عفريت علاء الدين قالي:معصي

[المدغبجة]

في يوم الاربعاء من كل اسبوع نروح انا واهلي للشاليه الخاص فينا
اول ما اشتريناه انبسطنا وفرحنا لاننا كنا صغار
والبحر والرمل والشمس شيء يوسع الصدر
بس كل مانكبر يوم عن يوم تقل فرحتنا اذا رحنا له الاسباب اكيد تعرفونها

الدباب البحري ممنوع للبنات في الصبح من الاهل لان الشباب ما يتركون فرصة
والليل ممنوع من الحكومة.

انزل البحر اسبح مالك امل لانه حتى لوانه فاضي الدرابيل موجودة عند كل شباك.


وصديقاتنا ما يجون لانه بعيد والطريق ينخاف منه..وان جوا مع اهلهم في السنه مرة كان ثالث عيد بالنسبة لنا
الحقيقة انا اصبر نفسي وقول..احمدي ربك الله يرحم ايام منول يوم كنا نفرح بروحتنا للكورنيش ونلعب في المراجيح الخشبية.
بس ولو مليت المهم اخر مرة بالطقاق والهوشة رحت وما امدى صلاة العشا تخلص الا انا في سابع نومة
<<<<-----اذا طفشت نامت مريحة اهلها

وتنبهت الساعة ثنتين بعد نص اللليل اتقلب اتقلب خلاص طار النوم
قمت ونزلت امغط رجيلاتي على الشط طبعا الهواء عليل وقمرة وصوت الموج ... تقل اني ركدت شوي وراح الملل وضيقة الصدر.
جلست على الشط وقعدت اهوجس والعب في الرمل
واحفر ............. شوي شوي مادريت الا يدي خابطة في شيء يا ربي وش ذا؟؟
اسحبه واموت من الضحك على شكله ...قمت ا ضحك طريقة ماهيب طبيعية و قمت اسمي على روحي
خفت لا اكون استخفيت
طلع زي مصباح علاء الدين ماادري هو مصباح هو بريق
ما ادري وشو!! المهم بعد ما مسحت دموعي (من الضحك)
قلت خلني امسحه زي علاء الدين يمكن يطلع شيء ومسحته وانا اضحك
ما طلع شيء ... قمت اقلبه ولقيت على جنب كتابة ما ادري وش هي ما ادري باي لغة شكلها
(MADe In)
ما قد شفتها احاول اقراها ما قدرت قمت مسحتها بقوة مادريت الا الدخاخين تطلع والوان(بنفسجي وازرق واخضر)
قمت هالمرة اضحك واصيح من الروعة وش ذا وصوتي اختفى ما اقدر انادي احد

ما دريت الا يطلع لي العفريت
شبيك لبيك يا سارة عبدك وبين اديك
ما رديت عليه من الخوف اظني بلعت لساني
شكله بقذلة واصلة نص ظهره ومشقرها بعد ووحاط زمام في خشمه ولسانه لاحكى لسانين ولونه رشادي(من الرشاد)
تخيلوا الشكل
قام قال مرة ثانية شبيك لبيك يا سارةعبدك بين اديك
بس هالمرة قالها وهو يرقص عضلاته وحواجبه ويلفح .
قمت تشجعت ورديت عليه:كلنا عبيد لله بس الله يسلمك ارجع لبريقك

قام يبتسم انا صراحة ابتسامته سحرتني اسنونه مرتبه وبيضة
<<<-----نقطة ضعفها
والحقيقة تاملت عيونه فيها حنان وسحر عجيب
اطمنت هاللحظة
قالي :اطلبي لا يردك الا لسانك انتي حررتيني تراني ما طلعت من هالابريق اللعين الا اليوم من بعد علاء الدين انت اسرتيني بهالجميل


قال:اطبي وتنقي بس طلب واحد ترى ايام الطفرة ولت
(هو كان مطمئن يقول ان علاء الدين وهو ولد في ذاك الزمن كان همه ياسمين وش تبي هالبنية وفي السعودية اكيد تبي يا عريس يا اسئلة اختبار يا سفرة يا حفلة تخرج )
قال :اامري يا سارة
قلت له:اي طلب اي طلب؟؟
قال :اي شي..... وبعدين لا تزودينها يالله اخلصي ترى لو اطلعت الشمس مانتيب شايفتني بروح اشوفها لي كم سنة محرووووووووووووووووووم
(طبعا هو بعد ما اخذ علي وصار يمون صار يحكي بالنجدي وترك الطريقة القديمة)
قلت له بعد فترة تفكير: يا عفريت ابيك توديني لمدينة
المجتمع فيها كله مسلمين ما فيها حروب ولا اذية والقلوب نقية ومتسامحين كل مين ماخذ حقة وكل مين حر ما فيها ظلم ولا نفاق.

قالي:صعبة يا سارة لازم تكافحين وتنشرين الدين
ولازم تشوفين الشر عشان تتمسكين بالخير
سكت
شوي وقلت:عفريت ودي اروح قرية فيها الرجل يحترم المرأة كانسان
قال:وش لون؟؟
قلت :ابي هالقرية الرجل يعرف انه زي المرأة
قال:عشتوا!!!!! وش هالخرابيط؟؟
تبين تغير سنة الحياة؟؟
قلت له:خلني اكمل ابي الرجل يعرف اني وهو كلنا من طين وكلنا من روح بعد
ابيه يعرف ان الله عادل اذا المرأة غلطت واذنبت ذنبها هو هو ذنب الرجل
واذا احسنت الحسنة اللي بتاخذها هي حسنة من نفس النوع اللي ياخذه الرجل واننا مسؤولين اما م الله عن عمارة الارض ونمائها
يعني امام الله واحد فمن اولى اننا نكون على الارض واحد.

قال:سارة صعبة هذي يبغالها سنين وسنين عشان نزرعها ونغرسها وننميها
انتي اماك مبسوطة عند اهلك وابوك فاهمك وش تبين بهالغثا؟؟
الطلب هذا سارة مرفوض.

قال: ورى ما تقولين ابي عريس؟؟؟
مهوب احسن؟؟
تستقرين ويصير عندك عيال تلهين فيهم وتشوفينهم يكبرون ويطامرون قدامك
قلت له طيب: تجيبلي؟؟
قال (وهو مبسوط بيفتك): من عيوني ابشري
وش المواصفات؟؟؟
قلت له :سلامتك بس ابيه يا من هذيك المدينة او من هذيك القرية.
مادريت الا لونه تحول الى لون الفصفص (افتح من اللون السابق بدرجتين) وشلون وليش ماادري!!

