اتصدق ان جملتك ذي اعجبتني بشكل انت رهيب ..
انا من كتبت جملتي ..(بغض النظر عن الناحيه الدينيه )&lt;===وانا اتلفت :) اقول بينط لي واحد وبيقول فصل الدين عن الحياه :(
بس محد قال وانا استانست :)
بس انت ماقصرت .. :)
اسمع عاد كل كلمه اكتبها انا مقتنعه بها علشان كذا شكرا لانك اثرت هالنقطه ..
طبعا لا فصل للدين عن الحياه بس انا قصدي ابغى
الموضوع ياخذ حقه من المناقشه الاجتماعيه ..
لاني اعرف من ناحيه الدين ان الحمدلله عندنا صحوه دينيه وخلفيه واسعه في الامور الدينيه ...

زغنطوط:
بااااااي ومشكوره على الموضوع الظريف

صيد ..
<IMG SRC="cwm28.gif" border="0"> ...باي وشكرا لمشاركتك الظريفه ..

[ست بيت سنعه]

مساء الفول ياعزيزتي ان دل على شي فهو يدل على عقلانيتك في التفكير لانه كما هو معلوم من ناقصات العقول عدم الرغبه في فتح هذا الموضوع بكبره ولا يبن حتى يسمعن وش الحكمه من تشريعه وبعضهن مير يقولن نمتنع عن التصويت مافيه تصويت ولا شي يا ميمتي انتي بس حكمي عقلتس وقللي من عواطفتس وبغيت انبه على شي اختي انتي قلتي بغض النظر عن الناحيه الدينيه واعتقد انك لو قلتي من حكمة تشريع تعدد الزوجات افضل لان الاوامر والنواهي الشرعيه كلها لحكم ارادها العزيز القدير وليست احكاما محضه <IMG SRC="cwm40.gif" border="0"> واحب أدلي بقربتي واضيف شي على افكارتس واقول ان مجرد احساس الحرمه ان رجلها احتمال يعرس عليها باي لحظه هذا يخليها تحوف بوه وتزوووف لييييه ؟لانها ما تبي تقصر عليه بشي حاطه بين عيونها بس لايعرس الرجل ومع ذالك نشوف اهمال حريّمنا لرجالهن هذا الشي قبل ما يعرس اما اذا اعرس فهي تحاول انها ترضيه ولا تكدر خاطره باي شي ايييه اكيد عشان ما تغلبها اللي ما تتسمااش وبنفس الوقت تلاقي وقت زي ما قلتي تشوف نفسها هي بعد هذي نقطه النقطه الثانيه بعد هو ان الرجال مجرد احساسه انه بامكانه يعرس على ثانيه وثالثه ورابعه متى ما طنت براسه هذا يخفف من رغبته بالزواج وخير دليل يشهد على هالكلام اللي نشوفه بالدول الغير اسلاميه من اتخاذ الازواج صديقات ورفيقاات هذا اللي بغيت اضيفه والله اعلم :rolleyes:

[صغنطوط]

ههههههه حلوه لاحظي الي ممكن يصير الحين
انا ماني مغير كلامي ابد وبدلل لك بكلامك
وتناقضاتك اوكي ؟ صيد: اوكي.

صيد:
لا من قالك??
صح فيه عنوسه مااقول لا
بس ماعليك الى الان
الحمدلله ماوصلنا لدرجه ثلاثه
اربع نساءالبلد على قولك
منطلين في بيوتهم
ولا اعتبر هذا سبب للتعداد ...

صيد:
صح فيه عنوسه مااقول لا
(طيب سؤال المسيار ليه صار؟)

-----

صيد:
لا ياشيخ ...من اجل العباده
صح عليك والايه واضحه
بس حكايه خلقنا علشانكم
فلي تحفظات على هالنقطه

صيد:
والايه واضحه..
(طيب والآيه الثانيه ماكانت واضحه؟)
-----

صيد:
انا ماقلت طنشي زوجك وخليه
اخر اهتماماتك.. لا..انا اقول
بس زوجيه علشان تتفرغين لحياتك
ولا جا عندك اتركي كل شي واتفرغي له.

صيد:
ثـــــــــــانوي في حياه كل انثى.
(ثانوي تدل على انه شي يجي بعد
اشياء كثيره منها الدراسه و و و
وتنمية العقل)

----
صيد:
مايصلح كذا يعني انت تعرف
ان العقل الانسان عمره مايكتفي
من المعرفه ومن التعلم ..
الانسان بطبعه دائما يحب يتعلم ..
وكلامك هذا فيه دعوه للعزوف عن الزواج.

