pro603
16-11-2001, 03:10
<center><font color="navy"><font size="3">ألى كل مصمم يذيل تصميمه بتوقيع علشان ماينسرق ...
ألى كل مصمم يعشق الفلاتر والصور ومايقدر يصمم من دونها ...
ألى كل مصمم يحط في الأسبوع 72 تصميم وأخر شي يفكر فيه تتطوير قدراته ...
ألى كل مصمم يحط في الست أشهر نص تصميم قاتل بذلك موهبته ...
ألى كل مصمم وصل به التبجح والغرور أنه فقط يرد على مواضيعه ...
ألى كل مصمم يعتقد أن التصميم هو الفوتوشوب وأن الفوتوشوب هو التصميم ومافيه غيره ...
ألى كل مصمم يتعب علشان يحط مواضيع حلوة وثاني يوم تصميمه في الصفحه الثانيه ...
ألى كل مصمم مبتدئ أطربته صرخات الأعجاب وصدق نفسه وقام يتفلسف وهو مابعد فقس من البيضه ...
ألى كل مصمم ومايبغى يسمع راي غيره... ( أنجريتو؟؟)
ألى كل مصمم يعتقد أن أسم منتدى الرسوم والتصاميم هو منتدى الحب والرومانسيه ...
ألى كل مصمم يبغى يشوف أقوى المصممين على وجه الأرض ...
ألى كل مصمم يبغى يشوف كيف شركة أدوبي تخر على ركبتيها علشان يوافق مصمم واحد أنها تتدعم موقعه ...
ألى كل مصمم يبغى يشوف كيف مجلات التصميم معاد تعرف وش تكتب عن أبداع في بعض المواقع فاق مايمكن أن تعبر به أقلامها ...
ألى كل مصمم يبحث عن المعنى الحقيقي للتصميم ...
أهدى هذا الموضوع
***********************************************
في يوم من الأيام .. ( الظاهر أنه كان يوم أربعاء) .. كنت جالس في محاضرة الفيزياء وماسك خط هواجيس .. سرحان مرة في مايكروميديا ومرة في مايكروسوفت ومرة في حلة العبيد .. والظاهر أن الكرسي الي كنت قاعد عليه كان مستوعب الدرس أكثر مني ..
المهم وانا جالس هز الجوال .. واناظر الي داق ألى أنه واحد زميلي عنده محاضرة في هذا الوقت .. أستغربت وش فيه داق .. دنقت راسي علشان مايشوفني الدكتور .. وقعدت أتكلم بصوت خفيف علشان مايسمعني .
قلت : هاه وش عندك
قال : برو ألحق لايفوتك
قلت : وش عندك
قال : لايفووووتك
قلت : أخلص ياشيخ
قال : سيرف ستيشن زبطوه .. كل شي تغير .. أنواع التصاميم الجديده .. أنواع الزاويا الجديده .. هباااااااال
وقفت وصرخت ... باااالله عليك .. أقسم بالله تتطلع تستهبل أذبحك ..
فجاءه تذكرت أني في المحاضره .. وقف الدكتور شرح وقعد يناظرني .. والطلاب قامو يبحلقون فيني .. والجوال لين الحين عند أذني وخويي لين الحين فاعد يقرقر ..
"what is your proplam??"
قالها الدكتور الباكستاني بصوت عالي .. وهو معصب .. عاد أنا بكل براءه رديت .. "لا.. بس ياطويل العمر سيرف ستيشن زبطوه"... قام يناظرني ويتحمد.. والطلاب ماتو ضحك .. أشر على باب القاعه ... عاد أنا فهمتها .. وتزحلقت.
" طبعا ذكرت هذا الموقف علشان أبري ذمتي .. لأنك أذا طحت في هذا النوع من المواقع بتتدمن عليه .. ويبي يصير لك مواقف أشد من كذا "
نكمل سالفتنا .. طلعت من الجامعه لأقرب مقهى أنترنت .. ( مأقدر أصبر لين أوصل البيت) .. تشوفني في المقهى تقول هذا مجنون .. مغير أصارخ كل مافتحت صفحه جديده .. " ياهووووه أموت علىالتصاميم الي كذا".. رددت هاذي الجمله في المقهى تقريبا 100 مرة .. ألى درجه جاني أبو هنود وذب علي عشرتي .. وقال " قم ظف وجهك ولاعاد أشوفك في ذي الحارة مرة ثانيه"
طلعت من المقهى ورجعت للبيت .. وأنا في الطريق .. فجاءة طلع من صدري طفل أبيض له جناحين وفوق راسه دويره ذهبيه وماسك في يده قيتار مدري عود أو مرواس ... مدري وش أسمه .. المهم ... قام يناظرني ويقول " مالك داعي يابرو من جد مالك داعي هاذي أنانيه المفروض أنك تتدخل الأقلاع وتقولهم عن هاذي المواقع " ... قلت " لالا مأبغى أحد يعرفها غيري" .. قال " ليش مالك حق هاذي أنانيه من جد " ..
وفجاءه
طووووووووط .... " ياغبي ماتشوف وراك تحذف موترك علي" ...طلع البزر الي طلع من صدري الله يهديه ساد المرايه الي على اليمين وحذفت على راعي جمس 84 ... المشكله مع هزت الموتر طاح البزر مع الدريشه في طريق الملك فهد .. مدري وش صار عليه؟؟
رجعت البيت .. وقلت تتدري ياولد والله أن هالبزقه صادق لازم تحط سلسله مواضيع تتكلم فيها عن أفضل مواقع التصميم الي في العالم .. كود بعض الشباب الي في الأقلاع يغيرون تصاميم الحب والمشاهير الي ذبحتهم ... بصراحة أحترت فيه مواقع كثيره رهيبه من جد .. قعدت أفكر وأخترت 4 مواقع .. تعتبر بحق من أقوى وأعظم الأعضاء في مجتمعات التصميم .. وكل مرة بأخذ 4 غيرهم وأحللهم قدامكم ... والي وده يشارك ويجيب عساه على القوه ...