سكت
بعد شوي رجع للونه الاصلي وابتسم وجاء جلس جنبي قالي اطلبي طلب زين يا سارة
قلت له : ودي اسوق ...تخليني اسوق؟؟؟
قالي: سارة الحقيقة السيارات هالعصر مااعرفلها انا بساط السحري ويخب تبينه؟؟
قلت له: مشكوووووور لا
قال :ازين اصلا ماادري وينه

قلت له ودي :ادرس علوم البحر اوالفلك والنجوم
او الصحافة والنشر او القانون
قالي: وش جاب لجاب؟؟
قلت له: كلها حرية وانطلاق.
قال :سارة اقول اسكتي هذي اشغال ما تنفع الا للرجال وش تبين بها؟؟؟ مالك جلادة عليها
قلت :بس ودي
قال:لالالالا

سكت
قالي :بروح اغسل قذلتي بالبحر تكونين قررتي وش تبين اما اللي قلتيه كله مرفوض
اطلبي يا سوسو شيء معقول

قمت قلت :طيب
مر وقت ولقيت وش ابي ركضت عنده قلت له
عفروتي يا عفروتي(صرنا نمون على بعض)
قال:هلا
قلت ممكن تخليني رجل بس ليوم واحد؟؟
واسوي كل اللي ابي
كل ما اقولك شيء تقولي لا لا ..هالطلب ارجوك قل ايه الله يسلمك لا ترفض
قال:مانيب قايل لا هالمرة

بقول: معصي
وطير عيونه

سكت وعطيته ظهري وهو بعد عطاني ظهره ومر الوقت
وقربت الشمس تطلع
قالي:سارة

قلت له نعم وان زعلانة بالمصري(مكلضمة)
قالي : سارة قربت الشمس تطلع يالله اطلبي خليني انطلق اشوف حريتي وانبسط
اطلبي وخلصيني تراي مليت
قلت له: ما ابي شيء
سكت قال: لازم
قلت له( بعد ما طقيتها هواجيس)
اسمع عفروتي
قالي :هلا يا عيون عفروتي يا بعد قذلة عفروتي

قلت :ممكن ترجع من جديد في المصباح وامسح عليه وتطلع عشان اعيش الدور؟؟ لاني ودي اطلب اول ماتطلع الصراحة مستحية الحين منك وودي اعيش الوضع ارجوك و بعد ودي تنسى كل اللي صار والطلبات اللي طلبتها .
قال :سارة صعبة
قلت : الله يعافيك
قال :ما اقدر مااقدر الاسر صعب
قلت له :عشان سوسو
قال : طيب انا ماادري ليش ما اقدر اقولك لا او ارفض لك طلب .
ورجع وقفلت عليه
وكانت الشمس توها تبي تطلع
ورحت للسقالة
ورميته بعيييييييييييييييييييييد وسط البحر
وقلت له:
ما نفعت علا ء الدين الا بياسمين
وما طلعت لي الا انا ... من بعد هذيك الايام والسنين

عساك ما تطلع ولا يوم الدين
قل اميييييييييييييين
وشوي مادريت الا صوت يناديني
سارة وش منومك على الرمل؟؟؟
قلت:لا ابد يوما بس من ضيقة الصدر
قالت: قومي بس تعوذي من الشيطان وتعالي افطري
قلت لها اسبقيني هذاي جاية وراك
وراحت والتفت للبحر وضحكت
ومرمن قدامي دباب بحري
ونورس
والشمس

[ 06-06-2001: تم تعديل الموضوع بواسطة : المدغبجة ]

[صغنطوط]

<center>
موضوع تحفه رائع
مدغبجه اقول وراه صار يمون ذا الجني
بس الحوار قسم بالله قمه ضحكت فيه لين امنت :D
---
عزيزتي موضوعك تطرق لأشياء كثير كلنا نبيها
وصدقيني الي قاله الجني صح وطلباتك يبيلها
تعب عشان توصلين لها... لو كل واحد فرك مصباح
كان لقيتينا بين ايه و لأ حتى بأشارة من العين
نتعيجز.

موضوع قمه احييكي... :D

زغنطوط
</center>

[المدغبجة]

زغنطوط
مشكووووووووووووووووووووووور
الله يسلمك
بس هذا في النهاية طلع حلم
مشكوووووور والله

[صدى]

ياهلا باختي المدغبجه :) ياحبيلك ياشيخه :)
عندي احساس قوي انك وحده من بنات عمي :)
وفكرتك اكثر من رائعه . :)
ودمك خفيف حواركم انتي وعفروتي يهبل :)
بس انتبهي ترى الشاليهات مسكووووونه <IMG SRC="cwm23.gif" border="0">
مسكونه شياطين جن وشياطين انس ;)
لا تطلعين الحالك ابد....
اسمعي اعطيك افكار اذا قفلت معك ومليتي جيبي كرسي وحطيه في وسط البحر في الليل :)..
وقعدي عليه ...ماتصدقين والله ياهو روعه :)
شي خيالي عاد تكونين طابعه لك كم موضوع من الجاده :) منهم موضوعي اللي اسمه عقرب في راسها :)
&lt;===تسوي دعايه :)
وخلي بنات افكارك يسرحون مع هالمقلعين والمقلعات :)
شكلي طلعت عن الموضوع بس ماعلينا :)
اسمعي انا لاحظت انك حيرتي عفريتك الصراحه انتي نفسك ماكنتي داريه وش تبين :)
ماحددتي افكارك ...اغلب طلباتك كانت تندرج تحت عنوان واحد اللي هو حقوق المراءه ..
وانتي لخصتي غلطتنا يالبنات اننا ماندري وش نبي بالضبط...
احييك يالغاليه :)
اختك الصيد...