زغنطوط:
انا طبعا اعرف ان العقل
عمره مايكتفي والإنسان
بيتعلم إلين يموت..
الي كنت اقصده قولك
ابغا انمي عقلي
وعندي هواياة فكان ردي
من ردك يعني لا تتزوجين
إلين تكتفي علشان
لوتزوجتي قبل كذا
بيكون زوجك شيء ثانوي
(على حسب رأيك انا ماجبت شي من عندي).
وطبعا انا خالفت بردي على النقطه هذي
بكلامي إلي قلته الأول، لأن هذا إتهام
موجه لي.. وغير كذا عزيزتي في
لي موضوع عن الزواج ممكن تشاركي
فيه لو كان عندك وقت فاضي.
----
صيد:
ايه بس نحاول نتجنب هالتحطم الله يستر

(مااشوف فيه شي رديتي
عليه ليه؟بيني لي)
----
صيد:
الانسان يسوي اللي عليه
يعني يجتهد علشان يعيش حياه
راقيه وطبعا مايخفى عليك
حث الاسلام للانسان للتفكير
والتدبير والحكمه في ترتيب اموره

(نفس المشكله مافهمت كلامك مو واضح)
----
صيد:
انا موقصدي تهمله ...ياهوووه ..
انا قصدي ماتتعبه بالمراقبه
والمتابعه وتعد خطواته لا
ماابغاه تكون بهالفضاوه لا ...
ابغاه تشوف الاهم في حياتها
وفي مجتمعها وتترفع عن هالامور .

صيد:
ثـــــــــــانوي في حياه كل انثى.
(ثانوي تدل على انه شي يجي بعد
اشياء كثيره منها الدراسه و و و
وتنمية العقل)
(انا ابي انسان يقول لي
ثانوي ايش معناها في
اللغه العربيه)
----
صيد:
اسمع عاد كل كلمه اكتبها انا
مقتنعه بها علشان كذا
شكرا لانك اثرت هالنقطه ..
طبعا لا فصل للدين عن الحياه
بس انا قصدي ابغى الموضوع ياخذ
حقه من المناقشه الاجتماعيه ..
لاني اعرف من ناحيه الدين ان
الحمدلله عندنا صحوه دينيه وخلفيه
واسعه في الامور الدينيه ...

صيد:
بغض النظر عن الناحيه الدينيه
(هذه الجمله يامتخصصين
في اللغه ايش معناها؟)

تعليقي على النقطه هذه...
عزيزتي انا كقارئ ممكن مااكون اعرف
ان في صحوه دينيه وكل الكلام الي قلتيه
انك (انت) عارفته...
وعموما مجتمعنا مسلم يعني
القضايه الإجتماعيه حيكون
للدين الكلمه الأولى والأخيره
ماتقدري تفصلي الدين عن
اي قضيه إجتماعيه...

وفرضا لو فصلتيها نقول معليش
نشوف وين تبي توصل...
الناس إلى انت بتشاركي
معهم في لهم آراء وهم من
المجتمع يعني إلى الآن
تنطبق صفاة الحوار صح؟
اوكي الناس هذولي مسلمين
اولا واخيرا، ف من الطبيعي
ان آرائهم بتكون من وجهة
نظر إسلاميه حتى في ملابسهم
فمابالك بتعدد الزوجات. :)
ودمتي، وتدرين بصراحه
انا كنت جدا سعيد بالرد مره ثانيه
لأن حسيت ان فيه حماس في الموضوع.
ونرجع كلنا نقول ونأيد كلام اختنا
صيد أن اختلاف الرأي لا بفسد للود قضيه.

وقبل باااي اختي صيد ياليت الكلام
الي قلت لك انا مافهمت ليه انت
دجيتي به في المناقشه هذه
تفهميني اياه.

بااااااااي

ملاحظه: اي شي بين قوسين هذا تعلق مني
وكان سببه ابي ابين وجهة نظري بيه.
يعني اختي صيد مالها دخل في الي بين قوسين.