**********************************************
www.k10k.com (http://www.k10k.com)
http://www.surfstation.lu/03/toke/intro.gif
لو سمحت .. بعد أذنك .. ماعليك أمر .. قم وقف .. نعم وقف .. وقف .. أنا ماأستهبل .. أي مصمم يمر عليه الأسم هذا لازم يقوم يوقف أحتراما وتقديرا لهذا الموقع ..
k10k .. هي أختصار لكلمة ..10000 kaliber
في البدايه أحب أقولك هذا الموقع يشرف عليه شخص واحد فقط .. نعم فقط شخص واحد .. وبتتعجب كيف شخص واحد ممكن يسوي الهباااال هذا كله
الشخص هذا أسمه ... TOKEN
تخيل عزيزي القارئ أن هذا الموقع مدعوم وبشكل مباشر من شركة أدوبي نفسها .. تخيل موقع يصلحه شخص واحد تتدعمه شركة مثل أدوبي .. يعني تجي أدوبي تعطيه فلوس وتقول تكفى ياتوكن يرحم أمك خل شعارنا يطلع في موقعك ...
أيضا هذا الموقع .. مدعوم أيضا من شركة أبل .. وطبعا تعرفون أن أجهزة الماكنتوش هي الخيار الأول لجميع المصممين في العالم .. ولو كانت برامج الماكنتوش متوفرة في السعوديه زي برامج الويندوز وكان الدعم لمصممين متوفر هنا زي في الخارج .. مأتوقع أنكم يامعشر المصممين راح تفكرون أنكم تشترون أجهزة البي سي ولو لطرفة عين ..
مااااخلصنا .. تو الناس .. أيضا .. هذا الموقع مستضاف مجانا .. من شركة .. تمبلت ميديا (معبد الوسائط).. هاذي الشركة هي القمه في أستضاقة المواقع لايمكن أن يجد أي شخص مولع بتصميم المواقع شركة أستضافة أفضل من هاذي الشركة .. تصور تستضيف الموقع مجانا مايدفع ولا سنت ...
وش بعد تبون .. أقولكم .. الموقع مدعوم من شركة أدوبي الي هي القمه في برامج التصميم .. ومدعوم من شركة أبل ألي هي القمة في أجهزة التصميم (الكمبيوتر وكل شي ).. ومستضاف مجانا من شركة تمبلت ميديا ... الي أيضا هي القمه في أستضافة المواقع .. وكل هذا الهبال .. لعيون شخص واحد .. فقط مصمم واحد مجنون أسمه توكن ..
وش يدل هذا عليه .. يدل أن هذا الموقع أصبح الأب الروحي لجميع مواقع التصميم .. وأصبح هدف ومطلب أي مصمم .. وأنه بحق هو القائد.
تتوقعون هذا المصمم توكن يجيب قصايد وصور عيون .. ويحطها في تصميم واحد ويحط تحت توقيعه .. ويقول شوفو تصميمي .. ولا يجي يحط في منتديات أبغى فلتر أي كاندي .. أو .. بس شغلته يتعلم برامج جديدة.. ويجاوب على أسئله المصممين .. ويكشف للناس أسرار تصاميمه العظيمه... الجواب متروك لكم
شعار الموقع هو ... DESIGNER LUNCH BOX ... يوجد في هالموقع مئات التصاميم لآفضل المصممين على وجه الأرض .. أي مصمم في العالم يتمنى ويدعي ليل نهار أنه ينحط له تصميم في هذا الموقع ..وهي ماركه مسجله تعني صندوق غداء المصممين يعني كل مصمم من حول العالم من أيطاليا ألى اليابان ألى البرازيل ألى كندا يرسلون أفضل ما سوو من تصاميم فيديو وفلاش وألعاب shockwave لتعرض عنده بموقعه لاحظو ماقلنا فوتوشوب ..
أيضا يصدر من هذا الموقع مجلة أسمها ..DODGE... يصدرها توكن لوحده وهي من أفضل مجلات الي تتكلم عن عالم االبكسل ويمكن الوحيده ...
وهذي المجله زي الحقنه وأبرة الأدمان الشهريه لمصممي البكسل ووتكلم في مقالات ووجهات نظر عن البكسل وما أدراك مالبكسل ..البكسل هذا يا طويل العمر عباره عن ..تذكرون رسم الأتاري من أول والصخر هذا رسم بكسل
لأنه يرسم نقطه.. نقطه ...نقطه ..نقطه وطبعاً رجع هذا الأسلوب بثوب عصري جديد ما يتقنه ألا اللي من جد يقدسون التصميم ويمشي في دمهم وساعة ما تسوي رسمة بكسل على الأصول وبذوق صدقني ما تقدر تبعد عينك عنها من حلاوتها..وجدير بالذكر أن هذي المجله ألكترونيه شهريه تصدر في صيغة ملف فلاش..
أووه نسيت أقول شي ... موقع K10K ... يبي يعود هاذي الأيام بشكل جديد كليا ... وتوكن مسكر الموقع علشان يريح شوي ويعيد تزبيط الموقع .. أصبرو شوي وبتشوفون العجب.(ومن التعب اللي فيه من كثر قعدته على الكمبيوتر يقوللي novaboy أنه شافله صوره يقول هذي لي وأنا في الأجازه لابس overall حق المزارعين الريفيين وجوى حضيره ويعلف الحيوانات يعني أنسان يبي من جد ياخذ نفس ويفرد أعصابه شوي من كثر مالتصميم ما أتعبه )
************************************************
WWW.SURFSTATION.LU (http://WWW.SURFSTATION.LU)
http://www.designiskinky.com/mugshot/mugs4/thomas_surf.jpg
صاحب فكرة ومؤسس السيرف ستيشن
وهذولي بعض المصممين بالسيرف ستيشن من اصل ال 17
http://www.designiskinky.com/mugshot/mugs23/niko.jpg
احد افراد سيرف ستيشن الجدد
http://www.designiskinky.com/mugshot/mugs/ryan.jpg
اطلق انسان ممكن يسوى افلام
http://www.designiskinky.com/mugshot/mugs/RAZ.jpg
احد افراد سيرف ستيشن
وشلون مأغليك .. وأنت الذي علمتني حبك .. ياهاجسي .. عشقي عيونك .. يالله الموقع هذا من بد جميع المواقع له مكانه خاصه .. وتصدقون لو طلع لي جني من درج السيارة .. وقال" شبيك لبيك يابرو أنا الجني بين يديك" .. تتدرون وش بأقوله ... " يرحم أمك كلم ثوماس خله يخليني عضو في السيرف ستيشن" ...