[الونيس]

<center><font size="4">المدغبجة
الحمد لله اني قارين الموضوع بالنهار
:D
وخيك يخاف من الجن
:D
تعقد
جدته مزنه ما تسبحن عليه يومه صغير الا عن الجن
:D
والحقيقة
انك موصلة جيدة لأفكار جيلك
من الفتيات المدغبجات وغير المدغبجات
ولأن بعض الأشياء
اللي تداعب احلامك واحلام غيرك مستحيلة
اعتذر السيد مارد عن حلها
شفتي عاد؟
حتى الجني ما قدر على حل بعض مشاكلنا
:D
المدغبجة
فعلا حنا نحتاج لمارد
حتى يزيح عن كواهلنا بعض الهموم
ويحاول انه يدفعنا دفع للتفكير في المعقول وغير المعقول من قضايانا
:D
فيه اشياء كثيرة حنا نتمسك فيها رغم ان مالها علاقة بأي ثابت من الثوابت
المدغبجة
الله يغربل شيطانك
انتي وفانوسك السحري
خليتي الواحد يقول كلام راح يندم عليه بعدين
:D
تعرفين
في النهاية بعض الناس
كتلة من التناقضات
يوافقون وما يوافقون
ويعترضون وما يعترضون
:D
وسلامتك من الغباء
بس أنا ما زلت بليد في دروس التعبير
وتوصيل المعلومة دون مواربة
((حلها عاد وشي مواربة هذي منين طلعت لي ..))
خخخخخخخخخخخخخخخخخخخخ</font></center>

[مجموعه انسان]

ودي اقولك شي كم جلستي تكتبين هذا الموضضوع من يووووم

خ خ خ خ خ خ خ خ خ خ
نمت وانا اقراه تعبت

الله يوفقك وخيتي المدغبجه ومزيدا من اللمعان والتقدم

<MARQUEE>مجموعه انسان</MARQUEE>

[رنومه]

مبدددددددددددددددددددددددعه مدغبجه

الاسلوب رائع :)

السرد رائع :)

الفكره رائعه :)

القصه مشوقه كثير............ مع انهاتحكي واقع محزن نعيشه :(

للميزه مافيها كلام ;) :)

&lt;&lt;&lt;&lt;&lt;&lt;&lt;&lt;&lt;&lt; صرت ادل المميزه تبيني اخذك معي :D :D

يعطيك العافيه حبيبتي وننتظر لمزيد <IMG SRC="cwm37.gif" border="0"> ;)

[الطير]

للرفع وبارجع ارد ثانيه ان شاء الله ورايح الموضوع للمميزه رايح ان شاء الله والله لايعوق بشر :)
برايفت المدغبجه : انتي مبددددددددعه :)

[Ranz!sa]

هلا المدغبجه ... :D
تسلمين والله
حركتي مشاعري بملعقتك :(
إنتي عندكم بحر .. وش تقولين للي عايشين بالصحراء ..
إذا طلعنا البر ... أول ماتقومين جعلك قايمه تشربين مويه
تجيك صرخه .. من قوتها ماتدرين وين مصدرها .. على وين يابنت انثبري هنا ..
وأنا عاد مصلحه فاهمه أقول .. والله بأروح أطلق رجيلاتي ..
أها بس أقعدي ماتشوفين الشباب إلي جنبنا ..
طبعا أنا ماأحب أجادل في شئ ... أعرف إني الخسرانه فيه :(
وتطورنا شوي وطلعت لنا حركه الاستراحات الله يالاستراحات أموت فيها خاصه المسبح ...
لكن فيه شروط وقوانين .. والله كاننا طالعين لحالنا أو مع ناس ماعندهم أولاد كبار عز الله سبحنا لين نطلع إلي في روسنا لكن إذا كل الشباب حاضرين معنا ... :( فإحلمي بالمسبح
لكن عاد الله يسلمس هذا المكتوب .. ولو قارنا نفسنا ببنات كثير من العالم كله بنلقى إننا أحسن الموجودين على الأقل إنا مسلمين ...
صح والله أنا أبي أوسع صدري .. لكن هل وجدت الحل وقلت لا .. إذا لقيته ماراح .. أتركه لما أنفذه ..
أبيك بطلب قولي تم ...
بيني وبينك .. ياأم الطلبات .. وين مكان الابريق بالتحديد ؟؟؟؟؟؟ أبي الجواب بأسرع مايمكن .. خليني أطلب طلب زين مو طلباتك التعجيزيه .. مسيكين حيرتيه .. هالعفريت .. :D
... بس الله لو تكون ذيك المدينه موجوده :) :)
.. لكنها موجوده بعقولنا وإن شاء الله بتترجم لواقع :) :) :)
تفائلو بالخير تجدوه ....
وسلامت بؤك :D

[it's me]

<font color="Blue">اختى الرائعة..
المدغبجة...

بعض الاحلام...حديث نفس...
ومااكثر ماتتمناه النفس..
ولايبق من كلام..
سوى ان اذكر نفسي..
ان الامنيات قد تتحقق...لكن اتمنى ان يكون فيها خيرا لنا..

عزيزتى...
افكارك حلوة..
اسلوبك سهل وسلس..
ماشاء الله عليك..
الله يسلم هاليدين وقولى اميييين..
وابعتى لنا واحد علاء الدين...نجرب... :)
الله يحقق امانينا..</font>

[المدغبجة]

صيد
هلا و وغلا ترى خلاص بناديك يا بنت عمي
&lt;&lt;&lt;&lt;----ما صدقت
اختي ليش افكاري ماهيب مرتبة؟؟؟
انا حددت اشياء عامة ببنت في وطنا وكل مرة تقل هالطلبات اللي تطلبها من العفريت وبعدين كان مفاجاة بالنسبة لها
&lt;&lt;&lt;&lt;------منسجمة بقوة
استحالة احدد كل شيء او اذكر الطفولة او الفقر او المرض او اي شيء ثاني انا تقريبا في كل موضوع اناقش قضايا بس اكيد قضية المرأة تهمني بالدرجة الاولى
شرفني انك من اول الردود
وودي نتواصل دائما


الونيس
((فيه اشياء كثيرة حنا نتمسك فيها رغم ان مالها علاقة بأي ثابت من الثوابت))
اعجبتها هالعبارة بقوووووووووووووة
تسلم عليها
وانا هالقصة من اثار جدتي مزتة
:D

اما مواربة قوية هههههههههههه
تسلم اخوي

مجموعة الانسان
هلااااااا وغلاااااا
شرفتني والله بردك


رنومة
هلااااا وغلاااااا يا حبيني لك
مشكورة والله ترفعين معنوياتي
والله ما تدرين وش كثر انبسطت بردك
اشوى ان افكارنا متقاربة
ويحق لك تدلين المميزة تستاهلينها والله

الطير
اخيرا وقعت في موضوع من مواضيعي
&lt;&lt;&lt;----تنتظر ردك واذا البردان يرد وبيقية المشرفين
ههههههههههههههههه

اخوي وش يعني للرفع؟؟؟
&lt;&lt;&lt;----تدقق

مشكوووووور ترى انبسط اذا راح موضوعي للمميزة(لا والله)

مشكووووور

ام عين وعين
تجيك صرخه .. من قوتها ماتدرين وين مصدرها ..