[ 06-08-2001: تم تعديل الموضوع بواسطة : زغنطوط ]

[صدى]

<center><font color="Red">القصمنجيه </font></center>
ياهلا بيك اختي :)
حلو...حلو...كلامك رائع ياقصمنجيه كلام وحده واعيه وفاهمه صح ..
انتي قلتي :من الطبيعي أني أخلي أحد أهدافي بهذه الحياة تكوين أسرة...
وهذى صحيح من الاهداف بس مااخليه الهدف الاول والاخير لا ..وفعلا هدف سامي هذا مافيها كلام...
بعدين اسباب التعدد العاديه هذي مافيها مناقشه ابد ..
انا اناقش التعدد من اجل مصلحه المراءه وترك لها فرصه لتعيش حياتها :)

القصمنجيه انا مافكرت هالتفكير الا من كثر ماشفت من البنات يتفرغون ميه في الميه لازواجهم ولا اللي تقدر تقوم بالدورين مع بعض تعيش حياتها وفي نفس الوقت تملى حياه زوجها هذي وحده رائعه احييها :)
بس المشكله الحين من كثر الافكار اللي الوحده تبي تجربها والعلوم اللي تبي تخوضها ومجالات العمل اللي تبي تحقق ذاتها بها والعمر قصير جيبي وحده تساعدك بواجبات زوجك وتفرغك جزئيا لنفسك :)
وشكرا لك اختي القصمنجيه وفعلا ردك منطقي ووجهه نظرك احترمها :)
اختك الصيد

[صدى]

اهلا بفاصل اعلاني :)
طيب يااخي قل رايك وش دعوه :)
&lt;===ذكرتها بمناظر من شروره :) حديقه ونافوره ... :)
<center><font color="Red">المجد</font></center>
ياهلا بيك اخوي والله انت من الاشخاص اللي احترم رايهم ويهمني جدا :)
وانت في ردك طرحت موضوع الغيره :)
وانا ابي اقنع البنات ان الغيره هي الضريبه اللي تدفعها البنت علشان تحقق ذاتها :)
وشكرا لك ولمشاركتك :)
اختك الصيد

[روقي]

&lt;===== دخل المبارة في الوقت الضايع :) :) :) :)

هلا اختى صيد كيف الاحوال ان شالله منيحة :) :) :) :)

-------------------- :) نــــــــــقد الموضـــــــــــــوع :) -----------------------

&lt;===== ابوك يالناقد امحق :) :) :)

نبدا في النقد مع ملاحظة اختلاف الراى لايفسد للود قضية :) :) :)
&lt;===== هذي الجملة الي حافظها من ايام مدرسين اللغه العربية :) :) :)

(لاننا حنا يا الاناث ماانخلقنا من اجل الرجل
بس...لا...ولا...ولا...لا...لالالالالالالالالا..ولا ااات كثيرات.. ترى منتوا تالي همنا ولااقصاه انت وياه ...)

مانخلقنا من اجل الرجل !!!!!!!!!!!!!!
مافي اي ملاحظات عليها الانس والجن كلهم خلقوا لعباده الله سبحانة

منتم تالي همنا ولا اقصاه انت وياه !!!!!!!!!!!!!!!!!
مالمقصود بهذة الجملة ممكن توضحين اكثر لأن لها عدة تئويلات وتفسيرات
هل قصدك من هذة الجملة:
- ان المراءه في غنى عن الرجل وتستطيع الحياة بدون رجل
هل يعقل !!!!!!!!!!!
- ان المراءه تلغى حق قوامه الزوج على الزوجة
- ان المراءه ترفض الانصياع والطاعة لزوجها
ماهو المقصود من هذة الجمله في نظرك انتى !!!!!!!!!!!

(للرجل طريقه غريبه في الحب صح؟؟؟
حسب معلوماتي البسيطه ان الرجل اذا حب مايعطي كل شي لا ..
يعطي بعقل ... )

طريقة غريبة في الحب ( كلمة غريبة بين خطين )
لماذا غريبة هل الرجل مخلوق من صخر او من كوكب اخر هي مجرد احاسيس وعواطف تختللف من رجل الى اخر في تعبيرة لحبه لزوجتة

يعطى بعقل
جملة في الصميم نعم الرجل يجب ان يتحلى بالعقل الراجح وخصوصا في حبة لزوجتة
لتوضيح ذلك مثلا نفرض ان ام الزوج كانت موجودة في جلسة عائلية وكانت متواجة الزوجة يجب على الزوج يحكم عقلة كيف
يجب علية ان لايبين حبة لزوجتة امام امة باي شكل من الاشكال لان بعض الامهات بعض بعض الامهات يغارن من زوجات ابنائهن
فالزوج صاحب العقل الراجح يتجنب ذلك .