بدأت فكرة هذا الموقع من شاب صغير السن أسمه ثوماس .. بدأ ثوماس يتعلم HTML في عام 1996 وبدأ يتتطور بدأ يصلح مواقع مختلفة الأهداف .. تتطور ثوماس في تصميم المواقع والجرافيكس بسرعه مذهله .. في عام 1999 ناقش خويه يوهان وقاله.." وش رايك نصلح لنا موقع محترم" .. قال يوهان " قدام يلعن أبو ورا" .(طبعاً لاحقاً ذكر يوهان أنه يعتقد بأن قوة شريرة ما قد ألقت بثوماس في طريقه-على حد ما أخبرني به nova boy أثناء أحدى السواليف ). قامو كلمو ثلاثه مصممين أخرين .. وبدأو يصلحون الموقع .. وأي مصمم يقتنعون في قدراته ويحسون أنه مبدع قبل مايكون فنان جرافيكس .. يقبلونه وهم مغمضين .. الأن وصل عدد الأعضاء ألى 17 عضو ..
موقع سيرف ستيشن بحق هو تعريف أخر للأبداع .. كل زاويه فيه تقول أنا الأفضل .. ولنلقي النظر على بعض الزاويا الي فيه ..
فيه زاوية أسمها .. XPERT ADVICES .. في هاذي الزاويه يجيبون بعض أعظم المصممين في مجتمع التصميم . . ويسألونهم ثلاث أسئله .. بس ثلاث أسئله
DO?ا افعل
DO NOT? لاتفعل
INSPIRATION? الالهام
السؤال الأول معناه وش الأشياء الي لازم يسويها المصمم .. السؤال الثاني وش الأشياء الي لازم مايسويها المصمم ... السؤال الثالث وش الأشياء الي تلهمك .. طبعا لاتخفى عليك الفائده الي يجنيها أي مصمم من قراءة هاذي النصائح .
أيضا فيه زاويه أخرى ... أسمها .. TYPESET .. يحطون فيها الخطوط الي هم يصممونها .. وفيه زاويه ثانيه يحطون فيها برشات من تصميمهم.. وفيه زاويه أخرى يحطون فيها تي شيرتات من تصميمهم أيضا .. وفيه زاويه يحطون فيها شعارات من تصميمهم.
أيضا .. فيه زاويه مخصصه لمقابلة فطاحلة المصممين أسمها .. INTERVIEW.. حيث يعلنون عن المصمم الي يبون يقابلونه .. ويحطون اعماله ويعطونك أمكانية أضافة أسئلتك في المقابلة .. طبعا أذا كانت أسئلتك تستاهل حطوها ضمن أسئلة المقابلة.
أيضا .. يستخدمون حركة حلوة .. هي RANDOM SPLASH PAGE .. في كل مرة تتدخل الموقع تلقى تصميم مجنووووون جديد.
من الأشياء الي أذهلتني جدا في هؤلأء المصممين .. أنه بعد حادثة الهجوم على أمريكا الأخيره ب 29 ساعه فقط .. حطو في الموقع زاويه كامله عن الحادثه وحطو عشرات التصاميم عن الحادثه وعن الضحايا .. ألى درجة شكيت أنهم هم الي مسوين الهجوم.
طبعا شعارهم في الموقع ..
IT IS OK IF YOU DON,T GET IT
ومعناها (تراه عادي أذا ما فهمت)
طبعا لاتزعلون منهم .. لأنهم حطو الشعار بعد مابذوهم أطفال الأي كاندي .. الي يسمون أنفسهم مصممين .. كل شوي يقولون ميدهم تصاميمكم بايخه .. ومايدرون أن دكاترة الفن .. تنقلب روسهم أذا ناظرو تصاميم السيرف ستيشن .. من الهبال الي فيها ..
طبعا في الموقع قائمة مراسلات .. وموجود صور لجميع الأعضاء مع نبذ عنهم .. ومشاريعهم .. وصدقوني أشياء كثييييييرة .. ولو فعلا كنت ناوي أعطي سيرف ستيشن حقه .. 10 مواضيع أقل شي .. بس مأبغى أغثكم ..
************************************************
WWW.EVILPUPIL.COM (http://WWW.EVILPUPIL.COM)
http://www.designiskinky.com/mugshot/mugs/yohan.jpg
لالا .. هذا الموقع شي ثاني .. عالم غامض .. أفلام فلاش مبهرة ..أصوات خياليه.. عبقريه في التصميم لأبعد الدرجات .. أبداع في حياكة الألغاز .. شي تعدى القمة من زمااااااان .. وقتل كلمة أبداع وحط بدالها كلمة .. EVILPUPIL
مصمم هذا الموقع .. يوهان .. YOHAN .. من أهم الأعضاء في السيرف ستيشن .. وأفضل مصمم أفلام فلاش شفته في حياتي .. وأفضل شخص رأيته يتعامل مع الأصوات .. أيضا لايمكن تجاهل موهبته الفوتوشوبيه الفذه التي تجلت في موقعه.. المصمم هذا هو المصمم الوحيد في السيرف ستيشن الذي لايحمل أي شهاده .. كل شئ تعلمه بنفسه ..( يذكرني بواحد اعرفه ) وكل شي أبدع فيه وتفنن من دون مساعدة أحد .. كيف قدر؟؟ .. لأنه من جد موهوب ومبدع لأبعد درجه.
تخيل أنه في أحد مواقع التصميم .. حطو منتدى عن EVILPUPIL...نعم منتدى كامل فقط عن هذا الموقع .. يتكلمون عن أساليب حل الألغاز وطرق تصميم الفلاش وكلمات السر الي في هذا الموقع.
طبعا الأن يوهان قبل فترة بسيطه أصدر الأصدار الثالث من الموقع .. نعم هاذى الموقع من فنه كل شوي له أصدار .. وكل أصدار ألعن من الي قبله
طبعا يوجد في المواقع صفحات HELP لحل الألغاز .. صفحات المساعده هذا شي مهوب طبيعي .. أبداع شويه عليها .. وهي مجرد صفحة مساعده لاراحت ولاجت.