مت عليها من الضحك

ام عين وعين تعالي شاليهنا ويجيك بجد العفريت
ولا يهمك اما الاستراحات ما افكر فيها الحقيقة للاسباب اللي قلتيها
وانا معاك تفالوا بالخير تجدوه تسلمين والله
برايفت:والله تراني اعزك
وبعد اضغط هنا زادت محبتك ومعزتك
ههههههههه

it's me
هلا والله اختي
والله تصدقين لو تدخلين وما تكتبين شيء بس انك تسجلين حضورك يشرفني
انا سعيدة بردك
وتسلمين اختي

[بـردان]

المدغبجه :)

الطير قال للمميزه .. وانا اقولها وبكل قوه بعد .. موضوعك خرافي .. :)

أحس من كتاباتك إنه صعب يحدك مكان أو زمان أو حتى خيال .. صعب يسيطر عليك قيد .. صعب يطوّع حرفك شي ماتبينه .. ومن كل هالصعوبات .. ينتج لنا كتابة في غاية السهولة :)

[المدغبجة]

برداااان

الله يسلمك
مشكووووووووووووووووووووور

[نوافي]

هلا اختي المدغبجه ..

ابصارحك بشي .. :) .. انا صرت اتعقد من المواضيع الطويله احيانا اشوف موضوع وش طوله واقعد اقرا فيه الين اخلصه وفي النهايه ما ادري وش الي قريته بالضبط يعني شي بدون هدف او معنى واتحسف على الوقت الي قعدت أقراه فيه ..

اول ماشفت موضوعك الله يستر بس خلنا نشوف المدغبجه قلمها رائع وما اعتقد راح تعطيني مقلب وكان لي ماتوقعت بصراحه روعه وما اجاملك اسلوبك مشوق بشكل مهوب طبيعي .. والحوار اكثر من رائع ..

الله يعطيك العافيه ويستاهل المميزه بقوه :)

[ناسي الأقلاع]

عزيزتي المدغبجة مقدر أقول الا موضوعة أكثر من ممتاز واللى كتابه مبدع وخياله واسع

أعجبني سردك للقصه وطرح الفكرة بهلاسلوب

الله يعطيك العافيه


والحمد لله اني رجال ;) ;) ;) ;) ;)

وأشووى ماقلتي الحماله مره علينا ومره عليكم :D :D :D :D :D

[بنت نجد]

<center>طيب سؤال ؟ :)
وين لقيتيه فيه هالمصباح ؟ ويوم طلعتيه وين رجعتيه ؟ في مكانه ولا وين ؟؟؟؟ :) :)
علمنييي ضروري .. ابي اشوف نفسي واحقق احلامي وطموحاتي &gt;&gt; امحق طموحات عندي :( :(
هههههههههههههه كلام جميل وسرد اجمل ضحتيني والله .. ولا عاد تروحون لشاليهات عشان ماتضيق صدوركم :( :(</center>

[رجة الرياض]

موضوع رائع رائع اختي المدغبجة

صراحه ما شاء الله عليك موضوع واسلوب وتطرقتي لمواضيع الواحد يفكر فيه من زمااااااان

مشكوره :D :D &lt;-- يوريها بياض سنونه

[عاشق الموج الازرق]

صراحه
موضوعك حلو
وحوارك أحلى
وأسلوبك فضيع
بس ابسألتس أنتي كنتي
متغطيه يومنك تنامين :D

[القصمنجيه]

آآآآآآآآآآآآآه.............
&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt; تقولها من قلب

قبل أي شي...يوم قريت موضوعك رحت على طول وسألت أختي
وقلت لها أنت مشتركة بالإقلاع باسم المدغبجة وأنا ما أدري.؟؟؟!!!
طبعا قالت لأ....

بعدين رحت كلمت صديقاتي وسألتهم نفس السؤال
بعد هم أنكروا..... :(

صدقيني يوم قريت موضوعك حسيت أننا نعرف بعض
وأنه أحلامنا وأفكارنا وحدة.... :)

أقولك شي ....
أنتي بموضوعك خليتي هذه الأحلام مستحيلة وصعبة
ولا يمكن تحقيقها....
شوفي حبيبتي :)
&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt; تقولها بعد من قلبها
في حديث قدسي يقول" أنا عند ظن عبدي بي...أن
خير فخير.. وأن شر فشـــــر "
وفي حديث عن الرسول صلى الله عليه وسلم يقول..
" تفاءلوا خيرا تجدوه "
غير الدعاء والأمل بالله... حتى بالأشياء الصغيرة والبسيطة
إذا كنتي مؤمنة بهذه الأحاديث رح يحققها ربي لك أن شاءالله

عشان كذا حبيبتي لا تيئسي ..واستمري احلمي واحملي
وخلي بعد أحلامك كبيرة وعظيمة....
وتأكدي أنه بيجي اليوم وتحققين كل اللي تبينه
وتتمنينه أن شاءالله :) :)

ومبروك المميزة.. :) تستاهلينها :)

وتحياتي.....

[هتان]

<center>الموضوع مميــّز فكر واسلوب ومنطق سهل يوصل بدون تكلف .. ويستحق يحجز له مقعد عند ضب الصمان :) :) </center><center>شدي حيلك ،، نبي مواضيع بهالمستوى واكثر .. ويسلمك يعيّشك :)</center>

[Ranz!sa]

http://www.eqla3.com/file/ubb/icons/icon91.gif هلا والله بالغاليه .. أنا والله أعزك بعد :D
&lt;------ ماصدقت لقت وحده معجبه بتنشب في حلقها
:D :D تراني أحب هالخشه ..
موضوع رائع .. بالله عليك لو ماهو رائع .. كان إنت بإسمك تخليه رائع هاهاهاهاها :D
&lt;--- برضو ماصدقت تلقى معجبه تلزق فيها ..
:D :D تراني أحب هالخشه ..
الله مير يسلمس .. بس ماقلتيلي .. وين مكان الابريق بالتحديد .. ماأبي أجي شاليهكم .. أبيك ترسمين لي كروكي
&lt;---- متأثرة بكروت الدعوة للزواجات . :D
خلاص .. ابي أروح لحالي ..
لا خلاص والله آسفه بأروح مع واحد من أخواني .. بس في الليل .. وأحط لمبه على جبهتي زي المستكشفين .. وبألبس بووت زي ماأدري والله بس نفسي وأنا أدور الابريق أكون لابسه بوت عموما لاتطولين في الرد علميني بسرعه :D
:D :D تراني أحب هالخشه ..