(بس البنت اذا حبت خلاص قل وعليهاالسلام ..راحت فيها تعطي وتعطي ...
بدون حساب ولا تفكر الا في هالحبيب وتكشف كل اوراقها)
&lt;===== ماقول الا من يوم دخلت المسلسات المصرية البيوت وهي مخربت عقول البنات :) :) :) :)
&lt;===== يحب يمزح :) :) :)

جملة معقولة ولاكن ماذا نسمي الخيانة الزوجية
تحتاج الا وقفات كثيرة وماهي الاسباب وتناقض ماتقولين انها تعطى تعطى بدون حساب وماهي الاسباب موضوع ذو شجون
&lt;==== ابوك ياللغة اجل ذو شجون :) :) :)

هذي بعض النقاط الي اخترتها من الموضوع والبعض الاخر اثاروها الاعضاء من النقاش

ومشكوووووووووووورة جدا اختى صيد على الموضوع الجرىء

تحياتي وتقديري

اخوك

روقي

[صدى]

<center><font color="Red">شاهه</font></center>
والله انك صادقه ياشاهه فعلا اللي بيجيب سيرته بيشوف الدفاع على اصوله :)

شاهه عيوني الظروف لها احكام...

شاهه:
يبي لها سياره...يبى لها سواق...واشياء كثيره لازم تكون متوفره في غياب الزوج...

صيد:
شاهه بذي صدقتي الصراحه فعلا كلامك سليم ميه في الميه ..
واظن هالنوعيه اللي قلتي عليهم اللي تطلع فلوسهم فجاءه يكون من زمان يجمع وحاط في باله التعدد..ويقتر على اهله :(
وزوجته ضعيفه تلقينه يقولها شدي الحزام علشان نقدر نصرف على عيالنا زين وهي تشد وتشد وفي الاخير يعرس. :(
شاهه وفعلا كلامك سليم التعدد ماشُرع الا لصالح المجتمع وفعلا الممارسات الخاطئه هي اللي كرهت الحريم فيه :)

شاهه انتي اكثر من رائعه اتصدقين ..تفكيرك منطقي :)
والله احيي الجاده اللي فيها عقليتك ...

وفعلا اقنعتيني بان اللي ظروفها ماتناسب من الناحيه الماديه :( خلاص لاتزوج رجلها..

وعلى قد رجولك مد رجليك :(

وانا دايم انسى الطبقه الكادحه ذات الموارد البسيطه..دايم اتصدقين في اي موضوع انزلها ينقدوني من هالناحيه يقولون موضوعك يتناسب مع الطبقه المرفهه :(
وهذا قصر نظر مني الصراحه :(
وشكرا لك ياشاهه على مداخلتك الاكثر من رائعه اللي فعلا خلتني استثني بعض الحالات ولا اعمم :)
اختك الصيد..

[صدى]

<center><font color="Red">ست بيت سنعه</font></center>
ياهلا بالسنعه :)
الظاهر مافيه سنع وفاهم الامور صح الا انا واياك :)
وفعلا الاحكام لها علاقه قويه بالوضع الاجتماعي كلامك سليم والله :)

:( بس ياست بيت سنعه ردك ممكن نحطه في نقاط ...

اولا: ان مجرد احساس الحرمه ان رجلها احتمال يعرس عليها باي لحظه هذا يخليها تحوف بوه وتزوووف ...

صيد
يعني انتي قصدك انها مارح تتفرغ اذا زوجته :( ليييش؟؟؟؟؟
المراءه اللي من هالنوعيه اجل لاتزوج زوجها اريحلها :(
يعني كل وحده وطبيعتها ...

ثانيا:نشوف اهمال حريّمنا لرجالهن هذا الشي قبل ما يعرس اما اذا اعرس فهي تحاول انها ترضيه

صيد
والله ياست بيت والله ماشفت هالاهمال حرام عليك :(
بالعكس بيتقطعون من الاهتمام :(

ثالثا:بعد هو ان الرجال مجرد احساسه انه بامكانه يعرس على ثانيه وثالثه ورابعه متى ما طنت براسه هذا يخفف من رغبته بالزواج

صيد
هذي صدقتي فيها ...فعلا كل ممنوع مرغوب ..

وشكرا لك ياست بيت على مشاركتك :)
وقربتك والله اثرها مليانه :)
اختك الصيد...