أذكر مرة جت مشكله في الموقع (وهي في الحقيقه مهيب مشكله لأن اللي صار أنه تخطى الحد المسموح به نقل البيانات يعني بالفصيح زاروه ناس أكثر من الحجم المسموح وكانو يرسلون الفواتير على عنوان ثاني بالغلط).. وأضطر يوهان أنه يسكره لفتره بسيطه .. يوم سكرة .. حط فلم فلاش صغير مساحته 150KB .. تصدقون أن هذاك الفلم من أروع أفلام الفلاش الي شفتها في حياتي .. يعني الواحد لما يظطر يسكر موقعه يحط صورة صغيرة .. كلام على الماشي .. لكن المبدع هذا .. حط فلم فلاش مهوب طبيعي ومساحته صغيرة .. حتى الأشياء التافهه هاذي مايفوتها يوهان .. كل شي يسوي له تصميم
طبعا ماراح أتكلم عن المواقع هذا كثير ... ليش .. لأنه كله الألغاز وأفلام فلاش لايمكن تقدر توصفها .. وأصوات شي فوق الخيال بكثيير .. رح شفه بس ولايفوتك .. وأذا .. كنت ذكي ومبدع ومصمم متمكن .. بتقدر تمشي في ألغاز هذا الموقع .. وأذا أحد هاذي الشروط ماتوفرت فيك .. ماراح تتعدى السبلاش بيج
************************************************
WWW.82LJ.COM (http://WWW.82LJ.COM)
http://www.designiskinky.com/mugshot/mugs23/ahmed_alothman.jpg
طبعا .. أظن أن بعض المصممين الي أعجبو في المواقع الي فوق .. أصبحو يتوقعون أنك علشان تصير كذا .. لازم تكون جاي من كوكب ثاني .. أو تكون لديك قوة خارقة .. مايدرون أن المسئلة مجرد تعلم برامج جرافيكس .. ومحاولة التصميم بطريقة يكون الأبداع هدفها .. ومليئه بالحس العالي بس .. هاذي هي الخلطة السريه.
وبصراحة حبيت أختم هاذي المواقع بموقع عربي .. من تصميم شاب سعودي مبدع .. طبعا بعضكم يعرف هذا الموقع .. ويعرف أن صاحبه عضو في منتدى الأقلاع .. وممكن يتهمني البعض أني قاعد أسوي لصاحب الموقع دعايه بحكم الصداقه الي بيننا .. لكن أنا راح أثبت لكم أن الموقع هاذي يستاهل أنه ينوضع في القائمه.
أحد أهم المواقع في عالم التصميم .. WWW.DESIGNISKINEKY.NET (http://WWW.DESIGNISKINEKY.NET)
أدخل أي موقع محترف للجرفكس لابد أن تجد لنك لهذا الموقع .. لا زم اذكر بعد انه مستضاف من ميديا تمبلت(معبد الوسائط .. وايضاً عضو فعال مشارك بمؤتمر سيدني لمصممي الفلاش !! ( تصور ) هذا الموقع يعتبر بحق من رواد عالم الجرافكس ..
بالموقع عدة زوايا مميزه منها زاويه لمقابلات شخصيه مع بعض اشهر المصممين على المستوى العالمي .. وزوايا اخرى عديده منها زاويه دروس .. بس موب اية دروس .. شي على كبير ..
و يوجد بعد زاويه في هذا الموقع أسمها The Face Behind The Designومعناتها الوجه خلف التصميم .. حيث يقوم المصممون من أنحاء العالم بأرسال مواقعهم ومن يرون أنه يستاهل بحق يحطون صورته ووصله لموقعه (يعني يعتبرونه من مجتمع التصميم العالمي الحقيقي) وكل فترة يضعون مجموعة جديدة من المصممين .. طبعا .. يوهان .. الي تكلمنا عنه وقلنا أنه صاحب موقع evilpupil موجود أيضا ثوماس صاحب فكرة السيرف ستيشن موجود .. ونص أعضاء السيرف ستيشن موجودين في هذي الزاويه .. يعني بالعربي مايحطون ألا المبدعين فقط .
المصمم السعودي والعربي الوحيد من بين جميع هؤلاء المصممين هو نوفا بوي صاحب موقع 82lj .. لحظة يجب أن تنظر لنقطة مهمه الموقع هاذى مصمم باللغة العربيه .. وتمت أضافته من قبل ناس مايفهمون عربي .. ليش؟؟ ... الله يهديك بس هو الفن له لغة .. أختيار هذى الموقع لم يكن أعتباطيا يوجد في هذا الموقع زاويا رائعه وأساليب تصميم مذهله .. خلونا نستعرضها مع بعض.
كلام : زاوية مقالات متعددة الكتاب ( بما فيهم انا ) .. مبرمجه بالـ asp .. فكره جميله ومليانه مواضيع جداً مفيده .
ماوراء الطبيعه : هذي الزاويه بالذات ما مر علي اي موقع عربي يتطرق لموضوعها وهو الأطباق الطائره وحقيقتها .. فيه مواد من صور وافلام فيديو حقيقيه للتنزيل نادره نادره وخطيره مرَّه يعني صدق فكره جهنميه .. وتعتبر مرجع علمي ايضاّ ..
البيئه المعاديه : المكان الي دايم نشوف فيه الروائع الفلاشيه .. افلام يسويها صاحب الموقع بالفلاش تحمل افكار ومفاهيم واحاسيس رائعه .. تنعرض على شكل مقاطع افلام متحركه .. ومن ينسى الولد انا ولا التحليق بعيداً ولا النداء الأول ولا الأولاد لا يبكون .. ولا غيرها ولا غيرها من الأفكار الرائعه المميزه دوماً ..
فلسطين المحتله : نابع من الحس العالي بالأنتماء للأسلام والحب لأخوانه المسلمين يقدم لنا صاحب الموقع صفحه عن فلسطين المحتله .. جميله ..
وغيرها من الزوايا الأخرى مثل اصل الصوره والحياة من حولنا ...
هذا وبعد ماوصلت لنهاية الموضوع ..
اتمنى يكون فيه احد استفاد من هالكلام ..
ونصيحتى لكل المصممين دايم ناظروا فوق ولا توقفون عند مستوى واحد ولا ترضون بالأقل ..
ولا تعتقد ابد انك الأفضل وحاول تتابع غيرك من المصممين المميزين بالعالم وللنا انشالله رجعه مع مجموعه ثانيه
من المصممين اتكلم عنهم وعن اعمالهم بتفصيل اكبر ..
وكل هذا عشان نكون افضل دايم ...
والباب مفتوح لأراء الجميع وتفاعلهم مع الموضوع .. مع اني اني عارف ان اللغه الأنجليزيه لأغلب هالمواقع ممكن تكون حاجز لكن لازم الواحد يتعب حبتين عشان يستفيد ويتعلم منهم ..