وثانكس ..
:D :D تراني أحب هالخشه ..

[المدغبجة]

توافي
هلا اخوي والله شرفني وجودك وردك بعد
الحقيقة الردود هذي هي اللي تفرحني مو بس المميزة
مشكووووور على كلامك والحمد لله انك ما ندمت على قرائتك للموضوع

ناسي الاقلاع
مشكووووووور الله يسلمك
اما الحمال مرة علينا ومرة عليكم ما فكرت فيها
((خربت على نفسك))
واسعدني وجودك

[المدغبجة]

بنت نجد
هلاااااااوغلااااااا وستمية مرحبة
صراحة المصباح اشوف عليه اقبال
&lt;&lt;&lt;&lt;------تحسفت انها رمته
بس ما يغلا عليك اول ما الاقيه برسله

تسلمين والله على وجودك معي


رجة الرياض
هلا اخوي وش اللي زين اسنونك اخبرها
<IMG SRC="cwm4.gif" border="0">

تسلم اخوي على ردك


عاشق الموج الازرق
الحين مالفت انتباهك في القصة الا هالسؤااااااال!!!!!!!!!!!!!!

احسبك بتسال عن الابريق

;)

تسلم اخوي على الرد


القصمنجية

هلاااااااااااااااا وغلاااااااااااا
وش انبسطت يوم شفتك راده
انا في محل اختك والله
حقيقة انا بعد كل ما تكتبين او تردين احس كانه انا اللي كاتبه
وودي نتواصل وارسلك الاميل حقي

بالنسبة لرؤيتك للموضوع جدا اعجبتني نظرتي له من زاوية ثانية ...تفكيرك ما شاء الله دايم يبهرني
&lt;&lt;&lt;&lt;------ملزمة على التواصل

اشكر لك حضورك ورد

:D :D :D


هتان
هلا اخوي اشكرك على المجاملة
اكيد صدت الاخطاء في القصة لانك كاتب قصص مميز
ومع هذا شجعتني
اكرر شكري

ام عين وعين

هلا والله بهالطلة
اذا جيتينا راح اخلي المكان من جنس الرجال
عشان تاخذين راحتك
والابريق ما عنه وعنك
والله يحقق لك احلامك من غير ابريق ولا منة عفريت

تسلمين والله وودي نتواصل

[XLi]

اخسسسسسسسسسسسسسسسسسسسس
اجل صرتوا تمونون على بعض الله يرجك
هههههههههههههههههههههههههههههههههههههههههه
شكل ذا العفريت زحفيشن بس كلمة حق بقولها
7
7
7
7
7
7
7
7
7
7
7
7
7
7
7
ترا اهلك صادقين يوم قالوا لاتسبحون
خخخخخخخخخخخخخخخخخخخخخخخخخخخخخخخخخ
7
7
7
7
7
7
7
7
اسلوب رائع في طرح الموضوع واتمنى لك التوفيق
7
7
7
7
7
اخوك :XLi

[شعنونه]

موضوع رائع ويستحق المميزة وبجدارة

وانا صراحة دخلت الموضوع عن طريق توقيع الاخت ام عين وعين على ما اعتقد :)

وفعلا حسيت نفسي اني وصلت المكان الصح :)

ويعطيك الف عافية وتسلسل الافكار في غاية الترتيب والدقة وتسلمين :)

[المــجــد]

<center>أختي المدغبجة ...
يا سيدة الإبداع ...
أهنئك فأنت تخطين نحو التميز بخطى ثابتة ...

موضوع جميل من ناحية سرده ...

فالقضايا التي يشعر بها النساء أنهن ناقصات فيها ويريدون تغييرها ...
مستحيلة التغيير وصعب تغييرها ...

لانها تخالف ديننا ...
وتخالف عادات مجتمعنا وثقافاته ...

المهم واحد يرضي نفسه ...

واضحك للدنيا تضحك لك :)</center>

[ماسك واقف راسه]

مساء الورد :)

يا جماعة الخير ملاحظه
و تكفون لاحد يطب فيني .. :)
&lt;&lt;حشا ملعب
الحين لازم اللي يردون يكتبون عشر طعشر
الف كلمه :( :(
يا جماعه ردو كذا

شكرا ..يعطيكي العافيه..موضوعك جاز لي
الى المميزه... :) :)&lt;&lt;يكفي
خلو الواحد يتحمس يقرا ردودكم
موب يتعيجز...كلكم رازين لي قصص حياتكم
و خذ يا تميلح..واللي تتمنى المارد يجيها واللي بتروح تدور عليه واللي بتقعد على البحر تحتريه ....و اخر شي بتقول له
عفروتي ...بليز ابي واحد اشقر :) :) :) :) :) :)
&lt;&lt;&lt;&lt;&lt;&lt;&lt;قسم بالله اشقر :) :) :) :) :)
ليش ماسك راسي يعني :) :)خايف من العين :D

يا جماعه لحد يزعل تراني امزح
:) :)الف الف شكر اختي...هذا الاقلاع و بس

[المدغبجة]

XLi


هلا اخوي مشكوووور على وجودك
برايفت
انا مشبه عليك الصورة اللي رازها جنب اسمك ماهيب غريبتن علي ابدا ابدا!!!!!!!
ممكن تذكرني فيك؟؟

شعنونة
هلا والله اختي
الله يسلمك ويسلم ام عين وعين
الحقيقة انا السعيدة بتواجدك في مووضوعي


المجد

هلا اخوي
والله والله احرجتني بكلامك
تسلم اخوي وماعليك زود

بيني وبينك
في اشياء ما هي صعبة اننا نغيرها بل تحتاج جهد فقط واتحاد وتعاون بيننا

وانا اعتقد بعض الامور حقوق حنا تنازلنا عنها بارادتنا
وانا مع القول

الحقوووووووووق تؤخذ ولا تعطى

وتسلم يااخوي


ماسك واقف راسه
الاسم صحيح؟؟؟
ماهوب واقف ماسك راسه؟؟
&lt;&lt;&lt;----بزعمها غيرت المعنى
---&gt;&gt;&gt;جايبة بنادول تحسبك مصدع
:D اشكرك على اخر كلمة والحقيقة فرحتني كثير
واللي فرحتي اكثر ان الموضوع نال اعجابك

[ابو سعود]

<font color="Blue">سلااااااااااااااام

يعطيكي العافية يااختي .. فكرة عرض الموضوع رائعة .. وفكرة الجني (مدحت الدين) حلوة بعد..