[الطير]

ويقولون البنات عصبيات؟
ويقولون البنات معانديات . ومتطرفات
ياشيخه يسلم فمك علي التفكير المتعقل وهالطرح المميز .....
عرضتي قضيتك باسلوب اكثر من رائع .
اولا شيء علي شكل قصه وبعدين تكلمتي بوضوح :)
وشرحتي وجهه نظرك وهذا اكثر شيء يخلي الناس يتفاعلون وبعدين ماشاء الله ياصيد وش هالاخراج الحلو وش هالحركات :)
اسمحي لازم هالموضوع الليله ما يبات الا في المميزه تبي تلقين نسخه منه هناك يارب يخليك :)

[المهره الي تغلى]

انااشهد اختلاف وجهات النظر مثل اختلاف الالوان من خلال نظارات الموضه الملونه واكبر مشكله اللون الاصفر :cool: :cool: :cool: :cool:
وش ذا الخربطه بدخل بالموضوع قبل انطق <IMG SRC="cwm38.gif" border="0">
الموضوع حساس مره وخصوصا بالنسبه للمراة <IMG SRC="cwm6.gif" border="0">
اذا رضت يعرس انقهرت..................... واذا قالت لا قهرها

بس الزوج موب شي ثانوي ابدا ابدا......لا تحاولون :rolleyes: :rolleyes:
الزوج ركيزه من ركائز الحياة السعيده..........بس موب لحاله(لا تاخذون مقلب)

الزوج..الاطفال..الماديات..العلاقات..الهوايات..كلها تكمل بعضها.
احتوائها جميعها والتمتع بها..يمثل مرحلة السعاده وهذه امنية كل انسان.
والانسان اناني بطبعه يريد كل شي ولا يريدان يفقد اي شي...(ما كذبت بشي)

واعتقد <IMG SRC="cwm1.gif" border="0"> قوة الايمان..الخضوع..الاستسلام..الغيره..الحسد..الحقد.. الاجرام(مثل قصة العقرب)...... ردود فعل تختلف من شخص لاخر ....عندما تضطرب حياته لفقد احد ركائزها

الزواج عنصر هام للحياة السعيده.... لكن ليس هو فقط سببها

&gt;اذا التعدد من اسباب السعاده...فليكن...دون الاستخفاف بحق المراة ومشاعرها

&lt;font size="5"&gt;ولو حكيت بالموضوع قبل عشر سنوات تعرضت للانتقاد لان معك وحده؟؟؟&lt;/font&gt; http://www.2000greetings.com/suncloud.gif
موعد النشره الجويه ههههههههههه هههههههههههه

[ 06-10-2001: تم تعديل الموضوع بواسطة : المهره الي تغلى ]

[ســمــ THAKI ــارت]

مساء الخير

بالنسبه لموضوع تعدد الزوجات مثل ماقلتي مايختلف اثنين من الناحيه الشرعيه على الحكم لكن
لو اخذنا الموضوع من ناحيه ثانيه
اولا الحب
ماهو صحيح ان البنت هي اللي تعطي الحب بدون تفكير اعتقد انه العكس لان ربي اعطى المرأه بشكل عام قدره على التمييز والاختيار يعني البنت مو سهل تسمح لا احد يحبها
ثانيا الاهتمامات
طبعا من المعروف ان المرأه تطالع عند تحت بعكس الرجل لاتسأليني ليه ؟يمكن بسبب المجتمع التعود مدري ليه اما الرجل عنده قدره على انه يطالع قدام شوي
يمكن المرأه تعودت انها تكون دايم شي ثانوي يمكن عشان عاطفه الامومه عند المراه
ثالثا من الناحيه العلمه
ثبت علميا ان المرأه تستخدم الجزء الايمن والايسر من دماغها في حياتها العاديه اما الرجل فيستخدم جزء واحد فقط
عشان كذا استنتجوا العالماء ان المرأه تساوي ربع رجال (واحد على اربعه )يعني

فللرجل الحق انه يعدد الزوجات لكن بشرط ان الزوجه الوحده تعطي زوجها كل ماعندها عشان يتحقق شوي من العداله

رابعا الناحيه الاجتماعيه
لو مثلا اخذنا سواليف المرأه وقارناها في الرجل نجد ان المرأه تربط اي موضع بنفسها على اساس ارضاء الرجل وهذا شي غريزي ليه نعترض عليه اما الرجل العكس يفكر ويسولف على حسب القضيه المطروحه

خامسا
اتحدى ترضى اي بنت بالعالم ان الرجل يعدد أكثر من زوجه حتى اني الكلام هذا مو من قلبك
لان المرأه ما أعتقد تقدر تسوي اي شي في حياتها له فايده الا بالرجل


وشكرا