اطيب تحيه لأغلى منتدى ..</font></font></center>
[ 11-18-2001: تم تعديل الموضوع بواسطة : pro603 ]
ألى كل مصمم يعشق الفلاتر والصور ومايقدر يصمم من دونها ...
ألى كل مصمم يحط في الأسبوع 72 تصميم وأخر شي يفكر فيه تتطوير قدراته ...
ألى كل مصمم يحط في الست أشهر نص تصميم قاتل بذلك موهبته ...
ألى كل مصمم وصل به التبجح والغرور أنه فقط يرد على مواضيعه ...
ألى كل مصمم يعتقد أن التصميم هو الفوتوشوب وأن الفوتوشوب هو التصميم ومافيه غيره ...
ألى كل مصمم يتعب علشان يحط مواضيع حلوة وثاني يوم تصميمه في الصفحه الثانيه ...
ألى كل مصمم مبتدئ أطربته صرخات الأعجاب وصدق نفسه وقام يتفلسف وهو مابعد فقس من البيضه ...
ألى كل مصمم ومايبغى يسمع راي غيره... ( أنجريتو؟؟)
ألى كل مصمم يعتقد أن أسم منتدى الرسوم والتصاميم هو منتدى الحب والرومانسيه ...
ألى كل مصمم يبغى يشوف أقوى المصممين على وجه الأرض ...
ألى كل مصمم يبغى يشوف كيف شركة أدوبي تخر على ركبتيها علشان يوافق مصمم واحد أنها تتدعم موقعه ...
ألى كل مصمم يبغى يشوف كيف مجلات التصميم معاد تعرف وش تكتب عن أبداع في بعض المواقع فاق مايمكن أن تعبر به أقلامها ...
ألى كل مصمم يبحث عن المعنى الحقيقي للتصميم ...
أهدى هذا الموضوع
***********************************************
في يوم من الأيام .. ( الظاهر أنه كان يوم أربعاء) .. كنت جالس في محاضرة الفيزياء وماسك خط هواجيس .. سرحان مرة في مايكروميديا ومرة في مايكروسوفت ومرة في حلة العبيد .. والظاهر أن الكرسي الي كنت قاعد عليه كان مستوعب الدرس أكثر مني ..
المهم وانا جالس هز الجوال .. واناظر الي داق ألى أنه واحد زميلي عنده محاضرة في هذا الوقت .. أستغربت وش فيه داق .. دنقت راسي علشان مايشوفني الدكتور .. وقعدت أتكلم بصوت خفيف علشان مايسمعني .
قلت : هاه وش عندك
قال : برو ألحق لايفوتك
قلت : وش عندك
قال : لايفووووتك
قلت : أخلص ياشيخ
قال : سيرف ستيشن زبطوه .. كل شي تغير .. أنواع التصاميم الجديده .. أنواع الزاويا الجديده .. هباااااااال
وقفت وصرخت ... باااالله عليك .. أقسم بالله تتطلع تستهبل أذبحك ..
فجاءه تذكرت أني في المحاضره .. وقف الدكتور شرح وقعد يناظرني .. والطلاب قامو يبحلقون فيني .. والجوال لين الحين عند أذني وخويي لين الحين فاعد يقرقر ..
"what is your proplam??"
قالها الدكتور الباكستاني بصوت عالي .. وهو معصب .. عاد أنا بكل براءه رديت .. "لا.. بس ياطويل العمر سيرف ستيشن زبطوه"... قام يناظرني ويتحمد.. والطلاب ماتو ضحك .. أشر على باب القاعه ... عاد أنا فهمتها .. وتزحلقت.
" طبعا ذكرت هذا الموقف علشان أبري ذمتي .. لأنك أذا طحت في هذا النوع من المواقع بتتدمن عليه .. ويبي يصير لك مواقف أشد من كذا "
نكمل سالفتنا .. طلعت من الجامعه لأقرب مقهى أنترنت .. ( مأقدر أصبر لين أوصل البيت) .. تشوفني في المقهى تقول هذا مجنون .. مغير أصارخ كل مافتحت صفحه جديده .. " ياهووووه أموت علىالتصاميم الي كذا".. رددت هاذي الجمله في المقهى تقريبا 100 مرة .. ألى درجه جاني أبو هنود وذب علي عشرتي .. وقال " قم ظف وجهك ولاعاد أشوفك في ذي الحارة مرة ثانيه"
طلعت من المقهى ورجعت للبيت .. وأنا في الطريق .. فجاءة طلع من صدري طفل أبيض له جناحين وفوق راسه دويره ذهبيه وماسك في يده قيتار مدري عود أو مرواس ... مدري وش أسمه .. المهم ... قام يناظرني ويقول " مالك داعي يابرو من جد مالك داعي هاذي أنانيه المفروض أنك تتدخل الأقلاع وتقولهم عن هاذي المواقع " ... قلت " لالا مأبغى أحد يعرفها غيري" .. قال " ليش مالك حق هاذي أنانيه من جد " ..
وفجاءه
طووووووووط .... " ياغبي ماتشوف وراك تحذف موترك علي" ...طلع البزر الي طلع من صدري الله يهديه ساد المرايه الي على اليمين وحذفت على راعي جمس 84 ... المشكله مع هزت الموتر طاح البزر مع الدريشه في طريق الملك فهد .. مدري وش صار عليه؟؟
رجعت البيت .. وقلت تتدري ياولد والله أن هالبزقه صادق لازم تحط سلسله مواضيع تتكلم فيها عن أفضل مواقع التصميم الي في العالم .. كود بعض الشباب الي في الأقلاع يغيرون تصاميم الحب والمشاهير الي ذبحتهم ... بصراحة أحترت فيه مواقع كثيره رهيبه من جد .. قعدت أفكر وأخترت 4 مواقع .. تعتبر بحق من أقوى وأعظم الأعضاء في مجتمعات التصميم .. وكل مرة بأخذ 4 غيرهم وأحللهم قدامكم ... والي وده يشارك ويجيب عساه على القوه ...