انا شخصيا مدري ان كانت النقاط اللى اثرتيها أضغاث أحلام .. أو انها كانت تلميحات .. أو طلبات حقيقيه ..(وان كنت استبعد)

عموما لي وجهات نظر بس بما اني ماأدري هل النقاط المطروحه .. مطروحه للنقاش أم لغيره ..

أكرر سكري على الموضوع اللطيف .. وبالتوفيق

:) :) </font>

[ازرق وابيض]

<font size="4"><center>
المدغبجه :)

فعلا انتي كاتبه متميزه..

وانا استمتعت بقراءة القصه لانها سلسه وسهله وما فيها تعقيد..

بس بالله وشوا هالشاليه بروح ادور مصباح علاء الدين هذا براسي كم طلب ابيهن منه ;) :D :D :D
خخخخخخخخخخخخخخخخخخخخخخخخ</center></font>

[المدغبجة]

هلا اخوي ابو سعود
اتمنى ان يجمعنا حوار لطيف ظريف
بلا نقد لمجرد النقد
او حوار لا ننتهي منه بشيء
اي انك تلقي ما تود قوله ولا تعود مرة اخرى

لا اهانك الله اخي (الله لا يهينك بالعامي)
لا تاخذ عني فكرة اني ضد الحوار او النقاش كل مواضيعي للحوار والنقاش وانا مؤمنة بتعدد الاراء
واختلافها الى درجة ان لا نلتقي في نقاط ولكن لا نفترق كلنا اعضاء واخوان
في مواضيعي خذ راحتك

الاحلام -----&gt; اهداف------&gt; الهدف نسعى لتحقيقه-----&gt; وان يكون لي هدف فهذا حق


والحقوق تؤخذ ولا تعطى


بعض ما في القصة احلام وليست اضغاث احلام

ملاحظة ان لم تكن النقاط للحوار فلماذا تكون ياترى؟؟؟ ها في مواضيعك نقاط لاهداف اخرى؟؟؟

انتظر وجودك مع قبولك لتعدد الاراء والافكار
وان ينتهي حوارنا بالشكر من كلا الاطراف لكلا الاطراف


ازرق وابيض
اشكرك اخوي على حضورك
ونور الموضوع
:D

[بنية نجد]

مرحبا
:)
يانااااس يلوموني فيك والله مواهب خطيرة انتي بصراحة :)
خيال رائع وواسع ماقول الا عيني عليك باردة يالغالية
فعلا موضوعك زي ماقالوا الاخوان والاخوات مميز
يعطيك العافية
ولاتحرمينا من الابداع :)
تقبلي تحياتي :)

[ماشي على جنب]

المدغبجه كانت مفاجأه ( ساره ) لي وانا اشوف اسمك في قائمة المواضيع قلت يا ولد اترك اللي بيدك وتفرغ للأبداع اللي بتلقاه مكتوب من ( سوير ) وصراحه فرحت اكثر لما لقيتك محصله المصباح حق علاء الدين قلت بس اذا خلصت منه بتعطيني اياه
المدغبجه او ... موضوع لو ما يروح المميزه راح اشجب واستنكر ويمكن اهدد بعد
اطروحاتك قمه في كل شيئ حتى افكارك كانت تستهدف اثبات ذات المرأه شكراً
ومزيد من الأبداعات الله يخليكي

[المدغبجة]

بنية نجد
الله يسلمك
والله اعجاب متبادل
انا بعد يعجبني اسلوبك وطريقتك
وشرفني كثير تواجد معي


ماشيء على جنب
هلا وغلا
اخوي نور الموضوع جد الحقيقة
ولا يهمك اول ما اصيده ثانيه بعطيك اياه
&lt;&lt;&lt;-----وهقت الخلق كل مين وعدته طعتيه الابريق
الله يخليك على مجاملتك يكفيني رايك هذا خلاص ماابي المميزة ;) :D :D

[الطير]

المدغبجه الموضوع مهوب طبيعي تراي كل يوم افتحه اتفرج عليه
حرام انقله للمميزه نبيهم يجون للجاده يقرونه اصبري شي
نبي نتغلا فيه عليهم :)

[ 06-09-2001: تم تعديل الموضوع بواسطة : الطير ]

[المدغبجة]

الطير

شكراااااااااا الف ( على وزن مرحبا الف)

اخوي الموضوع موضوعك حتى لو مانقلته هو هنا في المميزة

&lt;&lt;&lt;----بدت تعذر اللي حاطين شعار فيه اسمك

[الــــغــــادي]

مشكوره اختي المدغجه على ذا القصه الحلوووووووووووووووووووووه مرررررررررررررره ونشوف منك كل جديد اخوكي الــــــــــــغـــــــــــــــادي

[قرن ابليس]

الله الله الله
والله هذا من المواضيع اللي ممكن تنحط بأي منتدى

الجاده

العام

العام اللي قبله :D

اخر نكته

العيارين

الهلاليين :confused:

الماصله :D

حكي الاولين &lt;===لعلاقته بعلاء الدين :D

المميزه
8
8
8
8
&gt;&gt;&gt;&gt;هذي هي ذا بوينت
ولله تستاهلينها
تسلم يدك على هالابداع

دايم الشوق :D

[طلال]

المدغبجة:

موضوع جداً رائع رائع رائع وأشكر نديم على وضع (( دعاية للموضوع )) في توقيعه وكم دفعتي له حتى وضعه كتوقيع !!!!

خيااااااالك واااااسع جداً وأتمنى تكون الطلبات التي ذكرتيها من باب المداعبة وليست طلبات حقيقية لكي كإمرأة وخاصة السباحة ودباب البحر وتحولك لرجل ووووو الخ

وتحياتي لك يامدغبجة وسوي رجيم علشان تسيري نحيفة ويجيلك عريس على طووووول.

[نشــــ فرح ــــوة]

هلا بأختي المدغبجة ..
لي كلمتين بقولها ..
الاولى بس لا تقولين قديمة: بصراحة الفكرة حلوووووة والحوار احلى واحلى ودايم انت مبدعة الله لا يحرمنا منك ( الجادة )
الثانية : لي ملاحظة قلت (طلبت من الجني ) انك تبين تسوقين ( قيادة السيارة ) عندها توقفت شوي .. أولا احنا كبنات مسلمات يفترض انا ما نفكر في هذا الشي طبعا بحكم فتوى العلماء فيه " ما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم " بل يجب أن نقول " سمعنا وأطعنا غفرانك ربنا وإليك المصير "
وبعدين الاسلام كرم المراة بصفتها بنت وام وزوجة واخت .. فأوجب على الرجال خدمتها ..- ما لنا وللتعب -
هذا ما أردت التعليق به ..
ولك جزيل شكري وامتناني .......Text

[ابو سعود]

<font color="Blue">سلاااااااااااااام

يعطيكي العافية ياأختي ..

في أعضاء يكتبوا مواضيع .. واذا جينا وناقشناهم فيها يردوا ويقولوا .. حنا ماكنا نقصد الكلام اللي في الموضوع .. تراها مجرد خاطرة .. انا قلت يمكن انتي وحده منهم ..

عرفتي ليش سألتك عن رغبتك في النقاش؟؟
____________________

تقولي لايكون نقدك لمجرد النقد ..

أوكي كلام معقول .. بس ليش في المقابل ماقلتي .. لاتمدحني لمجرد المدح؟؟؟!!!!
____________________

انا عاشق للنقاشات الهادئه .. مع ناس متفهمة .. بشرط اني ماأضطر أزيد جرعة المجاملة عن الحد المعقول .. وبشرط ان الاحترام موجود.. ولكن..

عادة ماأحب أدخل مع أحد في نفاشات اذا كان رايي وراي الطرف الاخر متباعدين كالشرق والغرب..
وللأسف يظهر ان في أشياء مستحيل نتفق فيها..
________________

تقولي اني لازم اتقبل تعدد الأفكار .. وانا أقولك انى اتقبل تعدد الأفكار .. ولكني منيب ملزم اني أتقبل الأفكار نفسها .. لأني ببساطة منيب امعة..
________________

تقولي ان الأحلام هي الأهداف .. وانا أقول ان الهدف يكون بالامكان تحقيقه .. اما الحلك فأحيانا يكون من المستحيل تحقيقه..
________________

قلتي ان المرأة زي الرجل!!!!!

صراحة مافهمت المقصود .. لأني حسب علمي أعرف انه في فروق كثيره بين الرجل والمرأة .. مثل القوامة .. والحجاب .. والصلاة في المسجد .. والورث .. الخ ..
فمهوب مفقوا اني أصلي في البيت بحجة اني أمي تصلي في البيت .. وأقول انا زي المرأة..

وفي أمور أخرى يشنرك فيها الرجل والمرأة مثل تحريم الربا .. والزنا .. وشرب الخمر .. الخ

عاد يمكن كنتي تقصدي انك تبغي رجال يقدرون المرأة ويحترموها .. ومايقللوا من شانها .. وهذا مطلب مهم .. وواجب علينا ..

ياليتك وضحتي كلامك أكثر ..
__________________

تقولي انك تبي تسوقين .. اذا قصدك انم اذا طلعت مع أهلك البر تسوفين هناك .. أقول معقولة .. اما اذا قصدك انك ودم في سيارة وتداومين بيها .. قهذا رأيك .. وانا ضده تماما ..

أولا لأني ماأتوقع انه يجوز .. لأنه مثير للفتن ..

ثانيا بلادنا ماصارت عاصمة اسلامية يحترمها الجميع الا لوجود الحرمين الشريفين والمشاعر .. وتحجب نسائنا .. وانتشار المساجد.. وعدم سواقة المرأة .. وبعض الأمور الأخرى التي تختص بها بلادنا..

ثالثا حتى نساء الغرب .. السواقة مهيب منتشرة بينهم بالصوره المتوقعة .. لأنهم عرفوا أضرارها ومخاطرها عليهم ..

رابعا .. الله سبحانه وتعالى يقول:
( وقرن في بيوتكن)
ماأتوقع انه يحتاج تعليق ..
__________________

أخيرا الموضوع فكرته حلوة .. وأكرر اعجابي بالأخ علاء الدين .. خاصة اني اتفقت مع ردوده أكثر من اتفاقي مع طلباتك ..

قبل لا أمشى .. ويش سالفة اني أجي اكتب ردي وأمشى؟؟ ..

مشكووووره .. وبالتوفيق .. ومبروك المميزة مقدما</font>

[متحدثه رسميه]

<center><font color="Purple">

غاليتي المدغبجه الحواااااار خرافي بصراحه..

ولاحظي انو تحققت لنا جزء من المساوااااه لما صار فيه مصباح ساره :)
يعني العيال ماصاروا يزيدون عننا بأي شي :) زي مالهم علاء الدين والمصباح صار عندنا ساره والمصباح :)....

موضوعك يرمي لأشياء فعلاً نحتاجها ..تسلم يمناك على الموضوع..

تحياتي :) :) :)</font>

http://hattan.net/cards/Card1.jpg </center>

[الطير]

<center>-


--------<font size="4">قمت هالمرة اضحك واصيح من الروعة وش ذا وصوتي اختفى ما اقدر انادي احد</font>
:) براعه بالوصف .....تدرين اني وصفتي الصدمه والخوف بشكل علمي....
انتي دارسه علم النفس يابنت ؟ ;)
-----<font size="5">وفي السعودية اكيد تبي يا عريس يا اسئلة اختبار يا سفرة يا حفلة تخرج )</font>
ههههههههه
والله قهر .....يعني بس هذي اقصي احلام البنات .
ضعيفات والله ...

<font size="5">-قلت :ابي هالقرية الرجل يعرف انه زي المرأة
قال:عشتوا!!!!! وش هالخرابيط؟؟
تبين تغير سنة الحياة؟؟
-</font>
والله العفريت فاهم الغلط...
لانه سنه الحياه الانسان يحترم الانسان سواء رجل ولا امرأه
<font size="5">-: يا عفريت ابيك توديني لمدينة
المجتمع فيها كله مسلمين ما فيها حروب ولا اذية والقلوب نقية ومتسامحين كل مين ماخذ حقة وكل مين حر ما فيها ظلم ولا نفاق.-</font>
لحووووول
نشب فيك هالعفريت ....