**********************************************
www.k10k.com (http://www.k10k.com)
http://www.surfstation.lu/03/toke/intro.gif
لو سمحت .. بعد أذنك .. ماعليك أمر .. قم وقف .. نعم وقف .. وقف .. أنا ماأستهبل .. أي مصمم يمر عليه الأسم هذا لازم يقوم يوقف أحتراما وتقديرا لهذا الموقع ..
k10k .. هي أختصار لكلمة ..10000 kaliber
في البدايه أحب أقولك هذا الموقع يشرف عليه شخص واحد فقط .. نعم فقط شخص واحد .. وبتتعجب كيف شخص واحد ممكن يسوي الهباااال هذا كله
الشخص هذا أسمه ... TOKEN
تخيل عزيزي القارئ أن هذا الموقع مدعوم وبشكل مباشر من شركة أدوبي نفسها .. تخيل موقع يصلحه شخص واحد تتدعمه شركة مثل أدوبي .. يعني تجي أدوبي تعطيه فلوس وتقول تكفى ياتوكن يرحم أمك خل شعارنا يطلع في موقعك ...
أيضا هذا الموقع .. مدعوم أيضا من شركة أبل .. وطبعا تعرفون أن أجهزة الماكنتوش هي الخيار الأول لجميع المصممين في العالم .. ولو كانت برامج الماكنتوش متوفرة في السعوديه زي برامج الويندوز وكان الدعم لمصممين متوفر هنا زي في الخارج .. مأتوقع أنكم يامعشر المصممين راح تفكرون أنكم تشترون أجهزة البي سي ولو لطرفة عين ..
مااااخلصنا .. تو الناس .. أيضا .. هذا الموقع مستضاف مجانا .. من شركة .. تمبلت ميديا (معبد الوسائط).. هاذي الشركة هي القمه في أستضاقة المواقع لايمكن أن يجد أي شخص مولع بتصميم المواقع شركة أستضافة أفضل من هاذي الشركة .. تصور تستضيف الموقع مجانا مايدفع ولا سنت ...
وش بعد تبون .. أقولكم .. الموقع مدعوم من شركة أدوبي الي هي القمه في برامج التصميم .. ومدعوم من شركة أبل ألي هي القمة في أجهزة التصميم (الكمبيوتر وكل شي ).. ومستضاف مجانا من شركة تمبلت ميديا ... الي أيضا هي القمه في أستضافة المواقع .. وكل هذا الهبال .. لعيون شخص واحد .. فقط مصمم واحد مجنون أسمه توكن ..
وش يدل هذا عليه .. يدل أن هذا الموقع أصبح الأب الروحي لجميع مواقع التصميم .. وأصبح هدف ومطلب أي مصمم .. وأنه بحق هو القائد.
تتوقعون هذا المصمم توكن يجيب قصايد وصور عيون .. ويحطها في تصميم واحد ويحط تحت توقيعه .. ويقول شوفو تصميمي .. ولا يجي يحط في منتديات أبغى فلتر أي كاندي .. أو .. بس شغلته يتعلم برامج جديدة.. ويجاوب على أسئله المصممين .. ويكشف للناس أسرار تصاميمه العظيمه... الجواب متروك لكم
شعار الموقع هو ... DESIGNER LUNCH BOX ... يوجد في هالموقع مئات التصاميم لآفضل المصممين على وجه الأرض .. أي مصمم في العالم يتمنى ويدعي ليل نهار أنه ينحط له تصميم في هذا الموقع ..وهي ماركه مسجله تعني صندوق غداء المصممين يعني كل مصمم من حول العالم من أيطاليا ألى اليابان ألى البرازيل ألى كندا يرسلون أفضل ما سوو من تصاميم فيديو وفلاش وألعاب shockwave لتعرض عنده بموقعه لاحظو ماقلنا فوتوشوب ..
أيضا يصدر من هذا الموقع مجلة أسمها ..DODGE... يصدرها توكن لوحده وهي من أفضل مجلات الي تتكلم عن عالم االبكسل ويمكن الوحيده ...
وهذي المجله زي الحقنه وأبرة الأدمان الشهريه لمصممي البكسل ووتكلم في مقالات ووجهات نظر عن البكسل وما أدراك مالبكسل ..البكسل هذا يا طويل العمر عباره عن ..تذكرون رسم الأتاري من أول والصخر هذا رسم بكسل
لأنه يرسم نقطه.. نقطه ...نقطه ..نقطه وطبعاً رجع هذا الأسلوب بثوب عصري جديد ما يتقنه ألا اللي من جد يقدسون التصميم ويمشي في دمهم وساعة ما تسوي رسمة بكسل على الأصول وبذوق صدقني ما تقدر تبعد عينك عنها من حلاوتها..وجدير بالذكر أن هذي المجله ألكترونيه شهريه تصدر في صيغة ملف فلاش..
أووه نسيت أقول شي ... موقع K10K ... يبي يعود هاذي الأيام بشكل جديد كليا ... وتوكن مسكر الموقع علشان يريح شوي ويعيد تزبيط الموقع .. أصبرو شوي وبتشوفون العجب.(ومن التعب اللي فيه من كثر قعدته على الكمبيوتر يقوللي novaboy أنه شافله صوره يقول هذي لي وأنا في الأجازه لابس overall حق المزارعين الريفيين وجوى حضيره ويعلف الحيوانات يعني أنسان يبي من جد ياخذ نفس ويفرد أعصابه شوي من كثر مالتصميم ما أتعبه )
************************************************
WWW.SURFSTATION.LU (http://WWW.SURFSTATION.LU)
http://www.designiskinky.com/mugshot/mugs4/thomas_surf.jpg
صاحب فكرة ومؤسس السيرف ستيشن
وهذولي بعض المصممين بالسيرف ستيشن من اصل ال 17
http://www.designiskinky.com/mugshot/mugs23/niko.jpg
احد افراد سيرف ستيشن الجدد
http://www.designiskinky.com/mugshot/mugs/ryan.jpg
اطلق انسان ممكن يسوى افلام
http://www.designiskinky.com/mugshot/mugs/RAZ.jpg
احد افراد سيرف ستيشن
وشلون مأغليك .. وأنت الذي علمتني حبك .. ياهاجسي .. عشقي عيونك .. يالله الموقع هذا من بد جميع المواقع له مكانه خاصه .. وتصدقون لو طلع لي جني من درج السيارة .. وقال" شبيك لبيك يابرو أنا الجني بين يديك" .. تتدرون وش بأقوله ... " يرحم أمك كلم ثوماس خله يخليني عضو في السيرف ستيشن" ...