--------
ياختي اسلوبك ...ودمك خفيف :)ماشاء الله :)
تم نقل نسخه من الموضوع الي المميزه :)يالله نبي نفرج عنه اخير :)
-</center>

[بنت أمى]

حبيت اسير<font size="2">Text</font> <IMG SRC="cwm16.gif" border="0"> <IMG SRC="cwm16.gif" border="0"> <IMG SRC="cwm6.gif" border="0">

[المدغبجة]

بنت امها
هلا وغلا اختي
سامحيني ما رديت عليك في الموضوع الاول لسبب اني ارد في منتدى الجادة وما ارد هنا كل يوم تلاقيني مرابطة هناك
اسفة جداجدا على التاخير وتسلمين والله

ونور الاقلاع بوجودك معنا

[ثورة الشك]

<font color="Purple">المدغبجه</font>

قبل كل شي خليني ابارك للمتميزه إحتوائها موضوعك :)

تدرين المدغبجه
تصويرك حيل قوي وإسلوبك في نقل الحقائق خيااالي

المدغبجه فيه كاتب كانت تستهويني أفكاره إسمه حسن الألفي قريب له يمكن روايتين كان إسلوبه حلو في التصوير.. الحين تدرين انا بعترف لك مو بس حسن الألفي القادر على إنه يشدني بروايته بعد انتي .. فعلا المدغبجه ماهي مجامله فعلا فعلا فعلا المتميزه تستاهل وجودك

الله يارب يحفظك إنشاء الله

[عطر النسيان]

<center> تسلم يمينك (( اذا كنتي تكتبيين باليميين </center>


<center> صراحه قصه خياليه روعه </center> ;)

[المدغبجة]

ثورة الشك
هلا اخوي الله يسلمك
من جد شرفني حضورك وتواجدك في موضوعي
اخوي مشكور على المجاملة
وحقيقة انت ترفع معنوياتي دائما

اكرر شكري


عطر النسيان

هلا الحقيقة اكتب في ديني الاثنين خبرك الكي بورد

تسلم اخوي على توجدك في موضوعي

[ضايع في الطوشه]

يعطيك الف عافيه يالمدغبجه.....

بصراحــــــــــــــه انا ماسجلت في هالمنتدى الا عشان ارد على موااضيعك الشيقه والدليل هذي اول مشاركه لي في المنتدى والجاي اكثر .. مواضيعك جدا شيقه ولو ان لي تحفظ على كذا نقطه في كذا موضوع لكن لابد من الإشاده في اسلوب طرحك للموضوع .. أتمنى انك تتحفينا بهالمواضيع .. عشان اتحفك بالردووود <IMG SRC="cwm20.gif" border="0"> ...... <font size="5">يعطيك الف عافيه يالمدغبجه.....</font>

[ضايع في الطوشه]

يعطيك الف عافيه يالمدغبجه.....

بصراحــــــــــــــه انا ماسجلت في هالمنتدى الا عشان ارد على موااضيعك الشيقه والدليل هذي اول مشاركه لي في المنتدى والجاي اكثر .. مواضيعك جدا شيقه ولو ان لي تحفظ على كذا نقطه في كذا موضوع لكن لابد من الإشاده في اسلوب طرحك للموضوع .. أتمنى انك تتحفينا بهالمواضيع .. عشان اتحفك بالردووود <IMG SRC="cwm20.gif" border="0"> ...... <font size="5">يعطيك الف عافيه يالمدغبجه.....</font>

[مشوت الضفادع]

المقلعه بقوه دغبوجه والله العظيم اني تخيلتكم انتي وياه قاعدين وانا اقرى والمنظر قدامي صحيح اني تعديت نص الموضوع وايديني بين الماوس وبطني من الضحك لكن رهيييييييييييييييه يادغبوجه على فكره هما عندكم شاليه يعني بنت نعمه وانااقول ليه مدغبجه المفروض دامك بنت نعمه تقوليله يوم قال شبيك لبيك امري وش تبي كان قلتي انت اللي وش تبي

[مشوت الضفادع]

المقلعه بقوه دغبوجه والله العظيم اني تخيلتكم انتي وياه قاعدين وانا اقرى والمنظر قدامي صحيح اني تعديت نص الموضوع وايديني بين الماوس وبطني من الضحك لكن رهيييييييييييييييه يادغبوجه على فكره هما عندكم شاليه يعني بنت نعمه وانااقول ليه مدغبجه المفروض دامك بنت نعمه تقوليله يوم قال شبيك لبيك امري وش تبي كان قلتي انت اللي وش تبي <IMG SRC="cwm32.gif" border="0"> <IMG SRC="cwm32.gif" border="0"> <IMG SRC="cwm32.gif" border="0"> <IMG SRC="cwm32.gif" border="0"> <IMG SRC="cwm32.gif" border="0"> <IMG SRC="cwm32.gif" border="0"> <IMG SRC="cwm32.gif" border="0"> <IMG SRC="cwm32.gif" border="0">

[شكشوكه بدون بيض]

تسلم الإيدين الحلوه الي كتبت القصه
والله ما أدري أصيح ولا أضحك لكن سويتهن كلهن ;) <IMG SRC="cwm22.gif" border="0">

[المدغبجة]

ضايع في الطوشة
الله يسلمك اخوي
والله اسعدني وجودك وشرفني انك ترد على مواضيعي
ونور الموقعاقولها لك بالاصالة عن نفسي وبالنيابة عن كل الاعضاء

مشوت الضفادع
ههههههههههههه

المرة الجاية بقوله لا تخاف
ههههههههههههه

الله يسلمك ويحيك

شكشوكة بدون بيض
اسمك تحفة

اخوي الله يسلمك ويعافيك
نور موضوعي

[المـهوي]

ســــــــــأره موضوع رهيب ومكانه هنا المتيزه بس عاد ترا فيه شي ما اعجبني : مارد وقعيطي طلب واحد بس :)
كان رجعتيه ثانيه هو وجهه :) متميزه :)

[المدغبجة]

المهوي

هلا اخوي من ناحية قعيطي فهو قعيطي الله لا يرده
تسلم اخوي

[منتدى الأسرة]

http://cwm.ragesofsanity.com/cwm/cwm/freak1.gif