بدأت فكرة هذا الموقع من شاب صغير السن أسمه ثوماس .. بدأ ثوماس يتعلم HTML في عام 1996 وبدأ يتتطور بدأ يصلح مواقع مختلفة الأهداف .. تتطور ثوماس في تصميم المواقع والجرافيكس بسرعه مذهله .. في عام 1999 ناقش خويه يوهان وقاله.." وش رايك نصلح لنا موقع محترم" .. قال يوهان " قدام يلعن أبو ورا" .(طبعاً لاحقاً ذكر يوهان أنه يعتقد بأن قوة شريرة ما قد ألقت بثوماس في طريقه-على حد ما أخبرني به nova boy أثناء أحدى السواليف ). قامو كلمو ثلاثه مصممين أخرين .. وبدأو يصلحون الموقع .. وأي مصمم يقتنعون في قدراته ويحسون أنه مبدع قبل مايكون فنان جرافيكس .. يقبلونه وهم مغمضين .. الأن وصل عدد الأعضاء ألى 17 عضو ..
موقع سيرف ستيشن بحق هو تعريف أخر للأبداع .. كل زاويه فيه تقول أنا الأفضل .. ولنلقي النظر على بعض الزاويا الي فيه ..
فيه زاوية أسمها .. XPERT ADVICES .. في هاذي الزاويه يجيبون بعض أعظم المصممين في مجتمع التصميم . . ويسألونهم ثلاث أسئله .. بس ثلاث أسئله
DO?ا افعل
DO NOT? لاتفعل
INSPIRATION? الالهام
السؤال الأول معناه وش الأشياء الي لازم يسويها المصمم .. السؤال الثاني وش الأشياء الي لازم مايسويها المصمم ... السؤال الثالث وش الأشياء الي تلهمك .. طبعا لاتخفى عليك الفائده الي يجنيها أي مصمم من قراءة هاذي النصائح .
أيضا فيه زاويه أخرى ... أسمها .. TYPESET .. يحطون فيها الخطوط الي هم يصممونها .. وفيه زاويه ثانيه يحطون فيها برشات من تصميمهم.. وفيه زاويه أخرى يحطون فيها تي شيرتات من تصميمهم أيضا .. وفيه زاويه يحطون فيها شعارات من تصميمهم.
أيضا .. فيه زاويه مخصصه لمقابلة فطاحلة المصممين أسمها .. INTERVIEW.. حيث يعلنون عن المصمم الي يبون يقابلونه .. ويحطون اعماله ويعطونك أمكانية أضافة أسئلتك في المقابلة .. طبعا أذا كانت أسئلتك تستاهل حطوها ضمن أسئلة المقابلة.
أيضا .. يستخدمون حركة حلوة .. هي RANDOM SPLASH PAGE .. في كل مرة تتدخل الموقع تلقى تصميم مجنووووون جديد.
من الأشياء الي أذهلتني جدا في هؤلأء المصممين .. أنه بعد حادثة الهجوم على أمريكا الأخيره ب 29 ساعه فقط .. حطو في الموقع زاويه كامله عن الحادثه وحطو عشرات التصاميم عن الحادثه وعن الضحايا .. ألى درجة شكيت أنهم هم الي مسوين الهجوم.
طبعا شعارهم في الموقع ..
IT IS OK IF YOU DON,T GET IT
ومعناها (تراه عادي أذا ما فهمت)
طبعا لاتزعلون منهم .. لأنهم حطو الشعار بعد مابذوهم أطفال الأي كاندي .. الي يسمون أنفسهم مصممين .. كل شوي يقولون ميدهم تصاميمكم بايخه .. ومايدرون أن دكاترة الفن .. تنقلب روسهم أذا ناظرو تصاميم السيرف ستيشن .. من الهبال الي فيها ..
طبعا في الموقع قائمة مراسلات .. وموجود صور لجميع الأعضاء مع نبذ عنهم .. ومشاريعهم .. وصدقوني أشياء كثييييييرة .. ولو فعلا كنت ناوي أعطي سيرف ستيشن حقه .. 10 مواضيع أقل شي .. بس مأبغى أغثكم ..
************************************************
WWW.EVILPUPIL.COM (http://WWW.EVILPUPIL.COM)
http://www.designiskinky.com/mugshot/mugs/yohan.jpg
لالا .. هذا الموقع شي ثاني .. عالم غامض .. أفلام فلاش مبهرة ..أصوات خياليه.. عبقريه في التصميم لأبعد الدرجات .. أبداع في حياكة الألغاز .. شي تعدى القمة من زمااااااان .. وقتل كلمة أبداع وحط بدالها كلمة .. EVILPUPIL
مصمم هذا الموقع .. يوهان .. YOHAN .. من أهم الأعضاء في السيرف ستيشن .. وأفضل مصمم أفلام فلاش شفته في حياتي .. وأفضل شخص رأيته يتعامل مع الأصوات .. أيضا لايمكن تجاهل موهبته الفوتوشوبيه الفذه التي تجلت في موقعه.. المصمم هذا هو المصمم الوحيد في السيرف ستيشن الذي لايحمل أي شهاده .. كل شئ تعلمه بنفسه ..( يذكرني بواحد اعرفه ) وكل شي أبدع فيه وتفنن من دون مساعدة أحد .. كيف قدر؟؟ .. لأنه من جد موهوب ومبدع لأبعد درجه.
تخيل أنه في أحد مواقع التصميم .. حطو منتدى عن EVILPUPIL...نعم منتدى كامل فقط عن هذا الموقع .. يتكلمون عن أساليب حل الألغاز وطرق تصميم الفلاش وكلمات السر الي في هذا الموقع.
طبعا الأن يوهان قبل فترة بسيطه أصدر الأصدار الثالث من الموقع .. نعم هاذى الموقع من فنه كل شوي له أصدار .. وكل أصدار ألعن من الي قبله
طبعا يوجد في المواقع صفحات HELP لحل الألغاز .. صفحات المساعده هذا شي مهوب طبيعي .. أبداع شويه عليها .. وهي مجرد صفحة مساعده لاراحت ولاجت.
أذكر مرة جت مشكله في الموقع (وهي في الحقيقه مهيب مشكله لأن اللي صار أنه تخطى الحد المسموح به نقل البيانات يعني بالفصيح زاروه ناس أكثر من الحجم المسموح وكانو يرسلون الفواتير على عنوان ثاني بالغلط).. وأضطر يوهان أنه يسكره لفتره بسيطه .. يوم سكرة .. حط فلم فلاش صغير مساحته 150KB .. تصدقون أن هذاك الفلم من أروع أفلام الفلاش الي شفتها في حياتي .. يعني الواحد لما يظطر يسكر موقعه يحط صورة صغيرة .. كلام على الماشي .. لكن المبدع هذا .. حط فلم فلاش مهوب طبيعي ومساحته صغيرة .. حتى الأشياء التافهه هاذي مايفوتها يوهان .. كل شي يسوي له تصميم
طبعا ماراح أتكلم عن المواقع هذا كثير ... ليش .. لأنه كله الألغاز وأفلام فلاش لايمكن تقدر توصفها .. وأصوات شي فوق الخيال بكثيير .. رح شفه بس ولايفوتك .. وأذا .. كنت ذكي ومبدع ومصمم متمكن .. بتقدر تمشي في ألغاز هذا الموقع .. وأذا أحد هاذي الشروط ماتوفرت فيك .. ماراح تتعدى السبلاش بيج
************************************************
WWW.82LJ.COM (http://WWW.82LJ.COM)
http://www.designiskinky.com/mugshot/mugs23/ahmed_alothman.jpg
طبعا .. أظن أن بعض المصممين الي أعجبو في المواقع الي فوق .. أصبحو يتوقعون أنك علشان تصير كذا .. لازم تكون جاي من كوكب ثاني .. أو تكون لديك قوة خارقة .. مايدرون أن المسئلة مجرد تعلم برامج جرافيكس .. ومحاولة التصميم بطريقة يكون الأبداع هدفها .. ومليئه بالحس العالي بس .. هاذي هي الخلطة السريه.
وبصراحة حبيت أختم هاذي المواقع بموقع عربي .. من تصميم شاب سعودي مبدع .. طبعا بعضكم يعرف هذا الموقع .. ويعرف أن صاحبه عضو في منتدى الأقلاع .. وممكن يتهمني البعض أني قاعد أسوي لصاحب الموقع دعايه بحكم الصداقه الي بيننا .. لكن أنا راح أثبت لكم أن الموقع هاذي يستاهل أنه ينوضع في القائمه.
أحد أهم المواقع في عالم التصميم .. WWW.DESIGNISKINEKY.NET (http://WWW.DESIGNISKINEKY.NET)
أدخل أي موقع محترف للجرفكس لابد أن تجد لنك لهذا الموقع .. لا زم اذكر بعد انه مستضاف من ميديا تمبلت(معبد الوسائط .. وايضاً عضو فعال مشارك بمؤتمر سيدني لمصممي الفلاش !! ( تصور ) هذا الموقع يعتبر بحق من رواد عالم الجرافكس ..
بالموقع عدة زوايا مميزه منها زاويه لمقابلات شخصيه مع بعض اشهر المصممين على المستوى العالمي .. وزوايا اخرى عديده منها زاويه دروس .. بس موب اية دروس .. شي على كبير ..
و يوجد بعد زاويه في هذا الموقع أسمها The Face Behind The Designومعناتها الوجه خلف التصميم .. حيث يقوم المصممون من أنحاء العالم بأرسال مواقعهم ومن يرون أنه يستاهل بحق يحطون صورته ووصله لموقعه (يعني يعتبرونه من مجتمع التصميم العالمي الحقيقي) وكل فترة يضعون مجموعة جديدة من المصممين .. طبعا .. يوهان .. الي تكلمنا عنه وقلنا أنه صاحب موقع evilpupil موجود أيضا ثوماس صاحب فكرة السيرف ستيشن موجود .. ونص أعضاء السيرف ستيشن موجودين في هذي الزاويه .. يعني بالعربي مايحطون ألا المبدعين فقط .
المصمم السعودي والعربي الوحيد من بين جميع هؤلاء المصممين هو نوفا بوي صاحب موقع 82lj .. لحظة يجب أن تنظر لنقطة مهمه الموقع هاذى مصمم باللغة العربيه .. وتمت أضافته من قبل ناس مايفهمون عربي .. ليش؟؟ ... الله يهديك بس هو الفن له لغة .. أختيار هذى الموقع لم يكن أعتباطيا يوجد في هذا الموقع زاويا رائعه وأساليب تصميم مذهله .. خلونا نستعرضها مع بعض.
كلام : زاوية مقالات متعددة الكتاب ( بما فيهم انا ) .. مبرمجه بالـ asp .. فكره جميله ومليانه مواضيع جداً مفيده .
ماوراء الطبيعه : هذي الزاويه بالذات ما مر علي اي موقع عربي يتطرق لموضوعها وهو الأطباق الطائره وحقيقتها .. فيه مواد من صور وافلام فيديو حقيقيه للتنزيل نادره نادره وخطيره مرَّه يعني صدق فكره جهنميه .. وتعتبر مرجع علمي ايضاّ ..
البيئه المعاديه : المكان الي دايم نشوف فيه الروائع الفلاشيه .. افلام يسويها صاحب الموقع بالفلاش تحمل افكار ومفاهيم واحاسيس رائعه .. تنعرض على شكل مقاطع افلام متحركه .. ومن ينسى الولد انا ولا التحليق بعيداً ولا النداء الأول ولا الأولاد لا يبكون .. ولا غيرها ولا غيرها من الأفكار الرائعه المميزه دوماً ..
فلسطين المحتله : نابع من الحس العالي بالأنتماء للأسلام والحب لأخوانه المسلمين يقدم لنا صاحب الموقع صفحه عن فلسطين المحتله .. جميله ..
وغيرها من الزوايا الأخرى مثل اصل الصوره والحياة من حولنا ...
هذا وبعد ماوصلت لنهاية الموضوع ..
اتمنى يكون فيه احد استفاد من هالكلام ..
ونصيحتى لكل المصممين دايم ناظروا فوق ولا توقفون عند مستوى واحد ولا ترضون بالأقل ..
ولا تعتقد ابد انك الأفضل وحاول تتابع غيرك من المصممين المميزين بالعالم وللنا انشالله رجعه مع مجموعه ثانيه
من المصممين اتكلم عنهم وعن اعمالهم بتفصيل اكبر ..
وكل هذا عشان نكون افضل دايم ...
والباب مفتوح لأراء الجميع وتفاعلهم مع الموضوع .. مع اني اني عارف ان اللغه الأنجليزيه لأغلب هالمواقع ممكن تكون حاجز لكن لازم الواحد يتعب حبتين عشان يستفيد ويتعلم منهم ..
اطيب تحيه لأغلى منتدى ..</font></font></center>
[ 11-18-2001: تم تعديل الموضوع بواسطة : pro603 ]